| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. вааяаамагаран̣абан̃хо
5. Vāyāmakaraṇapañho
5. рааж̇аа ааха ‘‘бханд̇з нааг̇асзна, д̇умхз бхан̣ат̇а ‘гинд̇и имам̣ д̣̇угкам̣ нируж̇жхзяяа, ан̃н̃ан̃жа д̣̇угкам̣ нуббаж̇ж̇зяяаа’д̇и . зд̇ад̣̇ад̇т̇аа, махаарааж̇а, амхаагам̣ баб̣б̣аж̇ж̇аа’’д̇и. ‘‘гим̣ бадигажжзва вааяамид̇зна, нану самбад̇д̇з гаалз вааяамид̇аб̣б̣а’’нд̇и? т̇зро ааха ‘‘самбад̇д̇з гаалз, махаарааж̇а, вааяаамо агижжагаро бхавад̇и, бадигажжзва вааяаамо гижжагаро бхавад̇ий’’д̇и.
5. Rājā āha ‘‘bhante nāgasena, tumhe bhaṇatha ‘kinti imaṃ dukkhaṃ nirujjheyya, aññañca dukkhaṃ nuppajjeyyā’ti . Etadatthā, mahārāja, amhākaṃ pabbajjā’’ti. ‘‘Kiṃ paṭikacceva vāyamitena, nanu sampatte kāle vāyamitabba’’nti? Thero āha ‘‘sampatte kāle, mahārāja, vāyāmo akiccakaro bhavati, paṭikacceva vāyāmo kiccakaro bhavatī’’ti.
‘‘обаммам̣ гарохий’’д̇и. ‘‘д̇ам̣ гим̣ ман̃н̃аси, махаарааж̇а, яад̣̇аа д̇вам̣ бибаасид̇о бхавзяяааси, д̇ад̣̇аа д̇вам̣ уд̣̇абаанам̣ кан̣аабзяяааси, д̇ал̣аагам̣ кан̣аабзяяааси ‘баанийяам̣ бивиссаамий’д̇и? ‘‘на хи, бханд̇з’’д̇и. ‘‘звамзва ко, махаарааж̇а, самбад̇д̇з гаалз вааяаамо агижжагаро бхавад̇и, бадигажжзва вааяаамо гижжагаро бхавад̇ий’’д̇и.
‘‘Opammaṃ karohī’’ti. ‘‘Taṃ kiṃ maññasi, mahārāja, yadā tvaṃ pipāsito bhaveyyāsi, tadā tvaṃ udapānaṃ khaṇāpeyyāsi, taḷākaṃ khaṇāpeyyāsi ‘pānīyaṃ pivissāmī’ti? ‘‘Na hi, bhante’’ti. ‘‘Evameva kho, mahārāja, sampatte kāle vāyāmo akiccakaro bhavati, paṭikacceva vāyāmo kiccakaro bhavatī’’ti.
‘‘бхияяо обаммам̣ гарохий’’д̇и. ‘‘д̇ам̣ гим̣ ман̃н̃аси, махаарааж̇а, яад̣̇аа д̇вам̣ б̣убхугкид̇о бхавзяяааси, д̇ад̣̇аа д̇вам̣ кзд̇д̇ам̣ гасаабзяяааси, саалим̣ робаабзяяааси, д̇хан̃н̃ам̣ ад̇ихараабзяяааси ‘бхад̇д̇ам̣ бхун̃ж̇иссаамий’д̇и? ‘‘на хи, бханд̇з’’д̇и. ‘‘звамзва ко, махаарааж̇а, самбад̇д̇з гаалз вааяаамо агижжагаро бхавад̇и, бадигажжзва вааяаамо гижжагаро бхавад̇ийд̇и.
