| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
жуул̣анид̣̇д̣̇зсабаал̣и
Cūḷaniddesapāḷi
баарааяанаваг̇г̇о
Pārāyanavaggo
вад̇т̇уг̇аат̇аа
Vatthugāthā
1.
1.
госалаанам̣ бураа раммаа, аг̇амаа д̣̇агкин̣аабат̇ам̣;
Kosalānaṃ purā rammā, agamā dakkhiṇāpathaṃ;
аагин̃жан̃н̃ам̣ бад̇т̇аяаано, б̣раахман̣о манд̇абаараг̇уу.
Ākiñcaññaṃ patthayāno, brāhmaṇo mantapāragū.
2.
2.
васи г̇од̇хааварийгуулз, ун̃чзна жа палзна жа.
Vasi godhāvarīkūle, uñchena ca phalena ca.
3.
3.
д̇ад̇о ж̇аад̇зна ааязна, махааяан̃н̃амагаббаяи.
Tato jātena āyena, mahāyaññamakappayi.
4.
4.
махааяан̃н̃ам̣ яаж̇ид̇ваана, буна баависи ассамам̣;
Mahāyaññaṃ yajitvāna, puna pāvisi assamaṃ;
д̇асмим̣ бадибавидтамхи, ан̃н̃о ааг̇ан̃чи б̣раахман̣о.
Tasmiṃ paṭipaviṭṭhamhi, añño āgañchi brāhmaṇo.
5.
5.
уг̇гхаддабаад̣̇о д̇асид̇о 7, бан̇гад̣̇анд̇о раж̇ассиро;
Ugghaṭṭapādo tasito 8, paṅkadanto rajassiro;
со жа нам̣ убасан̇гамма, сад̇аани бан̃жа яаажад̇и.
So ca naṃ upasaṅkamma, satāni pañca yācati.
6.
6.
д̇амзнам̣ б̣ааварий д̣̇исваа, аасанзна ниманд̇аяи;
Tamenaṃ bāvarī disvā, āsanena nimantayi;
7.
7.
‘‘яам̣ ко мама д̣̇зяяад̇хаммам̣, саб̣б̣ам̣ висаж̇ж̇ид̇ам̣ маяаа;
‘‘Yaṃ kho mama deyyadhammaṃ, sabbaṃ visajjitaṃ mayā;
ануж̇аанаахи мз б̣рахмз, над̇т̇и бан̃жасад̇аани мз’’.
Anujānāhi me brahme, natthi pañcasatāni me’’.
8.
8.
‘‘сажз мз яаажамаанасса, бхавам̣ наанубад̣̇ассад̇и 11;
‘‘Sace me yācamānassa, bhavaṃ nānupadassati 12;
сад̇д̇амз д̣̇ивасз д̇уяхам̣, муд̣̇д̇хаа палад̇у сад̇д̇ад̇хаа’’.
Sattame divase tuyhaṃ, muddhā phalatu sattadhā’’.
9.
9.
абхисан̇карид̇ваа гухаго, бхзравам̣ со агид̇д̇аяи;
Abhisaṅkharitvā kuhako, bheravaṃ so akittayi;
д̇асса д̇ам̣ важанам̣ суд̇ваа, б̣ааварий д̣̇угкид̇о аху.
Tassa taṃ vacanaṃ sutvā, bāvarī dukkhito ahu.
10.
10.
уссуссад̇и анаахааро, согасалласамаббид̇о;
Ussussati anāhāro, sokasallasamappito;
ат̇оби звам̣ жид̇д̇асса, жхаанз на рамад̇ий мано.
Athopi evaṃ cittassa, jhāne na ramatī mano.
11.
11.
уд̇расд̇ам̣ д̣̇угкид̇ам̣ д̣̇исваа, д̣̇звад̇аа ад̇т̇агааминий;
Utrastaṃ dukkhitaṃ disvā, devatā atthakāminī;
б̣ааварим̣ убасан̇гамма, ид̣̇ам̣ важанамаб̣рави.
Bāvariṃ upasaṅkamma, idaṃ vacanamabravi.
12.
12.
