| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੩. વਤ੍ਥਗੁਯ੍ਹਨਿਦਸ੍ਸਨਪਞ੍ਹੋ
3. Vatthaguyhanidassanapañho
੩. ‘‘ਭਨ੍ਤੇ ਨਾਗਸੇਨ, ਭਾਸਿਤਮ੍ਪੇਤਂ ਤਥਾਗਤੇਨ –
3. ‘‘Bhante nāgasena, bhāsitampetaṃ tathāgatena –
ਮਨਸਾ ਸਂવਰੋ ਸਾਧੁ, ਸਾਧੁ ਸਬ੍ਬਤ੍ਥ ਸਂવਰੋ’ਤਿ॥
Manasā saṃvaro sādhu, sādhu sabbattha saṃvaro’ti.
‘‘ਪੁਨ ਚ ਤਥਾਗਤੋ ਚਤੁਨ੍ਨਂ ਪਰਿਸਾਨਂ ਮਜ੍ਝੇ ਨਿਸੀਦਿਤ੍વਾ ਪੁਰਤੋ ਦੇવਮਨੁਸ੍ਸਾਨਂ ਸੇਲਸ੍ਸ ਬ੍ਰਾਹ੍ਮਣਸ੍ਸ ਕੋਸੋਹਿਤਂ વਤ੍ਥਗੁਯ੍ਹਂ ਦਸ੍ਸੇਸਿ। ਯਦਿ, ਭਨ੍ਤੇ ਨਾਗਸੇਨ, ਭਗવਤਾ ਭਣਿਤਂ ‘ਕਾਯੇਨ ਸਂવਰੋ ਸਾਧੂ’ਤਿ, ਤੇਨ ਹਿ ਸੇਲਸ੍ਸ ਬ੍ਰਾਹ੍ਮਣਸ੍ਸ ਕੋਸੋਹਿਤਂ વਤ੍ਥਗੁਯ੍ਹਂ ਦਸ੍ਸੇਸੀਤਿ ਯਂ વਚਨਂ, ਤਂ ਮਿਚ੍ਛਾ। ਯਦਿ ਸੇਲਸ੍ਸ ਬ੍ਰਾਹ੍ਮਣਸ੍ਸ ਕੋਸੋਹਿਤਂ વਤ੍ਥਗੁਯ੍ਹਂ ਦਸ੍ਸੇਤਿ, ਤੇਨ ਹਿ ‘ਕਾਯੇਨ ਸਂવਰੋ ਸਾਧੂ’ਤਿ ਤਮ੍ਪਿ વਚਨਂ ਮਿਚ੍ਛਾ। ਅਯਮ੍ਪਿ ਉਭਤੋ ਕੋਟਿਕੋ ਪਞ੍ਹੋ ਤવਾਨੁਪ੍ਪਤ੍ਤੋ, ਸੋ ਤਯਾ ਨਿਬ੍ਬਾਹਿਤਬ੍ਬੋ’’ਤਿ।
‘‘Puna ca tathāgato catunnaṃ parisānaṃ majjhe nisīditvā purato devamanussānaṃ selassa brāhmaṇassa kosohitaṃ vatthaguyhaṃ dassesi. Yadi, bhante nāgasena, bhagavatā bhaṇitaṃ ‘kāyena saṃvaro sādhū’ti, tena hi selassa brāhmaṇassa kosohitaṃ vatthaguyhaṃ dassesīti yaṃ vacanaṃ, taṃ micchā. Yadi selassa brāhmaṇassa kosohitaṃ vatthaguyhaṃ dasseti, tena hi ‘kāyena saṃvaro sādhū’ti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ‘ਕਾਯੇਨ ਸਂવਰੋ ਸਾਧੂ’ਤਿ, ਸੇਲਸ੍ਸ ਚ ਬ੍ਰਾਹ੍ਮਣਸ੍ਸ ਕੋਸੋਹਿਤਂ વਤ੍ਥਗੁਯ੍ਹਂ ਦਸ੍ਸਿਤਂ। ਯਸ੍ਸ ਖੋ, ਮਹਾਰਾਜ, ਤਥਾਗਤੇ ਕਙ੍ਖਾ ਉਪ੍ਪਨ੍ਨਾ, ਤਸ੍ਸ ਬੋਧਨਤ੍ਥਾਯ ਭਗવਾ ਇਦ੍ਧਿਯਾ ਤਪ੍ਪਟਿਭਾਗਂ ਕਾਯਂ ਦਸ੍ਸੇਤਿ, ਸੋ ਯੇવ ਤਂ ਪਾਟਿਹਾਰਿਯਂ ਪਸ੍ਸਤੀ’’ਤਿ।
‘‘Bhāsitampetaṃ, mahārāja, bhagavatā ‘kāyena saṃvaro sādhū’ti, selassa ca brāhmaṇassa kosohitaṃ vatthaguyhaṃ dassitaṃ. Yassa kho, mahārāja, tathāgate kaṅkhā uppannā, tassa bodhanatthāya bhagavā iddhiyā tappaṭibhāgaṃ kāyaṃ dasseti, so yeva taṃ pāṭihāriyaṃ passatī’’ti.
