| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཝེཧཱསཊྛཀཐཱཝཎྞནཱ
Vehāsaṭṭhakathāvaṇṇanā
༩༧. ཝེཧཱསཊྛཀཐཱཡཾ པན ཙཱིཝརཝཾསེ ཋཔིཏསྶ ཙཱིཝརསྶ ཨཱཀཌྜྷནེ ཡཐཱཝུཏྟཔྤདེསཱཏིཀྐམོ ཨེཀདྭངྒུལམཏྟཱཀཌྜྷནེན སིཡཱཏི ཨདྷིཔྤཱཡེན ཝུཏྟཾ ‘‘ཨེཀདྭངྒུལམཏྟཱཀཌྜྷནེནེཝ པཱརཱཛིཀ’’ནྟི། ཨིདཉྩ ཏཱདིསཾ ནཱཏིམཧནྟཾ ཙཱིཝརཝཾསདཎྜཀཾ སནྡྷཱཡ ཝུཏྟཾ, མཧནྟེ པན ཏཏོ ཨདྷིཀམཏྟཱཀཌྜྷནེནེཝ སིཡཱ། རཛྫུཀེན བནྡྷིཏྭཱཏི ཨེཀཱཡ རཛྫུཀོཊིཡཱ ཙཱིཝརཾ བནྡྷིཏྭཱ ཨཔརཱཡ ཀོཊིཡཱ ཙཱིཝརཝཾསཾ བནྡྷིཏྭཱ ཋཔིཏཙཱིཝརཾ། མུཏྟམཏྟེ ཨཊྛཏྭཱ པཏནཀསབྷཱཝཏྟཱ ‘‘མུཏྟེ པཱརཱཛིཀ’’ནྟི ཝུཏྟཾ།
97. Vehāsaṭṭhakathāyaṃ pana cīvaravaṃse ṭhapitassa cīvarassa ākaḍḍhane yathāvuttappadesātikkamo ekadvaṅgulamattākaḍḍhanena siyāti adhippāyena vuttaṃ ‘‘ekadvaṅgulamattākaḍḍhaneneva pārājika’’nti. Idañca tādisaṃ nātimahantaṃ cīvaravaṃsadaṇḍakaṃ sandhāya vuttaṃ, mahante pana tato adhikamattākaḍḍhaneneva siyā. Rajjukena bandhitvāti ekāya rajjukoṭiyā cīvaraṃ bandhitvā aparāya koṭiyā cīvaravaṃsaṃ bandhitvā ṭhapitacīvaraṃ. Muttamatte aṭṭhatvā patanakasabhāvattā ‘‘mutte pārājika’’nti vuttaṃ.
ཨེཀམེཀསྶ ཕུཊྛོཀཱསམཏྟེ ཨཏིཀྐནྟེ པཱརཱཛིཀནྟི བྷིཏྟིཾ ཨཕུསཱཔེཏྭཱ ཋཔིཏཏྟཱ ཝུཏྟཾ། བྷིཏྟིཾ ནིསྶཱཡ ཋཔིཏནྟི པཊིཔཱཊིཡཱ ཋཔིཏེསུ ནཱགདནྟཱདཱིསུཡེཝ ཨཱརོཔེཏྭཱ བྷིཏྟིཾ ཕུསཱཔེཏྭཱ ཋཔིཏཾ། པཎྞནྟརཾ ཨཱརོཔེཏྭཱ ཋཔིཏཱཏི ཨཉྙེཧི ཋཔིཏཾ སནྡྷཱཡ ཝུཏྟཾ།
Ekamekassa phuṭṭhokāsamatte atikkante pārājikanti bhittiṃ aphusāpetvā ṭhapitattā vuttaṃ. Bhittiṃ nissāya ṭhapitanti paṭipāṭiyā ṭhapitesu nāgadantādīsuyeva āropetvā bhittiṃ phusāpetvā ṭhapitaṃ. Paṇṇantaraṃ āropetvā ṭhapitāti aññehi ṭhapitaṃ sandhāya vuttaṃ.
ཝེཧཱསཊྛཀཐཱཝཎྞནཱ ནིཊྛིཏཱ།
Vehāsaṭṭhakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. དུཏིཡཔཱརཱཛིཀཾ • 2. Dutiyapārājikaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༢. དུཏིཡཔཱརཱཛིཀཾ • 2. Dutiyapārājikaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / བྷཱུམཊྛཀཐཱདིཝཎྞནཱ • Bhūmaṭṭhakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཝེཧཱསཊྛཀཐཱཝཎྞནཱ • Vehāsaṭṭhakathāvaṇṇanā
