| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. вааяун̇г̇абан̃хо
4. Vāyuṅgapañho
4. ‘‘бханд̇з нааг̇асзна, ‘вааяусса бан̃жа ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани бан̃жа ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, вааяу субубпид̇аванасан̣д̣анд̇арам̣ абхивааяад̇и, звамзва ко, махаарааж̇а, яог̇инаа яог̇ааважарзна вимуд̇д̇иварагусумабубпид̇аарамман̣авананд̇арз рамид̇аб̣б̣ам̣. ид̣̇ам̣, махаарааж̇а, вааяусса батамам̣ ан̇г̇ам̣ г̇ахзд̇аб̣б̣ам̣.
4. ‘‘Bhante nāgasena, ‘vāyussa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, vāyu supupphitavanasaṇḍantaraṃ abhivāyati, evameva kho, mahārāja, yoginā yogāvacarena vimuttivarakusumapupphitārammaṇavanantare ramitabbaṃ. Idaṃ, mahārāja, vāyussa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, вааяу д̇харан̣ийрухабаад̣̇абаг̇ан̣з мат̇аяад̇и, звамзва ко, махаарааж̇а, яог̇инаа яог̇ааважарзна вананд̇араг̇ад̇зна сан̇каарз вижинанд̇зна гилзсаа мат̇аяид̇аб̣б̣аа. ид̣̇ам̣, махаарааж̇а, вааяусса д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, vāyu dharaṇīruhapādapagaṇe mathayati, evameva kho, mahārāja, yoginā yogāvacarena vanantaragatena saṅkhāre vicinantena kilesā mathayitabbā. Idaṃ, mahārāja, vāyussa dutiyaṃ aṅgaṃ gahetabbaṃ.
‘‘буна жабарам̣, махаарааж̇а, вааяу аагаасз жарад̇и, звамзва ко, махаарааж̇а, яог̇инаа яог̇ааважарзна логуд̇д̇арад̇хаммзсу маанасам̣ сан̃жаараяид̇аб̣б̣ам̣. ид̣̇ам̣, махаарааж̇а, вааяусса д̇ад̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, vāyu ākāse carati, evameva kho, mahārāja, yoginā yogāvacarena lokuttaradhammesu mānasaṃ sañcārayitabbaṃ. Idaṃ, mahārāja, vāyussa tatiyaṃ aṅgaṃ gahetabbaṃ.
‘‘буна жабарам̣, махаарааж̇а, вааяу г̇анд̇хам̣ анубхавад̇и, звамзва ко, махаарааж̇а, яог̇инаа яог̇ааважарзна ад̇д̇ано сийлаварасурабхиг̇анд̇хо 1 анубхавид̇аб̣б̣о. ид̣̇ам̣, махаарааж̇а, вааяусса жад̇уд̇т̇ам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, vāyu gandhaṃ anubhavati, evameva kho, mahārāja, yoginā yogāvacarena attano sīlavarasurabhigandho 2 anubhavitabbo. Idaṃ, mahārāja, vāyussa catutthaṃ aṅgaṃ gahetabbaṃ.
‘‘буна жабарам̣, махаарааж̇а, вааяу нираалаяо анигзд̇аваасий, звамзва ко, махаарааж̇а, яог̇инаа яог̇ааважарзна нираалаяаманигзд̇амасант̇авзна саб̣б̣ад̇т̇а вимуд̇д̇зна бхавид̇аб̣б̣ам̣. ид̣̇ам̣, махаарааж̇а, вааяусса бан̃жамам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна суд̇д̇анибаад̇з –
‘‘Puna caparaṃ, mahārāja, vāyu nirālayo aniketavāsī, evameva kho, mahārāja, yoginā yogāvacarena nirālayamaniketamasanthavena sabbattha vimuttena bhavitabbaṃ. Idaṃ, mahārāja, vāyussa pañcamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte –
‘‘‘сант̇аваад̇о бхаяам̣ ж̇аад̇ам̣, нигзд̇аа ж̇ааяад̇з раж̇о;
‘‘‘Santhavāto bhayaṃ jātaṃ, niketā jāyate rajo;
анигзд̇амасант̇авам̣, зд̇ам̣ вз мунид̣̇ассана’’’нд̇и.
Aniketamasanthavaṃ, etaṃ ve munidassana’’’nti.
вааяун̇г̇абан̃хо жад̇уд̇т̇о.
Vāyuṅgapañho catuttho.
Footnotes:
