| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੯. વਾਯਸਙ੍ਗਪਞ੍ਹੋ
9. Vāyasaṅgapañho
੯. ‘‘ਭਨ੍ਤੇ ਨਾਗਸੇਨ, ‘વਾਯਸਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, વਾਯਸੋ ਆਸਙ੍ਕਿਤਪਰਿਸਙ੍ਕਿਤੋ ਯਤ੍ਤਪ੍ਪਯਤ੍ਤੋ ਚਰਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਆਸਙ੍ਕਿਤਪਰਿਸਙ੍ਕਿਤੇਨ ਯਤ੍ਤਪਯਤ੍ਤੇਨ ਉਪਟ੍ਠਿਤਾਯ ਸਤਿਯਾ ਸਂવੁਤੇਹਿ ਇਨ੍ਦ੍ਰਿਯੇਹਿ ਚਰਿਤਬ੍ਬਂ। ਇਦਂ, ਮਹਾਰਾਜ, વਾਯਸਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
9. ‘‘Bhante nāgasena, ‘vāyasassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, vāyaso āsaṅkitaparisaṅkito yattappayatto carati, evameva kho, mahārāja, yoginā yogāvacarena āsaṅkitaparisaṅkitena yattapayattena upaṭṭhitāya satiyā saṃvutehi indriyehi caritabbaṃ. Idaṃ, mahārāja, vāyasassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, વਾਯਸੋ ਯਂ ਕਿਞ੍ਚਿ ਭੋਜਨਂ ਦਿਸ੍વਾ ਞਾਤੀਹਿ ਸਂવਿਭਜਿਤ੍વਾ ਭੁਞ੍ਜਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਯੇ ਤੇ ਲਾਭਾ ਧਮ੍ਮਿਕਾ ਧਮ੍ਮਲਦ੍ਧਾ ਅਨ੍ਤਮਸੋ ਪਤ੍ਤਪਰਿਯਾਪਨ੍ਨਮਤ੍ਤਮ੍ਪਿ, ਤਥਾਰੂਪੇਹਿ ਲਾਭੇਹਿ ਪਟਿવਿਭਤ੍ਤਭੋਗਿਨਾ ਭવਿਤਬ੍ਬਂ ਸੀਲવਨ੍ਤੇਹਿ ਸਬ੍ਰਹ੍ਮਚਾਰੀਹਿ। ਇਦਂ, ਮਹਾਰਾਜ, વਾਯਸਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾ –
‘‘Puna caparaṃ, mahārāja, vāyaso yaṃ kiñci bhojanaṃ disvā ñātīhi saṃvibhajitvā bhuñjati, evameva kho, mahārāja, yoginā yogāvacarena ye te lābhā dhammikā dhammaladdhā antamaso pattapariyāpannamattampi, tathārūpehi lābhehi paṭivibhattabhoginā bhavitabbaṃ sīlavantehi sabrahmacārīhi. Idaṃ, mahārāja, vāyasassa dutiyaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ਸਚੇ ਮੇ ਉਪਨਾਮੇਨ੍ਤਿ, ਯਥਾਲਦ੍ਧਂ ਤਪਸ੍ਸਿਨੋ।
‘‘‘Sace me upanāmenti, yathāladdhaṃ tapassino;
ਸਬ੍ਬੇ ਸਂવਿਭਜਿਤ੍વਾਨ, ਤਤੋ ਭੁਞ੍ਜਾਮਿ ਭੋਜਨ’’’ਨ੍ਤਿ॥
Sabbe saṃvibhajitvāna, tato bhuñjāmi bhojana’’’nti.
વਾਯਸਙ੍ਗਪਞ੍ਹੋ ਨવਮੋ।
Vāyasaṅgapañho navamo.