‘‘ਕੋ ਪਨੇਤਂ, ਭਨ੍ਤੇ ਨਾਗਸੇਨ, ਸਦ੍ਦਹਿਸ੍ਸਤਿ, ਯਂ ਪਰਿਸਗਤੋ ਏਕੋ ਯੇવ ਤਂ ਗੁਯ੍ਹਂ ਪਸ੍ਸਤਿ, ਅવਸੇਸਾ ਤਤ੍ਥੇવ વਸਨ੍ਤਾ ਨ ਪਸ੍ਸਨ੍ਤੀਤਿ। ਇਙ੍ਘ ਮੇ ਤ੍વਂ ਤਤ੍ਥ ਕਾਰਣਂ ਉਪਦਿਸ, ਕਾਰਣੇਨ ਮਂ ਸਞ੍ਞਾਪੇਹੀ’’ਤਿ। ‘‘ਦਿਟ੍ਠਪੁਬ੍ਬੋ ਪਨ ਤਯਾ, ਮਹਾਰਾਜ, ਕੋਚਿ ਬ੍ਯਾਧਿਤੋ ਪੁਰਿਸੋ ਪਰਿਕਿਣ੍ਣੋ ਞਾਤਿਮਿਤ੍ਤੇਹੀ’’ਤਿ। ‘‘ਆਮ ਭਨ੍ਤੇ’’ਤਿ। ‘‘ਅਪਿ ਨੁ ਖੋ ਸਾ, ਮਹਾਰਾਜ, ਪਰਿਸਾ ਪਸ੍ਸਤੇਤਂ વੇਦਨਂ, ਯਾਯ ਸੋ ਪੁਰਿਸੋ વੇਦਨਾਯ વੇਦਯਤੀ’’ਤਿ। ‘‘ਨ ਹਿ ਭਨ੍ਤੇ, ਅਤ੍ਤਨਾ ਯੇવ ਸੋ, ਭਨ੍ਤੇ, ਪੁਰਿਸੋ વੇਦਯਤੀ’’ਤਿ। ‘‘ਏવਮੇવ ਖੋ, ਮਹਾਰਾਜ, ਯਸ੍ਸੇવ ਤਥਾਗਤੇ ਕਙ੍ਖਾ ਉਪ੍ਪਨ੍ਨਾ, ਤਸ੍ਸੇવ ਤਥਾਗਤੋ ਬੋਧਨਤ੍ਥਾਯ ਇਦ੍ਧਿਯਾ ਤਪ੍ਪਟਿਭਾਗਂ ਕਾਯਂ ਦਸ੍ਸੇਤਿ, ਸੋ ਯੇવ ਤਂ ਪਾਟਿਹਾਰਿਯਂ ਪਸ੍ਸਤਿ।
‘‘Ko panetaṃ, bhante nāgasena, saddahissati, yaṃ parisagato eko yeva taṃ guyhaṃ passati, avasesā tattheva vasantā na passantīti. Iṅgha me tvaṃ tattha kāraṇaṃ upadisa, kāraṇena maṃ saññāpehī’’ti. ‘‘Diṭṭhapubbo pana tayā, mahārāja, koci byādhito puriso parikiṇṇo ñātimittehī’’ti. ‘‘Āma bhante’’ti. ‘‘Api nu kho sā, mahārāja, parisā passatetaṃ vedanaṃ, yāya so puriso vedanāya vedayatī’’ti. ‘‘Na hi bhante, attanā yeva so, bhante, puriso vedayatī’’ti. ‘‘Evameva kho, mahārāja, yasseva tathāgate kaṅkhā uppannā, tasseva tathāgato bodhanatthāya iddhiyā tappaṭibhāgaṃ kāyaṃ dasseti, so yeva taṃ pāṭihāriyaṃ passati.
