| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. взнааг̇абурасуд̇д̇ам̣
3. Venāgapurasuttaṃ
64. згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ язна взнааг̇абурам̣ наама госалаанам̣ б̣раахман̣аг̇аамо д̇ад̣̇авасари. ассосум̣ ко взнааг̇абуригаа б̣раахман̣аг̇ахабад̇игаа – ‘‘саман̣о калу , бхо, г̇од̇амо сагяабуд̇д̇о сагяагулаа баб̣б̣аж̇ид̇о взнааг̇абурам̣ ануббад̇д̇о. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и 1. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и.
64. Ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ yena venāgapuraṃ nāma kosalānaṃ brāhmaṇagāmo tadavasari. Assosuṃ kho venāgapurikā brāhmaṇagahapatikā – ‘‘samaṇo khalu , bho, gotamo sakyaputto sakyakulā pabbajito venāgapuraṃ anuppatto. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti 2. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti.
ат̇а ко взнааг̇абуригаа б̣раахман̣аг̇ахабад̇игаа язна бхаг̇аваа д̇знубасан̇гамим̣су; убасан̇гамид̇ваа аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су, аббзгажжз бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су, аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су, аббзгажжз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су, аббзгажжз д̇ун̣хийбхууд̇аа згаманд̇ам̣ нисийд̣̇им̣су. згаманд̇ам̣ нисинно ко взнааг̇абуриго важчаг̇од̇д̇о б̣раахман̣о бхаг̇аванд̇ам̣ зд̇ад̣̇авожа –
Atha kho venāgapurikā brāhmaṇagahapatikā yena bhagavā tenupasaṅkamiṃsu; upasaṅkamitvā appekacce bhagavantaṃ abhivādetvā ekamantaṃ nisīdiṃsu, appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu, appekacce yena bhagavā tenañjaliṃ paṇāmetvā ekamantaṃ nisīdiṃsu, appekacce nāmagottaṃ sāvetvā ekamantaṃ nisīdiṃsu, appekacce tuṇhībhūtā ekamantaṃ nisīdiṃsu. Ekamantaṃ nisinno kho venāgapuriko vacchagotto brāhmaṇo bhagavantaṃ etadavoca –
‘‘ажчарияам̣ , бхо г̇од̇ама, аб̣бхуд̇ам̣, бхо г̇од̇ама! яааван̃жид̣̇ам̣ бход̇о г̇од̇амасса виббасаннаани инд̣̇рияаани, барисуд̣̇д̇хо чавиван̣н̣о барияод̣̇аад̇о. сзяяат̇ааби, бхо г̇од̇ама, саарад̣̇ам̣ б̣ад̣̇арабан̣д̣ум̣ 3 барисуд̣̇д̇хам̣ ход̇и барияод̣̇аад̇ам̣; звамзвам̣ бход̇о г̇од̇амасса виббасаннаани инд̣̇рияаани барисуд̣̇д̇хо чавиван̣н̣о барияод̣̇аад̇о. сзяяат̇ааби, бхо г̇од̇ама, д̇аалабаггам̣ самбад̇и б̣анд̇ханаа бамуд̇д̇ам̣ 4 барисуд̣̇д̇хам̣ ход̇и барияод̣̇аад̇ам̣; звамзвам̣ бход̇о г̇од̇амасса виббасаннаани инд̣̇рияаани барисуд̣̇д̇хо чавиван̣н̣о барияод̣̇аад̇о. сзяяат̇ааби, бхо г̇од̇ама, нзгкам̣ 5 ж̇амб̣онад̣̇ам̣ д̣̇агкагаммаарабуд̇д̇асубаригаммагад̇ам̣ уггаамукз сугусаласамбахадтам̣ бан̣д̣угамб̣алз нигкид̇д̇ам̣ бхаасад̇з жа д̇абад̇з жа вирожад̇и жа; звамзвам̣ бход̇о г̇од̇амасса виббасаннаани инд̣̇рияаани барисуд̣̇д̇хо чавиван̣н̣о барияод̣̇аад̇о. яаани д̇аани, бхо г̇од̇ама, ужжаасаяанамахаасаяанаани, сзяяат̇ид̣̇ам̣ – аасанд̣̇и баллан̇го г̇онаго жид̇д̇аго бадигаа бадалигаа д̇уулигаа вигад̇игаа уд̣̇д̣̇аломий зганд̇аломий гаддиссам̣ госзяяам̣ гуд̇д̇агам̣ хад̇т̇ад̇т̇арам̣ ассад̇т̇арам̣ рат̇ад̇т̇арам̣ аж̇инаббавзн̣ий гад̣̇алимиг̇абаварабажжад̇т̇аран̣ам̣ 6 сауд̇д̇аражчад̣̇ам̣ убхад̇олохид̇агуубад̇хаанам̣, зваруубаанам̣ нууна бхавам̣ г̇од̇амо ужжаасаяанамахаасаяанаанам̣ нигаамалаабхий агижчалаабхий агасиралаабхий’’д̇и.
‘‘Acchariyaṃ , bho gotama, abbhutaṃ, bho gotama! Yāvañcidaṃ bhoto gotamassa vippasannāni indriyāni, parisuddho chavivaṇṇo pariyodāto. Seyyathāpi, bho gotama, sāradaṃ badarapaṇḍuṃ 7 parisuddhaṃ hoti pariyodātaṃ; evamevaṃ bhoto gotamassa vippasannāni indriyāni parisuddho chavivaṇṇo pariyodāto. Seyyathāpi, bho gotama, tālapakkaṃ sampati bandhanā pamuttaṃ 8 parisuddhaṃ hoti pariyodātaṃ; evamevaṃ bhoto gotamassa vippasannāni indriyāni parisuddho chavivaṇṇo pariyodāto. Seyyathāpi, bho gotama, nekkhaṃ 9 jambonadaṃ dakkhakammāraputtasuparikammakataṃ ukkāmukhe sukusalasampahaṭṭhaṃ paṇḍukambale nikkhittaṃ bhāsate ca tapate ca virocati ca; evamevaṃ bhoto gotamassa vippasannāni indriyāni parisuddho chavivaṇṇo pariyodāto. Yāni tāni, bho gotama, uccāsayanamahāsayanāni, seyyathidaṃ – āsandi pallaṅko gonako cittako paṭikā paṭalikā tūlikā vikatikā uddalomī ekantalomī kaṭṭissaṃ koseyyaṃ kuttakaṃ hatthattharaṃ assattharaṃ rathattharaṃ ajinappaveṇī kadalimigapavarapaccattharaṇaṃ 10 sauttaracchadaṃ ubhatolohitakūpadhānaṃ, evarūpānaṃ nūna bhavaṃ gotamo uccāsayanamahāsayanānaṃ nikāmalābhī akicchalābhī akasiralābhī’’ti.
‘‘яаани ко бана д̇аани, б̣раахман̣а, ужжаасаяанамахаасаяанаани, сзяяат̇ид̣̇ам̣ – аасанд̣̇и баллан̇го г̇онаго жид̇д̇аго бадигаа бадалигаа д̇уулигаа вигад̇игаа уд̣̇д̣̇аломий зганд̇аломий гаддиссам̣ госзяяам̣ гуд̇д̇агам̣ хад̇т̇ад̇т̇арам̣ ассад̇т̇арам̣ рат̇ад̇т̇арам̣ аж̇инаббавзн̣ий гад̣̇алимиг̇абаварабажжад̇т̇аран̣ам̣ сауд̇д̇аражчад̣̇ам̣ убхад̇олохид̇агуубад̇хаанам̣. д̣̇уллабхаани д̇аани баб̣б̣аж̇ид̇аанам̣ лад̣̇д̇хаа жа бана 11 на габбанд̇и.
‘‘Yāni kho pana tāni, brāhmaṇa, uccāsayanamahāsayanāni, seyyathidaṃ – āsandi pallaṅko gonako cittako paṭikā paṭalikā tūlikā vikatikā uddalomī ekantalomī kaṭṭissaṃ koseyyaṃ kuttakaṃ hatthattharaṃ assattharaṃ rathattharaṃ ajinappaveṇī kadalimigapavarapaccattharaṇaṃ sauttaracchadaṃ ubhatolohitakūpadhānaṃ. Dullabhāni tāni pabbajitānaṃ laddhā ca pana 12 na kappanti.
‘‘д̇ийн̣и ко, имаани, б̣раахман̣а, ужжаасаяанамахаасаяанаани, язсаахам̣ зд̇арахи нигаамалаабхий агижчалаабхий агасиралаабхий. гад̇амаани д̇ийн̣и? д̣̇иб̣б̣ам̣ ужжаасаяанамахаасаяанам̣, б̣рахмам̣ ужжаасаяанамахаасаяанам̣, арияам̣ ужжаасаяанамахаасаяанам̣. имаани ко, б̣раахман̣а, д̇ийн̣и ужжаасаяанамахаасаяанаани, язсаахам̣ зд̇арахи нигаамалаабхий агижчалаабхий агасиралаабхий’’д̇и.
‘‘Tīṇi kho, imāni, brāhmaṇa, uccāsayanamahāsayanāni, yesāhaṃ etarahi nikāmalābhī akicchalābhī akasiralābhī. Katamāni tīṇi? Dibbaṃ uccāsayanamahāsayanaṃ, brahmaṃ uccāsayanamahāsayanaṃ, ariyaṃ uccāsayanamahāsayanaṃ. Imāni kho, brāhmaṇa, tīṇi uccāsayanamahāsayanāni, yesāhaṃ etarahi nikāmalābhī akicchalābhī akasiralābhī’’ti.
‘‘гад̇амам̣ бана д̇ам̣, бхо г̇од̇ама, д̣̇иб̣б̣ам̣ ужжаасаяанамахаасаяанам̣, яасса бхавам̣ г̇од̇амо зд̇арахи нигаамалаабхий агижчалаабхий агасиралаабхий’’д̇и? ‘‘ид̇хаахам̣, б̣раахман̣а, яам̣ г̇аамам̣ ваа ниг̇амам̣ ваа убаниссааяа вихараами, со буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа д̇амзва г̇аамам̣ ваа ниг̇амам̣ ваа бин̣д̣ааяа бависаами. со бажчаабхад̇д̇ам̣ бин̣д̣абаад̇абадигганд̇о вананд̇ан̃н̃зва бависаами 13. со яад̣̇зва д̇ад̇т̇а хонд̇и д̇ин̣аани ваа бан̣н̣аани ваа д̇аани згаж̇жхам̣ сан̇гхарид̇ваа нисийд̣̇аами баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами; вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихараами; бийд̇ияаа жа вирааг̇аа убзгкаго жа вихараами сад̇о жа самбаж̇аано сукан̃жа гааязна бадисам̣взд̣̇зми, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихараами; сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихараами. со жз ахам̣, б̣раахман̣а, звам̣бхууд̇о жан̇гамаами, д̣̇иб̣б̣о мз зсо д̇асмим̣ самаяз жан̇гамо ход̇и. со жз ахам̣, б̣раахман̣а, звам̣бхууд̇о д̇идтаами, д̣̇иб̣б̣ам̣ мз зд̇ам̣ д̇асмим̣ самаяз таанам̣ ход̇и. со жз ахам̣, б̣раахман̣а, звам̣бхууд̇о нисийд̣̇аами, д̣̇иб̣б̣ам̣ мз зд̇ам̣ д̇асмим̣ самаяз аасанам̣ ход̇и. со жз ахам̣, б̣раахман̣а, звам̣бхууд̇о сзяяам̣ габбзми, д̣̇иб̣б̣ам̣ мз зд̇ам̣ д̇асмим̣ самаяз ужжаасаяанамахаасаяанам̣ ход̇и. ид̣̇ам̣ ко, б̣раахман̣а, д̣̇иб̣б̣ам̣ ужжаасаяанамахаасаяанам̣, яассаахам̣ зд̇арахи нигаамалаабхий агижчалаабхий агасиралаабхий’’д̇и.
