| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੪. વਾਯੁਙ੍ਗਪਞ੍ਹੋ
4. Vāyuṅgapañho
੪. ‘‘ਭਨ੍ਤੇ ਨਾਗਸੇਨ, ‘વਾਯੁਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, વਾਯੁ ਸੁਪੁਪ੍ਫਿਤવਨਸਣ੍ਡਨ੍ਤਰਂ ਅਭਿવਾਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ વਿਮੁਤ੍ਤਿવਰਕੁਸੁਮਪੁਪ੍ਫਿਤਾਰਮ੍ਮਣવਨਨ੍ਤਰੇ ਰਮਿਤਬ੍ਬਂ। ਇਦਂ, ਮਹਾਰਾਜ, વਾਯੁਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
4. ‘‘Bhante nāgasena, ‘vāyussa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, vāyu supupphitavanasaṇḍantaraṃ abhivāyati, evameva kho, mahārāja, yoginā yogāvacarena vimuttivarakusumapupphitārammaṇavanantare ramitabbaṃ. Idaṃ, mahārāja, vāyussa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, વਾਯੁ ਧਰਣੀਰੁਹਪਾਦਪਗਣੇ ਮਥਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ વਨਨ੍ਤਰਗਤੇਨ ਸਙ੍ਖਾਰੇ વਿਚਿਨਨ੍ਤੇਨ ਕਿਲੇਸਾ ਮਥਯਿਤਬ੍ਬਾ। ਇਦਂ, ਮਹਾਰਾਜ, વਾਯੁਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, vāyu dharaṇīruhapādapagaṇe mathayati, evameva kho, mahārāja, yoginā yogāvacarena vanantaragatena saṅkhāre vicinantena kilesā mathayitabbā. Idaṃ, mahārāja, vāyussa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, વਾਯੁ ਆਕਾਸੇ ਚਰਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਲੋਕੁਤ੍ਤਰਧਮ੍ਮੇਸੁ ਮਾਨਸਂ ਸਞ੍ਚਾਰਯਿਤਬ੍ਬਂ। ਇਦਂ, ਮਹਾਰਾਜ, વਾਯੁਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, vāyu ākāse carati, evameva kho, mahārāja, yoginā yogāvacarena lokuttaradhammesu mānasaṃ sañcārayitabbaṃ. Idaṃ, mahārāja, vāyussa tatiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, વਾਯੁ ਗਨ੍ਧਂ ਅਨੁਭવਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਅਤ੍ਤਨੋ ਸੀਲવਰਸੁਰਭਿਗਨ੍ਧੋ 1 ਅਨੁਭવਿਤਬ੍ਬੋ। ਇਦਂ, ਮਹਾਰਾਜ, વਾਯੁਸ੍ਸ ਚਤੁਤ੍ਥਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, vāyu gandhaṃ anubhavati, evameva kho, mahārāja, yoginā yogāvacarena attano sīlavarasurabhigandho 2 anubhavitabbo. Idaṃ, mahārāja, vāyussa catutthaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, વਾਯੁ ਨਿਰਾਲਯੋ ਅਨਿਕੇਤવਾਸੀ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਨਿਰਾਲਯਮਨਿਕੇਤਮਸਨ੍ਥવੇਨ ਸਬ੍ਬਤ੍ਥ વਿਮੁਤ੍ਤੇਨ ਭવਿਤਬ੍ਬਂ। ਇਦਂ, ਮਹਾਰਾਜ, વਾਯੁਸ੍ਸ ਪਞ੍ਚਮਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਸੁਤ੍ਤਨਿਪਾਤੇ –
‘‘Puna caparaṃ, mahārāja, vāyu nirālayo aniketavāsī, evameva kho, mahārāja, yoginā yogāvacarena nirālayamaniketamasanthavena sabbattha vimuttena bhavitabbaṃ. Idaṃ, mahārāja, vāyussa pañcamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte –
‘‘‘ਸਨ੍ਥવਾਤੋ ਭਯਂ ਜਾਤਂ, ਨਿਕੇਤਾ ਜਾਯਤੇ ਰਜੋ।
‘‘‘Santhavāto bhayaṃ jātaṃ, niketā jāyate rajo;
ਅਨਿਕੇਤਮਸਨ੍ਥવਂ, ਏਤਂ વੇ ਮੁਨਿਦਸ੍ਸਨ’’’ਨ੍ਤਿ॥
Aniketamasanthavaṃ, etaṃ ve munidassana’’’nti.
વਾਯੁਙ੍ਗਪਞ੍ਹੋ ਚਤੁਤ੍ਥੋ।
Vāyuṅgapañho catuttho.
Footnotes:
