| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. เวทิการกเตฺถรอปทานํ
9. Vedikārakattheraapadānaṃ
๖๑.
61.
‘‘ปทุมุตฺตรสฺส ภควโต, โพธิยา ปาทปุตฺตเม;
‘‘Padumuttarassa bhagavato, bodhiyā pādaputtame;
เวทิกํ สุกตํ กตฺวา, สกํ จิตฺตํ ปสาทยิํฯ
Vedikaṃ sukataṃ katvā, sakaṃ cittaṃ pasādayiṃ.
๖๒.
62.
อนฺตลิกฺขา ปวสฺสนฺติ, เวทิกาย อิทํ ผลํฯ
Antalikkhā pavassanti, vedikāya idaṃ phalaṃ.
๖๓.
63.
‘‘อุภโต พฺยูฬฺหสงฺคาเม, ปกฺขนฺทโนฺต ภยานเก;
‘‘Ubhato byūḷhasaṅgāme, pakkhandanto bhayānake;
ภยเภรวํ น ปสฺสามิ, เวทิกาย อิทํ ผลํฯ
Bhayabheravaṃ na passāmi, vedikāya idaṃ phalaṃ.
๖๔.
64.
‘‘มม สงฺกปฺปมญฺญาย, พฺยมฺหํ นิพฺพตฺตเต สุภํ;
‘‘Mama saṅkappamaññāya, byamhaṃ nibbattate subhaṃ;
สยนานิ มหคฺฆานิ, เวทิกาย อิทํ ผลํฯ
Sayanāni mahagghāni, vedikāya idaṃ phalaṃ.
๖๕.
65.
‘‘สตสหสฺสิโต กเปฺป, ยํ เวทิกมการยิํ;
‘‘Satasahassito kappe, yaṃ vedikamakārayiṃ;
ทุคฺคติํ นาภิชานามิ, เวทิกาย อิทํ ผลํฯ
Duggatiṃ nābhijānāmi, vedikāya idaṃ phalaṃ.
๖๖.
66.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๖๗.
67.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๖๘.
68.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เวทิการโก เถโร อิมา คาถาโย
Itthaṃ sudaṃ āyasmā vedikārako thero imā gāthāyo
อภาสิตฺถาติฯ
Abhāsitthāti.
เวทิการกเตฺถรสฺสาปทานํ นวมํฯ
Vedikārakattherassāpadānaṃ navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๖๐. สกิํสมฺมชฺชกเตฺถรอปทานาทิวณฺณนา • 1-60. Sakiṃsammajjakattheraapadānādivaṇṇanā
