| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ဝေဟာသဋ္ဌကထာဝဏ္ဏနာ
Vehāsaṭṭhakathāvaṇṇanā
၉၇. ဝေဟာသဋ္ဌကထာယံ ပန စီဝရဝံသေ ဌပိတသ္သ စီဝရသ္သ အာကဍ္ဎနေ ယထာဝုတ္တပ္ပဒေသာတိက္ကမော ဧကဒ္ဝင္ဂုလမတ္တာကဍ္ဎနေန သိယာတိ အဓိပ္ပာယေန ဝုတ္တံ ‘‘ဧကဒ္ဝင္ဂုလမတ္တာကဍ္ဎနေနေဝ ပာရာဇိက’’န္တိ။ ဣဒဉ္စ တာဒိသံ နာတိမဟန္တံ စီဝရဝံသဒဏ္ဍကံ သန္ဓာယ ဝုတ္တံ, မဟန္တေ ပန တတော အဓိကမတ္တာကဍ္ဎနေနေဝ သိယာ။ ရဇ္ဇုကေန ဗန္ဓိတ္ဝာတိ ဧကာယ ရဇ္ဇုကောဋိယာ စီဝရံ ဗန္ဓိတ္ဝာ အပရာယ ကောဋိယာ စီဝရဝံသံ ဗန္ဓိတ္ဝာ ဌပိတစီဝရံ။ မုတ္တမတ္တေ အဋ္ဌတ္ဝာ ပတနကသဘာဝတ္တာ ‘‘မုတ္တေ ပာရာဇိက’’န္တိ ဝုတ္တံ။
97. Vehāsaṭṭhakathāyaṃ pana cīvaravaṃse ṭhapitassa cīvarassa ākaḍḍhane yathāvuttappadesātikkamo ekadvaṅgulamattākaḍḍhanena siyāti adhippāyena vuttaṃ ‘‘ekadvaṅgulamattākaḍḍhaneneva pārājika’’nti. Idañca tādisaṃ nātimahantaṃ cīvaravaṃsadaṇḍakaṃ sandhāya vuttaṃ, mahante pana tato adhikamattākaḍḍhaneneva siyā. Rajjukena bandhitvāti ekāya rajjukoṭiyā cīvaraṃ bandhitvā aparāya koṭiyā cīvaravaṃsaṃ bandhitvā ṭhapitacīvaraṃ. Muttamatte aṭṭhatvā patanakasabhāvattā ‘‘mutte pārājika’’nti vuttaṃ.
ဧကမေကသ္သ ဖုဋ္ဌောကာသမတ္တေ အတိက္ကန္တေ ပာရာဇိကန္တိ ဘိတ္တိံ အဖုသာပေတ္ဝာ ဌပိတတ္တာ ဝုတ္တံ။ ဘိတ္တိံ နိသ္သာယ ဌပိတန္တိ ပဋိပာဋိယာ ဌပိတေသု နာဂဒန္တာဒီသုယေဝ အာရောပေတ္ဝာ ဘိတ္တိံ ဖုသာပေတ္ဝာ ဌပိတံ။ ပဏ္ဏန္တရံ အာရောပေတ္ဝာ ဌပိတာတိ အညေဟိ ဌပိတံ သန္ဓာယ ဝုတ္တံ။
Ekamekassa phuṭṭhokāsamatte atikkante pārājikanti bhittiṃ aphusāpetvā ṭhapitattā vuttaṃ. Bhittiṃ nissāya ṭhapitanti paṭipāṭiyā ṭhapitesu nāgadantādīsuyeva āropetvā bhittiṃ phusāpetvā ṭhapitaṃ. Paṇṇantaraṃ āropetvā ṭhapitāti aññehi ṭhapitaṃ sandhāya vuttaṃ.
ဝေဟာသဋ္ဌကထာဝဏ္ဏနာ နိဋ္ဌိတာ။
Vehāsaṭṭhakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဒုတိယပာရာဇိကံ • 2. Dutiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ဒုတိယပာရာဇိကံ • 2. Dutiyapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဘူမဋ္ဌကထာဒိဝဏ္ဏနာ • Bhūmaṭṭhakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝေဟာသဋ္ဌကထာဝဏ္ဏနာ • Vehāsaṭṭhakathāvaṇṇanā