‘‘ਯਥਾ વਾ ਪਨ, ਮਹਾਰਾਜ, ਕਞ੍ਚਿਦੇવ ਪੁਰਿਸਂ ਭੂਤੋ ਆવਿਸੇਯ੍ਯ, ਅਪਿ ਨੁ ਖੋ ਸਾ, ਮਹਾਰਾਜ, ਪਰਿਸਾ ਪਸ੍ਸਤਿ ਤਂ ਭੂਤਾਗਮਨ’’ਨ੍ਤਿ? ‘‘ਨ ਹਿ, ਭਨ੍ਤੇ, ਸੋ ਯੇવ ਆਤੁਰੋ ਤਸ੍ਸ ਭੂਤਸ੍ਸ ਆਗਮਨਂ ਪਸ੍ਸਤੀ’’ਤਿ। ‘‘ਏવਮੇવ ਖੋ, ਮਹਾਰਾਜ, ਯਸ੍ਸੇવ ਤਥਾਗਤੇ ਕਙ੍ਖਾ ਉਪ੍ਪਨ੍ਨਾ, ਤਸ੍ਸੇવ ਤਥਾਗਤੋ ਬੋਧਨਤ੍ਥਾਯ ਇਦ੍ਧਿਯਾ ਤਪ੍ਪਟਿਭਾਗਂ ਕਾਯਂ ਦਸ੍ਸੇਤਿ, ਸੋ ਯੇવ ਤਂ ਪਾਟਿਹਾਰਿਯਂ ਪਸ੍ਸਤੀ’’ਤਿ।
‘‘Yathā vā pana, mahārāja, kañcideva purisaṃ bhūto āviseyya, api nu kho sā, mahārāja, parisā passati taṃ bhūtāgamana’’nti? ‘‘Na hi, bhante, so yeva āturo tassa bhūtassa āgamanaṃ passatī’’ti. ‘‘Evameva kho, mahārāja, yasseva tathāgate kaṅkhā uppannā, tasseva tathāgato bodhanatthāya iddhiyā tappaṭibhāgaṃ kāyaṃ dasseti, so yeva taṃ pāṭihāriyaṃ passatī’’ti.
‘‘ਦੁਕ੍ਕਰਂ, ਭਨ੍ਤੇ ਨਾਗਸੇਨ, ਭਗવਤਾ ਕਤਂ, ਯਂ ਏਕਸ੍ਸਪਿ ਅਦਸ੍ਸਨੀਯਂ, ਤਂ ਦਸ੍ਸੇਨ੍ਤੇਨਾ’’ਤਿ। ‘‘ਨ, ਮਹਾਰਾਜ, ਭਗવਾ ਗੁਯ੍ਹਂ ਦਸ੍ਸੇਸਿ , ਇਦ੍ਧਿਯਾ ਪਨ ਛਾਯਂ ਦਸ੍ਸੇਸੀ’’ਤਿ। ‘‘ਛਾਯਾਯਪਿ, ਭਨ੍ਤੇ, ਦਿਟ੍ਠਾਯ ਦਿਟ੍ਠਂ ਯੇવ ਹੋਤਿ ਗੁਯ੍ਹਂ, ਯਂ ਦਿਸ੍વਾ ਨਿਟ੍ਠਂ ਗਤੋ’’ਤਿ। ‘‘ਦੁਕ੍ਕਰਞ੍ਚਾਪਿ, ਮਹਾਰਾਜ, ਤਥਾਗਤੋ ਕਰੋਤਿ ਬੋਧਨੇਯ੍ਯੇ ਸਤ੍ਤੇ ਬੋਧੇਤੁਂ। ਯਦਿ, ਮਹਾਰਾਜ, ਤਥਾਗਤੋ ਕਿਰਿਯਂ ਹਾਪੇਯ੍ਯ, ਬੋਧਨੇਯ੍ਯਾ ਸਤ੍ਤਾ ਨ ਬੁਜ੍ਝੇਯ੍ਯੁਂ। ਯਸ੍ਮਾ ਚ ਖੋ, ਮਹਾਰਾਜ, ਯੋਗਞ੍ਞੂ ਤਥਾਗਤੋ ਬੋਧਨੇਯ੍ਯੇ ਸਤ੍ਤੇ ਬੋਧੇਤੁਂ, ਤਸ੍ਮਾ ਤਥਾਗਤੋ ਯੇਨ ਯੇਨ ਯੋਗੇਨ ਬੋਧਨੇਯ੍ਯਾ ਬੁਜ੍ਝਨ੍ਤਿ, ਤੇਨ ਤੇਨ ਯੋਗੇਨ ਬੋਧਨੇਯ੍ਯੇ ਬੋਧੇਤਿ।
‘‘Dukkaraṃ, bhante nāgasena, bhagavatā kataṃ, yaṃ ekassapi adassanīyaṃ, taṃ dassentenā’’ti. ‘‘Na, mahārāja, bhagavā guyhaṃ dassesi , iddhiyā pana chāyaṃ dassesī’’ti. ‘‘Chāyāyapi, bhante, diṭṭhāya diṭṭhaṃ yeva hoti guyhaṃ, yaṃ disvā niṭṭhaṃ gato’’ti. ‘‘Dukkarañcāpi, mahārāja, tathāgato karoti bodhaneyye satte bodhetuṃ. Yadi, mahārāja, tathāgato kiriyaṃ hāpeyya, bodhaneyyā sattā na bujjheyyuṃ. Yasmā ca kho, mahārāja, yogaññū tathāgato bodhaneyye satte bodhetuṃ, tasmā tathāgato yena yena yogena bodhaneyyā bujjhanti, tena tena yogena bodhaneyye bodheti.
‘‘ਯਥਾ, ਮਹਾਰਾਜ, ਭਿਸਕ੍ਕੋ ਸਲ੍ਲਕਤ੍ਤੋ ਯੇਨ ਯੇਨ ਭੇਸਜ੍ਜੇਨ ਆਤੁਰੋ ਅਰੋਗੋ ਹੋਤਿ, ਤੇਨ ਤੇਨ ਭੇਸਜ੍ਜੇਨ ਆਤੁਰਂ ਉਪਸਙ੍ਕਮਤਿ, વਮਨੀਯਂ વਮੇਤਿ, વਿਰੇਚਨੀਯਂ વਿਰੇਚੇਤਿ, ਅਨੁਲੇਪਨੀਯਂ ਅਨੁਲਿਮ੍ਪੇਤਿ, ਅਨੁવਾਸਨੀਯਂ ਅਨੁવਾਸੇਤਿ। ਏવਮੇવ ਖੋ, ਮਹਾਰਾਜ, ਤਥਾਗਤੋ ਯੇਨ ਯੇਨ ਯੋਗੇਨ ਬੋਧਨੇਯ੍ਯਾ ਸਤ੍ਤਾ ਬੁਜ੍ਝਨ੍ਤਿ, ਤੇਨ ਤੇਨ ਯੋਗੇਨ ਬੋਧੇਤਿ।
‘‘Yathā, mahārāja, bhisakko sallakatto yena yena bhesajjena āturo arogo hoti, tena tena bhesajjena āturaṃ upasaṅkamati, vamanīyaṃ vameti, virecanīyaṃ vireceti, anulepanīyaṃ anulimpeti, anuvāsanīyaṃ anuvāseti. Evameva kho, mahārāja, tathāgato yena yena yogena bodhaneyyā sattā bujjhanti, tena tena yogena bodheti.
‘‘ਯਥਾ વਾ ਪਨ, ਮਹਾਰਾਜ, ਇਤ੍ਥੀ ਮੂਲ਼੍ਹਗਬ੍ਭਾ ਭਿਸਕ੍ਕਸ੍ਸ ਅਦਸ੍ਸਨੀਯਂ ਗੁਯ੍ਹਂ ਦਸ੍ਸੇਤਿ, ਏવਮੇવ ਖੋ, ਮਹਾਰਾਜ, ਤਥਾਗਤੋ ਬੋਧਨੇਯ੍ਯੇ ਸਤ੍ਤੇ ਬੋਧੇਤੁਂ ਅਦਸ੍ਸਨੀਯਂ ਗੁਯ੍ਹਂ ਇਦ੍ਧਿਯਾ ਛਾਯਂ ਦਸ੍ਸੇਸਿ। ਨਤ੍ਥਿ, ਮਹਾਰਾਜ, ਅਦਸ੍ਸਨੀਯੋ ਨਾਮ ਓਕਾਸੋ ਪੁਗ੍ਗਲਂ ਉਪਾਦਾਯ। ਯਦਿ, ਮਹਾਰਾਜ, ਕੋਚਿ ਭਗવਤੋ ਹਦਯਂ ਦਿਸ੍વਾ ਬੁਜ੍ਝੇਯ੍ਯ, ਤਸ੍ਸਪਿ ਭਗવਾ ਯੋਗੇਨ ਹਦਯਂ ਦਸ੍ਸੇਯ੍ਯ, ਯੋਗਞ੍ਞੂ, ਮਹਾਰਾਜ, ਤਥਾਗਤੋ ਦੇਸਨਾਕੁਸਲੋ।
‘‘Yathā vā pana, mahārāja, itthī mūḷhagabbhā bhisakkassa adassanīyaṃ guyhaṃ dasseti, evameva kho, mahārāja, tathāgato bodhaneyye satte bodhetuṃ adassanīyaṃ guyhaṃ iddhiyā chāyaṃ dassesi. Natthi, mahārāja, adassanīyo nāma okāso puggalaṃ upādāya. Yadi, mahārāja, koci bhagavato hadayaṃ disvā bujjheyya, tassapi bhagavā yogena hadayaṃ dasseyya, yogaññū, mahārāja, tathāgato desanākusalo.
