| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. взлаамасуд̇д̇аван̣н̣анаа
10. Velāmasuttavaṇṇanā
20. д̣̇асамз аби ну д̇з, г̇ахабад̇и, гулз д̣̇аанам̣ д̣̇ийяад̇ийд̇и наяид̣̇ам̣ бхаг̇аваа бхигкусан̇гхасса д̣̇аанам̣ санд̇хааяа бужчад̇и. сздтисса хи гхарз бхигкусан̇гхасса нижжам̣ бан̣ийд̇ад̣̇аанам̣ д̣̇ийяад̇и, на д̇ам̣ сад̇т̇аа на ж̇аанаад̇и. логияамахааж̇анасса бана д̣̇ияяамаанад̣̇аанам̣ ад̇т̇и, д̇ам̣ луукам̣ ход̇и, сздтисса жид̇д̇ам̣ на бийн̣зд̇и. д̇ам̣ бужчаамийд̇и бужчад̇и. ган̣ааж̇аганд̇и сагун̣д̣агабхад̇д̇ам̣, сагун̣д̣агзхиби ган̣игад̇ан̣д̣улзхзва баггам̣. б̣ил̣ан̇г̇ад̣̇уд̇ияанд̇и ган̃ж̇ияад̣̇уд̇ияам̣. асаггажжам̣ д̣̇зд̇ийд̇и асаггарид̇ваа д̣̇зд̇и. ажид̇д̇ийгад̇ваад̇и ажид̇д̇ийгаарзна д̣̇агкин̣зяяа аг̇ааравзна д̣̇зд̇и. асахад̇т̇аа д̣̇зд̇ийд̇и сахад̇т̇зна ад̣̇ад̇ваа барахад̇т̇зна д̣̇зд̇и, аан̣ад̇д̇имад̇д̇амзва гарод̇ийд̇и ад̇т̇о. абавид̣̇д̇хам̣ д̣̇зд̇ийд̇и на ниранд̇арам̣ д̣̇зд̇и, сам̣важчаригам̣ сон̣д̣аб̣али вияа ход̇и. анааг̇аманад̣̇идтиго д̣̇зд̇ийд̇и на гамман̃жа палан̃жа сад̣̇д̣̇ахид̇ваа д̣̇зд̇и.
20. Dasame api nu te, gahapati, kule dānaṃ dīyatīti nayidaṃ bhagavā bhikkhusaṅghassa dānaṃ sandhāya pucchati. Seṭṭhissa hi ghare bhikkhusaṅghassa niccaṃ paṇītadānaṃ dīyati, na taṃ satthā na jānāti. Lokiyamahājanassa pana diyyamānadānaṃ atthi, taṃ lūkhaṃ hoti, seṭṭhissa cittaṃ na pīṇeti. Taṃ pucchāmīti pucchati. Kaṇājakanti sakuṇḍakabhattaṃ, sakuṇḍakehipi kaṇikataṇḍuleheva pakkaṃ. Biḷaṅgadutiyanti kañjiyadutiyaṃ. Asakkaccaṃ detīti asakkaritvā deti. Acittīkatvāti acittīkārena dakkhiṇeyya agāravena deti. Asahatthā detīti sahatthena adatvā parahatthena deti, āṇattimattameva karotīti attho. Apaviddhaṃ detīti na nirantaraṃ deti, saṃvaccharikaṃ soṇḍabali viya hoti. Anāgamanadiṭṭhiko detīti na kammañca phalañca saddahitvā deti.
яад̇т̇а яад̇т̇аад̇и д̇ийсу гуласамбад̣̇аасу яасмим̣ яасмим̣ гулз. на ул̣аарааяа бхад̇д̇абхог̇ааяаад̇иаад̣̇ийсу наанаг̇г̇арасасуг̇анд̇хасаалибхож̇анз убанийд̇з жид̇д̇ам̣ на намад̇и, ‘‘харат̇зд̇ам̣ рог̇авад̣дхана’’нд̇и вад̇ваа язна ваа д̇зна ваа д̣аагзна сад̣̇д̇хим̣ сагун̣д̣агабхад̇д̇ам̣ амад̇ам̣ вияа самбияааяамаано бхун̃ж̇ад̇и. гаасигаад̣̇ийсу варавад̇т̇зсу убанийд̇зсу ‘‘харат̇зд̇аани ниваасзнд̇асса бадижчаад̣̇зд̇умби на саггонд̇и, г̇ад̇д̇зсуби на сан̣таханд̇ий’’д̇и вад̇ваа наал̣игзрасаадагамуулад̇ажасад̣̇исаани бана т̇уулавад̇т̇аани ‘‘имаани ниваасзнд̇о нивад̇т̇абхаавамби ж̇аанаад̇и, бадижчаад̣̇зд̇аб̣б̣амби бадижчаад̣̇знд̇ий’’д̇и самбияааяамаано ниваасзд̇и. хад̇т̇ияаанаассаяаанарат̇аяаанасуван̣н̣асивигаад̣̇ийсу убанийд̇зсу ‘‘харат̇зд̇аани жалаажалаани, на саггаа зд̇т̇а нисийд̣̇ид̇у’’нд̇и вад̇ваа ж̇аж̇ж̇арарат̇агз убанийд̇з ‘‘аяам̣ нижжало, зд̇т̇а сукам̣ нисийд̣̇ид̇у’’нд̇и д̇ам̣ саад̣̇ияад̇и. на ул̣аарзсу бан̃жасу гаамаг̇ун̣зсууд̇и алан̇гад̇абадияад̇д̇аа руубавад̇ияо ид̇т̇ияо д̣̇исваа ‘‘яагкинияо ман̃н̃з, зд̇аа каад̣̇ид̇угаамаа, гим̣ зд̇аахий’’д̇и яат̇аапаасугзнзва вийд̇инаамзд̇и. на суссуусанд̇ийд̇и сод̇ум̣ на ижчанд̇и, на сад̣̇д̣̇аханд̇ийд̇и ад̇т̇о. на сод̇ам̣ од̣̇аханд̇ийд̇и гат̇ид̇асса саванад̇т̇ам̣ на сод̇абасаад̣̇ам̣ од̣̇аханд̇и. саггажжанд̇иаад̣̇ийни вуд̇д̇авибарияааязна взд̣̇ид̇аб̣б̣аани.
Yattha yatthāti tīsu kulasampadāsu yasmiṃ yasmiṃ kule. Na uḷārāya bhattabhogāyātiādīsu nānaggarasasugandhasālibhojane upanīte cittaṃ na namati, ‘‘harathetaṃ rogavaḍḍhana’’nti vatvā yena vā tena vā ḍākena saddhiṃ sakuṇḍakabhattaṃ amataṃ viya sampiyāyamāno bhuñjati. Kāsikādīsu varavatthesu upanītesu ‘‘harathetāni nivāsentassa paṭicchādetumpi na sakkonti, gattesupi na saṇṭhahantī’’ti vatvā nāḷikerasāṭakamūlatacasadisāni pana thūlavatthāni ‘‘imāni nivāsento nivatthabhāvampi jānāti, paṭicchādetabbampi paṭicchādentī’’ti sampiyāyamāno nivāseti. Hatthiyānaassayānarathayānasuvaṇṇasivikādīsu upanītesu ‘‘harathetāni calācalāni, na sakkā ettha nisīditu’’nti vatvā jajjararathake upanīte ‘‘ayaṃ niccalo, ettha sukhaṃ nisīditu’’nti taṃ sādiyati. Na uḷāresu pañcasu kāmaguṇesūti alaṅkatapaṭiyattā rūpavatiyo itthiyo disvā ‘‘yakkhiniyo maññe, etā khāditukāmā, kiṃ etāhī’’ti yathāphāsukeneva vītināmeti. Na sussūsantīti sotuṃ na icchanti, na saddahantīti attho. Na sotaṃ odahantīti kathitassa savanatthaṃ na sotapasādaṃ odahanti. Sakkaccantiādīni vuttavipariyāyena veditabbāni.
взлаамод̇и ж̇аад̇иг̇од̇д̇аруубабхог̇асад̣̇д̇хаабан̃н̃аад̣̇ийхи марияаад̣̇авзлам̣ ад̇игганд̇зхи ул̣аарзхи г̇ун̣зхи саманнааг̇ад̇ад̇д̇аа звам̣лад̣̇д̇ханаамо. со зваруубам̣ д̣̇аанам̣ ад̣̇ааси махаад̣̇аананд̇и зд̇т̇а аяам̣ анубуб̣б̣ийгат̇аа – со гира ад̇ийд̇з б̣аараан̣асияам̣ бурохид̇аг̇зхз бадисанд̇хим̣ г̇ан̣хи, взлаамагумаарод̇исса наамам̣ агам̣су. со сол̣асавассагаалз б̣аараан̣асирааж̇агумаарзна сад̣̇д̇хим̣ сиббуг̇г̇ахан̣ад̇т̇ам̣ д̇аггасилам̣ аг̇амааси. д̇з убхоби д̣̇исаабаамогкасса аажарияасса санд̇игз сиббам̣ бадтабаяим̣су. яат̇аа жа д̇з, звам̣ ан̃н̃зби ж̇амб̣уд̣̇ийбз жад̇ураасийд̇исахассарааж̇агумаараа. б̣од̇хисад̇д̇о ад̇д̇анаа г̇ахид̇адтаанз бидтиаажарияо худ̇ваа жад̇ураасийд̇и рааж̇агумаарасахассаани сигкаабзд̇и, саяамби сол̣асавассзхи г̇ахзд̇аб̣б̣асиббам̣ д̇ийхи вассзхи уг̇г̇ан̣хи. аажарияо ‘‘взлаамагумаарасса сиббам̣ баг̇ун̣а’’нд̇и н̃ад̇ваа, ‘‘д̇аад̇аа, взлаамо маяаа н̃аад̇ам̣ саб̣б̣ам̣ ж̇аанаад̇и, д̇умхз саб̣б̣зби самаг̇г̇аа г̇анд̇ваа зд̇асса санд̇игз сиббам̣ уг̇г̇ан̣хат̇аа’’д̇и жад̇ураасийд̇и гумаарасахассаани б̣од̇хисад̇д̇асса нияяаад̣̇зси.
Velāmoti jātigottarūpabhogasaddhāpaññādīhi mariyādavelaṃ atikkantehi uḷārehi guṇehi samannāgatattā evaṃladdhanāmo. So evarūpaṃ dānaṃ adāsi mahādānanti ettha ayaṃ anupubbīkathā – so kira atīte bārāṇasiyaṃ purohitagehe paṭisandhiṃ gaṇhi, velāmakumārotissa nāmaṃ akaṃsu. So soḷasavassakāle bārāṇasirājakumārena saddhiṃ sippuggahaṇatthaṃ takkasilaṃ agamāsi. Te ubhopi disāpāmokkhassa ācariyassa santike sippaṃ paṭṭhapayiṃsu. Yathā ca te, evaṃ aññepi jambudīpe caturāsītisahassarājakumārā. Bodhisatto attanā gahitaṭṭhāne piṭṭhiācariyo hutvā caturāsīti rājakumārasahassāni sikkhāpeti, sayampi soḷasavassehi gahetabbasippaṃ tīhi vassehi uggaṇhi. Ācariyo ‘‘velāmakumārassa sippaṃ paguṇa’’nti ñatvā, ‘‘tātā, velāmo mayā ñātaṃ sabbaṃ jānāti, tumhe sabbepi samaggā gantvā etassa santike sippaṃ uggaṇhathā’’ti caturāsīti kumārasahassāni bodhisattassa niyyādesi.
б̣од̇хисад̇д̇о аажарияам̣ ванд̣̇ид̇ваа жад̇ураасийд̇и гумаарасахассабаривааро нигкамид̇ваа згам̣ аасаннанаг̇арам̣ бад̇ваа наг̇арасаамигам̣ рааж̇агумаарам̣ уг̇г̇ан̣хаабзд̇ваа д̇асса сиббз баг̇ун̣з ж̇аад̇з д̇ам̣ д̇ад̇т̇зва нивад̇д̇зси. зд̇знубааязна жад̇ураасийд̇и наг̇арасахассаани г̇анд̇ваа жад̇ураасийд̇ияаа рааж̇агумаараанам̣ сиббам̣ баг̇ун̣ам̣ гаарзд̇ваа д̇асмим̣ д̇асмим̣ наг̇арз д̇ам̣ д̇ам̣ нивад̇д̇зд̇ваа б̣аараан̣асирааж̇агумаарам̣ аад̣̇ааяа б̣аараан̣асим̣ бажжааг̇ан̃чи. мануссаа гумаарам̣ барияосид̇асиббам̣ раж̇ж̇з абхисин̃жим̣су, взлаамасса бурохид̇адтаанам̣ ад̣̇ам̣су. д̇зби жад̇ураасийд̇исахассарааж̇агумаараа сагзсу сагзсу раж̇ж̇зсу абхисзгам̣ бад̇ваа анусам̣важчарам̣ б̣аараан̣асиран̃н̃о убадтаанам̣ ааг̇ажчанд̇и. д̇з рааж̇аанам̣ д̣̇исваа взлаамасса санд̇игам̣ г̇анд̇ваа, ‘‘аажарияа, амхз раж̇ж̇зсу бад̇идтид̇аа, вад̣̇зяяаат̇а язнад̇т̇о’’д̇и вад̇ваа г̇ажчанд̇и. д̇зсам̣ г̇аманааг̇аманагаалз сагадасанд̣̇амаанигаг̇аавиг̇он̣агуггудасуугараад̣̇аяо г̇ан̣ханд̇аанам̣ ж̇анабад̣̇о ад̇ивияа уубад̣̇д̣̇уд̇о ход̇и, махааж̇ано саннибад̇ид̇ваа рааж̇ан̇г̇ан̣з ганд̣̇ад̇и.
Bodhisatto ācariyaṃ vanditvā caturāsīti kumārasahassaparivāro nikkhamitvā ekaṃ āsannanagaraṃ patvā nagarasāmikaṃ rājakumāraṃ uggaṇhāpetvā tassa sippe paguṇe jāte taṃ tattheva nivattesi. Etenupāyena caturāsīti nagarasahassāni gantvā caturāsītiyā rājakumārānaṃ sippaṃ paguṇaṃ kāretvā tasmiṃ tasmiṃ nagare taṃ taṃ nivattetvā bārāṇasirājakumāraṃ ādāya bārāṇasiṃ paccāgañchi. Manussā kumāraṃ pariyositasippaṃ rajje abhisiñciṃsu, velāmassa purohitaṭṭhānaṃ adaṃsu. Tepi caturāsītisahassarājakumārā sakesu sakesu rajjesu abhisekaṃ patvā anusaṃvaccharaṃ bārāṇasirañño upaṭṭhānaṃ āgacchanti. Te rājānaṃ disvā velāmassa santikaṃ gantvā, ‘‘ācariya, amhe rajjesu patiṭṭhitā, vadeyyātha yenattho’’ti vatvā gacchanti. Tesaṃ gamanāgamanakāle sakaṭasandamānikagāvigoṇakukkuṭasūkarādayo gaṇhantānaṃ janapado ativiya uupadduto hoti, mahājano sannipatitvā rājaṅgaṇe kandati.
рааж̇аа взлаамам̣ баггосид̇ваа, ‘‘аажарияа, убад̣̇д̣̇уд̇о ж̇анабад̣̇о, рааж̇аано г̇аманааг̇аманагаалз махаавилобам̣ гаронд̇и, мануссаа санд̇хаарзд̇ум̣ на саггонд̇и, ж̇анабад̣̇абийл̣ааяа убасамам̣ згам̣ убааяам̣ гарот̇аа’’д̇и . саад̇ху махаарааж̇а, убааяам̣ гариссаами, д̇умхаагам̣ яад̇д̇агзна ж̇анабад̣̇зна ад̇т̇о, д̇ам̣ барижчинд̣̇ид̇ваа г̇ан̣хат̇аад̇и. рааж̇аа д̇ат̇аа агааси. взлаамо жад̇ураасийд̇ияаа рааж̇асахассаанам̣ ж̇анабад̣̇з вижаарзд̇ваа жагганаабхияам̣ арз вияа ран̃н̃о ж̇анабад̣̇асмим̣ оробзси. д̇ад̇о бадтааяа д̇з рааж̇аано ааг̇ажчанд̇ааби г̇ажчанд̇ааби ад̇д̇ано ад̇д̇ано ж̇анабад̣̇знзва сан̃жаранд̇и, амхаагам̣ ж̇анабад̣̇од̇и вилобам̣ на гаронд̇и. рааж̇аг̇ааравзна ран̃н̃о ж̇анабад̣̇амби на бийл̣знд̇и. ж̇анабад̣̇аа саннисиннаа ниссад̣̇д̣̇аа нираваа ахзсум̣. саб̣б̣з рааж̇аано хадтад̇удтаа ‘‘язна во, аажарияа, ад̇т̇о, д̇ам̣ амхаагам̣ вад̣̇зт̇аа’’д̇и баваараяим̣су.
Rājā velāmaṃ pakkositvā, ‘‘ācariya, upadduto janapado, rājāno gamanāgamanakāle mahāvilopaṃ karonti, manussā sandhāretuṃ na sakkonti, janapadapīḷāya upasamaṃ ekaṃ upāyaṃ karothā’’ti . Sādhu mahārāja, upāyaṃ karissāmi, tumhākaṃ yattakena janapadena attho, taṃ paricchinditvā gaṇhathāti. Rājā tathā akāsi. Velāmo caturāsītiyā rājasahassānaṃ janapade vicāretvā cakkanābhiyaṃ are viya rañño janapadasmiṃ oropesi. Tato paṭṭhāya te rājāno āgacchantāpi gacchantāpi attano attano janapadeneva sañcaranti, amhākaṃ janapadoti vilopaṃ na karonti. Rājagāravena rañño janapadampi na pīḷenti. Janapadā sannisinnā nissaddā niravā ahesuṃ. Sabbe rājāno haṭṭhatuṭṭhā ‘‘yena vo, ācariya, attho, taṃ amhākaṃ vadethā’’ti pavārayiṃsu.
взлаамо сийсам̣нхаад̇о ад̇д̇ано анд̇онивзсанз сад̇д̇арад̇анабарибуураанам̣ г̇аб̣бхаанам̣ д̣̇ваараани вивараабзд̇ваа яаава сад̇д̇амаа гулабариваддаа табид̇ам̣ д̇ханам̣ ологзд̇ваа ааяаваяам̣ убад̇хаарзд̇ваа ‘‘маяаа сагалаж̇амб̣уд̣̇ийбам̣ кобхзнд̇зна д̣̇аанам̣ д̣̇аад̇ум̣ ваддад̇ий’’д̇и ран̃н̃о аарожзд̇ваа г̇ан̇г̇аад̇ийрз д̣̇ваад̣̇асаяож̇анигаа уд̣̇д̇ханабанд̇ияо гаарзд̇ваа д̇асмим̣ д̇асмим̣ таанз саббимад̇хупаан̣ид̇ад̇злад̇илад̇ан̣д̣улаад̣̇ийнам̣ табанад̇т̇ааяа махаагодтааг̇аараани бад̇идтаабзд̇ваа ‘‘згзгасмим̣ таанз зд̇д̇агаа зд̇д̇агаа ж̇анаа сам̣вид̣̇ахат̇а, яам̣гин̃жи мануссаанам̣ лад̣̇д̇хаб̣б̣ам̣ наама ад̇т̇и, д̇ад̇о згасмимби асад̇и маяхам̣ аарожзяяаат̇аа’’д̇и мануссз сам̣вид̇хааяа ‘‘асугад̣̇ивасад̇о бадтааяа взлаамаб̣раахман̣асса д̣̇аанам̣ бхун̃ж̇анд̇уу’’д̇и наг̇арз бхзрим̣ жараабзд̇ваа ‘‘д̣̇аанаг̇г̇ам̣ баринидтид̇а’’нд̇и д̣̇аанаяуд̇д̇зхи аарожид̇з сахассаг̇гханагам̣ вад̇т̇ам̣ ниваасзд̇ваа бан̃жасад̇аг̇гханагам̣ згам̣сам̣ гад̇ваа саб̣б̣аалан̇гаарабхуусид̇о д̣̇аанавиймам̣санад̇т̇ааяа палигаван̣н̣асса уд̣̇агасса суван̣н̣абхин̇г̇аарам̣ буурзд̇ваа ‘‘имасмим̣ логз сажз имам̣ д̣̇аанам̣ бадиг̇г̇ахзд̇ум̣ яуд̇д̇аруубаа д̣̇агкин̣зяяабуг̇г̇алаа ад̇т̇и, ид̣̇ам̣ уд̣̇агам̣ нигкамид̇ваа бат̇авим̣ г̇ан̣хаад̇у. сажз над̇т̇и, звамзва д̇идтад̇уу’’д̇и сажжагирияам̣ гад̇ваа бхин̇г̇аарам̣ ад̇хомукам̣ агааси. уд̣̇агам̣ д̇хамагаран̣зна г̇ахид̇ам̣ вияа ахоси. б̣од̇хисад̇д̇о ‘‘сун̃н̃о вад̇а, бхо, ж̇амб̣уд̣̇ийбо, згабуг̇г̇алоби д̣̇агкин̣ам̣ бадиг̇г̇ахзд̇ум̣ яуд̇д̇аруубо над̇т̇ий’’д̇и виббадисаарам̣ агад̇ваа ‘‘сажз д̣̇ааяагасса васзнааяам̣ д̣̇агкин̣аа висуж̇жхиссад̇и, уд̣̇агам̣ нигкамид̇ваа бат̇авим̣ г̇ан̣хаад̇уу’’д̇и жинд̇зси. палигаван̣н̣асад̣̇исам̣ уд̣̇агам̣ нигкамид̇ваа бат̇авим̣ г̇ан̣хи . ‘‘ид̣̇аани д̣̇аанам̣ д̣̇ассаамий’’д̇и д̣̇аанаг̇г̇ам̣ бад̇ваа д̣̇аанам̣ ологзд̇ваа яааг̇увзлааяа яааг̇ум̣, каж̇ж̇агавзлааяа каж̇ж̇агам̣, бхож̇анавзлааяа бхож̇анам̣ д̣̇аабзси. зд̇знзва нийхаарзна д̣̇ивасз д̣̇ивасз д̣̇аанам̣ д̣̇ийяад̇и.
Velāmo sīsaṃnhāto attano antonivesane sattaratanaparipūrānaṃ gabbhānaṃ dvārāni vivarāpetvā yāva sattamā kulaparivaṭṭā ṭhapitaṃ dhanaṃ oloketvā āyavayaṃ upadhāretvā ‘‘mayā sakalajambudīpaṃ khobhentena dānaṃ dātuṃ vaṭṭatī’’ti rañño ārocetvā gaṅgātīre dvādasayojanikā uddhanapantiyo kāretvā tasmiṃ tasmiṃ ṭhāne sappimadhuphāṇitatelatilataṇḍulādīnaṃ ṭhapanatthāya mahākoṭṭhāgārāni patiṭṭhāpetvā ‘‘ekekasmiṃ ṭhāne ettakā ettakā janā saṃvidahatha, yaṃkiñci manussānaṃ laddhabbaṃ nāma atthi, tato ekasmimpi asati mayhaṃ āroceyyāthā’’ti manusse saṃvidhāya ‘‘asukadivasato paṭṭhāya velāmabrāhmaṇassa dānaṃ bhuñjantū’’ti nagare bheriṃ carāpetvā ‘‘dānaggaṃ pariniṭṭhita’’nti dānayuttehi ārocite sahassagghanakaṃ vatthaṃ nivāsetvā pañcasatagghanakaṃ ekaṃsaṃ katvā sabbālaṅkārabhūsito dānavīmaṃsanatthāya phalikavaṇṇassa udakassa suvaṇṇabhiṅgāraṃ pūretvā ‘‘imasmiṃ loke sace imaṃ dānaṃ paṭiggahetuṃ yuttarūpā dakkhiṇeyyapuggalā atthi, idaṃ udakaṃ nikkhamitvā pathaviṃ gaṇhātu. Sace natthi, evameva tiṭṭhatū’’ti saccakiriyaṃ katvā bhiṅgāraṃ adhomukhaṃ akāsi. Udakaṃ dhamakaraṇena gahitaṃ viya ahosi. Bodhisatto ‘‘suñño vata, bho, jambudīpo, ekapuggalopi dakkhiṇaṃ paṭiggahetuṃ yuttarūpo natthī’’ti vippaṭisāraṃ akatvā ‘‘sace dāyakassa vasenāyaṃ dakkhiṇā visujjhissati, udakaṃ nikkhamitvā pathaviṃ gaṇhātū’’ti cintesi. Phalikavaṇṇasadisaṃ udakaṃ nikkhamitvā pathaviṃ gaṇhi . ‘‘Idāni dānaṃ dassāmī’’ti dānaggaṃ patvā dānaṃ oloketvā yāguvelāya yāguṃ, khajjakavelāya khajjakaṃ, bhojanavelāya bhojanaṃ dāpesi. Eteneva nīhārena divase divase dānaṃ dīyati.
д̇асмим̣ ко бана д̣̇аанаг̇г̇з ‘‘ид̣̇ам̣ наама ад̇т̇и, ид̣̇ам̣ наама над̇т̇ий’’д̇и вад̇д̇аб̣б̣ам̣ над̇т̇и. ид̣̇аани д̇ам̣ д̣̇аанам̣ зд̇д̇агамад̇д̇знзва на нидтам̣ г̇амиссад̇ийд̇и рад̇д̇асуван̣н̣ам̣ нийхараабзд̇ваа суван̣н̣абаад̇ияо гаарзд̇ваа жад̇ураасийд̇исуван̣н̣абаад̇исахассаад̣̇ийнам̣ ад̇т̇ааяа жад̇ураасийд̇ирааж̇асахассаанам̣ саасанам̣ бахин̣и. рааж̇аано ‘‘жирассам̣ вад̇а маяам̣ аажариязна ануг̇г̇ахид̇аа’’д̇и саб̣б̣ам̣ самбаад̣̇зд̇ваа бзсзсум̣. д̣̇аанз д̣̇ияяамаанзязва сад̇д̇а вассаани сад̇д̇а маасаа ад̇игганд̇аа. ат̇а б̣раахман̣о ‘‘хиран̃н̃ам̣ бхааж̇зд̇ваа д̣̇аанам̣ д̣̇ассаамий’’д̇и маханд̇з огаасз д̣̇аанам̣ саж̇ж̇аабзси. саж̇ж̇аабзд̇ваа жад̇ураасийд̇и суван̣н̣абаад̇исахассаани аад̣̇им̣ гад̇ваа годид̇о бадтааяа ад̣̇ааси.
Tasmiṃ kho pana dānagge ‘‘idaṃ nāma atthi, idaṃ nāma natthī’’ti vattabbaṃ natthi. Idāni taṃ dānaṃ ettakamatteneva na niṭṭhaṃ gamissatīti rattasuvaṇṇaṃ nīharāpetvā suvaṇṇapātiyo kāretvā caturāsītisuvaṇṇapātisahassādīnaṃ atthāya caturāsītirājasahassānaṃ sāsanaṃ pahiṇi. Rājāno ‘‘cirassaṃ vata mayaṃ ācariyena anuggahitā’’ti sabbaṃ sampādetvā pesesuṃ. Dāne diyyamāneyeva satta vassāni satta māsā atikkantā. Atha brāhmaṇo ‘‘hiraññaṃ bhājetvā dānaṃ dassāmī’’ti mahante okāse dānaṃ sajjāpesi. Sajjāpetvā caturāsīti suvaṇṇapātisahassāni ādiṃ katvā koṭito paṭṭhāya adāsi.
д̇ад̇т̇а руубияабуураанийд̇и раж̇ад̇ад̇аддираж̇ад̇апаалараж̇ад̇амаасагзхи буураани. баад̇ияо бана куд̣̇д̣̇игаад̇и на саллагкзд̇аб̣б̣аа, згагарийсаббамаан̣з бхуумибхааг̇з жад̇ассова баад̇ияо табаяим̣су. баад̇имагул̣ам̣ наварад̇анам̣ ход̇и, мукаваддид̇о бадтааяа адтарад̇анам̣, баад̇имукаваддияаа чаяуд̇д̇о ааж̇ан̃н̃арат̇о анубарияааяад̇и, д̣̇ад̣̇амаано баад̇ияаа б̣аахиранд̇зна ваг̇г̇аваг̇г̇з бадиг̇г̇аахагз табзд̇ваа батамам̣ баад̇ияаа багкид̇д̇ам̣ д̣̇ад̇ваа бажчаа санд̇хисанд̇хид̇о вияож̇зд̇ваа баад̇инд̇и звам̣ жад̇ураасийд̇и баад̇исахассаани ад̣̇ааси. руубияабаад̇иаад̣̇ийсуби зсзва наяо. зд̇т̇аби жа суван̣н̣абуураанийд̇и суван̣н̣ад̇аддисуван̣н̣апааласуван̣н̣амаасагзхи буураани. хиран̃н̃абуураанийд̇и сад̇д̇авид̇харад̇анабуураани. сован̣н̣аалан̇гаараанийд̇и суван̣н̣аалан̇гаараани. гам̣суубад̇хааран̣аанийд̇и раж̇ад̇амаяакийрабадижчагаани. д̇аасам̣ бана д̇хзнуунам̣ син̇г̇аани суван̣н̣агосагабарияонад̣̇д̇хаани ахзсум̣, г̇ийвааяа суманад̣̇аамам̣ бил̣анд̇хим̣су, жад̇уусу баад̣̇зсу нубуураани, бидтияам̣ варад̣̇угуулам̣ бааруд̇ам̣, ган̣тз суван̣н̣агхан̣дам̣ б̣анд̇хим̣су. вад̇т̇агодисахассаанийд̇и логавохаарад̇о вийсад̇ивад̇т̇аяуг̇аани згаа годи , ид̇ха бана д̣̇аса саадагаад̇и вуд̇д̇ам̣. комасукумаананд̇иаад̣̇имхи комаад̣̇ийсу яам̣ яам̣ сукумам̣, д̇ам̣ д̇ад̣̇зва ад̣̇ааси. яаани банзд̇аани ид̇т̇ид̣̇аанам̣ усабхад̣̇аанам̣ маж̇ж̇ад̣̇аанам̣ самаж̇ж̇аад̣̇аананд̇и ад̣̇аанасаммад̇аани, д̇ааниби зса ‘‘взлаамасса д̣̇аанамукз ид̣̇ам̣ наама над̇т̇ий’’д̇и важанабат̇ам̣ бажчинд̣̇ид̇ум̣ бариваарад̇т̇ааяа ад̣̇ааси. наж̇ж̇о ман̃н̃з виссанд̣̇анд̇ийд̇и над̣̇ияо вияа виссанд̣̇анд̇и.
Tattha rūpiyapūrānīti rajatataṭṭirajataphālarajatamāsakehi pūrāni. Pātiyo pana khuddikāti na sallakkhetabbā, ekakarīsappamāṇe bhūmibhāge catassova pātiyo ṭhapayiṃsu. Pātimakuḷaṃ navaratanaṃ hoti, mukhavaṭṭito paṭṭhāya aṭṭharatanaṃ, pātimukhavaṭṭiyā chayutto ājaññaratho anupariyāyati, dadamāno pātiyā bāhirantena vaggavagge paṭiggāhake ṭhapetvā paṭhamaṃ pātiyā pakkhittaṃ datvā pacchā sandhisandhito viyojetvā pātinti evaṃ caturāsīti pātisahassāni adāsi. Rūpiyapātiādīsupi eseva nayo. Etthapi ca suvaṇṇapūrānīti suvaṇṇataṭṭisuvaṇṇaphālasuvaṇṇamāsakehi pūrāni. Hiraññapūrānīti sattavidharatanapūrāni. Sovaṇṇālaṅkārānīti suvaṇṇālaṅkārāni. Kaṃsūpadhāraṇānīti rajatamayakhīrapaṭicchakāni. Tāsaṃ pana dhenūnaṃ siṅgāni suvaṇṇakosakapariyonaddhāni ahesuṃ, gīvāya sumanadāmaṃ piḷandhiṃsu, catūsu pādesu nupūrāni, piṭṭhiyaṃ varadukūlaṃ pārutaṃ, kaṇṭhe suvaṇṇaghaṇṭaṃ bandhiṃsu. Vatthakoṭisahassānīti lokavohārato vīsativatthayugāni ekā koṭi , idha pana dasa sāṭakāti vuttaṃ. Khomasukhumānantiādimhi khomādīsu yaṃ yaṃ sukhumaṃ, taṃ tadeva adāsi. Yāni panetāni itthidānaṃ usabhadānaṃ majjadānaṃ samajjādānanti adānasammatāni, tānipi esa ‘‘velāmassa dānamukhe idaṃ nāma natthī’’ti vacanapathaṃ pacchindituṃ parivāratthāya adāsi. Najjo maññe vissandantīti nadiyo viya vissandanti.
иминаа сад̇т̇аа взлаамасса д̣̇аанам̣ гат̇зд̇ваа, ‘‘г̇ахабад̇и, зд̇ам̣ махаад̣̇аанам̣ наан̃н̃о ад̣̇ааси, ахам̣ ад̣̇аасим̣. зваруубам̣ бана д̣̇аанам̣ д̣̇ад̣̇анд̇оби ахам̣ бадиг̇г̇ахзд̇ум̣ яуд̇д̇аруубам̣ буг̇г̇алам̣ наалад̇т̇ам̣, д̇вам̣ маад̣̇исз б̣уд̣̇д̇хз логасмим̣ д̣̇идтамаанз д̣̇аанам̣ д̣̇ад̣̇амаано гасмаа жинд̇зсий’’д̇и сздтисса д̣̇зсанам̣ вад̣дхзнд̇о сияаа ко бана д̇зд̇иаад̣̇имааха. нану жа яаани д̇ад̣̇аа ахзсум̣ руубавзд̣̇анаасан̃н̃аасан̇кааравин̃н̃аан̣аани, д̇аани нируд̣̇д̇хаани? гасмаа ‘‘ахам̣ д̇зна самаязна взлаамо б̣раахман̣о’’д̇и аахаад̇и? бавзн̣ияаа авижчиннад̇д̇аа. д̇аани хи руубаад̣̇ийни нируж̇жхамаанаани имзсам̣ бажжаяз д̣̇ад̇ваа нируд̣̇д̇хаани абараабарам̣ авижчиннам̣ бавзн̣им̣ г̇ахзд̇ваа звамааха. на д̇ам̣ гожи д̣̇агкин̣ам̣ сод̇хзд̇ийд̇и гожи саман̣о ваа б̣раахман̣о ваа д̣̇зво ваа мааро ваа удтааяа д̇ам̣ д̣̇агкин̣ам̣ сод̇хзд̇ийд̇и вад̇д̇аб̣б̣о наахоси. д̇ан̃хи д̣̇агкин̣ам̣ сод̇хзнд̇о уд̇д̇амагодияаа б̣уд̣̇д̇хо, хздтимагодияаа д̇хаммасзнаабад̇исаарибуд̇д̇ад̇т̇зрасад̣̇исо сааваго сод̇хзяяа.
Iminā satthā velāmassa dānaṃ kathetvā, ‘‘gahapati, etaṃ mahādānaṃ nāñño adāsi, ahaṃ adāsiṃ. Evarūpaṃ pana dānaṃ dadantopi ahaṃ paṭiggahetuṃ yuttarūpaṃ puggalaṃ nālatthaṃ, tvaṃ mādise buddhe lokasmiṃ diṭṭhamāne dānaṃ dadamāno kasmā cintesī’’ti seṭṭhissa desanaṃ vaḍḍhento siyā kho pana tetiādimāha. Nanu ca yāni tadā ahesuṃ rūpavedanāsaññāsaṅkhāraviññāṇāni, tāni niruddhāni? Kasmā ‘‘ahaṃ tena samayena velāmo brāhmaṇo’’ti āhāti? Paveṇiyā avicchinnattā. Tāni hi rūpādīni nirujjhamānāni imesaṃ paccaye datvā niruddhāni aparāparaṃ avicchinnaṃ paveṇiṃ gahetvā evamāha. Na taṃ koci dakkhiṇaṃ sodhetīti koci samaṇo vā brāhmaṇo vā devo vā māro vā uṭṭhāya taṃ dakkhiṇaṃ sodhetīti vattabbo nāhosi. Tañhi dakkhiṇaṃ sodhento uttamakoṭiyā buddho, heṭṭhimakoṭiyā dhammasenāpatisāriputtattherasadiso sāvako sodheyya.
д̣̇идтисамбаннанд̇и д̣̇ассанасамбаннам̣ сод̇аабаннам̣. ид̣̇ам̣ д̇ад̇о махабпалад̇аранд̇и ид̣̇ам̣ сод̇аабаннасса д̣̇иннад̣̇аанам̣ логияамахааж̇анасса сад̇д̇амаасаад̇хигаани сад̇д̇а сам̣важчараани зд̇д̇агам̣ хиран̃н̃асуван̣н̣ам̣ барижжаж̇анд̇зна д̣̇иннад̣̇аанад̇о махабпалам̣.
Diṭṭhisampannanti dassanasampannaṃ sotāpannaṃ. Idaṃ tato mahapphalataranti idaṃ sotāpannassa dinnadānaṃ lokiyamahājanassa sattamāsādhikāni satta saṃvaccharāni ettakaṃ hiraññasuvaṇṇaṃ pariccajantena dinnadānato mahapphalaṃ.
яо жа сад̇ам̣ д̣̇идтисамбаннаананд̇и зд̇т̇а згасса сагад̣̇ааг̇аамисса васзна згуд̇д̇арасад̇ам̣ сод̇аабаннз гад̇ваа сод̇аабаннаг̇ан̣анаа взд̣̇ид̇аб̣б̣аа. иминаа убааязна саб̣б̣аваарзсу хздтаа хздтаа ааг̇ад̇з ананд̇арзна сад̇аг̇ун̣ам̣ гад̇ваа буг̇г̇алаг̇ан̣анаа взд̣̇ид̇аб̣б̣аа.
Yo ca sataṃ diṭṭhisampannānanti ettha ekassa sakadāgāmissa vasena ekuttarasataṃ sotāpanne katvā sotāpannagaṇanā veditabbā. Iminā upāyena sabbavāresu heṭṭhā heṭṭhā āgate anantarena sataguṇaṃ katvā puggalagaṇanā veditabbā.
б̣уд̣̇д̇хаббамуканд̇и зд̇т̇а саммаасамб̣уд̣̇д̇хам̣ сан̇гхад̇т̇зрам̣ гад̇ваа нисинно сан̇гхо б̣уд̣̇д̇хаббамуко сан̇гход̇и взд̣̇ид̇аб̣б̣о. жаад̇уд̣̇д̣̇исам̣ сан̇гхам̣ уд̣̇д̣̇иссаад̇и зд̇т̇а жаад̇уд̣̇д̣̇исам̣ сан̇гхам̣ уд̣̇д̣̇исса гад̇авихааро наама яад̇т̇а жзд̇ияам̣ бад̇идтид̇ам̣ ход̇и, д̇хаммассаванам̣ гарийяад̇и, жад̇уухи д̣̇исаахи ануд̣̇исаахи жа бхигкуу ааг̇анд̇ваа аббадибужчид̇вааязва баад̣̇з д̇ховид̇ваа гун̃жигааяа д̣̇ваарам̣ виварид̇ваа сзнаасанам̣ бадиж̇аг̇г̇ид̇ваа васид̇ваа яат̇аапаасугам̣ г̇ажчанд̇и. со анд̇амасо жад̇урад̇анияаа бан̣н̣асаалааби ход̇у, жаад̇уд̣̇д̣̇исам̣ сан̇гхам̣ уд̣̇д̣̇исса гад̇авихаарод̇взва вужжад̇и.
Buddhappamukhanti ettha sammāsambuddhaṃ saṅghattheraṃ katvā nisinno saṅgho buddhappamukho saṅghoti veditabbo. Cātuddisaṃ saṅghaṃ uddissāti ettha cātuddisaṃ saṅghaṃ uddissa katavihāro nāma yattha cetiyaṃ patiṭṭhitaṃ hoti, dhammassavanaṃ karīyati, catūhi disāhi anudisāhi ca bhikkhū āgantvā appaṭipucchitvāyeva pāde dhovitvā kuñcikāya dvāraṃ vivaritvā senāsanaṃ paṭijaggitvā vasitvā yathāphāsukaṃ gacchanti. So antamaso caturataniyā paṇṇasālāpi hotu, cātuddisaṃ saṅghaṃ uddissa katavihārotveva vuccati.
саран̣ам̣ г̇ажчзяяаад̇и зд̇т̇а маг̇г̇знааг̇ад̇ам̣ анивад̇д̇анасаран̣ам̣ ад̇хиббзд̇ам̣. абарз банааху – ад̇д̇аанам̣ нияяаад̣̇зд̇ваа д̣̇иннад̇д̇аа саран̣ааг̇аманам̣ д̇ад̇о махабпалад̇аранд̇и вуд̇д̇ам̣. сигкаабад̣̇аани самаад̣̇иязяяаад̇и бан̃жа сийлаани г̇ан̣хзяяа. сийламби маг̇г̇зна ааг̇ад̇ам̣ анивад̇д̇анасийламзва гат̇ид̇ам̣. абарз банааху – саб̣б̣асад̇д̇аанам̣ абхаяад̣̇аанасса д̣̇иннад̇д̇аа сийлам̣ д̇ад̇о махабпалад̇аранд̇и вуд̇д̇ам̣. г̇анд̇хоханамад̇д̇анд̇и г̇анд̇хаууханамад̇д̇ам̣, д̣̇вийхан̇г̇улийхи г̇ан̣д̣абин̣д̣ам̣ г̇ахзд̇ваа убасин̇гханамад̇д̇ам̣. абарз бана ‘‘г̇ад̣̇д̣̇оханамад̇д̇а’’нд̇и баал̣им̣ вад̇ваа г̇аавияаа згаваарам̣ т̇анаан̃чанамад̇д̇анд̇и ад̇т̇ам̣ вад̣̇анд̇и. мзд̇д̇ажид̇д̇анд̇и саб̣б̣асад̇д̇аанам̣ хид̇аанупаран̣ажид̇д̇ам̣. д̇ам̣ бана аббанаавасзнзва г̇ахид̇ам̣. анижжасан̃н̃анд̇и маг̇г̇асса ананд̇арабажжаяабхаавзна сикаабад̇д̇аб̣алававибассанам̣.
Saraṇaṃ gaccheyyāti ettha maggenāgataṃ anivattanasaraṇaṃ adhippetaṃ. Apare panāhu – attānaṃ niyyādetvā dinnattā saraṇāgamanaṃ tato mahapphalataranti vuttaṃ. Sikkhāpadāni samādiyeyyāti pañca sīlāni gaṇheyya. Sīlampi maggena āgataṃ anivattanasīlameva kathitaṃ. Apare panāhu – sabbasattānaṃ abhayadānassa dinnattā sīlaṃ tato mahapphalataranti vuttaṃ. Gandhohanamattanti gandhaūhanamattaṃ, dvīhaṅgulīhi gaṇḍapiṇḍaṃ gahetvā upasiṅghanamattaṃ. Apare pana ‘‘gaddohanamatta’’nti pāḷiṃ vatvā gāviyā ekavāraṃ thanaañchanamattanti atthaṃ vadanti. Mettacittanti sabbasattānaṃ hitānupharaṇacittaṃ. Taṃ pana appanāvaseneva gahitaṃ. Aniccasaññanti maggassa anantarapaccayabhāvena sikhāpattabalavavipassanaṃ.
убамаад̇о бана имаани д̣̇аанаад̣̇ийни бун̃н̃аани звам̣ взд̣̇ид̇аб̣б̣аани – сажзби хи ж̇амб̣уд̣̇ийбам̣ бхзрид̇аласад̣̇исам̣ самад̇алам̣ гад̇ваа годид̇о бадтааяа баллан̇гз ад̇т̇арид̇ваа арияабуг̇г̇алз нисийд̣̇аабзяяа, д̇ад̇т̇а сод̇аабаннаанам̣ д̣̇аса банд̇ияо ассу, сагад̣̇ааг̇аамийнам̣ бан̃жа, анааг̇аамийнам̣ ад̣дхад̇зяяаа, кин̣аасаваанам̣ д̣̇ияад̣дхаа, бажжзгаб̣уд̣̇д̇хаанам̣ згаа банд̇и бхавзяяа, саммаасамб̣уд̣̇д̇хо згагова. зд̇д̇агасса ж̇анасса д̣̇иннад̣̇аанад̇о саммаасамб̣уд̣̇д̇хасса д̣̇иннамзва махабпалам̣. ид̇арам̣ бана –
Upamāto pana imāni dānādīni puññāni evaṃ veditabbāni – sacepi hi jambudīpaṃ bheritalasadisaṃ samatalaṃ katvā koṭito paṭṭhāya pallaṅke attharitvā ariyapuggale nisīdāpeyya, tattha sotāpannānaṃ dasa pantiyo assu, sakadāgāmīnaṃ pañca, anāgāmīnaṃ aḍḍhateyyā, khiṇāsavānaṃ diyaḍḍhā, paccekabuddhānaṃ ekā panti bhaveyya, sammāsambuddho ekakova. Ettakassa janassa dinnadānato sammāsambuddhassa dinnameva mahapphalaṃ. Itaraṃ pana –
‘‘вихаарад̣̇аанам̣ бан̣ибаад̇о, сигкаа мзд̇д̇ааяа бхааванаа;
‘‘Vihāradānaṃ paṇipāto, sikkhā mettāya bhāvanā;
каяад̇о саммасанд̇асса, галам̣ нааг̇гхад̇и сол̣асим̣’’.
Khayato sammasantassa, kalaṃ nāgghati soḷasiṃ’’.
д̇знзва бхаг̇аваа бариниб̣б̣аанасамаяз ‘‘д̇хаммаануд̇хаммаббадибад̇д̇и ануд̇д̇араа бууж̇аа’’д̇и ааха. сзсам̣ саб̣б̣ад̇т̇а уд̇д̇аанад̇т̇амзваад̇и.
Teneva bhagavā parinibbānasamaye ‘‘dhammānudhammappaṭipatti anuttarā pūjā’’ti āha. Sesaṃ sabbattha uttānatthamevāti.
сийханаад̣̇аваг̇г̇о д̣̇уд̇ияо.
Sīhanādavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. взлаамасуд̇д̇ам̣ • 10. Velāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. взлаамасуд̇д̇аван̣н̣анаа • 10. Velāmasuttavaṇṇanā
