| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. вад̇т̇ад̣̇ааяагад̇т̇зраабад̣̇аанаван̣н̣анаа
7. Vatthadāyakattheraapadānavaṇṇanā
багкиж̇аад̇о д̇ад̣̇аа аасинд̇иаад̣̇игам̣ ааяасмад̇о вад̇т̇ад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о ад̇т̇ад̣̇ассисса бхаг̇авад̇о гаалз субан̣н̣аяонияам̣ ниб̣б̣ад̇д̇о г̇анд̇хамаад̣̇анабаб̣б̣ад̇ам̣ г̇ажчанд̇ам̣ ад̇т̇ад̣̇ассим̣ бхаг̇аванд̇ам̣ д̣̇исваа басаннамаанасо субан̣н̣аван̣н̣ам̣ виж̇ахид̇ваа маан̣авагаван̣н̣ам̣ нимминид̇ваа махаг̇гхам̣ д̣̇иб̣б̣авад̇т̇ам̣ аад̣̇ааяа бхаг̇аванд̇ам̣ бууж̇зси. соби бхаг̇аваа бадиг̇г̇ахзд̇ваа анумод̣̇анам̣ вад̇ваа баггаами. со д̇знзва соманассзна вийд̇инаамзд̇ваа яаавад̇ааяугам̣ тад̇ваа д̇ад̇о жуд̇о д̣̇звалогз ниб̣б̣ад̇д̇о д̇ад̇т̇а абараабарам̣ сам̣саранд̇о бун̃н̃аани анубхавид̇ваа д̇ад̇о мануссзсу мануссасамбад̇д̇инд̇и саб̣б̣ад̇т̇а махаг̇гхам̣ вад̇т̇аабхаран̣ам̣ лад̣̇д̇хам̣, д̇ад̇о уббаннуббаннабхавз вад̇т̇ажчааяааяа г̇ад̇аг̇ад̇адтаанз васанд̇о имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басийд̣̇ид̇ваа баб̣б̣аж̇ид̇о нажирассзва чал̣абхин̃н̃аббад̇д̇акийн̣аасаво ахоси, буб̣б̣з гад̇абун̃н̃анаамзна вад̇т̇ад̣̇ааяагад̇т̇зрод̇и баагадо.
Pakkhijātotadā āsintiādikaṃ āyasmato vatthadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle supaṇṇayoniyaṃ nibbatto gandhamādanapabbataṃ gacchantaṃ atthadassiṃ bhagavantaṃ disvā pasannamānaso supaṇṇavaṇṇaṃ vijahitvā māṇavakavaṇṇaṃ nimminitvā mahagghaṃ dibbavatthaṃ ādāya bhagavantaṃ pūjesi. Sopi bhagavā paṭiggahetvā anumodanaṃ vatvā pakkāmi. So teneva somanassena vītināmetvā yāvatāyukaṃ ṭhatvā tato cuto devaloke nibbatto tattha aparāparaṃ saṃsaranto puññāni anubhavitvā tato manussesu manussasampattinti sabbattha mahagghaṃ vatthābharaṇaṃ laddhaṃ, tato uppannuppannabhave vatthacchāyāya gatagataṭṭhāne vasanto imasmiṃ buddhuppāde ekasmiṃ kulagehe nibbatto viññutaṃ patto satthari pasīditvā pabbajito nacirasseva chaḷabhiññappattakhīṇāsavo ahosi, pubbe katapuññanāmena vatthadāyakattheroti pākaṭo.
45. со ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о багкиж̇аад̇о д̇ад̣̇аа аасинд̇иаад̣̇имааха. д̇ад̇т̇а багкиж̇аад̇од̇и багканд̣̇ад̇и убалавад̇и сагун̣о зд̇знаад̇и багкам̣, багкамасса ад̇т̇ийд̇и багкий, багкияонияам̣ ж̇аад̇о ниб̣б̣ад̇д̇од̇и ад̇т̇о. субан̣н̣од̇и сунд̣̇арам̣ бан̣н̣ам̣ бад̇д̇ам̣ яасса со субан̣н̣о, ваад̇аг̇г̇аахасуван̣н̣аван̣н̣аж̇аламаанабад̇д̇амахаабхаарод̇и ад̇т̇о. г̇арул̣аад̇хибод̇и нааг̇з г̇ан̣ханад̇т̇ааяа г̇арум̣ бхаарам̣ баасаан̣ам̣ г̇ил̣анд̇ийд̇и г̇арул̣аа, г̇арул̣аанам̣ ад̇хибо рааж̇аад̇и г̇арул̣аад̇хибо, вираж̇ам̣ б̣уд̣̇д̇хам̣ ад̣̇д̣̇асааханд̇и самб̣анд̇хо.
45. So attano pubbakammaṃ saritvā somanassajāto pubbacaritāpadānaṃ pakāsento pakkhijāto tadā āsintiādimāha. Tattha pakkhijātoti pakkhandati upalavati sakuṇo etenāti pakkhaṃ, pakkhamassa atthīti pakkhī, pakkhiyoniyaṃ jāto nibbattoti attho. Supaṇṇoti sundaraṃ paṇṇaṃ pattaṃ yassa so supaṇṇo, vātaggāhasuvaṇṇavaṇṇajalamānapattamahābhāroti attho. Garuḷādhipoti nāge gaṇhanatthāya garuṃ bhāraṃ pāsāṇaṃ giḷantīti garuḷā, garuḷānaṃ adhipo rājāti garuḷādhipo, virajaṃ buddhaṃ addasāhanti sambandho.
вад̇т̇ад̣̇ааяагад̇т̇зраабад̣̇аанаван̣н̣анаа самад̇д̇аа.
Vatthadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. вад̇т̇ад̣̇ааяагад̇т̇зраабад̣̇аанам̣ • 7. Vatthadāyakattheraapadānaṃ
