| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. вад̇т̇асуд̇д̇ам̣
7. Vatthasuttaṃ
70. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
70. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘сзяяат̇ааби, бхигкавз, вад̇т̇ам̣ сам̣гилидтам̣ малаг̇г̇ахид̇ам̣; д̇амзнам̣ раж̇аго яасмим̣ яасмим̣ ран̇г̇аж̇аад̇з убасам̣харзяяа – яад̣̇и нийлагааяа яад̣̇и бийд̇агааяа яад̣̇и лохид̇агааяа яад̣̇и ман̃ж̇идтагааяа 1 д̣̇урад̇д̇аван̣н̣амзвасса абарисуд̣̇д̇хаван̣н̣амзвасса. д̇ам̣ гисса хзд̇у? абарисуд̣̇д̇хад̇д̇аа, бхигкавз, вад̇т̇асса. звамзва ко, бхигкавз, жид̇д̇з сам̣гилидтз, д̣̇уг̇г̇ад̇и баадиган̇каа. сзяяат̇ааби, бхигкавз, вад̇т̇ам̣ барисуд̣̇д̇хам̣ барияод̣̇аад̇ам̣; д̇амзнам̣ раж̇аго яасмим̣ яасмим̣ ран̇г̇аж̇аад̇з убасам̣харзяяа – яад̣̇и нийлагааяа яад̣̇и бийд̇агааяа яад̣̇и лохид̇агааяа яад̣̇и ман̃ж̇идтагааяа – сурад̇д̇аван̣н̣амзвасса барисуд̣̇д̇хаван̣н̣амзвасса. д̇ам̣ гисса хзд̇у? барисуд̣̇д̇хад̇д̇аа, бхигкавз, вад̇т̇асса. звамзва ко, бхигкавз, жид̇д̇з асам̣гилидтз, суг̇ад̇и баадиган̇каа.
‘‘Seyyathāpi, bhikkhave, vatthaṃ saṃkiliṭṭhaṃ malaggahitaṃ; tamenaṃ rajako yasmiṃ yasmiṃ raṅgajāte upasaṃhareyya – yadi nīlakāya yadi pītakāya yadi lohitakāya yadi mañjiṭṭhakāya 2 durattavaṇṇamevassa aparisuddhavaṇṇamevassa. Taṃ kissa hetu? Aparisuddhattā, bhikkhave, vatthassa. Evameva kho, bhikkhave, citte saṃkiliṭṭhe, duggati pāṭikaṅkhā. Seyyathāpi, bhikkhave, vatthaṃ parisuddhaṃ pariyodātaṃ; tamenaṃ rajako yasmiṃ yasmiṃ raṅgajāte upasaṃhareyya – yadi nīlakāya yadi pītakāya yadi lohitakāya yadi mañjiṭṭhakāya – surattavaṇṇamevassa parisuddhavaṇṇamevassa. Taṃ kissa hetu? Parisuddhattā, bhikkhave, vatthassa. Evameva kho, bhikkhave, citte asaṃkiliṭṭhe, sugati pāṭikaṅkhā.
71. ‘‘гад̇амз жа, бхигкавз, жид̇д̇асса убаггилзсаа? абхиж̇жхаависамалобхо жид̇д̇асса убаггилзсо, б̣яаабаад̣̇о жид̇д̇асса убаггилзсо, год̇хо жид̇д̇асса убаггилзсо, убанаахо жид̇д̇асса убаггилзсо, магко жид̇д̇асса убаггилзсо, бал̣аасо жид̇д̇асса убаггилзсо, иссаа жид̇д̇асса убаггилзсо, мажчарияам̣ жид̇д̇асса убаггилзсо, мааяаа жид̇д̇асса убаггилзсо, саатзяяам̣ жид̇д̇асса убаггилзсо, т̇амбхо жид̇д̇асса убаггилзсо, саарамбхо жид̇д̇асса убаггилзсо, маано жид̇д̇асса убаггилзсо, ад̇имаано жид̇д̇асса убаггилзсо, мад̣̇о жид̇д̇асса убаггилзсо, бамаад̣̇о жид̇д̇асса убаггилзсо.
