| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. взнааг̇абурасуд̇д̇аван̣н̣анаа
3. Venāgapurasuttavaṇṇanā
64. д̇ад̇ияз госалзсууд̇и звам̣наамагз ж̇анабад̣̇з. жааригам̣ жарамаанод̇и ад̣̇д̇хаанаг̇аманам̣ г̇ажчанд̇о. жааригаа жа наамзсаа бхаг̇авад̇о д̣̇увид̇хаа ход̇и д̇урид̇ажааригаа жа ад̇урид̇ажааригаа жаад̇и. д̇ад̇т̇а д̣̇уурзби б̣од̇ханзяяабуг̇г̇алам̣ д̣̇исваа д̇асса б̣од̇ханад̇т̇ааяа сахасаа г̇аманам̣ д̇урид̇ажааригаа наама . саа махаагассабабажжуг̇г̇аманаад̣̇ийсу д̣̇адтаб̣б̣аа. яам̣ бана г̇ааманиг̇амабадибаадияаа д̣̇звасигам̣ яож̇анаад̣̇д̇хаяож̇анавасзна бин̣д̣абаад̇ажарияаад̣̇ийхи логам̣ ануг̇г̇ан̣ханд̇асса г̇аманам̣, аяам̣ ад̇урид̇ажааригаа наама. имам̣ санд̇хааязд̇ам̣ вуд̇д̇ам̣ – ‘‘жааригам̣ жарамаано’’д̇и. вид̇т̇аарзна бана жааригаагат̇аа суман̇г̇алавилаасинияаа д̣̇ийгханигааяадтагат̇ааяа амб̣адтасуд̇д̇аван̣н̣анааяам̣ (д̣̇ий. ни. адта. 1.254) вуд̇д̇аа. б̣раахман̣аг̇аамод̇и б̣раахман̣аанам̣ самосаран̣аг̇аамоби б̣раахман̣аг̇аамод̇и вужжад̇и, б̣раахман̣аанам̣ бхог̇аг̇аамоби. ид̇ха самосаран̣аг̇аамо б̣раахман̣авасанаг̇аамод̇и ад̇хиббзд̇о. д̇ад̣̇авасарийд̇и д̇ад̇т̇а авасари, самбад̇д̇од̇и ад̇т̇о. вихааро банзд̇т̇а анияаамид̇о. д̇асмаа д̇асса авид̣̇уурз б̣уд̣̇д̇хаанам̣ анужчавиго зго ванасан̣д̣о ад̇т̇и, сад̇т̇аа д̇ам̣ ванасан̣д̣ам̣ г̇ад̇од̇и взд̣̇ид̇аб̣б̣о.
64. Tatiye kosalesūti evaṃnāmake janapade. Cārikaṃ caramānoti addhānagamanaṃ gacchanto. Cārikā ca nāmesā bhagavato duvidhā hoti turitacārikā ca aturitacārikā cāti. Tattha dūrepi bodhaneyyapuggalaṃ disvā tassa bodhanatthāya sahasā gamanaṃ turitacārikā nāma . Sā mahākassapapaccuggamanādīsu daṭṭhabbā. Yaṃ pana gāmanigamapaṭipāṭiyā devasikaṃ yojanaaddhayojanavasena piṇḍapātacariyādīhi lokaṃ anuggaṇhantassa gamanaṃ, ayaṃ aturitacārikā nāma. Imaṃ sandhāyetaṃ vuttaṃ – ‘‘cārikaṃ caramāno’’ti. Vitthārena pana cārikākathā sumaṅgalavilāsiniyā dīghanikāyaṭṭhakathāya ambaṭṭhasuttavaṇṇanāyaṃ (dī. ni. aṭṭha. 1.254) vuttā. Brāhmaṇagāmoti brāhmaṇānaṃ samosaraṇagāmopi brāhmaṇagāmoti vuccati, brāhmaṇānaṃ bhogagāmopi. Idha samosaraṇagāmo brāhmaṇavasanagāmoti adhippeto. Tadavasarīti tattha avasari, sampattoti attho. Vihāro panettha aniyāmito. Tasmā tassa avidūre buddhānaṃ anucchaviko eko vanasaṇḍo atthi, satthā taṃ vanasaṇḍaṃ gatoti veditabbo.
ассосунд̇и сун̣им̣су убалабхим̣су, сод̇ад̣̇ваарасамбад̇д̇аважананиг̇гхосаанусаарзна ж̇ааним̣су. код̇и авад̇хааран̣ад̇т̇з, бад̣̇абууран̣амад̇д̇з ваа нибаад̇о. д̇ад̇т̇а авад̇хааран̣ад̇т̇зна ‘‘ассосум̣ зва, на д̇зсам̣ гожи савананд̇арааяо ахосий’’д̇и аяамад̇т̇о взд̣̇ид̇аб̣б̣о. бад̣̇абууран̣зна б̣яан̃ж̇анасилидтад̇аамад̇д̇амзва.
Assosunti suṇiṃsu upalabhiṃsu, sotadvārasampattavacananigghosānusārena jāniṃsu. Khoti avadhāraṇatthe, padapūraṇamatte vā nipāto. Tattha avadhāraṇatthena ‘‘assosuṃ eva, na tesaṃ koci savanantarāyo ahosī’’ti ayamattho veditabbo. Padapūraṇena byañjanasiliṭṭhatāmattameva.
