| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၄၃. ဝတ္ထုဋ္ဌပနာဒိကထာ
143. Vatthuṭṭhapanādikathā
၂၃၉. စောရာ အဂမံသု ကိရာတိ သမ္ဗန္ဓော။ ပောက္ခရဏိတော နီဟရိတ္ဝာတိ သမ္ဗန္ဓော။ သောတိ ဘိက္ခု, ဧဝမာဟာတိ သမ္ဗန္ဓော။ ဝုတ္ထေနာတိ ဝသန္တေန, ယေန ကေနစိ ကတန္တိ သမ္ဗန္ဓော။ တံ ပုဂ္ဂလန္တိ ဝတ္ထုကတံ တံ ပုဂ္ဂလံ။ ဧတ္ထာတိ ‘‘ဝတ္ထုံ ဌပေတ္ဝာ သင္ဃော ပဝာရေယ္ယာ’’တိ ပာဌေ ။ ဣမိနာ ဝတ္ထုနာ အပဒိသာဟီတိ သမ္ဗန္ဓော။ နန္တိ ပုဂ္ဂလံ။ အနုဝိဇ္ဇိတ္ဝာတိ အနုယုဉ္ဇိတ္ဝာ, ပုစ္ဆိတ္ဝာတိ အတ္ထော။
239. Corā agamaṃsu kirāti sambandho. Pokkharaṇito nīharitvāti sambandho. Soti bhikkhu, evamāhāti sambandho. Vutthenāti vasantena, yena kenaci katanti sambandho. Taṃ puggalanti vatthukataṃ taṃ puggalaṃ. Etthāti ‘‘vatthuṃ ṭhapetvā saṅgho pavāreyyā’’ti pāṭhe . Iminā vatthunā apadisāhīti sambandho. Nanti puggalaṃ. Anuvijjitvāti anuyuñjitvā, pucchitvāti attho.
ဧကော ဘိက္ခု ပူဇေသိ, ပိဝီတိ သမ္ဗန္ဓော။ တသ္သာတိ ဘိက္ခုသ္သ။ တဒနုရူပောတိ တေသံ ပူဇနပိဝနာနံ အနုရူပော။ သောတိ စောဒကော ဘိက္ခု။ တံ ဂန္ဓန္တိ တံ သရီရဂန္ဓံ။ ယံ ပုဂ္ဂလန္တိ ယောဇနာ။ ဌပေသီတိ ပဝာရဏာယ ဌပေသိ။ အယမသ္သာတိ အယံ ဒောသော အသ္သ ပုဂ္ဂလသ္သ။
Eko bhikkhu pūjesi, pivīti sambandho. Tassāti bhikkhussa. Tadanurūpoti tesaṃ pūjanapivanānaṃ anurūpo. Soti codako bhikkhu. Taṃ gandhanti taṃ sarīragandhaṃ. Yaṃ puggalanti yojanā. Ṭhapesīti pavāraṇāya ṭhapesi. Ayamassāti ayaṃ doso assa puggalassa.
ဣဒာနေဝ နန္တိ ဧတ္ထ ‘‘န’’န္တိ ပဒံ ‘‘ပုဂ္ဂလ’’န္တိ ပဒေန ယောဇေတဗ္ဗံ။ နံ ပုဂ္ဂလန္တိ ဟိ အတ္ထော။ ဥဘယန္တိ ဝတ္ထုဉ္စ ပုဂ္ဂလဉ္စာတိ ဥဘယံ။ ကလ္လံ ဝစနာယာတိ ယုတ္တံ ကထေတုံ။ ကသ္မာ ကလ္လံ ဝစနာယာတိ ယောဇနာ။ ပဝာရဏတော ပုဗ္ဗေ, ပစ္ဆာ စာတိ သမ္ဗန္ဓော။ ဣတိ တသ္မာ ကလ္လံ ဝစနာယာတိ ယောဇနာ။ ဣဒဉ္ဟိ ဥဘယန္တိ ဝတ္ထုပုဂ္ဂလသင္ခာတံ ဣဒမေဝ ဥဘယံ။ ပဝာရဏာယ ပုဗ္ဗေတိ ယောဇနာ။ ဥက္ကောဋေန္တသ္သာတိ စာလေန္တသ္သ။
Idāneva nanti ettha ‘‘na’’nti padaṃ ‘‘puggala’’nti padena yojetabbaṃ. Naṃ puggalanti hi attho. Ubhayanti vatthuñca puggalañcāti ubhayaṃ. Kallaṃ vacanāyāti yuttaṃ kathetuṃ. Kasmā kallaṃ vacanāyāti yojanā. Pavāraṇato pubbe, pacchā cāti sambandho. Iti tasmā kallaṃ vacanāyāti yojanā. Idañhi ubhayanti vatthupuggalasaṅkhātaṃ idameva ubhayaṃ. Pavāraṇāya pubbeti yojanā. Ukkoṭentassāti cālentassa.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၄၃. ဝတ္ထုဌပနာဒိ • 143. Vatthuṭhapanādi
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဝတ္ထုဌပနာဒိကထာ • Vatthuṭhapanādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အနာပတ္တိပန္နရသကာဒိကထာဝဏ္ဏနာ • Anāpattipannarasakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အဖာသုဝိဟာရကထာဒိဝဏ္ဏနာ • Aphāsuvihārakathādivaṇṇanā