71. ‘‘Katame ca, bhikkhave, cittassa upakkilesā? Abhijjhāvisamalobho cittassa upakkileso, byāpādo cittassa upakkileso, kodho cittassa upakkileso, upanāho cittassa upakkileso, makkho cittassa upakkileso, paḷāso cittassa upakkileso, issā cittassa upakkileso, macchariyaṃ cittassa upakkileso, māyā cittassa upakkileso, sāṭheyyaṃ cittassa upakkileso, thambho cittassa upakkileso, sārambho cittassa upakkileso, māno cittassa upakkileso, atimāno cittassa upakkileso, mado cittassa upakkileso, pamādo cittassa upakkileso.
72. ‘‘са ко со, бхигкавз, бхигку ‘абхиж̇жхаависамалобхо жид̇д̇асса убаггилзсо’д̇и – ид̇и вид̣̇ид̇ваа абхиж̇жхаависамалобхам̣ жид̇д̇асса убаггилзсам̣ баж̇ахад̇и; ‘б̣яаабаад̣̇о жид̇д̇асса убаггилзсо’д̇и – ид̇и вид̣̇ид̇ваа б̣яаабаад̣̇ам̣ жид̇д̇асса убаггилзсам̣ баж̇ахад̇и ; ‘год̇хо жид̇д̇асса убаггилзсо’д̇и – ид̇и вид̣̇ид̇ваа год̇хам̣ жид̇д̇асса убаггилзсам̣ баж̇ахад̇и; ‘убанаахо жид̇д̇асса убаггилзсо’д̇и – ид̇и вид̣̇ид̇ваа убанаахам̣ жид̇д̇асса убаггилзсам̣ баж̇ахад̇и; ‘магко жид̇д̇асса убаггилзсо’д̇и – ид̇и вид̣̇ид̇ваа магкам̣ жид̇д̇асса убаггилзсам̣ баж̇ахад̇и; ‘бал̣аасо жид̇д̇асса убаггилзсо’д̇и – ид̇и вид̣̇ид̇ваа бал̣аасам̣ жид̇д̇асса убаггилзсам̣ баж̇ахад̇и; ‘иссаа жид̇д̇асса убаггилзсо’д̇и – ид̇и вид̣̇ид̇ваа иссам̣ жид̇д̇асса убаггилзсам̣ баж̇ахад̇и; ‘мажчарияам̣ жид̇д̇асса убаггилзсо’д̇и – ид̇и вид̣̇ид̇ваа мажчарияам̣ жид̇д̇асса убаггилзсам̣ баж̇ахад̇и; ‘мааяаа жид̇д̇асса убаггилзсо’д̇и – ид̇и вид̣̇ид̇ваа мааяам̣ жид̇д̇асса убаггилзсам̣ баж̇ахад̇и; ‘саатзяяам̣ жид̇д̇асса убаггилзсо’д̇и – ид̇и вид̣̇ид̇ваа саатзяяам̣ жид̇д̇асса убаггилзсам̣ баж̇ахад̇и; ‘т̇амбхо жид̇д̇асса убаггилзсо’д̇и – ид̇и вид̣̇ид̇ваа т̇амбхам̣ жид̇д̇асса убаггилзсам̣ баж̇ахад̇и; ‘саарамбхо жид̇д̇асса убаггилзсо’д̇и – ид̇и вид̣̇ид̇ваа саарамбхам̣ жид̇д̇асса убаггилзсам̣ баж̇ахад̇и; ‘маано жид̇д̇асса убаггилзсо’д̇и – ид̇и вид̣̇ид̇ваа маанам̣ жид̇д̇асса убаггилзсам̣ баж̇ахад̇и; ‘ад̇имаано жид̇д̇асса убаггилзсо’д̇и – ид̇и вид̣̇ид̇ваа ад̇имаанам̣ жид̇д̇асса убаггилзсам̣ баж̇ахад̇и; ‘мад̣̇о жид̇д̇асса убаггилзсо’д̇и – ид̇и вид̣̇ид̇ваа мад̣̇ам̣ жид̇д̇асса убаггилзсам̣ баж̇ахад̇и; ‘бамаад̣̇о жид̇д̇асса убаггилзсо’д̇и – ид̇и вид̣̇ид̇ваа бамаад̣̇ам̣ жид̇д̇асса убаггилзсам̣ баж̇ахад̇и.
