| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. වත්‌ථදායකත්‌ථෙරඅපදානං
7. Vatthadāyakattheraapadānaṃ
45.
45.
‘‘පක්‌ඛිජාතො තදා ආසිං, සුපණ්‌ණො ගරුළාධිපො;
‘‘Pakkhijāto tadā āsiṃ, supaṇṇo garuḷādhipo;
අද්‌දසං විරජං බුද්‌ධං, ගච්‌ඡන්‌තං ගන්‌ධමාදනං.
Addasaṃ virajaṃ buddhaṃ, gacchantaṃ gandhamādanaṃ.
46.
46.
‘‘ජහිත්‌වා ගරුළවණ්‌ණං, මාණවකං අධාරයිං;
‘‘Jahitvā garuḷavaṇṇaṃ, māṇavakaṃ adhārayiṃ;
එකං වත්‌ථං මයා දින්‌නං, ද්‌විපදින්‌දස්‌ස තාදිනො.
Ekaṃ vatthaṃ mayā dinnaṃ, dvipadindassa tādino.
47.
47.
‘‘තඤ්‌ච දුස්‌සං පටිග්‌ගය්‌හ, බුද්‌ධො ලොකග්‌ගනායකො;
‘‘Tañca dussaṃ paṭiggayha, buddho lokagganāyako;
අන්‌තලික්‌ඛෙ ඨිතො සත්‌ථා, ඉමා ගාථා අභාසථ.
Antalikkhe ṭhito satthā, imā gāthā abhāsatha.
48.
48.
‘‘‘ඉමිනා වත්‌ථදානෙන, චිත්‌තස්‌ස පණිධීහි ච;
‘‘‘Iminā vatthadānena, cittassa paṇidhīhi ca;
පහාය ගරුළං යොනිං, දෙවලොකෙ රමිස්‌සති’.
Pahāya garuḷaṃ yoniṃ, devaloke ramissati’.
49.
49.
‘‘අත්‌ථදස්‌සී තු භගවා, ලොකජෙට්‌ඨො නරාසභො;
‘‘Atthadassī tu bhagavā, lokajeṭṭho narāsabho;
වත්‌ථදානං පසංසිත්‌වා, පක්‌කාමි උත්‌තරාමුඛො.
Vatthadānaṃ pasaṃsitvā, pakkāmi uttarāmukho.
50.
50.
‘‘භවෙ නිබ්‌බත්‌තමානම්‌හි, හොන්‌ති මෙ වත්‌ථසම්‌පදා;
‘‘Bhave nibbattamānamhi, honti me vatthasampadā;
ආකාසෙ ඡදනං හොති, වත්‌ථදානස්‌සිදං ඵලං.
Ākāse chadanaṃ hoti, vatthadānassidaṃ phalaṃ.
51.
51.
ඡත්‌තිංසතිම්‌හි ආසිංසු, කප්‌පම්‌හි මනුජාධිපා.
Chattiṃsatimhi āsiṃsu, kappamhi manujādhipā.
52.
52.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා වත්‌ථදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā vatthadāyako thero imā gāthāyo abhāsitthāti.
වත්‌ථදායකත්‌ථෙරස්‌සාපදානං සත්‌තමං.
Vatthadāyakattherassāpadānaṃ sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 7. වත්‌ථදායකත්‌ථෙරඅපදානවණ්‌ණනා • 7. Vatthadāyakattheraapadānavaṇṇanā
