| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. взд̣̇аг̇уубан̃хо
6. Vedagūpañho
6. рааж̇аа ааха ‘‘бханд̇з нааг̇асзна, взд̣̇аг̇уу убалаб̣бхад̇ий’’д̇и? ‘‘го банзса, махаарааж̇а, взд̣̇аг̇уу наамаа’’д̇и? ‘‘яо, бханд̇з, аб̣бханд̇арз ж̇ийво жагкунаа руубам̣ бассад̇и, сод̇зна сад̣̇д̣̇ам̣ сун̣аад̇и, гхаанзна г̇анд̇хам̣ гхааяад̇и, ж̇ивхааяа расам̣ сааяад̇и, гааязна подтаб̣б̣ам̣ пусад̇и, манасаа д̇хаммам̣ виж̇аанаад̇и, яат̇аа маяам̣ ид̇ха баасаад̣̇з нисиннаа язна язна ваад̇абаанзна ижчзяяаама бассид̇ум̣, д̇зна д̇зна ваад̇абаанзна бассзяяаама, бурад̇т̇имзнаби ваад̇абаанзна бассзяяаама, бажчимзнаби ваад̇абаанзна бассзяяаама, уд̇д̇арзнаби ваад̇абаанзна бассзяяаама, д̣̇агкин̣знаби ваад̇абаанзна бассзяяаама. звамзва ко, бханд̇з, аяам̣ аб̣бханд̇арз ж̇ийво язна язна д̣̇ваарзна ижчад̇и бассид̇ум̣, д̇зна д̇зна д̣̇ваарзна бассад̇ий’’д̇и.
6. Rājā āha ‘‘bhante nāgasena, vedagū upalabbhatī’’ti? ‘‘Ko panesa, mahārāja, vedagū nāmā’’ti? ‘‘Yo, bhante, abbhantare jīvo cakkhunā rūpaṃ passati, sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusati, manasā dhammaṃ vijānāti, yathā mayaṃ idha pāsāde nisinnā yena yena vātapānena iccheyyāma passituṃ, tena tena vātapānena passeyyāma, puratthimenapi vātapānena passeyyāma, pacchimenapi vātapānena passeyyāma, uttarenapi vātapānena passeyyāma, dakkhiṇenapi vātapānena passeyyāma. Evameva kho, bhante, ayaṃ abbhantare jīvo yena yena dvārena icchati passituṃ, tena tena dvārena passatī’’ti.
т̇зро ааха ‘‘бан̃жад̣̇ваарам̣, махаарааж̇а, бхан̣иссаами, д̇ам̣ сун̣охи, саад̇хугам̣ манасигарохи, яад̣̇и аб̣бханд̇арз ж̇ийво жагкунаа руубам̣ бассад̇и, яат̇аа маяам̣ ид̇ха баасаад̣̇з нисиннаа язна язна ваад̇абаанзна ижчзяяаама бассид̇ум̣, д̇зна д̇зна ваад̇абаанзна руубам̣ язва бассзяяаама, бурад̇т̇имзнаби ваад̇абаанзна руубам̣ язва бассзяяаама, бажчимзнаби ваад̇абаанзна руубам̣ язва бассзяяаама, уд̇д̇арзнаби ваад̇абаанзна руубам̣ язва бассзяяаама, д̣̇агкин̣знаби ваад̇абаанзна руубам̣ язва бассзяяаама, звамзд̇зна аб̣бханд̇арз ж̇ийвзна сод̇знаби руубам̣ язва бассид̇аб̣б̣ам̣, гхаанзнаби руубам̣ язва бассид̇аб̣б̣ам̣, ж̇ивхааяаби руубам̣ язва бассид̇аб̣б̣ам̣, гааязнаби руубам̣ язва бассид̇аб̣б̣ам̣, манасааби руубам̣ язва бассид̇аб̣б̣ам̣; жагкунааби сад̣̇д̣̇о язва сод̇аб̣б̣о, гхаанзнаби сад̣̇д̣̇о язва сод̇аб̣б̣о, ж̇ивхааяаби сад̣̇д̣̇о язва сод̇аб̣б̣о, гааязнаби сад̣̇д̣̇о язва сод̇аб̣б̣о, манасааби сад̣̇д̣̇о язва сод̇аб̣б̣о; жагкунааби г̇анд̇хо язва гхааяид̇аб̣б̣о, сод̇знаби г̇анд̇хо язва гхааяид̇аб̣б̣о, ж̇ивхааяаби г̇анд̇хо язва гхааяид̇аб̣б̣о, гааязнаби г̇анд̇хо язва гхааяид̇аб̣б̣о, манасааби г̇анд̇хо язва гхааяид̇аб̣б̣о; жагкунааби расо язва сааяид̇аб̣б̣о, сод̇знаби расо язва сааяид̇аб̣б̣о, гхаанзнаби расо язва сааяид̇аб̣б̣о, гааязнаби расо язва сааяид̇аб̣б̣о, манасааби расо язва сааяид̇аб̣б̣о; жагкунааби подтаб̣б̣ам̣ язва пусид̇аб̣б̣ам̣, сод̇знаби подтаб̣б̣ам̣ язва пусид̇аб̣б̣ам̣, гхаанзнаби подтаб̣б̣ам̣ язва пусид̇аб̣б̣ам̣, ж̇ивхааяаби подтаб̣б̣ам̣ язва пусид̇аб̣б̣ам̣, манасааби подтаб̣б̣ам̣ язва пусид̇аб̣б̣ам̣; жагкунааби д̇хаммам̣ язва виж̇аанид̇аб̣б̣ам̣, сод̇знаби д̇хаммам̣ язва виж̇аанид̇аб̣б̣ам̣, гхаанзнаби д̇хаммам̣ язва виж̇аанид̇аб̣б̣ам̣, ж̇ивхааяаби д̇хаммам̣ язва виж̇аанид̇аб̣б̣ам̣, гааязнаби д̇хаммам̣ язва виж̇аанид̇аб̣б̣а’’нд̇и? ‘‘на хи бханд̇з’’д̇и.
