| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੪੩. વਤ੍ਥੁਠਪਨਾਦਿ
143. Vatthuṭhapanādi
੨੩੯. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਤਦਹੁ ਪવਾਰਣਾਯ ਸਙ੍ਘਮਜ੍ਝੇ ਉਦਾਹਰੇਯ੍ਯ – ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਦਂ વਤ੍ਥੁ ਪਞ੍ਞਾਯਤਿ, ਨ ਪੁਗ੍ਗਲੋ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, વਤ੍ਥੁਂ ਠਪੇਤ੍વਾ ਸਙ੍ਘੋ ਪવਾਰੇਯ੍ਯਾ’’ਤਿ। ਸੋ ਏવਮਸ੍ਸ વਚਨੀਯੋ – ‘‘ਭਗવਤਾ ਖੋ, ਆવੁਸੋ, વਿਸੁਦ੍ਧਾਨਂ ਪવਾਰਣਾ ਪਞ੍ਞਤ੍ਤਾ। ਸਚੇ વਤ੍ਥੁ ਪਞ੍ਞਾਯਤਿ, ਨ ਪੁਗ੍ਗਲੋ, ਇਦਾਨੇવ ਨਂ વਦੇਹੀ’’ਤਿ।
239. Idha pana, bhikkhave, bhikkhu tadahu pavāraṇāya saṅghamajjhe udāhareyya – ‘‘suṇātu me, bhante, saṅgho. Idaṃ vatthu paññāyati, na puggalo. Yadi saṅghassa pattakallaṃ, vatthuṃ ṭhapetvā saṅgho pavāreyyā’’ti. So evamassa vacanīyo – ‘‘bhagavatā kho, āvuso, visuddhānaṃ pavāraṇā paññattā. Sace vatthu paññāyati, na puggalo, idāneva naṃ vadehī’’ti.
ਇਧ ਪਨ, ਭਿਕ੍ਖવੇ, ਭਿਕ੍ਖੁ ਤਦਹੁ ਪવਾਰਣਾਯ ਸਙ੍ਘਮਜ੍ਝੇ ਉਦਾਹਰੇਯ੍ਯ – ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਪੁਗ੍ਗਲੋ ਪਞ੍ਞਾਯਤਿ, ਨ વਤ੍ਥੁ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਪੁਗ੍ਗਲਂ ਠਪੇਤ੍વਾ ਸਙ੍ਘੋ ਪવਾਰੇਯ੍ਯਾ’’ਤਿ। ਸੋ ਏવਮਸ੍ਸ વਚਨੀਯੋ – ‘‘ਭਗવਤਾ ਖੋ, ਆવੁਸੋ, ਸਮਗ੍ਗਾਨਂ ਪવਾਰਣਾ ਪਞ੍ਞਤ੍ਤਾ। ਸਚੇ ਪੁਗ੍ਗਲੋ ਪਞ੍ਞਾਯਤਿ, ਨ વਤ੍ਥੁ, ਇਦਾਨੇવ ਨਂ વਦੇਹੀ’’ਤਿ।
Idha pana, bhikkhave, bhikkhu tadahu pavāraṇāya saṅghamajjhe udāhareyya – ‘‘suṇātu me, bhante, saṅgho. Ayaṃ puggalo paññāyati, na vatthu. Yadi saṅghassa pattakallaṃ, puggalaṃ ṭhapetvā saṅgho pavāreyyā’’ti. So evamassa vacanīyo – ‘‘bhagavatā kho, āvuso, samaggānaṃ pavāraṇā paññattā. Sace puggalo paññāyati, na vatthu, idāneva naṃ vadehī’’ti.
ਇਧ ਪਨ, ਭਿਕ੍ਖવੇ, ਭਿਕ੍ਖੁ ਤਦਹੁ ਪવਾਰਣਾਯ ਸਙ੍ਘਮਜ੍ਝੇ ਉਦਾਹਰੇਯ੍ਯ – ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਦਂ વਤ੍ਥੁ ਚ ਪੁਗ੍ਗਲੋ ਚ ਪਞ੍ਞਾਯਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, વਤ੍ਥੁਞ੍ਚ ਪੁਗ੍ਗਲਞ੍ਚ ਠਪੇਤ੍વਾ ਸਙ੍ਘੋ ਪવਾਰੇਯ੍ਯਾ’’ਤਿ। ਸੋ ਏવਮਸ੍ਸ વਚਨੀਯੋ – ‘‘ਭਗવਤਾ ਖੋ, ਆવੁਸੋ, વਿਸੁਦ੍ਧਾਨਞ੍ਚ ਸਮਗ੍ਗਾਨਞ੍ਚ ਪવਾਰਣਾ ਪਞ੍ਞਤ੍ਤਾ। ਸਚੇ વਤ੍ਥੁ ਚ ਪੁਗ੍ਗਲੋ ਚ ਪਞ੍ਞਾਯਤਿ, ਇਦਾਨੇવ ਨਂ વਦੇਹੀ’’ਤਿ।
Idha pana, bhikkhave, bhikkhu tadahu pavāraṇāya saṅghamajjhe udāhareyya – ‘‘suṇātu me, bhante, saṅgho. Idaṃ vatthu ca puggalo ca paññāyati. Yadi saṅghassa pattakallaṃ, vatthuñca puggalañca ṭhapetvā saṅgho pavāreyyā’’ti. So evamassa vacanīyo – ‘‘bhagavatā kho, āvuso, visuddhānañca samaggānañca pavāraṇā paññattā. Sace vatthu ca puggalo ca paññāyati, idāneva naṃ vadehī’’ti.
ਪੁਬ੍ਬੇ ਚੇ, ਭਿਕ੍ਖવੇ, ਪવਾਰਣਾਯ વਤ੍ਥੁ ਪਞ੍ਞਾਯਤਿ, ਪਚ੍ਛਾ ਪੁਗ੍ਗਲੋ, ਕਲ੍ਲਂ વਚਨਾਯ। ਪੁਬ੍ਬੇ ਚੇ, ਭਿਕ੍ਖવੇ, ਪવਾਰਣਾਯ ਪੁਗ੍ਗਲੋ ਪਞ੍ਞਾਯਤਿ, ਪਚ੍ਛਾ વਤ੍ਥੁ, ਕਲ੍ਲਂ વਚਨਾਯ। ਪੁਬ੍ਬੇ ਚੇ, ਭਿਕ੍ਖવੇ, ਪવਾਰਣਾਯ વਤ੍ਥੁ ਚ ਪੁਗ੍ਗਲੋ ਚ ਪਞ੍ਞਾਯਤਿ, ਤਂ ਚੇ ਕਤਾਯ ਪવਾਰਣਾਯ ਉਕ੍ਕੋਟੇਤਿ, ਉਕ੍ਕੋਟਨਕਂ ਪਾਚਿਤ੍ਤਿਯਨ੍ਤਿ।
Pubbe ce, bhikkhave, pavāraṇāya vatthu paññāyati, pacchā puggalo, kallaṃ vacanāya. Pubbe ce, bhikkhave, pavāraṇāya puggalo paññāyati, pacchā vatthu, kallaṃ vacanāya. Pubbe ce, bhikkhave, pavāraṇāya vatthu ca puggalo ca paññāyati, taṃ ce katāya pavāraṇāya ukkoṭeti, ukkoṭanakaṃ pācittiyanti.
વਤ੍ਥੁਠਪਨਾਦਿ ਨਿਟ੍ਠਿਤਾ।
Vatthuṭhapanādi niṭṭhitā.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / વਤ੍ਥੁਠਪਨਾਦਿਕਥਾ • Vatthuṭhapanādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨਾਪਤ੍ਤਿਪਨ੍ਨਰਸਕਾਦਿਕਥਾવਣ੍ਣਨਾ • Anāpattipannarasakādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਫਾਸੁવਿਹਾਰਕਥਾਦਿવਣ੍ਣਨਾ • Aphāsuvihārakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੪੩. વਤ੍ਥੁਟ੍ਠਪਨਾਦਿਕਥਾ • 143. Vatthuṭṭhapanādikathā