‘‘на со муд̣̇д̇хам̣ баж̇аанаад̇и, гухаго со д̇ханад̇т̇иго;
‘‘Na so muddhaṃ pajānāti, kuhako so dhanatthiko;
муд̣̇д̇хани муд̣̇д̇хабаад̇з 13 ваа, н̃аан̣ам̣ д̇асса на виж̇ж̇ад̇и’’.
Muddhani muddhapāte 14 vā, ñāṇaṃ tassa na vijjati’’.
13.
13.
‘‘бход̇ий 15 жарахи ж̇аанаад̇и, д̇ам̣ мз агкаахи бужчид̇аа;
‘‘Bhotī 16 carahi jānāti, taṃ me akkhāhi pucchitā;
муд̣̇д̇хам̣ муд̣̇д̇хаад̇хибаад̇ан̃жа 17, д̇ам̣ сун̣ома важо д̇ава’’.
Muddhaṃ muddhādhipātañca 18, taṃ suṇoma vaco tava’’.
14.
14.
‘‘ахамбзд̇ам̣ на ж̇аанаами, н̃аан̣ам̣ мзд̇т̇а на виж̇ж̇ад̇и;
‘‘Ahampetaṃ na jānāmi, ñāṇaṃ mettha na vijjati;
муд̣̇д̇хани муд̣̇д̇хаад̇хибаад̇з жа, ж̇инаанан̃хзд̇т̇а 19 д̣̇ассанам̣’’.
Muddhani muddhādhipāte ca, jinānañhettha 20 dassanaṃ’’.
15.
15.
муд̣̇д̇хам̣ муд̣̇д̇хаад̇хибаад̇ан̃жа, д̇ам̣ мз агкаахи д̣̇звад̇з’’.
Muddhaṃ muddhādhipātañca, taṃ me akkhāhi devate’’.
16.
16.
‘‘бураа габилавад̇т̇умхаа, нигканд̇о логанааяаго;
‘‘Purā kapilavatthumhā, nikkhanto lokanāyako;
абажжо оггаагарааж̇асса, сагяабуд̇д̇о бабхан̇гаро.
Apacco okkākarājassa, sakyaputto pabhaṅkaro.
17.
17.
‘‘со хи б̣раахман̣а самб̣уд̣̇д̇хо, саб̣б̣ад̇хаммаана баараг̇уу;
‘‘So hi brāhmaṇa sambuddho, sabbadhammāna pāragū;
саб̣б̣аабхин̃н̃ааб̣алаббад̇д̇о 25, саб̣б̣ад̇хаммзсу жагкумаа;
Sabbābhiññābalappatto 26, sabbadhammesu cakkhumā;
саб̣б̣агаммагкаяам̣ бад̇д̇о, вимуд̇д̇о убад̇хигкаяз.
Sabbakammakkhayaṃ patto, vimutto upadhikkhaye.
18.
18.
‘‘б̣уд̣̇д̇хо со бхаг̇аваа логз, д̇хаммам̣ д̣̇зсзд̇и жагкумаа;
‘‘Buddho so bhagavā loke, dhammaṃ deseti cakkhumā;
д̇ам̣ д̇вам̣ г̇анд̇ваана бужчассу, со д̇з д̇ам̣ б̣яаагариссад̇и’’.
Taṃ tvaṃ gantvāna pucchassu, so te taṃ byākarissati’’.
19.
19.
самб̣уд̣̇д̇ход̇и важо суд̇ваа, уд̣̇аг̇г̇о б̣ааварий аху;
Sambuddhoti vaco sutvā, udaggo bāvarī ahu;
согасса д̇ануго ааси, бийд̇ин̃жа вибулам̣ лабхи.
Sokassa tanuko āsi, pītiñca vipulaṃ labhi.
20.
20.