ид̣̇аани яамад̇т̇ам̣ ассосум̣, д̇ам̣ багаасзд̇ум̣ саман̣о калу, бхо, г̇од̇амод̇иаад̣̇и вуд̇д̇ам̣. д̇ад̇т̇а самид̇абаабад̇д̇аа саман̣од̇и взд̣̇ид̇аб̣б̣о. калууд̇и ануссавад̇т̇з нибаад̇о. бход̇и д̇зсам̣ ан̃н̃аман̃н̃ам̣ аалабанамад̇д̇ам̣. г̇од̇амод̇и бхаг̇авад̇о г̇од̇д̇авасзна барид̣̇ийбанам̣, д̇асмаа ‘‘саман̣о калу, бхо, г̇од̇амо’’д̇и зд̇т̇а саман̣о гира, бхо, г̇од̇амаг̇од̇д̇од̇и звамад̇т̇о д̣̇адтаб̣б̣о. сагяабуд̇д̇од̇и ид̣̇ам̣ бана бхаг̇авад̇о ужжаагулабарид̣̇ийбанам̣. сагяагулаа баб̣б̣аж̇ид̇од̇и сад̣̇д̇хаабаб̣б̣аж̇ид̇абхаавабарид̣̇ийбанам̣, гзнажи баариж̇ун̃н̃зна анабхибхууд̇о абаригкийн̣ам̣язва д̇ам̣ гулам̣ бахааяа сад̣̇д̇хааяа баб̣б̣аж̇ид̇од̇и вуд̇д̇ам̣ ход̇и. д̇ам̣ ко банаад̇и ид̇т̇амбхууд̇аакяаанад̇т̇з убаяог̇аважанам̣, д̇асса ко бана бход̇о г̇од̇амассаад̇и ад̇т̇о. галяаан̣од̇и галяаан̣аг̇ун̣асаманнааг̇ад̇о, сздтод̇и вуд̇д̇ам̣ ход̇и. гид̇д̇исад̣̇д̣̇од̇и гид̇д̇иязва, т̇уд̇игхосо ваа. аб̣бхуг̇г̇ад̇од̇и сад̣̇звагам̣ логам̣ аж̇жход̇т̇арид̇ваа уг̇г̇ад̇о. гинд̇и? ид̇иби со бхаг̇аваа…бз… б̣уд̣̇д̇хо бхаг̇аваад̇и. д̇ад̇рааяам̣ бад̣̇асамб̣анд̇хо – со бхаг̇аваа ид̇иби арахам̣, ид̇иби саммаасамб̣уд̣̇д̇хо…бз… ид̇иби бхаг̇аваад̇и. иминаа жа иминаа жа гааран̣знаад̇и вуд̇д̇ам̣ ход̇и.
Idāni yamatthaṃ assosuṃ, taṃ pakāsetuṃ samaṇo khalu, bho, gotamotiādi vuttaṃ. Tattha samitapāpattā samaṇoti veditabbo. Khalūti anussavatthe nipāto. Bhoti tesaṃ aññamaññaṃ ālapanamattaṃ. Gotamoti bhagavato gottavasena paridīpanaṃ, tasmā ‘‘samaṇo khalu, bho, gotamo’’ti ettha samaṇo kira, bho, gotamagottoti evamattho daṭṭhabbo. Sakyaputtoti idaṃ pana bhagavato uccākulaparidīpanaṃ. Sakyakulā pabbajitoti saddhāpabbajitabhāvaparidīpanaṃ, kenaci pārijuññena anabhibhūto aparikkhīṇaṃyeva taṃ kulaṃ pahāya saddhāya pabbajitoti vuttaṃ hoti. Taṃ kho panāti itthambhūtākhyānatthe upayogavacanaṃ, tassa kho pana bhoto gotamassāti attho. Kalyāṇoti kalyāṇaguṇasamannāgato, seṭṭhoti vuttaṃ hoti. Kittisaddoti kittiyeva, thutighoso vā. Abbhuggatoti sadevakaṃ lokaṃ ajjhottharitvā uggato. Kinti? Itipi so bhagavā…pe… buddho bhagavāti. Tatrāyaṃ padasambandho – so bhagavā itipi arahaṃ, itipi sammāsambuddho…pe… itipi bhagavāti. Iminā ca iminā ca kāraṇenāti vuttaṃ hoti.
д̇ад̇т̇а ‘‘аарагад̇д̇аа, арийнам̣ араанан̃жа хад̇ад̇д̇аа, бажжаяаад̣̇ийнам̣ арахад̇д̇аа, баабагаран̣з рахаабхааваад̇и имзхи гааран̣зхи со бхаг̇аваа араханд̇и взд̣̇ид̇аб̣б̣о’’д̇иаад̣̇инаа наязна маад̇игам̣ нигкибид̇ваа саб̣б̣аанзва зд̇аани бад̣̇аани висуд̣̇д̇химаг̇г̇з (висуд̣̇д̇хи. 1.125-127) б̣уд̣̇д̇хаануссад̇инид̣̇д̣̇зсз вид̇т̇аарид̇аанийд̇и д̇ад̇о нзсам̣ вид̇т̇ааро г̇ахзд̇аб̣б̣о.
Tattha ‘‘ārakattā, arīnaṃ arānañca hatattā, paccayādīnaṃ arahattā, pāpakaraṇe rahābhāvāti imehi kāraṇehi so bhagavā arahanti veditabbo’’tiādinā nayena mātikaṃ nikkhipitvā sabbāneva etāni padāni visuddhimagge (visuddhi. 1.125-127) buddhānussatiniddese vitthāritānīti tato nesaṃ vitthāro gahetabbo.
со имам̣ логанд̇и со бхавам̣ г̇од̇амо имам̣ логам̣, ид̣̇аани вад̇д̇аб̣б̣ам̣ нид̣̇ассзд̇и. сад̣̇зваганд̇и саха д̣̇звзхи сад̣̇звагам̣. звам̣ саха маарзна самаарагам̣. саха б̣рахмунаа саб̣рахмагам̣. саха саман̣аб̣раахман̣зхи сассаман̣аб̣раахман̣им̣. баж̇аад̇ад̇д̇аа баж̇аа, д̇ам̣ баж̇ам̣. саха д̣̇звамануссзхи сад̣̇звамануссам̣. д̇ад̇т̇а сад̣̇звагаважанзна бан̃жагаамааважарад̣̇зваг̇г̇ахан̣ам̣ взд̣̇ид̇аб̣б̣ам̣, самаарагаважанзна чадтагаамааважарад̣̇зваг̇г̇ахан̣ам̣, саб̣рахмагаважанзна б̣рахмагааяигаад̣̇иб̣рахмаг̇г̇ахан̣ам̣, сассаман̣аб̣раахман̣иважанзна саасанасса бажжад̇т̇игабажжаамид̇д̇асаман̣аб̣раахман̣аг̇г̇ахан̣ам̣, самид̇абаабаб̣аахид̇абаабасаман̣аб̣раахман̣аг̇г̇ахан̣ан̃жа, баж̇ааважанзна сад̇д̇алогаг̇г̇ахан̣ам̣, сад̣̇звамануссаважанзна саммуд̇ид̣̇зваавасзсамануссаг̇г̇ахан̣ам̣. звамзд̇т̇а д̇ийхи бад̣̇зхи огаасалогзна сад̣̇д̇хим̣ сад̇д̇алого, д̣̇вийхи баж̇аавасзна сад̇д̇алогова г̇ахид̇од̇и взд̣̇ид̇аб̣б̣о.