‘‘Katamaṃ pana taṃ, bho gotama, dibbaṃ uccāsayanamahāsayanaṃ, yassa bhavaṃ gotamo etarahi nikāmalābhī akicchalābhī akasiralābhī’’ti? ‘‘Idhāhaṃ, brāhmaṇa, yaṃ gāmaṃ vā nigamaṃ vā upanissāya viharāmi, so pubbaṇhasamayaṃ nivāsetvā pattacīvaramādāya tameva gāmaṃ vā nigamaṃ vā piṇḍāya pavisāmi. So pacchābhattaṃ piṇḍapātapaṭikkanto vanantaññeva pavisāmi 14. So yadeva tattha honti tiṇāni vā paṇṇāni vā tāni ekajjhaṃ saṅgharitvā nisīdāmi pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharāmi; vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharāmi; pītiyā ca virāgā upekkhako ca viharāmi sato ca sampajāno sukhañca kāyena paṭisaṃvedemi, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharāmi; sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharāmi. So ce ahaṃ, brāhmaṇa, evaṃbhūto caṅkamāmi, dibbo me eso tasmiṃ samaye caṅkamo hoti. So ce ahaṃ, brāhmaṇa, evaṃbhūto tiṭṭhāmi, dibbaṃ me etaṃ tasmiṃ samaye ṭhānaṃ hoti. So ce ahaṃ, brāhmaṇa, evaṃbhūto nisīdāmi, dibbaṃ me etaṃ tasmiṃ samaye āsanaṃ hoti. So ce ahaṃ, brāhmaṇa, evaṃbhūto seyyaṃ kappemi, dibbaṃ me etaṃ tasmiṃ samaye uccāsayanamahāsayanaṃ hoti. Idaṃ kho, brāhmaṇa, dibbaṃ uccāsayanamahāsayanaṃ, yassāhaṃ etarahi nikāmalābhī akicchalābhī akasiralābhī’’ti.
‘‘ажчарияам̣, бхо г̇од̇ама, аб̣бхуд̇ам̣, бхо г̇од̇ама! го жан̃н̃о зваруубасса д̣̇иб̣б̣асса ужжаасаяанамахаасаяанасса нигаамалаабхий бхависсад̇и агижчалаабхий агасиралаабхий, ан̃н̃ад̇ра бход̇аа г̇од̇амзна!
‘‘Acchariyaṃ, bho gotama, abbhutaṃ, bho gotama! Ko cañño evarūpassa dibbassa uccāsayanamahāsayanassa nikāmalābhī bhavissati akicchalābhī akasiralābhī, aññatra bhotā gotamena!
‘‘гад̇амам̣ бана д̇ам̣, бхо г̇од̇ама, б̣рахмам̣ ужжаасаяанамахаасаяанам̣, яасса бхавам̣ г̇од̇амо зд̇арахи нигаамалаабхий агижчалаабхий агасиралаабхий’’д̇и? ‘‘ид̇хаахам̣, б̣раахман̣а, яам̣ г̇аамам̣ ваа ниг̇амам̣ ваа убаниссааяа вихараами, со буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа д̇амзва г̇аамам̣ ваа ниг̇амам̣ ваа бин̣д̣ааяа бависаами. со бажчаабхад̇д̇ам̣ бин̣д̣абаад̇абадигганд̇о вананд̇ан̃н̃зва бависаами. со яад̣̇зва д̇ад̇т̇а хонд̇и д̇ин̣аани ваа бан̣н̣аани ваа д̇аани згаж̇жхам̣ сан̇гхарид̇ваа нисийд̣̇аами баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихараами, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣, ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇жхзна 15 парид̇ваа вихараами. гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихараами, д̇ат̇аа д̣̇уд̇ияам̣, д̇ат̇аа д̇ад̇ияам̣ , д̇ат̇аа жад̇уд̇т̇ам̣ 16, ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇жхзна парид̇ваа вихараами. со жз ахам̣, б̣раахман̣а, звам̣бхууд̇о жан̇гамаами, б̣рахмаа мз зсо д̇асмим̣ самаяз жан̇гамо ход̇и. со жз ахам̣, б̣раахман̣а, звам̣бхууд̇о д̇идтаами…бз… нисийд̣̇аами…бз… сзяяам̣ габбзми, б̣рахмам̣ мз зд̇ам̣ д̇асмим̣ самаяз ужжаасаяанамахаасаяанам̣ ход̇и. ид̣̇ам̣ ко, б̣раахман̣а, б̣рахмам̣ ужжаасаяанамахаасаяанам̣, яассаахам̣ зд̇арахи нигаамалаабхий агижчалаабхий агасиралаабхий’’д̇и.
‘‘Katamaṃ pana taṃ, bho gotama, brahmaṃ uccāsayanamahāsayanaṃ, yassa bhavaṃ gotamo etarahi nikāmalābhī akicchalābhī akasiralābhī’’ti? ‘‘Idhāhaṃ, brāhmaṇa, yaṃ gāmaṃ vā nigamaṃ vā upanissāya viharāmi, so pubbaṇhasamayaṃ nivāsetvā pattacīvaramādāya tameva gāmaṃ vā nigamaṃ vā piṇḍāya pavisāmi. So pacchābhattaṃ piṇḍapātapaṭikkanto vanantaññeva pavisāmi. So yadeva tattha honti tiṇāni vā paṇṇāni vā tāni ekajjhaṃ saṅgharitvā nisīdāmi pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So mettāsahagatena cetasā ekaṃ disaṃ pharitvā viharāmi, tathā dutiyaṃ, tathā tatiyaṃ, tathā catutthaṃ, iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjhena 17 pharitvā viharāmi. Karuṇāsahagatena cetasā…pe… muditāsahagatena cetasā…pe… upekkhāsahagatena cetasā ekaṃ disaṃ pharitvā viharāmi, tathā dutiyaṃ, tathā tatiyaṃ , tathā catutthaṃ 18, iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjhena pharitvā viharāmi. So ce ahaṃ, brāhmaṇa, evaṃbhūto caṅkamāmi, brahmā me eso tasmiṃ samaye caṅkamo hoti. So ce ahaṃ, brāhmaṇa, evaṃbhūto tiṭṭhāmi…pe… nisīdāmi…pe… seyyaṃ kappemi, brahmaṃ me etaṃ tasmiṃ samaye uccāsayanamahāsayanaṃ hoti. Idaṃ kho, brāhmaṇa, brahmaṃ uccāsayanamahāsayanaṃ, yassāhaṃ etarahi nikāmalābhī akicchalābhī akasiralābhī’’ti.
‘‘ажчарияам̣ , бхо г̇од̇ама, аб̣бхуд̇ам̣, бхо г̇од̇ама! го жан̃н̃о зваруубасса б̣рахмасса ужжаасаяанамахаасаяанасса нигаамалаабхий бхависсад̇и агижчалаабхий агасиралаабхий, ан̃н̃ад̇ра бход̇аа г̇од̇амзна!
‘‘Acchariyaṃ , bho gotama, abbhutaṃ, bho gotama! Ko cañño evarūpassa brahmassa uccāsayanamahāsayanassa nikāmalābhī bhavissati akicchalābhī akasiralābhī, aññatra bhotā gotamena!
‘‘гад̇амам̣ бана д̇ам̣, бхо г̇од̇ама, арияам̣ ужжаасаяанамахаасаяанам̣, яасса бхавам̣ г̇од̇амо зд̇арахи нигаамалаабхий агижчалаабхий агасиралаабхий’’д̇и? ‘‘ид̇хаахам̣, б̣раахман̣а, яам̣ г̇аамам̣ ваа ниг̇амам̣ ваа убаниссааяа вихараами, со буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа д̇амзва г̇аамам̣ ваа ниг̇амам̣ ваа бин̣д̣ааяа бависаами. со бажчаабхад̇д̇ам̣ бин̣д̣абаад̇абадигганд̇о вананд̇ан̃н̃зва бависаами. со яад̣̇зва д̇ад̇т̇а хонд̇и д̇ин̣аани ваа бан̣н̣аани ваа д̇аани згаж̇жхам̣ сан̇гхарид̇ваа нисийд̣̇аами баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со звам̣ ж̇аанаами – ‘рааг̇о мз бахийно ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо; д̣̇осо мз бахийно ужчиннамууло д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо; мохо мз бахийно ужчиннамууло д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо’. со жз ахам̣, б̣раахман̣а, звам̣бхууд̇о жан̇гамаами, арияо мз зсо д̇асмим̣ самаяз жан̇гамо ход̇и. со жз ахам̣, б̣раахман̣а, звам̣бхууд̇о д̇идтаами…бз… нисийд̣̇аами…бз… сзяяам̣ габбзми, арияам̣ мз зд̇ам̣ д̇асмим̣ самаяз ужжаасаяанамахаасаяанам̣ ход̇и. ид̣̇ам̣ ко, б̣раахман̣а, арияам̣ ужжаасаяанамахаасаяанам̣, яассаахам̣ зд̇арахи нигаамалаабхий агижчалаабхий агасиралаабхий’’д̇и.