со б̣ааварий ад̇д̇амано уд̣̇аг̇г̇о, д̇ам̣ д̣̇звад̇ам̣ бужчад̇и взд̣̇аж̇аад̇о;
So bāvarī attamano udaggo, taṃ devataṃ pucchati vedajāto;
‘‘гад̇амамхи г̇аамз ниг̇амамхи ваа бана, гад̇амамхи ваа ж̇анабад̣̇з логанаат̇о;
‘‘Katamamhi gāme nigamamhi vā pana, katamamhi vā janapade lokanātho;
яад̇т̇а г̇анд̇ваана бассзму, самб̣уд̣̇д̇хам̣ д̣̇вибад̣̇уд̇д̇амам̣’’.
Yattha gantvāna passemu, sambuddhaṃ dvipaduttamaṃ’’.
21.
21.
‘‘саавад̇т̇ияам̣ госаламанд̣̇ирз ж̇ино, бахууд̇абан̃н̃о варабхууримзд̇хасо;
‘‘Sāvatthiyaṃ kosalamandire jino, pahūtapañño varabhūrimedhaso;
со сагяабуд̇д̇о вид̇хуро анаасаво, муд̣̇д̇хаад̇хибаад̇асса вид̣̇уу нараасабхо’’.
So sakyaputto vidhuro anāsavo, muddhādhipātassa vidū narāsabho’’.
22.
22.
д̇ад̇о ааманд̇аяий сиссз, б̣раахман̣з манд̇абаараг̇уу 27;
Tato āmantayī sisse, brāhmaṇe mantapāragū 28;
‘‘зт̇а маан̣аваа агкиссам̣, сун̣аат̇а важанам̣ мама.
‘‘Etha māṇavā akkhissaṃ, suṇātha vacanaṃ mama.
23.
23.
‘‘яассзсо д̣̇уллабхо логз, баад̇убхааво абхин̣хасо;
‘‘Yasseso dullabho loke, pātubhāvo abhiṇhaso;
свааж̇ж̇а логамхи уббанно, самб̣уд̣̇д̇хо ид̇и виссуд̇о;
Svājja lokamhi uppanno, sambuddho iti vissuto;
киббам̣ г̇анд̇ваана саавад̇т̇им̣, бассавхо д̣̇вибад̣̇уд̇д̇амам̣’’.
Khippaṃ gantvāna sāvatthiṃ, passavho dvipaduttamaṃ’’.
24.
24.
‘‘гат̇ам̣ жарахи ж̇аанзму, д̣̇исваа б̣уд̣̇д̇ход̇и б̣раахман̣а;
‘‘Kathaṃ carahi jānemu, disvā buddhoti brāhmaṇa;
аж̇аанад̇ам̣ но баб̣руухи, яат̇аа ж̇аанзму д̇ам̣ маяам̣’’.
Ajānataṃ no pabrūhi, yathā jānemu taṃ mayaṃ’’.
25.
25.
‘‘ааг̇ад̇аани хи манд̇зсу, махаабурисалагкан̣аа;
‘‘Āgatāni hi mantesu, mahāpurisalakkhaṇā;
д̣̇вад̇д̇им̣саани жа б̣яаагкаад̇аа, самад̇д̇аа анубуб̣б̣асо.
Dvattiṃsāni ca byākkhātā, samattā anupubbaso.
26.
26.
‘‘яассзд̇з хонд̇и г̇ад̇д̇зсу, махаабурисалагкан̣аа;
‘‘Yassete honti gattesu, mahāpurisalakkhaṇā;
д̣̇взязва д̇асса г̇ад̇ияо, д̇ад̇ияаа хи на виж̇ж̇ад̇и.
Dveyeva tassa gatiyo, tatiyā hi na vijjati.
27.
27.
‘‘сажз аг̇аарам̣ аавасад̇и, виж̇зяяа бат̇авим̣ имам̣;
‘‘Sace agāraṃ āvasati, vijeyya pathaviṃ imaṃ;
ад̣̇ан̣д̣зна асад̇т̇зна, д̇хаммзна анусаасад̇и.
Adaṇḍena asatthena, dhammena anusāsati.
28.
28.
‘‘сажз жа со баб̣б̣аж̇ад̇и, аг̇аараа анаг̇аарияам̣;
‘‘Sace ca so pabbajati, agārā anagāriyaṃ;
виваддажчад̣̇о 29 самб̣уд̣̇д̇хо, арахаа бхавад̇и ануд̇д̇аро.