Soimaṃ lokanti so bhavaṃ gotamo imaṃ lokaṃ, idāni vattabbaṃ nidasseti. Sadevakanti saha devehi sadevakaṃ. Evaṃ saha mārena samārakaṃ. Saha brahmunā sabrahmakaṃ. Saha samaṇabrāhmaṇehi sassamaṇabrāhmaṇiṃ. Pajātattā pajā, taṃ pajaṃ. Saha devamanussehi sadevamanussaṃ. Tattha sadevakavacanena pañcakāmāvacaradevaggahaṇaṃ veditabbaṃ, samārakavacanena chaṭṭhakāmāvacaradevaggahaṇaṃ, sabrahmakavacanena brahmakāyikādibrahmaggahaṇaṃ, sassamaṇabrāhmaṇivacanena sāsanassa paccatthikapaccāmittasamaṇabrāhmaṇaggahaṇaṃ, samitapāpabāhitapāpasamaṇabrāhmaṇaggahaṇañca, pajāvacanena sattalokaggahaṇaṃ, sadevamanussavacanena sammutidevaavasesamanussaggahaṇaṃ. Evamettha tīhi padehi okāsalokena saddhiṃ sattaloko, dvīhi pajāvasena sattalokova gahitoti veditabbo.
абаро наяо – сад̣̇звагаг̇г̇ахан̣зна аруубааважаралого г̇ахид̇о, самаарагаг̇г̇ахан̣зна чагаамааважарад̣̇звалого, саб̣рахмагаг̇г̇ахан̣зна руубийб̣рахмалого, сассаман̣аб̣раахман̣аад̣̇иг̇г̇ахан̣зна жад̇убарисавасзна, саммуд̇ид̣̇звзхи ваа саха мануссалого, авасзсасаб̣б̣асад̇д̇алого ваа. бораан̣аа банааху – сад̣̇зваганд̇и д̣̇звад̇аахи сад̣̇д̇хим̣ авасзсалогам̣. самаараганд̇и маарзна сад̣̇д̇хим̣ авасзсалогам̣. саб̣рахмаганд̇и б̣рахмзхи сад̣̇д̇хим̣ авасзсалогам̣. звам̣ саб̣б̣зби д̇ибхавуубаг̇з сад̇д̇з д̇ийхаагаарзхи д̇ийсу бад̣̇зсу багкибид̇ваа буна д̣̇вийхи бад̣̇зхи барияаад̣̇аад̇ум̣ сассаман̣аб̣раахман̣им̣ баж̇ам̣ сад̣̇звамануссанд̇и вуд̇д̇ам̣. звам̣ бан̃жахи бад̣̇зхи д̇зна д̇знаагаарзна д̇зд̇хаад̇угамзва барияаад̣̇иннанд̇и.
Aparo nayo – sadevakaggahaṇena arūpāvacaraloko gahito, samārakaggahaṇena chakāmāvacaradevaloko, sabrahmakaggahaṇena rūpībrahmaloko, sassamaṇabrāhmaṇādiggahaṇena catuparisavasena, sammutidevehi vā saha manussaloko, avasesasabbasattaloko vā. Porāṇā panāhu – sadevakanti devatāhi saddhiṃ avasesalokaṃ. Samārakanti mārena saddhiṃ avasesalokaṃ. Sabrahmakanti brahmehi saddhiṃ avasesalokaṃ. Evaṃ sabbepi tibhavūpage satte tīhākārehi tīsu padesu pakkhipitvā puna dvīhi padehi pariyādātuṃ sassamaṇabrāhmaṇiṃ pajaṃ sadevamanussanti vuttaṃ. Evaṃ pañcahi padehi tena tenākārena tedhātukameva pariyādinnanti.
саяам̣ абхин̃н̃аа сажчигад̇ваа бавзд̣̇зд̇ийд̇и саяанд̇и саамам̣, абаранзяяо худ̇ваа. абхин̃н̃аад̇и абхин̃н̃ааяа, ад̇хигзна н̃аан̣зна н̃ад̇ваад̇и ад̇т̇о. сажчигад̇ваад̇и бажжагкам̣ гад̇ваа , зд̇зна анумаанаад̣̇ибадигкзбо гад̇о. бавзд̣̇зд̇ийд̇и б̣од̇хзд̇и н̃аабзд̇и багаасзд̇и.
Sayaṃ abhiññā sacchikatvā pavedetīti sayanti sāmaṃ, aparaneyyo hutvā. Abhiññāti abhiññāya, adhikena ñāṇena ñatvāti attho. Sacchikatvāti paccakkhaṃ katvā , etena anumānādipaṭikkhepo kato. Pavedetīti bodheti ñāpeti pakāseti.
со д̇хаммам̣ д̣̇зсзд̇и аад̣̇игаляаан̣ам̣…бз… барияосаанагаляаан̣анд̇и со бхаг̇аваа сад̇д̇зсу гаарун̃н̃ад̇ам̣ бадижжа хид̇вааби ануд̇д̇арам̣ вивзгасукам̣ д̇хаммам̣ д̣̇зсзд̇и. д̇ан̃жа ко аббам̣ ваа б̣ахум̣ ваа д̣̇зсзнд̇о аад̣̇игаляаан̣аад̣̇иббагаарамзва д̣̇зсзд̇и, аад̣̇имхиби галяаан̣ам̣ бхад̣̇д̣̇агам̣ анаваж̇ж̇амзва гад̇ваа д̣̇зсзд̇и, маж̇жхзби, барияосаанзби галяаан̣ам̣ бхад̣̇д̣̇агам̣ анаваж̇ж̇амзва гад̇ваа д̣̇зсзд̇ийд̇и вуд̇д̇ам̣ ход̇и.
So dhammaṃ deseti ādikalyāṇaṃ…pe… pariyosānakalyāṇanti so bhagavā sattesu kāruññataṃ paṭicca hitvāpi anuttaraṃ vivekasukhaṃ dhammaṃ deseti. Tañca kho appaṃ vā bahuṃ vā desento ādikalyāṇādippakārameva deseti, ādimhipi kalyāṇaṃ bhaddakaṃ anavajjameva katvā deseti, majjhepi, pariyosānepi kalyāṇaṃ bhaddakaṃ anavajjameva katvā desetīti vuttaṃ hoti.
д̇ад̇т̇а ад̇т̇и д̣̇зсанааяа аад̣̇имаж̇жхабарияосаанам̣, ад̇т̇и саасанасса. д̣̇зсанааяа д̇аава жад̇уббад̣̇игааяаби г̇аат̇ааяа батамабаад̣̇о аад̣̇и наама, д̇ад̇о д̣̇вз маж̇жхам̣ наама, анд̇з зго барияосаанам̣ наама. згаанусанд̇хигасса суд̇д̇асса нид̣̇аанам̣ аад̣̇и, ид̣̇амавожаад̇и барияосаанам̣, убхиннам̣ анд̇араа маж̇жхам̣. анзгаанусанд̇хигасса суд̇д̇асса батамаанусанд̇хи аад̣̇и, анд̇з анусанд̇хи барияосаанам̣, маж̇жхз зго ваа д̣̇вз ваа б̣ахуу ваа маж̇жхамзва.
Tattha atthi desanāya ādimajjhapariyosānaṃ, atthi sāsanassa. Desanāya tāva catuppadikāyapi gāthāya paṭhamapādo ādi nāma, tato dve majjhaṃ nāma, ante eko pariyosānaṃ nāma. Ekānusandhikassa suttassa nidānaṃ ādi, idamavocāti pariyosānaṃ, ubhinnaṃ antarā majjhaṃ. Anekānusandhikassa suttassa paṭhamānusandhi ādi, ante anusandhi pariyosānaṃ, majjhe eko vā dve vā bahū vā majjhameva.
саасанасса сийласамаад̇хивибассанаа аад̣̇и наама. вуд̇д̇амби жзд̇ам̣ – ‘‘го жаад̣̇и гусалаанам̣ д̇хаммаанам̣, сийлан̃жа сувисуд̣̇д̇хам̣ д̣̇идти жа уж̇угаа’’д̇и (сам̣. ни. 5.369). ‘‘ад̇т̇и, бхигкавз, маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа’’д̇и звам̣ вуд̇д̇о бана арияамаг̇г̇о маж̇жхам̣ наама. палан̃жзва ниб̣б̣аанан̃жа барияосаанам̣ наама. ‘‘д̇асмаад̇иха д̇вам̣, б̣раахман̣а, б̣рахмажарияам̣ зд̇ам̣баарам̣ зд̇ам̣барияосаана’’нд̇и зд̇т̇а палам̣ барияосананд̇и вуд̇д̇ам̣. ‘‘ниб̣б̣ааног̇ад̇хан̃хи, аавусо висаака, б̣рахмажарияам̣ вуссад̇и ниб̣б̣аанабарааяан̣ам̣ ниб̣б̣аанабарияосаана’’нд̇и (ма. ни. 1.466) зд̇т̇а ниб̣б̣аанам̣ барияосаананд̇и вуд̇д̇ам̣. ид̇ха бана д̣̇зсанааяа аад̣̇имаж̇жхабарияосаанам̣ ад̇хиббзд̇ам̣. бхаг̇аваа хи д̇хаммам̣ д̣̇зсзнд̇о аад̣̇имхи сийлам̣ д̣̇ассзд̇ваа маж̇жхз маг̇г̇ам̣ барияосаанз ниб̣б̣аанам̣ д̣̇ассзд̇и. д̇зна вуд̇д̇ам̣ – ‘‘со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣а’’нд̇и. д̇асмаа ан̃н̃оби д̇хаммагат̇иго д̇хаммам̣ гат̇знд̇о –
Sāsanassa sīlasamādhivipassanā ādi nāma. Vuttampi cetaṃ – ‘‘ko cādi kusalānaṃ dhammānaṃ, sīlañca suvisuddhaṃ diṭṭhi ca ujukā’’ti (saṃ. ni. 5.369). ‘‘Atthi, bhikkhave, majjhimā paṭipadā tathāgatena abhisambuddhā’’ti evaṃ vutto pana ariyamaggo majjhaṃ nāma. Phalañceva nibbānañca pariyosānaṃ nāma. ‘‘Tasmātiha tvaṃ, brāhmaṇa, brahmacariyaṃ etaṃpāraṃ etaṃpariyosāna’’nti ettha phalaṃ pariyosananti vuttaṃ. ‘‘Nibbānogadhañhi, āvuso visākha, brahmacariyaṃ vussati nibbānaparāyaṇaṃ nibbānapariyosāna’’nti (ma. ni. 1.466) ettha nibbānaṃ pariyosānanti vuttaṃ. Idha pana desanāya ādimajjhapariyosānaṃ adhippetaṃ. Bhagavā hi dhammaṃ desento ādimhi sīlaṃ dassetvā majjhe maggaṃ pariyosāne nibbānaṃ dasseti. Tena vuttaṃ – ‘‘so dhammaṃ deseti ādikalyāṇaṃ majjhekalyāṇaṃ pariyosānakalyāṇa’’nti. Tasmā aññopi dhammakathiko dhammaṃ kathento –
‘‘аад̣̇имхи сийлам̣ д̣̇ассзяяа, маж̇жхз маг̇г̇ам̣ вибхааваяз;
‘‘Ādimhi sīlaṃ dasseyya, majjhe maggaṃ vibhāvaye;
барияосаанамхи ниб̣б̣аанам̣, зсаа гат̇игасан̣тид̇ий’’д̇и.
Pariyosānamhi nibbānaṃ, esā kathikasaṇṭhitī’’ti.