Thero āha ‘‘pañcadvāraṃ, mahārāja, bhaṇissāmi, taṃ suṇohi, sādhukaṃ manasikarohi, yadi abbhantare jīvo cakkhunā rūpaṃ passati, yathā mayaṃ idha pāsāde nisinnā yena yena vātapānena iccheyyāma passituṃ, tena tena vātapānena rūpaṃ yeva passeyyāma, puratthimenapi vātapānena rūpaṃ yeva passeyyāma, pacchimenapi vātapānena rūpaṃ yeva passeyyāma, uttarenapi vātapānena rūpaṃ yeva passeyyāma, dakkhiṇenapi vātapānena rūpaṃ yeva passeyyāma, evametena abbhantare jīvena sotenapi rūpaṃ yeva passitabbaṃ, ghānenapi rūpaṃ yeva passitabbaṃ, jivhāyapi rūpaṃ yeva passitabbaṃ, kāyenapi rūpaṃ yeva passitabbaṃ, manasāpi rūpaṃ yeva passitabbaṃ; cakkhunāpi saddo yeva sotabbo, ghānenapi saddo yeva sotabbo, jivhāyapi saddo yeva sotabbo, kāyenapi saddo yeva sotabbo, manasāpi saddo yeva sotabbo; cakkhunāpi gandho yeva ghāyitabbo, sotenapi gandho yeva ghāyitabbo, jivhāyapi gandho yeva ghāyitabbo, kāyenapi gandho yeva ghāyitabbo, manasāpi gandho yeva ghāyitabbo; cakkhunāpi raso yeva sāyitabbo, sotenapi raso yeva sāyitabbo, ghānenapi raso yeva sāyitabbo, kāyenapi raso yeva sāyitabbo, manasāpi raso yeva sāyitabbo; cakkhunāpi phoṭṭhabbaṃ yeva phusitabbaṃ, sotenapi phoṭṭhabbaṃ yeva phusitabbaṃ, ghānenapi phoṭṭhabbaṃ yeva phusitabbaṃ, jivhāyapi phoṭṭhabbaṃ yeva phusitabbaṃ, manasāpi phoṭṭhabbaṃ yeva phusitabbaṃ; cakkhunāpi dhammaṃ yeva vijānitabbaṃ, sotenapi dhammaṃ yeva vijānitabbaṃ, ghānenapi dhammaṃ yeva vijānitabbaṃ, jivhāyapi dhammaṃ yeva vijānitabbaṃ, kāyenapi dhammaṃ yeva vijānitabba’’nti? ‘‘Na hi bhante’’ti.
‘‘на ко д̇з, махаарааж̇а, яуж̇ж̇ад̇и буримзна ваа бажчимам̣, бажчимзна ваа буримам̣, яат̇аа ваа бана, махаарааж̇а, маяам̣ ид̇ха баасаад̣̇з нисиннаа имзсу ж̇аалаваад̇абаанзсу уг̇гхаадид̇зсу маханд̇зна аагаасзна б̣ахимукаа судтуд̇арам̣ руубам̣ бассаама, звамзд̇зна аб̣бханд̇арз ж̇ийвзнааби жагкуд̣̇ваарзсу уг̇гхаадид̇зсу маханд̇зна аагаасзна судтуд̇арам̣ руубам̣ бассид̇аб̣б̣ам̣, сод̇зсу уг̇гхаадид̇зсу…бз… гхаанз уг̇гхаадид̇з…бз… ж̇ивхааяа уг̇гхаадид̇ааяа…бз… гааяз уг̇гхаадид̇з маханд̇зна аагаасзна судтуд̇арам̣ сад̣̇д̣̇о сод̇аб̣б̣о, г̇анд̇хо гхааяид̇аб̣б̣о, расо сааяид̇аб̣б̣о, подтаб̣б̣о пусид̇аб̣б̣о’’д̇и? ‘‘на хи бханд̇з’’д̇и .
