| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
15. вад̇т̇унаанад̇д̇ан̃аан̣анид̣̇д̣̇зсо
15. Vatthunānattañāṇaniddeso
66. гат̇ам̣ аж̇жхад̇д̇ававад̇т̇аанз бан̃н̃аа вад̇т̇унаанад̇д̇з н̃аан̣ам̣? гат̇ам̣ аж̇жхад̇д̇ад̇хаммз вавад̇т̇зд̇и? жагкум̣ аж̇жхад̇д̇ам̣ вавад̇т̇зд̇и, сод̇ам̣ аж̇жхад̇д̇ам̣ вавад̇т̇зд̇и, гхаанам̣ аж̇жхад̇д̇ам̣ вавад̇т̇зд̇и, ж̇ивхам̣ аж̇жхад̇д̇ам̣ вавад̇т̇зд̇и, гааяам̣ аж̇жхад̇д̇ам̣ вавад̇т̇зд̇и, манам̣ аж̇жхад̇д̇ам̣ вавад̇т̇зд̇и.
66. Kathaṃ ajjhattavavatthāne paññā vatthunānatte ñāṇaṃ? Kathaṃ ajjhattadhamme vavattheti? Cakkhuṃ ajjhattaṃ vavattheti, sotaṃ ajjhattaṃ vavattheti, ghānaṃ ajjhattaṃ vavattheti, jivhaṃ ajjhattaṃ vavattheti, kāyaṃ ajjhattaṃ vavattheti, manaṃ ajjhattaṃ vavattheti.
гат̇ам̣ жагкум̣ аж̇жхад̇д̇ам̣ вавад̇т̇зд̇и? жагку авиж̇ж̇аасамбхууд̇анд̇и вавад̇т̇зд̇и, жагку д̇ан̣хаасамбхууд̇анд̇и вавад̇т̇зд̇и, жагку гаммасамбхууд̇анд̇и вавад̇т̇зд̇и, жагку аахаарасамбхууд̇анд̇и вавад̇т̇зд̇и, жагку жад̇уннам̣ махаабхууд̇аанам̣ убаад̣̇ааяаад̇и вавад̇т̇зд̇и, жагку уббаннанд̇и вавад̇т̇зд̇и, жагку самуд̣̇ааг̇ад̇анд̇и вавад̇т̇зд̇и. жагку ахуд̇ваа самбхууд̇ам̣, худ̇ваа на бхависсад̇ийд̇и вавад̇т̇зд̇и. жагкум̣ анд̇аванд̇ад̇о вавад̇т̇зд̇и, жагку ад̣̇д̇хувам̣ асассад̇ам̣ вибарин̣аамад̇хамманд̇и вавад̇т̇зд̇и, жагку анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и вавад̇т̇зд̇и . жагкум̣ анижжад̇о вавад̇т̇зд̇и, но нижжад̇о; д̣̇угкад̇о вавад̇т̇зд̇и, но сукад̇о; анад̇д̇ад̇о вавад̇т̇зд̇и, но ад̇д̇ад̇о; ниб̣б̣инд̣̇ад̇и, но нанд̣̇ад̇и; вираж̇ж̇ад̇и, но раж̇ж̇ад̇и; нирод̇хзд̇и, но самуд̣̇зд̇и; бадиниссаж̇ж̇ад̇и, но аад̣̇ияад̇и. анижжад̇о вавад̇т̇знд̇о нижжасан̃н̃ам̣ баж̇ахад̇и, д̣̇угкад̇о вавад̇т̇знд̇о сукасан̃н̃ам̣ баж̇ахад̇и, анад̇д̇ад̇о вавад̇т̇знд̇о ад̇д̇асан̃н̃ам̣ баж̇ахад̇и, ниб̣б̣инд̣̇анд̇о нанд̣̇им̣ баж̇ахад̇и, вираж̇ж̇анд̇о рааг̇ам̣ баж̇ахад̇и, нирод̇хзнд̇о самуд̣̇аяам̣ баж̇ахад̇и, бадиниссаж̇ж̇анд̇о аад̣̇аанам̣ баж̇ахад̇и. звам̣ жагкум̣ аж̇жхад̇д̇ам̣ вавад̇т̇зд̇и.
Kathaṃ cakkhuṃ ajjhattaṃ vavattheti? Cakkhu avijjāsambhūtanti vavattheti, cakkhu taṇhāsambhūtanti vavattheti, cakkhu kammasambhūtanti vavattheti, cakkhu āhārasambhūtanti vavattheti, cakkhu catunnaṃ mahābhūtānaṃ upādāyāti vavattheti, cakkhu uppannanti vavattheti, cakkhu samudāgatanti vavattheti. Cakkhu ahutvā sambhūtaṃ, hutvā na bhavissatīti vavattheti. Cakkhuṃ antavantato vavattheti, cakkhu addhuvaṃ asassataṃ vipariṇāmadhammanti vavattheti, cakkhu aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti vavattheti . Cakkhuṃ aniccato vavattheti, no niccato; dukkhato vavattheti, no sukhato; anattato vavattheti, no attato; nibbindati, no nandati; virajjati, no rajjati; nirodheti, no samudeti; paṭinissajjati, no ādiyati. Aniccato vavatthento niccasaññaṃ pajahati, dukkhato vavatthento sukhasaññaṃ pajahati, anattato vavatthento attasaññaṃ pajahati, nibbindanto nandiṃ pajahati, virajjanto rāgaṃ pajahati, nirodhento samudayaṃ pajahati, paṭinissajjanto ādānaṃ pajahati. Evaṃ cakkhuṃ ajjhattaṃ vavattheti.
гат̇ам̣ сод̇ам̣ аж̇жхад̇д̇ам̣ вавад̇т̇зд̇и? сод̇ам̣ авиж̇ж̇аасамбхууд̇анд̇и вавад̇т̇зд̇и…бз… звам̣ сод̇ам̣ аж̇жхад̇д̇ам̣ вавад̇т̇зд̇и. гат̇ам̣ гхаанам̣ аж̇жхад̇д̇ам̣ вавад̇т̇зд̇и? гхаанам̣ авиж̇ж̇аасамбхууд̇анд̇и вавад̇т̇зд̇и…бз… звам̣ гхаанам̣ аж̇жхад̇д̇ам̣ вавад̇т̇зд̇и. гат̇ам̣ ж̇ивхам̣ аж̇жхад̇д̇ам̣ вавад̇т̇зд̇и? ж̇ивхаа авиж̇ж̇аасамбхууд̇аад̇и вавад̇т̇зд̇и, ж̇ивхаа д̇ан̣хаасамбхууд̇аад̇и вавад̇т̇зд̇и, ж̇ивхаа гаммасамбхууд̇аад̇и вавад̇т̇зд̇и, ж̇ивхаа аахаарасамбхууд̇аад̇и вавад̇т̇зд̇и, ж̇ивхаа жад̇уннам̣ махаабхууд̇аанам̣ убаад̣̇ааяаад̇и вавад̇т̇зд̇и, ж̇ивхаа уббаннаад̇и вавад̇т̇зд̇и ж̇ивхаа самуд̣̇ааг̇ад̇аад̇и вавад̇т̇зд̇и. ж̇ивхаа ахуд̇ваа самбхууд̇аа, худ̇ваа на бхависсад̇ийд̇и вавад̇т̇зд̇и. ж̇ивхам̣ анд̇аванд̇ад̇о вавад̇т̇зд̇и, ж̇ивхаа ад̣̇д̇хуваа асассад̇аа вибарин̣аамад̇хаммаад̇и вавад̇т̇зд̇и, ж̇ивхаа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаад̇и вавад̇т̇зд̇и. ж̇ивхам̣ анижжад̇о вавад̇т̇зд̇и, но нижжад̇о…бз… бадиниссаж̇ж̇ад̇и, но аад̣̇ияад̇и. анижжад̇о вавад̇т̇знд̇о нижжасан̃н̃ам̣ баж̇ахад̇и…бз… бадиниссаж̇ж̇анд̇о аад̣̇аанам̣ баж̇ахад̇и. звам̣ ж̇ивхам̣ аж̇жхад̇д̇ам̣ вавад̇т̇зд̇и.
