| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. வேத³னாபஞ்ஹாஸுத்தங்
7. Vedanāpañhāsuttaṃ
320. ‘‘‘வேத³னா, வேத³னா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, வேத³னா’’தி? ‘‘திஸ்ஸோ இமாவுஸோ, வேத³னா. கதமா திஸ்ஸோ? ஸுகா² வேத³னா, து³க்கா² வேத³னா, அது³க்க²மஸுகா² வேத³னா – இமா கோ², ஆவுஸோ, திஸ்ஸோ வேத³னா’’தி. ‘‘அத்தி² பனாவுஸோ, மக்³கோ³ அத்தி² படிபதா³, ஏதாஸங் திஸ்ஸன்னங் வேத³னானங் பரிஞ்ஞாயா’’தி? ‘‘அத்தி² கோ², ஆவுஸோ, மக்³கோ³ அத்தி² படிபதா³, ஏதாஸங் திஸ்ஸன்னங் வேத³னானங் பரிஞ்ஞாயா’’தி. ‘‘கதமோ பனாவுஸோ, மக்³கோ³ கதமா படிபதா³, ஏதாஸங் திஸ்ஸன்னங் வேத³னானங் பரிஞ்ஞாயா’’தி? ‘‘அயமேவ கோ², ஆவுஸோ, அரியோ அட்ட²ங்கி³கோ மக்³கோ³, ஏதாஸங் திஸ்ஸன்னங் வேத³னானங் பரிஞ்ஞாய, ஸெய்யதி²த³ங் – ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ ஸம்மாவாயாமோ ஸம்மாஸதி ஸம்மாஸமாதி⁴. அயங் கோ², ஆவுஸோ, மக்³கோ³ அயங் படிபதா³, ஏதாஸங் திஸ்ஸன்னங் வேத³னானங் பரிஞ்ஞாயா’’தி. ‘‘ப⁴த்³த³கோ, ஆவுஸோ, மக்³கோ³ ப⁴த்³தி³கா படிபதா³, ஏதாஸங் திஸ்ஸன்னங் வேத³னானங் பரிஞ்ஞாய. அலஞ்ச பனாவுஸோ ஸாரிபுத்த, அப்பமாதா³யா’’தி. ஸத்தமங்.
320. ‘‘‘Vedanā, vedanā’ti, āvuso sāriputta, vuccati. Katamā nu kho, āvuso, vedanā’’ti? ‘‘Tisso imāvuso, vedanā. Katamā tisso? Sukhā vedanā, dukkhā vedanā, adukkhamasukhā vedanā – imā kho, āvuso, tisso vedanā’’ti. ‘‘Atthi panāvuso, maggo atthi paṭipadā, etāsaṃ tissannaṃ vedanānaṃ pariññāyā’’ti? ‘‘Atthi kho, āvuso, maggo atthi paṭipadā, etāsaṃ tissannaṃ vedanānaṃ pariññāyā’’ti. ‘‘Katamo panāvuso, maggo katamā paṭipadā, etāsaṃ tissannaṃ vedanānaṃ pariññāyā’’ti? ‘‘Ayameva kho, āvuso, ariyo aṭṭhaṅgiko maggo, etāsaṃ tissannaṃ vedanānaṃ pariññāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā, etāsaṃ tissannaṃ vedanānaṃ pariññāyā’’ti. ‘‘Bhaddako, āvuso, maggo bhaddikā paṭipadā, etāsaṃ tissannaṃ vedanānaṃ pariññāya. Alañca panāvuso sāriputta, appamādāyā’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3-15. த⁴ம்மவாதீ³பஞ்ஹாஸுத்தாதி³வண்ணனா • 3-15. Dhammavādīpañhāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-15. த⁴ம்மவாதீ³பஞ்ஹஸுத்தாதி³வண்ணனா • 3-15. Dhammavādīpañhasuttādivaṇṇanā