саад̇т̇ам̣ саб̣яан̃ж̇ананд̇и яасса хи яааг̇убхад̇д̇аид̇т̇ибурисаад̣̇иван̣н̣анааниссид̇аа д̣̇зсанаа ход̇и, на со саад̇т̇ам̣ д̣̇зсзд̇и. бхаг̇аваа бана д̇ат̇ааруубам̣ д̣̇зсанам̣ бахааяа жад̇усад̇ибадтаанаад̣̇иниссид̇ам̣ д̣̇зсанам̣ д̣̇зсзд̇и. д̇асмаа ‘‘саад̇т̇ам̣ д̣̇зсзд̇ий’’д̇и вужжад̇и. яасса бана д̣̇зсанаа згаб̣яан̃ж̇анаад̣̇ияуд̇д̇аа ваа саб̣б̣аниродтаб̣яан̃ж̇анаа ваа саб̣б̣ависсадтаб̣яан̃ж̇анаа ваа саб̣б̣аниг̇г̇ахид̇аб̣яан̃ж̇анаа ваа, д̇асса д̣̇амил̣агираад̇аяаванаад̣̇имилагкаанам̣ бхаасаа вияа б̣яан̃ж̇анабаарибуурияаа абхаавад̇о аб̣яан̃ж̇анаа наама д̣̇зсанаа ход̇и. бхаг̇аваа бана –
Sātthaṃ sabyañjananti yassa hi yāgubhattaitthipurisādivaṇṇanānissitā desanā hoti, na so sātthaṃ deseti. Bhagavā pana tathārūpaṃ desanaṃ pahāya catusatipaṭṭhānādinissitaṃ desanaṃ deseti. Tasmā ‘‘sātthaṃ desetī’’ti vuccati. Yassa pana desanā ekabyañjanādiyuttā vā sabbaniroṭṭhabyañjanā vā sabbavissaṭṭhabyañjanā vā sabbaniggahitabyañjanā vā, tassa damiḷakirātayavanādimilakkhānaṃ bhāsā viya byañjanapāripūriyā abhāvato abyañjanā nāma desanā hoti. Bhagavā pana –
‘‘сит̇илам̣ д̇ханид̇ан̃жа д̣̇ийгхарассам̣, лахугам̣ г̇аруган̃жа ниг̇г̇ахийд̇ам̣;
‘‘Sithilaṃ dhanitañca dīgharassaṃ, lahukaṃ garukañca niggahītaṃ;
самб̣анд̇хам̣ вавад̇т̇ид̇ам̣ вимуд̇д̇ам̣, д̣̇асад̇хаа б̣яан̃ж̇анаб̣уд̣̇д̇хияаа бабхзд̣̇о’’д̇и. –
Sambandhaṃ vavatthitaṃ vimuttaṃ, dasadhā byañjanabuddhiyā pabhedo’’ti. –
звам̣ вуд̇д̇ам̣ д̣̇асавид̇хам̣ б̣яан̃ж̇анам̣ амагкзд̇ваа барибун̣н̣аб̣яан̃ж̇анамзва гад̇ваа д̇хаммам̣ д̣̇зсзд̇и. д̇асмаа ‘‘саб̣яан̃ж̇анам̣ гад̇ваа д̣̇зсзд̇ий’’д̇и вужжад̇и. гзвалабарибун̣н̣анд̇и зд̇т̇а гзваланд̇и сагалаад̇хиважанам̣. барибун̣н̣анд̇и ануунаад̇хигаважанам̣. ид̣̇ам̣ вуд̇д̇ам̣ ход̇и – сагалабарибун̣н̣амзва д̣̇зсзд̇и, згад̣̇зсанааби абарибун̣н̣аа над̇т̇ийд̇и. барисуд̣̇д̇ханд̇и нирубаггилзсам̣. яо хи ‘‘имам̣ д̇хаммад̣̇зсанам̣ ниссааяа лаабхам̣ ваа саггаарам̣ ваа лабхиссаамий’’д̇и д̣̇зсзд̇и, д̇асса абарисуд̣̇д̇хаа д̣̇зсанаа наама ход̇и. бхаг̇аваа бана логаамисанирабзгко хид̇апаран̣знзва мзд̇д̇аабхааванааяа муд̣̇ухад̣̇аяо уллумбанасабхаавасан̣тид̇зна жид̇д̇зна д̣̇зсзд̇и. д̇асмаа барисуд̣̇д̇хам̣ д̣̇зсзд̇ийд̇и вужжад̇и. б̣рахмажарияам̣ багаасзд̇ийд̇и зд̇т̇а б̣рахмажарияанд̇и сигкад̇д̇аяасан̇г̇ахид̇ам̣ сагалам̣ саасанам̣. д̇асмаа б̣рахмажарияам̣ багаасзд̇ийд̇и со д̇хаммам̣ д̣̇зсзд̇и аад̣̇игаляаан̣ам̣…бз… барисуд̣̇д̇хам̣, звам̣ д̣̇зсзнд̇о жа сигкад̇д̇аяасан̇г̇ахид̇ам̣ сагаласаасанаб̣рахмажарияам̣ багаасзд̇ийд̇и звамзд̇т̇а ад̇т̇о д̣̇адтаб̣б̣о. б̣рахмажарияанд̇и сздтадтзна б̣рахмабхууд̇ам̣ жарияам̣, б̣рахмабхууд̇аанам̣ ваа б̣уд̣̇д̇хаад̣̇ийнам̣ жарияанд̇и вуд̇д̇ам̣ ход̇и.
Evaṃ vuttaṃ dasavidhaṃ byañjanaṃ amakkhetvā paripuṇṇabyañjanameva katvā dhammaṃ deseti. Tasmā ‘‘sabyañjanaṃ katvā desetī’’ti vuccati. Kevalaparipuṇṇanti ettha kevalanti sakalādhivacanaṃ. Paripuṇṇanti anūnādhikavacanaṃ. Idaṃ vuttaṃ hoti – sakalaparipuṇṇameva deseti, ekadesanāpi aparipuṇṇā natthīti. Parisuddhanti nirupakkilesaṃ. Yo hi ‘‘imaṃ dhammadesanaṃ nissāya lābhaṃ vā sakkāraṃ vā labhissāmī’’ti deseti, tassa aparisuddhā desanā nāma hoti. Bhagavā pana lokāmisanirapekkho hitapharaṇeneva mettābhāvanāya muduhadayo ullumpanasabhāvasaṇṭhitena cittena deseti. Tasmā parisuddhaṃ desetīti vuccati. Brahmacariyaṃ pakāsetīti ettha brahmacariyanti sikkhattayasaṅgahitaṃ sakalaṃ sāsanaṃ. Tasmā brahmacariyaṃ pakāsetīti so dhammaṃ deseti ādikalyāṇaṃ…pe… parisuddhaṃ, evaṃ desento ca sikkhattayasaṅgahitaṃ sakalasāsanabrahmacariyaṃ pakāsetīti evamettha attho daṭṭhabbo. Brahmacariyanti seṭṭhaṭṭhena brahmabhūtaṃ cariyaṃ, brahmabhūtānaṃ vā buddhādīnaṃ cariyanti vuttaṃ hoti.
саад̇ху ко банаад̇и сунд̣̇арам̣ ко бана, ад̇т̇аавахам̣ сукааваханд̇и вуд̇д̇ам̣ ход̇и. д̇ат̇ааруубаанам̣ арахад̇анд̇и яат̇ааруубо со бхавам̣ г̇од̇амо, зваруубаанам̣ анзгзхиби габбагодисад̇асахассзхи д̣̇уллабхад̣̇ассанаанам̣ б̣яаамаббабхаабаригкид̇д̇зхи асийд̇иануб̣яан̃ж̇анабадиман̣д̣ид̇зхи д̣̇вад̇д̇им̣самахаабурисалагкан̣аварзхи самаагин̣н̣аманорамасарийраанам̣ анаббагад̣̇ассанаанам̣ ад̇имад̇хурад̇хамманиг̇гхосаанам̣ яат̇аабхууд̇аг̇ун̣аад̇хиг̇амзна логз араханд̇од̇и лад̣̇д̇хасад̣̇д̣̇аанам̣ арахад̇ам̣. д̣̇ассанам̣ ход̇ийд̇и басаад̣̇асоммаани агкийни уммийлзд̇ваа д̣̇ассанамад̇д̇амби саад̇ху ход̇и. сажз бана адтан̇г̇асаманнааг̇ад̇зна б̣рахмассарзна д̇хаммам̣ д̣̇зсзнд̇асса згабад̣̇амби сод̇ум̣ лабхиссаама, саад̇худ̇арам̣язва бхависсад̇ийд̇и звам̣ аж̇жхаасаяам̣ гад̇ваа. язна бхаг̇аваа д̇знубасан̇гамим̣сууд̇и саб̣б̣агижжаани бахааяа д̇удтамаанасаа аг̇амам̣су. ан̃ж̇алим̣ бан̣аамзд̇ваад̇и зд̇з убхад̇обагкигаа, д̇з звам̣ жинд̇зсум̣ – ‘‘сажз но мижчаад̣̇идтигаа жод̣̇зссанд̇и ‘гасмаа д̇умхз саман̣ам̣ г̇од̇амам̣ ванд̣̇ид̇т̇аа’д̇и, д̇зсам̣ ‘гим̣ ан̃ж̇алигаран̣амад̇д̇знааби ванд̣̇ид̇ам̣ ход̇ий’д̇и вагкаама . сажз но саммаад̣̇идтигаа жод̣̇зссанд̇и ‘гасмаа бхаг̇аванд̇ам̣ на ванд̣̇ид̇т̇аа’д̇и, ‘гим̣ сийсзна бхуумим̣ бахаранд̇знзва ванд̣̇ид̇ам̣ ход̇и. нану ан̃ж̇алигаммамби ванд̣̇анаа зваа’д̇и вагкаамаа’’д̇и.
Sādhu kho panāti sundaraṃ kho pana, atthāvahaṃ sukhāvahanti vuttaṃ hoti. Tathārūpānaṃ arahatanti yathārūpo so bhavaṃ gotamo, evarūpānaṃ anekehipi kappakoṭisatasahassehi dullabhadassanānaṃ byāmappabhāparikkhittehi asītianubyañjanapaṭimaṇḍitehi dvattiṃsamahāpurisalakkhaṇavarehi samākiṇṇamanoramasarīrānaṃ anappakadassanānaṃ atimadhuradhammanigghosānaṃ yathābhūtaguṇādhigamena loke arahantoti laddhasaddānaṃ arahataṃ. Dassanaṃ hotīti pasādasommāni akkhīni ummīletvā dassanamattampi sādhu hoti. Sace pana aṭṭhaṅgasamannāgatena brahmassarena dhammaṃ desentassa ekapadampi sotuṃ labhissāma, sādhutaraṃyeva bhavissatīti evaṃ ajjhāsayaṃ katvā. Yena bhagavā tenupasaṅkamiṃsūti sabbakiccāni pahāya tuṭṭhamānasā agamaṃsu. Añjaliṃ paṇāmetvāti ete ubhatopakkhikā, te evaṃ cintesuṃ – ‘‘sace no micchādiṭṭhikā codessanti ‘kasmā tumhe samaṇaṃ gotamaṃ vanditthā’ti, tesaṃ ‘kiṃ añjalikaraṇamattenāpi vanditaṃ hotī’ti vakkhāma . Sace no sammādiṭṭhikā codessanti ‘kasmā bhagavantaṃ na vanditthā’ti, ‘kiṃ sīsena bhūmiṃ paharanteneva vanditaṃ hoti. Nanu añjalikammampi vandanā evā’ti vakkhāmā’’ti.
наамаг̇од̇д̇анд̇и , ‘‘бхо г̇од̇ама, ахам̣ асугасса буд̇д̇о д̣̇ад̇д̇о наама мид̇д̇о наама ид̇хааг̇ад̇о’’д̇и вад̣̇анд̇аа наамам̣ саавзнд̇и наама. ‘‘бхо г̇од̇ама, ахам̣ ваасздто наама гажжаано наама ид̇хааг̇ад̇о’’д̇и вад̣̇анд̇аа г̇од̇д̇ам̣ саавзнд̇и наама. зд̇з гира д̣̇алид̣̇д̣̇аа ж̇ин̣н̣агулабуд̇д̇аа ‘‘барисамаж̇жхз наамаг̇од̇д̇авасзна баагадаа бхависсаамаа’’д̇и звам̣ агам̣су. яз бана д̇ун̣хийбхууд̇аа нисийд̣̇им̣су, д̇з гзраадигаа жзва анд̇хаб̣аалаа жа. д̇ад̇т̇а гзраадигаа ‘‘згам̣ д̣̇вз гат̇аасаллаабз гаронд̇з виссаасиго ход̇и, ат̇а виссаасз сад̇и згам̣ д̣̇вз бхигкаа ад̣̇аад̇ум̣ на яуд̇д̇а’’нд̇и д̇ад̇о ад̇д̇аанам̣ можзнд̇аа д̇ун̣хийбхууд̇аа нисийд̣̇анд̇и. анд̇хаб̣аалаа ан̃н̃аан̣ад̇ааязва авагкид̇д̇амад̇д̇игаабин̣д̣аа вияа яад̇т̇а гад̇т̇ажи д̇ун̣хийбхууд̇аа нисийд̣̇анд̇и.
Nāmagottanti , ‘‘bho gotama, ahaṃ asukassa putto datto nāma mitto nāma idhāgato’’ti vadantā nāmaṃ sāventi nāma. ‘‘Bho gotama, ahaṃ vāseṭṭho nāma kaccāno nāma idhāgato’’ti vadantā gottaṃ sāventi nāma. Ete kira daliddā jiṇṇakulaputtā ‘‘parisamajjhe nāmagottavasena pākaṭā bhavissāmā’’ti evaṃ akaṃsu. Ye pana tuṇhībhūtā nisīdiṃsu, te kerāṭikā ceva andhabālā ca. Tattha kerāṭikā ‘‘ekaṃ dve kathāsallāpe karonte vissāsiko hoti, atha vissāse sati ekaṃ dve bhikkhā adātuṃ na yutta’’nti tato attānaṃ mocentā tuṇhībhūtā nisīdanti. Andhabālā aññāṇatāyeva avakkhittamattikāpiṇḍā viya yattha katthaci tuṇhībhūtā nisīdanti.
взнааг̇абуригод̇и взнааг̇абураваасий. зд̇ад̣̇авожаад̇и баад̣̇анд̇ад̇о бадтааяа яаава гзсаг̇г̇аа д̇ат̇ааг̇ад̇асса сарийрам̣ ологзнд̇о асийд̇иануб̣яан̃ж̇анасамуж̇ж̇алзхи д̣̇вад̇д̇им̣самахаабурисалагкан̣зхи бадиман̣д̣ид̇ам̣ сарийраа нигкамид̇ваа саманд̇ад̇о асийд̇ихад̇т̇аббад̣̇зсам̣ аж̇жход̇т̇арид̇ваа тид̇аахи чаб̣б̣ан̣н̣аахи гханаб̣уд̣̇д̇харам̣сийхи самбариваарид̇ам̣ д̇ат̇ааг̇ад̇асса сарийрам̣ д̣̇исваа сан̃ж̇аад̇авимхаяо ван̣н̣ам̣ бхан̣анд̇о зд̇ам̣ ‘‘ажчарияам̣, бхо г̇од̇амаа’’д̇иаад̣̇иважанам̣ авожа.
Venāgapurikoti venāgapuravāsī. Etadavocāti pādantato paṭṭhāya yāva kesaggā tathāgatassa sarīraṃ olokento asītianubyañjanasamujjalehi dvattiṃsamahāpurisalakkhaṇehi paṭimaṇḍitaṃ sarīrā nikkhamitvā samantato asītihatthappadesaṃ ajjhottharitvā ṭhitāhi chabbaṇṇāhi ghanabuddharaṃsīhi samparivāritaṃ tathāgatassa sarīraṃ disvā sañjātavimhayo vaṇṇaṃ bhaṇanto etaṃ ‘‘acchariyaṃ, bho gotamā’’tiādivacanaṃ avoca.
д̇ад̇т̇а яааван̃жид̣̇анд̇и ад̇химад̇д̇аббамаан̣абарижчзд̣̇аважанамзд̇ам̣. д̇асса виббасаннабад̣̇зна сад̣̇д̇хим̣ самб̣анд̇хо. яааван̃жа виббасаннаани ад̇химад̇д̇авиббасаннаанийд̇и ад̇т̇о. инд̣̇рияаанийд̇и жагкаад̣̇ийни ча инд̣̇рияаани. д̇асса хи бан̃жаннам̣ инд̣̇рияаанам̣ бад̇идтид̇огаасасса виббасаннад̇ам̣ д̣̇исваа д̇зсам̣ виббасаннад̇аа баагадаа ахоси. яасмаа бана саа манз виббасаннзязва ход̇и, авиббасаннажид̇д̇аанан̃хи инд̣̇рияаббасаад̣̇о наама над̇т̇и, д̇асмаасса манинд̣̇рияаббасаад̣̇оби баагадо ахоси. д̇ам̣ зса виббасаннад̇ам̣ г̇ахзд̇ваа ‘‘виббасаннаани инд̣̇рияааний’’д̇и ааха. барисуд̣̇д̇ход̇и ниммало. барияод̣̇аад̇од̇и бабхассаро. саарад̣̇ам̣ б̣ад̣̇арабан̣д̣унд̇и сарад̣̇агаалз ж̇аад̇ам̣ наад̇исубарибаггам̣ б̣ад̣̇арам̣. д̇ан̃хи барисуд̣̇д̇хан̃жзва ход̇и барияод̣̇аад̇ан̃жа. д̇аалабагганд̇и субарибаггад̇аалапалам̣. самбад̇и б̣анд̇ханаа бамуд̇д̇анд̇и д̇ам̣кан̣ан̃н̃зва б̣анд̇ханаа бамуд̇д̇ам̣. д̇асса хи б̣анд̇ханамуулам̣ абанзд̇ваа барамукам̣ гад̇ваа палагз табид̇асса жад̇уран̇г̇уламад̇д̇ам̣ таанам̣ ологзнд̇аанам̣ барисуд̣̇д̇хам̣ барияод̣̇аад̇ам̣ худ̇ваа кааяад̇и. д̇ам̣ санд̇хааязвамааха . нзгкам̣ ж̇амб̣онад̣̇анд̇и сурад̇д̇аван̣н̣асса ж̇амб̣онад̣̇асуван̣н̣асса гхадигаа. д̣̇агкагаммаарабуд̇д̇асубаригаммагад̇анд̇и д̣̇агкзна суван̣н̣агаарабуд̇д̇зна судту гад̇абаригаммам̣. уггаамукз сугусаласамбахадтанд̇и суван̣н̣агаарауд̣̇д̇ханз бажид̇ваа сугусалзна суван̣н̣агаарзна гхадданабаримаж̇ж̇анахам̣санзна судту бахадтам̣ субаримад̣̇д̣̇ид̇анд̇и ад̇т̇о. бан̣д̣угамб̣алз нигкид̇д̇анд̇и аг̇г̇инаа бажид̇ваа д̣̇ийбид̣̇аатааяа гхам̣сид̇ваа г̇зругабаригаммам̣ гад̇ваа рад̇д̇агамб̣алз табид̇ам̣. бхаасад̇зд̇и сан̃ж̇аад̇аобхаасад̇ааяа бхаасад̇з. д̇абад̇зд̇и анд̇хагааравид̣̇д̇хам̣санад̇ааяа д̇абад̇з. вирожад̇ийд̇и виж̇ж̇од̇амаанам̣ худ̇ваа вирожад̇и, собхад̇ийд̇и ад̇т̇о.
