| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੧੦. વੇਖਨਸਸੁਤ੍ਤવਣ੍ਣਨਾ
10. Vekhanasasuttavaṇṇanā
੨੭੮. ਏવਂ ਮੇ ਸੁਤਨ੍ਤਿ વੇਖਨਸਸੁਤ੍ਤਂ। ਤਤ੍ਥ વੇਖਨਸੋਤਿ ਅਯਂ ਕਿਰ ਸਕੁਲੁਦਾਯਿਸ੍ਸ ਆਚਰਿਯੋ, ਸੋ ‘‘ਸਕੁਲੁਦਾਯੀ ਪਰਿਬ੍ਬਾਜਕੋ ਪਰਮવਣ੍ਣਪਞ੍ਹੇ ਪਰਾਜਿਤੋ’’ਤਿ ਸੁਤ੍વਾ ‘‘ਮਯਾ ਸੋ ਸਾਧੁਕਂ ਉਗ੍ਗਹਾਪਿਤੋ, ਤੇਨਾਪਿ ਸਾਧੁਕਂ ਉਗ੍ਗਹਿਤਂ, ਕਥਂ ਨੁ ਖੋ ਪਰਾਜਿਤੋ, ਹਨ੍ਦਾਹਂ ਸਯਂ ਗਨ੍ਤ੍વਾ ਸਮਣਂ ਗੋਤਮਂ ਪਰਮવਣ੍ਣਪਞ੍ਹਂ ਪੁਚ੍ਛਿਤ੍વਾ ਜਾਨਿਸ੍ਸਾਮੀ’’ਤਿ ਰਾਜਗਹਤੋ ਪਞ੍ਚਚਤ੍ਤਾਲੀਸਯੋਜਨਂ ਸਾવਤ੍ਥਿਂ ਗਨ੍ਤ੍વਾ ਯੇਨ ਭਗવਾ, ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਪਨ ਠਿਤਕੋવ ਭਗવਤੋ ਸਨ੍ਤਿਕੇ ਉਦਾਨਂ ਉਦਾਨੇਸਿ। ਤਤ੍ਥ ਪੁਰਿਮਸਦਿਸਂ વੁਤ੍ਤਨਯੇਨੇવ વੇਦਿਤਬ੍ਬਂ।
278.Evaṃme sutanti vekhanasasuttaṃ. Tattha vekhanasoti ayaṃ kira sakuludāyissa ācariyo, so ‘‘sakuludāyī paribbājako paramavaṇṇapañhe parājito’’ti sutvā ‘‘mayā so sādhukaṃ uggahāpito, tenāpi sādhukaṃ uggahitaṃ, kathaṃ nu kho parājito, handāhaṃ sayaṃ gantvā samaṇaṃ gotamaṃ paramavaṇṇapañhaṃ pucchitvā jānissāmī’’ti rājagahato pañcacattālīsayojanaṃ sāvatthiṃ gantvā yena bhagavā, tenupasaṅkami, upasaṅkamitvā pana ṭhitakova bhagavato santike udānaṃ udānesi. Tattha purimasadisaṃ vuttanayeneva veditabbaṃ.
੨੮੦. ਪਞ੍ਚ ਖੋ ਇਮੇਤਿ ਕਸ੍ਮਾ ਆਰਭਿ? ਅਗਾਰਿਯੋਪਿ ਏਕਚ੍ਚੋ ਕਾਮਗਰੁਕੋ ਕਾਮਾਧਿਮੁਤ੍ਤੋ ਹੋਤਿ, ਏਕਚ੍ਚੋ ਨੇਕ੍ਖਮ੍ਮਗਰੁਕੋ ਨੇਕ੍ਖਮ੍ਮਾਧਿਮੁਤ੍ਤੋ ਹੋਤਿ। ਪਬ੍ਬਜਿਤੋਪਿ ਚ ਏਕਚ੍ਚੋ ਕਾਮਗਰੁਕੋ ਕਾਮਾਧਿਮੁਤ੍ਤੋ ਹੋਤਿ, ਏਕਚ੍ਚੋ ਨੇਕ੍ਖਮ੍ਮਗਰੁਕੋ ਨੇਕ੍ਖਮ੍ਮਾਧਿਮੁਤ੍ਤੋ ਹੋਤਿ। ਅਯਂ ਪਨ ਕਾਮਗਰੁਕੋ ਕਾਮਾਧਿਮੁਤ੍ਤੋ ਹੋਤਿ। ਸੋ ਇਮਾਯ ਕਥਾਯ ਕਥਿਯਮਾਨਾਯ ਅਤ੍ਤਨੋ ਕਾਮਾਧਿਮੁਤ੍ਤਤ੍ਤਂ ਸਲ੍ਲਕ੍ਖੇਸ੍ਸਤਿ, ਏવਮਸ੍ਸਾਯਂ ਦੇਸਨਾ ਸਪ੍ਪਾਯਾ ਭવਿਸ੍ਸਤੀਤਿ ਇਮਂ ਦੇਸਨਂ ਆਰਭਿ। ਕਾਮਗ੍ਗਸੁਖਨ੍ਤਿ ਨਿਬ੍ਬਾਨਂ ਅਧਿਪ੍ਪੇਤਂ।
280.Pañca kho imeti kasmā ārabhi? Agāriyopi ekacco kāmagaruko kāmādhimutto hoti, ekacco nekkhammagaruko nekkhammādhimutto hoti. Pabbajitopi ca ekacco kāmagaruko kāmādhimutto hoti, ekacco nekkhammagaruko nekkhammādhimutto hoti. Ayaṃ pana kāmagaruko kāmādhimutto hoti. So imāya kathāya kathiyamānāya attano kāmādhimuttattaṃ sallakkhessati, evamassāyaṃ desanā sappāyā bhavissatīti imaṃ desanaṃ ārabhi. Kāmaggasukhanti nibbānaṃ adhippetaṃ.
੨੮੧. ਪਾਪਿਤੋ ਭવਿਸ੍ਸਤੀਤਿ ਅਜਾਨਨਭਾવਂ ਪਾਪਿਤੋ ਭવਿਸ੍ਸਤਿ। ਨਾਮਕਂਯੇવ ਸਮ੍ਪਜ੍ਜਤੀਤਿ ਨਿਰਤ੍ਥਕવਚਨਮਤ੍ਤਮੇવ ਸਮ੍ਪਜ੍ਜਤਿ। ਤਿਟ੍ਠਤੁ ਪੁਬ੍ਬਨ੍ਤੋ ਤਿਟ੍ਠਤੁ ਅਪਰਨ੍ਤੋਤਿ ਯਸ੍ਮਾ ਤੁਯ੍ਹਂ ਅਤੀਤਕਥਾਯ ਅਨੁਚ੍ਛવਿਕਂ ਪੁਬ੍ਬੇਨਿવਾਸਞਾਣਂ ਨਤ੍ਥਿ, ਅਨਾਗਤਕਥਾਯ ਅਨੁਚ੍ਛવਿਕਂ ਦਿਬ੍ਬਚਕ੍ਖੁਞਾਣਂ ਨਤ੍ਥਿ, ਤਸ੍ਮਾ ਉਭਯਮ੍ਪੇਤਂ ਤਿਟ੍ਠਤੂਤਿ ਆਹ। ਸੁਤ੍ਤਬਨ੍ਧਨੇਹੀਤਿ ਸੁਤ੍ਤਮਯਬਨ੍ਧਨੇਹਿ। ਤਸ੍ਸ ਹਿ ਆਰਕ੍ਖਤ੍ਥਾਯ ਹਤ੍ਥਪਾਦੇਸੁ ਚੇવ ਗੀવਾਯ ਚ ਸੁਤ੍ਤਕਾਨਿ ਬਨ੍ਧਨ੍ਤਿ। ਤਾਨਿ ਸਨ੍ਧਾਯੇਤਂ વੁਤ੍ਤਂ। ਮਹਲ੍ਲਕਕਾਲੇ ਪਨਸ੍ਸ ਤਾਨਿ ਸਯਂ વਾ ਪੂਤੀਨਿ ਹੁਤ੍વਾ ਮੁਞ੍ਚਨ੍ਤਿ, ਛਿਨ੍ਦਿਤ੍વਾ વਾ ਹਰਨ੍ਤਿ।
281.Pāpitobhavissatīti ajānanabhāvaṃ pāpito bhavissati. Nāmakaṃyeva sampajjatīti niratthakavacanamattameva sampajjati. Tiṭṭhatu pubbanto tiṭṭhatu aparantoti yasmā tuyhaṃ atītakathāya anucchavikaṃ pubbenivāsañāṇaṃ natthi, anāgatakathāya anucchavikaṃ dibbacakkhuñāṇaṃ natthi, tasmā ubhayampetaṃ tiṭṭhatūti āha. Suttabandhanehīti suttamayabandhanehi. Tassa hi ārakkhatthāya hatthapādesu ceva gīvāya ca suttakāni bandhanti. Tāni sandhāyetaṃ vuttaṃ. Mahallakakāle panassa tāni sayaṃ vā pūtīni hutvā muñcanti, chinditvā vā haranti.
ਏવਮੇવ ਖੋਤਿ ਇਮਿਨਾ ਇਦਂ ਦਸ੍ਸੇਤਿ – ਦਹਰਸ੍ਸ ਕੁਮਾਰਸ੍ਸ ਸੁਤ੍ਤਬਨ੍ਧਨਾਨਂ ਅਜਾਨਨਕਾਲੋ વਿਯ ਅવਿਜ੍ਜਾਯ ਪੁਰਿਮਾਯ ਕੋਟਿਯਾ ਅਜਾਨਨਂ, ਨ ਹਿ ਸਕ੍ਕਾ ਅવਿਜ੍ਜਾਯ ਪੁਰਿਮਕੋਟਿ ਞਾਤੁਂ, ਮੋਚਨਕਾਲੇ ਜਾਨਨਸਦਿਸਂ ਪਨ ਅਰਹਤ੍ਤਮਗ੍ਗੇਨ ਅવਿਜ੍ਜਾਬਨ੍ਧਨਸ੍ਸ ਪਮੋਕ੍ਖੋ ਜਾਤੋਤਿ ਜਾਨਨਂ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Evamevakhoti iminā idaṃ dasseti – daharassa kumārassa suttabandhanānaṃ ajānanakālo viya avijjāya purimāya koṭiyā ajānanaṃ, na hi sakkā avijjāya purimakoṭi ñātuṃ, mocanakāle jānanasadisaṃ pana arahattamaggena avijjābandhanassa pamokkho jātoti jānanaṃ. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
વੇਖਨਸਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vekhanasasuttavaṇṇanā niṭṭhitā.
ਤਤਿਯવਗ੍ਗવਣ੍ਣਨਾ ਨਿਟ੍ਠਿਤਾ।
Tatiyavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੧੦. વੇਖਨਸਸੁਤ੍ਤਂ • 10. Vekhanasasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੧੦. વੇਖਨਸਸੁਤ੍ਤવਣ੍ਣਨਾ • 10. Vekhanasasuttavaṇṇanā