Vivaṭṭacchado 30 sambuddho, arahā bhavati anuttaro.
29.
29.
‘‘ж̇аад̇им̣ г̇од̇д̇ан̃жа лагкан̣ам̣, манд̇з сиссз бунаабарз;
‘‘Jātiṃ gottañca lakkhaṇaṃ, mante sisse punāpare;
муд̣̇д̇хам̣ муд̣̇д̇хаад̇хибаад̇ан̃жа, манасааязва бужчат̇а.
Muddhaṃ muddhādhipātañca, manasāyeva pucchatha.
30.
30.
‘‘анааваран̣ад̣̇ассаавий, яад̣̇и б̣уд̣̇д̇хо бхависсад̇и;
‘‘Anāvaraṇadassāvī, yadi buddho bhavissati;
манасаа бужчид̇з бан̃хз, ваажааяа висаж̇ж̇иссад̇и’’ 31.
Manasā pucchite pañhe, vācāya visajjissati’’ 32.
31.
31.
б̣ааварисса важо суд̇ваа, сиссаа сол̣аса б̣раахман̣аа;
Bāvarissa vaco sutvā, sissā soḷasa brāhmaṇā;
аж̇ид̇о д̇иссамзд̇д̇зяяо, бун̣н̣аго ат̇а мзд̇д̇аг̇уу.
Ajito tissametteyyo, puṇṇako atha mettagū.
32.
32.
д̇ход̇аго убасийво жа, нанд̣̇о жа ат̇а хзмаго;
Dhotako upasīvo ca, nando ca atha hemako;
д̇од̣̇зяяа-габбаа д̣̇убхаяо, ж̇ад̇уган̣н̣ий жа бан̣д̣ид̇о.
Todeyya-kappā dubhayo, jatukaṇṇī ca paṇḍito.
33.
33.
бхад̣̇раавуд̇хо уд̣̇аяо жа, босаало жааби б̣раахман̣о;
Bhadrāvudho udayo ca, posālo cāpi brāhmaṇo;
могхарааж̇аа жа мзд̇хаавий, бин̇г̇ияо жа махааиси.
Mogharājā ca medhāvī, piṅgiyo ca mahāisi.
34.
34.
бажжзгаг̇ан̣ино саб̣б̣з, саб̣б̣алогасса виссуд̇аа;
Paccekagaṇino sabbe, sabbalokassa vissutā;
жхааяий жхаанарад̇аа д̇хийраа, буб̣б̣аваасанаваасид̇аа.
Jhāyī jhānaratā dhīrā, pubbavāsanavāsitā.
35.
35.
б̣ааварим̣ абхиваад̣̇зд̇ваа, гад̇ваа жа нам̣ бад̣̇агкин̣ам̣;
Bāvariṃ abhivādetvā, katvā ca naṃ padakkhiṇaṃ;
ж̇адааж̇инад̇хараа саб̣б̣з, баггаамум̣ уд̇д̇араамукаа.
Jaṭājinadharā sabbe, pakkāmuṃ uttarāmukhā.
36.
36.
уж̇ж̇знин̃жааби г̇онад̣̇д̇хам̣, взд̣̇исам̣ ванасавхаяам̣.
Ujjeniñcāpi gonaddhaṃ, vedisaṃ vanasavhayaṃ.
37.
37.
госамб̣ин̃жааби саагзд̇ам̣, саавад̇т̇ин̃жа буруд̇д̇амам̣;
Kosambiñcāpi sāketaṃ, sāvatthiñca puruttamaṃ;
сзд̇аб̣яам̣ габилавад̇т̇ум̣, гусинааран̃жа манд̣̇ирам̣.
Setabyaṃ kapilavatthuṃ, kusinārañca mandiraṃ.
38.
38.
бааван̃жа бхог̇анаг̇арам̣, взсаалим̣ мааг̇ад̇хам̣ бурам̣;
Pāvañca bhoganagaraṃ, vesāliṃ māgadhaṃ puraṃ;
баасаан̣агам̣ жзд̇ияан̃жа, раман̣ийяам̣ манорамам̣.
Pāsāṇakaṃ cetiyañca, ramaṇīyaṃ manoramaṃ.
39.
39.
д̇асид̇овуд̣̇агам̣ сийд̇ам̣, махаалаабхам̣ва ваан̣иж̇о;
Tasitovudakaṃ sītaṃ, mahālābhaṃva vāṇijo;
чааяам̣ гхаммаабхид̇ад̇д̇ова д̇урид̇аа баб̣б̣ад̇амаарухум̣.
Chāyaṃ ghammābhitattova turitā pabbatamāruhuṃ.
40.
40.
бхаг̇аваа д̇амхи самаяз, бхигкусан̇гхабурагкад̇о;
Bhagavā tamhi samaye, bhikkhusaṅghapurakkhato;
бхигкуунам̣ д̇хаммам̣ д̣̇зсзд̇и, сийхова над̣̇ад̇ий ванз.
Bhikkhūnaṃ dhammaṃ deseti, sīhova nadatī vane.
41.
41.
аж̇ид̇о ад̣̇д̣̇аса б̣уд̣̇д̇хам̣, бийд̇арам̣сим̣ва 37 бхаан̣умам̣;
Ajito addasa buddhaṃ, pītaraṃsiṃva 38 bhāṇumaṃ;
жанд̣̇ам̣ яат̇аа баннарасз, барибуурам̣ 39 убааг̇ад̇ам̣.
Candaṃ yathā pannarase, paripūraṃ 40 upāgataṃ.
42.
42.
ат̇асса г̇ад̇д̇з д̣̇исваана, барибууран̃жа б̣яан̃ж̇анам̣;
Athassa gatte disvāna, paripūrañca byañjanaṃ;
згаманд̇ам̣ тид̇о хадто, манобан̃хз абужчат̇а.
Ekamantaṃ ṭhito haṭṭho, manopañhe apucchatha.
43.
43.
‘‘аад̣̇исса ж̇амманам̣ б̣руухи, г̇од̇д̇ам̣ б̣руухи салагкан̣ам̣;
‘‘Ādissa jammanaṃ brūhi, gottaṃ brūhi salakkhaṇaṃ;
манд̇зсу баарамим̣ б̣руухи, гад̇и ваажзд̇и б̣раахман̣о’’.
Mantesu pāramiṃ brūhi, kati vāceti brāhmaṇo’’.
44.
44.
‘‘вийсам̣ вассасад̇ам̣ ааяу, со жа г̇од̇д̇зна б̣ааварий;
‘‘Vīsaṃ vassasataṃ āyu, so ca gottena bāvarī;
д̇ийн̣исса лагкан̣аа г̇ад̇д̇з, д̇ин̣н̣ам̣ взд̣̇аана баараг̇уу.
Tīṇissa lakkhaṇā gatte, tiṇṇaṃ vedāna pāragū.
45.
45.
‘‘лагкан̣з ид̇ихаасз жа, санигхан̣д̣усагздубхз;
‘‘Lakkhaṇe itihāse ca, sanighaṇḍusakeṭubhe;
бан̃жасад̇аани ваажзд̇и, сад̇хаммз баарамим̣ г̇ад̇о’’.
Pañcasatāni vāceti, sadhamme pāramiṃ gato’’.
46.
46.
‘‘лагкан̣аанам̣ бавижаяам̣, б̣ааварисса наруд̇д̇ама;
‘‘Lakkhaṇānaṃ pavicayaṃ, bāvarissa naruttama;
д̇ан̣хажчид̣̇а 41 багаасзхи, маа но ган̇кааяид̇ам̣ аху’’.
Taṇhacchida 42 pakāsehi, mā no kaṅkhāyitaṃ ahu’’.
47.
47.
‘‘мукам̣ ж̇ивхааяа чаад̣̇зд̇и, ун̣н̣асса бхамуганд̇арз;
‘‘Mukhaṃ jivhāya chādeti, uṇṇassa bhamukantare;
госохид̇ам̣ вад̇т̇аг̇уяхам̣, звам̣ ж̇аанаахи маан̣ава’’.