‘‘Katamaṃ pana taṃ, bho gotama, ariyaṃ uccāsayanamahāsayanaṃ, yassa bhavaṃ gotamo etarahi nikāmalābhī akicchalābhī akasiralābhī’’ti? ‘‘Idhāhaṃ, brāhmaṇa, yaṃ gāmaṃ vā nigamaṃ vā upanissāya viharāmi, so pubbaṇhasamayaṃ nivāsetvā pattacīvaramādāya tameva gāmaṃ vā nigamaṃ vā piṇḍāya pavisāmi. So pacchābhattaṃ piṇḍapātapaṭikkanto vanantaññeva pavisāmi. So yadeva tattha honti tiṇāni vā paṇṇāni vā tāni ekajjhaṃ saṅgharitvā nisīdāmi pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So evaṃ jānāmi – ‘rāgo me pahīno ucchinnamūlo tālāvatthukato anabhāvaṃkato āyatiṃ anuppādadhammo; doso me pahīno ucchinnamūlo tālāvatthukato anabhāvaṅkato āyatiṃ anuppādadhammo; moho me pahīno ucchinnamūlo tālāvatthukato anabhāvaṅkato āyatiṃ anuppādadhammo’. So ce ahaṃ, brāhmaṇa, evaṃbhūto caṅkamāmi, ariyo me eso tasmiṃ samaye caṅkamo hoti. So ce ahaṃ, brāhmaṇa, evaṃbhūto tiṭṭhāmi…pe… nisīdāmi…pe… seyyaṃ kappemi, ariyaṃ me etaṃ tasmiṃ samaye uccāsayanamahāsayanaṃ hoti. Idaṃ kho, brāhmaṇa, ariyaṃ uccāsayanamahāsayanaṃ, yassāhaṃ etarahi nikāmalābhī akicchalābhī akasiralābhī’’ti.
‘‘ажчарияам̣, бхо г̇од̇ама, аб̣бхуд̇ам̣, бхо г̇од̇ама! го жан̃н̃о зваруубасса арияасса ужжаасаяанамахаасаяанасса нигаамалаамий бхависсад̇и агижчалаабхий агасиралаабхий, ан̃н̃ад̇ра бход̇аа г̇од̇амзна!
‘‘Acchariyaṃ, bho gotama, abbhutaṃ, bho gotama! Ko cañño evarūpassa ariyassa uccāsayanamahāsayanassa nikāmalāmī bhavissati akicchalābhī akasiralābhī, aññatra bhotā gotamena!
‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и; звамзвам̣ ко бход̇аа г̇од̇амзна анзгабарияааязна д̇хаммо багаасид̇о. зд̇з маяам̣ бхаванд̇ам̣ г̇од̇амам̣ саран̣ам̣ г̇ажчаама д̇хамман̃жа бхигкусан̇гхан̃жа. убаасагз но бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇з саран̣ам̣ г̇ад̇з’’д̇и. д̇ад̇ияам̣.
‘‘Abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ kho bhotā gotamena anekapariyāyena dhammo pakāsito. Ete mayaṃ bhavantaṃ gotamaṃ saraṇaṃ gacchāma dhammañca bhikkhusaṅghañca. Upāsake no bhavaṃ gotamo dhāretu ajjatagge pāṇupete saraṇaṃ gate’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. взнааг̇абурасуд̇д̇аван̣н̣анаа • 3. Venāgapurasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. взнааг̇абурасуд̇д̇аван̣н̣анаа • 3. Venāgapurasuttavaṇṇanā
