| Library / Tipiṭaka / तिपिटक • Tipiṭaka / पट्ठानपाळि • Paṭṭhānapāḷi |
२. वेदनात्तिकं
2. Vedanāttikaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति हेतुपच्चया – सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
1. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati hetupaccayā – sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति हेतुपच्चया – दुक्खाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati hetupaccayā – dukkhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया – अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati hetupaccayā – adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
आरम्मणपच्चयादि
Ārammaṇapaccayādi
२. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति आरम्मणपच्चया… अधिपतिपच्चया (अधिपतिया पटिसन्धि नत्थि)… अनन्तरपच्चया… समनन्तरपच्चया… सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया – सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो। वत्थुं पुरेजातपच्चया (संखित्तं)।
2. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati ārammaṇapaccayā… adhipatipaccayā (adhipatiyā paṭisandhi natthi)… anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā – sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho. Vatthuṃ purejātapaccayā (saṃkhittaṃ).
आसेवनपच्चयादि
Āsevanapaccayādi
३. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति आसेवनपच्चया… कम्मपच्चया… विपाकपच्चया – सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो ; पटिसन्धिक्खणे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
3. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati āsevanapaccayā… kammapaccayā… vipākapaccayā – sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho ; paṭisandhikkhaṇe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति विपाकपच्चया – दुक्खसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati vipākapaccayā – dukkhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति विपाकपच्चया – अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati vipākapaccayā – adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
आहारपच्चयादि
Āhārapaccayādi
४. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया – सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; वत्थुं विप्पयुत्तपच्चया; पटिसन्धिक्खणे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो। वत्थुं विप्पयुत्तपच्चया।
4. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā – sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; vatthuṃ vippayuttapaccayā; paṭisandhikkhaṇe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho. Vatthuṃ vippayuttapaccayā.
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति विप्पयुत्तपच्चया – दुक्खाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो। वत्थुं विप्पयुत्तपच्चया।
Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati vippayuttapaccayā – dukkhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho. Vatthuṃ vippayuttapaccayā.
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति विप्पयुत्तपच्चया – अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; वत्थुं विप्पयुत्तपच्चया; पटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो। वत्थुं विप्पयुत्तपच्चया (संखित्तं)।
Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati vippayuttapaccayā – adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; vatthuṃ vippayuttapaccayā; paṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho. Vatthuṃ vippayuttapaccayā (saṃkhittaṃ).
अत्थिपच्चयादि
Atthipaccayādi
५. अत्थिपच्चया… नत्थिपच्चया… विगतपच्चया… अविगतपच्चया…।
5. Atthipaccayā… natthipaccayā… vigatapaccayā… avigatapaccayā….
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
६. हेतुया तीणि, आरम्मणे तीणि…पे॰… अविगते तीणि।
6. Hetuyā tīṇi, ārammaṇe tīṇi…pe… avigate tīṇi.
हेतुआदिदुकानि
Hetuādidukāni
७. हेतुपच्चया आरम्मणे तीणि…पे॰… विपाके द्वे…पे॰… अविगते तीणि…पे॰…।
7. Hetupaccayā ārammaṇe tīṇi…pe… vipāke dve…pe… avigate tīṇi…pe….
आरम्मणपच्चया अधिपतिपच्चया हेतुया तीणि…पे॰… विपाके द्वे…पे॰… अविगते तीणि…पे॰…।
Ārammaṇapaccayā adhipatipaccayā hetuyā tīṇi…pe… vipāke dve…pe… avigate tīṇi…pe….
आसेवनपच्चया हेतुया तीणि…पे॰… कम्मे तीणि, आहारे तीणि…पे॰… अविगते तीणि…पे॰…।
Āsevanapaccayā hetuyā tīṇi…pe… kamme tīṇi, āhāre tīṇi…pe… avigate tīṇi…pe….
विपाकपच्चया हेतुया द्वे, आरम्मणे तीणि, अधिपतिया द्वे…पे॰… पुरेजाते तीणि, कम्मे तीणि…पे॰… झाने द्वे, मग्गे द्वे…पे॰… अविगते तीणि…पे॰…।
Vipākapaccayā hetuyā dve, ārammaṇe tīṇi, adhipatiyā dve…pe… purejāte tīṇi, kamme tīṇi…pe… jhāne dve, magge dve…pe… avigate tīṇi…pe….
झानपच्चया हेतुया तीणि…पे॰… विपाके द्वे…पे॰… अविगते तीणि…पे॰…।
Jhānapaccayā hetuyā tīṇi…pe… vipāke dve…pe… avigate tīṇi…pe….
मग्गपच्चया हेतुया तीणि…पे॰… विपाके द्वे…पे॰… अविगते तीणि…पे॰…।
Maggapaccayā hetuyā tīṇi…pe… vipāke dve…pe… avigate tīṇi…pe….
अविगतपच्चया हेतुया तीणि…पे॰… नत्थिया तीणि, विगते तीणि…पे॰…।
Avigatapaccayā hetuyā tīṇi…pe… natthiyā tīṇi, vigate tīṇi…pe….
(यथा कुसलत्तिकस्स पच्चयगणना, एवं वित्थारेतब्बा)।
(Yathā kusalattikassa paccayagaṇanā, evaṃ vitthāretabbā).
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
८. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नहेतुपच्चया – अहेतुकं सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
8. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati nahetupaccayā – ahetukaṃ sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नहेतुपच्चया – दुक्खसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati nahetupaccayā – dukkhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नहेतुपच्चया – अहेतुकं अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; अहेतुकपटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो।
Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati nahetupaccayā – ahetukaṃ adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; ahetukapaṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.
नअधिपतिपच्चयो
Naadhipatipaccayo
९. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नअधिपतिपच्चया (नाधिपति परिपुण्णं पटिसन्धिकं)।
9. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati naadhipatipaccayā (nādhipati paripuṇṇaṃ paṭisandhikaṃ).
नपुरेजातपच्चयो
Napurejātapaccayo
१०. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नपुरेजातपच्चया – अरूपे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
10. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati napurejātapaccayā – arūpe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नपुरेजातपच्चया – अरूपे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati napurejātapaccayā – arūpe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
नपच्छाजात-नआसेवनपच्चया
Napacchājāta-naāsevanapaccayā
११. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नपच्छाजातपच्चया… नआसेवनपच्चया (नपच्छाजातम्पि नआसेवनम्पि परिपुण्णं पटिसन्धिकं)।
11. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati napacchājātapaccayā… naāsevanapaccayā (napacchājātampi naāsevanampi paripuṇṇaṃ paṭisandhikaṃ).
नकम्मपच्चयो
Nakammapaccayo
१२. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नकम्मपच्चया – सुखाय वेदनाय सम्पयुत्ते खन्धे पटिच्च सुखाय वेदनाय सम्पयुत्ता चेतना।
12. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati nakammapaccayā – sukhāya vedanāya sampayutte khandhe paṭicca sukhāya vedanāya sampayuttā cetanā.
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नकम्मपच्चया – दुक्खाय वेदनाय सम्पयुत्ते खन्धे पटिच्च दुक्खाय वेदनाय सम्पयुत्ता चेतना।
Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati nakammapaccayā – dukkhāya vedanāya sampayutte khandhe paṭicca dukkhāya vedanāya sampayuttā cetanā.
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नकम्मपच्चया – अदुक्खमसुखाय वेदनाय सम्पयुत्ते खन्धे पटिच्च अदुक्खमसुखाय वेदनाय सम्पयुत्ता चेतना।
Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati nakammapaccayā – adukkhamasukhāya vedanāya sampayutte khandhe paṭicca adukkhamasukhāya vedanāya sampayuttā cetanā.
नविपाक-नझानपच्चया
Navipāka-najhānapaccayā
१३. सुखाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नविपाकपच्चया… नझानपच्चया – सुखसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
13. Sukhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati navipākapaccayā… najhānapaccayā – sukhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नझानपच्चया – दुक्खसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati najhānapaccayā – dukkhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नझानपच्चया – चतुविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati najhānapaccayā – catuviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.
नमग्गपच्चयो
Namaggapaccayo
१४. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नमग्गपच्चया – अहेतुकं सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
14. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati namaggapaccayā – ahetukaṃ sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नमग्गपच्चया – दुक्खसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati namaggapaccayā – dukkhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नमग्गपच्चया – अहेतुकं अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा , द्वे खन्धे पटिच्च एको खन्धो ; अहेतुकपटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati namaggapaccayā – ahetukaṃ adukkhamasukhāya vedanāya sampayuttaṃ ekaṃ khandhaṃ paṭicca dve khandhā , dve khandhe paṭicca eko khandho ; ahetukapaṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
नविप्पयुत्तपच्चयो
Navippayuttapaccayo
१५. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नविप्पयुत्तपच्चया – अरूपे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
15. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati navippayuttapaccayā – arūpe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नविप्पयुत्तपच्चया – अरूपे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati navippayuttapaccayā – arūpe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
१६. नहेतुया तीणि, नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नविपाके तीणि, नझाने तीणि, नमग्गे तीणि, नविप्पयुत्ते द्वे।
16. Nahetuyā tīṇi, naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, najhāne tīṇi, namagge tīṇi, navippayutte dve.
नहेतुदुकं
Nahetudukaṃ
१७. नहेतुपच्चया नअधिपतिया तीणि, नपुरेजाते एकं, नपच्छाजाते तीणि, नआसेवने तीणि, नकम्मे द्वे, नविपाके द्वे, नझाने तीणि, नमग्गे तीणि, नविप्पयुत्ते एकं…पे॰…।
17. Nahetupaccayā naadhipatiyā tīṇi, napurejāte ekaṃ, napacchājāte tīṇi, naāsevane tīṇi, nakamme dve, navipāke dve, najhāne tīṇi, namagge tīṇi, navippayutte ekaṃ…pe….
चतुक्कं
Catukkaṃ
नहेतुपच्चया नअधिपतिपच्चया नपुरेजातपच्चया नपच्छाजाते एकं, नआसेवने एकं, नकम्मे एकं, नविपाके एकं, नमग्गे एकं, नविप्पयुत्ते एकं…पे॰…।
Nahetupaccayā naadhipatipaccayā napurejātapaccayā napacchājāte ekaṃ, naāsevane ekaṃ, nakamme ekaṃ, navipāke ekaṃ, namagge ekaṃ, navippayutte ekaṃ…pe….
नवकं
Navakaṃ
नहेतुपच्चया नअधिपतिपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया नविपाकपच्चया नमग्गपच्चया नविप्पयुत्ते एकं (संखित्तं)।
Nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā navipākapaccayā namaggapaccayā navippayutte ekaṃ (saṃkhittaṃ).
नअधिपतिदुकं
Naadhipatidukaṃ
१८. नअधिपतिपच्चया नहेतुया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नविपाके तीणि, नझाने तीणि, नमग्गे तीणि, नविप्पयुत्ते द्वे (संखित्तं)।
18. Naadhipatipaccayā nahetuyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, najhāne tīṇi, namagge tīṇi, navippayutte dve (saṃkhittaṃ).
नपुरेजातदुकं
Napurejātadukaṃ
१९. नपुरेजातपच्चया नहेतुया एकं, नअधिपतिया द्वे, नपच्छाजाते द्वे, नआसेवने द्वे, नकम्मे द्वे, नविपाके द्वे, नमग्गे एकं, नविप्पयुत्ते द्वे।
19. Napurejātapaccayā nahetuyā ekaṃ, naadhipatiyā dve, napacchājāte dve, naāsevane dve, nakamme dve, navipāke dve, namagge ekaṃ, navippayutte dve.
तिकं
Tikaṃ
नपुरेजातपच्चया नहेतुपच्चया नअधिपतिया एकं, नपच्छाजाते एकं, नआसेवने एकं, नकम्मे एकं, नविपाके एकं, नमग्गे एकं, नविप्पयुत्ते एकं (संखित्तं)।
Napurejātapaccayā nahetupaccayā naadhipatiyā ekaṃ, napacchājāte ekaṃ, naāsevane ekaṃ, nakamme ekaṃ, navipāke ekaṃ, namagge ekaṃ, navippayutte ekaṃ (saṃkhittaṃ).
नपच्छाजातादिदुकानि
Napacchājātādidukāni
२०. नपच्छाजातपच्चया… नआसेवनपच्चया… नकम्मपच्चया नहेतुया द्वे, नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नविपाके तीणि, नमग्गे द्वे, नविप्पयुत्ते द्वे।
20. Napacchājātapaccayā… naāsevanapaccayā… nakammapaccayā nahetuyā dve, naadhipatiyā tīṇi, napurejāte dve, napacchājāte tīṇi, naāsevane tīṇi, navipāke tīṇi, namagge dve, navippayutte dve.
तिकं
Tikaṃ
नकम्मपच्चया नहेतुपच्चया नअधिपतिया द्वे, नपुरेजाते एकं, नपच्छाजाते द्वे, नआसेवने द्वे, नविपाके द्वे, नमग्गे द्वे, नविप्पयुत्ते एकं…पे॰…।
Nakammapaccayā nahetupaccayā naadhipatiyā dve, napurejāte ekaṃ, napacchājāte dve, naāsevane dve, navipāke dve, namagge dve, navippayutte ekaṃ…pe….
पञ्चकं
Pañcakaṃ
नकम्मपच्चया नहेतुपच्चया नअधिपतिपच्चया नपुरेजातपच्चया नपच्छाजाते एकं, नआसेवने एकं, नविपाके एकं, नमग्गे एकं, नविप्पयुत्ते एकं (संखित्तं)।
Nakammapaccayā nahetupaccayā naadhipatipaccayā napurejātapaccayā napacchājāte ekaṃ, naāsevane ekaṃ, navipāke ekaṃ, namagge ekaṃ, navippayutte ekaṃ (saṃkhittaṃ).
नविपाकदुकं
Navipākadukaṃ
२१. नविपाकपच्चया नहेतुया द्वे, नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नमग्गे द्वे, नविप्पयुत्ते द्वे।
21. Navipākapaccayā nahetuyā dve, naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, namagge dve, navippayutte dve.
नविपाकपच्चया (नकम्मपच्चयसदिसं)।
Navipākapaccayā (nakammapaccayasadisaṃ).
नझानदुकं
Najhānadukaṃ
२२. नझानपच्चया नहेतुया तीणि, नअधिपतिया तीणि, नपच्छाजाते तीणि, नआसेवने तीणि, नमग्गे तीणि…पे॰…।
22. Najhānapaccayā nahetuyā tīṇi, naadhipatiyā tīṇi, napacchājāte tīṇi, naāsevane tīṇi, namagge tīṇi…pe….
छक्कं
Chakkaṃ
नझानपच्चया नहेतुपच्चया नअधिपतिपच्चया नपच्छाजातपच्चया नआसेवनपच्चया नमग्गे तीणि (संखित्तं)।
Najhānapaccayā nahetupaccayā naadhipatipaccayā napacchājātapaccayā naāsevanapaccayā namagge tīṇi (saṃkhittaṃ).
नमग्गदुकं
Namaggadukaṃ
२३. नमग्गपच्चया नहेतुया तीणि, नअधिपतिया तीणि, नपुरेजाते एकं, नपच्छाजाते तीणि, नआसेवने तीणि, नकम्मे द्वे, नविपाके द्वे, नझाने तीणि, नविप्पयुत्ते एकं।
23. Namaggapaccayā nahetuyā tīṇi, naadhipatiyā tīṇi, napurejāte ekaṃ, napacchājāte tīṇi, naāsevane tīṇi, nakamme dve, navipāke dve, najhāne tīṇi, navippayutte ekaṃ.
तिकं
Tikaṃ
नमग्गपच्चया नहेतुपच्चया नअधिपतिया तीणि, नपुरेजाते एकं, नपच्छाजाते तीणि, नआसेवने तीणि, नकम्मे द्वे, नविपाके द्वे, नझाने तीणि, नविप्पयुत्ते एकं…पे॰…।
Namaggapaccayā nahetupaccayā naadhipatiyā tīṇi, napurejāte ekaṃ, napacchājāte tīṇi, naāsevane tīṇi, nakamme dve, navipāke dve, najhāne tīṇi, navippayutte ekaṃ…pe….
पञ्चकं
Pañcakaṃ
नमग्गपच्चया नहेतुपच्चया नअधिपतिपच्चया नपुरेजातपच्चया नपच्छाजाते एकं, नआसेवने एकं, नकम्मे एकं, नविपाके एकं, नविप्पयुत्ते एकं (संखित्तं)।
Namaggapaccayā nahetupaccayā naadhipatipaccayā napurejātapaccayā napacchājāte ekaṃ, naāsevane ekaṃ, nakamme ekaṃ, navipāke ekaṃ, navippayutte ekaṃ (saṃkhittaṃ).
नविप्पयुत्तदुकं
Navippayuttadukaṃ
२४. नविप्पयुत्तपच्चया नहेतुया एकं, नअधिपतिया द्वे, नपुरेजाते द्वे, नपच्छाजाते द्वे, नआसेवने द्वे, नकम्मे द्वे, नविपाके द्वे, नमग्गे एकं।
24. Navippayuttapaccayā nahetuyā ekaṃ, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, namagge ekaṃ.
तिकं
Tikaṃ
नविप्पयुत्तपच्चया नहेतुपच्चया नअधिपतिया एकं, नपुरेजाते एकं, नपच्छाजाते एकं, नआसेवने एकं, नकम्मे एकं, नविपाके एकं, नमग्गे एकं…पे॰…।
Navippayuttapaccayā nahetupaccayā naadhipatiyā ekaṃ, napurejāte ekaṃ, napacchājāte ekaṃ, naāsevane ekaṃ, nakamme ekaṃ, navipāke ekaṃ, namagge ekaṃ…pe….
नवकं
Navakaṃ
नविप्पयुत्तपच्चया नहेतुपच्चया नअधिपतिपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया नविपाकपच्चया नमग्गे एकं (संखित्तं)।
Navippayuttapaccayā nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā navipākapaccayā namagge ekaṃ (saṃkhittaṃ).
पच्चनीयगणना।
Paccanīyagaṇanā.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
२५. हेतुपच्चया नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नविपाके तीणि, नविप्पयुत्ते द्वे।
25. Hetupaccayā naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, navippayutte dve.
तिकं
Tikaṃ
हेतुपच्चया आरम्मणपच्चया नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नविपाके तीणि, नविप्पयुत्ते द्वे।
Hetupaccayā ārammaṇapaccayā naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, navippayutte dve.
(यथा कुसलत्तिकं, एवं गणेतब्बं।)
(Yathā kusalattikaṃ, evaṃ gaṇetabbaṃ.)
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
नहेतुदुकं
Nahetudukaṃ
२६. नहेतुपच्चया आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने द्वे, कम्मे तीणि, विपाके तीणि, आहारे तीणि, इन्द्रिये तीणि, झाने द्वे, मग्गे एकं, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि , विगते तीणि, अविगते तीणि।
26. Nahetupaccayā ārammaṇe tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, āsevane dve, kamme tīṇi, vipāke tīṇi, āhāre tīṇi, indriye tīṇi, jhāne dve, magge ekaṃ, sampayutte tīṇi, vippayutte tīṇi, atthiyā tīṇi, natthiyā tīṇi , vigate tīṇi, avigate tīṇi.
तिकं
Tikaṃ
नहेतुपच्चया नअधिपतिपच्चया आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने द्वे, कम्मे तीणि, विपाके तीणि, आहारे तीणि, इन्द्रिये तीणि, झाने द्वे, मग्गे एकं, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि।
Nahetupaccayā naadhipatipaccayā ārammaṇe tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, āsevane dve, kamme tīṇi, vipāke tīṇi, āhāre tīṇi, indriye tīṇi, jhāne dve, magge ekaṃ, sampayutte tīṇi, vippayutte tīṇi, atthiyā tīṇi, natthiyā tīṇi, vigate tīṇi, avigate tīṇi.
चतुक्कं
Catukkaṃ
नहेतुपच्चया नअधिपतिपच्चया नपुरेजातपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आसेवने एकं, कम्मे एकं, विपाके एकं, आहारे एकं, इन्द्रिये एकं, झाने एकं, मग्गे एकं, सम्पयुत्ते एकं, विप्पयुत्ते एकं, अत्थिया एकं, नत्थिया एकं, विगते एकं, अविगते एकं…पे॰…।
Nahetupaccayā naadhipatipaccayā napurejātapaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āsevane ekaṃ, kamme ekaṃ, vipāke ekaṃ, āhāre ekaṃ, indriye ekaṃ, jhāne ekaṃ, magge ekaṃ, sampayutte ekaṃ, vippayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ…pe….
सत्तकं
Sattakaṃ
नहेतुपच्चया नअधिपतिपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आहारे एकं, इन्द्रिये एकं, झाने एकं, सम्पयुत्ते एकं, अत्थिया एकं, नत्थिया एकं, विगते एकं, अविगते एकं…पे॰…।
Nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āhāre ekaṃ, indriye ekaṃ, jhāne ekaṃ, sampayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ…pe….
दसकं
Dasakaṃ
नहेतुपच्चया नअधिपतिपच्चया…पे॰… नकम्मपच्चया नविपाकपच्चया नमग्गपच्चया नविप्पयुत्तपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आहारे एकं, इन्द्रिये एकं, झाने एकं, सम्पयुत्ते एकं, अत्थिया एकं, नत्थिया एकं, विगते एकं, अविगते एकं (संखित्तं)।
Nahetupaccayā naadhipatipaccayā…pe… nakammapaccayā navipākapaccayā namaggapaccayā navippayuttapaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āhāre ekaṃ, indriye ekaṃ, jhāne ekaṃ, sampayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ (saṃkhittaṃ).
नहेतुमूलकं।
Nahetumūlakaṃ.
नअधिपतिदुकं
Naadhipatidukaṃ
२७. नअधिपतिपच्चया हेतुया तीणि…पे॰… अविगते तीणि (संखित्तं)।
27. Naadhipatipaccayā hetuyā tīṇi…pe… avigate tīṇi (saṃkhittaṃ).
नपुरेजातदुकं
Napurejātadukaṃ
२८. नपुरेजातपच्चया हेतुया द्वे…पे॰… अविगते द्वे (संखित्तं)।
28. Napurejātapaccayā hetuyā dve…pe… avigate dve (saṃkhittaṃ).
नपच्छाजातादिदुकानि
Napacchājātādidukāni
२९. नपच्छाजातपच्चया… नआसेवनपच्चया… नकम्मपच्चया… नविपाकपच्चया हेतुया तीणि…पे॰… अविगते तीणि (संखित्तं)।
29. Napacchājātapaccayā… naāsevanapaccayā… nakammapaccayā… navipākapaccayā hetuyā tīṇi…pe… avigate tīṇi (saṃkhittaṃ).
नझानदुकं
Najhānadukaṃ
३०. नझानपच्चया आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, कम्मे तीणि, विपाके तीणि, आहारे तीणि, इन्द्रिये तीणि, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि (संखित्तं)।
30. Najhānapaccayā ārammaṇe tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, kamme tīṇi, vipāke tīṇi, āhāre tīṇi, indriye tīṇi, sampayutte tīṇi, vippayutte tīṇi, atthiyā tīṇi, natthiyā tīṇi, vigate tīṇi, avigate tīṇi (saṃkhittaṃ).
नमग्गदुकं
Namaggadukaṃ
३१. नमग्गपच्चया आरम्मणे तीणि, अनन्तरे तीणि, समनन्तरे तीणि…पे॰… आसेवने एकं, कम्मे तीणि…पे॰… झाने द्वे…पे॰… अविगते तीणि (संखित्तं)।
31. Namaggapaccayā ārammaṇe tīṇi, anantare tīṇi, samanantare tīṇi…pe… āsevane ekaṃ, kamme tīṇi…pe… jhāne dve…pe… avigate tīṇi (saṃkhittaṃ).
नविप्पयुत्तदुकं
Navippayuttadukaṃ
३२. नविप्पयुत्तपच्चया हेतुया द्वे, आरम्मणे द्वे, अधिपतिया द्वे, अनन्तरे द्वे, समनन्तरे द्वे, सहजाते द्वे, अञ्ञमञ्ञे द्वे, निस्सये द्वे, उपनिस्सये द्वे, आसेवने द्वे, कम्मे द्वे, विपाके द्वे, आहारे द्वे, इन्द्रिये द्वे, झाने द्वे, मग्गे द्वे, सम्पयुत्ते द्वे, अत्थिया द्वे, नत्थिया द्वे, विगते द्वे, अविगते द्वे।
32. Navippayuttapaccayā hetuyā dve, ārammaṇe dve, adhipatiyā dve, anantare dve, samanantare dve, sahajāte dve, aññamaññe dve, nissaye dve, upanissaye dve, āsevane dve, kamme dve, vipāke dve, āhāre dve, indriye dve, jhāne dve, magge dve, sampayutte dve, atthiyā dve, natthiyā dve, vigate dve, avigate dve.
तिकं
Tikaṃ
नविप्पयुत्तपच्चया नहेतुपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आसेवने एकं, कम्मे एकं, आहारे एकं, इन्द्रिये एकं, झाने एकं, मग्गे एकं, सम्पयुत्ते एकं, अत्थिया एकं, नत्थिया एकं, विगते एकं, अविगते एकं…पे॰…।
Navippayuttapaccayā nahetupaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āsevane ekaṃ, kamme ekaṃ, āhāre ekaṃ, indriye ekaṃ, jhāne ekaṃ, magge ekaṃ, sampayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ…pe….
दसकं
Dasakaṃ
नविप्पयुत्तपच्चया नहेतुपच्चया नअधिपतिपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया नविपाकपच्चया नमग्गपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आहारे एकं, इन्द्रिये एकं, झाने एकं, सम्पयुत्ते एकं, अत्थिया एकं, नत्थिया एकं, विगते एकं, अविगते एकं।
Navippayuttapaccayā nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā navipākapaccayā namaggapaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āhāre ekaṃ, indriye ekaṃ, jhāne ekaṃ, sampayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ.
पच्चनीयानुलोमं।
Paccanīyānulomaṃ.
पटिच्चवारो।
Paṭiccavāro.
२. सहजातवारो
2. Sahajātavāro
३३. सुखाय वेदनाय सम्पयुत्तं धम्मं सहजातो…पे॰…।
33. Sukhāya vedanāya sampayuttaṃ dhammaṃ sahajāto…pe….
३. पच्चयवारो
3. Paccayavāro
३४. सुखाय वेदनाय सम्पयुत्तं धम्मं पच्चया…पे॰…।
34. Sukhāya vedanāya sampayuttaṃ dhammaṃ paccayā…pe….
४. निस्सयवारो
4. Nissayavāro
३५. सुखाय वेदनाय सम्पयुत्तं धम्मं निस्साय…पे॰…।
35. Sukhāya vedanāya sampayuttaṃ dhammaṃ nissāya…pe….
५. संसट्ठवारो
5. Saṃsaṭṭhavāro
३६. सुखाय वेदनाय सम्पयुत्तं धम्मं संसट्ठो…पे॰…।
36. Sukhāya vedanāya sampayuttaṃ dhammaṃ saṃsaṭṭho…pe….
६. सम्पयुत्तवारो
6. Sampayuttavāro
३७. सुखाय वेदनाय सम्पयुत्तं धम्मं सम्पयुत्तो सुखाय वेदनाय सम्पयुत्तो धम्मो उप्पज्जति हेतुपच्चया – सुखाय वेदनाय सम्पयुत्तं एकं खन्धं सम्पयुत्ता द्वे खन्धा, द्वे खन्धे सम्पयुत्तो एको खन्धो (संखित्तं)।
37. Sukhāya vedanāya sampayuttaṃ dhammaṃ sampayutto sukhāya vedanāya sampayutto dhammo uppajjati hetupaccayā – sukhāya vedanāya sampayuttaṃ ekaṃ khandhaṃ sampayuttā dve khandhā, dve khandhe sampayutto eko khandho (saṃkhittaṃ).
सम्पयुत्तवारो।
Sampayuttavāro.
