| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
143. வத்து²ட்ட²பனாதி³கதா²
143. Vatthuṭṭhapanādikathā
239. சோரா அக³மங்ஸு கிராதி ஸம்ப³ந்தோ⁴. பொக்க²ரணிதோ நீஹரித்வாதி ஸம்ப³ந்தோ⁴. ஸோதி பி⁴க்கு², ஏவமாஹாதி ஸம்ப³ந்தோ⁴. வுத்தே²னாதி வஸந்தேன, யேன கேனசி கதந்தி ஸம்ப³ந்தோ⁴. தங் புக்³க³லந்தி வத்து²கதங் தங் புக்³க³லங். எத்தா²தி ‘‘வத்து²ங் ட²பெத்வா ஸங்கோ⁴ பவாரெய்யா’’தி பாடே² . இமினா வத்து²னா அபதி³ஸாஹீதி ஸம்ப³ந்தோ⁴. நந்தி புக்³க³லங். அனுவிஜ்ஜித்வாதி அனுயுஞ்ஜித்வா, புச்சி²த்வாதி அத்தோ².
239. Corā agamaṃsu kirāti sambandho. Pokkharaṇito nīharitvāti sambandho. Soti bhikkhu, evamāhāti sambandho. Vutthenāti vasantena, yena kenaci katanti sambandho. Taṃ puggalanti vatthukataṃ taṃ puggalaṃ. Etthāti ‘‘vatthuṃ ṭhapetvā saṅgho pavāreyyā’’ti pāṭhe . Iminā vatthunā apadisāhīti sambandho. Nanti puggalaṃ. Anuvijjitvāti anuyuñjitvā, pucchitvāti attho.
ஏகோ பி⁴க்கு² பூஜேஸி, பிவீதி ஸம்ப³ந்தோ⁴. தஸ்ஸாதி பி⁴க்கு²ஸ்ஸ. தத³னுரூபோதி தேஸங் பூஜனபிவனானங் அனுரூபோ. ஸோதி சோத³கோ பி⁴க்கு². தங் க³ந்த⁴ந்தி தங் ஸரீரக³ந்த⁴ங். யங் புக்³க³லந்தி யோஜனா. ட²பேஸீதி பவாரணாய ட²பேஸி. அயமஸ்ஸாதி அயங் தோ³ஸோ அஸ்ஸ புக்³க³லஸ்ஸ.
Eko bhikkhu pūjesi, pivīti sambandho. Tassāti bhikkhussa. Tadanurūpoti tesaṃ pūjanapivanānaṃ anurūpo. Soti codako bhikkhu. Taṃ gandhanti taṃ sarīragandhaṃ. Yaṃ puggalanti yojanā. Ṭhapesīti pavāraṇāya ṭhapesi. Ayamassāti ayaṃ doso assa puggalassa.
இதா³னேவ நந்தி எத்த² ‘‘ந’’ந்தி பத³ங் ‘‘புக்³க³ல’’ந்தி பதே³ன யோஜேதப்³ப³ங். நங் புக்³க³லந்தி ஹி அத்தோ². உப⁴யந்தி வத்து²ஞ்ச புக்³க³லஞ்சாதி உப⁴யங். கல்லங் வசனாயாதி யுத்தங் கதே²துங். கஸ்மா கல்லங் வசனாயாதி யோஜனா. பவாரணதோ புப்³பே³, பச்சா² சாதி ஸம்ப³ந்தோ⁴. இதி தஸ்மா கல்லங் வசனாயாதி யோஜனா. இத³ஞ்ஹி உப⁴யந்தி வத்து²புக்³க³லஸங்கா²தங் இத³மேவ உப⁴யங். பவாரணாய புப்³பே³தி யோஜனா. உக்கோடெந்தஸ்ஸாதி சாலெந்தஸ்ஸ.
Idāneva nanti ettha ‘‘na’’nti padaṃ ‘‘puggala’’nti padena yojetabbaṃ. Naṃ puggalanti hi attho. Ubhayanti vatthuñca puggalañcāti ubhayaṃ. Kallaṃ vacanāyāti yuttaṃ kathetuṃ. Kasmā kallaṃ vacanāyāti yojanā. Pavāraṇato pubbe, pacchā cāti sambandho. Iti tasmā kallaṃ vacanāyāti yojanā. Idañhi ubhayanti vatthupuggalasaṅkhātaṃ idameva ubhayaṃ. Pavāraṇāya pubbeti yojanā. Ukkoṭentassāti cālentassa.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 143. வத்து²ட²பனாதி³ • 143. Vatthuṭhapanādi
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / வத்து²ட²பனாதி³கதா² • Vatthuṭhapanādikathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அனாபத்திபன்னரஸகாதி³கதா²வண்ணனா • Anāpattipannarasakādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அபா²ஸுவிஹாரகதா²தி³வண்ணனா • Aphāsuvihārakathādivaṇṇanā