Kathaṃ sotaṃ ajjhattaṃ vavattheti? Sotaṃ avijjāsambhūtanti vavattheti…pe… evaṃ sotaṃ ajjhattaṃ vavattheti. Kathaṃ ghānaṃ ajjhattaṃ vavattheti? Ghānaṃ avijjāsambhūtanti vavattheti…pe… evaṃ ghānaṃ ajjhattaṃ vavattheti. Kathaṃ jivhaṃ ajjhattaṃ vavattheti? Jivhā avijjāsambhūtāti vavattheti, jivhā taṇhāsambhūtāti vavattheti, jivhā kammasambhūtāti vavattheti, jivhā āhārasambhūtāti vavattheti, jivhā catunnaṃ mahābhūtānaṃ upādāyāti vavattheti, jivhā uppannāti vavattheti jivhā samudāgatāti vavattheti. Jivhā ahutvā sambhūtā, hutvā na bhavissatīti vavattheti. Jivhaṃ antavantato vavattheti, jivhā addhuvā asassatā vipariṇāmadhammāti vavattheti, jivhā aniccā saṅkhatā paṭiccasamuppannā khayadhammā vayadhammā virāgadhammā nirodhadhammāti vavattheti. Jivhaṃ aniccato vavattheti, no niccato…pe… paṭinissajjati, no ādiyati. Aniccato vavatthento niccasaññaṃ pajahati…pe… paṭinissajjanto ādānaṃ pajahati. Evaṃ jivhaṃ ajjhattaṃ vavattheti.
гат̇ам̣ гааяам̣ аж̇жхад̇д̇ам̣ вавад̇т̇зд̇и? гааяо авиж̇ж̇аасамбхууд̇од̇и вавад̇т̇зд̇и, гааяо д̇ан̣хаасамбхууд̇од̇и вавад̇т̇зд̇и, гааяо гаммасамбхууд̇од̇и вавад̇т̇зд̇и, гааяо аахаарасамбхууд̇од̇и вавад̇т̇зд̇и, гааяо жад̇уннам̣ махаабхууд̇аанам̣ убаад̣̇ааяаад̇и вавад̇т̇зд̇и, гааяо уббаннод̇и вавад̇т̇зд̇и, гааяо самуд̣̇ааг̇ад̇од̇и вавад̇т̇зд̇и. гааяо ахуд̇ваа самбхууд̇о, худ̇ваа на бхависсад̇ийд̇и вавад̇т̇зд̇и. гааяам̣ анд̇аванд̇ад̇о вавад̇т̇зд̇и, гааяо ад̣̇д̇хуво асассад̇о вибарин̣аамад̇хаммод̇и вавад̇т̇зд̇и, гааяо анижжо сан̇кад̇о бадижжасамуббанно каяад̇хаммо ваяад̇хаммо вирааг̇ад̇хаммо нирод̇хад̇хаммод̇и вавад̇т̇зд̇и. гааяам̣ анижжад̇о вавад̇т̇зд̇и, но нижжад̇о; д̣̇угкад̇о вавад̇т̇зд̇и, но сукад̇о…бз… бадиниссаж̇ж̇ад̇и, но аад̣̇ияад̇и. анижжад̇о вавад̇т̇знд̇о нижжасан̃н̃ам̣ баж̇ахад̇и, д̣̇угкад̇о вавад̇т̇знд̇о сукасан̃н̃ам̣ баж̇ахад̇и…бз… бадиниссаж̇ж̇анд̇о аад̣̇аанам̣ баж̇ахад̇и. звам̣ гааяам̣ аж̇жхад̇д̇ам̣ вавад̇т̇зд̇и.
Kathaṃ kāyaṃ ajjhattaṃ vavattheti? Kāyo avijjāsambhūtoti vavattheti, kāyo taṇhāsambhūtoti vavattheti, kāyo kammasambhūtoti vavattheti, kāyo āhārasambhūtoti vavattheti, kāyo catunnaṃ mahābhūtānaṃ upādāyāti vavattheti, kāyo uppannoti vavattheti, kāyo samudāgatoti vavattheti. Kāyo ahutvā sambhūto, hutvā na bhavissatīti vavattheti. Kāyaṃ antavantato vavattheti, kāyo addhuvo asassato vipariṇāmadhammoti vavattheti, kāyo anicco saṅkhato paṭiccasamuppanno khayadhammo vayadhammo virāgadhammo nirodhadhammoti vavattheti. Kāyaṃ aniccato vavattheti, no niccato; dukkhato vavattheti, no sukhato…pe… paṭinissajjati, no ādiyati. Aniccato vavatthento niccasaññaṃ pajahati, dukkhato vavatthento sukhasaññaṃ pajahati…pe… paṭinissajjanto ādānaṃ pajahati. Evaṃ kāyaṃ ajjhattaṃ vavattheti.
