| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੯. વੇਦਨਾਲਕ੍ਖਣਪਞ੍ਹੋ
9. Vedanālakkhaṇapañho
੯. ‘‘ਭਨ੍ਤੇ ਨਾਗਸੇਨ, ਕਿਂਲਕ੍ਖਣਾ વੇਦਨਾ’’ਤਿ? ‘‘વੇਦਯਿਤਲਕ੍ਖਣਾ, ਮਹਾਰਾਜ, વੇਦਨਾ ਅਨੁਭવਨਲਕ੍ਖਣਾ ਚਾ’’ਤਿ।
9. ‘‘Bhante nāgasena, kiṃlakkhaṇā vedanā’’ti? ‘‘Vedayitalakkhaṇā, mahārāja, vedanā anubhavanalakkhaṇā cā’’ti.
‘‘ਓਪਮ੍ਮਂ ਕਰੋਹੀ’’ਤਿ। ‘‘ਯਥਾ, ਮਹਾਰਾਜ, ਕੋਚਿਦੇવ ਪੁਰਿਸੋ ਰਞ੍ਞੋ ਅਧਿਕਾਰਂ ਕਰੇਯ੍ਯ, ਤਸ੍ਸ ਰਾਜਾ ਤੁਟ੍ਠੋ ਅਧਿਕਾਰਂ ਦਦੇਯ੍ਯ, ਸੋ ਤੇਨ ਅਧਿਕਾਰੇਨ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗਿਭੂਤੋ ਪਰਿਚਰੇਯ੍ਯ, ਤਸ੍ਸ ਏવਮਸ੍ਸ ‘ਮਯਾ ਖੋ ਪੁਬ੍ਬੇ ਰਞ੍ਞੋ ਅਧਿਕਾਰੋ ਕਤੋ, ਤਸ੍ਸ ਮੇ ਰਾਜਾ ਤੁਟ੍ਠੋ ਅਧਿਕਾਰਂ ਅਦਾਸਿ, ਸ੍વਾਹਂ ਤਤੋਨਿਦਾਨਂ ਇਮਂ ਏવਰੂਪਂ વੇਦਨਂ વੇਦਯਾਮੀ’ਤਿ।
‘‘Opammaṃ karohī’’ti. ‘‘Yathā, mahārāja, kocideva puriso rañño adhikāraṃ kareyya, tassa rājā tuṭṭho adhikāraṃ dadeyya, so tena adhikārena pañcahi kāmaguṇehi samappito samaṅgibhūto paricareyya, tassa evamassa ‘mayā kho pubbe rañño adhikāro kato, tassa me rājā tuṭṭho adhikāraṃ adāsi, svāhaṃ tatonidānaṃ imaṃ evarūpaṃ vedanaṃ vedayāmī’ti.
‘‘ਯਥਾ વਾ ਪਨ, ਮਹਾਰਾਜ, ਕੋਚਿਦੇવ ਪੁਰਿਸੋ ਕੁਸਲਂ ਕਮ੍ਮਂ ਕਤ੍વਾ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜੇਯ੍ਯ, ਸੋ ਚ ਤਤ੍ਥ ਦਿਬ੍ਬੇਹਿ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗਿਭੂਤੋ ਪਰਿਚਰੇਯ੍ਯ, ਤਸ੍ਸ ਏવਮਸ੍ਸ ‘ਸ੍વਾਹਂ ਖੋ ਪੁਬ੍ਬੇ ਕੁਸਲਂ ਕਮ੍ਮਂ ਅਕਾਸਿਂ, ਸੋਹਂ ਤਤੋਨਿਦਾਨਂ ਇਮਂ ਏવਰੂਪਂ વੇਦਨਂ વੇਦਯਾਮੀ’ਤਿ, ਏવਂ ਖੋ, ਮਹਾਰਾਜ, વੇਦਯਿਤਲਕ੍ਖਣਾ વੇਦਨਾ ਅਨੁਭવਨਲਕ੍ਖਣਾ ਚਾ’’ਤਿ।
‘‘Yathā vā pana, mahārāja, kocideva puriso kusalaṃ kammaṃ katvā kāyassa bhedā paraṃ maraṇā sugatiṃ saggaṃ lokaṃ upapajjeyya, so ca tattha dibbehi pañcahi kāmaguṇehi samappito samaṅgibhūto paricareyya, tassa evamassa ‘svāhaṃ kho pubbe kusalaṃ kammaṃ akāsiṃ, sohaṃ tatonidānaṃ imaṃ evarūpaṃ vedanaṃ vedayāmī’ti, evaṃ kho, mahārāja, vedayitalakkhaṇā vedanā anubhavanalakkhaṇā cā’’ti.
‘‘ਕਲ੍ਲੋਸਿ , ਭਨ੍ਤੇ ਨਾਗਸੇਨਾ’’ਤਿ।
‘‘Kallosi , bhante nāgasenā’’ti.
વੇਦਨਾਲਕ੍ਖਣਪਞ੍ਹੋ ਨવਮੋ।
Vedanālakkhaṇapañho navamo.
