| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
9. வாயஸங்க³பஞ்ஹோ
9. Vāyasaṅgapañho
9. ‘‘ப⁴ந்தே நாக³ஸேன, ‘வாயஸஸ்ஸ த்³வே அங்கா³னி க³ஹேதப்³பா³னீ’தி யங் வதே³ஸி, கதமானி தானி த்³வே அங்கா³னி க³ஹேதப்³பா³னீ’’தி? ‘‘யதா², மஹாராஜ, வாயஸோ ஆஸங்கிதபரிஸங்கிதோ யத்தப்பயத்தோ சரதி, ஏவமேவ கோ², மஹாராஜ, யோகி³னா யோகா³வசரேன ஆஸங்கிதபரிஸங்கிதேன யத்தபயத்தேன உபட்டி²தாய ஸதியா ஸங்வுதேஹி இந்த்³ரியேஹி சரிதப்³ப³ங். இத³ங், மஹாராஜ, வாயஸஸ்ஸ பட²மங் அங்க³ங் க³ஹேதப்³ப³ங்.
9. ‘‘Bhante nāgasena, ‘vāyasassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, vāyaso āsaṅkitaparisaṅkito yattappayatto carati, evameva kho, mahārāja, yoginā yogāvacarena āsaṅkitaparisaṅkitena yattapayattena upaṭṭhitāya satiyā saṃvutehi indriyehi caritabbaṃ. Idaṃ, mahārāja, vāyasassa paṭhamaṃ aṅgaṃ gahetabbaṃ.
‘‘புன சபரங், மஹாராஜ, வாயஸோ யங் கிஞ்சி போ⁴ஜனங் தி³ஸ்வா ஞாதீஹி ஸங்விப⁴ஜித்வா பு⁴ஞ்ஜதி, ஏவமேவ கோ², மஹாராஜ, யோகி³னா யோகா³வசரேன யே தே லாபா⁴ த⁴ம்மிகா த⁴ம்மலத்³தா⁴ அந்தமஸோ பத்தபரியாபன்னமத்தம்பி, ததா²ரூபேஹி லாபே⁴ஹி படிவிப⁴த்தபோ⁴கி³னா ப⁴விதப்³ப³ங் ஸீலவந்தேஹி ஸப்³ரஹ்மசாரீஹி. இத³ங், மஹாராஜ, வாயஸஸ்ஸ து³தியங் அங்க³ங் க³ஹேதப்³ப³ங். பா⁴ஸிதம்பேதங், மஹாராஜ, தே²ரேன ஸாரிபுத்தேன த⁴ம்மஸேனாபதினா –
‘‘Puna caparaṃ, mahārāja, vāyaso yaṃ kiñci bhojanaṃ disvā ñātīhi saṃvibhajitvā bhuñjati, evameva kho, mahārāja, yoginā yogāvacarena ye te lābhā dhammikā dhammaladdhā antamaso pattapariyāpannamattampi, tathārūpehi lābhehi paṭivibhattabhoginā bhavitabbaṃ sīlavantehi sabrahmacārīhi. Idaṃ, mahārāja, vāyasassa dutiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ஸசே மே உபனாமெந்தி, யதா²லத்³த⁴ங் தபஸ்ஸினோ;
‘‘‘Sace me upanāmenti, yathāladdhaṃ tapassino;
ஸப்³பே³ ஸங்விப⁴ஜித்வான, ததோ பு⁴ஞ்ஜாமி போ⁴ஜன’’’ந்தி.
Sabbe saṃvibhajitvāna, tato bhuñjāmi bhojana’’’nti.
வாயஸங்க³பஞ்ஹோ நவமோ.
Vāyasaṅgapañho navamo.
