| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. වෙදිකාරකත්ථෙරඅපදානං
5. Vedikārakattheraapadānaṃ
19.
19.
‘‘විපස්සිනො භගවතො, බොධියා පාදපුත්තමෙ;
‘‘Vipassino bhagavato, bodhiyā pādaputtame;
පසන්නචිත්තො සුමනො, කාරෙසිං වෙදිකං අහං.
Pasannacitto sumano, kāresiṃ vedikaṃ ahaṃ.
20.
20.
‘‘එකනවුතිතො කප්පෙ, කාරෙසිං වෙදිකං අහං;
‘‘Ekanavutito kappe, kāresiṃ vedikaṃ ahaṃ;
දුග්ගතිං නාභිජානාමි, වෙදිකාය ඉදං ඵලං.
Duggatiṃ nābhijānāmi, vedikāya idaṃ phalaṃ.
21.
21.
‘‘ඉතො එකාදසෙ කප්පෙ, අහොසිං සූරියස්සමො;
‘‘Ito ekādase kappe, ahosiṃ sūriyassamo;
සත්තරත්තනසම්පන්නො, චක්කවත්තී මහබ්බලො.
Sattarattanasampanno, cakkavattī mahabbalo.
22.
22.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා වෙදිකාරකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā vedikārako thero imā gāthāyo abhāsitthāti.
වෙදිකාරකත්ථෙරස්සාපදානං පඤ්චමං.
Vedikārakattherassāpadānaṃ pañcamaṃ.