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
३८. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स हेतुपच्चयेन पच्चयो – सुखाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो; पटिसन्धिक्खणे सुखाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो। (१)
38. Sukhāya vedanāya sampayutto dhammo sukhāya vedanāya sampayuttassa dhammassa hetupaccayena paccayo – sukhāya vedanāya sampayuttā hetū sampayuttakānaṃ khandhānaṃ hetupaccayena paccayo; paṭisandhikkhaṇe sukhāya vedanāya sampayuttā hetū sampayuttakānaṃ khandhānaṃ hetupaccayena paccayo. (1)
दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स हेतुपच्चयेन पच्चयो – दुक्खाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो। (१)
Dukkhāya vedanāya sampayutto dhammo dukkhāya vedanāya sampayuttassa dhammassa hetupaccayena paccayo – dukkhāya vedanāya sampayuttā hetū sampayuttakānaṃ khandhānaṃ hetupaccayena paccayo. (1)
अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स हेतुपच्चयेन पच्चयो – अदुक्खमसुखाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो; पटिसन्धिक्खणे अदुक्खमसुखाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो। (१)
Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa hetupaccayena paccayo – adukkhamasukhāya vedanāya sampayuttā hetū sampayuttakānaṃ khandhānaṃ hetupaccayena paccayo; paṭisandhikkhaṇe adukkhamasukhāya vedanāya sampayuttā hetū sampayuttakānaṃ khandhānaṃ hetupaccayena paccayo. (1)
आरम्मणपच्चयो
Ārammaṇapaccayo
३९. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा सुखाय वेदनाय सम्पयुत्तेन चित्तेन पच्चवेक्खति। सुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा सुखाय वेदनाय सम्पयुत्तेन चित्तेन पच्चवेक्खति। अरिया सुखाय वेदनाय सम्पयुत्तेन चित्तेन सुखाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति , पुब्बे समुदाचिण्णे किलेसे जानन्ति। सुखाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ सुखाय वेदनाय सम्पयुत्तो रागो उप्पज्जति, दिट्ठि उप्पज्जति; सुखाय वेदनाय सम्पयुत्ते खन्धे आरब्भ सुखाय वेदनाय सम्पयुत्ता खन्धा उप्पज्जन्ति। (१)
39. Sukhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā sukhāya vedanāya sampayuttena cittena paccavekkhati. Sukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā sukhāya vedanāya sampayuttena cittena paccavekkhati. Ariyā sukhāya vedanāya sampayuttena cittena sukhāya vedanāya sampayutte pahīne kilese paccavekkhanti, vikkhambhite kilese paccavekkhanti , pubbe samudāciṇṇe kilese jānanti. Sukhāya vedanāya sampayutte khandhe sukhāya vedanāya sampayuttena cittena aniccato dukkhato anattato vipassati, assādeti abhinandati; taṃ ārabbha sukhāya vedanāya sampayutto rāgo uppajjati, diṭṭhi uppajjati; sukhāya vedanāya sampayutte khandhe ārabbha sukhāya vedanāya sampayuttā khandhā uppajjanti. (1)
सुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा विप्पटिसारिस्स दोमनस्सं उप्पज्जति। सुखाय वेदनाय सम्पयुत्ते झाने परिहीने विप्पटिसारिस्स दोमनस्सं उप्पज्जति। सुखाय वेदनाय सम्पयुत्ते खन्धे आरब्भ दुक्खाय वेदनाय सम्पयुत्ता खन्धा उप्पज्जन्ति। (२)
Sukhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā vippaṭisārissa domanassaṃ uppajjati. Sukhāya vedanāya sampayutte jhāne parihīne vippaṭisārissa domanassaṃ uppajjati. Sukhāya vedanāya sampayutte khandhe ārabbha dukkhāya vedanāya sampayuttā khandhā uppajjanti. (2)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा अदुक्खमसुखाय वेदनाय सम्पयुत्तेन चित्तेन पच्चवेक्खति। सुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा अदुक्खमसुखाय वेदनाय सम्पयुत्तेन चित्तेन पच्चवेक्खति। अरिया अदुक्खमसुखाय वेदनाय सम्पयुत्तेन चित्तेन सुखाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। सुखाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ अदुक्खमसुखाय वेदनाय सम्पयुत्तो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति, चेतोपरियञाणेन सुखाय वेदनाय सम्पयुत्तचित्तसमङ्गिस्स चित्तं जानाति। सुखाय वेदनाय सम्पयुत्ता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो । सुखाय वेदनाय सम्पयुत्ते खन्धे आरब्भ अदुक्खमसुखाय वेदनाय सम्पयुत्ता खन्धा उप्पज्जन्ति। (३)
Sukhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā adukkhamasukhāya vedanāya sampayuttena cittena paccavekkhati. Sukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā adukkhamasukhāya vedanāya sampayuttena cittena paccavekkhati. Ariyā adukkhamasukhāya vedanāya sampayuttena cittena sukhāya vedanāya sampayutte pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Sukhāya vedanāya sampayutte khandhe adukkhamasukhāya vedanāya sampayuttena cittena aniccato dukkhato anattato vipassati, assādeti abhinandati; taṃ ārabbha adukkhamasukhāya vedanāya sampayutto rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, cetopariyañāṇena sukhāya vedanāya sampayuttacittasamaṅgissa cittaṃ jānāti. Sukhāya vedanāya sampayuttā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo . Sukhāya vedanāya sampayutte khandhe ārabbha adukkhamasukhāya vedanāya sampayuttā khandhā uppajjanti. (3)
४०. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो – दोसं आरब्भ दोसो उप्पज्जति, मोहो उप्पज्जति; दुक्खाय वेदनाय सम्पयुत्तं मोहं आरब्भ मोहो उप्पज्जति, दोसो उप्पज्जति; दुक्खसहगतं कायविञ्ञाणं आरब्भ दोसो उप्पज्जति, मोहो उप्पज्जति; दुक्खाय वेदनाय सम्पयुत्ते खन्धे आरब्भ दुक्खाय वेदनाय सम्पयुत्ता खन्धा उप्पज्जन्ति। (१)
40. Dukkhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo – dosaṃ ārabbha doso uppajjati, moho uppajjati; dukkhāya vedanāya sampayuttaṃ mohaṃ ārabbha moho uppajjati, doso uppajjati; dukkhasahagataṃ kāyaviññāṇaṃ ārabbha doso uppajjati, moho uppajjati; dukkhāya vedanāya sampayutte khandhe ārabbha dukkhāya vedanāya sampayuttā khandhā uppajjanti. (1)
दुक्खाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो – अरिया सुखाय वेदनाय सम्पयुत्तेन चित्तेन दुक्खाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। दुक्खाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति; दुक्खाय वेदनाय सम्पयुत्ते खन्धे आरब्भ सुखाय वेदनाय सम्पयुत्ता खन्धा उप्पज्जन्ति। (२)
Dukkhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo – ariyā sukhāya vedanāya sampayuttena cittena dukkhāya vedanāya sampayutte pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Dukkhāya vedanāya sampayutte khandhe sukhāya vedanāya sampayuttena cittena aniccato dukkhato anattato vipassati; dukkhāya vedanāya sampayutte khandhe ārabbha sukhāya vedanāya sampayuttā khandhā uppajjanti. (2)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो – अरिया अदुक्खमसुखाय वेदनाय सम्पयुत्तेन चित्तेन दुक्खाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। दुक्खाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति; चेतोपरियञाणेन दुक्खाय वेदनाय सम्पयुत्तचित्तसमङ्गिस्स चित्तं जानन्ति। दुक्खाय वेदनाय सम्पयुत्ता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो – दुक्खाय वेदनाय सम्पयुत्ते खन्धे आरब्भ अदुक्खमसुखाय वेदनाय सम्पयुत्ता खन्धा उप्पज्जन्ति। (३)
Dukkhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo – ariyā adukkhamasukhāya vedanāya sampayuttena cittena dukkhāya vedanāya sampayutte pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Dukkhāya vedanāya sampayutte khandhe adukkhamasukhāya vedanāya sampayuttena cittena aniccato dukkhato anattato vipassati; cetopariyañāṇena dukkhāya vedanāya sampayuttacittasamaṅgissa cittaṃ jānanti. Dukkhāya vedanāya sampayuttā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo – dukkhāya vedanāya sampayutte khandhe ārabbha adukkhamasukhāya vedanāya sampayuttā khandhā uppajjanti. (3)
४१. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा अदुक्खमसुखाय वेदनाय सम्पयुत्तेन चित्तेन पच्चवेक्खति। अदुक्खमसुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा अदुक्खमसुखाय वेदनाय सम्पयुत्तेन चित्तेन पच्चवेक्खति; अरिया अदुक्खमसुखाय वेदनाय सम्पयुत्तेन चित्तेन अदुक्खमसुखाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। अदुक्खमसुखाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ अदुक्खमसुखाय वेदनाय सम्पयुत्तो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति; चेतोपरियञाणेन अदुक्खमसुखाय वेदनाय सम्पयुत्तचित्तसमङ्गिस्स चित्तं जानन्ति। आकासानञ्चायतनं विञ्ञाणञ्चायतनस्स आरम्मणपच्चयेन पच्चयो। आकिञ्चञ्ञायतनं नेवसञ्ञानासञ्ञायतनस्स आरम्मणपच्चयेन पच्चयो। अदुक्खमसुखाय वेदनाय सम्पयुत्ता खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स आवज्जनाय आरम्मणपच्चयेन पच्चयो। अदुक्खमसुखाय वेदनाय सम्पयुत्ते खन्धे आरब्भ अदुक्खमसुखाय वेदनाय सम्पयुत्ता खन्धा उप्पज्जन्ति। (१)
41. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā adukkhamasukhāya vedanāya sampayuttena cittena paccavekkhati. Adukkhamasukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā adukkhamasukhāya vedanāya sampayuttena cittena paccavekkhati; ariyā adukkhamasukhāya vedanāya sampayuttena cittena adukkhamasukhāya vedanāya sampayutte pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Adukkhamasukhāya vedanāya sampayutte khandhe adukkhamasukhāya vedanāya sampayuttena cittena aniccato dukkhato anattato vipassati, assādeti abhinandati; taṃ ārabbha adukkhamasukhāya vedanāya sampayutto rāgo uppajjati, diṭṭhi uppajjati, vicikicchā uppajjati, uddhaccaṃ uppajjati; cetopariyañāṇena adukkhamasukhāya vedanāya sampayuttacittasamaṅgissa cittaṃ jānanti. Ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa ārammaṇapaccayena paccayo. Adukkhamasukhāya vedanāya sampayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa āvajjanāya ārammaṇapaccayena paccayo. Adukkhamasukhāya vedanāya sampayutte khandhe ārabbha adukkhamasukhāya vedanāya sampayuttā khandhā uppajjanti. (1)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा सुखाय वेदनाय सम्पयुत्तेन चित्तेन पच्चवेक्खति। अदुक्खमसुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा सुखाय वेदनाय सम्पयुत्तेन चित्तेन पच्चवेक्खति। अरिया सुखाय वेदनाय सम्पयुत्तेन चित्तेन अदुक्खमसुखाय वेदनाय सम्पयुत्ते पहीने किलेसे पच्चवेक्खन्ति , विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। अदुक्खमसुखाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ सुखाय वेदनाय सम्पयुत्तो रागो उप्पज्जति, दिट्ठि उप्पज्जति; अदुक्खमसुखाय वेदनाय सम्पयुत्ते खन्धे आरब्भ सुखाय वेदनाय सम्पयुत्ता खन्धा उप्पज्जन्ति। (२)
Adukkhamasukhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā sukhāya vedanāya sampayuttena cittena paccavekkhati. Adukkhamasukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā sukhāya vedanāya sampayuttena cittena paccavekkhati. Ariyā sukhāya vedanāya sampayuttena cittena adukkhamasukhāya vedanāya sampayutte pahīne kilese paccavekkhanti , vikkhambhite kilese paccavekkhanti, pubbe samudāciṇṇe kilese jānanti. Adukkhamasukhāya vedanāya sampayutte khandhe sukhāya vedanāya sampayuttena cittena aniccato dukkhato anattato vipassati, assādeti abhinandati; taṃ ārabbha sukhāya vedanāya sampayutto rāgo uppajjati, diṭṭhi uppajjati; adukkhamasukhāya vedanāya sampayutte khandhe ārabbha sukhāya vedanāya sampayuttā khandhā uppajjanti. (2)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा विप्पटिसारिस्स दोमनस्सं उप्पज्जति, अदुक्खमसुखाय वेदनाय सम्पयुत्ते झाने परिहीने विप्पटिसारिस्स दोमनस्सं उप्पज्जति, अदुक्खमसुखाय वेदनाय सम्पयुत्ते खन्धे आरब्भ दुक्खाय वेदनाय सम्पयुत्ता खन्धा उप्पज्जन्ति। (३)
Adukkhamasukhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā vippaṭisārissa domanassaṃ uppajjati, adukkhamasukhāya vedanāya sampayutte jhāne parihīne vippaṭisārissa domanassaṃ uppajjati, adukkhamasukhāya vedanāya sampayutte khandhe ārabbha dukkhāya vedanāya sampayuttā khandhā uppajjanti. (3)
अधिपतिपच्चयो
Adhipatipaccayo
४२. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति।
42. Sukhāya vedanāya sampayutto dhammo sukhāya vedanāya sampayuttassa dhammassa adhipatipaccayena paccayo – ārammaṇādhipati, sahajātādhipati.
आरम्मणाधिपति – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा सुखाय वेदनाय सम्पयुत्तेन चित्तेन तं गरुं कत्वा पच्चवेक्खति। सुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा सुखाय वेदनाय सम्पयुत्तेन चित्तेन तं गरुं कत्वा पच्चवेक्खति। सुखाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन गरुं कत्वा अस्सादेति अभिनन्दति; तं गरुं कत्वा सुखाय वेदनाय सम्पयुत्तो रागो उप्पज्जति, दिट्ठि उप्पज्जति।
Ārammaṇādhipati – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā sukhāya vedanāya sampayuttena cittena taṃ garuṃ katvā paccavekkhati. Sukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā sukhāya vedanāya sampayuttena cittena taṃ garuṃ katvā paccavekkhati. Sukhāya vedanāya sampayutte khandhe sukhāya vedanāya sampayuttena cittena garuṃ katvā assādeti abhinandati; taṃ garuṃ katvā sukhāya vedanāya sampayutto rāgo uppajjati, diṭṭhi uppajjati.
सहजाताधिपति – सुखाय वेदनाय सम्पयुत्ताधिपति सम्पयुत्तकानं खन्धानं अधिपतिपच्चयेन पच्चयो। (१)
Sahajātādhipati – sukhāya vedanāya sampayuttādhipati sampayuttakānaṃ khandhānaṃ adhipatipaccayena paccayo. (1)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अधिपतिपच्चयेन पच्चयो।
Sukhāya vedanāya sampayutto dhammo adukkhamasukhāya vedanāya sampayuttassa dhammassa adhipatipaccayena paccayo.
आरम्मणाधिपति – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा अदुक्खमसुखाय वेदनाय सम्पयुत्तेन चित्तेन तं गरुं कत्वा पच्चवेक्खति। सुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा अदुक्खमसुखाय वेदनाय सम्पयुत्तेन चित्तेन तं गरुं कत्वा पच्चवेक्खति। सुखाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन गरुं कत्वा अस्सादेति अभिनन्दति; तं गरुं कत्वा अदुक्खमसुखाय वेदनाय सम्पयुत्तो रागो उप्पज्जति, दिट्ठि उप्पज्जति। (२)
Ārammaṇādhipati – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā adukkhamasukhāya vedanāya sampayuttena cittena taṃ garuṃ katvā paccavekkhati. Sukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā adukkhamasukhāya vedanāya sampayuttena cittena taṃ garuṃ katvā paccavekkhati. Sukhāya vedanāya sampayutte khandhe adukkhamasukhāya vedanāya sampayuttena cittena garuṃ katvā assādeti abhinandati; taṃ garuṃ katvā adukkhamasukhāya vedanāya sampayutto rāgo uppajjati, diṭṭhi uppajjati. (2)
४३. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स अधिपतिपच्चयेन पच्चयो।
43. Dukkhāya vedanāya sampayutto dhammo dukkhāya vedanāya sampayuttassa dhammassa adhipatipaccayena paccayo.
सहजाताधिपति – दुक्खाय वेदनाय सम्पयुत्ताधिपति सम्पयुत्तकानं खन्धानं अधिपतिपच्चयेन पच्चयो। (१)
Sahajātādhipati – dukkhāya vedanāya sampayuttādhipati sampayuttakānaṃ khandhānaṃ adhipatipaccayena paccayo. (1)
४४. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति।
44. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa adhipatipaccayena paccayo – ārammaṇādhipati, sahajātādhipati.
आरम्मणाधिपति – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा अदुक्खमसुखाय वेदनाय सम्पयुत्तेन चित्तेन तं गरुं कत्वा पच्चवेक्खति। अदुक्खमसुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा अदुक्खमसुखाय वेदनाय सम्पयुत्तेन चित्तेन तं गरुं कत्वा पच्चवेक्खति। अदुक्खमसुखाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन गरुं कत्वा अस्सादेति अभिनन्दति; तं गरुं कत्वा अदुक्खमसुखाय वेदनाय सम्पयुत्तो रागो उप्पज्जति, दिट्ठि उप्पज्जति।
Ārammaṇādhipati – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā adukkhamasukhāya vedanāya sampayuttena cittena taṃ garuṃ katvā paccavekkhati. Adukkhamasukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā adukkhamasukhāya vedanāya sampayuttena cittena taṃ garuṃ katvā paccavekkhati. Adukkhamasukhāya vedanāya sampayutte khandhe adukkhamasukhāya vedanāya sampayuttena cittena garuṃ katvā assādeti abhinandati; taṃ garuṃ katvā adukkhamasukhāya vedanāya sampayutto rāgo uppajjati, diṭṭhi uppajjati.
सहजाताधिपति – अदुक्खमसुखाय वेदनाय सम्पयुत्ताधिपति सम्पयुत्तकानं खन्धानं अधिपतिपच्चयेन पच्चयो। (१)
Sahajātādhipati – adukkhamasukhāya vedanāya sampayuttādhipati sampayuttakānaṃ khandhānaṃ adhipatipaccayena paccayo. (1)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अधिपतिपच्चयेन पच्चयो।
Adukkhamasukhāya vedanāya sampayutto dhammo sukhāya vedanāya sampayuttassa dhammassa adhipatipaccayena paccayo.
आरम्मणाधिपति – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा सुखाय वेदनाय सम्पयुत्तेन चित्तेन तं गरुं कत्वा पच्चवेक्खति। अदुक्खमसुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा सुखाय वेदनाय सम्पयुत्तेन चित्तेन तं गरुं कत्वा पच्चवेक्खति। अदुक्खमसुखाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन गरुं कत्वा अस्सादेति अभिनन्दति; तं गरुं कत्वा सुखाय वेदनाय सम्पयुत्तो रागो उप्पज्जति, दिट्ठि उप्पज्जति। (२)
Ārammaṇādhipati – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā sukhāya vedanāya sampayuttena cittena taṃ garuṃ katvā paccavekkhati. Adukkhamasukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā sukhāya vedanāya sampayuttena cittena taṃ garuṃ katvā paccavekkhati. Adukkhamasukhāya vedanāya sampayutte khandhe sukhāya vedanāya sampayuttena cittena garuṃ katvā assādeti abhinandati; taṃ garuṃ katvā sukhāya vedanāya sampayutto rāgo uppajjati, diṭṭhi uppajjati. (2)
अनन्तरपच्चयो
Anantarapaccayo
४५. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा सुखाय वेदनाय सम्पयुत्ता खन्धा पच्छिमानं पच्छिमानं सुखाय वेदनाय सम्पयुत्तकानं खन्धानं अनन्तरपच्चयेन पच्चयो। सुखाय वेदनाय सम्पयुत्तं अनुलोमं सुखाय वेदनाय सम्पयुत्तस्स गोत्रभुस्स अनन्तरपच्चयेन पच्चयो, अनुलोमं वोदानस्स… गोत्रभु मग्गस्स… वोदानं मग्गस्स… मग्गो फलस्स… फलं फलस्स… अनुलोमं सुखाय वेदनाय सम्पयुत्ताय फलसमापत्तिया अनन्तरपच्चयेन पच्चयो। सुखाय वेदनाय सम्पयुत्ता खन्धा सुखाय वेदनाय सम्पयुत्तस्स वुट्ठानस्स अनन्तरपच्चयेन पच्चयो। (१)
45. Sukhāya vedanāya sampayutto dhammo sukhāya vedanāya sampayuttassa dhammassa anantarapaccayena paccayo – purimā purimā sukhāya vedanāya sampayuttā khandhā pacchimānaṃ pacchimānaṃ sukhāya vedanāya sampayuttakānaṃ khandhānaṃ anantarapaccayena paccayo. Sukhāya vedanāya sampayuttaṃ anulomaṃ sukhāya vedanāya sampayuttassa gotrabhussa anantarapaccayena paccayo, anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ sukhāya vedanāya sampayuttāya phalasamāpattiyā anantarapaccayena paccayo. Sukhāya vedanāya sampayuttā khandhā sukhāya vedanāya sampayuttassa vuṭṭhānassa anantarapaccayena paccayo. (1)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अनन्तरपच्चयेन पच्चयो – सुखाय वेदनाय सम्पयुत्तं चुतिचित्तं अदुक्खमसुखाय वेदनाय सम्पयुत्तस्स उपपत्तिचित्तस्स अनन्तरपच्चयेन पच्चयो। सुखाय वेदनाय सम्पयुत्तं भवङ्गं आवज्जनाय अनन्तरपच्चयेन पच्चयो। सुखसहगतं कायविञ्ञाणं विपाकमनोधातुया अनन्तरपच्चयेन पच्चयो। सुखाय वेदनाय सम्पयुत्ता विपाकमनोविञ्ञाणधातु किरियमनोविञ्ञाणधातुया अनन्तरपच्चयेन पच्चयो। सुखाय वेदनाय सम्पयुत्तं भवङ्गं अदुक्खमसुखाय वेदनाय सम्पयुत्तस्स भवङ्गस्स अनन्तरपच्चयेन पच्चयो। सुखाय वेदनाय सम्पयुत्तं कुसलाकुसलं अदुक्खमसुखाय वेदनाय सम्पयुत्तस्स वुट्ठानस्स… किरियं वुट्ठानस्स… फलं वुट्ठानस्स अनन्तरपच्चयेन पच्चयो। (२)
Sukhāya vedanāya sampayutto dhammo adukkhamasukhāya vedanāya sampayuttassa dhammassa anantarapaccayena paccayo – sukhāya vedanāya sampayuttaṃ cuticittaṃ adukkhamasukhāya vedanāya sampayuttassa upapatticittassa anantarapaccayena paccayo. Sukhāya vedanāya sampayuttaṃ bhavaṅgaṃ āvajjanāya anantarapaccayena paccayo. Sukhasahagataṃ kāyaviññāṇaṃ vipākamanodhātuyā anantarapaccayena paccayo. Sukhāya vedanāya sampayuttā vipākamanoviññāṇadhātu kiriyamanoviññāṇadhātuyā anantarapaccayena paccayo. Sukhāya vedanāya sampayuttaṃ bhavaṅgaṃ adukkhamasukhāya vedanāya sampayuttassa bhavaṅgassa anantarapaccayena paccayo. Sukhāya vedanāya sampayuttaṃ kusalākusalaṃ adukkhamasukhāya vedanāya sampayuttassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (2)
४६. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा दुक्खाय वेदनाय सम्पयुत्ता खन्धा पच्छिमानं पच्छिमानं दुक्खाय वेदनाय सम्पयुत्तकानं खन्धानं अनन्तरपच्चयेन पच्चयो। (१)
46. Dukkhāya vedanāya sampayutto dhammo dukkhāya vedanāya sampayuttassa dhammassa anantarapaccayena paccayo – purimā purimā dukkhāya vedanāya sampayuttā khandhā pacchimānaṃ pacchimānaṃ dukkhāya vedanāya sampayuttakānaṃ khandhānaṃ anantarapaccayena paccayo. (1)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अनन्तरपच्चयेन पच्चयो – दुक्खसहगतं कायविञ्ञाणं विपाकमनोधातुया अनन्तरपच्चयेन पच्चयो। दुक्खाय वेदनाय सम्पयुत्ता खन्धा अदुक्खमसुखाय वेदनाय सम्पयुत्तस्स वुट्ठानस्स अनन्तरपच्चयेन पच्चयो। (२)
Dukkhāya vedanāya sampayutto dhammo adukkhamasukhāya vedanāya sampayuttassa dhammassa anantarapaccayena paccayo – dukkhasahagataṃ kāyaviññāṇaṃ vipākamanodhātuyā anantarapaccayena paccayo. Dukkhāya vedanāya sampayuttā khandhā adukkhamasukhāya vedanāya sampayuttassa vuṭṭhānassa anantarapaccayena paccayo. (2)
४७. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा अदुक्खमसुखाय वेदनाय सम्पयुत्ता खन्धा पच्छिमानं पच्छिमानं अदुक्खमसुखाय वेदनाय सम्पयुत्तकानं खन्धानं अनन्तरपच्चयेन पच्चयो । अदुक्खमसुखाय वेदनाय सम्पयुत्तं अनुलोमं अदुक्खमसुखाय वेदनाय सम्पयुत्तस्स गोत्रभुस्स अनन्तरपच्चयेन पच्चयो। अनुलोमं वोदानस्स… गोत्रभु मग्गस्स… वोदानं मग्गस्स… मग्गो फलस्स… फलं फलस्स… अनुलोमं फलसमापत्तिया… निरोधा वुट्ठहन्तस्स नेवसञ्ञानासञ्ञायतनं अदुक्खमसुखाय वेदनाय सम्पयुत्ताय फलसमापत्तिया अनन्तरपच्चयेन पच्चयो। अदुक्खमसुखाय वेदनाय सम्पयुत्ता खन्धा अदुक्खमसुखाय वेदनाय सम्पयुत्तस्स वुट्ठानस्स अनन्तरपच्चयेन पच्चयो। (१)
47. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa anantarapaccayena paccayo – purimā purimā adukkhamasukhāya vedanāya sampayuttā khandhā pacchimānaṃ pacchimānaṃ adukkhamasukhāya vedanāya sampayuttakānaṃ khandhānaṃ anantarapaccayena paccayo . Adukkhamasukhāya vedanāya sampayuttaṃ anulomaṃ adukkhamasukhāya vedanāya sampayuttassa gotrabhussa anantarapaccayena paccayo. Anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ adukkhamasukhāya vedanāya sampayuttāya phalasamāpattiyā anantarapaccayena paccayo. Adukkhamasukhāya vedanāya sampayuttā khandhā adukkhamasukhāya vedanāya sampayuttassa vuṭṭhānassa anantarapaccayena paccayo. (1)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अनन्तरपच्चयेन पच्चयो – अदुक्खमसुखाय वेदनाय सम्पयुत्तं चुतिचित्तं सुखाय वेदनाय सम्पयुत्तस्स उपपत्तिचित्तस्स अनन्तरपच्चयेन पच्चयो। आवज्जना सुखाय वेदनाय सम्पयुत्तकानं खन्धानं अनन्तरपच्चयेन पच्चयो। विपाकमनोधातु सुखाय वेदनाय सम्पयुत्ताय विपाकमनोविञ्ञाणधातुया अनन्तरपच्चयेन पच्चयो। अदुक्खमसुखाय वेदनाय सम्पयुत्तं भवङ्गं सुखाय वेदनाय सम्पयुत्तस्स भवङ्गस्स अनन्तरपच्चयेन पच्चयो। अदुक्खमसुखाय वेदनाय सम्पयुत्तं कुसलाकुसलं सुखाय वेदनाय सम्पयुत्तस्स वुट्ठानस्स… किरियं वुट्ठानस्स… फलं वुट्ठानस्स… निरोधा वुट्ठहन्तस्स नेवसञ्ञानासञ्ञायतनं सुखाय वेदनाय सम्पयुत्ताय फलसमापत्तिया अनन्तरपच्चयेन पच्चयो। (२)
Adukkhamasukhāya vedanāya sampayutto dhammo sukhāya vedanāya sampayuttassa dhammassa anantarapaccayena paccayo – adukkhamasukhāya vedanāya sampayuttaṃ cuticittaṃ sukhāya vedanāya sampayuttassa upapatticittassa anantarapaccayena paccayo. Āvajjanā sukhāya vedanāya sampayuttakānaṃ khandhānaṃ anantarapaccayena paccayo. Vipākamanodhātu sukhāya vedanāya sampayuttāya vipākamanoviññāṇadhātuyā anantarapaccayena paccayo. Adukkhamasukhāya vedanāya sampayuttaṃ bhavaṅgaṃ sukhāya vedanāya sampayuttassa bhavaṅgassa anantarapaccayena paccayo. Adukkhamasukhāya vedanāya sampayuttaṃ kusalākusalaṃ sukhāya vedanāya sampayuttassa vuṭṭhānassa… kiriyaṃ vuṭṭhānassa… phalaṃ vuṭṭhānassa… nirodhā vuṭṭhahantassa nevasaññānāsaññāyatanaṃ sukhāya vedanāya sampayuttāya phalasamāpattiyā anantarapaccayena paccayo. (2)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स अनन्तरपच्चयेन पच्चयो – आवज्जना दुक्खाय वेदनाय सम्पयुत्तकानं खन्धानं अनन्तरपच्चयेन पच्चयो। (३)
Adukkhamasukhāya vedanāya sampayutto dhammo dukkhāya vedanāya sampayuttassa dhammassa anantarapaccayena paccayo – āvajjanā dukkhāya vedanāya sampayuttakānaṃ khandhānaṃ anantarapaccayena paccayo. (3)
समनन्तरपच्चयो
Samanantarapaccayo
४८. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स समनन्तरपच्चयेन पच्चयो (अनन्तरपच्चयसदिसं)।
48. Sukhāya vedanāya sampayutto dhammo sukhāya vedanāya sampayuttassa dhammassa samanantarapaccayena paccayo (anantarapaccayasadisaṃ).
सहजातपच्चयो
Sahajātapaccayo
४९. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स सहजातपच्चयेन पच्चयो – सुखाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। पटिसन्धिक्खणे सुखाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। (१)
49. Sukhāya vedanāya sampayutto dhammo sukhāya vedanāya sampayuttassa dhammassa sahajātapaccayena paccayo – sukhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. Paṭisandhikkhaṇe sukhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. (1)
५०. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स सहजातपच्चयेन पच्चयो – दुक्खाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। (दुक्खाय वेदनाय सम्पयुत्तपटिसन्धि न लब्भति।) (१)
50. Dukkhāya vedanāya sampayutto dhammo dukkhāya vedanāya sampayuttassa dhammassa sahajātapaccayena paccayo – dukkhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. (Dukkhāya vedanāya sampayuttapaṭisandhi na labbhati.) (1)
५१. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स सहजातपच्चयेन पच्चयो – अदुक्खमसुखाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। पटिसन्धिक्खणे अदुक्खमसुखाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। (१)
51. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa sahajātapaccayena paccayo – adukkhamasukhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. Paṭisandhikkhaṇe adukkhamasukhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. (1)
अञ्ञमञ्ञ-निस्सयपच्चया
Aññamañña-nissayapaccayā
५२. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अञ्ञमञ्ञपच्चयेन पच्चयो… निस्सयपच्चयेन पच्चयो (अञ्ञमञ्ञम्पि निस्सयम्पि सहजातपच्चयसदिसं)।
52. Sukhāya vedanāya sampayutto dhammo sukhāya vedanāya sampayuttassa dhammassa aññamaññapaccayena paccayo… nissayapaccayena paccayo (aññamaññampi nissayampi sahajātapaccayasadisaṃ).
उपनिस्सयपच्चयो
Upanissayapaccayo
५३. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…।
53. Sukhāya vedanāya sampayutto dhammo sukhāya vedanāya sampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe….
पकतूपनिस्सयो – सुखाय वेदनाय सम्पयुत्तं सद्धं उपनिस्साय सुखाय वेदनाय सम्पयुत्तेन चित्तेन दानं देति, सीलं समादियति, उपोसथकम्मं करोति, सुखाय वेदनाय सम्पयुत्तं झानं उप्पादेति, विपस्सनं उप्पादेति, मग्गं उप्पादेति, समापत्तिं उप्पादेति, मानं जप्पेति, दिट्ठिं गण्हाति। सुखाय वेदनाय सम्पयुत्तं सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं… सुखसहगतं कायविञ्ञाणं उपनिस्साय सुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति (सद्धापञ्चमकेसु ‘‘मानं जप्पेति, दिट्ठिं गण्हाती’’ति कातब्बं, अवसेसेसु न कातब्बं)। सुखाय वेदनाय सम्पयुत्तेन चित्तेन अदिन्नं आदियति, मुसा भणति, पिसुणं भणति, सम्फं पलपति, सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति। सुखाय वेदनाय सम्पयुत्ता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना… सुखसहगतं कायविञ्ञाणं सुखाय वेदनाय सम्पयुत्ताय सद्धाय… सीलस्स… सुतस्स… चागस्स… पञ्ञाय… रागस्स… मोहस्स… मानस्स… दिट्ठिया… पत्थनाय… सुखसहगतस्स कायविञ्ञाणस्स… सुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (१)
Pakatūpanissayo – sukhāya vedanāya sampayuttaṃ saddhaṃ upanissāya sukhāya vedanāya sampayuttena cittena dānaṃ deti, sīlaṃ samādiyati, uposathakammaṃ karoti, sukhāya vedanāya sampayuttaṃ jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Sukhāya vedanāya sampayuttaṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ… sukhasahagataṃ kāyaviññāṇaṃ upanissāya sukhāya vedanāya sampayuttena cittena dānaṃ deti…pe… samāpattiṃ uppādeti (saddhāpañcamakesu ‘‘mānaṃ jappeti, diṭṭhiṃ gaṇhātī’’ti kātabbaṃ, avasesesu na kātabbaṃ). Sukhāya vedanāya sampayuttena cittena adinnaṃ ādiyati, musā bhaṇati, pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Sukhāya vedanāya sampayuttā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā… sukhasahagataṃ kāyaviññāṇaṃ sukhāya vedanāya sampayuttāya saddhāya… sīlassa… sutassa… cāgassa… paññāya… rāgassa… mohassa… mānassa… diṭṭhiyā… patthanāya… sukhasahagatassa kāyaviññāṇassa… sukhāya vedanāya sampayuttakānaṃ khandhānaṃ upanissayapaccayena paccayo. (1)
सुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स उपनिस्सयपच्चयेन पच्चयो।
Sukhāya vedanāya sampayutto dhammo dukkhāya vedanāya sampayuttassa dhammassa upanissayapaccayena paccayo.
पकतूपनिस्सयो – सुखाय वेदनाय सम्पयुत्तं सद्धं उपनिस्साय अत्तानं आतापेति परितापेति, परियिट्ठिमूलकं दुक्खं पच्चनुभोति। सुखाय वेदनाय सम्पयुत्तं सीलं… सुतं… चागं… पञ्ञं उपनिस्साय अत्तानं आतापेति परितापेति, परियिट्ठिमूलकं दुक्खं पच्चनुभोति। सुखाय वेदनाय सम्पयुत्तं रागं… मोहं… मानं… दिट्ठिं… पत्थनं… सुखसहगतं कायविञ्ञाणं उपनिस्साय पाणं हनति। दुक्खाय वेदनाय सम्पयुत्तेन चित्तेन अदिन्नं आदियति, मुसा भणति , पिसुणं भणति, फरुसं भणति, सम्फं पलपति, सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति, मातरं जीविता वोरोपेति, पितरं जीविता वोरोपेति, अरहन्तं जीविता वोरोपेति, दुट्ठेन चित्तेन तथागतस्स लोहितं उप्पादेति, सङ्घं भिन्दति। सुखाय वेदनाय सम्पयुत्ता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना… सुखसहगतं कायविञ्ञाणं दोसस्स… मोहस्स… दुक्खसहगतस्स कायविञ्ञाणस्स… दुक्खाय वेदनाय सम्पयुत्तकानं खन्धानं उपनिस्सयपच्चयेन पच्चयो। (२)
Pakatūpanissayo – sukhāya vedanāya sampayuttaṃ saddhaṃ upanissāya attānaṃ ātāpeti paritāpeti, pariyiṭṭhimūlakaṃ dukkhaṃ paccanubhoti. Sukhāya vedanāya sampayuttaṃ sīlaṃ… sutaṃ… cāgaṃ… paññaṃ upanissāya attānaṃ ātāpeti paritāpeti, pariyiṭṭhimūlakaṃ dukkhaṃ paccanubhoti. Sukhāya vedanāya sampayuttaṃ rāgaṃ… mohaṃ… mānaṃ… diṭṭhiṃ… patthanaṃ… sukhasahagataṃ kāyaviññāṇaṃ upanissāya pāṇaṃ hanati. Dukkhāya vedanāya sampayuttena cittena adinnaṃ ādiyati, musā bhaṇati , pisuṇaṃ bhaṇati, pharusaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti, mātaraṃ jīvitā voropeti, pitaraṃ jīvitā voropeti, arahantaṃ jīvitā voropeti, duṭṭhena cittena tathāgatassa lohitaṃ uppādeti, saṅghaṃ bhindati. Sukhāya vedanāya sampayuttā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā… sukhasahagataṃ kāyaviññāṇaṃ dosassa… mohassa… dukkhasahagatassa kāyaviññāṇassa… dukkhāya vedanāya sampayuttakānaṃ khandhānaṃ upanissayapaccayena paccayo. (2)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…।
Sukhāya vedanāya sampayutto dhammo adukkhamasukhāya vedanāya sampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe….
पकतूपनिस्सयो – सुखाय वेदनाय सम्पयुत्तं सद्धं उपनिस्साय अदुक्खमसुखाय वेदनाय सम्पयुत्तेन चित्तेन दानं देति, सीलं समादियति, उपोसथकम्मं करोति, अदुक्खमसुखाय वेदनाय सम्पयुत्तं झानं उप्पादेति, विपस्सनं उप्पादेति, मग्गं उप्पादेति, अभिञ्ञं उप्पादेति, समापत्तिं उप्पादेति, मानं जप्पेति, दिट्ठिं गण्हाति। सुखाय वेदनाय सम्पयुत्तं सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं… सुखसहगतं कायविञ्ञाणं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति। अदुक्खमसुखाय वेदनाय सम्पयुत्तेन चित्तेन अदिन्नं आदियति , मुसा भणति, पिसुणं भणति, सम्फं पलपति 1, सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति। सुखाय वेदनाय सम्पयुत्ता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना… सुखसहगतं कायविञ्ञाणं अदुक्खमसुखाय वेदनाय सम्पयुत्ताय सद्धाय… सीलस्स… सुतस्स… चागस्स… पञ्ञाय… रागस्स… मोहस्स… मानस्स… दिट्ठिया… पत्थनाय… अदुक्खमसुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (३)
Pakatūpanissayo – sukhāya vedanāya sampayuttaṃ saddhaṃ upanissāya adukkhamasukhāya vedanāya sampayuttena cittena dānaṃ deti, sīlaṃ samādiyati, uposathakammaṃ karoti, adukkhamasukhāya vedanāya sampayuttaṃ jhānaṃ uppādeti, vipassanaṃ uppādeti, maggaṃ uppādeti, abhiññaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Sukhāya vedanāya sampayuttaṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ… sukhasahagataṃ kāyaviññāṇaṃ upanissāya adukkhamasukhāya vedanāya sampayuttena cittena dānaṃ deti…pe… samāpattiṃ uppādeti. Adukkhamasukhāya vedanāya sampayuttena cittena adinnaṃ ādiyati , musā bhaṇati, pisuṇaṃ bhaṇati, samphaṃ palapati 2, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Sukhāya vedanāya sampayuttā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā… sukhasahagataṃ kāyaviññāṇaṃ adukkhamasukhāya vedanāya sampayuttāya saddhāya… sīlassa… sutassa… cāgassa… paññāya… rāgassa… mohassa… mānassa… diṭṭhiyā… patthanāya… adukkhamasukhāya vedanāya sampayuttakānaṃ khandhānaṃ upanissayapaccayena paccayo. (3)
५४. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…।
54. Dukkhāya vedanāya sampayutto dhammo dukkhāya vedanāya sampayuttassa dhammassa upanissayapaccayena paccayo – anantarūpanissayo, pakatūpanissayo…pe….
पकतूपनिस्सयो – दोसं उपनिस्साय पाणं हनति, दुक्खाय वेदनाय सम्पयुत्तेन चित्तेन अदिन्नं आदियति…पे॰… सङ्घं भिन्दति। मोहं, दुक्खसहगतं कायविञ्ञाणं उपनिस्साय पाणं हनति, दुक्खाय वेदनाय सम्पयुत्तेन चित्तेन अदिन्नं आदियति…पे॰… सङ्घं भिन्दति। दोसो… मोहो… दुक्खसहगतं कायविञ्ञाणं दोसस्स… मोहस्स… दुक्खसहगतस्स कायविञ्ञाणस्स… दुक्खाय वेदनाय सम्पयुत्तकानं खन्धानं उपनिस्सयपच्चयेन पच्चयो। (१)
Pakatūpanissayo – dosaṃ upanissāya pāṇaṃ hanati, dukkhāya vedanāya sampayuttena cittena adinnaṃ ādiyati…pe… saṅghaṃ bhindati. Mohaṃ, dukkhasahagataṃ kāyaviññāṇaṃ upanissāya pāṇaṃ hanati, dukkhāya vedanāya sampayuttena cittena adinnaṃ ādiyati…pe… saṅghaṃ bhindati. Doso… moho… dukkhasahagataṃ kāyaviññāṇaṃ dosassa… mohassa… dukkhasahagatassa kāyaviññāṇassa… dukkhāya vedanāya sampayuttakānaṃ khandhānaṃ upanissayapaccayena paccayo. (1)
दुक्खाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो।
Dukkhāya vedanāya sampayutto dhammo sukhāya vedanāya sampayuttassa dhammassa upanissayapaccayena paccayo.
पकतूपनिस्सयो – दोसं उपनिस्साय सुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति। सुखाय वेदनाय सम्पयुत्तेन चित्तेन अदिन्नं आदियति…पे॰… निगमघातं करोति। मोहं, दुक्खसहगतं कायविञ्ञाणं उपनिस्साय सुखाय वेदनाय सम्पयुत्तेन चित्तेन दानं देति…पे॰… निगमघातं करोति। दोसो… मोहो… दुक्खसहगतं कायविञ्ञाणं सुखाय वेदनाय सम्पयुत्ताय सद्धाय…पे॰… सुखसहगतस्स कायविञ्ञाणस्स सुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (२)
Pakatūpanissayo – dosaṃ upanissāya sukhāya vedanāya sampayuttena cittena dānaṃ deti…pe… samāpattiṃ uppādeti. Sukhāya vedanāya sampayuttena cittena adinnaṃ ādiyati…pe… nigamaghātaṃ karoti. Mohaṃ, dukkhasahagataṃ kāyaviññāṇaṃ upanissāya sukhāya vedanāya sampayuttena cittena dānaṃ deti…pe… nigamaghātaṃ karoti. Doso… moho… dukkhasahagataṃ kāyaviññāṇaṃ sukhāya vedanāya sampayuttāya saddhāya…pe… sukhasahagatassa kāyaviññāṇassa sukhāya vedanāya sampayuttakānaṃ khandhānaṃ upanissayapaccayena paccayo. (2)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…।
Dukkhāya vedanāya sampayutto dhammo adukkhamasukhāya vedanāya sampayuttassa dhammassa upanissayapaccayena paccayo – anantarūpanissayo, pakatūpanissayo…pe….
पकतूपनिस्सयो – दोसं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… निगमघातं करोति। मोहं, दुक्खसहगतं कायविञ्ञाणं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… निगमघातं करोति। दोसो… मोहो… दुक्खसहगतं कायविञ्ञाणं अदुक्खमसुखाय वेदनाय सम्पयुत्ताय सद्धाय…पे॰… पत्थनाय… अदुक्खमसुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (३)
Pakatūpanissayo – dosaṃ upanissāya adukkhamasukhāya vedanāya sampayuttena cittena dānaṃ deti…pe… nigamaghātaṃ karoti. Mohaṃ, dukkhasahagataṃ kāyaviññāṇaṃ upanissāya adukkhamasukhāya vedanāya sampayuttena cittena dānaṃ deti…pe… nigamaghātaṃ karoti. Doso… moho… dukkhasahagataṃ kāyaviññāṇaṃ adukkhamasukhāya vedanāya sampayuttāya saddhāya…pe… patthanāya… adukkhamasukhāya vedanāya sampayuttakānaṃ khandhānaṃ upanissayapaccayena paccayo. (3)
५५. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो , अनन्तरूपनिस्सयो, पकतूपनिस्सयो…पे॰…।
55. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe….
पकतूपनिस्सयो – अदुक्खमसुखाय वेदनाय सम्पयुत्तं सद्धं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… दिट्ठिं गण्हाति। अदुक्खमसुखाय वेदनाय सम्पयुत्तं सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति। अदुक्खमसुखाय वेदनाय सम्पयुत्तेन चित्तेन अदिन्नं आदियति…पे॰… निगमघातं करोति। अदुक्खमसुखाय वेदनाय सम्पयुत्ता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना… अदुक्खमसुखाय वेदनाय सम्पयुत्ताय सद्धाय…पे॰… पत्थनाय अदुक्खमसुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (१)
Pakatūpanissayo – adukkhamasukhāya vedanāya sampayuttaṃ saddhaṃ upanissāya adukkhamasukhāya vedanāya sampayuttena cittena dānaṃ deti…pe… diṭṭhiṃ gaṇhāti. Adukkhamasukhāya vedanāya sampayuttaṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya adukkhamasukhāya vedanāya sampayuttena cittena dānaṃ deti…pe… samāpattiṃ uppādeti. Adukkhamasukhāya vedanāya sampayuttena cittena adinnaṃ ādiyati…pe… nigamaghātaṃ karoti. Adukkhamasukhāya vedanāya sampayuttā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā… adukkhamasukhāya vedanāya sampayuttāya saddhāya…pe… patthanāya adukkhamasukhāya vedanāya sampayuttakānaṃ khandhānaṃ upanissayapaccayena paccayo. (1)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…।
Adukkhamasukhāya vedanāya sampayutto dhammo sukhāya vedanāya sampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe….
पकतूपनिस्सयो – अदुक्खमसुखाय वेदनाय सम्पयुत्तं सद्धं उपनिस्साय सुखाय वेदनाय सम्पयुत्तेन चित्तेन दानं देति…पे॰… दिट्ठिं गण्हाति। अदुक्खमसुखाय वेदनाय सम्पयुत्तं सीलं…पे॰… पत्थनं उपनिस्साय सुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति। सुखाय वेदनाय सम्पयुत्तेन चित्तेन अदिन्नं आदियति…पे॰… निगमघातं करोति। अदुक्खमसुखाय वेदनाय सम्पयुत्ता सद्धा…पे॰… पत्थना सुखाय वेदनाय सम्पयुत्ताय सद्धाय…पे॰… पत्थनाय… सुखसहगतस्स कायविञ्ञाणस्स सुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (२)
Pakatūpanissayo – adukkhamasukhāya vedanāya sampayuttaṃ saddhaṃ upanissāya sukhāya vedanāya sampayuttena cittena dānaṃ deti…pe… diṭṭhiṃ gaṇhāti. Adukkhamasukhāya vedanāya sampayuttaṃ sīlaṃ…pe… patthanaṃ upanissāya sukhāya vedanāya sampayuttena cittena dānaṃ deti…pe… samāpattiṃ uppādeti. Sukhāya vedanāya sampayuttena cittena adinnaṃ ādiyati…pe… nigamaghātaṃ karoti. Adukkhamasukhāya vedanāya sampayuttā saddhā…pe… patthanā sukhāya vedanāya sampayuttāya saddhāya…pe… patthanāya… sukhasahagatassa kāyaviññāṇassa sukhāya vedanāya sampayuttakānaṃ khandhānaṃ upanissayapaccayena paccayo. (2)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…।
Adukkhamasukhāya vedanāya sampayutto dhammo dukkhāya vedanāya sampayuttassa dhammassa upanissayapaccayena paccayo – anantarūpanissayo, pakatūpanissayo…pe….
पकतूपनिस्सयो – अदुक्खमसुखाय वेदनाय सम्पयुत्तं सद्धं उपनिस्साय अत्तानं आतापेति परितापेति, परियिट्ठिमूलकं दुक्खं पच्चनुभोति। अदुक्खमसुखाय वेदनाय सम्पयुत्तं सीलं…पे॰… पत्थनं उपनिस्साय पाणं हनति। दुक्खाय वेदनाय सम्पयुत्तेन चित्तेन अदिन्नं आदियति…पे॰… सङ्घं भिन्दति। अदुक्खमसुखाय वेदनाय सम्पयुत्ता सद्धा…पे॰… पत्थना… दोसस्स… मोहस्स… दुक्खसहगतस्स कायविञ्ञाणस्स… दुक्खाय वेदनाय सम्पयुत्तकानं खन्धानं उपनिस्सयपच्चयेन पच्चयो। (३)
Pakatūpanissayo – adukkhamasukhāya vedanāya sampayuttaṃ saddhaṃ upanissāya attānaṃ ātāpeti paritāpeti, pariyiṭṭhimūlakaṃ dukkhaṃ paccanubhoti. Adukkhamasukhāya vedanāya sampayuttaṃ sīlaṃ…pe… patthanaṃ upanissāya pāṇaṃ hanati. Dukkhāya vedanāya sampayuttena cittena adinnaṃ ādiyati…pe… saṅghaṃ bhindati. Adukkhamasukhāya vedanāya sampayuttā saddhā…pe… patthanā… dosassa… mohassa… dukkhasahagatassa kāyaviññāṇassa… dukkhāya vedanāya sampayuttakānaṃ khandhānaṃ upanissayapaccayena paccayo. (3)
आसेवनपच्चयो
Āsevanapaccayo
५६. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आसेवनपच्चयेन पच्चयो – पुरिमा पुरिमा सुखाय वेदनाय सम्पयुत्ता खन्धा पच्छिमानं पच्छिमानं सुखाय वेदनाय सम्पयुत्तकानं खन्धानं आसेवनपच्चयेन पच्चयो। सुखाय वेदनाय सम्पयुत्तं अनुलोमं गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स आसेवनपच्चयेन पच्चयो। (१)
56. Sukhāya vedanāya sampayutto dhammo sukhāya vedanāya sampayuttassa dhammassa āsevanapaccayena paccayo – purimā purimā sukhāya vedanāya sampayuttā khandhā pacchimānaṃ pacchimānaṃ sukhāya vedanāya sampayuttakānaṃ khandhānaṃ āsevanapaccayena paccayo. Sukhāya vedanāya sampayuttaṃ anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)
दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आसेवनपच्चयेन पच्चयो – पुरिमा पुरिमा दुक्खाय वेदनाय सम्पयुत्ता खन्धा पच्छिमानं पच्छिमानं दुक्खाय वेदनाय सम्पयुत्तकानं खन्धानं आसेवनपच्चयेन पच्चयो। (१)
Dukkhāya vedanāya sampayutto dhammo dukkhāya vedanāya sampayuttassa dhammassa āsevanapaccayena paccayo – purimā purimā dukkhāya vedanāya sampayuttā khandhā pacchimānaṃ pacchimānaṃ dukkhāya vedanāya sampayuttakānaṃ khandhānaṃ āsevanapaccayena paccayo. (1)
अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आसेवनपच्चयेन पच्चयो – पुरिमा पुरिमा अदुक्खमसुखाय वेदनाय सम्पयुत्ता खन्धा पच्छिमानं पच्छिमानं अदुक्खमसुखाय वेदनाय सम्पयुत्तकानं खन्धानं आसेवनपच्चयेन पच्चयो। अदुक्खमसुखाय वेदनाय सम्पयुत्तं अनुलोमं गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स आसेवनपच्चयेन पच्चयो। (१)
Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa āsevanapaccayena paccayo – purimā purimā adukkhamasukhāya vedanāya sampayuttā khandhā pacchimānaṃ pacchimānaṃ adukkhamasukhāya vedanāya sampayuttakānaṃ khandhānaṃ āsevanapaccayena paccayo. Adukkhamasukhāya vedanāya sampayuttaṃ anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)
कम्मपच्चयो
Kammapaccayo
५७. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका 3। सहजाता – सुखाय वेदनाय सम्पयुत्ता चेतना सम्पयुत्तकानं खन्धानं कम्मपच्चयेन पच्चयो। पटिसन्धिक्खणे…पे॰…। नानाक्खणिका – सुखाय वेदनाय सम्पयुत्ता चेतना विपाकानं सुखाय वेदनाय सम्पयुत्तकानं खन्धानं कम्मपच्चयेन पच्चयो। (१)
57. Sukhāya vedanāya sampayutto dhammo sukhāya vedanāya sampayuttassa dhammassa kammapaccayena paccayo – sahajātā, nānākkhaṇikā 4. Sahajātā – sukhāya vedanāya sampayuttā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe…pe…. Nānākkhaṇikā – sukhāya vedanāya sampayuttā cetanā vipākānaṃ sukhāya vedanāya sampayuttakānaṃ khandhānaṃ kammapaccayena paccayo. (1)
सुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – सुखाय वेदनाय सम्पयुत्ता चेतना विपाकानं दुक्खाय वेदनाय सम्पयुत्तकानं खन्धानं कम्मपच्चयेन पच्चयो। (२)
Sukhāya vedanāya sampayutto dhammo dukkhāya vedanāya sampayuttassa dhammassa kammapaccayena paccayo. Nānākkhaṇikā – sukhāya vedanāya sampayuttā cetanā vipākānaṃ dukkhāya vedanāya sampayuttakānaṃ khandhānaṃ kammapaccayena paccayo. (2)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – सुखाय वेदनाय सम्पयुत्ता चेतना विपाकानं अदुक्खमसुखाय वेदनाय सम्पयुत्तकानं खन्धानं कम्मपच्चयेन पच्चयो। (३)
Sukhāya vedanāya sampayutto dhammo adukkhamasukhāya vedanāya sampayuttassa dhammassa kammapaccayena paccayo. Nānākkhaṇikā – sukhāya vedanāya sampayuttā cetanā vipākānaṃ adukkhamasukhāya vedanāya sampayuttakānaṃ khandhānaṃ kammapaccayena paccayo. (3)
५८. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – दुक्खाय वेदनाय सम्पयुत्ता चेतना सम्पयुत्तकानं खन्धानं कम्मपच्चयेन पच्चयो। नानाक्खणिका – दुक्खाय वेदनाय सम्पयुत्ता चेतना विपाकानं दुक्खाय वेदनाय सम्पयुत्तकानं खन्धानं कम्मपच्चयेन पच्चयो। (१)
58. Dukkhāya vedanāya sampayutto dhammo dukkhāya vedanāya sampayuttassa dhammassa kammapaccayena paccayo – sahajātā, nānākkhaṇikā. Sahajātā – dukkhāya vedanāya sampayuttā cetanā sampayuttakānaṃ khandhānaṃ kammapaccayena paccayo. Nānākkhaṇikā – dukkhāya vedanāya sampayuttā cetanā vipākānaṃ dukkhāya vedanāya sampayuttakānaṃ khandhānaṃ kammapaccayena paccayo. (1)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – दुक्खाय वेदनाय सम्पयुत्ता चेतना विपाकानं अदुक्खमसुखाय वेदनाय सम्पयुत्तकानं खन्धानं कम्मपच्चयेन पच्चयो। (२)
Dukkhāya vedanāya sampayutto dhammo adukkhamasukhāya vedanāya sampayuttassa dhammassa kammapaccayena paccayo. Nānākkhaṇikā – dukkhāya vedanāya sampayuttā cetanā vipākānaṃ adukkhamasukhāya vedanāya sampayuttakānaṃ khandhānaṃ kammapaccayena paccayo. (2)
५९. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – अदुक्खमसुखाय वेदनाय सम्पयुत्ता चेतना सम्पयुत्तकानं खन्धानं कम्मपच्चयेन पच्चयो। पटिसन्धिक्खणे…पे॰…। नानाक्खणिका – अदुक्खमसुखाय वेदनाय सम्पयुत्ता चेतना विपाकानं अदुक्खमसुखाय वेदनाय सम्पयुत्तकानं खन्धानं कम्मपच्चयेन पच्चयो। (१)
59. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa kammapaccayena paccayo – sahajātā, nānākkhaṇikā. Sahajātā – adukkhamasukhāya vedanāya sampayuttā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe…pe…. Nānākkhaṇikā – adukkhamasukhāya vedanāya sampayuttā cetanā vipākānaṃ adukkhamasukhāya vedanāya sampayuttakānaṃ khandhānaṃ kammapaccayena paccayo. (1)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – अदुक्खमसुखाय वेदनाय सम्पयुत्ता चेतना विपाकानं सुखाय वेदनाय सम्पयुत्तकानं खन्धानं कम्मपच्चयेन पच्चयो। (२)
Adukkhamasukhāya vedanāya sampayutto dhammo sukhāya vedanāya sampayuttassa dhammassa kammapaccayena paccayo. Nānākkhaṇikā – adukkhamasukhāya vedanāya sampayuttā cetanā vipākānaṃ sukhāya vedanāya sampayuttakānaṃ khandhānaṃ kammapaccayena paccayo. (2)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – अदुक्खमसुखाय वेदनाय सम्पयुत्ता चेतना विपाकानं दुक्खाय वेदनाय सम्पयुत्तकानं खन्धानं कम्मपच्चयेन पच्चयो। (३)
Adukkhamasukhāya vedanāya sampayutto dhammo dukkhāya vedanāya sampayuttassa dhammassa kammapaccayena paccayo. Nānākkhaṇikā – adukkhamasukhāya vedanāya sampayuttā cetanā vipākānaṃ dukkhāya vedanāya sampayuttakānaṃ khandhānaṃ kammapaccayena paccayo. (3)
विपाकपच्चयो
Vipākapaccayo
६०. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स विपाकपच्चयेन पच्चयो – विपाको सुखाय वेदनाय सम्पयुत्तो एको खन्धो द्विन्नं खन्धानं विपाकपच्चयेन पच्चयो। द्वे खन्धा एकस्स खन्धस्स विपाकपच्चयेन पच्चयो। पटिसन्धिक्खणे सुखाय वेदनाय सम्पयुत्तो एको खन्धो द्विन्नं खन्धानं विपाकपच्चयेन पच्चयो। द्वे खन्धा एकस्स खन्धस्स…पे॰…। (१)
60. Sukhāya vedanāya sampayutto dhammo sukhāya vedanāya sampayuttassa dhammassa vipākapaccayena paccayo – vipāko sukhāya vedanāya sampayutto eko khandho dvinnaṃ khandhānaṃ vipākapaccayena paccayo. Dve khandhā ekassa khandhassa vipākapaccayena paccayo. Paṭisandhikkhaṇe sukhāya vedanāya sampayutto eko khandho dvinnaṃ khandhānaṃ vipākapaccayena paccayo. Dve khandhā ekassa khandhassa…pe…. (1)
दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स विपाकपच्चयेन पच्चयो – विपाको दुक्खाय वेदनाय सम्पयुत्तो एको खन्धो द्विन्नं खन्धानं विपाकपच्चयेन पच्चयो …पे॰…। (१)
Dukkhāya vedanāya sampayutto dhammo dukkhāya vedanāya sampayuttassa dhammassa vipākapaccayena paccayo – vipāko dukkhāya vedanāya sampayutto eko khandho dvinnaṃ khandhānaṃ vipākapaccayena paccayo …pe…. (1)
अदुक्खमसुखाय वेदनाय…पे॰… विपाको अदुक्खमसुखाय वेदनाय सम्पयुत्तो एको खन्धो द्विन्नं खन्धानं…पे॰… पटिसन्धिक्खणे…पे॰…। (१)
Adukkhamasukhāya vedanāya…pe… vipāko adukkhamasukhāya vedanāya sampayutto eko khandho dvinnaṃ khandhānaṃ…pe… paṭisandhikkhaṇe…pe…. (1)
आहारपच्चयादि
Āhārapaccayādi
६१. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आहारपच्चयेन पच्चयो…पे॰… इन्द्रियपच्चयेन पच्चयो…पे॰… झानपच्चयेन पच्चयो…पे॰… मग्गपच्चयेन पच्चयो…पे॰… सम्पयुत्तपच्चयेन पच्चयो…पे॰… अत्थिपच्चयेन पच्चयो…पे॰… नत्थिपच्चयेन पच्चयो…पे॰… विगतपच्चयेन पच्चयो…पे॰… अविगतपच्चयेन पच्चयो…पे॰…।
61. Sukhāya vedanāya sampayutto dhammo sukhāya vedanāya sampayuttassa dhammassa āhārapaccayena paccayo…pe… indriyapaccayena paccayo…pe… jhānapaccayena paccayo…pe… maggapaccayena paccayo…pe… sampayuttapaccayena paccayo…pe… atthipaccayena paccayo…pe… natthipaccayena paccayo…pe… vigatapaccayena paccayo…pe… avigatapaccayena paccayo…pe….
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
६२. हेतुया तीणि, आरम्मणे नव, अधिपतिया पञ्च, अनन्तरे सत्त, समनन्तरे सत्त, सहजाते तीणि, अञ्ञमञ्ञे तीणि, निस्सये तीणि , उपनिस्सये नव, आसेवने तीणि, कम्मे अट्ठ, विपाके तीणि, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, अत्थिया तीणि, नत्थिया सत्त, विगते सत्त, अविगते तीणि।
62. Hetuyā tīṇi, ārammaṇe nava, adhipatiyā pañca, anantare satta, samanantare satta, sahajāte tīṇi, aññamaññe tīṇi, nissaye tīṇi , upanissaye nava, āsevane tīṇi, kamme aṭṭha, vipāke tīṇi, āhāre tīṇi, indriye tīṇi, jhāne tīṇi, magge tīṇi, sampayutte tīṇi, atthiyā tīṇi, natthiyā satta, vigate satta, avigate tīṇi.
हेतुसभागं
Hetusabhāgaṃ
६३. हेतुपच्चया अधिपतिया द्वे, सहजाते तीणि, अञ्ञमञ्ञे तीणि, निस्सये तीणि, विपाके द्वे, इन्द्रिये द्वे, मग्गे द्वे, सम्पयुत्ते तीणि, अत्थिया तीणि, अविगते तीणि। (१०)
63. Hetupaccayā adhipatiyā dve, sahajāte tīṇi, aññamaññe tīṇi, nissaye tīṇi, vipāke dve, indriye dve, magge dve, sampayutte tīṇi, atthiyā tīṇi, avigate tīṇi. (10)
सामञ्ञघटना (२)
Sāmaññaghaṭanā (2)
हेतु-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। हेतु-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति द्वे।
Hetu-sahajāta-aññamañña-nissaya-sampayutta-atthi-avigatanti tīṇi. Hetu-sahajātaaññamañña-nissaya-vipāka-sampayutta-atthi-avigatanti dve.
सइन्द्रिय-मग्गघटना (२)
Saindriya-maggaghaṭanā (2)
६४. हेतु-सहजात-अञ्ञमञ्ञ-निस्सय-इन्द्रिय-मग्ग-सम्पयुत्त-अत्थि-अविगतन्ति द्वे। हेतु-सहजात-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।
64. Hetu-sahajāta-aññamañña-nissaya-indriya-magga-sampayutta-atthi-avigatanti dve. Hetu-sahajāta-aññamañña-nissaya-vipāka-indriya-magga-sampayutta-atthi-avigatanti dve.
साधिपति-इन्द्रिय-मग्गघटना (२)
Sādhipati-indriya-maggaghaṭanā (2)
६५. हेतु-अधिपति-सहजात-अञ्ञमञ्ञ-निस्सय-इन्द्रिय-मग्ग-सम्पयुत्त-अत्थि-अविगतन्ति द्वे हेतु-अधिपति-सहजात-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।
65. Hetu-adhipati-sahajāta-aññamañña-nissaya-indriya-magga-sampayutta-atthi-avigatanti dve hetu-adhipati-sahajāta-aññamañña-nissaya-vipāka-indriya-magga-sampayutta-atthi-avigatanti dve.
आरम्मणसभागं
Ārammaṇasabhāgaṃ
६६. आरम्मणपच्चया अधिपतिया चत्तारि, उपनिस्सये चत्तारि। (२)
66. Ārammaṇapaccayā adhipatiyā cattāri, upanissaye cattāri. (2)
आरम्मणघटना (१)
Ārammaṇaghaṭanā (1)
६७. आरम्मणाधिपति-उपनिस्सयन्ति चत्तारि।
67. Ārammaṇādhipati-upanissayanti cattāri.
अधिपतिसभागं
Adhipatisabhāgaṃ
६८. अधिपतिपच्चया हेतुया द्वे, आरम्मणे चत्तारि, सहजाते तीणि, अञ्ञमञ्ञे तीणि, निस्सये तीणि, उपनिस्सये चत्तारि, विपाके द्वे, आहारे तीणि, इन्द्रिये तीणि, मग्गे तीणि, सम्पयुत्ते तीणि, अत्थिया तीणि, अविगते तीणि। (१३)
68. Adhipatipaccayā hetuyā dve, ārammaṇe cattāri, sahajāte tīṇi, aññamaññe tīṇi, nissaye tīṇi, upanissaye cattāri, vipāke dve, āhāre tīṇi, indriye tīṇi, magge tīṇi, sampayutte tīṇi, atthiyā tīṇi, avigate tīṇi. (13)
पकिण्णकघटना (१)
Pakiṇṇakaghaṭanā (1)
६९. अधिपति-आरम्मण-उपनिस्सयन्ति चत्तारि।
69. Adhipati-ārammaṇa-upanissayanti cattāri.
सहजातघटना (८)
Sahajātaghaṭanā (8)
अधिपति-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। अधिपति-सहजात-अञ्ञमञ्ञ-निस्सय-विपाक-सम्पयुत्त-अत्थि-अविगतन्ति द्वे।
Adhipati-sahajāta-aññamañña-nissaya-sampayutta-atthi-avigatanti tīṇi. Adhipati-sahajāta-aññamañña-nissaya-vipāka-sampayutta-atthi-avigatanti dve.
अधिपति-सहजात-अञ्ञमञ्ञ-निस्सय-आहार-इन्द्रिय-सम्पयुत्त-अत्थि-अविगतन्ति तीणि। अधिपति-सहजात-अञ्ञमञ्ञ-निस्सय-विपाक-आहार-इन्द्रियसम्पयुत्त-अत्थि-अविगतन्ति द्वे।
Adhipati-sahajāta-aññamañña-nissaya-āhāra-indriya-sampayutta-atthi-avigatanti tīṇi. Adhipati-sahajāta-aññamañña-nissaya-vipāka-āhāra-indriyasampayutta-atthi-avigatanti dve.
अधिपति-सहजात-अञ्ञमञ्ञ-निस्सय-इन्द्रिय-मग्ग-सम्पयुत्त-अत्थि-अविगतन्ति तीणि। अधिपति-सहजातं-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।
Adhipati-sahajāta-aññamañña-nissaya-indriya-magga-sampayutta-atthi-avigatanti tīṇi. Adhipati-sahajātaṃ-aññamañña-nissaya-vipāka-indriya-magga-sampayutta-atthi-avigatanti dve.
अधिपति-हेतु-सहजात-अञ्ञमञ्ञ-निस्सय-इन्द्रिय-मग्ग -सम्पयुत्त-अत्थि-अविगतन्ति द्वे। अधिपति-हेतु-सहजात-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।
Adhipati-hetu-sahajāta-aññamañña-nissaya-indriya-magga -sampayutta-atthi-avigatanti dve. Adhipati-hetu-sahajāta-aññamañña-nissaya-vipāka-indriya-magga-sampayutta-atthi-avigatanti dve.
अनन्तरसभागं
Anantarasabhāgaṃ
७०. अनन्तरपच्चया समनन्तरे सत्त, उपनिस्सये सत्त, आसेवने तीणि, कम्मे द्वे, नत्थिया सत्त, विगते सत्त। (६)
70. Anantarapaccayā samanantare satta, upanissaye satta, āsevane tīṇi, kamme dve, natthiyā satta, vigate satta. (6)
घटना (३)
Ghaṭanā (3)
७१. अनन्तर-समनन्तर-उपनिस्सय-नत्थि-विगतन्ति सत्त। अनन्तर-समनन्तर-उपनिस्सय-आसेवन-नत्थि-विगतन्ति तीणि। अनन्तर-समनन्तरउपनिस्सय-कम्म-नत्थि-विगतन्ति द्वे।
71. Anantara-samanantara-upanissaya-natthi-vigatanti satta. Anantara-samanantara-upanissaya-āsevana-natthi-vigatanti tīṇi. Anantara-samanantaraupanissaya-kamma-natthi-vigatanti dve.
समनन्तरपच्चया (अनन्तरसदिसं)।
Samanantarapaccayā (anantarasadisaṃ).
