| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
2. взд̣̇анаад̇д̇игаван̣н̣анаа
2. Vedanāttikavaṇṇanā
1. взд̣̇анаад̇д̇игз бадижжаад̣̇инияаманд̇и д̇игабад̣̇асамб̣анд̇хавасзна бадижжаваараад̣̇ийсу вад̇д̇аб̣б̣ам̣ бадижжасахаж̇аад̇адтаад̣̇инияаманам̣ на лабханд̇и взд̣̇анааруубаниб̣б̣аанаани. гасмаа? д̇игамуд̇д̇агад̇д̇аа. д̇ат̇аа бажжаяуббаннаважанам̣. на хи саггаа вад̇д̇ум̣ взд̣̇анам̣ руубам̣ ниб̣б̣аанан̃жа санд̇хааяа ‘‘сукааяа взд̣̇анааяа самбаяуд̇д̇ам̣ д̇хаммам̣ бадижжа сукааяа взд̣̇анааяа самбаяуд̇д̇о уббаж̇ж̇ад̇ий’’д̇и. д̇игад̇хаммаананд̇и взд̣̇анаад̇д̇игад̇хаммаанам̣. д̇ад̇т̇аад̇и хзд̇убажжаяаад̣̇ийсу. яат̇аануруубад̇од̇и взд̣̇анаад̣̇ийсу яо яасса взд̣̇анааяа самбаяуд̇д̇ад̇хаммасса аарамман̣аад̣̇ибажжаяо бхавид̇ум̣ яуд̇д̇о, д̇ад̣̇ануруубад̇о. аарамман̣аад̣̇ийд̇и аад̣̇и-сад̣̇д̣̇зна аарамман̣аад̇хибад̇иаарамман̣уубаниссаяаад̣̇игз сан̇г̇ан̣хаад̇и.
1. Vedanāttike paṭiccādiniyamanti tikapadasambandhavasena paṭiccavārādīsu vattabbaṃ paṭiccasahajātaṭṭhādiniyamanaṃ na labhanti vedanārūpanibbānāni. Kasmā? Tikamuttakattā. Tathā paccayuppannavacanaṃ. Na hi sakkā vattuṃ vedanaṃ rūpaṃ nibbānañca sandhāya ‘‘sukhāya vedanāya sampayuttaṃ dhammaṃ paṭicca sukhāya vedanāya sampayutto uppajjatī’’ti. Tikadhammānanti vedanāttikadhammānaṃ. Tatthāti hetupaccayādīsu. Yathānurūpatoti vedanādīsu yo yassa vedanāya sampayuttadhammassa ārammaṇādipaccayo bhavituṃ yutto, tadanurūpato. Ārammaṇādīti ādi-saddena ārammaṇādhipatiārammaṇūpanissayādike saṅgaṇhāti.