‘‘Na kho te, mahārāja, yujjati purimena vā pacchimaṃ, pacchimena vā purimaṃ, yathā vā pana, mahārāja, mayaṃ idha pāsāde nisinnā imesu jālavātapānesu ugghāṭitesu mahantena ākāsena bahimukhā suṭṭhutaraṃ rūpaṃ passāma, evametena abbhantare jīvenāpi cakkhudvāresu ugghāṭitesu mahantena ākāsena suṭṭhutaraṃ rūpaṃ passitabbaṃ, sotesu ugghāṭitesu…pe… ghāne ugghāṭite…pe… jivhāya ugghāṭitāya…pe… kāye ugghāṭite mahantena ākāsena suṭṭhutaraṃ saddo sotabbo, gandho ghāyitabbo, raso sāyitabbo, phoṭṭhabbo phusitabbo’’ti? ‘‘Na hi bhante’’ti .
‘‘на ко д̇з, махаарааж̇а, яуж̇ж̇ад̇и буримзна ваа бажчимам̣, бажчимзна ваа буримам̣, яат̇аа ваа бана, махаарааж̇а, аяам̣ д̣̇инно нигкамид̇ваа б̣ахид̣̇ваарагодтагз д̇идтзяяа, ж̇аанааси д̇вам̣, махаарааж̇а, ‘аяам̣ д̣̇инно нигкамид̇ваа б̣ахид̣̇ваарагодтагз тид̇о’’’д̇и? ‘‘аама, бханд̇з, ж̇аанаамий’’д̇и. ‘‘яат̇аа ваа бана, махаарааж̇а, аяам̣ д̣̇инно анд̇о бависид̇ваа д̇ава бурад̇о д̇идтзяяа, ж̇аанааси д̇вам̣, махаарааж̇а, ‘аяам̣ д̣̇инно анд̇о бависид̇ваа мама бурад̇о тид̇о’’’д̇и? ‘‘аама, бханд̇з, ж̇аанаамий’’д̇и. ‘‘звамзва ко, махаарааж̇а, аб̣бханд̇арз со ж̇ийво ж̇ивхааяа расз нигкид̇д̇з ж̇аанзяяа амб̣илад̇д̇ам̣ ваа лаван̣ад̇д̇ам̣ ваа д̇ид̇д̇агад̇д̇ам̣ ваа гадугад̇д̇ам̣ ваа гасааяад̇д̇ам̣ ваа мад̇хурад̇д̇ам̣ ваа’’д̇и? ‘‘аама, бханд̇з, ж̇аанзяяаа’’д̇и. ‘‘д̇з расз анд̇о бавидтз ж̇аанзяяа амб̣илад̇д̇ам̣ ваа лаван̣ад̇д̇ам̣ ваа д̇ид̇д̇агад̇д̇ам̣ ваа гадугад̇д̇ам̣ ваа гасааяад̇д̇ам̣ ваа мад̇хурад̇д̇ам̣ ваа’’д̇и. ‘‘на хи бханд̇з’’д̇и.
‘‘Na kho te, mahārāja, yujjati purimena vā pacchimaṃ, pacchimena vā purimaṃ, yathā vā pana, mahārāja, ayaṃ dinno nikkhamitvā bahidvārakoṭṭhake tiṭṭheyya, jānāsi tvaṃ, mahārāja, ‘ayaṃ dinno nikkhamitvā bahidvārakoṭṭhake ṭhito’’’ti? ‘‘Āma, bhante, jānāmī’’ti. ‘‘Yathā vā pana, mahārāja, ayaṃ dinno anto pavisitvā tava purato tiṭṭheyya, jānāsi tvaṃ, mahārāja, ‘ayaṃ dinno anto pavisitvā mama purato ṭhito’’’ti? ‘‘Āma, bhante, jānāmī’’ti. ‘‘Evameva kho, mahārāja, abbhantare so jīvo jivhāya rase nikkhitte jāneyya ambilattaṃ vā lavaṇattaṃ vā tittakattaṃ vā kaṭukattaṃ vā kasāyattaṃ vā madhurattaṃ vā’’ti? ‘‘Āma, bhante, jāneyyā’’ti. ‘‘Te rase anto paviṭṭhe jāneyya ambilattaṃ vā lavaṇattaṃ vā tittakattaṃ vā kaṭukattaṃ vā kasāyattaṃ vā madhurattaṃ vā’’ti. ‘‘Na hi bhante’’ti.
