| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. வத்த²ஸுத்தவண்ணனா
4. Vatthasuttavaṇṇanā
185. சதுத்தே² ஸதிஸம்பொ³ஜ்ஜ²ங்கோ³ இதி சே மே ஹோதீதி ஸதிஸம்பொ³ஜ்ஜ²ங்கோ³தி ஏவங் சே மய்ஹங் ஹோதி. அப்பமாணோதி மே ஹோதீதி அப்பமாணோதி ஏவங் மே ஹோதி. ஸுஸமாரத்³தோ⁴தி ஸுபரிபுண்ணோ. திட்ட²தீதி எத்த² அட்ட²ஹாகாரேஹி ஸதிஸம்பொ³ஜ்ஜ²ங்கோ³ திட்ட²தி – உப்பாத³ங் அனாவஜ்ஜிதத்தா அனுப்பாத³ங் ஆவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தி, பவத்தங், அப்பவத்தங், நிமித்தங், அனிமித்தங் ஸங்கா²ரே அனாவஜ்ஜிதத்தா, விஸங்கா²ரங் ஆவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தீதி. இமேஹி அட்ட²ஹாகாரேஹி திட்ட²தீதி தே²ரோ ஜானாதி, வுத்தாகாரவிபரீதேஹேவ அட்ட²ஹாகாரேஹி சவந்தங் சவதீதி பஜானாதி. ஸேஸபொ³ஜ்ஜ²ங்கே³ஸுபி ஏஸேவ நயோ.
185. Catutthe satisambojjhaṅgo iti ce me hotīti satisambojjhaṅgoti evaṃ ce mayhaṃ hoti. Appamāṇoti me hotīti appamāṇoti evaṃ me hoti. Susamāraddhoti suparipuṇṇo. Tiṭṭhatīti ettha aṭṭhahākārehi satisambojjhaṅgo tiṭṭhati – uppādaṃ anāvajjitattā anuppādaṃ āvajjitattā satisambojjhaṅgo tiṭṭhati, pavattaṃ, appavattaṃ, nimittaṃ, animittaṃ saṅkhāre anāvajjitattā, visaṅkhāraṃ āvajjitattā satisambojjhaṅgo tiṭṭhatīti. Imehi aṭṭhahākārehi tiṭṭhatīti thero jānāti, vuttākāraviparīteheva aṭṭhahākārehi cavantaṃ cavatīti pajānāti. Sesabojjhaṅgesupi eseva nayo.
இதி இமஸ்மிங் ஸுத்தே தே²ரஸ்ஸ ப²லபொ³ஜ்ஜ²ங்கா³ கதி²தா. யதா³ ஹி தே²ரோ ஸதிஸம்பொ³ஜ்ஜ²ங்க³ங் ஸீஸங் கத்வா ப²லஸமாபத்திங் ஸமாபஜ்ஜதி, ததா³ இதரே ச² தத³ன்வயா ஹொந்தி. யதா³ த⁴ம்மவிசயாதீ³ஸு அஞ்ஞதரங், ததா³பி ஸேஸா தத³ன்வயா ஹொந்தீதி ஏவங் ப²லஸமாபத்தியங் அத்தனோ சிண்ணவஸிதங் த³ஸ்ஸெந்தோ தே²ரோ இமங் ஸுத்தங் கதே²ஸீதி.
Iti imasmiṃ sutte therassa phalabojjhaṅgā kathitā. Yadā hi thero satisambojjhaṅgaṃ sīsaṃ katvā phalasamāpattiṃ samāpajjati, tadā itare cha tadanvayā honti. Yadā dhammavicayādīsu aññataraṃ, tadāpi sesā tadanvayā hontīti evaṃ phalasamāpattiyaṃ attano ciṇṇavasitaṃ dassento thero imaṃ suttaṃ kathesīti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. வத்த²ஸுத்தங் • 4. Vatthasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. வத்த²ஸுத்தவண்ணனா • 4. Vatthasuttavaṇṇanā