‘‘ਨਨੁ, ਮਹਾਰਾਜ, ਤਥਾਗਤੋ ਥੇਰਸ੍ਸ ਨਨ੍ਦਸ੍ਸ ਅਧਿਮੁਤ੍ਤਿਂ ਜਾਨਿਤ੍વਾ ਤਂ ਦੇવਭવਨਂ ਨੇਤ੍વਾ ਦੇવਕਞ੍ਞਾਯੋ ਦਸ੍ਸੇਸਿ ‘ਇਮਿਨਾਯਂ ਕੁਲਪੁਤ੍ਤੋ ਬੁਜ੍ਝਿਸ੍ਸਤੀ’ਤਿ, ਤੇਨ ਚ ਸੋ ਕੁਲਪੁਤ੍ਤੋ ਬੁਜ੍ਝਿ। ਇਤਿ ਖੋ, ਮਹਾਰਾਜ, ਤਥਾਗਤੋ ਅਨੇਕਪਰਿਯਾਯੇਨ ਸੁਭਨਿਮਿਤ੍ਤਂ ਹੀਲ਼ੇਨ੍ਤੋ ਗਰਹਨ੍ਤੋ ਜਿਗੁਚ੍ਛਨ੍ਤੋ ਤਸ੍ਸ ਬੋਧਨਹੇਤੁ ਕਕੁਟਪਾਦਿਨਿਯੋ ਅਚ੍ਛਰਾਯੋ ਦਸ੍ਸੇਸਿ। ਏવਮ੍ਪਿ ਤਥਾਗਤੋ ਯੋਗਞ੍ਞੂ ਦੇਸਨਾਕੁਸਲੋ।
‘‘Nanu, mahārāja, tathāgato therassa nandassa adhimuttiṃ jānitvā taṃ devabhavanaṃ netvā devakaññāyo dassesi ‘imināyaṃ kulaputto bujjhissatī’ti, tena ca so kulaputto bujjhi. Iti kho, mahārāja, tathāgato anekapariyāyena subhanimittaṃ hīḷento garahanto jigucchanto tassa bodhanahetu kakuṭapādiniyo accharāyo dassesi. Evampi tathāgato yogaññū desanākusalo.
‘‘ਪੁਨ ਚਪਰਂ, ਮਹਾਰਾਜ, ਤਥਾਗਤੋ ਥੇਰਸ੍ਸ ਚੂਲ਼ਪਨ੍ਥਕਸ੍ਸ ਭਾਤਰਾ ਨਿਕ੍ਕਡ੍ਢਿਤਸ੍ਸ ਦੁਕ੍ਖਿਤਸ੍ਸ ਦੁਮ੍ਮਨਸ੍ਸ ਉਪਗਨ੍ਤ੍વਾ ਸੁਖੁਮਂ ਚੋਲ਼ਖਣ੍ਡਂ ਅਦਾਸਿ ‘ਇਮਿਨਾਯਂ ਕੁਲਪੁਤ੍ਤੋ ਬੁਜ੍ਝਿਸ੍ਸਤੀ’ਤਿ , ਸੋ ਚ ਕੁਲਪੁਤ੍ਤੋ ਤੇਨ ਕਾਰਣੇਨ ਜਿਨਸਾਸਨੇ વਸੀਭਾવਂ ਪਾਪੁਣਿ। ਏવਮ੍ਪਿ, ਮਹਾਰਾਜ, ਤਥਾਗਤੋ ਯੋਗਞ੍ਞੂ ਦੇਸਨਾਕੁਸਲੋ।
‘‘Puna caparaṃ, mahārāja, tathāgato therassa cūḷapanthakassa bhātarā nikkaḍḍhitassa dukkhitassa dummanassa upagantvā sukhumaṃ coḷakhaṇḍaṃ adāsi ‘imināyaṃ kulaputto bujjhissatī’ti , so ca kulaputto tena kāraṇena jinasāsane vasībhāvaṃ pāpuṇi. Evampi, mahārāja, tathāgato yogaññū desanākusalo.
