| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
143. вад̇т̇утабанаад̣̇и
143. Vatthuṭhapanādi
239. ид̇ха бана, бхигкавз, бхигку д̇ад̣̇аху бавааран̣ааяа сан̇гхамаж̇жхз уд̣̇аахарзяяа – ‘‘сун̣аад̇у мз, бханд̇з, сан̇гхо. ид̣̇ам̣ вад̇т̇у бан̃н̃ааяад̇и, на буг̇г̇ало. яад̣̇и сан̇гхасса бад̇д̇агаллам̣, вад̇т̇ум̣ табзд̇ваа сан̇гхо баваарзяяаа’’д̇и. со звамасса важанийяо – ‘‘бхаг̇авад̇аа ко, аавусо, висуд̣̇д̇хаанам̣ бавааран̣аа бан̃н̃ад̇д̇аа. сажз вад̇т̇у бан̃н̃ааяад̇и, на буг̇г̇ало, ид̣̇аанзва нам̣ вад̣̇зхий’’д̇и.
239. Idha pana, bhikkhave, bhikkhu tadahu pavāraṇāya saṅghamajjhe udāhareyya – ‘‘suṇātu me, bhante, saṅgho. Idaṃ vatthu paññāyati, na puggalo. Yadi saṅghassa pattakallaṃ, vatthuṃ ṭhapetvā saṅgho pavāreyyā’’ti. So evamassa vacanīyo – ‘‘bhagavatā kho, āvuso, visuddhānaṃ pavāraṇā paññattā. Sace vatthu paññāyati, na puggalo, idāneva naṃ vadehī’’ti.
ид̇ха бана, бхигкавз, бхигку д̇ад̣̇аху бавааран̣ааяа сан̇гхамаж̇жхз уд̣̇аахарзяяа – ‘‘сун̣аад̇у мз, бханд̇з, сан̇гхо. аяам̣ буг̇г̇ало бан̃н̃ааяад̇и, на вад̇т̇у. яад̣̇и сан̇гхасса бад̇д̇агаллам̣, буг̇г̇алам̣ табзд̇ваа сан̇гхо баваарзяяаа’’д̇и. со звамасса важанийяо – ‘‘бхаг̇авад̇аа ко, аавусо, самаг̇г̇аанам̣ бавааран̣аа бан̃н̃ад̇д̇аа. сажз буг̇г̇ало бан̃н̃ааяад̇и, на вад̇т̇у, ид̣̇аанзва нам̣ вад̣̇зхий’’д̇и.
Idha pana, bhikkhave, bhikkhu tadahu pavāraṇāya saṅghamajjhe udāhareyya – ‘‘suṇātu me, bhante, saṅgho. Ayaṃ puggalo paññāyati, na vatthu. Yadi saṅghassa pattakallaṃ, puggalaṃ ṭhapetvā saṅgho pavāreyyā’’ti. So evamassa vacanīyo – ‘‘bhagavatā kho, āvuso, samaggānaṃ pavāraṇā paññattā. Sace puggalo paññāyati, na vatthu, idāneva naṃ vadehī’’ti.
ид̇ха бана, бхигкавз, бхигку д̇ад̣̇аху бавааран̣ааяа сан̇гхамаж̇жхз уд̣̇аахарзяяа – ‘‘сун̣аад̇у мз, бханд̇з, сан̇гхо. ид̣̇ам̣ вад̇т̇у жа буг̇г̇ало жа бан̃н̃ааяад̇и. яад̣̇и сан̇гхасса бад̇д̇агаллам̣, вад̇т̇ун̃жа буг̇г̇алан̃жа табзд̇ваа сан̇гхо баваарзяяаа’’д̇и. со звамасса важанийяо – ‘‘бхаг̇авад̇аа ко, аавусо, висуд̣̇д̇хаанан̃жа самаг̇г̇аанан̃жа бавааран̣аа бан̃н̃ад̇д̇аа. сажз вад̇т̇у жа буг̇г̇ало жа бан̃н̃ааяад̇и, ид̣̇аанзва нам̣ вад̣̇зхий’’д̇и.
Idha pana, bhikkhave, bhikkhu tadahu pavāraṇāya saṅghamajjhe udāhareyya – ‘‘suṇātu me, bhante, saṅgho. Idaṃ vatthu ca puggalo ca paññāyati. Yadi saṅghassa pattakallaṃ, vatthuñca puggalañca ṭhapetvā saṅgho pavāreyyā’’ti. So evamassa vacanīyo – ‘‘bhagavatā kho, āvuso, visuddhānañca samaggānañca pavāraṇā paññattā. Sace vatthu ca puggalo ca paññāyati, idāneva naṃ vadehī’’ti.
буб̣б̣з жз, бхигкавз, бавааран̣ааяа вад̇т̇у бан̃н̃ааяад̇и, бажчаа буг̇г̇ало, галлам̣ важанааяа. буб̣б̣з жз, бхигкавз, бавааран̣ааяа буг̇г̇ало бан̃н̃ааяад̇и, бажчаа вад̇т̇у, галлам̣ важанааяа. буб̣б̣з жз, бхигкавз, бавааран̣ааяа вад̇т̇у жа буг̇г̇ало жа бан̃н̃ааяад̇и, д̇ам̣ жз гад̇ааяа бавааран̣ааяа уггодзд̇и, уггоданагам̣ баажид̇д̇ияанд̇и.
Pubbe ce, bhikkhave, pavāraṇāya vatthu paññāyati, pacchā puggalo, kallaṃ vacanāya. Pubbe ce, bhikkhave, pavāraṇāya puggalo paññāyati, pacchā vatthu, kallaṃ vacanāya. Pubbe ce, bhikkhave, pavāraṇāya vatthu ca puggalo ca paññāyati, taṃ ce katāya pavāraṇāya ukkoṭeti, ukkoṭanakaṃ pācittiyanti.
вад̇т̇утабанаад̣̇и нидтид̇аа.
Vatthuṭhapanādi niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / вад̇т̇утабанаад̣̇игат̇аа • Vatthuṭhapanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анаабад̇д̇ибаннарасагаад̣̇игат̇ааван̣н̣анаа • Anāpattipannarasakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / апаасувихаарагат̇аад̣̇иван̣н̣анаа • Aphāsuvihārakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 143. вад̇т̇удтабанаад̣̇игат̇аа • 143. Vatthuṭṭhapanādikathā