72. ‘‘Sa kho so, bhikkhave, bhikkhu ‘abhijjhāvisamalobho cittassa upakkileso’ti – iti viditvā abhijjhāvisamalobhaṃ cittassa upakkilesaṃ pajahati; ‘byāpādo cittassa upakkileso’ti – iti viditvā byāpādaṃ cittassa upakkilesaṃ pajahati ; ‘kodho cittassa upakkileso’ti – iti viditvā kodhaṃ cittassa upakkilesaṃ pajahati; ‘upanāho cittassa upakkileso’ti – iti viditvā upanāhaṃ cittassa upakkilesaṃ pajahati; ‘makkho cittassa upakkileso’ti – iti viditvā makkhaṃ cittassa upakkilesaṃ pajahati; ‘paḷāso cittassa upakkileso’ti – iti viditvā paḷāsaṃ cittassa upakkilesaṃ pajahati; ‘issā cittassa upakkileso’ti – iti viditvā issaṃ cittassa upakkilesaṃ pajahati; ‘macchariyaṃ cittassa upakkileso’ti – iti viditvā macchariyaṃ cittassa upakkilesaṃ pajahati; ‘māyā cittassa upakkileso’ti – iti viditvā māyaṃ cittassa upakkilesaṃ pajahati; ‘sāṭheyyaṃ cittassa upakkileso’ti – iti viditvā sāṭheyyaṃ cittassa upakkilesaṃ pajahati; ‘thambho cittassa upakkileso’ti – iti viditvā thambhaṃ cittassa upakkilesaṃ pajahati; ‘sārambho cittassa upakkileso’ti – iti viditvā sārambhaṃ cittassa upakkilesaṃ pajahati; ‘māno cittassa upakkileso’ti – iti viditvā mānaṃ cittassa upakkilesaṃ pajahati; ‘atimāno cittassa upakkileso’ti – iti viditvā atimānaṃ cittassa upakkilesaṃ pajahati; ‘mado cittassa upakkileso’ti – iti viditvā madaṃ cittassa upakkilesaṃ pajahati; ‘pamādo cittassa upakkileso’ti – iti viditvā pamādaṃ cittassa upakkilesaṃ pajahati.
73. ‘‘яад̇о ко 3, бхигкавз, бхигкуно ‘абхиж̇жхаависамалобхо жид̇д̇асса убаггилзсо’д̇и – ид̇и вид̣̇ид̇ваа абхиж̇жхаависамалобхо жид̇д̇асса убаггилзсо бахийно ход̇и, ‘б̣яаабаад̣̇о жид̇д̇асса убаггилзсо’д̇и – ид̇и вид̣̇ид̇ваа б̣яаабаад̣̇о жид̇д̇асса убаггилзсо бахийно ход̇и; ‘год̇хо жид̇д̇асса убаггилзсо’д̇и – ид̇и вид̣̇ид̇ваа год̇хо жид̇д̇асса убаггилзсо бахийно ход̇и; ‘убанаахо жид̇д̇асса убаггилзсо’д̇и – ид̇и вид̣̇ид̇ваа убанаахо жид̇д̇асса убаггилзсо бахийно ход̇и; ‘магко жид̇д̇асса убаггилзсо’д̇и – ид̇и вид̣̇ид̇ваа магко жид̇д̇асса убаггилзсо бахийно ход̇и; ‘бал̣аасо жид̇д̇асса убаггилзсо’д̇и – ид̇и вид̣̇ид̇ваа бал̣аасо жид̇д̇асса убаггилзсо бахийно ход̇и; ‘иссаа жид̇д̇асса убаггилзсо’д̇и – ид̇и вид̣̇ид̇ваа иссаа жид̇д̇асса убаггилзсо бахийно ход̇и; ‘мажчарияам̣ жид̇д̇асса убаггилзсо’д̇и – ид̇и вид̣̇ид̇ваа мажчарияам̣ жид̇д̇асса убаггилзсо бахийно ход̇и; ‘мааяаа жид̇д̇асса убаггилзсо’д̇и – ид̇и вид̣̇ид̇ваа мааяаа жид̇д̇асса убаггилзсо бахийно ход̇и; ‘саатзяяам̣ жид̇д̇асса убаггилзсо’д̇и – ид̇и вид̣̇ид̇ваа саатзяяам̣ жид̇д̇асса убаггилзсо бахийно ход̇и; ‘т̇амбхо жид̇д̇асса убаггилзсо’д̇и – ид̇и вид̣̇ид̇ваа т̇амбхо жид̇д̇асса убаггилзсо бахийно ход̇и; ‘саарамбхо жид̇д̇асса убаггилзсо’д̇и – ид̇и вид̣̇ид̇ваа саарамбхо жид̇д̇асса убаггилзсо бахийно ход̇и; ‘маано жид̇д̇асса убаггилзсо’д̇и – ид̇и вид̣̇ид̇ваа маано жид̇д̇асса убаггилзсо бахийно ход̇и; ‘ад̇имаано жид̇д̇асса убаггилзсо’д̇и – ид̇и вид̣̇ид̇ваа ад̇имаано жид̇д̇асса убаггилзсо бахийно ход̇и; ‘мад̣̇о жид̇д̇асса убаггилзсо’д̇и – ид̇и вид̣̇ид̇ваа мад̣̇о жид̇д̇асса убаггилзсо бахийно ход̇и; ‘бамаад̣̇о жид̇д̇асса убаггилзсо’д̇и – ид̇и вид̣̇ид̇ваа бамаад̣̇о жид̇д̇асса убаггилзсо бахийно ход̇и.
73. ‘‘Yato kho 4, bhikkhave, bhikkhuno ‘abhijjhāvisamalobho cittassa upakkileso’ti – iti viditvā abhijjhāvisamalobho cittassa upakkileso pahīno hoti, ‘byāpādo cittassa upakkileso’ti – iti viditvā byāpādo cittassa upakkileso pahīno hoti; ‘kodho cittassa upakkileso’ti – iti viditvā kodho cittassa upakkileso pahīno hoti; ‘upanāho cittassa upakkileso’ti – iti viditvā upanāho cittassa upakkileso pahīno hoti; ‘makkho cittassa upakkileso’ti – iti viditvā makkho cittassa upakkileso pahīno hoti; ‘paḷāso cittassa upakkileso’ti – iti viditvā paḷāso cittassa upakkileso pahīno hoti; ‘issā cittassa upakkileso’ti – iti viditvā issā cittassa upakkileso pahīno hoti; ‘macchariyaṃ cittassa upakkileso’ti – iti viditvā macchariyaṃ cittassa upakkileso pahīno hoti; ‘māyā cittassa upakkileso’ti – iti viditvā māyā cittassa upakkileso pahīno hoti; ‘sāṭheyyaṃ cittassa upakkileso’ti – iti viditvā sāṭheyyaṃ cittassa upakkileso pahīno hoti; ‘thambho cittassa upakkileso’ti – iti viditvā thambho cittassa upakkileso pahīno hoti; ‘sārambho cittassa upakkileso’ti – iti viditvā sārambho cittassa upakkileso pahīno hoti; ‘māno cittassa upakkileso’ti – iti viditvā māno cittassa upakkileso pahīno hoti; ‘atimāno cittassa upakkileso’ti – iti viditvā atimāno cittassa upakkileso pahīno hoti; ‘mado cittassa upakkileso’ti – iti viditvā mado cittassa upakkileso pahīno hoti; ‘pamādo cittassa upakkileso’ti – iti viditvā pamādo cittassa upakkileso pahīno hoti.