гат̇ам̣ манам̣ аж̇жхад̇д̇ам̣ вавад̇т̇зд̇и? мано авиж̇ж̇аасамбхууд̇од̇и вавад̇т̇зд̇и, мано д̇ан̣хаасамбхууд̇од̇и вавад̇т̇зд̇и, мано гаммасамбхууд̇од̇и вавад̇т̇зд̇и, мано аахаарасамбхууд̇од̇и вавад̇т̇зд̇и, мано уббаннод̇и вавад̇т̇зд̇и , мано самуд̣̇ааг̇ад̇од̇и вавад̇т̇зд̇и. мано ахуд̇ваа самбхууд̇о, худ̇ваа на бхависсад̇ийд̇и вавад̇т̇зд̇и. манам̣ анд̇аванд̇ад̇о вавад̇т̇зд̇и, мано ад̣̇д̇хуво асассад̇о вибарин̣аамад̇хаммод̇и вавад̇т̇зд̇и, мано анижжо сан̇кад̇о бадижжасамуббанно каяад̇хаммо ваяад̇хаммо вирааг̇ад̇хаммо нирод̇хад̇хаммод̇и вавад̇т̇зд̇и. манам̣ анижжад̇о вавад̇т̇зд̇и, но нижжад̇о; д̣̇угкад̇о вавад̇т̇зд̇и, но сукад̇о; анад̇д̇ад̇о вавад̇т̇зд̇и, но ад̇д̇ад̇о; ниб̣б̣инд̣̇ад̇и, но нанд̣̇ад̇и; вираж̇ж̇ад̇и, но раж̇ж̇ад̇и; нирод̇хзд̇и, но самуд̣̇зд̇и; бадиниссаж̇ж̇ад̇и, но аад̣̇ияад̇и. анижжад̇о вавад̇т̇знд̇о нижжасан̃н̃ам̣ баж̇ахад̇и, д̣̇угкад̇о вавад̇т̇знд̇о сукасан̃н̃ам̣ баж̇ахад̇и, анад̇д̇ад̇о вавад̇т̇знд̇о ад̇д̇асан̃н̃ам̣ баж̇ахад̇и, ниб̣б̣инд̣̇анд̇о нанд̣̇им̣ баж̇ахад̇и, вираж̇ж̇анд̇о рааг̇ам̣ баж̇ахад̇и, нирод̇хзнд̇о самуд̣̇аяам̣ баж̇ахад̇и, бадиниссаж̇ж̇анд̇о аад̣̇аанам̣ баж̇ахад̇и. звам̣ манам̣ аж̇жхад̇д̇ам̣ вавад̇т̇зд̇и. звам̣ аж̇жхад̇д̇ад̇хаммз вавад̇т̇зд̇и. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘аж̇жхад̇д̇ававад̇т̇аанз бан̃н̃аа вад̇т̇унаанад̇д̇з н̃аан̣ам̣’’.
Kathaṃ manaṃ ajjhattaṃ vavattheti? Mano avijjāsambhūtoti vavattheti, mano taṇhāsambhūtoti vavattheti, mano kammasambhūtoti vavattheti, mano āhārasambhūtoti vavattheti, mano uppannoti vavattheti , mano samudāgatoti vavattheti. Mano ahutvā sambhūto, hutvā na bhavissatīti vavattheti. Manaṃ antavantato vavattheti, mano addhuvo asassato vipariṇāmadhammoti vavattheti, mano anicco saṅkhato paṭiccasamuppanno khayadhammo vayadhammo virāgadhammo nirodhadhammoti vavattheti. Manaṃ aniccato vavattheti, no niccato; dukkhato vavattheti, no sukhato; anattato vavattheti, no attato; nibbindati, no nandati; virajjati, no rajjati; nirodheti, no samudeti; paṭinissajjati, no ādiyati. Aniccato vavatthento niccasaññaṃ pajahati, dukkhato vavatthento sukhasaññaṃ pajahati, anattato vavatthento attasaññaṃ pajahati, nibbindanto nandiṃ pajahati, virajjanto rāgaṃ pajahati, nirodhento samudayaṃ pajahati, paṭinissajjanto ādānaṃ pajahati. Evaṃ manaṃ ajjhattaṃ vavattheti. Evaṃ ajjhattadhamme vavattheti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘ajjhattavavatthāne paññā vatthunānatte ñāṇaṃ’’.
вад̇т̇унаанад̇д̇ан̃аан̣анид̣̇д̣̇зсо баннарасамо.
Vatthunānattañāṇaniddeso pannarasamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 15. вад̇т̇унаанад̇д̇ан̃аан̣анид̣̇д̣̇зсаван̣н̣анаа • 15. Vatthunānattañāṇaniddesavaṇṇanā
