Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi

    ២. វេទនាត្តិកំ

    2. Vedanāttikaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    1. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati hetupaccayā – sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – ទុក្ខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati hetupaccayā – dukkhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati hetupaccayā – adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    អារម្មណបច្ចយាទិ

    Ārammaṇapaccayādi

    ២. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា (អធិបតិយា បដិសន្ធិ នត្ថិ)… អនន្តរបច្ចយា… សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា – សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ វត្ថុំ បុរេជាតបច្ចយា (សំខិត្តំ)។

    2. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati ārammaṇapaccayā… adhipatipaccayā (adhipatiyā paṭisandhi natthi)… anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā – sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho. Vatthuṃ purejātapaccayā (saṃkhittaṃ).

    អាសេវនបច្ចយាទិ

    Āsevanapaccayādi

    ៣. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ អាសេវនបច្ចយា… កម្មបច្ចយា… វិបាកបច្ចយា – សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ ; បដិសន្ធិក្ខណេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    3. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati āsevanapaccayā… kammapaccayā… vipākapaccayā – sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho ; paṭisandhikkhaṇe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ វិបាកបច្ចយា – ទុក្ខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati vipākapaccayā – dukkhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.

    អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ វិបាកបច្ចយា – អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati vipākapaccayā – adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    អាហារបច្ចយាទិ

    Āhārapaccayādi

    ៤. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា – សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; វត្ថុំ វិប្បយុត្តបច្ចយា; បដិសន្ធិក្ខណេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ វត្ថុំ វិប្បយុត្តបច្ចយា។

    4. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā – sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; vatthuṃ vippayuttapaccayā; paṭisandhikkhaṇe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho. Vatthuṃ vippayuttapaccayā.

    ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ វិប្បយុត្តបច្ចយា – ទុក្ខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ វត្ថុំ វិប្បយុត្តបច្ចយា។

    Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati vippayuttapaccayā – dukkhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho. Vatthuṃ vippayuttapaccayā.

    អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ វិប្បយុត្តបច្ចយា – អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; វត្ថុំ វិប្បយុត្តបច្ចយា; បដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។ វត្ថុំ វិប្បយុត្តបច្ចយា (សំខិត្តំ)។

    Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati vippayuttapaccayā – adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; vatthuṃ vippayuttapaccayā; paṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho. Vatthuṃ vippayuttapaccayā (saṃkhittaṃ).

    អត្ថិបច្ចយាទិ

    Atthipaccayādi

    ៥. អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា…។

    5. Atthipaccayā… natthipaccayā… vigatapaccayā… avigatapaccayā….

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៦. ហេតុយា តីណិ, អារម្មណេ តីណិ…បេ.… អវិគតេ តីណិ។

    6. Hetuyā tīṇi, ārammaṇe tīṇi…pe… avigate tīṇi.

    ហេតុអាទិទុកានិ

    Hetuādidukāni

    ៧. ហេតុបច្ចយា អារម្មណេ តីណិ…បេ.… វិបាកេ ទ្វេ…បេ.… អវិគតេ តីណិ…បេ.…។

    7. Hetupaccayā ārammaṇe tīṇi…pe… vipāke dve…pe… avigate tīṇi…pe….

    អារម្មណបច្ចយា អធិបតិបច្ចយា ហេតុយា តីណិ…បេ.… វិបាកេ ទ្វេ…បេ.… អវិគតេ តីណិ…បេ.…។

    Ārammaṇapaccayā adhipatipaccayā hetuyā tīṇi…pe… vipāke dve…pe… avigate tīṇi…pe….

    អាសេវនបច្ចយា ហេតុយា តីណិ…បេ.… កម្មេ តីណិ, អាហារេ តីណិ…បេ.… អវិគតេ តីណិ…បេ.…។

    Āsevanapaccayā hetuyā tīṇi…pe… kamme tīṇi, āhāre tīṇi…pe… avigate tīṇi…pe….

    វិបាកបច្ចយា ហេតុយា ទ្វេ, អារម្មណេ តីណិ, អធិបតិយា ទ្វេ…បេ.… បុរេជាតេ តីណិ, កម្មេ តីណិ…បេ.… ឈានេ ទ្វេ, មគ្គេ ទ្វេ…បេ.… អវិគតេ តីណិ…បេ.…។

    Vipākapaccayā hetuyā dve, ārammaṇe tīṇi, adhipatiyā dve…pe… purejāte tīṇi, kamme tīṇi…pe… jhāne dve, magge dve…pe… avigate tīṇi…pe….

    ឈានបច្ចយា ហេតុយា តីណិ…បេ.… វិបាកេ ទ្វេ…បេ.… អវិគតេ តីណិ…បេ.…។

    Jhānapaccayā hetuyā tīṇi…pe… vipāke dve…pe… avigate tīṇi…pe….

    មគ្គបច្ចយា ហេតុយា តីណិ…បេ.… វិបាកេ ទ្វេ…បេ.… អវិគតេ តីណិ…បេ.…។

    Maggapaccayā hetuyā tīṇi…pe… vipāke dve…pe… avigate tīṇi…pe….

    អវិគតបច្ចយា ហេតុយា តីណិ…បេ.… នត្ថិយា តីណិ, វិគតេ តីណិ…បេ.…។

    Avigatapaccayā hetuyā tīṇi…pe… natthiyā tīṇi, vigate tīṇi…pe….

    (យថា កុសលត្តិកស្ស បច្ចយគណនា, ឯវំ វិត្ថារេតព្ពា)។

    (Yathā kusalattikassa paccayagaṇanā, evaṃ vitthāretabbā).

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៨. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នហេតុបច្ចយា – អហេតុកំ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    8. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati nahetupaccayā – ahetukaṃ sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នហេតុបច្ចយា – ទុក្ខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati nahetupaccayā – dukkhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.

    អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នហេតុបច្ចយា – អហេតុកំ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; អហេតុកបដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។

    Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati nahetupaccayā – ahetukaṃ adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; ahetukapaṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; vicikicchāsahagate uddhaccasahagate khandhe paṭicca vicikicchāsahagato uddhaccasahagato moho.

    នអធិបតិបច្ចយោ

    Naadhipatipaccayo

    ៩. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នអធិបតិបច្ចយា (នាធិបតិ បរិបុណ្ណំ បដិសន្ធិកំ)។

    9. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati naadhipatipaccayā (nādhipati paripuṇṇaṃ paṭisandhikaṃ).

    នបុរេជាតបច្ចយោ

    Napurejātapaccayo

    ១០. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    10. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati napurejātapaccayā – arūpe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati napurejātapaccayā – arūpe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho; paṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    នបច្ឆាជាត-នអាសេវនបច្ចយា

    Napacchājāta-naāsevanapaccayā

    ១១. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា (នបច្ឆាជាតម្បិ នអាសេវនម្បិ បរិបុណ្ណំ បដិសន្ធិកំ)។

    11. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati napacchājātapaccayā… naāsevanapaccayā (napacchājātampi naāsevanampi paripuṇṇaṃ paṭisandhikaṃ).

    នកម្មបច្ចយោ

    Nakammapaccayo

    ១២. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នកម្មបច្ចយា – សុខាយ វេទនាយ សម្បយុត្តេ ខន្ធេ បដិច្ច សុខាយ វេទនាយ សម្បយុត្តា ចេតនា។

    12. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati nakammapaccayā – sukhāya vedanāya sampayutte khandhe paṭicca sukhāya vedanāya sampayuttā cetanā.

    ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នកម្មបច្ចយា – ទុក្ខាយ វេទនាយ សម្បយុត្តេ ខន្ធេ បដិច្ច ទុក្ខាយ វេទនាយ សម្បយុត្តា ចេតនា។

    Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati nakammapaccayā – dukkhāya vedanāya sampayutte khandhe paṭicca dukkhāya vedanāya sampayuttā cetanā.

    អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នកម្មបច្ចយា – អទុក្ខមសុខាយ វេទនាយ សម្បយុត្តេ ខន្ធេ បដិច្ច អទុក្ខមសុខាយ វេទនាយ សម្បយុត្តា ចេតនា។

    Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati nakammapaccayā – adukkhamasukhāya vedanāya sampayutte khandhe paṭicca adukkhamasukhāya vedanāya sampayuttā cetanā.

    នវិបាក-នឈានបច្ចយា

    Navipāka-najhānapaccayā

    ១៣. សុខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នវិបាកបច្ចយា… នឈានបច្ចយា – សុខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    13. Sukhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati navipākapaccayā… najhānapaccayā – sukhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.

    ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នឈានបច្ចយា – ទុក្ខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati najhānapaccayā – dukkhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.

    អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នឈានបច្ចយា – ចតុវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati najhānapaccayā – catuviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.

    នមគ្គបច្ចយោ

    Namaggapaccayo

    ១៤. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នមគ្គបច្ចយា – អហេតុកំ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    14. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati namaggapaccayā – ahetukaṃ sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នមគ្គបច្ចយា – ទុក្ខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Dukkhāya vedanāya sampayuttaṃ dhammaṃ paṭicca dukkhāya vedanāya sampayutto dhammo uppajjati namaggapaccayā – dukkhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho.

    អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នមគ្គបច្ចយា – អហេតុកំ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា , ទ្វេ ខន្ធេ បដិច្ច ឯកោ ខន្ធោ ; អហេតុកបដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati namaggapaccayā – ahetukaṃ adukkhamasukhāya vedanāya sampayuttaṃ ekaṃ khandhaṃ paṭicca dve khandhā , dve khandhe paṭicca eko khandho ; ahetukapaṭisandhikkhaṇe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    នវិប្បយុត្តបច្ចយោ

    Navippayuttapaccayo

    ១៥. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នវិប្បយុត្តបច្ចយា – អរូបេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    15. Sukhāya vedanāya sampayuttaṃ dhammaṃ paṭicca sukhāya vedanāya sampayutto dhammo uppajjati navippayuttapaccayā – arūpe sukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នវិប្បយុត្តបច្ចយា – អរូបេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ។

    Adukkhamasukhāya vedanāya sampayuttaṃ dhammaṃ paṭicca adukkhamasukhāya vedanāya sampayutto dhammo uppajjati navippayuttapaccayā – arūpe adukkhamasukhāya vedanāya sampayuttaṃ ekaṃ khandhaṃ paṭicca dve khandhā, dve khandhe paṭicca eko khandho.

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១៦. នហេតុយា តីណិ, នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នឈានេ តីណិ, នមគ្គេ តីណិ, នវិប្បយុត្តេ ទ្វេ។

    16. Nahetuyā tīṇi, naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, najhāne tīṇi, namagge tīṇi, navippayutte dve.

    នហេតុទុកំ

    Nahetudukaṃ

    ១៧. នហេតុបច្ចយា នអធិបតិយា តីណិ, នបុរេជាតេ ឯកំ, នបច្ឆាជាតេ តីណិ, នអាសេវនេ តីណិ, នកម្មេ ទ្វេ, នវិបាកេ ទ្វេ, នឈានេ តីណិ, នមគ្គេ តីណិ, នវិប្បយុត្តេ ឯកំ…បេ.…។

    17. Nahetupaccayā naadhipatiyā tīṇi, napurejāte ekaṃ, napacchājāte tīṇi, naāsevane tīṇi, nakamme dve, navipāke dve, najhāne tīṇi, namagge tīṇi, navippayutte ekaṃ…pe….

    ចតុក្កំ

    Catukkaṃ

    នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នមគ្គេ ឯកំ, នវិប្បយុត្តេ ឯកំ…បេ.…។

    Nahetupaccayā naadhipatipaccayā napurejātapaccayā napacchājāte ekaṃ, naāsevane ekaṃ, nakamme ekaṃ, navipāke ekaṃ, namagge ekaṃ, navippayutte ekaṃ…pe….

    នវកំ

    Navakaṃ

    នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នកម្មបច្ចយា នវិបាកបច្ចយា នមគ្គបច្ចយា នវិប្បយុត្តេ ឯកំ (សំខិត្តំ)។

    Nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā navipākapaccayā namaggapaccayā navippayutte ekaṃ (saṃkhittaṃ).

    នអធិបតិទុកំ

    Naadhipatidukaṃ

    ១៨. នអធិបតិបច្ចយា នហេតុយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នឈានេ តីណិ, នមគ្គេ តីណិ, នវិប្បយុត្តេ ទ្វេ (សំខិត្តំ)។

    18. Naadhipatipaccayā nahetuyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, najhāne tīṇi, namagge tīṇi, navippayutte dve (saṃkhittaṃ).

    នបុរេជាតទុកំ

    Napurejātadukaṃ

    ១៩. នបុរេជាតបច្ចយា នហេតុយា ឯកំ, នអធិបតិយា ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នមគ្គេ ឯកំ, នវិប្បយុត្តេ ទ្វេ។

    19. Napurejātapaccayā nahetuyā ekaṃ, naadhipatiyā dve, napacchājāte dve, naāsevane dve, nakamme dve, navipāke dve, namagge ekaṃ, navippayutte dve.

    តិកំ

    Tikaṃ

    នបុរេជាតបច្ចយា នហេតុបច្ចយា នអធិបតិយា ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នមគ្គេ ឯកំ, នវិប្បយុត្តេ ឯកំ (សំខិត្តំ)។

    Napurejātapaccayā nahetupaccayā naadhipatiyā ekaṃ, napacchājāte ekaṃ, naāsevane ekaṃ, nakamme ekaṃ, navipāke ekaṃ, namagge ekaṃ, navippayutte ekaṃ (saṃkhittaṃ).

    នបច្ឆាជាតាទិទុកានិ

    Napacchājātādidukāni

    ២០. នបច្ឆាជាតបច្ចយា… នអាសេវនបច្ចយា… នកម្មបច្ចយា នហេតុយា ទ្វេ, នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នវិបាកេ តីណិ, នមគ្គេ ទ្វេ, នវិប្បយុត្តេ ទ្វេ។

    20. Napacchājātapaccayā… naāsevanapaccayā… nakammapaccayā nahetuyā dve, naadhipatiyā tīṇi, napurejāte dve, napacchājāte tīṇi, naāsevane tīṇi, navipāke tīṇi, namagge dve, navippayutte dve.

    តិកំ

    Tikaṃ

    នកម្មបច្ចយា នហេតុបច្ចយា នអធិបតិយា ទ្វេ, នបុរេជាតេ ឯកំ, នបច្ឆាជាតេ ទ្វេ, នអាសេវនេ ទ្វេ, នវិបាកេ ទ្វេ, នមគ្គេ ទ្វេ, នវិប្បយុត្តេ ឯកំ…បេ.…។

    Nakammapaccayā nahetupaccayā naadhipatiyā dve, napurejāte ekaṃ, napacchājāte dve, naāsevane dve, navipāke dve, namagge dve, navippayutte ekaṃ…pe….

    បញ្ចកំ

    Pañcakaṃ

    នកម្មបច្ចយា នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតេ ឯកំ, នអាសេវនេ ឯកំ, នវិបាកេ ឯកំ, នមគ្គេ ឯកំ, នវិប្បយុត្តេ ឯកំ (សំខិត្តំ)។

    Nakammapaccayā nahetupaccayā naadhipatipaccayā napurejātapaccayā napacchājāte ekaṃ, naāsevane ekaṃ, navipāke ekaṃ, namagge ekaṃ, navippayutte ekaṃ (saṃkhittaṃ).

    នវិបាកទុកំ

    Navipākadukaṃ

    ២១. នវិបាកបច្ចយា នហេតុយា ទ្វេ, នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នមគ្គេ ទ្វេ, នវិប្បយុត្តេ ទ្វេ។

    21. Navipākapaccayā nahetuyā dve, naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, namagge dve, navippayutte dve.

    នវិបាកបច្ចយា (នកម្មបច្ចយសទិសំ)។

    Navipākapaccayā (nakammapaccayasadisaṃ).

    នឈានទុកំ

    Najhānadukaṃ

    ២២. នឈានបច្ចយា នហេតុយា តីណិ, នអធិបតិយា តីណិ, នបច្ឆាជាតេ តីណិ, នអាសេវនេ តីណិ, នមគ្គេ តីណិ…បេ.…។

    22. Najhānapaccayā nahetuyā tīṇi, naadhipatiyā tīṇi, napacchājāte tīṇi, naāsevane tīṇi, namagge tīṇi…pe….

    ឆក្កំ

    Chakkaṃ

    នឈានបច្ចយា នហេតុបច្ចយា នអធិបតិបច្ចយា នបច្ឆាជាតបច្ចយា នអាសេវនបច្ចយា នមគ្គេ តីណិ (សំខិត្តំ)។

    Najhānapaccayā nahetupaccayā naadhipatipaccayā napacchājātapaccayā naāsevanapaccayā namagge tīṇi (saṃkhittaṃ).

    នមគ្គទុកំ

    Namaggadukaṃ

    ២៣. នមគ្គបច្ចយា នហេតុយា តីណិ, នអធិបតិយា តីណិ, នបុរេជាតេ ឯកំ, នបច្ឆាជាតេ តីណិ, នអាសេវនេ តីណិ, នកម្មេ ទ្វេ, នវិបាកេ ទ្វេ, នឈានេ តីណិ, នវិប្បយុត្តេ ឯកំ។

    23. Namaggapaccayā nahetuyā tīṇi, naadhipatiyā tīṇi, napurejāte ekaṃ, napacchājāte tīṇi, naāsevane tīṇi, nakamme dve, navipāke dve, najhāne tīṇi, navippayutte ekaṃ.

    តិកំ

    Tikaṃ

    នមគ្គបច្ចយា នហេតុបច្ចយា នអធិបតិយា តីណិ, នបុរេជាតេ ឯកំ, នបច្ឆាជាតេ តីណិ, នអាសេវនេ តីណិ, នកម្មេ ទ្វេ, នវិបាកេ ទ្វេ, នឈានេ តីណិ, នវិប្បយុត្តេ ឯកំ…បេ.…។

    Namaggapaccayā nahetupaccayā naadhipatiyā tīṇi, napurejāte ekaṃ, napacchājāte tīṇi, naāsevane tīṇi, nakamme dve, navipāke dve, najhāne tīṇi, navippayutte ekaṃ…pe….

    បញ្ចកំ

    Pañcakaṃ

    នមគ្គបច្ចយា នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នវិប្បយុត្តេ ឯកំ (សំខិត្តំ)។

    Namaggapaccayā nahetupaccayā naadhipatipaccayā napurejātapaccayā napacchājāte ekaṃ, naāsevane ekaṃ, nakamme ekaṃ, navipāke ekaṃ, navippayutte ekaṃ (saṃkhittaṃ).

    នវិប្បយុត្តទុកំ

    Navippayuttadukaṃ

    ២៤. នវិប្បយុត្តបច្ចយា នហេតុយា ឯកំ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នមគ្គេ ឯកំ។

    24. Navippayuttapaccayā nahetuyā ekaṃ, naadhipatiyā dve, napurejāte dve, napacchājāte dve, naāsevane dve, nakamme dve, navipāke dve, namagge ekaṃ.

    តិកំ

    Tikaṃ

    នវិប្បយុត្តបច្ចយា នហេតុបច្ចយា នអធិបតិយា ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នមគ្គេ ឯកំ…បេ.…។

    Navippayuttapaccayā nahetupaccayā naadhipatiyā ekaṃ, napurejāte ekaṃ, napacchājāte ekaṃ, naāsevane ekaṃ, nakamme ekaṃ, navipāke ekaṃ, namagge ekaṃ…pe….