74. ‘‘со б̣уд̣̇д̇хз авзжжаббасаад̣̇зна саманнааг̇ад̇о ход̇и – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и; д̇хаммз авзжжаббасаад̣̇зна саманнааг̇ад̇о ход̇и – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и; сан̇гхз авзжжаббасаад̣̇зна саманнааг̇ад̇о ход̇и – ‘суббадибанно бхаг̇авад̇о саавагасан̇гхо, уж̇уббадибанно бхаг̇авад̇о саавагасан̇гхо, н̃ааяаббадибанно бхаг̇авад̇о саавагасан̇гхо, саамийжиббадибанно бхаг̇авад̇о саавагасан̇гхо, яад̣̇ид̣̇ам̣ жад̇д̇аари бурисаяуг̇аани, адта бурисабуг̇г̇алаа. зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо , ануд̇д̇арам̣ бун̃н̃агкзд̇д̇ам̣ логассаа’д̇и.
74. ‘‘So buddhe aveccappasādena samannāgato hoti – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti; dhamme aveccappasādena samannāgato hoti – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhī’ti; saṅghe aveccappasādena samannāgato hoti – ‘suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṃ cattāri purisayugāni, aṭṭha purisapuggalā. Esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo , anuttaraṃ puññakkhettaṃ lokassā’ti.
75. ‘‘яат̇од̇хи 5 ко банасса жад̇д̇ам̣ ход̇и ванд̇ам̣ муд̇д̇ам̣ бахийнам̣ бадиниссадтам̣, со ‘б̣уд̣̇д̇хз авзжжаббасаад̣̇зна саманнааг̇ад̇омхий’д̇и лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и; ‘д̇хаммз…бз… сан̇гхз авзжжаббасаад̣̇зна саманнааг̇ад̇омхий’д̇и лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣; бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и. ‘яат̇од̇хи ко бана мз жад̇д̇ам̣ ванд̇ам̣ муд̇д̇ам̣ бахийнам̣ бадиниссадта’нд̇и лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣; бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и.
75. ‘‘Yathodhi 6 kho panassa cattaṃ hoti vantaṃ muttaṃ pahīnaṃ paṭinissaṭṭhaṃ, so ‘buddhe aveccappasādena samannāgatomhī’ti labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. Pamuditassa pīti jāyati, pītimanassa kāyo passambhati, passaddhakāyo sukhaṃ vedeti, sukhino cittaṃ samādhiyati; ‘dhamme…pe… saṅghe aveccappasādena samannāgatomhī’ti labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ; pamuditassa pīti jāyati, pītimanassa kāyo passambhati, passaddhakāyo sukhaṃ vedeti, sukhino cittaṃ samādhiyati. ‘Yathodhi kho pana me cattaṃ vantaṃ muttaṃ pahīnaṃ paṭinissaṭṭha’nti labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ; pamuditassa pīti jāyati, pītimanassa kāyo passambhati, passaddhakāyo sukhaṃ vedeti, sukhino cittaṃ samādhiyati.
76. ‘‘са ко со, бхигкавз, бхигку звам̣сийло звам̣д̇хаммо звам̣бан̃н̃о саалийнам̣ жзби бин̣д̣абаад̇ам̣ бхун̃ж̇ад̇и вижид̇агаал̣агам̣ анзгасуубам̣ анзгаб̣яан̃ж̇анам̣, нзвасса д̇ам̣ ход̇и анд̇арааяааяа. сзяяат̇ааби, бхигкавз, вад̇т̇ам̣ сам̣гилидтам̣ малаг̇г̇ахид̇ам̣ ажчод̣̇агам̣ ааг̇амма барисуд̣̇д̇хам̣ ход̇и барияод̣̇аад̇ам̣ , уггаамукам̣ ваа банааг̇амма ж̇аад̇аруубам̣ барисуд̣̇д̇хам̣ ход̇и барияод̣̇аад̇ам̣, звамзва ко, бхигкавз, бхигку звам̣сийло звам̣д̇хаммо звам̣бан̃н̃о саалийнам̣ жзби бин̣д̣абаад̇ам̣ бхун̃ж̇ад̇и вижид̇агаал̣агам̣ анзгасуубам̣ анзгаб̣яан̃ж̇анам̣ , нзвасса д̇ам̣ ход̇и анд̇арааяааяа.
