| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༡༤༣. ཝཏྠུཊྛཔནཱདིཀཐཱ
143. Vatthuṭṭhapanādikathā
༢༣༩. ཙོརཱ ཨགམཾསུ ཀིརཱཏི སམྦནྡྷོ། པོཀྑརཎིཏོ ནཱིཧརིཏྭཱཏི སམྦནྡྷོ། སོཏི བྷིཀྑུ, ཨེཝམཱཧཱཏི སམྦནྡྷོ། ཝུཏྠེནཱཏི ཝསནྟེན, ཡེན ཀེནཙི ཀཏནྟི སམྦནྡྷོ། ཏཾ པུགྒལནྟི ཝཏྠུཀཏཾ ཏཾ པུགྒལཾ། ཨེཏྠཱཏི ‘‘ཝཏྠུཾ ཋཔེཏྭཱ སངྒྷོ པཝཱརེཡྻཱ’’ཏི པཱཋེ ། ཨིམིནཱ ཝཏྠུནཱ ཨཔདིསཱཧཱིཏི སམྦནྡྷོ། ནནྟི པུགྒལཾ། ཨནུཝིཛྫིཏྭཱཏི ཨནུཡུཉྫིཏྭཱ, པུཙྪིཏྭཱཏི ཨཏྠོ།
239. Corā agamaṃsu kirāti sambandho. Pokkharaṇito nīharitvāti sambandho. Soti bhikkhu, evamāhāti sambandho. Vutthenāti vasantena, yena kenaci katanti sambandho. Taṃ puggalanti vatthukataṃ taṃ puggalaṃ. Etthāti ‘‘vatthuṃ ṭhapetvā saṅgho pavāreyyā’’ti pāṭhe . Iminā vatthunā apadisāhīti sambandho. Nanti puggalaṃ. Anuvijjitvāti anuyuñjitvā, pucchitvāti attho.
ཨེཀོ བྷིཀྑུ པཱུཛེསི, པིཝཱིཏི སམྦནྡྷོ། ཏསྶཱཏི བྷིཀྑུསྶ། ཏདནུརཱུཔོཏི ཏེསཾ པཱུཛནཔིཝནཱནཾ ཨནུརཱུཔོ། སོཏི ཙོདཀོ བྷིཀྑུ། ཏཾ གནྡྷནྟི ཏཾ སརཱིརགནྡྷཾ། ཡཾ པུགྒལནྟི ཡོཛནཱ། ཋཔེསཱིཏི པཝཱརཎཱཡ ཋཔེསི། ཨཡམསྶཱཏི ཨཡཾ དོསོ ཨསྶ པུགྒལསྶ།
Eko bhikkhu pūjesi, pivīti sambandho. Tassāti bhikkhussa. Tadanurūpoti tesaṃ pūjanapivanānaṃ anurūpo. Soti codako bhikkhu. Taṃ gandhanti taṃ sarīragandhaṃ. Yaṃ puggalanti yojanā. Ṭhapesīti pavāraṇāya ṭhapesi. Ayamassāti ayaṃ doso assa puggalassa.
ཨིདཱནེཝ ནནྟི ཨེཏྠ ‘‘ན’’ནྟི པདཾ ‘‘པུགྒལ’’ནྟི པདེན ཡོཛེཏབྦཾ། ནཾ པུགྒལནྟི ཧི ཨཏྠོ། ཨུབྷཡནྟི ཝཏྠུཉྩ པུགྒལཉྩཱཏི ཨུབྷཡཾ། ཀལླཾ ཝཙནཱཡཱཏི ཡུཏྟཾ ཀཐེཏུཾ། ཀསྨཱ ཀལླཾ ཝཙནཱཡཱཏི ཡོཛནཱ། པཝཱརཎཏོ པུབྦེ, པཙྪཱ ཙཱཏི སམྦནྡྷོ། ཨིཏི ཏསྨཱ ཀལླཾ ཝཙནཱཡཱཏི ཡོཛནཱ། ཨིདཉྷི ཨུབྷཡནྟི ཝཏྠུཔུགྒལསངྑཱཏཾ ཨིདམེཝ ཨུབྷཡཾ། པཝཱརཎཱཡ པུབྦེཏི ཡོཛནཱ། ཨུཀྐོཊེནྟསྶཱཏི ཙཱལེནྟསྶ།
Idāneva nanti ettha ‘‘na’’nti padaṃ ‘‘puggala’’nti padena yojetabbaṃ. Naṃ puggalanti hi attho. Ubhayanti vatthuñca puggalañcāti ubhayaṃ. Kallaṃ vacanāyāti yuttaṃ kathetuṃ. Kasmā kallaṃ vacanāyāti yojanā. Pavāraṇato pubbe, pacchā cāti sambandho. Iti tasmā kallaṃ vacanāyāti yojanā. Idañhi ubhayanti vatthupuggalasaṅkhātaṃ idameva ubhayaṃ. Pavāraṇāya pubbeti yojanā. Ukkoṭentassāti cālentassa.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༤༣. ཝཏྠུཋཔནཱདི • 143. Vatthuṭhapanādi
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཝཏྠུཋཔནཱདིཀཐཱ • Vatthuṭhapanādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨནཱཔཏྟིཔནྣརསཀཱདིཀཐཱཝཎྞནཱ • Anāpattipannarasakādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨཕཱསུཝིཧཱརཀཐཱདིཝཎྞནཱ • Aphāsuvihārakathādivaṇṇanā
