| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
вад̇д̇угаамаваарагат̇ааван̣н̣анаа
Vattukāmavārakathāvaṇṇanā
215. гзвалан̃хияанд̇и гзвалан̃хи аяам̣. ‘‘вааро’’д̇и аж̇жхаахарид̇аб̣б̣ам̣. д̇ан̇кан̣ан̃н̃зва ж̇аанаад̇ийд̇и ‘‘батамаж̇жхаанам̣ самаабаж̇ж̇и’’нд̇иаад̣̇имхи вуд̇д̇з д̇ад̣̇ад̇т̇асса багад̇ияаа виж̇аананалагкан̣ам̣ санд̇хааяа вуд̇д̇ам̣. звам̣ бана важийбхзд̣̇ам̣ агад̇ваа баггаманаад̣̇ийсу ан̃н̃ад̇аро бхигку ‘‘мам̣ арахаад̇и ж̇аанаад̇уу’’д̇и д̇амхаа ааваасаа батамам̣ баггамад̇ийд̇и ааг̇ад̇авад̇т̇умхи вияа д̇асмим̣ кан̣з авид̣̇ид̇зби нигканд̇амад̇д̇з баарааж̇игам̣. ж̇аананалагкан̣анд̇и ‘‘д̇ан̇кан̣з ж̇аананам̣ наама ийд̣̇иса’’нд̇и вуд̇д̇алагкан̣ам̣ . вин̃н̃ад̇д̇ибат̇зд̇и гааяаважийвин̃н̃ад̇д̇ийнам̣ г̇ахан̣аяог̇г̇з бад̣̇зсз, багад̇ижагкунаа багад̇исод̇зна жа д̣̇адтум̣ сод̇ун̃жа арахадтаанзд̇и вуд̇д̇ам̣ ход̇и. д̇зна вин̃н̃ад̇д̇ибат̇ам̣ ад̇иггамид̇ваа тид̇о жз гожи д̣̇иб̣б̣зна жагкунаа д̣̇иб̣б̣ааяа жа сод̇ад̇хаад̇уяаа д̣̇исваа суд̇ваа жа ж̇аанаад̇и, на баарааж̇иганд̇и д̣̇ийбзд̇и. ассуд̇абуб̣б̣асса ‘‘гимид̣̇ам̣ вуд̇д̇а’’нд̇и сам̣саяуббад̇д̇исаб̣бхаавад̇о ‘‘суд̇ам̣ ход̇ий’’д̇и вуд̇д̇ам̣. батамам̣ важанамад̇д̇ам̣ ассуд̇абуб̣б̣знаби ‘‘батамаж̇жхаанам̣ самаабаж̇ж̇и’’нд̇и вуд̇д̇з ‘‘гимид̣̇а’’нд̇и санд̣̇зхам̣ ануббаад̣̇зд̇ваа ‘‘жхаанам̣ наама гирзса самаабаж̇ж̇ий’’д̇и зд̇д̇агамад̇д̇зби н̃аад̇з баарааж̇игам̣ ход̇иязва.
215.Kevalañhiyanti kevalañhi ayaṃ. ‘‘Vāro’’ti ajjhāharitabbaṃ. Taṅkhaṇaññeva jānātīti ‘‘paṭhamajjhānaṃ samāpajji’’ntiādimhi vutte tadatthassa pakatiyā vijānanalakkhaṇaṃ sandhāya vuttaṃ. Evaṃ pana vacībhedaṃ akatvā pakkamanādīsu aññataro bhikkhu ‘‘maṃ arahāti jānātū’’ti tamhā āvāsā paṭhamaṃ pakkamatīti āgatavatthumhi viya tasmiṃ khaṇe aviditepi nikkhantamatte pārājikaṃ. Jānanalakkhaṇanti ‘‘taṅkhaṇe jānanaṃ nāma īdisa’’nti vuttalakkhaṇaṃ . Viññattipatheti kāyavacīviññattīnaṃ gahaṇayogge padese, pakaticakkhunā pakatisotena ca daṭṭhuṃ sotuñca arahaṭṭhāneti vuttaṃ hoti. Tena viññattipathaṃ atikkamitvā ṭhito ce koci dibbena cakkhunā dibbāya ca sotadhātuyā disvā sutvā ca jānāti, na pārājikanti dīpeti. Assutapubbassa ‘‘kimidaṃ vutta’’nti saṃsayuppattisabbhāvato ‘‘sutaṃ hotī’’ti vuttaṃ. Paṭhamaṃ vacanamattaṃ assutapubbenapi ‘‘paṭhamajjhānaṃ samāpajji’’nti vutte ‘‘kimida’’nti sandehaṃ anuppādetvā ‘‘jhānaṃ nāma kiresa samāpajjī’’ti ettakamattepi ñāte pārājikaṃ hotiyeva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вад̇д̇угаамаваарагат̇ааван̣н̣анаа • Vattukāmavārakathāvaṇṇanā