76. ‘‘Sa kho so, bhikkhave, bhikkhu evaṃsīlo evaṃdhammo evaṃpañño sālīnaṃ cepi piṇḍapātaṃ bhuñjati vicitakāḷakaṃ anekasūpaṃ anekabyañjanaṃ, nevassa taṃ hoti antarāyāya. Seyyathāpi, bhikkhave, vatthaṃ saṃkiliṭṭhaṃ malaggahitaṃ acchodakaṃ āgamma parisuddhaṃ hoti pariyodātaṃ , ukkāmukhaṃ vā panāgamma jātarūpaṃ parisuddhaṃ hoti pariyodātaṃ, evameva kho, bhikkhave, bhikkhu evaṃsīlo evaṃdhammo evaṃpañño sālīnaṃ cepi piṇḍapātaṃ bhuñjati vicitakāḷakaṃ anekasūpaṃ anekabyañjanaṃ , nevassa taṃ hoti antarāyāya.
77. ‘‘со мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣ 7. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и; гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и.
77. ‘‘So mettāsahagatena cetasā ekaṃ disaṃ pharitvā viharati, tathā dutiyaṃ, tathā tatiyaṃ, tathā catutthaṃ 8. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena pharitvā viharati; karuṇāsahagatena cetasā…pe… muditāsahagatena cetasā…pe… upekkhāsahagatena cetasā ekaṃ disaṃ pharitvā viharati, tathā dutiyaṃ, tathā tatiyaṃ, tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati.
78. ‘‘со ‘ад̇т̇и ид̣̇ам̣, ад̇т̇и хийнам̣, ад̇т̇и бан̣ийд̇ам̣, ад̇т̇и имасса сан̃н̃ааг̇ад̇асса уд̇д̇арим̣ ниссаран̣а’нд̇и баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и . аяам̣ вужжад̇и, бхигкавз – ‘бхигку синаад̇о анд̇арзна синаанзнаа’’’д̇и.
78. ‘‘So ‘atthi idaṃ, atthi hīnaṃ, atthi paṇītaṃ, atthi imassa saññāgatassa uttariṃ nissaraṇa’nti pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti . Ayaṃ vuccati, bhikkhave – ‘bhikkhu sināto antarena sinānenā’’’ti.
79. д̇зна ко бана самаязна сунд̣̇аригабхаарад̣̇вааж̇о б̣раахман̣о бхаг̇авад̇о авид̣̇уурз нисинно ход̇и. ат̇а ко сунд̣̇аригабхаарад̣̇вааж̇о б̣раахман̣о бхаг̇аванд̇ам̣ зд̇ад̣̇авожа – ‘‘г̇ажчад̇и бана бхавам̣ г̇од̇амо б̣аахугам̣ над̣̇им̣ синааяид̇у’’нд̇и? ‘‘гим̣, б̣раахман̣а, б̣аахугааяа над̣̇ияаа? гим̣ б̣аахугаа над̣̇ий гариссад̇ий’’д̇и? ‘‘логкасаммад̇аа 9 хи, бхо г̇од̇ама, б̣аахугаа над̣̇ий б̣ахуж̇анасса, бун̃н̃асаммад̇аа хи, бхо г̇од̇ама, б̣аахугаа над̣̇ий б̣ахуж̇анасса, б̣аахугааяа бана над̣̇ияаа б̣ахуж̇ано баабагаммам̣ гад̇ам̣ баваахзд̇ий’’д̇и. ат̇а ко бхаг̇аваа сунд̣̇аригабхаарад̣̇вааж̇ам̣ б̣раахман̣ам̣ г̇аат̇аахи аж̇жхабхааси –
79. Tena kho pana samayena sundarikabhāradvājo brāhmaṇo bhagavato avidūre nisinno hoti. Atha kho sundarikabhāradvājo brāhmaṇo bhagavantaṃ etadavoca – ‘‘gacchati pana bhavaṃ gotamo bāhukaṃ nadiṃ sināyitu’’nti? ‘‘Kiṃ, brāhmaṇa, bāhukāya nadiyā? Kiṃ bāhukā nadī karissatī’’ti? ‘‘Lokkhasammatā 10 hi, bho gotama, bāhukā nadī bahujanassa, puññasammatā hi, bho gotama, bāhukā nadī bahujanassa, bāhukāya pana nadiyā bahujano pāpakammaṃ kataṃ pavāhetī’’ti. Atha kho bhagavā sundarikabhāradvājaṃ brāhmaṇaṃ gāthāhi ajjhabhāsi –
‘‘б̣аахугам̣ ад̇хигагган̃жа, г̇аяам̣ сунд̣̇аригам̣ маби 11;
‘‘Bāhukaṃ adhikakkañca, gayaṃ sundarikaṃ mapi 12;
сарассад̇им̣ баяааг̇ан̃жа, ат̇о б̣аахумад̇им̣ над̣̇им̣;
Sarassatiṃ payāgañca, atho bāhumatiṃ nadiṃ;
нижжамби б̣аало багканд̣̇о 13, ган̣хагаммо на суж̇жхад̇и.
Niccampi bālo pakkhando 14, kaṇhakammo na sujjhati.
‘‘гим̣ сунд̣̇аригаа гариссад̇и, гим̣ баяааг̇аа 15 гим̣ б̣аахугаа над̣̇ий;
‘‘Kiṃ sundarikā karissati, kiṃ payāgā 16 kiṃ bāhukā nadī;
взрим̣ гад̇агиб̣б̣исам̣ нарам̣, на хи нам̣ сод̇хаяз баабагамминам̣.
Veriṃ katakibbisaṃ naraṃ, na hi naṃ sodhaye pāpakamminaṃ.
‘‘суд̣̇д̇хасса вз сад̣̇аа паг̇г̇у, суд̣̇д̇хассубосат̇о сад̣̇аа;
‘‘Suddhassa ve sadā phaggu, suddhassuposatho sadā;
суд̣̇д̇хасса сужигаммасса, сад̣̇аа самбаж̇ж̇ад̇з вад̇ам̣;
Suddhassa sucikammassa, sadā sampajjate vataṃ;
ид̇хзва синаахи б̣раахман̣а, саб̣б̣абхууд̇зсу гарохи кзмад̇ам̣.
Idheva sināhi brāhmaṇa, sabbabhūtesu karohi khemataṃ.
‘‘сажз мусаа на бхан̣аси, сажз баан̣ам̣ на хим̣саси;
‘‘Sace musā na bhaṇasi, sace pāṇaṃ na hiṃsasi;
сажз ад̣̇иннам̣ наад̣̇ияаси, сад̣̇д̣̇ахаано амажчарий;
Sace adinnaṃ nādiyasi, saddahāno amaccharī;
гим̣ гаахаси г̇аяам̣ г̇анд̇ваа, уд̣̇абааноби д̇з г̇аяаа’’д̇и.
Kiṃ kāhasi gayaṃ gantvā, udapānopi te gayā’’ti.
80. звам̣ вуд̇д̇з, сунд̣̇аригабхаарад̣̇вааж̇о б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. лабхзяяаахам̣ бход̇о г̇од̇амасса санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и. алад̇т̇а ко сунд̣̇аригабхаарад̣̇вааж̇о б̣раахман̣о бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣. ажируубасамбанно ко банааяасмаа бхаарад̣̇вааж̇о зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзвад̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро ко банааяасмаа бхаарад̣̇вааж̇о арахад̇ам̣ ахосийд̇и.
80. Evaṃ vutte, sundarikabhāradvājo brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Labheyyāhaṃ bhoto gotamassa santike pabbajjaṃ, labheyyaṃ upasampada’’nti. Alattha kho sundarikabhāradvājo brāhmaṇo bhagavato santike pabbajjaṃ, alattha upasampadaṃ. Acirūpasampanno kho panāyasmā bhāradvājo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭhevadhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro kho panāyasmā bhāradvājo arahataṃ ahosīti.
вад̇т̇асуд̇д̇ам̣ нидтид̇ам̣ сад̇д̇амам̣.
Vatthasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. вад̇т̇асуд̇д̇аван̣н̣анаа • 7. Vatthasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. вад̇т̇асуд̇д̇аван̣н̣анаа • 7. Vatthasuttavaṇṇanā