10. гусалад̇д̇игзби барихийнанд̇и ид̣̇ам̣ бажжанийяам̣ санд̇хааяа вуд̇д̇ам̣. руубааруубад̇хаммабариг̇г̇аахагад̇д̇аад̇и ид̣̇ам̣ анаад̣̇ибхууд̇ассаби сахаж̇аад̇асса аад̣̇имхи табанз гааран̣аважанам̣. аад̣̇и-сад̣̇д̣̇знаад̇и ‘‘сахаж̇аад̇аад̣̇аяо’’д̇и зд̇т̇а аад̣̇и-сад̣̇д̣̇зна. яат̇аарахам̣ аараб̣бха уббад̇д̇ивасзна саб̣б̣з аруубад̇хаммаа аарамман̣аад̣̇ийнам̣ бажжаяуббаннаа хонд̇ийд̇и вуд̇д̇ам̣ ‘‘бажжаяуббаннавасзна саб̣б̣ааруубад̇хаммабариг̇г̇аахагаанам̣ аарамман̣аад̣̇ийна’’нд̇и. аад̣̇и-сад̣̇д̣̇зна аарамман̣аад̇хибад̇иаарамман̣уубаниссаяаад̣̇игз сан̇г̇ан̣хаад̇и. д̇знаад̇и ‘‘саб̣б̣ааруубад̇хаммабариг̇г̇аахагаа банаа’’д̇иаад̣̇иважанзна. саб̣б̣адтаанигаанам̣…бз… д̣̇ассид̇аа ход̇и сахаж̇аад̇ад̣̇ассанзнаад̇и ад̇т̇о. згад̣̇зсабарихаанид̣̇ассанзнзва хи самуд̣̇ааяабарихаани д̣̇ассид̇аа ход̇ийд̇и. сахаж̇аад̇аад̣̇аяод̇и ваа аад̣̇и-сад̣̇д̣̇зна саб̣б̣адтаанигаа жад̇д̇аароби д̣̇ассид̇аа хонд̇ийд̇и. сахаж̇аад̇амуулагаад̇и сахаж̇аад̇абажжаяз сад̇и бхаванд̇аа на сахаж̇аад̇ам̣ бурад̇о гад̇ваа баал̣ияам̣ ааг̇ад̇аа. д̇знааха ‘‘сахаж̇аад̇аниб̣анд̇ханаа…бз… вуд̇д̇ам̣ ход̇ий’’д̇и. со бажчааж̇аад̇о гасмаа бана на барихааяад̇ийд̇и самб̣анд̇хо. д̇ад̇т̇аад̇и яат̇аавуд̇д̇ааяа барихаанияам̣ абарихаанияан̃жа. сахаж̇аад̇аниб̣анд̇ханзхийд̇и сахаж̇аад̇ад̇хамманимид̇д̇зхи бажжаяабхаавзхи ид̇ха бажжаяад̇хаммахзд̇уго вуд̇д̇о. зд̇т̇зваад̇и барихаанияам̣язва. саа хи ид̇ха ад̇хигад̇аа. сахаж̇аад̇аниб̣анд̇ханаанамзва барихаанийд̇и вуд̇д̇з ‘‘гим̣ саб̣б̣зсам̣язва нзсам̣ барихааний’’д̇и аасан̇гааяа ааха ‘‘сахаж̇аад̇а…бз… д̣̇ассид̇амзд̇а’’нд̇и.
10. Kusalattikepi parihīnanti idaṃ paccanīyaṃ sandhāya vuttaṃ. Rūpārūpadhammapariggāhakattāti idaṃ anādibhūtassapi sahajātassa ādimhi ṭhapane kāraṇavacanaṃ. Ādi-saddenāti ‘‘sahajātādayo’’ti ettha ādi-saddena. Yathārahaṃ ārabbha uppattivasena sabbe arūpadhammā ārammaṇādīnaṃ paccayuppannā hontīti vuttaṃ ‘‘paccayuppannavasena sabbārūpadhammapariggāhakānaṃ ārammaṇādīna’’nti. Ādi-saddena ārammaṇādhipatiārammaṇūpanissayādike saṅgaṇhāti. Tenāti ‘‘sabbārūpadhammapariggāhakā panā’’tiādivacanena. Sabbaṭṭhānikānaṃ…pe… dassitā hoti sahajātadassanenāti attho. Ekadesaparihānidassaneneva hi samudāyaparihāni dassitā hotīti. Sahajātādayoti vā ādi-saddena sabbaṭṭhānikā cattāropi dassitā hontīti. Sahajātamūlakāti sahajātapaccaye sati bhavantā na sahajātaṃ purato katvā pāḷiyaṃ āgatā. Tenāha ‘‘sahajātanibandhanā…pe… vuttaṃ hotī’’ti. So pacchājāto kasmā pana na parihāyatīti sambandho. Tatthāti yathāvuttāya parihāniyaṃ aparihāniyañca. Sahajātanibandhanehīti sahajātadhammanimittehi paccayabhāvehi idha paccayadhammahetuko vutto. Etthevāti parihāniyaṃyeva. Sā hi idha adhikatā. Sahajātanibandhanānameva parihānīti vutte ‘‘kiṃ sabbesaṃyeva nesaṃ parihānī’’ti āsaṅkāya āha ‘‘sahajāta…pe… dassitameta’’nti.
17. наяад̣̇ассанамзва гарод̇ийд̇и яат̇аа ахзд̇угагирияажзд̇анам̣ санд̇хааяа ‘‘нахзд̇убажжаяаа нагаммабажжаяаа’’д̇и вад̇д̇ум̣ лаб̣бхаа, звам̣ навибаагабажжаяаад̇иби лаб̣бхаа. ахзд̇угамохам̣ бана санд̇хааяа ‘‘нахзд̇убажжаяаа навибаагабажжаяаа’’д̇и лаб̣бхаа, на ‘‘нагаммабажжаяаа’’д̇и. д̇знааха ‘‘на жа бажжаяабажжаяуббаннад̇хаммасааман̃н̃ад̣̇ассана’’нд̇иаад̣̇и.
17. Nayadassanameva karotīti yathā ahetukakiriyacetanaṃ sandhāya ‘‘nahetupaccayā nakammapaccayā’’ti vattuṃ labbhā, evaṃ navipākapaccayātipi labbhā. Ahetukamohaṃ pana sandhāya ‘‘nahetupaccayā navipākapaccayā’’ti labbhā, na ‘‘nakammapaccayā’’ti. Tenāha ‘‘na ca paccayapaccayuppannadhammasāmaññadassana’’ntiādi.
25-37. яат̇аа гусалад̇д̇игам̣, звам̣ г̇ан̣зд̇аб̣б̣анд̇и ид̣̇ам̣ яам̣ санд̇хааяа баал̣ияам̣ нигкид̇д̇ам̣, д̇ам̣ д̣̇ассзд̇ум̣ вуд̇д̇ам̣ ‘‘хзд̇умуулагаанам̣…бз… наг̇ан̣анасааман̃н̃а’’нд̇и. на хи гусалад̇д̇игз ануломабажжанийяз г̇ан̣анаахи взд̣̇анаад̇д̇игз д̇аа самаанаа. баривад̇д̇зд̇вааби яож̇ид̇аад̇и зд̇т̇а ‘‘нахзд̇убажжаяаа набурзж̇аад̇абажжаяаа аарамман̣з зга’’нд̇и аарамман̣ам̣ батамам̣ вад̇ваа вад̇д̇аб̣б̣амби бурзж̇аад̇ам̣ баривад̇д̇зд̇ваа батамам̣ вуд̇д̇анд̇и вад̣̇анд̇и. д̇ат̇аа нахзд̇убажжаяаа гаммз д̇ийн̣ийд̇и ид̣̇амзва бад̣̇ам̣ баривад̇д̇зд̇ваа ‘‘нагаммабажжаяаа хзд̇уяаа д̇ийн̣ийд̇и вуд̇д̇а’’нд̇иби вад̣̇анд̇и.
25-37. Yathā kusalattikaṃ, evaṃ gaṇetabbanti idaṃ yaṃ sandhāya pāḷiyaṃ nikkhittaṃ, taṃ dassetuṃ vuttaṃ ‘‘hetumūlakānaṃ…pe… nagaṇanasāmañña’’nti. Na hi kusalattike anulomapaccanīye gaṇanāhi vedanāttike tā samānā. Parivattetvāpi yojitāti ettha ‘‘nahetupaccayā napurejātapaccayā ārammaṇe eka’’nti ārammaṇaṃ paṭhamaṃ vatvā vattabbampi purejātaṃ parivattetvā paṭhamaṃ vuttanti vadanti. Tathā nahetupaccayā kamme tīṇīti idameva padaṃ parivattetvā ‘‘nakammapaccayā hetuyā tīṇīti vutta’’ntipi vadanti.
39. д̇ам̣самбаяуд̇д̇зд̇и д̇зна д̣̇оманассзна самбаяуд̇д̇з. д̣̇оманассасийсзна самбаяуд̇д̇ад̇хаммаа вуд̇д̇аа. сад̣̇д̇хаабан̃жагзсууд̇и сад̣̇д̇хаасийласуд̇ажааг̇абан̃н̃аасу. гад̇д̇аб̣б̣анд̇и ваа яож̇анаа гаад̇аб̣б̣аад̇и ад̇т̇о. авасзсзсууд̇и рааг̇аад̣̇ийсу. баал̣иг̇ад̇ид̣̇ассанад̇т̇анд̇и ‘‘звам̣ баал̣и бавад̇д̇аа’’д̇и баал̣ияаа бавад̇д̇ид̣̇ассанад̇т̇ам̣. рааг̇аад̣̇ийхи убаниссаяабхууд̇зхи. ануббад̇д̇ид̇од̇и на уббаж̇ж̇анад̇о. д̇ам̣ баал̣иг̇ад̇им̣ д̇иганд̇арабаал̣ияаа д̣̇ассзнд̇о ‘‘гусалад̇д̇игзбихий’’д̇иаад̣̇имааха. ид̇хаабийд̇и имасмим̣ взд̣̇анаад̇д̇игзби.
39. Taṃsampayutteti tena domanassena sampayutte. Domanassasīsena sampayuttadhammā vuttā. Saddhāpañcakesūti saddhāsīlasutacāgapaññāsu. Kattabbanti vā yojanā kātabbāti attho. Avasesesūti rāgādīsu. Pāḷigatidassanatthanti ‘‘evaṃ pāḷi pavattā’’ti pāḷiyā pavattidassanatthaṃ. Rāgādīhi upanissayabhūtehi. Anuppattitoti na uppajjanato. Taṃ pāḷigatiṃ tikantarapāḷiyā dassento ‘‘kusalattikepihī’’tiādimāha. Idhāpīti imasmiṃ vedanāttikepi.
62. анан̃н̃ад̇д̇анд̇и абхзд̣̇ам̣. сукавзд̣̇анаасамбаяуд̇д̇о хи д̇хаммо сукавзд̣̇анаасамбаяуд̇д̇ассзва д̇хаммасса хзд̇убажжаязна бажжаяо, на ид̇арзсам̣. зса наяо сзсабад̣̇зсу сзсзсу жа ‘‘д̇ийн̣ий’’д̇и ааг̇ад̇адтаанзсу. д̇зна вуд̇д̇ам̣ ‘‘саб̣б̣аани д̇ийн̣и суд̣̇д̇хаанам̣ д̇ин̣н̣ам̣ бад̣̇аанам̣ васзна взд̣̇ид̇аб̣б̣ааний’’д̇и. ‘‘бажчааж̇аад̇аа аруубад̇хаммаанам̣ бажжаяо на хонд̇ий’’д̇и яуд̇д̇амзд̇ам̣, бурзж̇аад̇аа бана аруубад̇хаммаанам̣ бажжаяаа на хонд̇ийд̇и гат̇амид̣̇ам̣ г̇ахзд̇аб̣б̣анд̇и жод̣̇анам̣ санд̇хааяааха ‘‘бурзж̇аад̇аа’’д̇иаад̣̇и, бурзж̇аад̇аа худ̇ваа бажжаяо на хонд̇ийд̇и ад̇т̇о. буримад̇арам̣ уббаж̇ж̇ид̇ваа тид̇аа хи руубад̇хаммаа бажчаа уббаннаанам̣ аруубад̇хаммаанам̣ бурзж̇аад̇абажжаяо хонд̇и, на жааяам̣ наяо аруубад̇хаммзсу лаб̣бхад̇и. д̇зна вуд̇д̇ам̣ ‘‘бурзж̇аад̇ад̇д̇аабхаавад̇о’’д̇и. д̇ат̇аа бажчааж̇аад̇ад̇д̇аабхаавад̇од̇и яат̇аа имасмим̣ д̇игз гассажи д̇хаммасса бурзж̇аад̇ад̇д̇аабхаавад̇о бурзж̇аад̇абажжаяо на хонд̇ийд̇и вуд̇д̇ам̣, д̇ат̇аа бажчааж̇аад̇ад̇д̇аабхаавад̇о бажчааж̇аад̇аа худ̇ваа бажжаяо на хонд̇и, бажчааж̇аад̇абажжаяо на хонд̇ийд̇и ад̇т̇о. на хи згасмим̣ санд̇аанз гзсужи аруубад̇хаммзсу батамад̇арам̣ уббаж̇ж̇ид̇ваа тид̇зсу бажчаа гзжи аруубад̇хаммаа уббаж̇ж̇анд̇и, яад̇о д̇з д̇зсам̣ бажчааж̇аад̇абажжаяо бхавзяяум̣.
62. Anaññattanti abhedaṃ. Sukhavedanāsampayutto hi dhammo sukhavedanāsampayuttasseva dhammassa hetupaccayena paccayo, na itaresaṃ. Esa nayo sesapadesu sesesu ca ‘‘tīṇī’’ti āgataṭṭhānesu. Tena vuttaṃ ‘‘sabbāni tīṇi suddhānaṃ tiṇṇaṃ padānaṃ vasena veditabbānī’’ti. ‘‘Pacchājātā arūpadhammānaṃ paccayo na hontī’’ti yuttametaṃ, purejātā pana arūpadhammānaṃ paccayā na hontīti kathamidaṃ gahetabbanti codanaṃ sandhāyāha ‘‘purejātā’’tiādi, purejātā hutvā paccayo na hontīti attho. Purimataraṃ uppajjitvā ṭhitā hi rūpadhammā pacchā uppannānaṃ arūpadhammānaṃ purejātapaccayo honti, na cāyaṃ nayo arūpadhammesu labbhati. Tena vuttaṃ ‘‘purejātattābhāvato’’ti. Tathā pacchājātattābhāvatoti yathā imasmiṃ tike kassaci dhammassa purejātattābhāvato purejātapaccayo na hontīti vuttaṃ, tathā pacchājātattābhāvato pacchājātā hutvā paccayo na honti, pacchājātapaccayo na hontīti attho. Na hi ekasmiṃ santāne kesuci arūpadhammesu paṭhamataraṃ uppajjitvā ṭhitesu pacchā keci arūpadhammā uppajjanti, yato te tesaṃ pacchājātapaccayo bhaveyyuṃ.
83-87. авасзсзсу адтасууд̇и ‘‘сукааяа взд̣̇анааяа самбаяуд̇д̇о д̇хаммо’’д̇иаад̣̇инаа згамуулагзгаавасаанаа яз нава нава ваараа аарамман̣абажжаяаад̣̇ийсу лаб̣бханд̇и, д̇зсу яат̇аавуд̇д̇амзгам̣ важ̇ж̇зд̇ваа сзсзсу адтасу. д̇ийсвзваад̇и суд̣̇д̇хзсу д̇ийсвзва сахаж̇аад̇агаммабажжаяо лаб̣бхад̇и.
83-87. Avasesesu aṭṭhasūti ‘‘sukhāya vedanāya sampayutto dhammo’’tiādinā ekamūlakekāvasānā ye nava nava vārā ārammaṇapaccayādīsu labbhanti, tesu yathāvuttamekaṃ vajjetvā sesesu aṭṭhasu. Tīsvevāti suddhesu tīsveva sahajātakammapaccayo labbhati.
взд̣̇анаад̇д̇игаван̣н̣анаа нидтид̇аа.
Vedanāttikavaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. взд̣̇анаад̇д̇игаван̣н̣анаа • 2. Vedanāttikavaṇṇanā