सहजातादिसभागं
Sahajātādisabhāgaṃ
७२. सहजातपच्चया … अञ्ञमञ्ञपच्चया… निस्सयपच्चया हेतुया तीणि, अधिपतिया तीणि, सहजाते तीणि, अञ्ञमञ्ञे तीणि, कम्मे तीणि, विपाके तीणि, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, अत्थिया तीणि, अविगते तीणि। (१३)
72. Sahajātapaccayā … aññamaññapaccayā… nissayapaccayā hetuyā tīṇi, adhipatiyā tīṇi, sahajāte tīṇi, aññamaññe tīṇi, kamme tīṇi, vipāke tīṇi, āhāre tīṇi, indriye tīṇi, jhāne tīṇi, magge tīṇi, sampayutte tīṇi, atthiyā tīṇi, avigate tīṇi. (13)
घटना (२)
Ghaṭanā (2)
निस्सय-सहजात-अञ्ञमञ्ञ-सम्पयुत्त-अत्थि-अविगतन्ति तीणि। निस्सय-सहजातअञ्ञमञ्ञ-विपाक-सम्पयुत्त-अत्थि-अविगतन्ति तीणि।
Nissaya-sahajāta-aññamañña-sampayutta-atthi-avigatanti tīṇi. Nissaya-sahajātaaññamañña-vipāka-sampayutta-atthi-avigatanti tīṇi.
उपनिस्सयसभागं
Upanissayasabhāgaṃ
७३. उपनिस्सयपच्चया आरम्मणे चत्तारि, अधिपतिया चत्तारि, अनन्तरे सत्त, समनन्तरे सत्त, आसेवने तीणि, कम्मे अट्ठ, नत्थिया सत्त, विगते सत्त। (८)
73. Upanissayapaccayā ārammaṇe cattāri, adhipatiyā cattāri, anantare satta, samanantare satta, āsevane tīṇi, kamme aṭṭha, natthiyā satta, vigate satta. (8)
घटना (५)
Ghaṭanā (5)
७४. उपनिस्सय-आरम्मण-अधिपतीति चत्तारि। उपनिस्सय-अनन्तरसमनन्तर-नत्थि-विगतन्ति सत्त। उपनिस्सय-अनन्तर-समनन्तर-आसेवन-नत्थि-विगतन्ति तीणि। उपनिस्सय-कम्मन्ति अट्ठ। उपनिस्सय-अनन्तर-समनन्तर-कम्म-नत्थि-विगतन्ति द्वे।
74. Upanissaya-ārammaṇa-adhipatīti cattāri. Upanissaya-anantarasamanantara-natthi-vigatanti satta. Upanissaya-anantara-samanantara-āsevana-natthi-vigatanti tīṇi. Upanissaya-kammanti aṭṭha. Upanissaya-anantara-samanantara-kamma-natthi-vigatanti dve.
आसेवनसभागं
Āsevanasabhāgaṃ
७५. आसेवनपच्चया अनन्तरे तीणि, समनन्तरे तीणि, उपनिस्सये तीणि, नत्थिया तीणि, विगते तीणि। (५)
75. Āsevanapaccayā anantare tīṇi, samanantare tīṇi, upanissaye tīṇi, natthiyā tīṇi, vigate tīṇi. (5)
घटना (१)
Ghaṭanā (1)
आसेवन-अनन्तर-समनन्तर-उपनिस्सय-नत्थि-विगतन्ति तीणि।
Āsevana-anantara-samanantara-upanissaya-natthi-vigatanti tīṇi.
कम्मसभागं
Kammasabhāgaṃ
७६. कम्मपच्चया अनन्तरे द्वे, समनन्तरे द्वे, सहजाते तीणि, अञ्ञमञ्ञे तीणि, निस्सये तीणि, उपनिस्सये अट्ठ, विपाके तीणि, आहारे तीणि, सम्पयुत्ते तीणि, अत्थिया तीणि, नत्थिया द्वे, विगते द्वे, अविगते तीणि। (१३)
76. Kammapaccayā anantare dve, samanantare dve, sahajāte tīṇi, aññamaññe tīṇi, nissaye tīṇi, upanissaye aṭṭha, vipāke tīṇi, āhāre tīṇi, sampayutte tīṇi, atthiyā tīṇi, natthiyā dve, vigate dve, avigate tīṇi. (13)
पकिण्णकघटना (२)
Pakiṇṇakaghaṭanā (2)
कम्म-उपनिस्सयन्ति अट्ठ। कम्म-अनन्तर-समनन्तर-उपनिस्सय-नत्थि-विगतन्ति द्वे।
Kamma-upanissayanti aṭṭha. Kamma-anantara-samanantara-upanissaya-natthi-vigatanti dve.
सहजातघटना (२)
Sahajātaghaṭanā (2)
कम्म-सहजात-अञ्ञमञ्ञ-निस्सय-आहार-सम्पयुत्त-अत्थि-अविगतन्ति तीणि। कम्मसहजात-अञ्ञमञ्ञ-निस्सय -विपाक-आहार-सम्पयुत्त-अत्थि-अविगतन्ति तीणि।
Kamma-sahajāta-aññamañña-nissaya-āhāra-sampayutta-atthi-avigatanti tīṇi. Kammasahajāta-aññamañña-nissaya -vipāka-āhāra-sampayutta-atthi-avigatanti tīṇi.
विपाकसभागं
Vipākasabhāgaṃ
७७. विपाकपच्चया हेतुया द्वे, अधिपतिया द्वे, सहजाते तीणि…पे॰… झाने द्वे, मग्गे द्वे, सम्पयुत्ते तीणि, अत्थिया तीणि, अविगते तीणि। (१३)
77. Vipākapaccayā hetuyā dve, adhipatiyā dve, sahajāte tīṇi…pe… jhāne dve, magge dve, sampayutte tīṇi, atthiyā tīṇi, avigate tīṇi. (13)
घटना (१)
Ghaṭanā (1)
विपाक-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि।
Vipāka-sahajāta-aññamañña-nissaya-sampayutta-atthi-avigatanti tīṇi.
आहारसभागं
Āhārasabhāgaṃ
७८. आहारपच्चया अधिपतिया तीणि, सहजाते तीणि, अञ्ञमञ्ञे तीणि, निस्सये तीणि, कम्मे तीणि, विपाके तीणि, इन्द्रिये तीणि, सम्पयुत्ते तीणि, अत्थिया तीणि, अविगते तीणि। (१०)
78. Āhārapaccayā adhipatiyā tīṇi, sahajāte tīṇi, aññamaññe tīṇi, nissaye tīṇi, kamme tīṇi, vipāke tīṇi, indriye tīṇi, sampayutte tīṇi, atthiyā tīṇi, avigate tīṇi. (10)
घटना (८)
Ghaṭanā (8)
आहार-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। आहार-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति तीणि।
Āhāra-sahajāta-aññamañña-nissaya-sampayutta-atthi-avigatanti tīṇi. Āhāra-sahajātaaññamañña-nissaya-vipāka-sampayutta-atthi-avigatanti tīṇi.
आहार-सहजात-अञ्ञमञ्ञ-निस्सय-कम्म-सम्पयुत्त-अविगतन्ति तीणि। आहार-सहजातअञ्ञमञ्ञ-निस्सय-कम्म-विपाक-सम्पयुत्त-अत्थि-अविगतन्ति तीणि।
Āhāra-sahajāta-aññamañña-nissaya-kamma-sampayutta-avigatanti tīṇi. Āhāra-sahajātaaññamañña-nissaya-kamma-vipāka-sampayutta-atthi-avigatanti tīṇi.
आहार-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति तीणि। आहारसहजात-अञ्ञमञ्ञ-निस्सय-विपाक-इन्द्रिय-सम्पयुत्तअत्थि-अविगतन्ति तीणि।
Āhāra-sahajāta-aññamañña-nissaya-indriya-sampayutta-atthi-avigatanti tīṇi. Āhārasahajāta-aññamañña-nissaya-vipāka-indriya-sampayuttaatthi-avigatanti tīṇi.
आहार-अधिपति-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति तीणि। आहार-अधिपति-सहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।
Āhāra-adhipati-sahajāta-aññamañña-nissaya-indriya-sampayutta-atthi-avigatanti tīṇi. Āhāra-adhipati-sahajāta-aññamañña-nissaya-vipāka-indriya-sampayutta-atthi-avigatanti dve.
इन्द्रियसभागं
Indriyasabhāgaṃ
७९. इन्द्रियपच्चया हेतुया द्वे, अधिपतिया तीणि, सहजाते तीणि, अञ्ञमञ्ञे तीणि, निस्सये तीणि, विपाके तीणि, आहारे तीणि, झाने तीणि, मग्गे तीणि, सम्पयुत्ते तीणि, अत्थिया तीणि, अविगते तीणि। (१२)
79. Indriyapaccayā hetuyā dve, adhipatiyā tīṇi, sahajāte tīṇi, aññamaññe tīṇi, nissaye tīṇi, vipāke tīṇi, āhāre tīṇi, jhāne tīṇi, magge tīṇi, sampayutte tīṇi, atthiyā tīṇi, avigate tīṇi. (12)
घटना (१६)
Ghaṭanā (16)
इन्द्रिय-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। इन्द्रिय-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति तीणि।
Indriya-sahajāta-aññamañña-nissaya-sampayutta-atthi-avigatanti tīṇi. Indriya-sahajātaaññamañña-nissaya-vipāka-sampayutta-atthi-avigatanti tīṇi.
इन्द्रिय-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति तीणि। इन्द्रियसहजात-अञ्ञमञ्ञ-निस्सय-विपाक-मग्ग-सम्पयुत्त-अत्थि-अविगतन्ति द्वे।
Indriya-sahajāta-aññamañña-nissaya-magga-sampayutta-atthi-avigatanti tīṇi. Indriyasahajāta-aññamañña-nissaya-vipāka-magga-sampayutta-atthi-avigatanti dve.
इन्द्रिय-सहजात-अञ्ञमञ्ञ-निस्सय-झान-मग्ग-सम्पयुत्त-अत्थि-अविगतन्ति तीणि। इन्द्रिय-सहजात-अञ्ञमञ्ञ-निस्सय-विपाक-झान-मग्ग-सम्पयुत्त-अत्थि-अविगतन्ति द्वे।
Indriya-sahajāta-aññamañña-nissaya-jhāna-magga-sampayutta-atthi-avigatanti tīṇi. Indriya-sahajāta-aññamañña-nissaya-vipāka-jhāna-magga-sampayutta-atthi-avigatanti dve.
इन्द्रिय-सहजात-अञ्ञमञ्ञ-निस्सय-आहार-सम्पयुत्त-अत्थि-अविगतन्ति तीणि। इन्द्रियसहजात-अञ्ञमञ्ञ-निस्सय-विपाक-आहार-सम्पयुत्त-अत्थि-अविगतन्ति तीणि।
Indriya-sahajāta-aññamañña-nissaya-āhāra-sampayutta-atthi-avigatanti tīṇi. Indriyasahajāta-aññamañña-nissaya-vipāka-āhāra-sampayutta-atthi-avigatanti tīṇi.
इन्द्रिय-अधिपति-सहजात-अञ्ञमञ्ञ-निस्सय-आहार-सम्पयुत्त-अत्थि-अविगतन्ति तीणि। इन्द्रिय-अधिपति-सहजात-अञ्ञमञ्ञ-निस्सय-विपाक-आहार-सम्पयुत्त-अत्थि-अविगतन्ति द्वे।
Indriya-adhipati-sahajāta-aññamañña-nissaya-āhāra-sampayutta-atthi-avigatanti tīṇi. Indriya-adhipati-sahajāta-aññamañña-nissaya-vipāka-āhāra-sampayutta-atthi-avigatanti dve.
इन्द्रिय-अधिपति-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति तीणि। इन्द्रिय-अधिपति-सहजात-अञ्ञमञ्ञ-निस्सय -विपाक-मग्ग-सम्पयुत्त-अत्थि-अविगतन्ति द्वे।
Indriya-adhipati-sahajāta-aññamañña-nissaya-magga-sampayutta-atthi-avigatanti tīṇi. Indriya-adhipati-sahajāta-aññamañña-nissaya -vipāka-magga-sampayutta-atthi-avigatanti dve.
इन्द्रिय-हेतु-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति द्वे। इन्द्रियहेतु-सहजात-अञ्ञमञ्ञ-निस्सय-विपाक-मग्ग-सम्पयुत्तअत्थि-अविगतन्ति द्वे।
Indriya-hetu-sahajāta-aññamañña-nissaya-magga-sampayutta-atthi-avigatanti dve. Indriyahetu-sahajāta-aññamañña-nissaya-vipāka-magga-sampayuttaatthi-avigatanti dve.
इन्द्रिय-हेतु-अधिपति-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति द्वे। इन्द्रिय-हेतु-अधिपति-सहजात-अञ्ञमञ्ञ-निस्सय-विपाक-मग्ग-सम्पयुत्त-अत्थि-अविगतन्ति द्वे।
Indriya-hetu-adhipati-sahajāta-aññamañña-nissaya-magga-sampayutta-atthi-avigatanti dve. Indriya-hetu-adhipati-sahajāta-aññamañña-nissaya-vipāka-magga-sampayutta-atthi-avigatanti dve.
झानसभागं
Jhānasabhāgaṃ
८०. झानपच्चया सहजाते तीणि, अञ्ञमञ्ञे तीणि, निस्सये तीणि, विपाके द्वे, इन्द्रिये तीणि, मग्गे तीणि, सम्पयुत्ते तीणि, अत्थिया तीणि, अविगते तीणि। (९)
80. Jhānapaccayā sahajāte tīṇi, aññamaññe tīṇi, nissaye tīṇi, vipāke dve, indriye tīṇi, magge tīṇi, sampayutte tīṇi, atthiyā tīṇi, avigate tīṇi. (9)
घटना (६)
Ghaṭanā (6)
झान-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। झान-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति द्वे।
Jhāna-sahajāta-aññamañña-nissaya-sampayutta-atthi-avigatanti tīṇi. Jhāna-sahajātaaññamañña-nissaya-vipāka-sampayutta-atthi-avigatanti dve.
झान-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति तीणि। झानसहजात-अञ्ञमञ्ञ-निस्सय-विपाक-मग्ग-सम्पयुत्त-अत्थि-अविगतन्ति द्वे।
Jhāna-sahajāta-aññamañña-nissaya-magga-sampayutta-atthi-avigatanti tīṇi. Jhānasahajāta-aññamañña-nissaya-vipāka-magga-sampayutta-atthi-avigatanti dve.
झान-सहजात-अञ्ञमञ्ञ-निस्सय-इन्द्रिय-मग्ग-सम्पयुत्त-अत्थि-अविगतन्ति तीणि। झानसहजात-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।
Jhāna-sahajāta-aññamañña-nissaya-indriya-magga-sampayutta-atthi-avigatanti tīṇi. Jhānasahajāta-aññamañña-nissaya-vipāka-indriya-magga-sampayutta-atthi-avigatanti dve.
मग्गसभागं
Maggasabhāgaṃ
८१. मग्गपच्चया हेतुया द्वे, अधिपतिया तीणि, सहजाते तीणि, अञ्ञमञ्ञे तीणि, निस्सये तीणि, विपाके तीणि, इन्द्रिये तीणि, झाने तीणि, सम्पयुत्ते तीणि, अत्थिया तीणि, अविगते तीणि। (११)
81. Maggapaccayā hetuyā dve, adhipatiyā tīṇi, sahajāte tīṇi, aññamaññe tīṇi, nissaye tīṇi, vipāke tīṇi, indriye tīṇi, jhāne tīṇi, sampayutte tīṇi, atthiyā tīṇi, avigate tīṇi. (11)
घटना (१४)
Ghaṭanā (14)
मग्ग-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। मग्ग-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति द्वे।
Magga-sahajāta-aññamañña-nissaya-sampayutta-atthi-avigatanti tīṇi. Magga-sahajātaaññamañña-nissaya-vipāka-sampayutta-atthi-avigatanti dve.
मग्ग-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति तीणि। मग्गसहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।
Magga-sahajāta-aññamañña-nissaya-indriya-sampayutta-atthi-avigatanti tīṇi. Maggasahajāta-aññamañña-nissaya-vipāka-indriya-sampayutta-atthi-avigatanti dve.
मग्ग-सहजात-अञ्ञमञ्ञ-निस्सय-झान-सम्पयुत्त-अत्थि-अविगतन्ति तीणि। मग्गसहजात-अञ्ञमञ्ञ-निस्सय-विपाक-झान-सम्पयुत्त-अत्थि-अविगतन्ति द्वे।
Magga-sahajāta-aññamañña-nissaya-jhāna-sampayutta-atthi-avigatanti tīṇi. Maggasahajāta-aññamañña-nissaya-vipāka-jhāna-sampayutta-atthi-avigatanti dve.
