| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
൧൪൩. വത്ഥുട്ഠപനാദികഥാ
143. Vatthuṭṭhapanādikathā
൨൩൯. ചോരാ അഗമംസു കിരാതി സമ്ബന്ധോ. പോക്ഖരണിതോ നീഹരിത്വാതി സമ്ബന്ധോ. സോതി ഭിക്ഖു, ഏവമാഹാതി സമ്ബന്ധോ. വുത്ഥേനാതി വസന്തേന, യേന കേനചി കതന്തി സമ്ബന്ധോ. തം പുഗ്ഗലന്തി വത്ഥുകതം തം പുഗ്ഗലം. ഏത്ഥാതി ‘‘വത്ഥും ഠപേത്വാ സങ്ഘോ പവാരേയ്യാ’’തി പാഠേ . ഇമിനാ വത്ഥുനാ അപദിസാഹീതി സമ്ബന്ധോ. നന്തി പുഗ്ഗലം. അനുവിജ്ജിത്വാതി അനുയുഞ്ജിത്വാ, പുച്ഛിത്വാതി അത്ഥോ.
239. Corā agamaṃsu kirāti sambandho. Pokkharaṇito nīharitvāti sambandho. Soti bhikkhu, evamāhāti sambandho. Vutthenāti vasantena, yena kenaci katanti sambandho. Taṃ puggalanti vatthukataṃ taṃ puggalaṃ. Etthāti ‘‘vatthuṃ ṭhapetvā saṅgho pavāreyyā’’ti pāṭhe . Iminā vatthunā apadisāhīti sambandho. Nanti puggalaṃ. Anuvijjitvāti anuyuñjitvā, pucchitvāti attho.
ഏകോ ഭിക്ഖു പൂജേസി, പിവീതി സമ്ബന്ധോ. തസ്സാതി ഭിക്ഖുസ്സ. തദനുരൂപോതി തേസം പൂജനപിവനാനം അനുരൂപോ. സോതി ചോദകോ ഭിക്ഖു. തം ഗന്ധന്തി തം സരീരഗന്ധം. യം പുഗ്ഗലന്തി യോജനാ. ഠപേസീതി പവാരണായ ഠപേസി. അയമസ്സാതി അയം ദോസോ അസ്സ പുഗ്ഗലസ്സ.
Eko bhikkhu pūjesi, pivīti sambandho. Tassāti bhikkhussa. Tadanurūpoti tesaṃ pūjanapivanānaṃ anurūpo. Soti codako bhikkhu. Taṃ gandhanti taṃ sarīragandhaṃ. Yaṃ puggalanti yojanā. Ṭhapesīti pavāraṇāya ṭhapesi. Ayamassāti ayaṃ doso assa puggalassa.
ഇദാനേവ നന്തി ഏത്ഥ ‘‘ന’’ന്തി പദം ‘‘പുഗ്ഗല’’ന്തി പദേന യോജേതബ്ബം. നം പുഗ്ഗലന്തി ഹി അത്ഥോ. ഉഭയന്തി വത്ഥുഞ്ച പുഗ്ഗലഞ്ചാതി ഉഭയം. കല്ലം വചനായാതി യുത്തം കഥേതും. കസ്മാ കല്ലം വചനായാതി യോജനാ. പവാരണതോ പുബ്ബേ, പച്ഛാ ചാതി സമ്ബന്ധോ. ഇതി തസ്മാ കല്ലം വചനായാതി യോജനാ. ഇദഞ്ഹി ഉഭയന്തി വത്ഥുപുഗ്ഗലസങ്ഖാതം ഇദമേവ ഉഭയം. പവാരണായ പുബ്ബേതി യോജനാ. ഉക്കോടേന്തസ്സാതി ചാലേന്തസ്സ.
Idāneva nanti ettha ‘‘na’’nti padaṃ ‘‘puggala’’nti padena yojetabbaṃ. Naṃ puggalanti hi attho. Ubhayanti vatthuñca puggalañcāti ubhayaṃ. Kallaṃ vacanāyāti yuttaṃ kathetuṃ. Kasmā kallaṃ vacanāyāti yojanā. Pavāraṇato pubbe, pacchā cāti sambandho. Iti tasmā kallaṃ vacanāyāti yojanā. Idañhi ubhayanti vatthupuggalasaṅkhātaṃ idameva ubhayaṃ. Pavāraṇāya pubbeti yojanā. Ukkoṭentassāti cālentassa.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൪൩. വത്ഥുഠപനാദി • 143. Vatthuṭhapanādi
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / വത്ഥുഠപനാദികഥാ • Vatthuṭhapanādikathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / അനാപത്തിപന്നരസകാദികഥാവണ്ണനാ • Anāpattipannarasakādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / അഫാസുവിഹാരകഥാദിവണ്ണനാ • Aphāsuvihārakathādivaṇṇanā
