| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. વਤ੍ਥਦਾਯਕਤ੍ਥੇਰਅਪਦਾਨવਣ੍ਣਨਾ
7. Vatthadāyakattheraapadānavaṇṇanā
ਪਕ੍ਖਿਜਾਤੋ ਤਦਾ ਆਸਿਨ੍ਤਿਆਦਿਕਂ ਆਯਸ੍ਮਤੋ વਤ੍ਥਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ ਸੁਪਣ੍ਣਯੋਨਿਯਂ ਨਿਬ੍ਬਤ੍ਤੋ ਗਨ੍ਧਮਾਦਨਪਬ੍ਬਤਂ ਗਚ੍ਛਨ੍ਤਂ ਅਤ੍ਥਦਸ੍ਸਿਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਸੁਪਣ੍ਣવਣ੍ਣਂ વਿਜਹਿਤ੍વਾ ਮਾਣવਕવਣ੍ਣਂ ਨਿਮ੍ਮਿਨਿਤ੍વਾ ਮਹਗ੍ਘਂ ਦਿਬ੍ਬવਤ੍ਥਂ ਆਦਾਯ ਭਗવਨ੍ਤਂ ਪੂਜੇਸਿ। ਸੋਪਿ ਭਗવਾ ਪਟਿਗ੍ਗਹੇਤ੍વਾ ਅਨੁਮੋਦਨਂ વਤ੍વਾ ਪਕ੍ਕਾਮਿ। ਸੋ ਤੇਨੇવ ਸੋਮਨਸ੍ਸੇਨ વੀਤਿਨਾਮੇਤ੍વਾ ਯਾવਤਾਯੁਕਂ ਠਤ੍વਾ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤੋ ਤਤ੍ਥ ਅਪਰਾਪਰਂ ਸਂਸਰਨ੍ਤੋ ਪੁਞ੍ਞਾਨਿ ਅਨੁਭવਿਤ੍વਾ ਤਤੋ ਮਨੁਸ੍ਸੇਸੁ ਮਨੁਸ੍ਸਸਮ੍ਪਤ੍ਤਿਨ੍ਤਿ ਸਬ੍ਬਤ੍ਥ ਮਹਗ੍ਘਂ વਤ੍ਥਾਭਰਣਂ ਲਦ੍ਧਂ, ਤਤੋ ਉਪ੍ਪਨ੍ਨੁਪ੍ਪਨ੍ਨਭવੇ વਤ੍ਥਚ੍ਛਾਯਾਯ ਗਤਗਤਟ੍ਠਾਨੇ વਸਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਛਲ਼ਭਿਞ੍ਞਪ੍ਪਤ੍ਤਖੀਣਾਸવੋ ਅਹੋਸਿ, ਪੁਬ੍ਬੇ ਕਤਪੁਞ੍ਞਨਾਮੇਨ વਤ੍ਥਦਾਯਕਤ੍ਥੇਰੋਤਿ ਪਾਕਟੋ।
Pakkhijātotadā āsintiādikaṃ āyasmato vatthadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle supaṇṇayoniyaṃ nibbatto gandhamādanapabbataṃ gacchantaṃ atthadassiṃ bhagavantaṃ disvā pasannamānaso supaṇṇavaṇṇaṃ vijahitvā māṇavakavaṇṇaṃ nimminitvā mahagghaṃ dibbavatthaṃ ādāya bhagavantaṃ pūjesi. Sopi bhagavā paṭiggahetvā anumodanaṃ vatvā pakkāmi. So teneva somanassena vītināmetvā yāvatāyukaṃ ṭhatvā tato cuto devaloke nibbatto tattha aparāparaṃ saṃsaranto puññāni anubhavitvā tato manussesu manussasampattinti sabbattha mahagghaṃ vatthābharaṇaṃ laddhaṃ, tato uppannuppannabhave vatthacchāyāya gatagataṭṭhāne vasanto imasmiṃ buddhuppāde ekasmiṃ kulagehe nibbatto viññutaṃ patto satthari pasīditvā pabbajito nacirasseva chaḷabhiññappattakhīṇāsavo ahosi, pubbe katapuññanāmena vatthadāyakattheroti pākaṭo.
੪੫. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਕ੍ਖਿਜਾਤੋ ਤਦਾ ਆਸਿਨ੍ਤਿਆਦਿਮਾਹ। ਤਤ੍ਥ ਪਕ੍ਖਿਜਾਤੋਤਿ ਪਕ੍ਖਨ੍ਦਤਿ ਉਪਲવਤਿ ਸਕੁਣੋ ਏਤੇਨਾਤਿ ਪਕ੍ਖਂ, ਪਕ੍ਖਮਸ੍ਸ ਅਤ੍ਥੀਤਿ ਪਕ੍ਖੀ, ਪਕ੍ਖਿਯੋਨਿਯਂ ਜਾਤੋ ਨਿਬ੍ਬਤ੍ਤੋਤਿ ਅਤ੍ਥੋ। ਸੁਪਣ੍ਣੋਤਿ ਸੁਨ੍ਦਰਂ ਪਣ੍ਣਂ ਪਤ੍ਤਂ ਯਸ੍ਸ ਸੋ ਸੁਪਣ੍ਣੋ, વਾਤਗ੍ਗਾਹਸੁવਣ੍ਣવਣ੍ਣਜਲਮਾਨਪਤ੍ਤਮਹਾਭਾਰੋਤਿ ਅਤ੍ਥੋ। ਗਰੁਲ਼ਾਧਿਪੋਤਿ ਨਾਗੇ ਗਣ੍ਹਨਤ੍ਥਾਯ ਗਰੁਂ ਭਾਰਂ ਪਾਸਾਣਂ ਗਿਲ਼ਨ੍ਤੀਤਿ ਗਰੁਲ਼ਾ, ਗਰੁਲ਼ਾਨਂ ਅਧਿਪੋ ਰਾਜਾਤਿ ਗਰੁਲ਼ਾਧਿਪੋ, વਿਰਜਂ ਬੁਦ੍ਧਂ ਅਦ੍ਦਸਾਹਨ੍ਤਿ ਸਮ੍ਬਨ੍ਧੋ।
45. So attano pubbakammaṃ saritvā somanassajāto pubbacaritāpadānaṃ pakāsento pakkhijāto tadā āsintiādimāha. Tattha pakkhijātoti pakkhandati upalavati sakuṇo etenāti pakkhaṃ, pakkhamassa atthīti pakkhī, pakkhiyoniyaṃ jāto nibbattoti attho. Supaṇṇoti sundaraṃ paṇṇaṃ pattaṃ yassa so supaṇṇo, vātaggāhasuvaṇṇavaṇṇajalamānapattamahābhāroti attho. Garuḷādhipoti nāge gaṇhanatthāya garuṃ bhāraṃ pāsāṇaṃ giḷantīti garuḷā, garuḷānaṃ adhipo rājāti garuḷādhipo, virajaṃ buddhaṃ addasāhanti sambandho.
વਤ੍ਥਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Vatthadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. વਤ੍ਥਦਾਯਕਤ੍ਥੇਰਅਪਦਾਨਂ • 7. Vatthadāyakattheraapadānaṃ