‘‘Bhiyyo opammaṃ karohī’’ti. ‘‘Taṃ kiṃ maññasi, mahārāja, yadā tvaṃ bubhukkhito bhaveyyāsi, tadā tvaṃ khettaṃ kasāpeyyāsi, sāliṃ ropāpeyyāsi, dhaññaṃ atiharāpeyyāsi ‘bhattaṃ bhuñjissāmī’ti? ‘‘Na hi, bhante’’ti. ‘‘Evameva kho, mahārāja, sampatte kāle vāyāmo akiccakaro bhavati, paṭikacceva vāyāmo kiccakaro bhavatīti.
‘‘бхияяо обаммам̣ гарохий’’д̇и. ‘‘д̇ам̣ гим̣ ман̃н̃аси, махаарааж̇а, яад̣̇аа д̇з сан̇г̇аамо бажжубадтид̇о бхавзяяа, д̇ад̣̇аа д̇вам̣ барикам̣ кан̣аабзяяааси, баагаарам̣ гаараабзяяааси, г̇обурам̣ гаараабзяяааси, аддаалагам̣ гаараабзяяааси, д̇хан̃н̃ам̣ ад̇ихараабзяяааси, д̇ад̣̇аа д̇вам̣ хад̇т̇исмим̣ сигкзяяааси, ассасмим̣ сигкзяяааси, рат̇асмим̣ сигкзяяааси, д̇ханусмим̣ сигкзяяааси, т̇арусмим̣ сигкзяяаасий’’д̇и? ‘‘на хи, бханд̇з’’д̇и. ‘‘звамзва ко, махаарааж̇а, самбад̇д̇з гаалз вааяаамо агижжагаро бхавад̇и, бадигажжзва вааяаамо гижжагаро бхавад̇и. бхаасид̇амбзд̇ам̣ махаарааж̇а бхаг̇авад̇аа –
‘‘Bhiyyo opammaṃ karohī’’ti. ‘‘Taṃ kiṃ maññasi, mahārāja, yadā te saṅgāmo paccupaṭṭhito bhaveyya, tadā tvaṃ parikhaṃ khaṇāpeyyāsi, pākāraṃ kārāpeyyāsi, gopuraṃ kārāpeyyāsi, aṭṭālakaṃ kārāpeyyāsi, dhaññaṃ atiharāpeyyāsi, tadā tvaṃ hatthismiṃ sikkheyyāsi, assasmiṃ sikkheyyāsi, rathasmiṃ sikkheyyāsi, dhanusmiṃ sikkheyyāsi, tharusmiṃ sikkheyyāsī’’ti? ‘‘Na hi, bhante’’ti. ‘‘Evameva kho, mahārāja, sampatte kāle vāyāmo akiccakaro bhavati, paṭikacceva vāyāmo kiccakaro bhavati. Bhāsitampetaṃ mahārāja bhagavatā –
‘‘‘бадигажжзва д̇ам̣ гаяираа, яам̣ ж̇ан̃н̃аа хид̇амад̇д̇ано;
‘‘‘Paṭikacceva taṃ kayirā, yaṃ jaññā hitamattano;
на саагадигажинд̇ааяа, манд̇аа д̇хийро бараггамз.
Na sākaṭikacintāya, mantā dhīro parakkame.
‘‘‘яат̇аа саагадиго мадтам̣ 1, самам̣ хид̇ваа махаабат̇ам̣;
‘‘‘Yathā sākaṭiko maṭṭhaṃ 2, samaṃ hitvā mahāpathaṃ;
висамам̣ маг̇г̇амааруяха, агкажчиннова жхааяад̇и.
Visamaṃ maggamāruyha, akkhacchinnova jhāyati.
‘‘‘звам̣ д̇хаммаа абаггамма, ад̇хаммаманувад̇д̇ияа;
‘‘‘Evaṃ dhammā apakkamma, adhammamanuvattiya;
манд̣̇о мажжу мукам̣ бад̇д̇о, агкажчиннова жхааяад̇ий’’’д̇и 3.
Mando maccu mukhaṃ patto, akkhacchinnova jhāyatī’’’ti 4.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
вааяаамагаран̣абан̃хо бан̃жамо.
Vāyāmakaraṇapañho pañcamo.
Footnotes:
