| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
ဝတ္တုကာမဝာရကထာဝဏ္ဏနာ
Vattukāmavārakathāvaṇṇanā
ဝိညတ္တိပထေတိ ဝိဇာနနဋ္ဌာနေ, တေန ‘‘ဝိညတ္တိပထမတိက္ကမိတ္ဝာ ဌိတော ဘိက္ခု ဒိဗ္ဗာယ သောတဓာတုယာ သုတ္ဝာ ဇာနာတိ, န ပာရာဇိကန္တိ ဒီပေတီ’’တိ ဝုတ္တံ။ ဈာနံ ကိရ သမာပဇ္ဇိန္တိ ဧတ္ထ သော စေ ‘‘ဧသ ဘိက္ခု အတ္တနော ဂုဏဒီပနာဓိပ္ပာယေန ဧဝံ ဝဒတီ’’တိ ဇာနာတိ, ပာရာဇိကမေဝ။ အညထာ ဇာနာတီတိ စေ? ပာရာဇိကစ္ဆာယာ န ဒိသ္သတီတိ အာစရိယော။
Viññattipatheti vijānanaṭṭhāne, tena ‘‘viññattipathamatikkamitvā ṭhito bhikkhu dibbāya sotadhātuyā sutvā jānāti, na pārājikanti dīpetī’’ti vuttaṃ. Jhānaṃ kira samāpajjinti ettha so ce ‘‘esa bhikkhu attano guṇadīpanādhippāyena evaṃ vadatī’’ti jānāti, pārājikameva. Aññathā jānātīti ce? Pārājikacchāyā na dissatīti ācariyo.
ဝတ္တုကာမဝာရကထာဝဏ္ဏနာ နိဋ္ဌိတာ။
Vattukāmavārakathāvaṇṇanā niṭṭhitā.
