| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[43] 3. взл̣угаж̇аад̇агаван̣н̣анаа
[43] 3. Veḷukajātakavaṇṇanā
яо ад̇т̇агаамассаад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ д̣̇уб̣б̣ажабхигкум̣ аараб̣бха гат̇зси. д̇ан̃хи бхаг̇аваа ‘‘сажжам̣ гира д̇вам̣ бхигку д̣̇уб̣б̣ажосий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘на д̇вам̣ бхигку ид̣̇аанзва д̣̇уб̣б̣ажо, буб̣б̣зби д̣̇уб̣б̣ажоязва, д̣̇уб̣б̣ажад̇д̇ааязва жа бан̣д̣ид̇аанам̣ важанам̣ агад̇ваа саббамукз ж̇ийвид̇агкаяам̣ бад̇д̇о’’д̇и вад̇ваа ад̇ийд̇ам̣ аахари.
Yoatthakāmassāti idaṃ satthā jetavane viharanto aññataraṃ dubbacabhikkhuṃ ārabbha kathesi. Tañhi bhagavā ‘‘saccaṃ kira tvaṃ bhikkhu dubbacosī’’ti pucchitvā ‘‘saccaṃ, bhante’’ti vutte ‘‘na tvaṃ bhikkhu idāneva dubbaco, pubbepi dubbacoyeva, dubbacattāyeva ca paṇḍitānaṃ vacanaṃ akatvā sappamukhe jīvitakkhayaṃ patto’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз махаабхог̇агулз ниб̣б̣ад̇д̇о вин̃н̃уд̇ам̣ бад̇ваа гаамзсу аад̣̇ийнавам̣ нзгкаммз жаанисам̣сам̣ д̣̇исваа гаамз бахааяа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа гасин̣абаригаммам̣ гад̇ваа бан̃жаабхин̃н̃аа адта самаабад̇д̇ияо жа уббаад̣̇зд̇ваа жхаанасукзна вийд̇инаамзнд̇о абарабхааг̇з махаабаривааро бан̃жахи д̇аабасасад̇зхи баривуд̇о г̇ан̣асса сад̇т̇аа худ̇ваа вихааси. ат̇зго аасивисабод̇аго ад̇д̇ано д̇хаммад̇ааяа жаранд̇о ан̃н̃ад̇арасса д̇аабасасса ассамабад̣̇ам̣ бад̇д̇о. д̇аабасо д̇асмим̣ буд̇д̇асинзхам̣ уббаад̣̇зд̇ваа д̇ам̣ згасмим̣ взл̣убаб̣б̣з саяаабзд̇ваа бадиж̇аг̇г̇ад̇и. д̇асса взл̣убаб̣б̣з саяанад̇о ‘‘взл̣уго’’д̇взва наамам̣ агам̣су. д̇ам̣ буд̇д̇асинзхзна бадиж̇аг̇г̇анад̇о д̇аабасасса ‘‘взл̣угабид̇аа’’д̇взва наамам̣ агам̣су.
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe mahābhogakule nibbatto viññutaṃ patvā kāmesu ādīnavaṃ nekkhamme cānisaṃsaṃ disvā kāme pahāya himavantaṃ pavisitvā isipabbajjaṃ pabbajitvā kasiṇaparikammaṃ katvā pañcābhiññā aṭṭha samāpattiyo ca uppādetvā jhānasukhena vītināmento aparabhāge mahāparivāro pañcahi tāpasasatehi parivuto gaṇassa satthā hutvā vihāsi. Atheko āsivisapotako attano dhammatāya caranto aññatarassa tāpasassa assamapadaṃ patto. Tāpaso tasmiṃ puttasinehaṃ uppādetvā taṃ ekasmiṃ veḷupabbe sayāpetvā paṭijaggati. Tassa veḷupabbe sayanato ‘‘veḷuko’’tveva nāmaṃ akaṃsu. Taṃ puttasinehena paṭijagganato tāpasassa ‘‘veḷukapitā’’tveva nāmaṃ akaṃsu.
д̇ад̣̇аа б̣од̇хисад̇д̇о ‘‘зго гира д̇аабасо аасивисам̣ бадиж̇аг̇г̇ад̇ий’’д̇и суд̇ваа д̇ам̣ баггосаабзд̇ваа ‘‘сажжам̣ гира д̇вам̣ аасивисам̣ бадиж̇аг̇г̇асий’’д̇и бужчид̇ваа ‘‘сажжа’’нд̇и вуд̇д̇з ‘‘аасивисзна сад̣̇д̇хим̣ виссаасо наама над̇т̇и, маа звам̣ ж̇аг̇г̇аахий’’д̇и ааха. ‘‘со мз аажарияа буд̇д̇о, наахам̣ д̇зна винаа вад̇д̇ид̇ум̣ сагкиссаамий’’д̇и. ‘‘д̇зна хи зд̇ассзва санд̇игаа ж̇ийвид̇агкаяам̣ баабун̣иссасий’’д̇и. д̇аабасо б̣од̇хисад̇д̇асса важанам̣ на г̇ан̣хи, аасивисамби ж̇ахид̇ум̣ наасагки. д̇ад̇о гад̇ибаахажжаязнзва саб̣б̣з д̇аабасаа палаапалад̇т̇ааяа г̇анд̇ваа г̇ад̇адтаанз палаапаласса сулабхабхаавам̣ д̣̇исваа д̣̇вз д̇аяо д̣̇ивасз д̇ад̇т̇зва васим̣су, взл̣угабид̇ааби д̇зхи сад̣̇д̇хим̣ г̇ажчанд̇о аасивисам̣ взл̣убаб̣б̣зязва саяаабзд̇ваа бид̣̇ахид̇ваа г̇ад̇о. со буна д̇аабасзхи сад̣̇д̇хим̣ д̣̇вийхад̇ийхажжаязна ааг̇анд̇ваа ‘‘взл̣угасса г̇ожарам̣ д̣̇ассаамий’’д̇и взл̣убаб̣б̣ам̣ уг̇гхаадзд̇ваа ‘‘зхи, буд̇д̇ага, чаад̇агосий’’д̇и хад̇т̇ам̣ басаарзси. аасивисо д̣̇вийхад̇ийхам̣ нираахаарад̇ааяа гуж̇жхид̇ваа басаарид̇ахад̇т̇ам̣ д̣ам̣сид̇ваа д̇аабасам̣ д̇ад̇т̇зва ж̇ийвид̇агкаяам̣ баабзд̇ваа аран̃н̃ам̣ баависи. д̇аабасаа д̇ам̣ д̣̇исваа б̣од̇хисад̇д̇асса аарожзсум̣. б̣од̇хисад̇д̇о д̇асса сарийрагижжам̣ гаарзд̇ваа исиг̇ан̣асса маж̇жхз нисийд̣̇ид̇ваа исийнам̣ оваад̣̇авасзна имам̣ г̇аат̇амааха –
Tadā bodhisatto ‘‘eko kira tāpaso āsivisaṃ paṭijaggatī’’ti sutvā taṃ pakkosāpetvā ‘‘saccaṃ kira tvaṃ āsivisaṃ paṭijaggasī’’ti pucchitvā ‘‘sacca’’nti vutte ‘‘āsivisena saddhiṃ vissāso nāma natthi, mā evaṃ jaggāhī’’ti āha. ‘‘So me ācariya putto, nāhaṃ tena vinā vattituṃ sakkhissāmī’’ti. ‘‘Tena hi etasseva santikā jīvitakkhayaṃ pāpuṇissasī’’ti. Tāpaso bodhisattassa vacanaṃ na gaṇhi, āsivisampi jahituṃ nāsakkhi. Tato katipāhaccayeneva sabbe tāpasā phalāphalatthāya gantvā gataṭṭhāne phalāphalassa sulabhabhāvaṃ disvā dve tayo divase tattheva vasiṃsu, veḷukapitāpi tehi saddhiṃ gacchanto āsivisaṃ veḷupabbeyeva sayāpetvā pidahitvā gato. So puna tāpasehi saddhiṃ dvīhatīhaccayena āgantvā ‘‘veḷukassa gocaraṃ dassāmī’’ti veḷupabbaṃ ugghāṭetvā ‘‘ehi, puttaka, chātakosī’’ti hatthaṃ pasāresi. Āsiviso dvīhatīhaṃ nirāhāratāya kujjhitvā pasāritahatthaṃ ḍaṃsitvā tāpasaṃ tattheva jīvitakkhayaṃ pāpetvā araññaṃ pāvisi. Tāpasā taṃ disvā bodhisattassa ārocesuṃ. Bodhisatto tassa sarīrakiccaṃ kāretvā isigaṇassa majjhe nisīditvā isīnaṃ ovādavasena imaṃ gāthamāha –
43.
43.
‘‘яо ад̇т̇агаамасса хид̇аанугамбино, оваж̇ж̇амаано на гарод̇и саасанам̣;
‘‘Yo atthakāmassa hitānukampino, ovajjamāno na karoti sāsanaṃ;
звам̣ со нихад̇о сзд̇и, взл̣угасса яат̇аа бид̇аа’’д̇и.
Evaṃ so nihato seti, veḷukassa yathā pitā’’ti.
д̇ад̇т̇а звам̣ со нихад̇о сзд̇ийд̇и яо хи исийнам̣ оваад̣̇ам̣ на г̇ан̣хаад̇и, со яат̇аа зса д̇аабасо аасивисамукз бууд̇ибхаавам̣ бад̇ваа нихад̇о сзд̇и, звам̣ махаавинаасам̣ бад̇ваа нихад̇о сзд̇ийд̇и ад̇т̇о. звам̣ б̣од̇хисад̇д̇о исиг̇ан̣ам̣ овад̣̇ид̇ваа жад̇д̇ааро б̣рахмавихаарз бхаавзд̇ваа ааяубарияосаанз б̣рахмалогз уббаж̇ж̇и.
Tattha evaṃ so nihato setīti yo hi isīnaṃ ovādaṃ na gaṇhāti, so yathā esa tāpaso āsivisamukhe pūtibhāvaṃ patvā nihato seti, evaṃ mahāvināsaṃ patvā nihato setīti attho. Evaṃ bodhisatto isigaṇaṃ ovaditvā cattāro brahmavihāre bhāvetvā āyupariyosāne brahmaloke uppajji.
сад̇т̇аа ‘‘на д̇вам̣ бхигку ид̣̇аанзва д̣̇уб̣б̣ажо, буб̣б̣зби д̣̇уб̣б̣ажоязва, д̣̇уб̣б̣ажабхаавзнзва жа аасивисамукз бууд̇ибхаавам̣ бад̇д̇о’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа взл̣угабид̇аа д̣̇уб̣б̣ажабхигку ахоси, сзсабарисаа б̣уд̣̇д̇хабарисаа, г̇ан̣асад̇т̇аа бана ахамзва ахоси’’нд̇и.
Satthā ‘‘na tvaṃ bhikkhu idāneva dubbaco, pubbepi dubbacoyeva, dubbacabhāveneva ca āsivisamukhe pūtibhāvaṃ patto’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā veḷukapitā dubbacabhikkhu ahosi, sesaparisā buddhaparisā, gaṇasatthā pana ahameva ahosi’’nti.
взл̣угаж̇аад̇агаван̣н̣анаа д̇ад̇ияаа.
Veḷukajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 43. взл̣угаж̇аад̇агам̣ • 43. Veḷukajātakaṃ