Kosohitaṃ vatthaguyhaṃ, evaṃ jānāhi māṇava’’.
48.
48.
бужчан̃хи гин̃жи асун̣анд̇о, суд̇ваа бан̃хз вияаагад̇з;
Pucchañhi kiñci asuṇanto, sutvā pañhe viyākate;
вижинд̇зд̇и ж̇ано саб̣б̣о, взд̣̇аж̇аад̇о гад̇ан̃ж̇алий.
Vicinteti jano sabbo, vedajāto katañjalī.
49.
49.
‘‘го ну д̣̇зво ваа б̣рахмаа ваа, инд̣̇о вааби суж̇амбад̇и;
‘‘Ko nu devo vā brahmā vā, indo vāpi sujampati;
манасаа бужчид̇з бан̃хз, гамзд̇ам̣ бадибхаасад̇и.
Manasā pucchite pañhe, kametaṃ paṭibhāsati.
50.
50.
‘‘муд̣̇д̇хам̣ муд̣̇д̇хаад̇хибаад̇ан̃жа, б̣ааварий барибужчад̇и;
‘‘Muddhaṃ muddhādhipātañca, bāvarī paripucchati;
д̇ам̣ б̣яаагарохи бхаг̇аваа, ган̇кам̣ винаяа но исз’’.
Taṃ byākarohi bhagavā, kaṅkhaṃ vinaya no ise’’.
51.
51.
‘‘авиж̇ж̇аа муд̣̇д̇хаад̇и ж̇аанаахи, виж̇ж̇аа муд̣̇д̇хаад̇хибаад̇иний;
‘‘Avijjā muddhāti jānāhi, vijjā muddhādhipātinī;
сад̣̇д̇хаасад̇исамаад̇хийхи, чанд̣̇авийриязна сам̣яуд̇аа’’.
Saddhāsatisamādhīhi, chandavīriyena saṃyutā’’.
52.
52.
д̇ад̇о взд̣̇зна махад̇аа, сант̇амбхзд̇ваана маан̣аво;
Tato vedena mahatā, santhambhetvāna māṇavo;
згам̣сам̣ аж̇инам̣ гад̇ваа, баад̣̇зсу сирасаа бад̇и.
Ekaṃsaṃ ajinaṃ katvā, pādesu sirasā pati.
53.
53.
‘‘б̣ааварий б̣раахман̣о бход̇о, саха сиссзхи маариса;
‘‘Bāvarī brāhmaṇo bhoto, saha sissehi mārisa;
уд̣̇аг̇г̇ажид̇д̇о сумано, баад̣̇з ванд̣̇ад̇и жагкума’’.
Udaggacitto sumano, pāde vandati cakkhuma’’.
54.
54.
‘‘сукид̇о б̣ааварий ход̇у, саха сиссзхи б̣раахман̣о;
‘‘Sukhito bāvarī hotu, saha sissehi brāhmaṇo;
д̇ван̃жааби сукид̇о хохи, жирам̣ ж̇ийваахи маан̣ава.
Tvañcāpi sukhito hohi, ciraṃ jīvāhi māṇava.
55.
55.
‘‘б̣ааварисса жа д̇уяхам̣ ваа, саб̣б̣зсам̣ саб̣б̣асам̣саяам̣;
‘‘Bāvarissa ca tuyhaṃ vā, sabbesaṃ sabbasaṃsayaṃ;
гад̇аавагаасаа бужчавхо, яам̣ гин̃жи манасижчат̇а’’.
Katāvakāsā pucchavho, yaṃ kiñci manasicchatha’’.
56.
56.
самб̣уд̣̇д̇хзна гад̇огаасо, нисийд̣̇ид̇ваана бан̃ж̇алий;
Sambuddhena katokāso, nisīditvāna pañjalī;
аж̇ид̇о батамам̣ бан̃хам̣, д̇ад̇т̇а бужчи д̇ат̇ааг̇ад̇ам̣.
Ajito paṭhamaṃ pañhaṃ, tattha pucchi tathāgataṃ.
вад̇т̇уг̇аат̇аа нидтид̇аа.
Vatthugāthā niṭṭhitā.
Footnotes:
