| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. взд̣̇анаад̇д̇игаван̣н̣анаа
2. Vedanāttikavaṇṇanā
1. взд̣̇анааруубаниб̣б̣аанаани бана д̇игамуд̇д̇агаани бадижжаад̣̇инияамам̣ бажжаяуббаннаважанан̃жа на лабханд̇и. бадижжаваараад̣̇ийсу бана часу яад̇о хзд̇убажжаяаад̣̇ид̇о д̇игад̇хаммаанам̣ уббад̇д̇и вуд̇д̇аа, д̇ад̇т̇а яат̇аануруубад̇о аарамман̣аад̣̇ибажжаяабхаавзна лаб̣бханд̇ийд̇и взд̣̇ид̇аб̣б̣аанийд̇и.
1. Vedanārūpanibbānāni pana tikamuttakāni paṭiccādiniyamaṃ paccayuppannavacanañca na labhanti. Paṭiccavārādīsu pana chasu yato hetupaccayādito tikadhammānaṃ uppatti vuttā, tattha yathānurūpato ārammaṇādipaccayabhāvena labbhantīti veditabbānīti.
10. саб̣б̣ааруубад̇хаммабариг̇г̇аахагаа бана сахаж̇аад̇аад̣̇аяо бажжаяаад̇и иминаа гусалад̇д̇игзби барихийнам̣ сахаж̇аад̇ам̣ руубааруубад̇хаммабариг̇г̇аахагад̇д̇аа аад̣̇имхи табзд̇ваа аад̣̇исад̣̇д̣̇зна саб̣б̣ааруубад̇хаммабариг̇г̇аахагаважанзна жа бажжаяуббаннавасзна саб̣б̣ааруубад̇хаммабариг̇г̇аахагаанам̣ аарамман̣аад̣̇ийнам̣ барихааним̣ д̣̇ассзд̇ийд̇и д̣̇адтаб̣б̣ам̣. д̇зна гусалад̇д̇игабарихийнаанам̣ саб̣б̣адтаанигаанам̣ жад̇уннам̣ саб̣б̣ад̇игаад̣̇ийсу барихаани д̣̇ассид̇аа ход̇и. бажчааж̇аад̇абажжаяан̃жа винаава уббад̇д̇ид̇од̇и зд̇зна бана бажчааж̇аад̇абажжаяасса ануломз барихааним̣, бажжанийяз жа лаабхам̣ д̣̇ассзд̇и. сахаж̇аад̇аад̣̇аяод̇и ваа сахаж̇аад̇амуулагаа сахаж̇аад̇аниб̣анд̇ханаа бадижжаад̣̇им̣ паранд̇зхи сахаж̇аад̇ад̇хаммзхи винаа бажжаяаа ахонд̇аад̇и вуд̇д̇ам̣ ход̇и. гасмаа бана сахаж̇аад̇аниб̣анд̇ханаа саб̣б̣ааруубад̇хаммабариг̇г̇аахагаа жа яз, д̇зва барихааяанд̇и , на бана яо сахаж̇аад̇ааниб̣анд̇хано саб̣б̣ааруубад̇хаммабариг̇г̇аахаго жа на ход̇и, со бажчааж̇аад̇од̇и д̇ад̇т̇а гааран̣ам̣ вад̣̇анд̇о ‘‘сахаж̇аад̇аад̣̇ийхи винаа ануббад̇д̇ид̇о бажчааж̇аад̇абажжаяан̃жа винаава уббад̇д̇ид̇о’’д̇и ааха. д̇ад̇т̇а сахаж̇аад̇аад̣̇ийхи винаад̇и сахаж̇аад̇аниб̣анд̇ханзхи саб̣б̣ааруубад̇хаммабариг̇г̇аахагзхи жа винаад̇и ад̇т̇о. ат̇а ваа сахаж̇аад̇аниб̣анд̇ханаанамзва барихаани, на бажчааж̇аад̇асса сахаж̇аад̇ааниб̣анд̇ханассаад̇и зд̇т̇зва гааран̣ам̣ вад̣̇анд̇о ‘‘сахаж̇аад̇аад̣̇ийхи винаа ануббад̇д̇ид̇о бажчааж̇аад̇абажжаяан̃жа винаава уббад̇д̇ид̇о’’д̇и ааха. сахаж̇аад̇аниб̣анд̇ханааби бана саб̣б̣ааруубад̇хаммабариг̇г̇аахагааязва барихааяанд̇ийд̇и д̣̇ассид̇амзд̇анд̇и.
10. Sabbaarūpadhammapariggāhakā pana sahajātādayo paccayāti iminā kusalattikepi parihīnaṃ sahajātaṃ rūpārūpadhammapariggāhakattā ādimhi ṭhapetvā ādisaddena sabbārūpadhammapariggāhakavacanena ca paccayuppannavasena sabbaarūpadhammapariggāhakānaṃ ārammaṇādīnaṃ parihāniṃ dassetīti daṭṭhabbaṃ. Tena kusalattikaparihīnānaṃ sabbaṭṭhānikānaṃ catunnaṃ sabbatikādīsu parihāni dassitā hoti. Pacchājātapaccayañca vināva uppattitoti etena pana pacchājātapaccayassa anulome parihāniṃ, paccanīye ca lābhaṃ dasseti. Sahajātādayoti vā sahajātamūlakā sahajātanibandhanā paṭiccādiṃ pharantehi sahajātadhammehi vinā paccayā ahontāti vuttaṃ hoti. Kasmā pana sahajātanibandhanā sabbārūpadhammapariggāhakā ca ye, teva parihāyanti , na pana yo sahajātānibandhano sabbārūpadhammapariggāhako ca na hoti, so pacchājātoti tattha kāraṇaṃ vadanto ‘‘sahajātādīhi vinā anuppattito pacchājātapaccayañca vināva uppattito’’ti āha. Tattha sahajātādīhi vināti sahajātanibandhanehi sabbārūpadhammapariggāhakehi ca vināti attho. Atha vā sahajātanibandhanānameva parihāni, na pacchājātassa sahajātānibandhanassāti ettheva kāraṇaṃ vadanto ‘‘sahajātādīhi vinā anuppattito pacchājātapaccayañca vināva uppattito’’ti āha. Sahajātanibandhanāpi pana sabbaarūpadhammapariggāhakāyeva parihāyantīti dassitametanti.
17. навибаагзби зсзва наяод̇и наяад̣̇ассанамзва гарод̇и, на жа бажжаяабажжаяуббаннасааман̃н̃ад̣̇ассанам̣. сукааяа хи ад̣̇угкамасукааяа жа взд̣̇анааяа самбаяуд̇д̇з д̇хаммз бадижжа д̇аахи взд̣̇анаахи самбаяуд̇д̇аа ахзд̇угагирияад̇хаммаа вижигижчуд̣̇д̇хажжасахаж̇аад̇амохо жаад̇и аяан̃хзд̇т̇а наяод̇и. навиббаяуд̇д̇з зганд̇и ааруббз ааваж̇ж̇анавасзна вуд̇д̇анд̇и ид̣̇ам̣ ааваж̇ж̇анаахзд̇угамохаанам̣ васзна вуд̇д̇анд̇и д̣̇адтаб̣б̣ам̣.
17. Navipākepi eseva nayoti nayadassanameva karoti, na ca paccayapaccayuppannasāmaññadassanaṃ. Sukhāya hi adukkhamasukhāya ca vedanāya sampayutte dhamme paṭicca tāhi vedanāhi sampayuttā ahetukakiriyadhammā vicikicchuddhaccasahajātamoho cāti ayañhettha nayoti. Navippayutte ekanti āruppe āvajjanavasena vuttanti idaṃ āvajjanāhetukamohānaṃ vasena vuttanti daṭṭhabbaṃ.
25-37. ануломабажжанийяз яат̇аа гусалад̇д̇игам̣, звам̣ г̇ан̣зд̇аб̣б̣анд̇и хзд̇умуулагаад̣̇ийнам̣ наяаанам̣ згамуулагад̣̇вимуулагаад̣̇ивасзна жа яож̇зд̇ваа г̇ахзд̇аб̣б̣ад̇аасааман̃н̃ам̣ санд̇хааяа вуд̇д̇ам̣, на г̇ан̣анасааман̃н̃ам̣. ид̇о барзсуби зваруубзсу зсзва наяо. ахзд̇угасса бана жид̇д̇уббаад̣̇ассаад̇иаад̣̇и нахзд̇умуулагам̣ санд̇хааяа вуд̇д̇ам̣, ‘‘ахзд̇угасса бана жид̇д̇уббаад̣̇асса мохасса жаа’’д̇и банзд̇т̇а вад̇д̇аб̣б̣ам̣. мохасса жааби хи ахзд̇угасса ад̇хибад̇иабхаавад̇о ад̇хибад̇ино нахзд̇умуулагз ануломад̇о адтаананд̇и. баривад̇д̇зд̇ваабийд̇и нахзд̇убажжаяаа наад̇хибад̇ибажжаяаа аарамман̣з д̇ийн̣ийд̇и звам̣ бурад̇о тид̇амби аарамман̣аад̣̇им̣ бажчад̇о яож̇зд̇ваад̇и ад̇т̇о.
25-37. Anulomapaccanīye yathā kusalattikaṃ, evaṃ gaṇetabbanti hetumūlakādīnaṃ nayānaṃ ekamūlakadvimūlakādivasena ca yojetvā gahetabbatāsāmaññaṃ sandhāya vuttaṃ, na gaṇanasāmaññaṃ. Ito paresupi evarūpesu eseva nayo. Ahetukassa pana cittuppādassātiādi nahetumūlakaṃ sandhāya vuttaṃ, ‘‘ahetukassa pana cittuppādassa mohassa cā’’ti panettha vattabbaṃ. Mohassa cāpi hi ahetukassa adhipatiabhāvato adhipatino nahetumūlake anulomato aṭṭhānanti. Parivattetvāpīti nahetupaccayā naadhipatipaccayā ārammaṇe tīṇīti evaṃ purato ṭhitampi ārammaṇādiṃ pacchato yojetvāti attho.
39. бан̃хааваарз д̣̇оманассам̣ уббаж̇ж̇ад̇ийд̇и зд̇зна д̇ам̣самбаяуд̇д̇з д̣̇ассзд̇и. убаниссаяавибхан̇г̇з ‘‘сад̣̇д̇хаабан̃жагзсу маанам̣ ж̇аббзд̇и д̣̇идтим̣ г̇ан̣хаад̇ийд̇и гад̇д̇аб̣б̣ам̣, авасзсзсу на гад̇д̇аб̣б̣а’’нд̇и ид̣̇ам̣ баатаг̇ад̇ид̣̇ассанад̇т̇ам̣ вуд̇д̇ам̣, на бана рааг̇аад̣̇ийхи маанад̣̇идтийнам̣ ануббад̇д̇ид̇о. гусалад̇д̇игзби хи рааг̇аад̣̇ийсу ‘‘маанам̣ ж̇аббзд̇и д̣̇идтим̣ г̇ан̣хаад̇ий’’д̇и баал̣и на вуд̇д̇аа, ‘‘рааг̇о д̣̇осо мохо маано д̣̇идти бад̇т̇анаа рааг̇асса д̣̇осасса мохасса маанасса д̣̇идтияаа бад̇т̇анааяа убаниссаяабажжаязна бажжаяо’’д̇и (бадтаа. 1.2.53) бана рааг̇аад̣̇ийнам̣ маанад̣̇идтиубаниссаяабхааво вуд̇д̇о. д̇ат̇аа ид̇хааби д̣̇адтаб̣б̣анд̇и . ‘‘сукааяа взд̣̇анааяа самбаяуд̇д̇зна бана жид̇д̇зна г̇аамагхаад̇ам̣ ниг̇амагхаад̇ам̣ гарод̇ий’’д̇и соманассасамбаяуд̇д̇алобхасахаг̇ад̇ажид̇д̇зна г̇ааманиг̇амавилуббанам̣ санд̇хааяа вуд̇д̇ам̣.
39. Pañhāvāre domanassaṃ uppajjatīti etena taṃsampayutte dasseti. Upanissayavibhaṅge ‘‘saddhāpañcakesu mānaṃ jappeti diṭṭhiṃ gaṇhātīti kattabbaṃ, avasesesu na kattabba’’nti idaṃ pāṭhagatidassanatthaṃ vuttaṃ, na pana rāgādīhi mānadiṭṭhīnaṃ anuppattito. Kusalattikepi hi rāgādīsu ‘‘mānaṃ jappeti diṭṭhiṃ gaṇhātī’’ti pāḷi na vuttā, ‘‘rāgo doso moho māno diṭṭhi patthanā rāgassa dosassa mohassa mānassa diṭṭhiyā patthanāya upanissayapaccayena paccayo’’ti (paṭṭhā. 1.2.53) pana rāgādīnaṃ mānadiṭṭhiupanissayabhāvo vutto. Tathā idhāpi daṭṭhabbanti . ‘‘Sukhāya vedanāya sampayuttena pana cittena gāmaghātaṃ nigamaghātaṃ karotī’’ti somanassasampayuttalobhasahagatacittena gāmanigamaviluppanaṃ sandhāya vuttaṃ.
62. суд̣̇д̇хаананд̇и бажжаяабажжаяуббаннабад̣̇аанам̣ анан̃н̃ад̇д̇ам̣ д̣̇ассзд̇и. бурзж̇аад̇абажчааж̇аад̇аа банзд̇т̇а на виж̇ж̇анд̇и. на хи бурзж̇аад̇аа бажчааж̇аад̇аа ваа аруубад̇хаммаа аруубад̇хаммаанам̣ бажжаяаа хонд̇ийд̇и зд̇т̇а бурзж̇аад̇аад̇и имасмим̣ д̇игз вужжамаанаа ад̇хигаараббад̇д̇аа сукааяа взд̣̇анааяа самбаяуд̇д̇аад̣̇аяова аруубад̇хаммаанам̣ бурзж̇аад̇аа худ̇ваа бажжаяаа на хонд̇и бурзж̇аад̇ад̇д̇аабхаавад̇од̇и ад̇хиббааяо, д̇ат̇аа бажчааж̇аад̇ад̇д̇аабхаавад̇о бажчааж̇аад̇аа ваа худ̇ваа на хонд̇ийд̇и.
62. Suddhānanti paccayapaccayuppannapadānaṃ anaññattaṃ dasseti. Purejātapacchājātā panettha na vijjanti.Na hi purejātā pacchājātā vā arūpadhammā arūpadhammānaṃ paccayā hontīti ettha purejātāti imasmiṃ tike vuccamānā adhikārappattā sukhāya vedanāya sampayuttādayova arūpadhammānaṃ purejātā hutvā paccayā na honti purejātattābhāvatoti adhippāyo, tathā pacchājātattābhāvato pacchājātā vā hutvā na hontīti.
63-64. саад̇хибад̇иамохавасзнаад̇и ад̇хибад̇ибхаавасахид̇аамохавасзнаад̇и ад̇т̇о.
63-64. Sādhipatiamohavasenāti adhipatibhāvasahitāmohavasenāti attho.
83-87. нахзд̇убажжаяаа…бз… наубаниссаяз адтаад̇и нахзд̇убажжаяаа наарамман̣абажжаяаа наубаниссаяз адтаад̇и звам̣ сан̇кибид̇ваа уд̣̇д̇харад̇и. наанаагкан̣игагаммабажжаяавасзна взд̣̇ид̇аб̣б̣аад̇и ид̣̇ам̣ ‘‘д̣̇угкааяа взд̣̇анааяа самбаяуд̇д̇о сукааяа взд̣̇анааяа самбаяуд̇д̇ассаа’’д̇и зд̇ам̣ важ̇ж̇зд̇ваа авасзсзсу адтасуби наанаагкан̣игагаммабажжаяасамбхавам̣ санд̇хааяа вуд̇д̇ам̣. на хи сахаж̇аад̇абажжаяо адтасуби лаб̣бхад̇и, ат̇а ко д̇ийсвзваад̇и.
83-87. Nahetupaccayā…pe… naupanissaye aṭṭhāti nahetupaccayā nārammaṇapaccayā naupanissaye aṭṭhāti evaṃ saṅkhipitvā uddharati. Nānākkhaṇikakammapaccayavasena veditabbāti idaṃ ‘‘dukkhāya vedanāya sampayutto sukhāya vedanāya sampayuttassā’’ti etaṃ vajjetvā avasesesu aṭṭhasupi nānākkhaṇikakammapaccayasambhavaṃ sandhāya vuttaṃ. Na hi sahajātapaccayo aṭṭhasupi labbhati, atha kho tīsvevāti.
взд̣̇анаад̇д̇игаван̣н̣анаа нидтид̇аа.
Vedanāttikavaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. взд̣̇анаад̇д̇игаван̣н̣анаа • 2. Vedanāttikavaṇṇanā