‘‘ਪੁਨ ਚਪਰਂ, ਮਹਾਰਾਜ, ਤਥਾਗਤੋ ਬ੍ਰਾਹ੍ਮਣਸ੍ਸ ਮੋਘਰਾਜਸ੍ਸ ਯਾવ ਤਤਿਯਂ ਪਞ੍ਹਂ ਪੁਟ੍ਠੋ ਨ ਬ੍ਯਾਕਾਸਿ ‘ਏવਮਿਮਸ੍ਸ ਕੁਲਪੁਤ੍ਤਸ੍ਸ ਮਾਨੋ ਉਪਸਮਿਸ੍ਸਤਿ, ਮਾਨੂਪਸਮਾ ਅਭਿਸਮਯੋ ਭવਿਸ੍ਸਤੀ’ਤਿ, ਤੇਨ ਚ ਤਸ੍ਸ ਕੁਲਪੁਤ੍ਤਸ੍ਸ ਮਾਨੋ ਉਪਸਮਿ, ਮਾਨੂਪਸਮਾ ਸੋ ਬ੍ਰਾਹ੍ਮਣੋ ਛਸੁ ਅਭਿਞ੍ਞਾਸੁ વਸੀਭਾવਂ ਪਾਪੁਣਿ। ਏવਮ੍ਪਿ, ਮਹਾਰਾਜ, ਤਥਾਗਤੋ ਯੋਗਞ੍ਞੂ ਦੇਸਨਾਕੁਸਲੋ’’ਤਿ।
‘‘Puna caparaṃ, mahārāja, tathāgato brāhmaṇassa mogharājassa yāva tatiyaṃ pañhaṃ puṭṭho na byākāsi ‘evamimassa kulaputtassa māno upasamissati, mānūpasamā abhisamayo bhavissatī’ti, tena ca tassa kulaputtassa māno upasami, mānūpasamā so brāhmaṇo chasu abhiññāsu vasībhāvaṃ pāpuṇi. Evampi, mahārāja, tathāgato yogaññū desanākusalo’’ti.
‘‘ਸਾਧੁ, ਭਨ੍ਤੇ ਨਾਗਸੇਨ, ਸੁਨਿਬ੍ਬੇਠਿਤੋ ਪਞ੍ਹੋ ਬਹੁવਿਧੇਹਿ ਕਾਰਣੇਹਿ, ਗਹਨਂ ਅਗਹਨਂ ਕਤਂ, ਅਨ੍ਧਕਾਰੋ ਆਲੋਕੋ ਕਤੋ, ਗਣ੍ਠਿ ਭਿਨ੍ਨੋ, ਭਗ੍ਗਾ ਪਰવਾਦਾ, ਜਿਨਪੁਤ੍ਤਾਨਂ ਚਕ੍ਖੁਂ ਤਯਾ ਉਪ੍ਪਾਦਿਤਂ, ਨਿਪ੍ਪਟਿਭਾਨਾ ਤਿਤ੍ਥਿਯਾ, ਤ੍વਂ ਗਣਿવਰਪવਰਮਾਸਜ੍ਜਾ’’ਤਿ।
‘‘Sādhu, bhante nāgasena, sunibbeṭhito pañho bahuvidhehi kāraṇehi, gahanaṃ agahanaṃ kataṃ, andhakāro āloko kato, gaṇṭhi bhinno, bhaggā paravādā, jinaputtānaṃ cakkhuṃ tayā uppāditaṃ, nippaṭibhānā titthiyā, tvaṃ gaṇivarapavaramāsajjā’’ti.
વਤ੍ਥਗੁਯ੍ਹਨਿਦਸ੍ਸਨਪਞ੍ਹੋ ਤਤਿਯੋ।
Vatthaguyhanidassanapañho tatiyo.
Footnotes:
