| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
8. взхаасагудисигкаабад̣̇аван̣н̣анаа
8. Vehāsakuṭisikkhāpadavaṇṇanā
129. адтамасигкаабад̣̇з – убаривзхаасагудияаад̇и убари ажчаннад̇алааяа д̣̇вибхуумигагудияаа ваа д̇ибхуумигаад̣̇игудияаа ваа. ман̃жам̣ сахасаа абхинисийд̣̇ийд̇и ман̃жам̣ сахасаа абхибхавид̇ваа аж̇жход̇т̇арид̇ваа нисийд̣̇и. бхуммад̇т̇з ваа зд̇ам̣ убаяог̇аважанам̣; ман̃жз нисийд̣̇ийд̇и ад̇т̇о. абхийд̇и ид̣̇ам̣ бана бад̣̇асобханад̇т̇ам̣ убасаг̇г̇амад̇д̇амзва. ниббад̇ид̇ваад̇и нибад̇ид̇ваа нигкамид̇ваа ваа. д̇асса хи убари аан̣ийби на д̣̇иннаа, д̇асмаа нигканд̇о. виссарамагаасийд̇и вируубам̣ аад̇урассарамагааси.
129. Aṭṭhamasikkhāpade – uparivehāsakuṭiyāti upari acchannatalāya dvibhūmikakuṭiyā vā tibhūmikādikuṭiyā vā. Mañcaṃ sahasā abhinisīdīti mañcaṃ sahasā abhibhavitvā ajjhottharitvā nisīdi. Bhummatthe vā etaṃ upayogavacanaṃ; mañce nisīdīti attho. Abhīti idaṃ pana padasobhanatthaṃ upasaggamattameva. Nippatitvāti nipatitvā nikkhamitvā vā. Tassa hi upari āṇīpi na dinnā, tasmā nikkhanto. Vissaramakāsīti virūpaṃ āturassaramakāsi.
131. взхаасагуди наама маж̇жхимасса бурисасса асийсагхаддаад̇и яаа бамаан̣амаж̇жхимасса бурисасса саб̣б̣ахздтимаахи д̇улаахи сийсам̣ на гхаддзд̇и, зд̇зна ид̇ха ад̇хиббзд̇аа взхаасагуди д̣̇ассид̇аа ход̇и, на взхаасагудилагкан̣ам̣. яаа хи гаажи убари ажчиннад̇алаа д̣̇вибхуумигаа гуди д̇ибхуумигаад̣̇игуди ваа ‘‘взхаасагудий’’д̇и вужжад̇и. ид̇ха бана асийсагхаддаа ад̇хиббзд̇аа. абхинисийд̣̇анаад̣̇ийсу буб̣б̣з вуд̇д̇анаязнзва баяог̇авасзна аабад̇д̇ибхзд̣̇о взд̣̇ид̇аб̣б̣о.
131.Vehāsakuṭi nāma majjhimassa purisassa asīsaghaṭṭāti yā pamāṇamajjhimassa purisassa sabbaheṭṭhimāhi tulāhi sīsaṃ na ghaṭṭeti, etena idha adhippetā vehāsakuṭi dassitā hoti, na vehāsakuṭilakkhaṇaṃ. Yā hi kāci upari acchinnatalā dvibhūmikā kuṭi tibhūmikādikuṭi vā ‘‘vehāsakuṭī’’ti vuccati. Idha pana asīsaghaṭṭā adhippetā. Abhinisīdanādīsu pubbe vuttanayeneva payogavasena āpattibhedo veditabbo.
133. авзхаасагудияаад̇и бхуумияам̣ гад̇абан̣н̣асаалаад̣̇ийсу анаабад̇д̇и. на хи саггаа д̇ад̇т̇а барасса бийл̣аа гаад̇ум̣. сийсагхаддааяаад̇и яааяам̣ сийсагхаддаа ход̇и, д̇ад̇т̇ааби анаабад̇д̇и. на хи саггаа д̇ад̇т̇а хздтаабаасаад̣̇з анон̣ад̇зна вижарид̇ум̣, д̇асмаа асан̃жаран̣адтаанад̇д̇аа барабийл̣аа на бхависсад̇и . хздтаа абарибхог̇ам̣ ход̇ийд̇и яассаа хздтаа д̣̇аб̣б̣асамбхаараад̣̇ийнам̣ нигкид̇д̇ад̇д̇аа абарибхог̇ам̣ ход̇и, д̇ад̇т̇ааби анаабад̇д̇и. бад̣̇арасан̃жид̇ам̣ ход̇ийд̇и яассаа убаримад̇алам̣ д̣̇аарупалагзхи ваа гханасант̇ад̇ам̣ ход̇и, суд̇хаад̣̇ибаригаммагад̇ам̣ ваа д̇ад̇т̇ааби анаабад̇д̇и. бадаан̣и д̣̇иннаа ход̇ийд̇и ман̃жабийтаанам̣ баад̣̇асикаасу аан̣ий д̣̇иннаа ход̇и, яад̇т̇а нисийд̣̇анд̇зби на ниббад̇анд̇и, д̇аад̣̇исз ман̃жабийтз нисийд̣̇ад̇оби анаабад̇д̇и. д̇асмим̣ тид̇од̇и аахажжабаад̣̇агз ман̃жз ваа бийтз ваа тид̇о убари нааг̇ад̣̇анд̇агаад̣̇ийсу лаг̇г̇ид̇агам̣ жийварам̣ ваа гин̃жи ваа г̇ан̣хаад̇и ваа, ан̃н̃ам̣ ваа лаг̇г̇зд̇и, д̇ассааби анаабад̇д̇и. сзсам̣ уд̇д̇аанамзва. зл̣агаломасамудтаанам̣ – гааяад̇о жа гааяажид̇д̇ад̇о жа самудтаад̇и, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
133.Avehāsakuṭiyāti bhūmiyaṃ katapaṇṇasālādīsu anāpatti. Na hi sakkā tattha parassa pīḷā kātuṃ. Sīsaghaṭṭāyāti yāyaṃ sīsaghaṭṭā hoti, tatthāpi anāpatti. Na hi sakkā tattha heṭṭhāpāsāde anoṇatena vicarituṃ, tasmā asañcaraṇaṭṭhānattā parapīḷā na bhavissati . Heṭṭhā aparibhogaṃ hotīti yassā heṭṭhā dabbasambhārādīnaṃ nikkhittattā aparibhogaṃ hoti, tatthāpi anāpatti. Padarasañcitaṃ hotīti yassā uparimatalaṃ dāruphalakehi vā ghanasanthataṃ hoti, sudhādiparikammakataṃ vā tatthāpi anāpatti. Paṭāṇi dinnā hotīti mañcapīṭhānaṃ pādasikhāsu āṇī dinnā hoti, yattha nisīdantepi na nippatanti, tādise mañcapīṭhe nisīdatopi anāpatti. Tasmiṃ ṭhitoti āhaccapādake mañce vā pīṭhe vā ṭhito upari nāgadantakādīsu laggitakaṃ cīvaraṃ vā kiñci vā gaṇhāti vā, aññaṃ vā laggeti, tassāpi anāpatti. Sesaṃ uttānameva. Eḷakalomasamuṭṭhānaṃ – kāyato ca kāyacittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
взхаасагудисигкаабад̣̇ам̣ адтамам̣.
Vehāsakuṭisikkhāpadaṃ aṭṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. взхаасагудисигкаабад̣̇аван̣н̣анаа • 8. Vehāsakuṭisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. взхаасагудисигкаабад̣̇аван̣н̣анаа • 8. Vehāsakuṭisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. взхаасагудисигкаабад̣̇аван̣н̣анаа • 8. Vehāsakuṭisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. взхаасагудисигкаабад̣̇ам̣ • 8. Vehāsakuṭisikkhāpadaṃ
