| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. வேத³னானானத்தஸுத்தங்
4. Vedanānānattasuttaṃ
88. ஸாவத்தி²யங் விஹரதி…பே॰… ‘‘தா⁴துனானத்தங், பி⁴க்க²வே, படிச்ச உப்பஜ்ஜதி ப²ஸ்ஸனானத்தங், ப²ஸ்ஸனானத்தங் படிச்ச உப்பஜ்ஜதி வேத³னானானத்தங். கதமஞ்ச, பி⁴க்க²வே, தா⁴துனானத்தங்? சக்கு²தா⁴து …பே॰… மனோதா⁴து – இத³ங் வுச்சதி, பி⁴க்க²வே, தா⁴துனானத்தங்’’.
88. Sāvatthiyaṃ viharati…pe… ‘‘dhātunānattaṃ, bhikkhave, paṭicca uppajjati phassanānattaṃ, phassanānattaṃ paṭicca uppajjati vedanānānattaṃ. Katamañca, bhikkhave, dhātunānattaṃ? Cakkhudhātu …pe… manodhātu – idaṃ vuccati, bhikkhave, dhātunānattaṃ’’.
‘‘கத²ஞ்ச, பி⁴க்க²வே, தா⁴துனானத்தங் படிச்ச உப்பஜ்ஜதி ப²ஸ்ஸனானத்தங், ப²ஸ்ஸனானத்தங் படிச்ச உப்பஜ்ஜதி வேத³னானானத்தங்? சக்கு²தா⁴துங், பி⁴க்க²வே, படிச்ச உப்பஜ்ஜதி சக்கு²ஸம்ப²ஸ்ஸோ, சக்கு²ஸம்ப²ஸ்ஸங் படிச்ச உப்பஜ்ஜதி சக்கு²ஸம்ப²ஸ்ஸஜா வேத³னா…பே॰… மனோதா⁴துங் படிச்ச உப்பஜ்ஜதி மனோஸம்ப²ஸ்ஸோ, மனோஸம்ப²ஸ்ஸங் படிச்ச உப்பஜ்ஜதி மனோஸம்ப²ஸ்ஸஜா வேத³னா. ஏவங் கோ², பி⁴க்க²வே, தா⁴துனானத்தங் படிச்ச உப்பஜ்ஜதி ப²ஸ்ஸனானத்தங், ப²ஸ்ஸனானத்தங் படிச்ச உப்பஜ்ஜதி வேத³னானானத்த’’ந்தி. சதுத்த²ங்.
‘‘Kathañca, bhikkhave, dhātunānattaṃ paṭicca uppajjati phassanānattaṃ, phassanānattaṃ paṭicca uppajjati vedanānānattaṃ? Cakkhudhātuṃ, bhikkhave, paṭicca uppajjati cakkhusamphasso, cakkhusamphassaṃ paṭicca uppajjati cakkhusamphassajā vedanā…pe… manodhātuṃ paṭicca uppajjati manosamphasso, manosamphassaṃ paṭicca uppajjati manosamphassajā vedanā. Evaṃ kho, bhikkhave, dhātunānattaṃ paṭicca uppajjati phassanānattaṃ, phassanānattaṃ paṭicca uppajjati vedanānānatta’’nti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. வேத³னானானத்தஸுத்தவண்ணனா • 4. Vedanānānattasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. வேத³னானானத்தஸுத்தவண்ணனா • 4. Vedanānānattasuttavaṇṇanā