मग्ग-सहजात-अञ्ञमञ्ञ-निस्सय-इन्द्रिय-झान-सम्पयुत्त-अत्थि-अविगतन्ति तीणि। मग्गसहजात-अञ्ञमञ्ञ-निस्सय-विपाक-इन्द्रिय-झान-सम्पयुत्त-अत्थि-अविगतन्ति द्वे।
Magga-sahajāta-aññamañña-nissaya-indriya-jhāna-sampayutta-atthi-avigatanti tīṇi. Maggasahajāta-aññamañña-nissaya-vipāka-indriya-jhāna-sampayutta-atthi-avigatanti dve.
मग्ग-अधिपति-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति तीणि। मग्ग-अधिपति-सहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।
Magga-adhipati-sahajāta-aññamañña-nissaya-indriya-sampayutta-atthi-avigatanti tīṇi. Magga-adhipati-sahajāta-aññamañña-nissaya-vipāka-indriya-sampayutta-atthi-avigatanti dve.
मग्ग-हेतु-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति द्वे। मग्गहेतु-सहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।
Magga-hetu-sahajāta-aññamañña-nissaya-indriya-sampayutta-atthi-avigatanti dve. Maggahetu-sahajāta-aññamañña-nissaya-vipāka-indriya-sampayutta-atthi-avigatanti dve.
मग्ग-हेतु-अधिपति-सहजात-अञ्ञमञ्ञ -निस्सय-इन्द्रिय-सम्पयुत्त-अत्थि-अविगतन्ति द्वे। मग्ग-हेतु-अधिपति-सहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।
Magga-hetu-adhipati-sahajāta-aññamañña -nissaya-indriya-sampayutta-atthi-avigatanti dve. Magga-hetu-adhipati-sahajāta-aññamañña-nissaya-vipāka-indriya-sampayutta-atthi-avigatanti dve.
सम्पयुत्तसभागं
Sampayuttasabhāgaṃ
८२. सम्पयुत्तपच्चया हेतुया तीणि, अधिपतिया तीणि, सहजाते तीणि, अञ्ञमञ्ञे तीणि, निस्सये तीणि, कम्मे तीणि, विपाके तीणि, आहारे तीणि, इन्द्रिये तीणि, झाने तीणि, मग्गे तीणि, अत्थिया तीणि, अविगते तीणि। (१३)
82. Sampayuttapaccayā hetuyā tīṇi, adhipatiyā tīṇi, sahajāte tīṇi, aññamaññe tīṇi, nissaye tīṇi, kamme tīṇi, vipāke tīṇi, āhāre tīṇi, indriye tīṇi, jhāne tīṇi, magge tīṇi, atthiyā tīṇi, avigate tīṇi. (13)
घटना (२)
Ghaṭanā (2)
सम्पयुत्त-सहजात-अञ्ञमञ्ञ-निस्सय-अत्थि-अविगतन्ति तीणि। सम्पयुत्त-सहजातअञ्ञमञ्ञ-निस्सय-विपाक-अत्थि-अविगतन्ति तीणि।
Sampayutta-sahajāta-aññamañña-nissaya-atthi-avigatanti tīṇi. Sampayutta-sahajātaaññamañña-nissaya-vipāka-atthi-avigatanti tīṇi.
(अत्थिपच्चया… नत्थिपच्चया… विगतपच्चया… अविगतपच्चया…पे॰…।)
(Atthipaccayā… natthipaccayā… vigatapaccayā… avigatapaccayā…pe….)
पञ्हावारस्स अनुलोमं।
Pañhāvārassa anulomaṃ.
पच्चनीयुद्धारो
Paccanīyuddhāro
८३. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
83. Sukhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
सुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
Sukhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो,… कम्मपच्चयेन पच्चयो। (३)
Sukhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo… upanissayapaccayena paccayo,… kammapaccayena paccayo. (3)
८४. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
84. Dukkhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
दुक्खाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो। (२)
Dukkhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo… upanissayapaccayena paccayo. (2)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (३)
Dukkhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
८५. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
85. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
Adukkhamasukhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (३)
Adukkhamasukhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
८६. नहेतुया नव, नआरम्मणे नव, नअधिपतिया नव, नअनन्तरे नव, नसमनन्तरे नव, नसहजाते नव, नअञ्ञमञ्ञे नव, ननिस्सये नव, नउपनिस्सये नव, नपुरेजाते नव, नपच्छाजाते नव, नआसेवने नव, नकम्मे नव, नविपाके नव, नआहारे नव, नइन्द्रिये नव, नझाने नव, नमग्गे नव, नसम्पयुत्ते नव, नविप्पयुत्ते नव, नोअत्थिया नव, नोनत्थिया नव, नोविगते नव, नोअविगते नव।
86. Nahetuyā nava, naārammaṇe nava, naadhipatiyā nava, naanantare nava, nasamanantare nava, nasahajāte nava, naaññamaññe nava, nanissaye nava, naupanissaye nava, napurejāte nava, napacchājāte nava, naāsevane nava, nakamme nava, navipāke nava, naāhāre nava, naindriye nava, najhāne nava, namagge nava, nasampayutte nava, navippayutte nava, noatthiyā nava, nonatthiyā nava, novigate nava, noavigate nava.
नहेतुदुकं
Nahetudukaṃ
८७. नहेतुपच्चया नआरम्मणे नव…पे॰… नोअविगते नव।
87. Nahetupaccayā naārammaṇe nava…pe… noavigate nava.
तिकं
Tikaṃ
नहेतुपच्चया नआरम्मणपच्चया नअधिपतिया नव…पे॰… नउपनिस्सये अट्ठ…पे॰… नोअविगते नव…पे॰…।
Nahetupaccayā naārammaṇapaccayā naadhipatiyā nava…pe… naupanissaye aṭṭha…pe… noavigate nava…pe….
तेवीसकं
Tevīsakaṃ
नहेतुपच्चया नआरम्मणपच्चया…पे॰… नउपनिस्सयपच्चया नपुरेजातपच्चया नपच्छाजातपच्चया नआसेवनपच्चया नविपाकपच्चया नआहारपच्चया…पे॰… नोअविगते अट्ठ।
Nahetupaccayā naārammaṇapaccayā…pe… naupanissayapaccayā napurejātapaccayā napacchājātapaccayā naāsevanapaccayā navipākapaccayā naāhārapaccayā…pe… noavigate aṭṭha.
नहेतुमूलकं।
Nahetumūlakaṃ.
(यथा कुसलत्तिकस्स पच्चनीयगणना गणिता, एवं इदम्पि असम्मुय्हन्तेन सब्बं मूलकं गणेतब्बं 5।)
(Yathā kusalattikassa paccanīyagaṇanā gaṇitā, evaṃ idampi asammuyhantena sabbaṃ mūlakaṃ gaṇetabbaṃ 6.)
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
हेतुसभागं
Hetusabhāgaṃ
८८. हेतुपच्चया नआरम्मणे तीणि, नअधिपतिया तीणि, नअनन्तरे तीणि, नसमनन्तरे तीणि, नउपनिस्सये तीणि, नपुरेजाते तीणि, नपच्छाजाते तीणि, नआसेवने तीणि, नकम्मे तीणि, नविपाके तीणि, नआहारे तीणि, नइन्द्रिये तीणि, नझाने तीणि, नमग्गे तीणि, नविप्पयुत्ते तीणि, नोनत्थिया तीणि, नोविगते तीणि।
88. Hetupaccayā naārammaṇe tīṇi, naadhipatiyā tīṇi, naanantare tīṇi, nasamanantare tīṇi, naupanissaye tīṇi, napurejāte tīṇi, napacchājāte tīṇi, naāsevane tīṇi, nakamme tīṇi, navipāke tīṇi, naāhāre tīṇi, naindriye tīṇi, najhāne tīṇi, namagge tīṇi, navippayutte tīṇi, nonatthiyā tīṇi, novigate tīṇi.
सामञ्ञघटना
Sāmaññaghaṭanā
८९. हेतु-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति नआरम्मणे तीणि…पे॰… नोविगते तीणि।
89. Hetu-sahajāta-aññamañña-nissaya-sampayutta-atthi-avigatanti naārammaṇe tīṇi…pe… novigate tīṇi.
(यथा कुसलत्तिकस्स अनुलोमपच्चनीयगणना सज्झायमग्गेन गणिता, एवं इदम्पि गणेतब्बं।)
(Yathā kusalattikassa anulomapaccanīyagaṇanā sajjhāyamaggena gaṇitā, evaṃ idampi gaṇetabbaṃ.)
कम्मपच्चया नहेतुया अट्ठ, नआरम्मणे अट्ठ…पे॰… नोअविगते अट्ठ (संखित्तं)।
Kammapaccayā nahetuyā aṭṭha, naārammaṇe aṭṭha…pe… noavigate aṭṭha (saṃkhittaṃ).
अनुलोमपच्चनीयगणना।
Anulomapaccanīyagaṇanā.
४. पच्चयपच्चनीयानुलोमं
4. Paccayapaccanīyānulomaṃ
नहेतुदुकं
Nahetudukaṃ
९०. नहेतुपच्चया आरम्मणे नव, अधिपतिया पञ्च, अनन्तरे सत्त, समनन्तरे सत्त, सहजाते तीणि, अञ्ञमञ्ञे तीणि, निस्सये तीणि, उपनिस्सये नव, आसेवने तीणि , कम्मे अट्ठ, विपाके तीणि, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, अत्थिया तीणि, नत्थिया सत्त, विगते सत्त, अविगते तीणि।
90. Nahetupaccayā ārammaṇe nava, adhipatiyā pañca, anantare satta, samanantare satta, sahajāte tīṇi, aññamaññe tīṇi, nissaye tīṇi, upanissaye nava, āsevane tīṇi , kamme aṭṭha, vipāke tīṇi, āhāre tīṇi, indriye tīṇi, jhāne tīṇi, magge tīṇi, sampayutte tīṇi, atthiyā tīṇi, natthiyā satta, vigate satta, avigate tīṇi.
तिकं
Tikaṃ
नहेतुपच्चया नआरम्मणपच्चया अधिपतिया तीणि, अनन्तरे सत्त…पे॰… अविगते तीणि…पे॰…।
Nahetupaccayā naārammaṇapaccayā adhipatiyā tīṇi, anantare satta…pe… avigate tīṇi…pe….
छक्कं
Chakkaṃ
नहेतुपच्चया नआरम्मणपच्चया नअधिपतिपच्चया नअनन्तरपच्चया नसमनन्तरपच्चया सहजाते तीणि, अञ्ञमञ्ञे तीणि, निस्सये तीणि, उपनिस्सये नव, कम्मे अट्ठ, विपाके तीणि…पे॰… अविगते तीणि…पे॰…।
Nahetupaccayā naārammaṇapaccayā naadhipatipaccayā naanantarapaccayā nasamanantarapaccayā sahajāte tīṇi, aññamaññe tīṇi, nissaye tīṇi, upanissaye nava, kamme aṭṭha, vipāke tīṇi…pe… avigate tīṇi…pe….
नवकं
Navakaṃ
नहेतुपच्चया नआरम्मणपच्चया (मूलकं संखित्तं) ननिस्सयपच्चया उपनिस्सये नव, कम्मे अट्ठ…पे॰…।
Nahetupaccayā naārammaṇapaccayā (mūlakaṃ saṃkhittaṃ) nanissayapaccayā upanissaye nava, kamme aṭṭha…pe….
चतुवीसकं (सउपनिस्सयं)
Catuvīsakaṃ (saupanissayaṃ)
नहेतुपच्चया नआरम्मणपच्चया…पे॰… नउपनिस्सयपच्चया नपुरेजातपच्चया नपच्छाजातपच्चया नआसेवनपच्चया नविपाकपच्चया नआहारपच्चया नइन्द्रियपच्चया नझानपच्चया नमग्गपच्चया नसम्पयुत्तपच्चया नविप्पयुत्तपच्चया नोअत्थिपच्चया नोनत्थिपच्चया नोविगतपच्चया नोअविगतपच्चया कम्मे अट्ठ।
Nahetupaccayā naārammaṇapaccayā…pe… naupanissayapaccayā napurejātapaccayā napacchājātapaccayā naāsevanapaccayā navipākapaccayā naāhārapaccayā naindriyapaccayā najhānapaccayā namaggapaccayā nasampayuttapaccayā navippayuttapaccayā noatthipaccayā nonatthipaccayā novigatapaccayā noavigatapaccayā kamme aṭṭha.
चतुवीसकं (सकम्मं)
Catuvīsakaṃ (sakammaṃ)
नहेतुपच्चया नआरम्मणपच्चया…पे॰… ननिस्सयपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया…पे॰… नोविगतपच्चया नोअविगतपच्चया उपनिस्सये नव।
Nahetupaccayā naārammaṇapaccayā…pe… nanissayapaccayā napurejātapaccayā napacchājātapaccayā naāsevanapaccayā nakammapaccayā…pe… novigatapaccayā noavigatapaccayā upanissaye nava.
नहेतुमूलकं।
Nahetumūlakaṃ.
नआरम्मणदुकं
Naārammaṇadukaṃ
९१. नआरम्मणपच्चया हेतुया तीणि…पे॰… कम्मे अट्ठ…पे॰… अविगते तीणि…पे॰…।
91. Naārammaṇapaccayā hetuyā tīṇi…pe… kamme aṭṭha…pe… avigate tīṇi…pe….
नोअविगतदुकं
Noavigatadukaṃ
९२. नोअविगतपच्चया आरम्मणे नव, अधिपतिया चत्तारि, अनन्तरे सत्त, समनन्तरे सत्त, उपनिस्सये नव, आसेवने तीणि, कम्मे अट्ठ, नत्थिया सत्त, विगते सत्त…पे॰…।
92. Noavigatapaccayā ārammaṇe nava, adhipatiyā cattāri, anantare satta, samanantare satta, upanissaye nava, āsevane tīṇi, kamme aṭṭha, natthiyā satta, vigate satta…pe….
चतुक्कं
Catukkaṃ
नोअविगतपच्चया नहेतुपच्चया नआरम्मणपच्चया अनन्तरे सत्त, समनन्तरे सत्त, उपनिस्सये नव, आसेवने तीणि, कम्मे अट्ठ, नत्थिया सत्त, विगते सत्त…पे॰…।
Noavigatapaccayā nahetupaccayā naārammaṇapaccayā anantare satta, samanantare satta, upanissaye nava, āsevane tīṇi, kamme aṭṭha, natthiyā satta, vigate satta…pe….
चतुवीसकं (सउपनिस्सयं)
Catuvīsakaṃ (saupanissayaṃ)
नोअविगतपच्चया नहेतुपच्चया नआरम्मण-नअधिपति-नअनन्तर-नसमनन्तरनसहजात-नअञ्ञमञ्ञ-ननिस्सय-नउपनिस्सय-नपुरेजात-नपच्छाजात-नआसेवन-नविपाकनआहार-नइन्द्रिय-नझान-नमग्ग-नसम्पयुत्त-नविप्पयुत्त-नोअत्थिपच्चया नोनत्थिपच्चया नोविगतपच्चया कम्मे अट्ठ।
Noavigatapaccayā nahetupaccayā naārammaṇa-naadhipati-naanantara-nasamanantaranasahajāta-naaññamañña-nanissaya-naupanissaya-napurejāta-napacchājāta-naāsevana-navipākanaāhāra-naindriya-najhāna-namagga-nasampayutta-navippayutta-noatthipaccayā nonatthipaccayā novigatapaccayā kamme aṭṭha.
चतुवीसकं (सकम्मं)
Catuvīsakaṃ (sakammaṃ)
नोअविगतपच्चया नहेतुपच्चया…पे॰… ननिस्सयपच्चया नपुरेजातपच्चया…पे॰… नकम्मपच्चया…पे॰… नोविगतपच्चया उपनिस्सये नव।
Noavigatapaccayā nahetupaccayā…pe… nanissayapaccayā napurejātapaccayā…pe… nakammapaccayā…pe… novigatapaccayā upanissaye nava.
(यथा कुसलत्तिकस्स पच्चनीयानुलोमगणना सज्झायमग्गेन गणिता, एवं गणेतब्बं।)
(Yathā kusalattikassa paccanīyānulomagaṇanā sajjhāyamaggena gaṇitā, evaṃ gaṇetabbaṃ.)
पच्चनीयानुलोमं।
Paccanīyānulomaṃ.
वेदनात्तिकं निट्ठितं।
Vedanāttikaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / २. वेदनात्तिकवण्णना • 2. Vedanāttikavaṇṇanā