‘‘на ко д̇з, махаарааж̇а, яуж̇ж̇ад̇и буримзна ваа бажчимам̣, бажчимзна ваа буримам̣, яат̇аа, махаарааж̇а, гожид̣̇зва бурисо мад̇хугхадасад̇ам̣ аахараабзд̇ваа мад̇худ̣̇он̣им̣ буураабзд̇ваа бурисасса мукам̣ бид̣̇ахид̇ваа 1 мад̇худ̣̇он̣ияаа багкибзяяа, ж̇аанзяяа, махаарааж̇а, со бурисо мад̇хум̣ самбаннам̣ ваа на самбаннам̣ ваа’’д̇и? ‘‘на хи бханд̇з’’д̇и. ‘‘гзна гааран̣знаа’’д̇и. ‘‘на хи д̇асса, бханд̇з, мукз мад̇ху бавидта’’нд̇и.
‘‘Na kho te, mahārāja, yujjati purimena vā pacchimaṃ, pacchimena vā purimaṃ, yathā, mahārāja, kocideva puriso madhughaṭasataṃ āharāpetvā madhudoṇiṃ pūrāpetvā purisassa mukhaṃ pidahitvā 2 madhudoṇiyā pakkhipeyya, jāneyya, mahārāja, so puriso madhuṃ sampannaṃ vā na sampannaṃ vā’’ti? ‘‘Na hi bhante’’ti. ‘‘Kena kāraṇenā’’ti. ‘‘Na hi tassa, bhante, mukhe madhu paviṭṭha’’nti.
‘‘на ко д̇з, махаарааж̇а, яуж̇ж̇ад̇и буримзна ваа бажчимам̣, бажчимзна ваа бурима’’нд̇и. ‘‘наахам̣ бадиб̣ало д̇аяаа ваад̣̇инаа сад̣̇д̇хим̣ саллабид̇ум̣; саад̇ху, бханд̇з, ад̇т̇ам̣ ж̇аббзхий’’д̇и.
‘‘Na kho te, mahārāja, yujjati purimena vā pacchimaṃ, pacchimena vā purima’’nti. ‘‘Nāhaṃ paṭibalo tayā vādinā saddhiṃ sallapituṃ; sādhu, bhante, atthaṃ jappehī’’ti.
т̇зро абхид̇хаммасам̣яуд̇д̇ааяа гат̇ааяа рааж̇аанам̣ милинд̣̇ам̣ сан̃н̃аабзси – ‘‘ид̇ха, махаарааж̇а, жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ам̣сахаж̇аад̇аа пассо взд̣̇анаа сан̃н̃аа жзд̇анаа згаг̇г̇ад̇аа ж̇ийвид̇инд̣̇рияам̣ манасигаарод̇и звамзд̇з д̇хаммаа бажжаяад̇о ж̇ааяанд̇и, на хзд̇т̇а взд̣̇аг̇уу убалаб̣бхад̇и, сод̇ан̃жа бадижжа сад̣̇д̣̇з жа…бз… манан̃жа бадижжа д̇хаммз жа уббаж̇ж̇ад̇и мановин̃н̃аан̣ам̣, д̇ам̣сахаж̇аад̇аа пассо взд̣̇анаа сан̃н̃аа жзд̇анаа згаг̇г̇ад̇аа ж̇ийвид̇инд̣̇рияам̣ манасигаарод̇и звамзд̇з д̇хаммаа бажжаяад̇о ж̇ааяанд̇и, на хзд̇т̇а взд̣̇аг̇уу убалаб̣бхад̇ий’’д̇и.
Thero abhidhammasaṃyuttāya kathāya rājānaṃ milindaṃ saññāpesi – ‘‘idha, mahārāja, cakkhuñca paṭicca rūpe ca uppajjati cakkhuviññāṇaṃ, taṃsahajātā phasso vedanā saññā cetanā ekaggatā jīvitindriyaṃ manasikāroti evamete dhammā paccayato jāyanti, na hettha vedagū upalabbhati, sotañca paṭicca sadde ca…pe… manañca paṭicca dhamme ca uppajjati manoviññāṇaṃ, taṃsahajātā phasso vedanā saññā cetanā ekaggatā jīvitindriyaṃ manasikāroti evamete dhammā paccayato jāyanti, na hettha vedagū upalabbhatī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
взд̣̇аг̇уубан̃хо чадто.
Vedagūpañho chaṭṭho.
Footnotes:
