| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๑๔๓. วตฺถุฎฺฐปนาทิกถา
143. Vatthuṭṭhapanādikathā
๒๓๙. โจรา อคมํสุ กิราติ สมฺพโนฺธฯ โปกฺขรณิโต นีหริตฺวาติ สมฺพโนฺธฯ โสติ ภิกฺขุ, เอวมาหาติ สมฺพโนฺธฯ วุเตฺถนาติ วสเนฺตน, เยน เกนจิ กตนฺติ สมฺพโนฺธฯ ตํ ปุคฺคลนฺติ วตฺถุกตํ ตํ ปุคฺคลํฯ เอตฺถาติ ‘‘วตฺถุํ ฐเปตฺวา สโงฺฆ ปวาเรยฺยา’’ติ ปาเฐ ฯ อิมินา วตฺถุนา อปทิสาหีติ สมฺพโนฺธฯ นนฺติ ปุคฺคลํฯ อนุวิชฺชิตฺวาติ อนุยุญฺชิตฺวา, ปุจฺฉิตฺวาติ อโตฺถฯ
239. Corā agamaṃsu kirāti sambandho. Pokkharaṇito nīharitvāti sambandho. Soti bhikkhu, evamāhāti sambandho. Vutthenāti vasantena, yena kenaci katanti sambandho. Taṃ puggalanti vatthukataṃ taṃ puggalaṃ. Etthāti ‘‘vatthuṃ ṭhapetvā saṅgho pavāreyyā’’ti pāṭhe . Iminā vatthunā apadisāhīti sambandho. Nanti puggalaṃ. Anuvijjitvāti anuyuñjitvā, pucchitvāti attho.
เอโก ภิกฺขุ ปูเชสิ, ปิวีติ สมฺพโนฺธฯ ตสฺสาติ ภิกฺขุสฺสฯ ตทนุรูโปติ เตสํ ปูชนปิวนานํ อนุรูโปฯ โสติ โจทโก ภิกฺขุฯ ตํ คนฺธนฺติ ตํ สรีรคนฺธํฯ ยํ ปุคฺคลนฺติ โยชนาฯ ฐเปสีติ ปวารณาย ฐเปสิฯ อยมสฺสาติ อยํ โทโส อสฺส ปุคฺคลสฺสฯ
Eko bhikkhu pūjesi, pivīti sambandho. Tassāti bhikkhussa. Tadanurūpoti tesaṃ pūjanapivanānaṃ anurūpo. Soti codako bhikkhu. Taṃ gandhanti taṃ sarīragandhaṃ. Yaṃ puggalanti yojanā. Ṭhapesīti pavāraṇāya ṭhapesi. Ayamassāti ayaṃ doso assa puggalassa.
อิทาเนว นนฺติ เอตฺถ ‘‘น’’นฺติ ปทํ ‘‘ปุคฺคล’’นฺติ ปเทน โยเชตพฺพํฯ นํ ปุคฺคลนฺติ หิ อโตฺถฯ อุภยนฺติ วตฺถุญฺจ ปุคฺคลญฺจาติ อุภยํฯ กลฺลํ วจนายาติ ยุตฺตํ กเถตุํฯ กสฺมา กลฺลํ วจนายาติ โยชนาฯ ปวารณโต ปุเพฺพ, ปจฺฉา จาติ สมฺพโนฺธฯ อิติ ตสฺมา กลฺลํ วจนายาติ โยชนาฯ อิทญฺหิ อุภยนฺติ วตฺถุปุคฺคลสงฺขาตํ อิทเมว อุภยํฯ ปวารณาย ปุเพฺพติ โยชนาฯ อุโกฺกเฎนฺตสฺสาติ จาเลนฺตสฺสฯ
Idāneva nanti ettha ‘‘na’’nti padaṃ ‘‘puggala’’nti padena yojetabbaṃ. Naṃ puggalanti hi attho. Ubhayanti vatthuñca puggalañcāti ubhayaṃ. Kallaṃ vacanāyāti yuttaṃ kathetuṃ. Kasmā kallaṃ vacanāyāti yojanā. Pavāraṇato pubbe, pacchā cāti sambandho. Iti tasmā kallaṃ vacanāyāti yojanā. Idañhi ubhayanti vatthupuggalasaṅkhātaṃ idameva ubhayaṃ. Pavāraṇāya pubbeti yojanā. Ukkoṭentassāti cālentassa.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๔๓. วตฺถุฐปนาทิ • 143. Vatthuṭhapanādi
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / วตฺถุฐปนาทิกถา • Vatthuṭhapanādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อนาปตฺติปนฺนรสกาทิกถาวณฺณนา • Anāpattipannarasakādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อผาสุวิหารกถาทิวณฺณนา • Aphāsuvihārakathādivaṇṇanā