    នវកំ

    Navakaṃ

    នវិប្បយុត្តបច្ចយា នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នកម្មបច្ចយា នវិបាកបច្ចយា នមគ្គេ ឯកំ (សំខិត្តំ)។

    Navippayuttapaccayā nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā navipākapaccayā namagge ekaṃ (saṃkhittaṃ).

    បច្ចនីយគណនា។

    Paccanīyagaṇanā.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ២៥. ហេតុបច្ចយា នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នវិប្បយុត្តេ ទ្វេ។

    25. Hetupaccayā naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, navippayutte dve.

    តិកំ

    Tikaṃ

    ហេតុបច្ចយា អារម្មណបច្ចយា នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នវិប្បយុត្តេ ទ្វេ។

    Hetupaccayā ārammaṇapaccayā naadhipatiyā tīṇi, napurejāte dve, napacchājāte tīṇi, naāsevane tīṇi, nakamme tīṇi, navipāke tīṇi, navippayutte dve.

    (យថា កុសលត្តិកំ, ឯវំ គណេតព្ពំ។)

    (Yathā kusalattikaṃ, evaṃ gaṇetabbaṃ.)

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    នហេតុទុកំ

    Nahetudukaṃ

    ២៦. នហេតុបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ ទ្វេ, កម្មេ តីណិ, វិបាកេ តីណិ, អាហារេ តីណិ, ឥន្ទ្រិយេ តីណិ, ឈានេ ទ្វេ, មគ្គេ ឯកំ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ , វិគតេ តីណិ, អវិគតេ តីណិ។

    26. Nahetupaccayā ārammaṇe tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, āsevane dve, kamme tīṇi, vipāke tīṇi, āhāre tīṇi, indriye tīṇi, jhāne dve, magge ekaṃ, sampayutte tīṇi, vippayutte tīṇi, atthiyā tīṇi, natthiyā tīṇi , vigate tīṇi, avigate tīṇi.

    តិកំ

    Tikaṃ

    នហេតុបច្ចយា នអធិបតិបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ ទ្វេ, កម្មេ តីណិ, វិបាកេ តីណិ, អាហារេ តីណិ, ឥន្ទ្រិយេ តីណិ, ឈានេ ទ្វេ, មគ្គេ ឯកំ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ។

    Nahetupaccayā naadhipatipaccayā ārammaṇe tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, āsevane dve, kamme tīṇi, vipāke tīṇi, āhāre tīṇi, indriye tīṇi, jhāne dve, magge ekaṃ, sampayutte tīṇi, vippayutte tīṇi, atthiyā tīṇi, natthiyā tīṇi, vigate tīṇi, avigate tīṇi.

    ចតុក្កំ

    Catukkaṃ

    នហេតុបច្ចយា នអធិបតិបច្ចយា នបុរេជាតបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាសេវនេ ឯកំ, កម្មេ ឯកំ, វិបាកេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, មគ្គេ ឯកំ, សម្បយុត្តេ ឯកំ, វិប្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ…បេ.…។

    Nahetupaccayā naadhipatipaccayā napurejātapaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āsevane ekaṃ, kamme ekaṃ, vipāke ekaṃ, āhāre ekaṃ, indriye ekaṃ, jhāne ekaṃ, magge ekaṃ, sampayutte ekaṃ, vippayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ…pe….

    សត្តកំ

    Sattakaṃ

    នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នកម្មបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, សម្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ…បេ.…។

    Nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āhāre ekaṃ, indriye ekaṃ, jhāne ekaṃ, sampayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ…pe….

    ទសកំ

    Dasakaṃ

    នហេតុបច្ចយា នអធិបតិបច្ចយា…បេ.… នកម្មបច្ចយា នវិបាកបច្ចយា នមគ្គបច្ចយា នវិប្បយុត្តបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, សម្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ (សំខិត្តំ)។

    Nahetupaccayā naadhipatipaccayā…pe… nakammapaccayā navipākapaccayā namaggapaccayā navippayuttapaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āhāre ekaṃ, indriye ekaṃ, jhāne ekaṃ, sampayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ (saṃkhittaṃ).

    នហេតុមូលកំ។

    Nahetumūlakaṃ.

    នអធិបតិទុកំ

    Naadhipatidukaṃ

    ២៧. នអធិបតិបច្ចយា ហេតុយា តីណិ…បេ.… អវិគតេ តីណិ (សំខិត្តំ)។

    27. Naadhipatipaccayā hetuyā tīṇi…pe… avigate tīṇi (saṃkhittaṃ).

    នបុរេជាតទុកំ

    Napurejātadukaṃ

    ២៨. នបុរេជាតបច្ចយា ហេតុយា ទ្វេ…បេ.… អវិគតេ ទ្វេ (សំខិត្តំ)។

    28. Napurejātapaccayā hetuyā dve…pe… avigate dve (saṃkhittaṃ).

    នបច្ឆាជាតាទិទុកានិ

    Napacchājātādidukāni

    ២៩. នបច្ឆាជាតបច្ចយា… នអាសេវនបច្ចយា… នកម្មបច្ចយា… នវិបាកបច្ចយា ហេតុយា តីណិ…បេ.… អវិគតេ តីណិ (សំខិត្តំ)។

    29. Napacchājātapaccayā… naāsevanapaccayā… nakammapaccayā… navipākapaccayā hetuyā tīṇi…pe… avigate tīṇi (saṃkhittaṃ).

    នឈានទុកំ

    Najhānadukaṃ

    ៣០. នឈានបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, កម្មេ តីណិ, វិបាកេ តីណិ, អាហារេ តីណិ, ឥន្ទ្រិយេ តីណិ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ (សំខិត្តំ)។

    30. Najhānapaccayā ārammaṇe tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, kamme tīṇi, vipāke tīṇi, āhāre tīṇi, indriye tīṇi, sampayutte tīṇi, vippayutte tīṇi, atthiyā tīṇi, natthiyā tīṇi, vigate tīṇi, avigate tīṇi (saṃkhittaṃ).

    នមគ្គទុកំ

    Namaggadukaṃ

    ៣១. នមគ្គបច្ចយា អារម្មណេ តីណិ, អនន្តរេ តីណិ, សមនន្តរេ តីណិ…បេ.… អាសេវនេ ឯកំ, កម្មេ តីណិ…បេ.… ឈានេ ទ្វេ…បេ.… អវិគតេ តីណិ (សំខិត្តំ)។

    31. Namaggapaccayā ārammaṇe tīṇi, anantare tīṇi, samanantare tīṇi…pe… āsevane ekaṃ, kamme tīṇi…pe… jhāne dve…pe… avigate tīṇi (saṃkhittaṃ).

    នវិប្បយុត្តទុកំ

    Navippayuttadukaṃ

    ៣២. នវិប្បយុត្តបច្ចយា ហេតុយា ទ្វេ, អារម្មណេ ទ្វេ, អធិបតិយា ទ្វេ, អនន្តរេ ទ្វេ, សមនន្តរេ ទ្វេ, សហជាតេ ទ្វេ, អញ្ញមញ្ញេ ទ្វេ, និស្សយេ ទ្វេ, ឧបនិស្សយេ ទ្វេ, អាសេវនេ ទ្វេ, កម្មេ ទ្វេ, វិបាកេ ទ្វេ, អាហារេ ទ្វេ, ឥន្ទ្រិយេ ទ្វេ, ឈានេ ទ្វេ, មគ្គេ ទ្វេ, សម្បយុត្តេ ទ្វេ, អត្ថិយា ទ្វេ, នត្ថិយា ទ្វេ, វិគតេ ទ្វេ, អវិគតេ ទ្វេ។

    32. Navippayuttapaccayā hetuyā dve, ārammaṇe dve, adhipatiyā dve, anantare dve, samanantare dve, sahajāte dve, aññamaññe dve, nissaye dve, upanissaye dve, āsevane dve, kamme dve, vipāke dve, āhāre dve, indriye dve, jhāne dve, magge dve, sampayutte dve, atthiyā dve, natthiyā dve, vigate dve, avigate dve.

    តិកំ

    Tikaṃ

    នវិប្បយុត្តបច្ចយា នហេតុបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាសេវនេ ឯកំ, កម្មេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, មគ្គេ ឯកំ, សម្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ…បេ.…។

    Navippayuttapaccayā nahetupaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āsevane ekaṃ, kamme ekaṃ, āhāre ekaṃ, indriye ekaṃ, jhāne ekaṃ, magge ekaṃ, sampayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ…pe….

    ទសកំ

    Dasakaṃ

    នវិប្បយុត្តបច្ចយា នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នកម្មបច្ចយា នវិបាកបច្ចយា នមគ្គបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, សម្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ។

    Navippayuttapaccayā nahetupaccayā naadhipatipaccayā napurejātapaccayā napacchājātapaccayā naāsevanapaccayā nakammapaccayā navipākapaccayā namaggapaccayā ārammaṇe ekaṃ, anantare ekaṃ, samanantare ekaṃ, sahajāte ekaṃ, aññamaññe ekaṃ, nissaye ekaṃ, upanissaye ekaṃ, āhāre ekaṃ, indriye ekaṃ, jhāne ekaṃ, sampayutte ekaṃ, atthiyā ekaṃ, natthiyā ekaṃ, vigate ekaṃ, avigate ekaṃ.

    បច្ចនីយានុលោមំ។

    Paccanīyānulomaṃ.

    បដិច្ចវារោ។

    Paṭiccavāro.

    ២. សហជាតវារោ

    2. Sahajātavāro

    ៣៣. សុខាយ វេទនាយ សម្បយុត្តំ ធម្មំ សហជាតោ…បេ.…។

    33. Sukhāya vedanāya sampayuttaṃ dhammaṃ sahajāto…pe….

    ៣. បច្ចយវារោ

    3. Paccayavāro

    ៣៤. សុខាយ វេទនាយ សម្បយុត្តំ ធម្មំ បច្ចយា…បេ.…។

    34. Sukhāya vedanāya sampayuttaṃ dhammaṃ paccayā…pe….

    ៤. និស្សយវារោ

    4. Nissayavāro

    ៣៥. សុខាយ វេទនាយ សម្បយុត្តំ ធម្មំ និស្សាយ…បេ.…។

    35. Sukhāya vedanāya sampayuttaṃ dhammaṃ nissāya…pe….

    ៥. សំសដ្ឋវារោ

    5. Saṃsaṭṭhavāro

    ៣៦. សុខាយ វេទនាយ សម្បយុត្តំ ធម្មំ សំសដ្ឋោ…បេ.…។

    36. Sukhāya vedanāya sampayuttaṃ dhammaṃ saṃsaṭṭho…pe….

    ៦. សម្បយុត្តវារោ

    6. Sampayuttavāro

    ៣៧. សុខាយ វេទនាយ សម្បយុត្តំ ធម្មំ សម្បយុត្តោ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – សុខាយ វេទនាយ សម្បយុត្តំ ឯកំ ខន្ធំ សម្បយុត្តា ទ្វេ ខន្ធា, ទ្វេ ខន្ធេ សម្បយុត្តោ ឯកោ ខន្ធោ (សំខិត្តំ)។

    37. Sukhāya vedanāya sampayuttaṃ dhammaṃ sampayutto sukhāya vedanāya sampayutto dhammo uppajjati hetupaccayā – sukhāya vedanāya sampayuttaṃ ekaṃ khandhaṃ sampayuttā dve khandhā, dve khandhe sampayutto eko khandho (saṃkhittaṃ).

    សម្បយុត្តវារោ។

    Sampayuttavāro.

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៣៨. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ – សុខាយ វេទនាយ សម្បយុត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ សុខាយ វេទនាយ សម្បយុត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

    38. Sukhāya vedanāya sampayutto dhammo sukhāya vedanāya sampayuttassa dhammassa hetupaccayena paccayo – sukhāya vedanāya sampayuttā hetū sampayuttakānaṃ khandhānaṃ hetupaccayena paccayo; paṭisandhikkhaṇe sukhāya vedanāya sampayuttā hetū sampayuttakānaṃ khandhānaṃ hetupaccayena paccayo. (1)

    ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ – ទុក្ខាយ វេទនាយ សម្បយុត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

    Dukkhāya vedanāya sampayutto dhammo dukkhāya vedanāya sampayuttassa dhammassa hetupaccayena paccayo – dukkhāya vedanāya sampayuttā hetū sampayuttakānaṃ khandhānaṃ hetupaccayena paccayo. (1)

    អទុក្ខមសុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ – អទុក្ខមសុខាយ វេទនាយ សម្បយុត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ អទុក្ខមសុខាយ វេទនាយ សម្បយុត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

    Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa hetupaccayena paccayo – adukkhamasukhāya vedanāya sampayuttā hetū sampayuttakānaṃ khandhānaṃ hetupaccayena paccayo; paṭisandhikkhaṇe adukkhamasukhāya vedanāya sampayuttā hetū sampayuttakānaṃ khandhānaṃ hetupaccayena paccayo. (1)

    អារម្មណបច្ចយោ

    Ārammaṇapaccayo

    ៣៩. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ – សុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា សុខាយ វេទនាយ សម្បយុត្តេន ចិត្តេន បច្ចវេក្ខតិ។ សុខាយ វេទនាយ សម្បយុត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា សុខាយ វេទនាយ សម្បយុត្តេន ចិត្តេន បច្ចវេក្ខតិ។ អរិយា សុខាយ វេទនាយ សម្បយុត្តេន ចិត្តេន សុខាយ វេទនាយ សម្បយុត្តេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ , បុព្ពេ សមុទាចិណ្ណេ កិលេសេ ជានន្តិ។ សុខាយ វេទនាយ សម្បយុត្តេ ខន្ធេ សុខាយ វេទនាយ សម្បយុត្តេន ចិត្តេន អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ; តំ អារព្ភ សុខាយ វេទនាយ សម្បយុត្តោ រាគោ ឧប្បជ្ជតិ, ទិដ្ឋិ ឧប្បជ្ជតិ; សុខាយ វេទនាយ សម្បយុត្តេ ខន្ធេ អារព្ភ សុខាយ វេទនាយ សម្បយុត្តា ខន្ធា ឧប្បជ្ជន្តិ។ (១)

    39. Sukhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā sukhāya vedanāya sampayuttena cittena paccavekkhati. Sukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā sukhāya vedanāya sampayuttena cittena paccavekkhati. Ariyā sukhāya vedanāya sampayuttena cittena sukhāya vedanāya sampayutte pahīne kilese paccavekkhanti, vikkhambhite kilese paccavekkhanti , pubbe samudāciṇṇe kilese jānanti. Sukhāya vedanāya sampayutte khandhe sukhāya vedanāya sampayuttena cittena aniccato dukkhato anattato vipassati, assādeti abhinandati; taṃ ārabbha sukhāya vedanāya sampayutto rāgo uppajjati, diṭṭhi uppajjati; sukhāya vedanāya sampayutte khandhe ārabbha sukhāya vedanāya sampayuttā khandhā uppajjanti. (1)

    សុខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ – សុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា វិប្បដិសារិស្ស ទោមនស្សំ ឧប្បជ្ជតិ។ សុខាយ វេទនាយ សម្បយុត្តេ ឈានេ បរិហីនេ វិប្បដិសារិស្ស ទោមនស្សំ ឧប្បជ្ជតិ។ សុខាយ វេទនាយ សម្បយុត្តេ ខន្ធេ អារព្ភ ទុក្ខាយ វេទនាយ សម្បយុត្តា ខន្ធា ឧប្បជ្ជន្តិ។ (២)

    Sukhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā vippaṭisārissa domanassaṃ uppajjati. Sukhāya vedanāya sampayutte jhāne parihīne vippaṭisārissa domanassaṃ uppajjati. Sukhāya vedanāya sampayutte khandhe ārabbha dukkhāya vedanāya sampayuttā khandhā uppajjanti. (2)

    សុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ – សុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា អទុក្ខមសុខាយ វេទនាយ សម្បយុត្តេន ចិត្តេន បច្ចវេក្ខតិ។ សុខាយ វេទនាយ សម្បយុត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា អទុក្ខមសុខាយ វេទនាយ សម្បយុត្តេន ចិត្តេន បច្ចវេក្ខតិ។ អរិយា អទុក្ខមសុខាយ វេទនាយ សម្បយុត្តេន ចិត្តេន សុខាយ វេទនាយ សម្បយុត្តេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ សុខាយ វេទនាយ សម្បយុត្តេ ខន្ធេ អទុក្ខមសុខាយ វេទនាយ សម្បយុត្តេន ចិត្តេន អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ; តំ អារព្ភ អទុក្ខមសុខាយ វេទនាយ សម្បយុត្តោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ, ចេតោបរិយញាណេន សុខាយ វេទនាយ សម្បយុត្តចិត្តសមង្គិស្ស ចិត្តំ ជានាតិ។ សុខាយ វេទនាយ សម្បយុត្តា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ ។ សុខាយ វេទនាយ សម្បយុត្តេ ខន្ធេ អារព្ភ អទុក្ខមសុខាយ វេទនាយ សម្បយុត្តា ខន្ធា ឧប្បជ្ជន្តិ។ (៣)

    Sukhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā adukkhamasukhāya vedanāya sampayuttena cittena paccavekkhati. Sukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā adukkhamasukhāya vedanāya sampayuttena cittena paccavekkhati. Ariyā adukkhamasukhāya vedanāya sampayuttena cittena sukhāya vedanāya sampayutte pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Sukhāya vedanāya sampayutte khandhe adukkhamasukhāya vedanāya sampayuttena cittena aniccato dukkhato anattato vipassati, assādeti abhinandati; taṃ ārabbha adukkhamasukhāya vedanāya sampayutto rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, cetopariyañāṇena sukhāya vedanāya sampayuttacittasamaṅgissa cittaṃ jānāti. Sukhāya vedanāya sampayuttā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo . Sukhāya vedanāya sampayutte khandhe ārabbha adukkhamasukhāya vedanāya sampayuttā khandhā uppajjanti. (3)

    ៤០. ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ – ទោសំ អារព្ភ ទោសោ ឧប្បជ្ជតិ, មោហោ ឧប្បជ្ជតិ; ទុក្ខាយ វេទនាយ សម្បយុត្តំ មោហំ អារព្ភ មោហោ ឧប្បជ្ជតិ, ទោសោ ឧប្បជ្ជតិ; ទុក្ខសហគតំ កាយវិញ្ញាណំ អារព្ភ ទោសោ ឧប្បជ្ជតិ, មោហោ ឧប្បជ្ជតិ; ទុក្ខាយ វេទនាយ សម្បយុត្តេ ខន្ធេ អារព្ភ ទុក្ខាយ វេទនាយ សម្បយុត្តា ខន្ធា ឧប្បជ្ជន្តិ។ (១)

    40. Dukkhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo – dosaṃ ārabbha doso uppajjati, moho uppajjati; dukkhāya vedanāya sampayuttaṃ mohaṃ ārabbha moho uppajjati, doso uppajjati; dukkhasahagataṃ kāyaviññāṇaṃ ārabbha doso uppajjati, moho uppajjati; dukkhāya vedanāya sampayutte khandhe ārabbha dukkhāya vedanāya sampayuttā khandhā uppajjanti. (1)

    ទុក្ខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ – អរិយា សុខាយ វេទនាយ សម្បយុត្តេន ចិត្តេន ទុក្ខាយ វេទនាយ សម្បយុត្តេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ ទុក្ខាយ វេទនាយ សម្បយុត្តេ ខន្ធេ សុខាយ វេទនាយ សម្បយុត្តេន ចិត្តេន អនិច្ចតោ ទុក្ខតោ អនត្តតោ វិបស្សតិ; ទុក្ខាយ វេទនាយ សម្បយុត្តេ ខន្ធេ អារព្ភ សុខាយ វេទនាយ សម្បយុត្តា ខន្ធា ឧប្បជ្ជន្តិ។ (២)

    Dukkhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo – ariyā sukhāya vedanāya sampayuttena cittena dukkhāya vedanāya sampayutte pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Dukkhāya vedanāya sampayutte khandhe sukhāya vedanāya sampayuttena cittena aniccato dukkhato anattato vipassati; dukkhāya vedanāya sampayutte khandhe ārabbha sukhāya vedanāya sampayuttā khandhā uppajjanti. (2)

    ទុក្ខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ – អរិយា អទុក្ខមសុខាយ វេទនាយ សម្បយុត្តេន ចិត្តេន ទុក្ខាយ វេទនាយ សម្បយុត្តេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ ទុក្ខាយ វេទនាយ សម្បយុត្តេ ខន្ធេ អទុក្ខមសុខាយ វេទនាយ សម្បយុត្តេន ចិត្តេន អនិច្ចតោ ទុក្ខតោ អនត្តតោ វិបស្សតិ; ចេតោបរិយញាណេន ទុក្ខាយ វេទនាយ សម្បយុត្តចិត្តសមង្គិស្ស ចិត្តំ ជានន្តិ។ ទុក្ខាយ វេទនាយ សម្បយុត្តា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ – ទុក្ខាយ វេទនាយ សម្បយុត្តេ ខន្ធេ អារព្ភ អទុក្ខមសុខាយ វេទនាយ សម្បយុត្តា ខន្ធា ឧប្បជ្ជន្តិ។ (៣)

    Dukkhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo – ariyā adukkhamasukhāya vedanāya sampayuttena cittena dukkhāya vedanāya sampayutte pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Dukkhāya vedanāya sampayutte khandhe adukkhamasukhāya vedanāya sampayuttena cittena aniccato dukkhato anattato vipassati; cetopariyañāṇena dukkhāya vedanāya sampayuttacittasamaṅgissa cittaṃ jānanti. Dukkhāya vedanāya sampayuttā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo – dukkhāya vedanāya sampayutte khandhe ārabbha adukkhamasukhāya vedanāya sampayuttā khandhā uppajjanti. (3)

    ៤១. អទុក្ខមសុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ – អទុក្ខមសុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា អទុក្ខមសុខាយ វេទនាយ សម្បយុត្តេន ចិត្តេន បច្ចវេក្ខតិ។ អទុក្ខមសុខាយ វេទនាយ សម្បយុត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា អទុក្ខមសុខាយ វេទនាយ សម្បយុត្តេន ចិត្តេន បច្ចវេក្ខតិ; អរិយា អទុក្ខមសុខាយ វេទនាយ សម្បយុត្តេន ចិត្តេន អទុក្ខមសុខាយ វេទនាយ សម្បយុត្តេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ អទុក្ខមសុខាយ វេទនាយ សម្បយុត្តេ ខន្ធេ អទុក្ខមសុខាយ វេទនាយ សម្បយុត្តេន ចិត្តេន អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ; តំ អារព្ភ អទុក្ខមសុខាយ វេទនាយ សម្បយុត្តោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ; ចេតោបរិយញាណេន អទុក្ខមសុខាយ វេទនាយ សម្បយុត្តចិត្តសមង្គិស្ស ចិត្តំ ជានន្តិ។ អាកាសានញ្ចាយតនំ វិញ្ញាណញ្ចាយតនស្ស អារម្មណបច្ចយេន បច្ចយោ។ អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ។ អទុក្ខមសុខាយ វេទនាយ សម្បយុត្តា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អាវជ្ជនាយ អារម្មណបច្ចយេន បច្ចយោ។ អទុក្ខមសុខាយ វេទនាយ សម្បយុត្តេ ខន្ធេ អារព្ភ អទុក្ខមសុខាយ វេទនាយ សម្បយុត្តា ខន្ធា ឧប្បជ្ជន្តិ។ (១)

    41. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā adukkhamasukhāya vedanāya sampayuttena cittena paccavekkhati. Adukkhamasukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā adukkhamasukhāya vedanāya sampayuttena cittena paccavekkhati; ariyā adukkhamasukhāya vedanāya sampayuttena cittena adukkhamasukhāya vedanāya sampayutte pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Adukkhamasukhāya vedanāya sampayutte khandhe adukkhamasukhāya vedanāya sampayuttena cittena aniccato dukkhato anattato vipassati, assādeti abhinandati; taṃ ārabbha adukkhamasukhāya vedanāya sampayutto rāgo uppajjati, diṭṭhi uppajjati, vicikicchā uppajjati, uddhaccaṃ uppajjati; cetopariyañāṇena adukkhamasukhāya vedanāya sampayuttacittasamaṅgissa cittaṃ jānanti. Ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa ārammaṇapaccayena paccayo. Adukkhamasukhāya vedanāya sampayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa āvajjanāya ārammaṇapaccayena paccayo. Adukkhamasukhāya vedanāya sampayutte khandhe ārabbha adukkhamasukhāya vedanāya sampayuttā khandhā uppajjanti. (1)

    អទុក្ខមសុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ – អទុក្ខមសុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា សុខាយ វេទនាយ សម្បយុត្តេន ចិត្តេន បច្ចវេក្ខតិ។ អទុក្ខមសុខាយ វេទនាយ សម្បយុត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា សុខាយ វេទនាយ សម្បយុត្តេន ចិត្តេន បច្ចវេក្ខតិ។ អរិយា សុខាយ វេទនាយ សម្បយុត្តេន ចិត្តេន អទុក្ខមសុខាយ វេទនាយ សម្បយុត្តេ បហីនេ កិលេសេ បច្ចវេក្ខន្តិ , វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ។ អទុក្ខមសុខាយ វេទនាយ សម្បយុត្តេ ខន្ធេ សុខាយ វេទនាយ សម្បយុត្តេន ចិត្តេន អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ; តំ អារព្ភ សុខាយ វេទនាយ សម្បយុត្តោ រាគោ ឧប្បជ្ជតិ, ទិដ្ឋិ ឧប្បជ្ជតិ; អទុក្ខមសុខាយ វេទនាយ សម្បយុត្តេ ខន្ធេ អារព្ភ សុខាយ វេទនាយ សម្បយុត្តា ខន្ធា ឧប្បជ្ជន្តិ។ (២)

    Adukkhamasukhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā sukhāya vedanāya sampayuttena cittena paccavekkhati. Adukkhamasukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā sukhāya vedanāya sampayuttena cittena paccavekkhati. Ariyā sukhāya vedanāya sampayuttena cittena adukkhamasukhāya vedanāya sampayutte pahīne kilese paccavekkhanti , vikkhambhite kilese paccavekkhanti, pubbe samudāciṇṇe kilese jānanti. Adukkhamasukhāya vedanāya sampayutte khandhe sukhāya vedanāya sampayuttena cittena aniccato dukkhato anattato vipassati, assādeti abhinandati; taṃ ārabbha sukhāya vedanāya sampayutto rāgo uppajjati, diṭṭhi uppajjati; adukkhamasukhāya vedanāya sampayutte khandhe ārabbha sukhāya vedanāya sampayuttā khandhā uppajjanti. (2)

    អទុក្ខមសុខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ – អទុក្ខមសុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា វិប្បដិសារិស្ស ទោមនស្សំ ឧប្បជ្ជតិ, អទុក្ខមសុខាយ វេទនាយ សម្បយុត្តេ ឈានេ បរិហីនេ វិប្បដិសារិស្ស ទោមនស្សំ ឧប្បជ្ជតិ, អទុក្ខមសុខាយ វេទនាយ សម្បយុត្តេ ខន្ធេ អារព្ភ ទុក្ខាយ វេទនាយ សម្បយុត្តា ខន្ធា ឧប្បជ្ជន្តិ។ (៣)

    Adukkhamasukhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā vippaṭisārissa domanassaṃ uppajjati, adukkhamasukhāya vedanāya sampayutte jhāne parihīne vippaṭisārissa domanassaṃ uppajjati, adukkhamasukhāya vedanāya sampayutte khandhe ārabbha dukkhāya vedanāya sampayuttā khandhā uppajjanti. (3)

    អធិបតិបច្ចយោ

    Adhipatipaccayo

    ៤២. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។

    42. Sukhāya vedanāya sampayutto dhammo sukhāya vedanāya sampayuttassa dhammassa adhipatipaccayena paccayo – ārammaṇādhipati, sahajātādhipati.

    អារម្មណាធិបតិ – សុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា សុខាយ វេទនាយ សម្បយុត្តេន ចិត្តេន តំ គរុំ កត្វា បច្ចវេក្ខតិ។ សុខាយ វេទនាយ សម្បយុត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា សុខាយ វេទនាយ សម្បយុត្តេន ចិត្តេន តំ គរុំ កត្វា បច្ចវេក្ខតិ។ សុខាយ វេទនាយ សម្បយុត្តេ ខន្ធេ សុខាយ វេទនាយ សម្បយុត្តេន ចិត្តេន គរុំ កត្វា អស្សាទេតិ អភិនន្ទតិ; តំ គរុំ កត្វា សុខាយ វេទនាយ សម្បយុត្តោ រាគោ ឧប្បជ្ជតិ, ទិដ្ឋិ ឧប្បជ្ជតិ។

    Ārammaṇādhipati – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā sukhāya vedanāya sampayuttena cittena taṃ garuṃ katvā paccavekkhati. Sukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā sukhāya vedanāya sampayuttena cittena taṃ garuṃ katvā paccavekkhati. Sukhāya vedanāya sampayutte khandhe sukhāya vedanāya sampayuttena cittena garuṃ katvā assādeti abhinandati; taṃ garuṃ katvā sukhāya vedanāya sampayutto rāgo uppajjati, diṭṭhi uppajjati.

    សហជាតាធិបតិ – សុខាយ វេទនាយ សម្បយុត្តាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    Sahajātādhipati – sukhāya vedanāya sampayuttādhipati sampayuttakānaṃ khandhānaṃ adhipatipaccayena paccayo. (1)

    សុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ។

    Sukhāya vedanāya sampayutto dhammo adukkhamasukhāya vedanāya sampayuttassa dhammassa adhipatipaccayena paccayo.

    អារម្មណាធិបតិ – សុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា អទុក្ខមសុខាយ វេទនាយ សម្បយុត្តេន ចិត្តេន តំ គរុំ កត្វា បច្ចវេក្ខតិ។ សុខាយ វេទនាយ សម្បយុត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា អទុក្ខមសុខាយ វេទនាយ សម្បយុត្តេន ចិត្តេន តំ គរុំ កត្វា បច្ចវេក្ខតិ។ សុខាយ វេទនាយ សម្បយុត្តេ ខន្ធេ អទុក្ខមសុខាយ វេទនាយ សម្បយុត្តេន ចិត្តេន គរុំ កត្វា អស្សាទេតិ អភិនន្ទតិ; តំ គរុំ កត្វា អទុក្ខមសុខាយ វេទនាយ សម្បយុត្តោ រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)

    Ārammaṇādhipati – sukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā adukkhamasukhāya vedanāya sampayuttena cittena taṃ garuṃ katvā paccavekkhati. Sukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā adukkhamasukhāya vedanāya sampayuttena cittena taṃ garuṃ katvā paccavekkhati. Sukhāya vedanāya sampayutte khandhe adukkhamasukhāya vedanāya sampayuttena cittena garuṃ katvā assādeti abhinandati; taṃ garuṃ katvā adukkhamasukhāya vedanāya sampayutto rāgo uppajjati, diṭṭhi uppajjati. (2)

    ៤៣. ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ។

    43. Dukkhāya vedanāya sampayutto dhammo dukkhāya vedanāya sampayuttassa dhammassa adhipatipaccayena paccayo.

    សហជាតាធិបតិ – ទុក្ខាយ វេទនាយ សម្បយុត្តាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    Sahajātādhipati – dukkhāya vedanāya sampayuttādhipati sampayuttakānaṃ khandhānaṃ adhipatipaccayena paccayo. (1)

    ៤៤. អទុក្ខមសុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។

    44. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa adhipatipaccayena paccayo – ārammaṇādhipati, sahajātādhipati.

    អារម្មណាធិបតិ – អទុក្ខមសុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា អទុក្ខមសុខាយ វេទនាយ សម្បយុត្តេន ចិត្តេន តំ គរុំ កត្វា បច្ចវេក្ខតិ។ អទុក្ខមសុខាយ វេទនាយ សម្បយុត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា អទុក្ខមសុខាយ វេទនាយ សម្បយុត្តេន ចិត្តេន តំ គរុំ កត្វា បច្ចវេក្ខតិ។ អទុក្ខមសុខាយ វេទនាយ សម្បយុត្តេ ខន្ធេ អទុក្ខមសុខាយ វេទនាយ សម្បយុត្តេន ចិត្តេន គរុំ កត្វា អស្សាទេតិ អភិនន្ទតិ; តំ គរុំ កត្វា អទុក្ខមសុខាយ វេទនាយ សម្បយុត្តោ រាគោ ឧប្បជ្ជតិ, ទិដ្ឋិ ឧប្បជ្ជតិ។

    Ārammaṇādhipati – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā adukkhamasukhāya vedanāya sampayuttena cittena taṃ garuṃ katvā paccavekkhati. Adukkhamasukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā adukkhamasukhāya vedanāya sampayuttena cittena taṃ garuṃ katvā paccavekkhati. Adukkhamasukhāya vedanāya sampayutte khandhe adukkhamasukhāya vedanāya sampayuttena cittena garuṃ katvā assādeti abhinandati; taṃ garuṃ katvā adukkhamasukhāya vedanāya sampayutto rāgo uppajjati, diṭṭhi uppajjati.

    សហជាតាធិបតិ – អទុក្ខមសុខាយ វេទនាយ សម្បយុត្តាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    Sahajātādhipati – adukkhamasukhāya vedanāya sampayuttādhipati sampayuttakānaṃ khandhānaṃ adhipatipaccayena paccayo. (1)

    អទុក្ខមសុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អធិបតិបច្ចយេន បច្ចយោ។

    Adukkhamasukhāya vedanāya sampayutto dhammo sukhāya vedanāya sampayuttassa dhammassa adhipatipaccayena paccayo.

    អារម្មណាធិបតិ – អទុក្ខមសុខាយ វេទនាយ សម្បយុត្តេន ចិត្តេន ទានំ ទត្វា, សីលំ សមាទិយិត្វា, ឧបោសថកម្មំ កត្វា សុខាយ វេទនាយ សម្បយុត្តេន ចិត្តេន តំ គរុំ កត្វា បច្ចវេក្ខតិ។ អទុក្ខមសុខាយ វេទនាយ សម្បយុត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា សុខាយ វេទនាយ សម្បយុត្តេន ចិត្តេន តំ គរុំ កត្វា បច្ចវេក្ខតិ។ អទុក្ខមសុខាយ វេទនាយ សម្បយុត្តេ ខន្ធេ សុខាយ វេទនាយ សម្បយុត្តេន ចិត្តេន គរុំ កត្វា អស្សាទេតិ អភិនន្ទតិ; តំ គរុំ កត្វា សុខាយ វេទនាយ សម្បយុត្តោ រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)

    Ārammaṇādhipati – adukkhamasukhāya vedanāya sampayuttena cittena dānaṃ datvā, sīlaṃ samādiyitvā, uposathakammaṃ katvā sukhāya vedanāya sampayuttena cittena taṃ garuṃ katvā paccavekkhati. Adukkhamasukhāya vedanāya sampayuttā jhānā vuṭṭhahitvā, maggā vuṭṭhahitvā, phalā vuṭṭhahitvā sukhāya vedanāya sampayuttena cittena taṃ garuṃ katvā paccavekkhati. Adukkhamasukhāya vedanāya sampayutte khandhe sukhāya vedanāya sampayuttena cittena garuṃ katvā assādeti abhinandati; taṃ garuṃ katvā sukhāya vedanāya sampayutto rāgo uppajjati, diṭṭhi uppajjati. (2)

    អនន្តរបច្ចយោ

    Anantarapaccayo

    ៤៥. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា សុខាយ វេទនាយ សម្បយុត្តា ខន្ធា បច្ឆិមានំ បច្ឆិមានំ សុខាយ វេទនាយ សម្បយុត្តកានំ ខន្ធានំ អនន្តរបច្ចយេន បច្ចយោ។ សុខាយ វេទនាយ សម្បយុត្តំ អនុលោមំ សុខាយ វេទនាយ សម្បយុត្តស្ស គោត្រភុស្ស អនន្តរបច្ចយេន បច្ចយោ, អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស… មគ្គោ ផលស្ស… ផលំ ផលស្ស… អនុលោមំ សុខាយ វេទនាយ សម្បយុត្តាយ ផលសមាបត្តិយា អនន្តរបច្ចយេន បច្ចយោ។ សុខាយ វេទនាយ សម្បយុត្តា ខន្ធា សុខាយ វេទនាយ សម្បយុត្តស្ស វុដ្ឋានស្ស អនន្តរបច្ចយេន បច្ចយោ។ (១)

    45. Sukhāya vedanāya sampayutto dhammo sukhāya vedanāya sampayuttassa dhammassa anantarapaccayena paccayo – purimā purimā sukhāya vedanāya sampayuttā khandhā pacchimānaṃ pacchimānaṃ sukhāya vedanāya sampayuttakānaṃ khandhānaṃ anantarapaccayena paccayo. Sukhāya vedanāya sampayuttaṃ anulomaṃ sukhāya vedanāya sampayuttassa gotrabhussa anantarapaccayena paccayo, anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ sukhāya vedanāya sampayuttāya phalasamāpattiyā anantarapaccayena paccayo. Sukhāya vedanāya sampayuttā khandhā sukhāya vedanāya sampayuttassa vuṭṭhānassa anantarapaccayena paccayo. (1)

    សុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អនន្តរបច្ចយេន បច្ចយោ – សុខាយ វេទនាយ សម្បយុត្តំ ចុតិចិត្តំ អទុក្ខមសុខាយ វេទនាយ សម្បយុត្តស្ស ឧបបត្តិចិត្តស្ស អនន្តរបច្ចយេន បច្ចយោ។ សុខាយ វេទនាយ សម្បយុត្តំ ភវង្គំ អាវជ្ជនាយ អនន្តរបច្ចយេន បច្ចយោ។ សុខសហគតំ កាយវិញ្ញាណំ វិបាកមនោធាតុយា អនន្តរបច្ចយេន បច្ចយោ។ សុខាយ វេទនាយ សម្បយុត្តា វិបាកមនោវិញ្ញាណធាតុ កិរិយមនោវិញ្ញាណធាតុយា អនន្តរបច្ចយេន បច្ចយោ។ សុខាយ វេទនាយ សម្បយុត្តំ ភវង្គំ អទុក្ខមសុខាយ វេទនាយ សម្បយុត្តស្ស ភវង្គស្ស អនន្តរបច្ចយេន បច្ចយោ។ សុខាយ វេទនាយ សម្បយុត្តំ កុសលាកុសលំ អទុក្ខមសុខាយ វេទនាយ សម្បយុត្តស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ។ (២)

    Sukhāya vedanāya sampayutto dhammo adukkhamasukhāya vedanāya sampayuttassa dhammassa anantarapaccayena paccayo – sukhāya vedanāya sampayuttaṃ cuticittaṃ adukkhamasukhāya vedanāya sampayuttassa upapatticittassa anantarapaccayena paccayo. Sukhāya vedanāya sampayuttaṃ bhavaṅgaṃ āvajjanāya anantarapaccayena paccayo. Sukhasahagataṃ kāyaviññāṇaṃ vipākamanodhātuyā anantarapaccayena paccayo. Sukhāya vedanāya sampayuttā vipākamanoviññāṇadhātu kiriyamanoviññāṇadhātuyā anantarapaccayena paccayo. Sukhāya vedanāya sampayuttaṃ bhavaṅgaṃ adukkhamasukhāya vedanāya sampayuttassa bhavaṅgassa anantarapaccayena paccayo. Sukhāya vedanāya sampayuttaṃ kusalākusalaṃ adukkhamasukhāya vedanāya sampayuttassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (2)

    ៤៦. ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទុក្ខាយ វេទនាយ សម្បយុត្តា ខន្ធា បច្ឆិមានំ បច្ឆិមានំ ទុក្ខាយ វេទនាយ សម្បយុត្តកានំ ខន្ធានំ អនន្តរបច្ចយេន បច្ចយោ។ (១)

    46. Dukkhāya vedanāya sampayutto dhammo dukkhāya vedanāya sampayuttassa dhammassa anantarapaccayena paccayo – purimā purimā dukkhāya vedanāya sampayuttā khandhā pacchimānaṃ pacchimānaṃ dukkhāya vedanāya sampayuttakānaṃ khandhānaṃ anantarapaccayena paccayo. (1)

    ទុក្ខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អនន្តរបច្ចយេន បច្ចយោ – ទុក្ខសហគតំ កាយវិញ្ញាណំ វិបាកមនោធាតុយា អនន្តរបច្ចយេន បច្ចយោ។ ទុក្ខាយ វេទនាយ សម្បយុត្តា ខន្ធា អទុក្ខមសុខាយ វេទនាយ សម្បយុត្តស្ស វុដ្ឋានស្ស អនន្តរបច្ចយេន បច្ចយោ។ (២)

    Dukkhāya vedanāya sampayutto dhammo adukkhamasukhāya vedanāya sampayuttassa dhammassa anantarapaccayena paccayo – dukkhasahagataṃ kāyaviññāṇaṃ vipākamanodhātuyā anantarapaccayena paccayo. Dukkhāya vedanāya sampayuttā khandhā adukkhamasukhāya vedanāya sampayuttassa vuṭṭhānassa anantarapaccayena paccayo. (2)

    ៤៧. អទុក្ខមសុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា អទុក្ខមសុខាយ វេទនាយ សម្បយុត្តា ខន្ធា បច្ឆិមានំ បច្ឆិមានំ អទុក្ខមសុខាយ វេទនាយ សម្បយុត្តកានំ ខន្ធានំ អនន្តរបច្ចយេន បច្ចយោ ។ អទុក្ខមសុខាយ វេទនាយ សម្បយុត្តំ អនុលោមំ អទុក្ខមសុខាយ វេទនាយ សម្បយុត្តស្ស គោត្រភុស្ស អនន្តរបច្ចយេន បច្ចយោ។ អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស… មគ្គោ ផលស្ស… ផលំ ផលស្ស… អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ អទុក្ខមសុខាយ វេទនាយ សម្បយុត្តាយ ផលសមាបត្តិយា អនន្តរបច្ចយេន បច្ចយោ។ អទុក្ខមសុខាយ វេទនាយ សម្បយុត្តា ខន្ធា អទុក្ខមសុខាយ វេទនាយ សម្បយុត្តស្ស វុដ្ឋានស្ស អនន្តរបច្ចយេន បច្ចយោ។ (១)

    47. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa anantarapaccayena paccayo – purimā purimā adukkhamasukhāya vedanāya sampayuttā khandhā pacchimānaṃ pacchimānaṃ adukkhamasukhāya vedanāya sampayuttakānaṃ khandhānaṃ anantarapaccayena paccayo . Adukkhamasukhāya vedanāya sampayuttaṃ anulomaṃ adukkhamasukhāya vedanāya sampayuttassa gotrabhussa anantarapaccayena paccayo. Anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ phalasamāpattiyā… nirodhā vuṭṭhahantassa nevasaññānāsaññāyatanaṃ adukkhamasukhāya vedanāya sampayuttāya phalasamāpattiyā anantarapaccayena paccayo. Adukkhamasukhāya vedanāya sampayuttā khandhā adukkhamasukhāya vedanāya sampayuttassa vuṭṭhānassa anantarapaccayena paccayo. (1)

    អទុក្ខមសុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អនន្តរបច្ចយេន បច្ចយោ – អទុក្ខមសុខាយ វេទនាយ សម្បយុត្តំ ចុតិចិត្តំ សុខាយ វេទនាយ សម្បយុត្តស្ស ឧបបត្តិចិត្តស្ស អនន្តរបច្ចយេន បច្ចយោ។ អាវជ្ជនា សុខាយ វេទនាយ សម្បយុត្តកានំ ខន្ធានំ អនន្តរបច្ចយេន បច្ចយោ។ វិបាកមនោធាតុ សុខាយ វេទនាយ សម្បយុត្តាយ វិបាកមនោវិញ្ញាណធាតុយា អនន្តរបច្ចយេន បច្ចយោ។ អទុក្ខមសុខាយ វេទនាយ សម្បយុត្តំ ភវង្គំ សុខាយ វេទនាយ សម្បយុត្តស្ស ភវង្គស្ស អនន្តរបច្ចយេន បច្ចយោ។ អទុក្ខមសុខាយ វេទនាយ សម្បយុត្តំ កុសលាកុសលំ សុខាយ វេទនាយ សម្បយុត្តស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស… និរោធា វុដ្ឋហន្តស្ស នេវសញ្ញានាសញ្ញាយតនំ សុខាយ វេទនាយ សម្បយុត្តាយ ផលសមាបត្តិយា អនន្តរបច្ចយេន បច្ចយោ។ (២)

    Adukkhamasukhāya vedanāya sampayutto dhammo sukhāya vedanāya sampayuttassa dhammassa anantarapaccayena paccayo – adukkhamasukhāya vedanāya sampayuttaṃ cuticittaṃ sukhāya vedanāya sampayuttassa upapatticittassa anantarapaccayena paccayo. Āvajjanā sukhāya vedanāya sampayuttakānaṃ khandhānaṃ anantarapaccayena paccayo. Vipākamanodhātu sukhāya vedanāya sampayuttāya vipākamanoviññāṇadhātuyā anantarapaccayena paccayo. Adukkhamasukhāya vedanāya sampayuttaṃ bhavaṅgaṃ sukhāya vedanāya sampayuttassa bhavaṅgassa anantarapaccayena paccayo. Adukkhamasukhāya vedanāya sampayuttaṃ kusalākusalaṃ sukhāya vedanāya sampayuttassa vuṭṭhānassa… kiriyaṃ vuṭṭhānassa… phalaṃ vuṭṭhānassa… nirodhā vuṭṭhahantassa nevasaññānāsaññāyatanaṃ sukhāya vedanāya sampayuttāya phalasamāpattiyā anantarapaccayena paccayo. (2)

    អទុក្ខមសុខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អនន្តរបច្ចយេន បច្ចយោ – អាវជ្ជនា ទុក្ខាយ វេទនាយ សម្បយុត្តកានំ ខន្ធានំ អនន្តរបច្ចយេន បច្ចយោ។ (៣)

    Adukkhamasukhāya vedanāya sampayutto dhammo dukkhāya vedanāya sampayuttassa dhammassa anantarapaccayena paccayo – āvajjanā dukkhāya vedanāya sampayuttakānaṃ khandhānaṃ anantarapaccayena paccayo. (3)

    សមនន្តរបច្ចយោ

    Samanantarapaccayo

    ៤៨. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស សមនន្តរបច្ចយេន បច្ចយោ (អនន្តរបច្ចយសទិសំ)។

    48. Sukhāya vedanāya sampayutto dhammo sukhāya vedanāya sampayuttassa dhammassa samanantarapaccayena paccayo (anantarapaccayasadisaṃ).

    សហជាតបច្ចយោ

    Sahajātapaccayo

    ៤៩. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស សហជាតបច្ចយេន បច្ចយោ – សុខាយ វេទនាយ សម្បយុត្តោ ឯកោ ខន្ធោ ទ្វិន្នំ ខន្ធានំ សហជាតបច្ចយេន បច្ចយោ។ ទ្វេ ខន្ធា ឯកស្ស ខន្ធស្ស សហជាតបច្ចយេន បច្ចយោ។ បដិសន្ធិក្ខណេ សុខាយ វេទនាយ សម្បយុត្តោ ឯកោ ខន្ធោ ទ្វិន្នំ ខន្ធានំ សហជាតបច្ចយេន បច្ចយោ។ ទ្វេ ខន្ធា ឯកស្ស ខន្ធស្ស សហជាតបច្ចយេន បច្ចយោ។ (១)

    49. Sukhāya vedanāya sampayutto dhammo sukhāya vedanāya sampayuttassa dhammassa sahajātapaccayena paccayo – sukhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. Paṭisandhikkhaṇe sukhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. (1)

    ៥០. ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស សហជាតបច្ចយេន បច្ចយោ – ទុក្ខាយ វេទនាយ សម្បយុត្តោ ឯកោ ខន្ធោ ទ្វិន្នំ ខន្ធានំ សហជាតបច្ចយេន បច្ចយោ។ ទ្វេ ខន្ធា ឯកស្ស ខន្ធស្ស សហជាតបច្ចយេន បច្ចយោ។ (ទុក្ខាយ វេទនាយ សម្បយុត្តបដិសន្ធិ ន លព្ភតិ។) (១)

    50. Dukkhāya vedanāya sampayutto dhammo dukkhāya vedanāya sampayuttassa dhammassa sahajātapaccayena paccayo – dukkhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. (Dukkhāya vedanāya sampayuttapaṭisandhi na labbhati.) (1)

    ៥១. អទុក្ខមសុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស សហជាតបច្ចយេន បច្ចយោ – អទុក្ខមសុខាយ វេទនាយ សម្បយុត្តោ ឯកោ ខន្ធោ ទ្វិន្នំ ខន្ធានំ សហជាតបច្ចយេន បច្ចយោ។ ទ្វេ ខន្ធា ឯកស្ស ខន្ធស្ស សហជាតបច្ចយេន បច្ចយោ។ បដិសន្ធិក្ខណេ អទុក្ខមសុខាយ វេទនាយ សម្បយុត្តោ ឯកោ ខន្ធោ ទ្វិន្នំ ខន្ធានំ សហជាតបច្ចយេន បច្ចយោ។ ទ្វេ ខន្ធា ឯកស្ស ខន្ធស្ស សហជាតបច្ចយេន បច្ចយោ។ (១)

    51. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa sahajātapaccayena paccayo – adukkhamasukhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. Paṭisandhikkhaṇe adukkhamasukhāya vedanāya sampayutto eko khandho dvinnaṃ khandhānaṃ sahajātapaccayena paccayo. Dve khandhā ekassa khandhassa sahajātapaccayena paccayo. (1)

    អញ្ញមញ្ញ-និស្សយបច្ចយា

    Aññamañña-nissayapaccayā

    ៥២. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ (អញ្ញមញ្ញម្បិ និស្សយម្បិ សហជាតបច្ចយសទិសំ)។

    52. Sukhāya vedanāya sampayutto dhammo sukhāya vedanāya sampayuttassa dhammassa aññamaññapaccayena paccayo… nissayapaccayena paccayo (aññamaññampi nissayampi sahajātapaccayasadisaṃ).

    ឧបនិស្សយបច្ចយោ

    Upanissayapaccayo

    ៥៣. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។

    53. Sukhāya vedanāya sampayutto dhammo sukhāya vedanāya sampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe….

    បកតូបនិស្សយោ – សុខាយ វេទនាយ សម្បយុត្តំ សទ្ធំ ឧបនិស្សាយ សុខាយ វេទនាយ សម្បយុត្តេន ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ, សុខាយ វេទនាយ សម្បយុត្តំ ឈានំ ឧប្បាទេតិ, វិបស្សនំ ឧប្បាទេតិ, មគ្គំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ សុខាយ វេទនាយ សម្បយុត្តំ សីលំ… សុតំ… ចាគំ… បញ្ញំ… រាគំ… មោហំ… មានំ… ទិដ្ឋិំ… បត្ថនំ… សុខសហគតំ កាយវិញ្ញាណំ ឧបនិស្សាយ សុខាយ វេទនាយ សម្បយុត្តេន ចិត្តេន ទានំ ទេតិ…បេ.… សមាបត្តិំ ឧប្បាទេតិ (សទ្ធាបញ្ចមកេសុ ‘‘មានំ ជប្បេតិ, ទិដ្ឋិំ គណ្ហាតី’’តិ កាតព្ពំ, អវសេសេសុ ន កាតព្ពំ)។ សុខាយ វេទនាយ សម្បយុត្តេន ចិត្តេន អទិន្នំ អាទិយតិ, មុសា ភណតិ, បិសុណំ ភណតិ, សម្ផំ បលបតិ, សន្ធិំ ឆិន្ទតិ, និល្លោបំ ហរតិ, ឯកាគារិកំ ករោតិ, បរិបន្ថេ តិដ្ឋតិ, បរទារំ គច្ឆតិ, គាមឃាតំ ករោតិ, និគមឃាតំ ករោតិ។ សុខាយ វេទនាយ សម្បយុត្តា សទ្ធា… សីលំ… សុតំ… ចាគោ… បញ្ញា… រាគោ… មោហោ… មានោ… ទិដ្ឋិ… បត្ថនា… សុខសហគតំ កាយវិញ្ញាណំ សុខាយ វេទនាយ សម្បយុត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ… រាគស្ស… មោហស្ស… មានស្ស… ទិដ្ឋិយា… បត្ថនាយ… សុខសហគតស្ស កាយវិញ្ញាណស្ស… សុខាយ វេទនាយ សម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (១)

    Pakatūpanissayo – sukhāya vedanāya sampayuttaṃ saddhaṃ upanissāya sukhāya vedanāya sampayuttena cittena dānaṃ deti, sīlaṃ samādiyati, uposathakammaṃ karoti, sukhāya vedanāya sampayuttaṃ jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Sukhāya vedanāya sampayuttaṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ… sukhasahagataṃ kāyaviññāṇaṃ upanissāya sukhāya vedanāya sampayuttena cittena dānaṃ deti…pe… samāpattiṃ uppādeti (saddhāpañcamakesu ‘‘mānaṃ jappeti, diṭṭhiṃ gaṇhātī’’ti kātabbaṃ, avasesesu na kātabbaṃ). Sukhāya vedanāya sampayuttena cittena adinnaṃ ādiyati, musā bhaṇati, pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Sukhāya vedanāya sampayuttā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā… sukhasahagataṃ kāyaviññāṇaṃ sukhāya vedanāya sampayuttāya saddhāya… sīlassa… sutassa… cāgassa… paññāya… rāgassa… mohassa… mānassa… diṭṭhiyā… patthanāya… sukhasahagatassa kāyaviññāṇassa… sukhāya vedanāya sampayuttakānaṃ khandhānaṃ upanissayapaccayena paccayo. (1)

    សុខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ។

    Sukhāya vedanāya sampayutto dhammo dukkhāya vedanāya sampayuttassa dhammassa upanissayapaccayena paccayo.

    បកតូបនិស្សយោ – សុខាយ វេទនាយ សម្បយុត្តំ សទ្ធំ ឧបនិស្សាយ អត្តានំ អាតាបេតិ បរិតាបេតិ, បរិយិដ្ឋិមូលកំ ទុក្ខំ បច្ចនុភោតិ។ សុខាយ វេទនាយ សម្បយុត្តំ សីលំ… សុតំ… ចាគំ… បញ្ញំ ឧបនិស្សាយ អត្តានំ អាតាបេតិ បរិតាបេតិ, បរិយិដ្ឋិមូលកំ ទុក្ខំ បច្ចនុភោតិ។ សុខាយ វេទនាយ សម្បយុត្តំ រាគំ… មោហំ… មានំ… ទិដ្ឋិំ… បត្ថនំ… សុខសហគតំ កាយវិញ្ញាណំ ឧបនិស្សាយ បាណំ ហនតិ។ ទុក្ខាយ វេទនាយ សម្បយុត្តេន ចិត្តេន អទិន្នំ អាទិយតិ, មុសា ភណតិ , បិសុណំ ភណតិ, ផរុសំ ភណតិ, សម្ផំ បលបតិ, សន្ធិំ ឆិន្ទតិ, និល្លោបំ ហរតិ, ឯកាគារិកំ ករោតិ, បរិបន្ថេ តិដ្ឋតិ, បរទារំ គច្ឆតិ, គាមឃាតំ ករោតិ, និគមឃាតំ ករោតិ, មាតរំ ជីវិតា វោរោបេតិ, បិតរំ ជីវិតា វោរោបេតិ, អរហន្តំ ជីវិតា វោរោបេតិ, ទុដ្ឋេន ចិត្តេន តថាគតស្ស លោហិតំ ឧប្បាទេតិ, សង្ឃំ ភិន្ទតិ។ សុខាយ វេទនាយ សម្បយុត្តា សទ្ធា… សីលំ… សុតំ… ចាគោ… បញ្ញា… រាគោ… មោហោ… មានោ… ទិដ្ឋិ… បត្ថនា… សុខសហគតំ កាយវិញ្ញាណំ ទោសស្ស… មោហស្ស… ទុក្ខសហគតស្ស កាយវិញ្ញាណស្ស… ទុក្ខាយ វេទនាយ សម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (២)

    Pakatūpanissayo – sukhāya vedanāya sampayuttaṃ saddhaṃ upanissāya attānaṃ ātāpeti paritāpeti, pariyiṭṭhimūlakaṃ dukkhaṃ paccanubhoti. Sukhāya vedanāya sampayuttaṃ sīlaṃ… sutaṃ… cāgaṃ… paññaṃ upanissāya attānaṃ ātāpeti paritāpeti, pariyiṭṭhimūlakaṃ dukkhaṃ paccanubhoti. Sukhāya vedanāya sampayuttaṃ rāgaṃ… mohaṃ… mānaṃ… diṭṭhiṃ… patthanaṃ… sukhasahagataṃ kāyaviññāṇaṃ upanissāya pāṇaṃ hanati. Dukkhāya vedanāya sampayuttena cittena adinnaṃ ādiyati, musā bhaṇati , pisuṇaṃ bhaṇati, pharusaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti, mātaraṃ jīvitā voropeti, pitaraṃ jīvitā voropeti, arahantaṃ jīvitā voropeti, duṭṭhena cittena tathāgatassa lohitaṃ uppādeti, saṅghaṃ bhindati. Sukhāya vedanāya sampayuttā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā… sukhasahagataṃ kāyaviññāṇaṃ dosassa… mohassa… dukkhasahagatassa kāyaviññāṇassa… dukkhāya vedanāya sampayuttakānaṃ khandhānaṃ upanissayapaccayena paccayo. (2)

    សុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។

    Sukhāya vedanāya sampayutto dhammo adukkhamasukhāya vedanāya sampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe….

    បកតូបនិស្សយោ – សុខាយ វេទនាយ សម្បយុត្តំ សទ្ធំ ឧបនិស្សាយ អទុក្ខមសុខាយ វេទនាយ សម្បយុត្តេន ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ, អទុក្ខមសុខាយ វេទនាយ សម្បយុត្តំ ឈានំ ឧប្បាទេតិ, វិបស្សនំ ឧប្បាទេតិ, មគ្គំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ។ សុខាយ វេទនាយ សម្បយុត្តំ សីលំ… សុតំ… ចាគំ… បញ្ញំ… រាគំ… មោហំ… មានំ… ទិដ្ឋិំ… បត្ថនំ… សុខសហគតំ កាយវិញ្ញាណំ ឧបនិស្សាយ អទុក្ខមសុខាយ វេទនាយ សម្បយុត្តេន ចិត្តេន ទានំ ទេតិ…បេ.… សមាបត្តិំ ឧប្បាទេតិ។ អទុក្ខមសុខាយ វេទនាយ សម្បយុត្តេន ចិត្តេន អទិន្នំ អាទិយតិ , មុសា ភណតិ, បិសុណំ ភណតិ, សម្ផំ បលបតិ 1, សន្ធិំ ឆិន្ទតិ, និល្លោបំ ហរតិ, ឯកាគារិកំ ករោតិ, បរិបន្ថេ តិដ្ឋតិ, បរទារំ គច្ឆតិ, គាមឃាតំ ករោតិ, និគមឃាតំ ករោតិ។ សុខាយ វេទនាយ សម្បយុត្តា សទ្ធា… សីលំ… សុតំ… ចាគោ… បញ្ញា… រាគោ… មោហោ… មានោ… ទិដ្ឋិ… បត្ថនា… សុខសហគតំ កាយវិញ្ញាណំ អទុក្ខមសុខាយ វេទនាយ សម្បយុត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ… រាគស្ស… មោហស្ស… មានស្ស… ទិដ្ឋិយា… បត្ថនាយ… អទុក្ខមសុខាយ វេទនាយ សម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (៣)

    Pakatūpanissayo – sukhāya vedanāya sampayuttaṃ saddhaṃ upanissāya adukkhamasukhāya vedanāya sampayuttena cittena dānaṃ deti, sīlaṃ samādiyati, uposathakammaṃ karoti, adukkhamasukhāya vedanāya sampayuttaṃ jhānaṃ uppādeti, vipassanaṃ uppādeti, maggaṃ uppādeti, abhiññaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Sukhāya vedanāya sampayuttaṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ… sukhasahagataṃ kāyaviññāṇaṃ upanissāya adukkhamasukhāya vedanāya sampayuttena cittena dānaṃ deti…pe… samāpattiṃ uppādeti. Adukkhamasukhāya vedanāya sampayuttena cittena adinnaṃ ādiyati , musā bhaṇati, pisuṇaṃ bhaṇati, samphaṃ palapati 2, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Sukhāya vedanāya sampayuttā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā… sukhasahagataṃ kāyaviññāṇaṃ adukkhamasukhāya vedanāya sampayuttāya saddhāya… sīlassa… sutassa… cāgassa… paññāya… rāgassa… mohassa… mānassa… diṭṭhiyā… patthanāya… adukkhamasukhāya vedanāya sampayuttakānaṃ khandhānaṃ upanissayapaccayena paccayo. (3)

    ៥៤. ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។

    54. Dukkhāya vedanāya sampayutto dhammo dukkhāya vedanāya sampayuttassa dhammassa upanissayapaccayena paccayo – anantarūpanissayo, pakatūpanissayo…pe….

    បកតូបនិស្សយោ – ទោសំ ឧបនិស្សាយ បាណំ ហនតិ, ទុក្ខាយ វេទនាយ សម្បយុត្តេន ចិត្តេន អទិន្នំ អាទិយតិ…បេ.… សង្ឃំ ភិន្ទតិ។ មោហំ, ទុក្ខសហគតំ កាយវិញ្ញាណំ ឧបនិស្សាយ បាណំ ហនតិ, ទុក្ខាយ វេទនាយ សម្បយុត្តេន ចិត្តេន អទិន្នំ អាទិយតិ…បេ.… សង្ឃំ ភិន្ទតិ។ ទោសោ… មោហោ… ទុក្ខសហគតំ កាយវិញ្ញាណំ ទោសស្ស… មោហស្ស… ទុក្ខសហគតស្ស កាយវិញ្ញាណស្ស… ទុក្ខាយ វេទនាយ សម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (១)

    Pakatūpanissayo – dosaṃ upanissāya pāṇaṃ hanati, dukkhāya vedanāya sampayuttena cittena adinnaṃ ādiyati…pe… saṅghaṃ bhindati. Mohaṃ, dukkhasahagataṃ kāyaviññāṇaṃ upanissāya pāṇaṃ hanati, dukkhāya vedanāya sampayuttena cittena adinnaṃ ādiyati…pe… saṅghaṃ bhindati. Doso… moho… dukkhasahagataṃ kāyaviññāṇaṃ dosassa… mohassa… dukkhasahagatassa kāyaviññāṇassa… dukkhāya vedanāya sampayuttakānaṃ khandhānaṃ upanissayapaccayena paccayo. (1)

    ទុក្ខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ។

    Dukkhāya vedanāya sampayutto dhammo sukhāya vedanāya sampayuttassa dhammassa upanissayapaccayena paccayo.

    បកតូបនិស្សយោ – ទោសំ ឧបនិស្សាយ សុខាយ វេទនាយ សម្បយុត្តេន ចិត្តេន ទានំ ទេតិ…បេ.… សមាបត្តិំ ឧប្បាទេតិ។ សុខាយ វេទនាយ សម្បយុត្តេន ចិត្តេន អទិន្នំ អាទិយតិ…បេ.… និគមឃាតំ ករោតិ។ មោហំ, ទុក្ខសហគតំ កាយវិញ្ញាណំ ឧបនិស្សាយ សុខាយ វេទនាយ សម្បយុត្តេន ចិត្តេន ទានំ ទេតិ…បេ.… និគមឃាតំ ករោតិ។ ទោសោ… មោហោ… ទុក្ខសហគតំ កាយវិញ្ញាណំ សុខាយ វេទនាយ សម្បយុត្តាយ សទ្ធាយ…បេ.… សុខសហគតស្ស កាយវិញ្ញាណស្ស សុខាយ វេទនាយ សម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (២)

    Pakatūpanissayo – dosaṃ upanissāya sukhāya vedanāya sampayuttena cittena dānaṃ deti…pe… samāpattiṃ uppādeti. Sukhāya vedanāya sampayuttena cittena adinnaṃ ādiyati…pe… nigamaghātaṃ karoti. Mohaṃ, dukkhasahagataṃ kāyaviññāṇaṃ upanissāya sukhāya vedanāya sampayuttena cittena dānaṃ deti…pe… nigamaghātaṃ karoti. Doso… moho… dukkhasahagataṃ kāyaviññāṇaṃ sukhāya vedanāya sampayuttāya saddhāya…pe… sukhasahagatassa kāyaviññāṇassa sukhāya vedanāya sampayuttakānaṃ khandhānaṃ upanissayapaccayena paccayo. (2)

    ទុក្ខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។

    Dukkhāya vedanāya sampayutto dhammo adukkhamasukhāya vedanāya sampayuttassa dhammassa upanissayapaccayena paccayo – anantarūpanissayo, pakatūpanissayo…pe….

    បកតូបនិស្សយោ – ទោសំ ឧបនិស្សាយ អទុក្ខមសុខាយ វេទនាយ សម្បយុត្តេន ចិត្តេន ទានំ ទេតិ…បេ.… និគមឃាតំ ករោតិ។ មោហំ, ទុក្ខសហគតំ កាយវិញ្ញាណំ ឧបនិស្សាយ អទុក្ខមសុខាយ វេទនាយ សម្បយុត្តេន ចិត្តេន ទានំ ទេតិ…បេ.… និគមឃាតំ ករោតិ។ ទោសោ… មោហោ… ទុក្ខសហគតំ កាយវិញ្ញាណំ អទុក្ខមសុខាយ វេទនាយ សម្បយុត្តាយ សទ្ធាយ…បេ.… បត្ថនាយ… អទុក្ខមសុខាយ វេទនាយ សម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (៣)

    Pakatūpanissayo – dosaṃ upanissāya adukkhamasukhāya vedanāya sampayuttena cittena dānaṃ deti…pe… nigamaghātaṃ karoti. Mohaṃ, dukkhasahagataṃ kāyaviññāṇaṃ upanissāya adukkhamasukhāya vedanāya sampayuttena cittena dānaṃ deti…pe… nigamaghātaṃ karoti. Doso… moho… dukkhasahagataṃ kāyaviññāṇaṃ adukkhamasukhāya vedanāya sampayuttāya saddhāya…pe… patthanāya… adukkhamasukhāya vedanāya sampayuttakānaṃ khandhānaṃ upanissayapaccayena paccayo. (3)

    ៥៥. អទុក្ខមសុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ , អនន្តរូបនិស្សយោ, បកតូបនិស្សយោ…បេ.…។

    55. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe….

    បកតូបនិស្សយោ – អទុក្ខមសុខាយ វេទនាយ សម្បយុត្តំ សទ្ធំ ឧបនិស្សាយ អទុក្ខមសុខាយ វេទនាយ សម្បយុត្តេន ចិត្តេន ទានំ ទេតិ…បេ.… ទិដ្ឋិំ គណ្ហាតិ។ អទុក្ខមសុខាយ វេទនាយ សម្បយុត្តំ សីលំ… សុតំ… ចាគំ… បញ្ញំ… រាគំ… មោហំ… មានំ… ទិដ្ឋិំ… បត្ថនំ ឧបនិស្សាយ អទុក្ខមសុខាយ វេទនាយ សម្បយុត្តេន ចិត្តេន ទានំ ទេតិ…បេ.… សមាបត្តិំ ឧប្បាទេតិ។ អទុក្ខមសុខាយ វេទនាយ សម្បយុត្តេន ចិត្តេន អទិន្នំ អាទិយតិ…បេ.… និគមឃាតំ ករោតិ។ អទុក្ខមសុខាយ វេទនាយ សម្បយុត្តា សទ្ធា… សីលំ… សុតំ… ចាគោ… បញ្ញា… រាគោ… មោហោ… មានោ… ទិដ្ឋិ… បត្ថនា… អទុក្ខមសុខាយ វេទនាយ សម្បយុត្តាយ សទ្ធាយ…បេ.… បត្ថនាយ អទុក្ខមសុខាយ វេទនាយ សម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (១)

    Pakatūpanissayo – adukkhamasukhāya vedanāya sampayuttaṃ saddhaṃ upanissāya adukkhamasukhāya vedanāya sampayuttena cittena dānaṃ deti…pe… diṭṭhiṃ gaṇhāti. Adukkhamasukhāya vedanāya sampayuttaṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya adukkhamasukhāya vedanāya sampayuttena cittena dānaṃ deti…pe… samāpattiṃ uppādeti. Adukkhamasukhāya vedanāya sampayuttena cittena adinnaṃ ādiyati…pe… nigamaghātaṃ karoti. Adukkhamasukhāya vedanāya sampayuttā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā… adukkhamasukhāya vedanāya sampayuttāya saddhāya…pe… patthanāya adukkhamasukhāya vedanāya sampayuttakānaṃ khandhānaṃ upanissayapaccayena paccayo. (1)

    អទុក្ខមសុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។

    Adukkhamasukhāya vedanāya sampayutto dhammo sukhāya vedanāya sampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe….

    បកតូបនិស្សយោ – អទុក្ខមសុខាយ វេទនាយ សម្បយុត្តំ សទ្ធំ ឧបនិស្សាយ សុខាយ វេទនាយ សម្បយុត្តេន ចិត្តេន ទានំ ទេតិ…បេ.… ទិដ្ឋិំ គណ្ហាតិ។ អទុក្ខមសុខាយ វេទនាយ សម្បយុត្តំ សីលំ…បេ.… បត្ថនំ ឧបនិស្សាយ សុខាយ វេទនាយ សម្បយុត្តេន ចិត្តេន ទានំ ទេតិ…បេ.… សមាបត្តិំ ឧប្បាទេតិ។ សុខាយ វេទនាយ សម្បយុត្តេន ចិត្តេន អទិន្នំ អាទិយតិ…បេ.… និគមឃាតំ ករោតិ។ អទុក្ខមសុខាយ វេទនាយ សម្បយុត្តា សទ្ធា…បេ.… បត្ថនា សុខាយ វេទនាយ សម្បយុត្តាយ សទ្ធាយ…បេ.… បត្ថនាយ… សុខសហគតស្ស កាយវិញ្ញាណស្ស សុខាយ វេទនាយ សម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (២)

    Pakatūpanissayo – adukkhamasukhāya vedanāya sampayuttaṃ saddhaṃ upanissāya sukhāya vedanāya sampayuttena cittena dānaṃ deti…pe… diṭṭhiṃ gaṇhāti. Adukkhamasukhāya vedanāya sampayuttaṃ sīlaṃ…pe… patthanaṃ upanissāya sukhāya vedanāya sampayuttena cittena dānaṃ deti…pe… samāpattiṃ uppādeti. Sukhāya vedanāya sampayuttena cittena adinnaṃ ādiyati…pe… nigamaghātaṃ karoti. Adukkhamasukhāya vedanāya sampayuttā saddhā…pe… patthanā sukhāya vedanāya sampayuttāya saddhāya…pe… patthanāya… sukhasahagatassa kāyaviññāṇassa sukhāya vedanāya sampayuttakānaṃ khandhānaṃ upanissayapaccayena paccayo. (2)

    អទុក្ខមសុខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។

    Adukkhamasukhāya vedanāya sampayutto dhammo dukkhāya vedanāya sampayuttassa dhammassa upanissayapaccayena paccayo – anantarūpanissayo, pakatūpanissayo…pe….

    បកតូបនិស្សយោ – អទុក្ខមសុខាយ វេទនាយ សម្បយុត្តំ សទ្ធំ ឧបនិស្សាយ អត្តានំ អាតាបេតិ បរិតាបេតិ, បរិយិដ្ឋិមូលកំ ទុក្ខំ បច្ចនុភោតិ។ អទុក្ខមសុខាយ វេទនាយ សម្បយុត្តំ សីលំ…បេ.… បត្ថនំ ឧបនិស្សាយ បាណំ ហនតិ។ ទុក្ខាយ វេទនាយ សម្បយុត្តេន ចិត្តេន អទិន្នំ អាទិយតិ…បេ.… សង្ឃំ ភិន្ទតិ។ អទុក្ខមសុខាយ វេទនាយ សម្បយុត្តា សទ្ធា…បេ.… បត្ថនា… ទោសស្ស… មោហស្ស… ទុក្ខសហគតស្ស កាយវិញ្ញាណស្ស… ទុក្ខាយ វេទនាយ សម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (៣)

    Pakatūpanissayo – adukkhamasukhāya vedanāya sampayuttaṃ saddhaṃ upanissāya attānaṃ ātāpeti paritāpeti, pariyiṭṭhimūlakaṃ dukkhaṃ paccanubhoti. Adukkhamasukhāya vedanāya sampayuttaṃ sīlaṃ…pe… patthanaṃ upanissāya pāṇaṃ hanati. Dukkhāya vedanāya sampayuttena cittena adinnaṃ ādiyati…pe… saṅghaṃ bhindati. Adukkhamasukhāya vedanāya sampayuttā saddhā…pe… patthanā… dosassa… mohassa… dukkhasahagatassa kāyaviññāṇassa… dukkhāya vedanāya sampayuttakānaṃ khandhānaṃ upanissayapaccayena paccayo. (3)

    អាសេវនបច្ចយោ

    Āsevanapaccayo

    ៥៦. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អាសេវនបច្ចយេន បច្ចយោ – បុរិមា បុរិមា សុខាយ វេទនាយ សម្បយុត្តា ខន្ធា បច្ឆិមានំ បច្ឆិមានំ សុខាយ វេទនាយ សម្បយុត្តកានំ ខន្ធានំ អាសេវនបច្ចយេន បច្ចយោ។ សុខាយ វេទនាយ សម្បយុត្តំ អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ។ (១)

    56. Sukhāya vedanāya sampayutto dhammo sukhāya vedanāya sampayuttassa dhammassa āsevanapaccayena paccayo – purimā purimā sukhāya vedanāya sampayuttā khandhā pacchimānaṃ pacchimānaṃ sukhāya vedanāya sampayuttakānaṃ khandhānaṃ āsevanapaccayena paccayo. Sukhāya vedanāya sampayuttaṃ anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)

    ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អាសេវនបច្ចយេន បច្ចយោ – បុរិមា បុរិមា ទុក្ខាយ វេទនាយ សម្បយុត្តា ខន្ធា បច្ឆិមានំ បច្ឆិមានំ ទុក្ខាយ វេទនាយ សម្បយុត្តកានំ ខន្ធានំ អាសេវនបច្ចយេន បច្ចយោ។ (១)

    Dukkhāya vedanāya sampayutto dhammo dukkhāya vedanāya sampayuttassa dhammassa āsevanapaccayena paccayo – purimā purimā dukkhāya vedanāya sampayuttā khandhā pacchimānaṃ pacchimānaṃ dukkhāya vedanāya sampayuttakānaṃ khandhānaṃ āsevanapaccayena paccayo. (1)

    អទុក្ខមសុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អាសេវនបច្ចយេន បច្ចយោ – បុរិមា បុរិមា អទុក្ខមសុខាយ វេទនាយ សម្បយុត្តា ខន្ធា បច្ឆិមានំ បច្ឆិមានំ អទុក្ខមសុខាយ វេទនាយ សម្បយុត្តកានំ ខន្ធានំ អាសេវនបច្ចយេន បច្ចយោ។ អទុក្ខមសុខាយ វេទនាយ សម្បយុត្តំ អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ។ (១)

    Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa āsevanapaccayena paccayo – purimā purimā adukkhamasukhāya vedanāya sampayuttā khandhā pacchimānaṃ pacchimānaṃ adukkhamasukhāya vedanāya sampayuttakānaṃ khandhānaṃ āsevanapaccayena paccayo. Adukkhamasukhāya vedanāya sampayuttaṃ anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)

    កម្មបច្ចយោ

    Kammapaccayo

    ៥៧. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា 3។ សហជាតា – សុខាយ វេទនាយ សម្បយុត្តា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ បដិសន្ធិក្ខណេ…បេ.…។ នានាក្ខណិកា – សុខាយ វេទនាយ សម្បយុត្តា ចេតនា វិបាកានំ សុខាយ វេទនាយ សម្បយុត្តកានំ ខន្ធានំ កម្មបច្ចយេន បច្ចយោ។ (១)

    57. Sukhāya vedanāya sampayutto dhammo sukhāya vedanāya sampayuttassa dhammassa kammapaccayena paccayo – sahajātā, nānākkhaṇikā 4. Sahajātā – sukhāya vedanāya sampayuttā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe…pe…. Nānākkhaṇikā – sukhāya vedanāya sampayuttā cetanā vipākānaṃ sukhāya vedanāya sampayuttakānaṃ khandhānaṃ kammapaccayena paccayo. (1)

    សុខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ។ នានាក្ខណិកា – សុខាយ វេទនាយ សម្បយុត្តា ចេតនា វិបាកានំ ទុក្ខាយ វេទនាយ សម្បយុត្តកានំ ខន្ធានំ កម្មបច្ចយេន បច្ចយោ។ (២)

    Sukhāya vedanāya sampayutto dhammo dukkhāya vedanāya sampayuttassa dhammassa kammapaccayena paccayo. Nānākkhaṇikā – sukhāya vedanāya sampayuttā cetanā vipākānaṃ dukkhāya vedanāya sampayuttakānaṃ khandhānaṃ kammapaccayena paccayo. (2)

    សុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ។ នានាក្ខណិកា – សុខាយ វេទនាយ សម្បយុត្តា ចេតនា វិបាកានំ អទុក្ខមសុខាយ វេទនាយ សម្បយុត្តកានំ ខន្ធានំ កម្មបច្ចយេន បច្ចយោ។ (៣)

    Sukhāya vedanāya sampayutto dhammo adukkhamasukhāya vedanāya sampayuttassa dhammassa kammapaccayena paccayo. Nānākkhaṇikā – sukhāya vedanāya sampayuttā cetanā vipākānaṃ adukkhamasukhāya vedanāya sampayuttakānaṃ khandhānaṃ kammapaccayena paccayo. (3)

    ៥៨. ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – ទុក្ខាយ វេទនាយ សម្បយុត្តា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ នានាក្ខណិកា – ទុក្ខាយ វេទនាយ សម្បយុត្តា ចេតនា វិបាកានំ ទុក្ខាយ វេទនាយ សម្បយុត្តកានំ ខន្ធានំ កម្មបច្ចយេន បច្ចយោ។ (១)

    58. Dukkhāya vedanāya sampayutto dhammo dukkhāya vedanāya sampayuttassa dhammassa kammapaccayena paccayo – sahajātā, nānākkhaṇikā. Sahajātā – dukkhāya vedanāya sampayuttā cetanā sampayuttakānaṃ khandhānaṃ kammapaccayena paccayo. Nānākkhaṇikā – dukkhāya vedanāya sampayuttā cetanā vipākānaṃ dukkhāya vedanāya sampayuttakānaṃ khandhānaṃ kammapaccayena paccayo. (1)

    ទុក្ខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ។ នានាក្ខណិកា – ទុក្ខាយ វេទនាយ សម្បយុត្តា ចេតនា វិបាកានំ អទុក្ខមសុខាយ វេទនាយ សម្បយុត្តកានំ ខន្ធានំ កម្មបច្ចយេន បច្ចយោ។ (២)

    Dukkhāya vedanāya sampayutto dhammo adukkhamasukhāya vedanāya sampayuttassa dhammassa kammapaccayena paccayo. Nānākkhaṇikā – dukkhāya vedanāya sampayuttā cetanā vipākānaṃ adukkhamasukhāya vedanāya sampayuttakānaṃ khandhānaṃ kammapaccayena paccayo. (2)

    ៥៩. អទុក្ខមសុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – អទុក្ខមសុខាយ វេទនាយ សម្បយុត្តា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ បដិសន្ធិក្ខណេ…បេ.…។ នានាក្ខណិកា – អទុក្ខមសុខាយ វេទនាយ សម្បយុត្តា ចេតនា វិបាកានំ អទុក្ខមសុខាយ វេទនាយ សម្បយុត្តកានំ ខន្ធានំ កម្មបច្ចយេន បច្ចយោ។ (១)

    59. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa kammapaccayena paccayo – sahajātā, nānākkhaṇikā. Sahajātā – adukkhamasukhāya vedanāya sampayuttā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe…pe…. Nānākkhaṇikā – adukkhamasukhāya vedanāya sampayuttā cetanā vipākānaṃ adukkhamasukhāya vedanāya sampayuttakānaṃ khandhānaṃ kammapaccayena paccayo. (1)

    អទុក្ខមសុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ។ នានាក្ខណិកា – អទុក្ខមសុខាយ វេទនាយ សម្បយុត្តា ចេតនា វិបាកានំ សុខាយ វេទនាយ សម្បយុត្តកានំ ខន្ធានំ កម្មបច្ចយេន បច្ចយោ។ (២)

    Adukkhamasukhāya vedanāya sampayutto dhammo sukhāya vedanāya sampayuttassa dhammassa kammapaccayena paccayo. Nānākkhaṇikā – adukkhamasukhāya vedanāya sampayuttā cetanā vipākānaṃ sukhāya vedanāya sampayuttakānaṃ khandhānaṃ kammapaccayena paccayo. (2)

    អទុក្ខមសុខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស កម្មបច្ចយេន បច្ចយោ។ នានាក្ខណិកា – អទុក្ខមសុខាយ វេទនាយ សម្បយុត្តា ចេតនា វិបាកានំ ទុក្ខាយ វេទនាយ សម្បយុត្តកានំ ខន្ធានំ កម្មបច្ចយេន បច្ចយោ។ (៣)

    Adukkhamasukhāya vedanāya sampayutto dhammo dukkhāya vedanāya sampayuttassa dhammassa kammapaccayena paccayo. Nānākkhaṇikā – adukkhamasukhāya vedanāya sampayuttā cetanā vipākānaṃ dukkhāya vedanāya sampayuttakānaṃ khandhānaṃ kammapaccayena paccayo. (3)

    វិបាកបច្ចយោ

    Vipākapaccayo

    ៦០. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស វិបាកបច្ចយេន បច្ចយោ – វិបាកោ សុខាយ វេទនាយ សម្បយុត្តោ ឯកោ ខន្ធោ ទ្វិន្នំ ខន្ធានំ វិបាកបច្ចយេន បច្ចយោ។ ទ្វេ ខន្ធា ឯកស្ស ខន្ធស្ស វិបាកបច្ចយេន បច្ចយោ។ បដិសន្ធិក្ខណេ សុខាយ វេទនាយ សម្បយុត្តោ ឯកោ ខន្ធោ ទ្វិន្នំ ខន្ធានំ វិបាកបច្ចយេន បច្ចយោ។ ទ្វេ ខន្ធា ឯកស្ស ខន្ធស្ស…បេ.…។ (១)

    60. Sukhāya vedanāya sampayutto dhammo sukhāya vedanāya sampayuttassa dhammassa vipākapaccayena paccayo – vipāko sukhāya vedanāya sampayutto eko khandho dvinnaṃ khandhānaṃ vipākapaccayena paccayo. Dve khandhā ekassa khandhassa vipākapaccayena paccayo. Paṭisandhikkhaṇe sukhāya vedanāya sampayutto eko khandho dvinnaṃ khandhānaṃ vipākapaccayena paccayo. Dve khandhā ekassa khandhassa…pe…. (1)

    ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស វិបាកបច្ចយេន បច្ចយោ – វិបាកោ ទុក្ខាយ វេទនាយ សម្បយុត្តោ ឯកោ ខន្ធោ ទ្វិន្នំ ខន្ធានំ វិបាកបច្ចយេន បច្ចយោ …បេ.…។ (១)

    Dukkhāya vedanāya sampayutto dhammo dukkhāya vedanāya sampayuttassa dhammassa vipākapaccayena paccayo – vipāko dukkhāya vedanāya sampayutto eko khandho dvinnaṃ khandhānaṃ vipākapaccayena paccayo …pe…. (1)

    អទុក្ខមសុខាយ វេទនាយ…បេ.… វិបាកោ អទុក្ខមសុខាយ វេទនាយ សម្បយុត្តោ ឯកោ ខន្ធោ ទ្វិន្នំ ខន្ធានំ…បេ.… បដិសន្ធិក្ខណេ…បេ.…។ (១)

    Adukkhamasukhāya vedanāya…pe… vipāko adukkhamasukhāya vedanāya sampayutto eko khandho dvinnaṃ khandhānaṃ…pe… paṭisandhikkhaṇe…pe…. (1)

    អាហារបច្ចយាទិ

    Āhārapaccayādi

    ៦១. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អាហារបច្ចយេន បច្ចយោ…បេ.… ឥន្ទ្រិយបច្ចយេន បច្ចយោ…បេ.… ឈានបច្ចយេន បច្ចយោ…បេ.… មគ្គបច្ចយេន បច្ចយោ…បេ.… សម្បយុត្តបច្ចយេន បច្ចយោ…បេ.… អត្ថិបច្ចយេន បច្ចយោ…បេ.… នត្ថិបច្ចយេន បច្ចយោ…បេ.… វិគតបច្ចយេន បច្ចយោ…បេ.… អវិគតបច្ចយេន បច្ចយោ…បេ.…។

    61. Sukhāya vedanāya sampayutto dhammo sukhāya vedanāya sampayuttassa dhammassa āhārapaccayena paccayo…pe… indriyapaccayena paccayo…pe… jhānapaccayena paccayo…pe… maggapaccayena paccayo…pe… sampayuttapaccayena paccayo…pe… atthipaccayena paccayo…pe… natthipaccayena paccayo…pe… vigatapaccayena paccayo…pe… avigatapaccayena paccayo…pe….

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៦២. ហេតុយា តីណិ, អារម្មណេ នវ, អធិបតិយា បញ្ច, អនន្តរេ សត្ត, សមនន្តរេ សត្ត, សហជាតេ តីណិ, អញ្ញមញ្ញេ តីណិ, និស្សយេ តីណិ , ឧបនិស្សយេ នវ, អាសេវនេ តីណិ, កម្មេ អដ្ឋ, វិបាកេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ តីណិ, អត្ថិយា តីណិ, នត្ថិយា សត្ត, វិគតេ សត្ត, អវិគតេ តីណិ។

    62. Hetuyā tīṇi, ārammaṇe nava, adhipatiyā pañca, anantare satta, samanantare satta, sahajāte tīṇi, aññamaññe tīṇi, nissaye tīṇi , upanissaye nava, āsevane tīṇi, kamme aṭṭha, vipāke tīṇi, āhāre tīṇi, indriye tīṇi, jhāne tīṇi, magge tīṇi, sampayutte tīṇi, atthiyā tīṇi, natthiyā satta, vigate satta, avigate tīṇi.

    ហេតុសភាគំ

    Hetusabhāgaṃ

    ៦៣. ហេតុបច្ចយា អធិបតិយា ទ្វេ, សហជាតេ តីណិ, អញ្ញមញ្ញេ តីណិ, និស្សយេ តីណិ, វិបាកេ ទ្វេ, ឥន្ទ្រិយេ ទ្វេ, មគ្គេ ទ្វេ, សម្បយុត្តេ តីណិ, អត្ថិយា តីណិ, អវិគតេ តីណិ។ (១០)

    63. Hetupaccayā adhipatiyā dve, sahajāte tīṇi, aññamaññe tīṇi, nissaye tīṇi, vipāke dve, indriye dve, magge dve, sampayutte tīṇi, atthiyā tīṇi, avigate tīṇi. (10)

    សាមញ្ញឃដនា (២)

    Sāmaññaghaṭanā (2)

    ហេតុ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ។ ហេតុ-សហជាតអញ្ញមញ្ញ-និស្សយ-វិបាក-សម្បយុត្ត-អត្ថិ-អវិគតន្តិ ទ្វេ។

    Hetu-sahajāta-aññamañña-nissaya-sampayutta-atthi-avigatanti tīṇi. Hetu-sahajātaaññamañña-nissaya-vipāka-sampayutta-atthi-avigatanti dve.

    សឥន្ទ្រិយ-មគ្គឃដនា (២)

    Saindriya-maggaghaṭanā (2)

    ៦៤. ហេតុ-សហជាត-អញ្ញមញ្ញ-និស្សយ-ឥន្ទ្រិយ-មគ្គ-សម្បយុត្ត-អត្ថិ-អវិគតន្តិ ទ្វេ។ ហេតុ-សហជាត-អញ្ញមញ្ញ-និស្សយ-វិបាក-ឥន្ទ្រិយ-មគ្គ-សម្បយុត្ត-អត្ថិ-អវិគតន្តិ ទ្វេ។

    64. Hetu-sahajāta-aññamañña-nissaya-indriya-magga-sampayutta-atthi-avigatanti dve. Hetu-sahajāta-aññamañña-nissaya-vipāka-indriya-magga-sampayutta-atthi-avigatanti dve.

    សាធិបតិ-ឥន្ទ្រិយ-មគ្គឃដនា (២)

    Sādhipati-indriya-maggaghaṭanā (2)

    ៦៥. ហេតុ-អធិបតិ-សហជាត-អញ្ញមញ្ញ-និស្សយ-ឥន្ទ្រិយ-មគ្គ-សម្បយុត្ត-អត្ថិ-អវិគតន្តិ ទ្វេ ហេតុ-អធិបតិ-សហជាត-អញ្ញមញ្ញ-និស្សយ-វិបាក-ឥន្ទ្រិយ-មគ្គ-សម្បយុត្ត-អត្ថិ-អវិគតន្តិ ទ្វេ។

    65. Hetu-adhipati-sahajāta-aññamañña-nissaya-indriya-magga-sampayutta-atthi-avigatanti dve hetu-adhipati-sahajāta-aññamañña-nissaya-vipāka-indriya-magga-sampayutta-atthi-avigatanti dve.

    អារម្មណសភាគំ

    Ārammaṇasabhāgaṃ

    ៦៦. អារម្មណបច្ចយា អធិបតិយា ចត្តារិ, ឧបនិស្សយេ ចត្តារិ។ (២)

    66. Ārammaṇapaccayā adhipatiyā cattāri, upanissaye cattāri. (2)

    អារម្មណឃដនា (១)

    Ārammaṇaghaṭanā (1)

    ៦៧. អារម្មណាធិបតិ-ឧបនិស្សយន្តិ ចត្តារិ។

    67. Ārammaṇādhipati-upanissayanti cattāri.

    អធិបតិសភាគំ

    Adhipatisabhāgaṃ

    ៦៨. អធិបតិបច្ចយា ហេតុយា ទ្វេ, អារម្មណេ ចត្តារិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ ចត្តារិ, វិបាកេ ទ្វេ, អាហារេ តីណិ, ឥន្ទ្រិយេ តីណិ, មគ្គេ តីណិ, សម្បយុត្តេ តីណិ, អត្ថិយា តីណិ, អវិគតេ តីណិ។ (១៣)

    68. Adhipatipaccayā hetuyā dve, ārammaṇe cattāri, sahajāte tīṇi, aññamaññe tīṇi, nissaye tīṇi, upanissaye cattāri, vipāke dve, āhāre tīṇi, indriye tīṇi, magge tīṇi, sampayutte tīṇi, atthiyā tīṇi, avigate tīṇi. (13)

    បកិណ្ណកឃដនា (១)

    Pakiṇṇakaghaṭanā (1)

    ៦៩. អធិបតិ-អារម្មណ-ឧបនិស្សយន្តិ ចត្តារិ។

    69. Adhipati-ārammaṇa-upanissayanti cattāri.

    សហជាតឃដនា (៨)

    Sahajātaghaṭanā (8)

    អធិបតិ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ។ អធិបតិ-សហជាត-អញ្ញមញ្ញ-និស្សយ-វិបាក-សម្បយុត្ត-អត្ថិ-អវិគតន្តិ ទ្វេ។

    Adhipati-sahajāta-aññamañña-nissaya-sampayutta-atthi-avigatanti tīṇi. Adhipati-sahajāta-aññamañña-nissaya-vipāka-sampayutta-atthi-avigatanti dve.

    អធិបតិ-សហជាត-អញ្ញមញ្ញ-និស្សយ-អាហារ-ឥន្ទ្រិយ-សម្បយុត្ត-អត្ថិ-អវិគតន្តិ តីណិ។ អធិបតិ-សហជាត-អញ្ញមញ្ញ-និស្សយ-វិបាក-អាហារ-ឥន្ទ្រិយសម្បយុត្ត-អត្ថិ-អវិគតន្តិ ទ្វេ។

    Adhipati-sahajāta-aññamañña-nissaya-āhāra-indriya-sampayutta-atthi-avigatanti tīṇi. Adhipati-sahajāta-aññamañña-nissaya-vipāka-āhāra-indriyasampayutta-atthi-avigatanti dve.

    អធិបតិ-សហជាត-អញ្ញមញ្ញ-និស្សយ-ឥន្ទ្រិយ-មគ្គ-សម្បយុត្ត-អត្ថិ-អវិគតន្តិ តីណិ។ អធិបតិ-សហជាតំ-អញ្ញមញ្ញ-និស្សយ-វិបាក-ឥន្ទ្រិយ-មគ្គ-សម្បយុត្ត-អត្ថិ-អវិគតន្តិ ទ្វេ។

    Adhipati-sahajāta-aññamañña-nissaya-indriya-magga-sampayutta-atthi-avigatanti tīṇi. Adhipati-sahajātaṃ-aññamañña-nissaya-vipāka-indriya-magga-sampayutta-atthi-avigatanti dve.

    អធិបតិ-ហេតុ-សហជាត-អញ្ញមញ្ញ-និស្សយ-ឥន្ទ្រិយ-មគ្គ -សម្បយុត្ត-អត្ថិ-អវិគតន្តិ ទ្វេ។ អធិបតិ-ហេតុ-សហជាត-អញ្ញមញ្ញ-និស្សយ-វិបាក-ឥន្ទ្រិយ-មគ្គ-សម្បយុត្ត-អត្ថិ-អវិគតន្តិ ទ្វេ។

    Adhipati-hetu-sahajāta-aññamañña-nissaya-indriya-magga -sampayutta-atthi-avigatanti dve. Adhipati-hetu-sahajāta-aññamañña-nissaya-vipāka-indriya-magga-sampayutta-atthi-avigatanti dve.

    អនន្តរសភាគំ

    Anantarasabhāgaṃ

    ៧០. អនន្តរបច្ចយា សមនន្តរេ សត្ត, ឧបនិស្សយេ សត្ត, អាសេវនេ តីណិ, កម្មេ ទ្វេ, នត្ថិយា សត្ត, វិគតេ សត្ត។ (៦)

    70. Anantarapaccayā samanantare satta, upanissaye satta, āsevane tīṇi, kamme dve, natthiyā satta, vigate satta. (6)

    ឃដនា (៣)

    Ghaṭanā (3)

    ៧១. អនន្តរ-សមនន្តរ-ឧបនិស្សយ-នត្ថិ-វិគតន្តិ សត្ត។ អនន្តរ-សមនន្តរ-ឧបនិស្សយ-អាសេវន-នត្ថិ-វិគតន្តិ តីណិ។ អនន្តរ-សមនន្តរឧបនិស្សយ-កម្ម-នត្ថិ-វិគតន្តិ ទ្វេ។

    71. Anantara-samanantara-upanissaya-natthi-vigatanti satta. Anantara-samanantara-upanissaya-āsevana-natthi-vigatanti tīṇi. Anantara-samanantaraupanissaya-kamma-natthi-vigatanti dve.

    សមនន្តរបច្ចយា (អនន្តរសទិសំ)។

    Samanantarapaccayā (anantarasadisaṃ).

    សហជាតាទិសភាគំ

    Sahajātādisabhāgaṃ

    ៧២. សហជាតបច្ចយា … អញ្ញមញ្ញបច្ចយា… និស្សយបច្ចយា ហេតុយា តីណិ, អធិបតិយា តីណិ, សហជាតេ តីណិ, អញ្ញមញ្ញេ តីណិ, កម្មេ តីណិ, វិបាកេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ តីណិ, អត្ថិយា តីណិ, អវិគតេ តីណិ។ (១៣)

    72. Sahajātapaccayā … aññamaññapaccayā… nissayapaccayā hetuyā tīṇi, adhipatiyā tīṇi, sahajāte tīṇi, aññamaññe tīṇi, kamme tīṇi, vipāke tīṇi, āhāre tīṇi, indriye tīṇi, jhāne tīṇi, magge tīṇi, sampayutte tīṇi, atthiyā tīṇi, avigate tīṇi. (13)

    ឃដនា (២)

    Ghaṭanā (2)

    និស្សយ-សហជាត-អញ្ញមញ្ញ-សម្បយុត្ត-អត្ថិ-អវិគតន្តិ តីណិ។ និស្សយ-សហជាតអញ្ញមញ្ញ-វិបាក-សម្បយុត្ត-អត្ថិ-អវិគតន្តិ តីណិ។

    Nissaya-sahajāta-aññamañña-sampayutta-atthi-avigatanti tīṇi. Nissaya-sahajātaaññamañña-vipāka-sampayutta-atthi-avigatanti tīṇi.

    ឧបនិស្សយសភាគំ

    Upanissayasabhāgaṃ

    ៧៣. ឧបនិស្សយបច្ចយា អារម្មណេ ចត្តារិ, អធិបតិយា ចត្តារិ, អនន្តរេ សត្ត, សមនន្តរេ សត្ត, អាសេវនេ តីណិ, កម្មេ អដ្ឋ, នត្ថិយា សត្ត, វិគតេ សត្ត។ (៨)

    73. Upanissayapaccayā ārammaṇe cattāri, adhipatiyā cattāri, anantare satta, samanantare satta, āsevane tīṇi, kamme aṭṭha, natthiyā satta, vigate satta. (8)

    ឃដនា (៥)

    Ghaṭanā (5)

    ៧៤. ឧបនិស្សយ-អារម្មណ-អធិបតីតិ ចត្តារិ។ ឧបនិស្សយ-អនន្តរសមនន្តរ-នត្ថិ-វិគតន្តិ សត្ត។ ឧបនិស្សយ-អនន្តរ-សមនន្តរ-អាសេវន-នត្ថិ-វិគតន្តិ តីណិ។ ឧបនិស្សយ-កម្មន្តិ អដ្ឋ។ ឧបនិស្សយ-អនន្តរ-សមនន្តរ-កម្ម-នត្ថិ-វិគតន្តិ ទ្វេ។

    74. Upanissaya-ārammaṇa-adhipatīti cattāri. Upanissaya-anantarasamanantara-natthi-vigatanti satta. Upanissaya-anantara-samanantara-āsevana-natthi-vigatanti tīṇi. Upanissaya-kammanti aṭṭha. Upanissaya-anantara-samanantara-kamma-natthi-vigatanti dve.

    អាសេវនសភាគំ

    Āsevanasabhāgaṃ

    ៧៥. អាសេវនបច្ចយា អនន្តរេ តីណិ, សមនន្តរេ តីណិ, ឧបនិស្សយេ តីណិ, នត្ថិយា តីណិ, វិគតេ តីណិ។ (៥)

    75. Āsevanapaccayā anantare tīṇi, samanantare tīṇi, upanissaye tīṇi, natthiyā tīṇi, vigate tīṇi. (5)

    ឃដនា (១)

    Ghaṭanā (1)

    អាសេវន-អនន្តរ-សមនន្តរ-ឧបនិស្សយ-នត្ថិ-វិគតន្តិ តីណិ។

    Āsevana-anantara-samanantara-upanissaya-natthi-vigatanti tīṇi.

    កម្មសភាគំ

    Kammasabhāgaṃ

    ៧៦. កម្មបច្ចយា អនន្តរេ ទ្វេ, សមនន្តរេ ទ្វេ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ អដ្ឋ, វិបាកេ តីណិ, អាហារេ តីណិ, សម្បយុត្តេ តីណិ, អត្ថិយា តីណិ, នត្ថិយា ទ្វេ, វិគតេ ទ្វេ, អវិគតេ តីណិ។ (១៣)

    76. Kammapaccayā anantare dve, samanantare dve, sahajāte tīṇi, aññamaññe tīṇi, nissaye tīṇi, upanissaye aṭṭha, vipāke tīṇi, āhāre tīṇi, sampayutte tīṇi, atthiyā tīṇi, natthiyā dve, vigate dve, avigate tīṇi. (13)

    បកិណ្ណកឃដនា (២)

    Pakiṇṇakaghaṭanā (2)

    កម្ម-ឧបនិស្សយន្តិ អដ្ឋ។ កម្ម-អនន្តរ-សមនន្តរ-ឧបនិស្សយ-នត្ថិ-វិគតន្តិ ទ្វេ។

    Kamma-upanissayanti aṭṭha. Kamma-anantara-samanantara-upanissaya-natthi-vigatanti dve.

    សហជាតឃដនា (២)

    Sahajātaghaṭanā (2)

    កម្ម-សហជាត-អញ្ញមញ្ញ-និស្សយ-អាហារ-សម្បយុត្ត-អត្ថិ-អវិគតន្តិ តីណិ។ កម្មសហជាត-អញ្ញមញ្ញ-និស្សយ -វិបាក-អាហារ-សម្បយុត្ត-អត្ថិ-អវិគតន្តិ តីណិ។

    Kamma-sahajāta-aññamañña-nissaya-āhāra-sampayutta-atthi-avigatanti tīṇi. Kammasahajāta-aññamañña-nissaya -vipāka-āhāra-sampayutta-atthi-avigatanti tīṇi.

    វិបាកសភាគំ

    Vipākasabhāgaṃ

    ៧៧. វិបាកបច្ចយា ហេតុយា ទ្វេ, អធិបតិយា ទ្វេ, សហជាតេ តីណិ…បេ.… ឈានេ ទ្វេ, មគ្គេ ទ្វេ, សម្បយុត្តេ តីណិ, អត្ថិយា តីណិ, អវិគតេ តីណិ។ (១៣)

    77. Vipākapaccayā hetuyā dve, adhipatiyā dve, sahajāte tīṇi…pe… jhāne dve, magge dve, sampayutte tīṇi, atthiyā tīṇi, avigate tīṇi. (13)

    ឃដនា (១)

    Ghaṭanā (1)

    វិបាក-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ។

    Vipāka-sahajāta-aññamañña-nissaya-sampayutta-atthi-avigatanti tīṇi.

    អាហារសភាគំ

    Āhārasabhāgaṃ

    ៧៨. អាហារបច្ចយា អធិបតិយា តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, កម្មេ តីណិ, វិបាកេ តីណិ, ឥន្ទ្រិយេ តីណិ, សម្បយុត្តេ តីណិ, អត្ថិយា តីណិ, អវិគតេ តីណិ។ (១០)

    78. Āhārapaccayā adhipatiyā tīṇi, sahajāte tīṇi, aññamaññe tīṇi, nissaye tīṇi, kamme tīṇi, vipāke tīṇi, indriye tīṇi, sampayutte tīṇi, atthiyā tīṇi, avigate tīṇi. (10)

    ឃដនា (៨)

    Ghaṭanā (8)

    អាហារ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ។ អាហារ-សហជាតអញ្ញមញ្ញ-និស្សយ-វិបាក-សម្បយុត្ត-អត្ថិ-អវិគតន្តិ តីណិ។

    Āhāra-sahajāta-aññamañña-nissaya-sampayutta-atthi-avigatanti tīṇi. Āhāra-sahajātaaññamañña-nissaya-vipāka-sampayutta-atthi-avigatanti tīṇi.

    អាហារ-សហជាត-អញ្ញមញ្ញ-និស្សយ-កម្ម-សម្បយុត្ត-អវិគតន្តិ តីណិ។ អាហារ-សហជាតអញ្ញមញ្ញ-និស្សយ-កម្ម-វិបាក-សម្បយុត្ត-អត្ថិ-អវិគតន្តិ តីណិ។

    Āhāra-sahajāta-aññamañña-nissaya-kamma-sampayutta-avigatanti tīṇi. Āhāra-sahajātaaññamañña-nissaya-kamma-vipāka-sampayutta-atthi-avigatanti tīṇi.

    អាហារ-សហជាត-អញ្ញមញ្ញ-និស្សយ-ឥន្ទ្រិយ-សម្បយុត្ត-អត្ថិ-អវិគតន្តិ តីណិ។ អាហារសហជាត-អញ្ញមញ្ញ-និស្សយ-វិបាក-ឥន្ទ្រិយ-សម្បយុត្តអត្ថិ-អវិគតន្តិ តីណិ។

    Āhāra-sahajāta-aññamañña-nissaya-indriya-sampayutta-atthi-avigatanti tīṇi. Āhārasahajāta-aññamañña-nissaya-vipāka-indriya-sampayuttaatthi-avigatanti tīṇi.

    អាហារ-អធិបតិ-សហជាត-អញ្ញមញ្ញ-និស្សយ-ឥន្ទ្រិយ-សម្បយុត្ត-អត្ថិ-អវិគតន្តិ តីណិ។ អាហារ-អធិបតិ-សហជាត-អញ្ញមញ្ញ-និស្សយ-វិបាក-ឥន្ទ្រិយ-សម្បយុត្ត-អត្ថិ-អវិគតន្តិ ទ្វេ។

    Āhāra-adhipati-sahajāta-aññamañña-nissaya-indriya-sampayutta-atthi-avigatanti tīṇi. Āhāra-adhipati-sahajāta-aññamañña-nissaya-vipāka-indriya-sampayutta-atthi-avigatanti dve.

    ឥន្ទ្រិយសភាគំ

    Indriyasabhāgaṃ

    ៧៩. ឥន្ទ្រិយបច្ចយា ហេតុយា ទ្វេ, អធិបតិយា តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, វិបាកេ តីណិ, អាហារេ តីណិ, ឈានេ តីណិ, មគ្គេ តីណិ, សម្បយុត្តេ តីណិ, អត្ថិយា តីណិ, អវិគតេ តីណិ។ (១២)

    79. Indriyapaccayā hetuyā dve, adhipatiyā tīṇi, sahajāte tīṇi, aññamaññe tīṇi, nissaye tīṇi, vipāke tīṇi, āhāre tīṇi, jhāne tīṇi, magge tīṇi, sampayutte tīṇi, atthiyā tīṇi, avigate tīṇi. (12)

    ឃដនា (១៦)

    Ghaṭanā (16)

    ឥន្ទ្រិយ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ។ ឥន្ទ្រិយ-សហជាតអញ្ញមញ្ញ-និស្សយ-វិបាក-សម្បយុត្ត-អត្ថិ-អវិគតន្តិ តីណិ។

    Indriya-sahajāta-aññamañña-nissaya-sampayutta-atthi-avigatanti tīṇi. Indriya-sahajātaaññamañña-nissaya-vipāka-sampayutta-atthi-avigatanti tīṇi.

    ឥន្ទ្រិយ-សហជាត-អញ្ញមញ្ញ-និស្សយ-មគ្គ-សម្បយុត្ត-អត្ថិ-អវិគតន្តិ តីណិ។ ឥន្ទ្រិយសហជាត-អញ្ញមញ្ញ-និស្សយ-វិបាក-មគ្គ-សម្បយុត្ត-អត្ថិ-អវិគតន្តិ ទ្វេ។

    Indriya-sahajāta-aññamañña-nissaya-magga-sampayutta-atthi-avigatanti tīṇi. Indriyasahajāta-aññamañña-nissaya-vipāka-magga-sampayutta-atthi-avigatanti dve.

    ឥន្ទ្រិយ-សហជាត-អញ្ញមញ្ញ-និស្សយ-ឈាន-មគ្គ-សម្បយុត្ត-អត្ថិ-អវិគតន្តិ តីណិ។ ឥន្ទ្រិយ-សហជាត-អញ្ញមញ្ញ-និស្សយ-វិបាក-ឈាន-មគ្គ-សម្បយុត្ត-អត្ថិ-អវិគតន្តិ ទ្វេ។

    Indriya-sahajāta-aññamañña-nissaya-jhāna-magga-sampayutta-atthi-avigatanti tīṇi. Indriya-sahajāta-aññamañña-nissaya-vipāka-jhāna-magga-sampayutta-atthi-avigatanti dve.

    ឥន្ទ្រិយ-សហជាត-អញ្ញមញ្ញ-និស្សយ-អាហារ-សម្បយុត្ត-អត្ថិ-អវិគតន្តិ តីណិ។ ឥន្ទ្រិយសហជាត-អញ្ញមញ្ញ-និស្សយ-វិបាក-អាហារ-សម្បយុត្ត-អត្ថិ-អវិគតន្តិ តីណិ។

    Indriya-sahajāta-aññamañña-nissaya-āhāra-sampayutta-atthi-avigatanti tīṇi. Indriyasahajāta-aññamañña-nissaya-vipāka-āhāra-sampayutta-atthi-avigatanti tīṇi.

    ឥន្ទ្រិយ-អធិបតិ-សហជាត-អញ្ញមញ្ញ-និស្សយ-អាហារ-សម្បយុត្ត-អត្ថិ-អវិគតន្តិ តីណិ។ ឥន្ទ្រិយ-អធិបតិ-សហជាត-អញ្ញមញ្ញ-និស្សយ-វិបាក-អាហារ-សម្បយុត្ត-អត្ថិ-អវិគតន្តិ ទ្វេ។

    Indriya-adhipati-sahajāta-aññamañña-nissaya-āhāra-sampayutta-atthi-avigatanti tīṇi. Indriya-adhipati-sahajāta-aññamañña-nissaya-vipāka-āhāra-sampayutta-atthi-avigatanti dve.

    ឥន្ទ្រិយ-អធិបតិ-សហជាត-អញ្ញមញ្ញ-និស្សយ-មគ្គ-សម្បយុត្ត-អត្ថិ-អវិគតន្តិ តីណិ។ ឥន្ទ្រិយ-អធិបតិ-សហជាត-អញ្ញមញ្ញ-និស្សយ -វិបាក-មគ្គ-សម្បយុត្ត-អត្ថិ-អវិគតន្តិ ទ្វេ។

    Indriya-adhipati-sahajāta-aññamañña-nissaya-magga-sampayutta-atthi-avigatanti tīṇi. Indriya-adhipati-sahajāta-aññamañña-nissaya -vipāka-magga-sampayutta-atthi-avigatanti dve.

    ឥន្ទ្រិយ-ហេតុ-សហជាត-អញ្ញមញ្ញ-និស្សយ-មគ្គ-សម្បយុត្ត-អត្ថិ-អវិគតន្តិ ទ្វេ។ ឥន្ទ្រិយហេតុ-សហជាត-អញ្ញមញ្ញ-និស្សយ-វិបាក-មគ្គ-សម្បយុត្តអត្ថិ-អវិគតន្តិ ទ្វេ។

    Indriya-hetu-sahajāta-aññamañña-nissaya-magga-sampayutta-atthi-avigatanti dve. Indriyahetu-sahajāta-aññamañña-nissaya-vipāka-magga-sampayuttaatthi-avigatanti dve.

    ឥន្ទ្រិយ-ហេតុ-អធិបតិ-សហជាត-អញ្ញមញ្ញ-និស្សយ-មគ្គ-សម្បយុត្ត-អត្ថិ-អវិគតន្តិ ទ្វេ។ ឥន្ទ្រិយ-ហេតុ-អធិបតិ-សហជាត-អញ្ញមញ្ញ-និស្សយ-វិបាក-មគ្គ-សម្បយុត្ត-អត្ថិ-អវិគតន្តិ ទ្វេ។

    Indriya-hetu-adhipati-sahajāta-aññamañña-nissaya-magga-sampayutta-atthi-avigatanti dve. Indriya-hetu-adhipati-sahajāta-aññamañña-nissaya-vipāka-magga-sampayutta-atthi-avigatanti dve.

    ឈានសភាគំ

    Jhānasabhāgaṃ

    ៨០. ឈានបច្ចយា សហជាតេ តីណិ, អញ្ញមញ្ញេ តីណិ, និស្សយេ តីណិ, វិបាកេ ទ្វេ, ឥន្ទ្រិយេ តីណិ, មគ្គេ តីណិ, សម្បយុត្តេ តីណិ, អត្ថិយា តីណិ, អវិគតេ តីណិ។ (៩)

    80. Jhānapaccayā sahajāte tīṇi, aññamaññe tīṇi, nissaye tīṇi, vipāke dve, indriye tīṇi, magge tīṇi, sampayutte tīṇi, atthiyā tīṇi, avigate tīṇi. (9)

    ឃដនា (៦)

    Ghaṭanā (6)

    ឈាន-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ។ ឈាន-សហជាតអញ្ញមញ្ញ-និស្សយ-វិបាក-សម្បយុត្ត-អត្ថិ-អវិគតន្តិ ទ្វេ។

    Jhāna-sahajāta-aññamañña-nissaya-sampayutta-atthi-avigatanti tīṇi. Jhāna-sahajātaaññamañña-nissaya-vipāka-sampayutta-atthi-avigatanti dve.

    ឈាន-សហជាត-អញ្ញមញ្ញ-និស្សយ-មគ្គ-សម្បយុត្ត-អត្ថិ-អវិគតន្តិ តីណិ។ ឈានសហជាត-អញ្ញមញ្ញ-និស្សយ-វិបាក-មគ្គ-សម្បយុត្ត-អត្ថិ-អវិគតន្តិ ទ្វេ។

    Jhāna-sahajāta-aññamañña-nissaya-magga-sampayutta-atthi-avigatanti tīṇi. Jhānasahajāta-aññamañña-nissaya-vipāka-magga-sampayutta-atthi-avigatanti dve.

    ឈាន-សហជាត-អញ្ញមញ្ញ-និស្សយ-ឥន្ទ្រិយ-មគ្គ-សម្បយុត្ត-អត្ថិ-អវិគតន្តិ តីណិ។ ឈានសហជាត-អញ្ញមញ្ញ-និស្សយ-វិបាក-ឥន្ទ្រិយ-មគ្គ-សម្បយុត្ត-អត្ថិ-អវិគតន្តិ ទ្វេ។

    Jhāna-sahajāta-aññamañña-nissaya-indriya-magga-sampayutta-atthi-avigatanti tīṇi. Jhānasahajāta-aññamañña-nissaya-vipāka-indriya-magga-sampayutta-atthi-avigatanti dve.

    មគ្គសភាគំ

    Maggasabhāgaṃ

    ៨១. មគ្គបច្ចយា ហេតុយា ទ្វេ, អធិបតិយា តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, វិបាកេ តីណិ, ឥន្ទ្រិយេ តីណិ, ឈានេ តីណិ, សម្បយុត្តេ តីណិ, អត្ថិយា តីណិ, អវិគតេ តីណិ។ (១១)

    81. Maggapaccayā hetuyā dve, adhipatiyā tīṇi, sahajāte tīṇi, aññamaññe tīṇi, nissaye tīṇi, vipāke tīṇi, indriye tīṇi, jhāne tīṇi, sampayutte tīṇi, atthiyā tīṇi, avigate tīṇi. (11)

    ឃដនា (១៤)

    Ghaṭanā (14)

    មគ្គ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ។ មគ្គ-សហជាតអញ្ញមញ្ញ-និស្សយ-វិបាក-សម្បយុត្ត-អត្ថិ-អវិគតន្តិ ទ្វេ។

    Magga-sahajāta-aññamañña-nissaya-sampayutta-atthi-avigatanti tīṇi. Magga-sahajātaaññamañña-nissaya-vipāka-sampayutta-atthi-avigatanti dve.

    មគ្គ-សហជាត-អញ្ញមញ្ញ-និស្សយ-ឥន្ទ្រិយ-សម្បយុត្ត-អត្ថិ-អវិគតន្តិ តីណិ។ មគ្គសហជាត-អញ្ញមញ្ញ-និស្សយ-វិបាក-ឥន្ទ្រិយ-សម្បយុត្ត-អត្ថិ-អវិគតន្តិ ទ្វេ។

    Magga-sahajāta-aññamañña-nissaya-indriya-sampayutta-atthi-avigatanti tīṇi. Maggasahajāta-aññamañña-nissaya-vipāka-indriya-sampayutta-atthi-avigatanti dve.

    មគ្គ-សហជាត-អញ្ញមញ្ញ-និស្សយ-ឈាន-សម្បយុត្ត-អត្ថិ-អវិគតន្តិ តីណិ។ មគ្គសហជាត-អញ្ញមញ្ញ-និស្សយ-វិបាក-ឈាន-សម្បយុត្ត-អត្ថិ-អវិគតន្តិ ទ្វេ។

    Magga-sahajāta-aññamañña-nissaya-jhāna-sampayutta-atthi-avigatanti tīṇi. Maggasahajāta-aññamañña-nissaya-vipāka-jhāna-sampayutta-atthi-avigatanti dve.

    មគ្គ-សហជាត-អញ្ញមញ្ញ-និស្សយ-ឥន្ទ្រិយ-ឈាន-សម្បយុត្ត-អត្ថិ-អវិគតន្តិ តីណិ។ មគ្គសហជាត-អញ្ញមញ្ញ-និស្សយ-វិបាក-ឥន្ទ្រិយ-ឈាន-សម្បយុត្ត-អត្ថិ-អវិគតន្តិ ទ្វេ។

    Magga-sahajāta-aññamañña-nissaya-indriya-jhāna-sampayutta-atthi-avigatanti tīṇi. Maggasahajāta-aññamañña-nissaya-vipāka-indriya-jhāna-sampayutta-atthi-avigatanti dve.

    មគ្គ-អធិបតិ-សហជាត-អញ្ញមញ្ញ-និស្សយ-ឥន្ទ្រិយ-សម្បយុត្ត-អត្ថិ-អវិគតន្តិ តីណិ។ មគ្គ-អធិបតិ-សហជាត-អញ្ញមញ្ញ-និស្សយ-វិបាក-ឥន្ទ្រិយ-សម្បយុត្ត-អត្ថិ-អវិគតន្តិ ទ្វេ។

    Magga-adhipati-sahajāta-aññamañña-nissaya-indriya-sampayutta-atthi-avigatanti tīṇi. Magga-adhipati-sahajāta-aññamañña-nissaya-vipāka-indriya-sampayutta-atthi-avigatanti dve.

    មគ្គ-ហេតុ-សហជាត-អញ្ញមញ្ញ-និស្សយ-ឥន្ទ្រិយ-សម្បយុត្ត-អត្ថិ-អវិគតន្តិ ទ្វេ។ មគ្គហេតុ-សហជាត-អញ្ញមញ្ញ-និស្សយ-វិបាក-ឥន្ទ្រិយ-សម្បយុត្ត-អត្ថិ-អវិគតន្តិ ទ្វេ។

    Magga-hetu-sahajāta-aññamañña-nissaya-indriya-sampayutta-atthi-avigatanti dve. Maggahetu-sahajāta-aññamañña-nissaya-vipāka-indriya-sampayutta-atthi-avigatanti dve.

    មគ្គ-ហេតុ-អធិបតិ-សហជាត-អញ្ញមញ្ញ -និស្សយ-ឥន្ទ្រិយ-សម្បយុត្ត-អត្ថិ-អវិគតន្តិ ទ្វេ។ មគ្គ-ហេតុ-អធិបតិ-សហជាត-អញ្ញមញ្ញ-និស្សយ-វិបាក-ឥន្ទ្រិយ-សម្បយុត្ត-អត្ថិ-អវិគតន្តិ ទ្វេ។

    Magga-hetu-adhipati-sahajāta-aññamañña -nissaya-indriya-sampayutta-atthi-avigatanti dve. Magga-hetu-adhipati-sahajāta-aññamañña-nissaya-vipāka-indriya-sampayutta-atthi-avigatanti dve.

    សម្បយុត្តសភាគំ

    Sampayuttasabhāgaṃ

    ៨២. សម្បយុត្តបច្ចយា ហេតុយា តីណិ, អធិបតិយា តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, កម្មេ តីណិ, វិបាកេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, អត្ថិយា តីណិ, អវិគតេ តីណិ។ (១៣)

    82. Sampayuttapaccayā hetuyā tīṇi, adhipatiyā tīṇi, sahajāte tīṇi, aññamaññe tīṇi, nissaye tīṇi, kamme tīṇi, vipāke tīṇi, āhāre tīṇi, indriye tīṇi, jhāne tīṇi, magge tīṇi, atthiyā tīṇi, avigate tīṇi. (13)

    ឃដនា (២)

    Ghaṭanā (2)

    សម្បយុត្ត-សហជាត-អញ្ញមញ្ញ-និស្សយ-អត្ថិ-អវិគតន្តិ តីណិ។ សម្បយុត្ត-សហជាតអញ្ញមញ្ញ-និស្សយ-វិបាក-អត្ថិ-អវិគតន្តិ តីណិ។

    Sampayutta-sahajāta-aññamañña-nissaya-atthi-avigatanti tīṇi. Sampayutta-sahajātaaññamañña-nissaya-vipāka-atthi-avigatanti tīṇi.

    (អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា…បេ.…។)

    (Atthipaccayā… natthipaccayā… vigatapaccayā… avigatapaccayā…pe….)

    បញ្ហាវារស្ស អនុលោមំ។

    Pañhāvārassa anulomaṃ.

    បច្ចនីយុទ្ធារោ

    Paccanīyuddhāro

    ៨៣. សុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (១)

    83. Sukhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    សុខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (២)

    Sukhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)

    សុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ,… កម្មបច្ចយេន បច្ចយោ។ (៣)

    Sukhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo… upanissayapaccayena paccayo,… kammapaccayena paccayo. (3)

    ៨៤. ទុក្ខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (១)

    84. Dukkhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    ទុក្ខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (២)

    Dukkhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo… upanissayapaccayena paccayo. (2)

    ទុក្ខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៣)

    Dukkhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ៨៥. អទុក្ខមសុខាយ វេទនាយ សម្បយុត្តោ ធម្មោ អទុក្ខមសុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (១)

    85. Adukkhamasukhāya vedanāya sampayutto dhammo adukkhamasukhāya vedanāya sampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    អទុក្ខមសុខាយ វេទនាយ សម្បយុត្តោ ធម្មោ សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (២)

    Adukkhamasukhāya vedanāya sampayutto dhammo sukhāya vedanāya sampayuttassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)

    អទុក្ខមសុខាយ វេទនាយ សម្បយុត្តោ ធម្មោ ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ។ (៣)

    Adukkhamasukhāya vedanāya sampayutto dhammo dukkhāya vedanāya sampayuttassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៨៦. នហេតុយា នវ, នអារម្មណេ នវ, នអធិបតិយា នវ, នអនន្តរេ នវ, នសមនន្តរេ នវ, នសហជាតេ នវ, នអញ្ញមញ្ញេ នវ, ននិស្សយេ នវ, នឧបនិស្សយេ នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ នវ, នវិបាកេ នវ, នអាហារេ នវ, នឥន្ទ្រិយេ នវ, នឈានេ នវ, នមគ្គេ នវ, នសម្បយុត្តេ នវ, នវិប្បយុត្តេ នវ, នោអត្ថិយា នវ, នោនត្ថិយា នវ, នោវិគតេ នវ, នោអវិគតេ នវ។

    86. Nahetuyā nava, naārammaṇe nava, naadhipatiyā nava, naanantare nava, nasamanantare nava, nasahajāte nava, naaññamaññe nava, nanissaye nava, naupanissaye nava, napurejāte nava, napacchājāte nava, naāsevane nava, nakamme nava, navipāke nava, naāhāre nava, naindriye nava, najhāne nava, namagge nava, nasampayutte nava, navippayutte nava, noatthiyā nava, nonatthiyā nava, novigate nava, noavigate nava.

    នហេតុទុកំ

    Nahetudukaṃ

    ៨៧. នហេតុបច្ចយា នអារម្មណេ នវ…បេ.… នោអវិគតេ នវ។

    87. Nahetupaccayā naārammaṇe nava…pe… noavigate nava.

    តិកំ

    Tikaṃ

    នហេតុបច្ចយា នអារម្មណបច្ចយា នអធិបតិយា នវ…បេ.… នឧបនិស្សយេ អដ្ឋ…បេ.… នោអវិគតេ នវ…បេ.…។

    Nahetupaccayā naārammaṇapaccayā naadhipatiyā nava…pe… naupanissaye aṭṭha…pe… noavigate nava…pe….

    តេវីសកំ

    Tevīsakaṃ

    នហេតុបច្ចយា នអារម្មណបច្ចយា…បេ.… នឧបនិស្សយបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នវិបាកបច្ចយា នអាហារបច្ចយា…បេ.… នោអវិគតេ អដ្ឋ។

    Nahetupaccayā naārammaṇapaccayā…pe… naupanissayapaccayā napurejātapaccayā napacchājātapaccayā naāsevanapaccayā navipākapaccayā naāhārapaccayā…pe… noavigate aṭṭha.

    នហេតុមូលកំ។

    Nahetumūlakaṃ.

    (យថា កុសលត្តិកស្ស បច្ចនីយគណនា គណិតា, ឯវំ ឥទម្បិ អសម្មុយ្ហន្តេន សព្ពំ មូលកំ គណេតព្ពំ 5។)

    (Yathā kusalattikassa paccanīyagaṇanā gaṇitā, evaṃ idampi asammuyhantena sabbaṃ mūlakaṃ gaṇetabbaṃ 6.)

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុសភាគំ

    Hetusabhāgaṃ

    ៨៨. ហេតុបច្ចយា នអារម្មណេ តីណិ, នអធិបតិយា តីណិ, នអនន្តរេ តីណិ, នសមនន្តរេ តីណិ, នឧបនិស្សយេ តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នអាហារេ តីណិ, នឥន្ទ្រិយេ តីណិ, នឈានេ តីណិ, នមគ្គេ តីណិ, នវិប្បយុត្តេ តីណិ, នោនត្ថិយា តីណិ, នោវិគតេ តីណិ។

    88. Hetupaccayā naārammaṇe tīṇi, naadhipatiyā tīṇi, naanantare tīṇi, nasamanantare tīṇi, naupanissaye tīṇi, napurejāte tīṇi, napacchājāte tīṇi, naāsevane tīṇi, nakamme tīṇi, navipāke tīṇi, naāhāre tīṇi, naindriye tīṇi, najhāne tīṇi, namagge tīṇi, navippayutte tīṇi, nonatthiyā tīṇi, novigate tīṇi.

    សាមញ្ញឃដនា

    Sāmaññaghaṭanā

    ៨៩. ហេតុ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ នអារម្មណេ តីណិ…បេ.… នោវិគតេ តីណិ។

    89. Hetu-sahajāta-aññamañña-nissaya-sampayutta-atthi-avigatanti naārammaṇe tīṇi…pe… novigate tīṇi.

    (យថា កុសលត្តិកស្ស អនុលោមបច្ចនីយគណនា សជ្ឈាយមគ្គេន គណិតា, ឯវំ ឥទម្បិ គណេតព្ពំ។)

    (Yathā kusalattikassa anulomapaccanīyagaṇanā sajjhāyamaggena gaṇitā, evaṃ idampi gaṇetabbaṃ.)

    កម្មបច្ចយា នហេតុយា អដ្ឋ, នអារម្មណេ អដ្ឋ…បេ.… នោអវិគតេ អដ្ឋ (សំខិត្តំ)។

    Kammapaccayā nahetuyā aṭṭha, naārammaṇe aṭṭha…pe… noavigate aṭṭha (saṃkhittaṃ).

    អនុលោមបច្ចនីយគណនា។

    Anulomapaccanīyagaṇanā.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    នហេតុទុកំ

    Nahetudukaṃ

    ៩០. នហេតុបច្ចយា អារម្មណេ នវ, អធិបតិយា បញ្ច, អនន្តរេ សត្ត, សមនន្តរេ សត្ត, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, អាសេវនេ តីណិ , កម្មេ អដ្ឋ, វិបាកេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ តីណិ, អត្ថិយា តីណិ, នត្ថិយា សត្ត, វិគតេ សត្ត, អវិគតេ តីណិ។

    90. Nahetupaccayā ārammaṇe nava, adhipatiyā pañca, anantare satta, samanantare satta, sahajāte tīṇi, aññamaññe tīṇi, nissaye tīṇi, upanissaye nava, āsevane tīṇi , kamme aṭṭha, vipāke tīṇi, āhāre tīṇi, indriye tīṇi, jhāne tīṇi, magge tīṇi, sampayutte tīṇi, atthiyā tīṇi, natthiyā satta, vigate satta, avigate tīṇi.

    តិកំ

    Tikaṃ

    នហេតុបច្ចយា នអារម្មណបច្ចយា អធិបតិយា តីណិ, អនន្តរេ សត្ត…បេ.… អវិគតេ តីណិ…បេ.…។

    Nahetupaccayā naārammaṇapaccayā adhipatiyā tīṇi, anantare satta…pe… avigate tīṇi…pe….

    ឆក្កំ

    Chakkaṃ

    នហេតុបច្ចយា នអារម្មណបច្ចយា នអធិបតិបច្ចយា នអនន្តរបច្ចយា នសមនន្តរបច្ចយា សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, កម្មេ អដ្ឋ, វិបាកេ តីណិ…បេ.… អវិគតេ តីណិ…បេ.…។

    Nahetupaccayā naārammaṇapaccayā naadhipatipaccayā naanantarapaccayā nasamanantarapaccayā sahajāte tīṇi, aññamaññe tīṇi, nissaye tīṇi, upanissaye nava, kamme aṭṭha, vipāke tīṇi…pe… avigate tīṇi…pe….

    នវកំ

    Navakaṃ

    នហេតុបច្ចយា នអារម្មណបច្ចយា (មូលកំ សំខិត្តំ) ននិស្សយបច្ចយា ឧបនិស្សយេ នវ, កម្មេ អដ្ឋ…បេ.…។

    Nahetupaccayā naārammaṇapaccayā (mūlakaṃ saṃkhittaṃ) nanissayapaccayā upanissaye nava, kamme aṭṭha…pe….

    ចតុវីសកំ (សឧបនិស្សយំ)

    Catuvīsakaṃ (saupanissayaṃ)

    នហេតុបច្ចយា នអារម្មណបច្ចយា…បេ.… នឧបនិស្សយបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នវិបាកបច្ចយា នអាហារបច្ចយា នឥន្ទ្រិយបច្ចយា នឈានបច្ចយា នមគ្គបច្ចយា នសម្បយុត្តបច្ចយា នវិប្បយុត្តបច្ចយា នោអត្ថិបច្ចយា នោនត្ថិបច្ចយា នោវិគតបច្ចយា នោអវិគតបច្ចយា កម្មេ អដ្ឋ។

    Nahetupaccayā naārammaṇapaccayā…pe… naupanissayapaccayā napurejātapaccayā napacchājātapaccayā naāsevanapaccayā navipākapaccayā naāhārapaccayā naindriyapaccayā najhānapaccayā namaggapaccayā nasampayuttapaccayā navippayuttapaccayā noatthipaccayā nonatthipaccayā novigatapaccayā noavigatapaccayā kamme aṭṭha.

    ចតុវីសកំ (សកម្មំ)

    Catuvīsakaṃ (sakammaṃ)

    នហេតុបច្ចយា នអារម្មណបច្ចយា…បេ.… ននិស្សយបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នកម្មបច្ចយា…បេ.… នោវិគតបច្ចយា នោអវិគតបច្ចយា ឧបនិស្សយេ នវ។

    Nahetupaccayā naārammaṇapaccayā…pe… nanissayapaccayā napurejātapaccayā napacchājātapaccayā naāsevanapaccayā nakammapaccayā…pe… novigatapaccayā noavigatapaccayā upanissaye nava.

    នហេតុមូលកំ។

    Nahetumūlakaṃ.

    នអារម្មណទុកំ

    Naārammaṇadukaṃ

    ៩១. នអារម្មណបច្ចយា ហេតុយា តីណិ…បេ.… កម្មេ អដ្ឋ…បេ.… អវិគតេ តីណិ…បេ.…។

    91. Naārammaṇapaccayā hetuyā tīṇi…pe… kamme aṭṭha…pe… avigate tīṇi…pe….

    នោអវិគតទុកំ

    Noavigatadukaṃ

    ៩២. នោអវិគតបច្ចយា អារម្មណេ នវ, អធិបតិយា ចត្តារិ, អនន្តរេ សត្ត, សមនន្តរេ សត្ត, ឧបនិស្សយេ នវ, អាសេវនេ តីណិ, កម្មេ អដ្ឋ, នត្ថិយា សត្ត, វិគតេ សត្ត…បេ.…។

    92. Noavigatapaccayā ārammaṇe nava, adhipatiyā cattāri, anantare satta, samanantare satta, upanissaye nava, āsevane tīṇi, kamme aṭṭha, natthiyā satta, vigate satta…pe….

    ចតុក្កំ

    Catukkaṃ

    នោអវិគតបច្ចយា នហេតុបច្ចយា នអារម្មណបច្ចយា អនន្តរេ សត្ត, សមនន្តរេ សត្ត, ឧបនិស្សយេ នវ, អាសេវនេ តីណិ, កម្មេ អដ្ឋ, នត្ថិយា សត្ត, វិគតេ សត្ត…បេ.…។

    Noavigatapaccayā nahetupaccayā naārammaṇapaccayā anantare satta, samanantare satta, upanissaye nava, āsevane tīṇi, kamme aṭṭha, natthiyā satta, vigate satta…pe….

    ចតុវីសកំ (សឧបនិស្សយំ)

    Catuvīsakaṃ (saupanissayaṃ)

    នោអវិគតបច្ចយា នហេតុបច្ចយា នអារម្មណ-នអធិបតិ-នអនន្តរ-នសមនន្តរនសហជាត-នអញ្ញមញ្ញ-ននិស្សយ-នឧបនិស្សយ-នបុរេជាត-នបច្ឆាជាត-នអាសេវន-នវិបាកនអាហារ-នឥន្ទ្រិយ-នឈាន-នមគ្គ-នសម្បយុត្ត-នវិប្បយុត្ត-នោអត្ថិបច្ចយា នោនត្ថិបច្ចយា នោវិគតបច្ចយា កម្មេ អដ្ឋ។

    Noavigatapaccayā nahetupaccayā naārammaṇa-naadhipati-naanantara-nasamanantaranasahajāta-naaññamañña-nanissaya-naupanissaya-napurejāta-napacchājāta-naāsevana-navipākanaāhāra-naindriya-najhāna-namagga-nasampayutta-navippayutta-noatthipaccayā nonatthipaccayā novigatapaccayā kamme aṭṭha.

    ចតុវីសកំ (សកម្មំ)

    Catuvīsakaṃ (sakammaṃ)

    នោអវិគតបច្ចយា នហេតុបច្ចយា…បេ.… ននិស្សយបច្ចយា នបុរេជាតបច្ចយា…បេ.… នកម្មបច្ចយា…បេ.… នោវិគតបច្ចយា ឧបនិស្សយេ នវ។

    Noavigatapaccayā nahetupaccayā…pe… nanissayapaccayā napurejātapaccayā…pe… nakammapaccayā…pe… novigatapaccayā upanissaye nava.

    (យថា កុសលត្តិកស្ស បច្ចនីយានុលោមគណនា សជ្ឈាយមគ្គេន គណិតា, ឯវំ គណេតព្ពំ។)

    (Yathā kusalattikassa paccanīyānulomagaṇanā sajjhāyamaggena gaṇitā, evaṃ gaṇetabbaṃ.)

    បច្ចនីយានុលោមំ។

    Paccanīyānulomaṃ.

    វេទនាត្តិកំ និដ្ឋិតំ។

    Vedanāttikaṃ niṭṭhitaṃ.




    Next: ៣. វិបាកត្តិកំ • 3. Vipākattikaṃ




    Footnotes:
    1. ផរុសំ ភណតិ, សម្ផំ បលបតិ (សី. ស្យា.)
    2. pharusaṃ bhaṇati, samphaṃ palapati (sī. syā.)
    3. នានាខណិកា (ក.)
    4. nānākhaṇikā (ka.)
    5. គហេតព្ពំ (ស្យា.)
    6. gahetabbaṃ (syā.)



    Related texts:



    អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ២. វេទនាត្តិកវណ្ណនា • 2. Vedanāttikavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact