| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. взлаамасуд̇д̇аван̣н̣анаа
10. Velāmasuttavaṇṇanā
20. д̣̇асамз сагун̣д̣агабхад̇д̇анд̇и сагун̣д̣агам̣ уд̇д̇ан̣д̣улабхад̇д̇ам̣. барид̇д̇зхи сагун̣д̣зхи д̇ан̣д̣улзхиби сад̣̇д̇хим̣ вибаггабхад̇д̇ам̣ уд̇д̇ан̣д̣уламзва ход̇и. б̣ил̣ан̇г̇ам̣ вужжад̇и ааранаал̣ам̣, б̣ил̣ан̇г̇ад̇о ниб̣б̣ад̇д̇анад̇о д̇ад̣̇зва ган̃ж̇ияад̇о ж̇аад̇анд̇и ган̃ж̇ияам̣, д̇ам̣ д̣̇уд̇ияам̣ зд̇ассаад̇и б̣ил̣ан̇г̇ад̣̇уд̇ияам̣, д̇ам̣ ган̃ж̇ияад̣̇уд̇ияанд̇и вуд̇д̇ам̣. асаггарид̇ваад̇и д̣̇зяяад̇хаммамби буг̇г̇аламби асаггарид̇ваа. д̣̇зяяад̇хаммасса асаггаран̣ам̣ асамбаннагааро, буг̇г̇аласса асаггаран̣ам̣ аг̇аругаран̣ам̣. д̣̇зяяад̇хаммам̣ асаггаронд̇о хи уд̇д̇ан̣д̣улаад̣̇ид̣̇осасаманнааг̇ад̇ам̣ аахаарам̣ д̣̇зд̇и, на самбаннам̣ гарод̇и. буг̇г̇алам̣ асаггаронд̇о нисийд̣̇анадтаанам̣ асаммаж̇ж̇ид̇ваа яад̇т̇а д̇ад̇т̇а ваа нисийд̣̇аабзд̇ваа яам̣ ваа д̇ам̣ ваа д̣̇аарагам̣ бзсзд̇ваа д̣̇зд̇и. ажид̇д̇ийгад̇ваад̇и на жид̇д̇им̣ гад̇ваа, на бууж̇зд̇ваад̇и ад̇т̇о. бууж̇знд̇о хи бууж̇зд̇аб̣б̣авад̇т̇ум̣ жид̇д̇з табзд̇и, на д̇ад̇о б̣ахи гарод̇и. жид̇д̇ам̣ ваа ажчарияам̣ гад̇ваа бадибад̇д̇и жид̇д̇ийгаран̣ам̣ самбхааванагирияаа, д̇аббадигкзбад̇о ажид̇д̇ийгаран̣ам̣ асамбхааванагирияаа. абавид̣̇д̇ханд̇и ужчидтаад̣̇ичад̣д̣анийяад̇хаммам̣ вияа авакид̇д̇агам̣. яо хи чад̣д̣зд̇угаамо худ̇ваа рог̇ино сарийрз од̣̇анаад̣̇ийни маж̇ж̇ид̇ваа ваммигз рог̇ам̣ багкибанд̇о вияа д̣̇зд̇и, аяам̣ абавид̣̇д̇хам̣ д̣̇зд̇и наама. анааг̇аманад̣̇идтигод̇и ‘‘ад̣̇д̇хаа имасса д̣̇аанасса палам̣ мама ааг̇ажчад̇ий’’д̇и звам̣ яасса гаммассагад̇ад̣̇идти ад̇т̇и, со ааг̇аманад̣̇идтиго. аяам̣ бана на д̇аад̣̇исод̇и анааг̇аманад̣̇идтиго, палам̣ баадиган̇кам̣ худ̇ваа на д̣̇зд̇ийд̇и ад̇т̇о. д̇знааха ‘‘на гамман̃жа палан̃жа сад̣̇д̣̇ахид̇ваа д̣̇зд̇ий’’д̇и.
20. Dasame sakuṇḍakabhattanti sakuṇḍakaṃ uttaṇḍulabhattaṃ. Parittehi sakuṇḍehi taṇḍulehipi saddhiṃ vipakkabhattaṃ uttaṇḍulameva hoti. Biḷaṅgaṃ vuccati āranāḷaṃ, biḷaṅgato nibbattanato tadeva kañjiyato jātanti kañjiyaṃ, taṃ dutiyaṃ etassāti biḷaṅgadutiyaṃ, taṃ kañjiyadutiyanti vuttaṃ. Asakkaritvāti deyyadhammampi puggalampi asakkaritvā. Deyyadhammassa asakkaraṇaṃ asampannakāro, puggalassa asakkaraṇaṃ agarukaraṇaṃ. Deyyadhammaṃ asakkaronto hi uttaṇḍulādidosasamannāgataṃ āhāraṃ deti, na sampannaṃ karoti. Puggalaṃ asakkaronto nisīdanaṭṭhānaṃ asammajjitvā yattha tattha vā nisīdāpetvā yaṃ vā taṃ vā dārakaṃ pesetvā deti. Acittīkatvāti na cittiṃ katvā, na pūjetvāti attho. Pūjento hi pūjetabbavatthuṃ citte ṭhapeti, na tato bahi karoti. Cittaṃ vā acchariyaṃ katvā paṭipatti cittīkaraṇaṃ sambhāvanakiriyā, tappaṭikkhepato acittīkaraṇaṃ asambhāvanakiriyā. Apaviddhanti ucchiṭṭhādichaḍḍanīyadhammaṃ viya avakhittakaṃ. Yo hi chaḍḍetukāmo hutvā rogino sarīre odanādīni majjitvā vammike rogaṃ pakkhipanto viya deti, ayaṃ apaviddhaṃ deti nāma. Anāgamanadiṭṭhikoti ‘‘addhā imassa dānassa phalaṃ mama āgacchatī’’ti evaṃ yassa kammassakatadiṭṭhi atthi, so āgamanadiṭṭhiko. Ayaṃ pana na tādisoti anāgamanadiṭṭhiko, phalaṃ pāṭikaṅkhaṃ hutvā na detīti attho. Tenāha ‘‘na kammañca phalañca saddahitvā detī’’ti.
взлаамод̇и зд̇т̇а маа-сад̣̇д̣̇о бадисзд̇хаважано. ж̇аад̇иг̇од̇д̇аруубабхог̇аад̣̇иг̇ун̣аанам̣ взлаа марияаад̣̇аа над̇т̇и зд̇асминд̇и взлаамо. ат̇а ваа яат̇аавуд̇д̇аг̇ун̣аанам̣ взлаа марияаад̣̇аа амад̇и осаанам̣ г̇ажчад̇и зд̇асминд̇и взлаамо, взлам̣ ваа марияаад̣̇ам̣ амад̇и г̇ажчад̇и ад̇иггамад̇ийд̇и взлаамо. д̇знааха ‘‘ж̇аад̇иг̇од̇д̇а…бз… звам̣лад̣̇д̇ханаамо’’д̇и. д̣̇ийяад̇ийд̇и д̣̇аанам̣, д̣̇аанавад̇т̇у. д̇ам̣ аг̇г̇ийяад̇и ниссаж̇ж̇ийяад̇и зд̇т̇аад̇и д̣̇аанаг̇г̇ам̣. д̣̇аанам̣ ваа г̇ан̣ханд̇и зд̇т̇аад̇и д̣̇аанаг̇г̇ам̣, звам̣ бхад̇д̇аг̇г̇ам̣, баривзсанадтаанам̣. д̣̇угууласанд̣̇анаанийд̇и раж̇ад̇абхааж̇анаад̣̇иниссид̇з д̣̇угуулз кийрасса санд̣̇анам̣ зд̇зсанд̇и д̣̇угууласанд̣̇анаани. гам̣суубад̇хааран̣аанийд̇и раж̇ад̇амаяад̣̇охабхааж̇анаани. д̇знааха ‘‘раж̇ад̇амаяакийрабадижчагааний’’д̇и. раж̇ад̇амаяаани кийрабадижчагаани кийрабадиг̇г̇ахабхааж̇анаани зд̇зсанд̇и раж̇ад̇амаяакийрабадижчагаани. сод̇хзяяаад̇и махабпалабхаавагаран̣зна висод̇хзяяа. махабпалабхааваббад̇д̇ияаа хи д̣̇агкин̣аа висуж̇жхад̇и наама.
Velāmoti ettha mā-saddo paṭisedhavacano. Jātigottarūpabhogādiguṇānaṃ velā mariyādā natthi etasminti velāmo. Atha vā yathāvuttaguṇānaṃ velā mariyādā amati osānaṃ gacchati etasminti velāmo, velaṃ vā mariyādaṃ amati gacchati atikkamatīti velāmo. Tenāha ‘‘jātigotta…pe… evaṃladdhanāmo’’ti. Dīyatīti dānaṃ, dānavatthu. Taṃ aggīyati nissajjīyati etthāti dānaggaṃ. Dānaṃ vā gaṇhanti etthāti dānaggaṃ, evaṃ bhattaggaṃ, parivesanaṭṭhānaṃ. Dukūlasandanānīti rajatabhājanādinissite dukūle khīrassa sandanaṃ etesanti dukūlasandanāni. Kaṃsūpadhāraṇānīti rajatamayadohabhājanāni. Tenāha ‘‘rajatamayakhīrapaṭicchakānī’’ti. Rajatamayāni khīrapaṭicchakāni khīrapaṭiggahabhājanāni etesanti rajatamayakhīrapaṭicchakāni. Sodheyyāti mahapphalabhāvakaraṇena visodheyya. Mahapphalabhāvappattiyā hi dakkhiṇā visujjhati nāma.
маг̇г̇знааг̇ад̇ам̣ анивад̇д̇анасаран̣анд̇и иминаа логуд̇д̇арасаран̣аг̇аманам̣ д̣̇ийбзд̇и. абарзд̇иаад̣̇инаа логияасаран̣аг̇аманам̣ вуд̇д̇ам̣. саран̣ам̣ наама д̇ин̣н̣ам̣ рад̇анаанам̣ ж̇ийвид̇абарижжааг̇амаяам̣ бун̃н̃ам̣ саб̣б̣асамбад̇д̇им̣ д̣̇зд̇и, д̇асмаа махабпалад̇аранд̇и ад̇хиббааяо. ид̣̇ан̃жа – ‘‘сажз д̇вам̣ яат̇аа г̇ахид̇ам̣ саран̣ам̣ на бхинд̣̇иссаси, зваахам̣ д̇ам̣ маарзмий’’д̇и яад̣̇иби гожи д̇ин̣хзна сад̇т̇зна ж̇ийвид̇аа воробзяяа, д̇ат̇ааби ‘‘нзваахам̣ б̣уд̣̇д̇хам̣ на б̣уд̣̇д̇ход̇и, д̇хаммам̣ на д̇хаммод̇и, сан̇гхам̣ на сан̇гход̇и вад̣̇аамий’’д̇и д̣̇ал̣хад̇арам̣ гад̇ваа г̇ахид̇асса васзна вуд̇д̇ам̣. маг̇г̇знааг̇ад̇анд̇и логуд̇д̇арасийлам̣ санд̇хааяа вад̣̇ад̇и. абарзд̇иаад̣̇инаа бана логияасийлам̣ вуд̇д̇ам̣. саб̣б̣зсам̣ сад̇д̇аанам̣ ж̇ийвид̇ад̣̇аанаад̣̇инихид̇ад̣̇ан̣д̣ад̇ааяа сагалалогияалогуд̇д̇араг̇ун̣аад̇хидтаанад̇о жасса махабпаламахаанисам̣сад̇аа взд̣̇ид̇аб̣б̣аа.
Maggenāgataṃ anivattanasaraṇanti iminā lokuttarasaraṇagamanaṃ dīpeti. Aparetiādinā lokiyasaraṇagamanaṃ vuttaṃ. Saraṇaṃ nāma tiṇṇaṃ ratanānaṃ jīvitapariccāgamayaṃ puññaṃ sabbasampattiṃ deti, tasmā mahapphalataranti adhippāyo. Idañca – ‘‘sace tvaṃ yathā gahitaṃ saraṇaṃ na bhindissasi, evāhaṃ taṃ māremī’’ti yadipi koci tiṇhena satthena jīvitā voropeyya, tathāpi ‘‘nevāhaṃ buddhaṃ na buddhoti, dhammaṃ na dhammoti, saṅghaṃ na saṅghoti vadāmī’’ti daḷhataraṃ katvā gahitassa vasena vuttaṃ. Maggenāgatanti lokuttarasīlaṃ sandhāya vadati. Aparetiādinā pana lokiyasīlaṃ vuttaṃ. Sabbesaṃ sattānaṃ jīvitadānādinihitadaṇḍatāya sakalalokiyalokuttaraguṇādhiṭṭhānato cassa mahapphalamahānisaṃsatā veditabbā.
убасин̇гханамад̇д̇анд̇и гхааяанамад̇д̇ам̣. г̇ад̣̇д̣̇оханамад̇д̇анд̇и баатанд̇арз г̇од̣̇оханамад̇д̇ам̣ гааланд̇и ад̇т̇о. со жа на сагало г̇од̣̇оханагкан̣о ад̇хиббзд̇од̇и д̣̇ассзд̇ум̣ ‘‘г̇аавияаа згаваарам̣ т̇анаан̃чанамад̇д̇а’’нд̇и ад̇т̇о вуд̇д̇о. ан̃чанамад̇д̇анд̇и аагад̣дханамад̇д̇ам̣. г̇аавияаа т̇анам̣ г̇ахзд̇ваа згакийраб̣инд̣̇уд̣̇уханагааламад̇д̇амби г̇ад̣̇д̣̇уханамад̇д̇анд̇и вад̣̇анд̇и. зд̇д̇агамби хи гаалам̣ яо васанаг̇аб̣бхабаривзн̣авихааруубажаарабарижчзд̣̇зна ваа абаримаан̣аасу логад̇хаад̇уусу саб̣б̣асад̇д̇з хид̇апаран̣ам̣ мзд̇д̇ажид̇д̇ам̣ бхаавзд̇ум̣ саггод̇и. ид̣̇ам̣ д̇ад̇о яат̇аавуд̇д̇ад̣̇аанаад̣̇ид̇о махабпалад̇арам̣.
Upasiṅghanamattanti ghāyanamattaṃ. Gaddohanamattanti pāṭhantare godohanamattaṃ kālanti attho. So ca na sakalo godohanakkhaṇo adhippetoti dassetuṃ ‘‘gāviyā ekavāraṃ thanaañchanamatta’’nti attho vutto. Añchanamattanti ākaḍḍhanamattaṃ. Gāviyā thanaṃ gahetvā ekakhīrabinduduhanakālamattampi gadduhanamattanti vadanti. Ettakampi hi kālaṃ yo vasanagabbhapariveṇavihārūpacāraparicchedena vā aparimāṇāsu lokadhātūsu sabbasatte hitapharaṇaṃ mettacittaṃ bhāvetuṃ sakkoti. Idaṃ tato yathāvuttadānādito mahapphalataraṃ.
взлаамасуд̇д̇аван̣н̣анаа нидтид̇аа.
Velāmasuttavaṇṇanā niṭṭhitā.
сийханаад̣̇аваг̇г̇аван̣н̣анаа нидтид̇аа.
Sīhanādavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. взлаамасуд̇д̇ам̣ • 10. Velāmasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. взлаамасуд̇д̇аван̣н̣анаа • 10. Velāmasuttavaṇṇanā