Tattha yāvañcidanti adhimattappamāṇaparicchedavacanametaṃ. Tassa vippasannapadena saddhiṃ sambandho. Yāvañca vippasannāni adhimattavippasannānīti attho. Indriyānīti cakkhādīni cha indriyāni. Tassa hi pañcannaṃ indriyānaṃ patiṭṭhitokāsassa vippasannataṃ disvā tesaṃ vippasannatā pākaṭā ahosi. Yasmā pana sā mane vippasanneyeva hoti, avippasannacittānañhi indriyappasādo nāma natthi, tasmāssa manindriyappasādopi pākaṭo ahosi. Taṃ esa vippasannataṃ gahetvā ‘‘vippasannāni indriyānī’’ti āha. Parisuddhoti nimmalo. Pariyodātoti pabhassaro. Sāradaṃbadarapaṇḍunti saradakāle jātaṃ nātisuparipakkaṃ badaraṃ. Tañhi parisuddhañceva hoti pariyodātañca. Tālapakkanti suparipakkatālaphalaṃ. Sampati bandhanā pamuttanti taṃkhaṇaññeva bandhanā pamuttaṃ. Tassa hi bandhanamūlaṃ apanetvā paramukhaṃ katvā phalake ṭhapitassa caturaṅgulamattaṃ ṭhānaṃ olokentānaṃ parisuddhaṃ pariyodātaṃ hutvā khāyati. Taṃ sandhāyevamāha . Nekkhaṃ jambonadanti surattavaṇṇassa jambonadasuvaṇṇassa ghaṭikā. Dakkhakammāraputtasuparikammakatanti dakkhena suvaṇṇakāraputtena suṭṭhu kataparikammaṃ. Ukkāmukhe sukusalasampahaṭṭhanti suvaṇṇakārauddhane pacitvā sukusalena suvaṇṇakārena ghaṭṭanaparimajjanahaṃsanena suṭṭhu pahaṭṭhaṃ suparimadditanti attho. Paṇḍukambale nikkhittanti agginā pacitvā dīpidāṭhāya ghaṃsitvā gerukaparikammaṃ katvā rattakambale ṭhapitaṃ. Bhāsateti sañjātaobhāsatāya bhāsate. Tapateti andhakāraviddhaṃsanatāya tapate. Virocatīti vijjotamānaṃ hutvā virocati, sobhatīti attho.
ужжаасаяанамахаасаяанаанийд̇и зд̇т̇а ад̇игганд̇аббамаан̣ам̣ ужжаасаяанам̣ наама, ааяад̇авид̇т̇ад̇ам̣ агаббияабхан̣д̣ам̣ махаасаяанам̣ наама. ид̣̇аани д̇аани д̣̇ассзнд̇о сзяяат̇ид̣̇ам̣, аасанд̣̇ийд̇иаад̣̇имааха. д̇ад̇т̇а аасанд̣̇ийд̇и ад̇игганд̇аббамаан̣ам̣ аасанам̣. баллан̇год̇и баад̣̇зсу ваал̣аруубаани табзд̇ваа гад̇о. г̇онагод̇и д̣̇ийгхаломаго махаагож̇аво. жад̇уран̇г̇улаад̇хигаани гира д̇асса ломаани. жид̇д̇агод̇и ваанажид̇д̇ам̣ ун̣н̣аамаяад̇т̇аран̣ам̣. бадигаад̇и ун̣н̣аамаяо сзд̇ад̇т̇араго. бадалигаад̇и гханабубпо ун̣н̣аамаяад̇т̇араго, яо аамалагабаддод̇иби вужжад̇и. д̇уулигаад̇и д̇ин̣н̣ам̣ д̇уулаанам̣ ан̃н̃ад̇арабун̣н̣аа д̇уулигаа. вигад̇игаад̇и сийхаб̣яаг̇гхаад̣̇ируубавижид̇ро ун̣н̣аамаяад̇т̇араго. уд̣̇д̣̇аломийд̇и убхад̇од̣̇асам̣ ун̣н̣аамаяад̇т̇аран̣ам̣. гзжи згад̇о уг̇г̇ад̇абубпанд̇и вад̣̇анд̇и. зганд̇аломийд̇и згад̇од̣̇асам̣ ун̣н̣аамаяад̇т̇аран̣ам̣. гзжи убхад̇о уг̇г̇ад̇абубпанд̇и вад̣̇анд̇и. гаддиссанд̇и рад̇анабарисиб̣б̣ид̇ам̣ госзяяагаддиссамаяам̣ бажжад̇т̇аран̣ам̣. госзяяанд̇и рад̇анабарисиб̣б̣ид̇амзва госияасуд̇д̇амаяам̣ бажжад̇т̇аран̣ам̣. гуд̇д̇аганд̇и сол̣асаннам̣ наадагид̇т̇ийнам̣ тад̇ваа нажжанаяог̇г̇ам̣ ун̣н̣аамаяад̇т̇аран̣ам̣. хад̇т̇ад̇т̇араад̣̇аяо хад̇т̇ибидтаад̣̇ийсу ад̇т̇аран̣агаад̇т̇арагаа жзва хад̇т̇ируубаад̣̇ийни д̣̇ассзд̇ваа гад̇аад̇т̇арагаа жа. аж̇инаббавзн̣ийд̇и аж̇инажаммзхи ман̃жаббамаан̣зна сиб̣б̣ид̇ваа гад̇аббавзн̣ий. сзсам̣ хздтаа вуд̇д̇ад̇т̇амзва.
Uccāsayanamahāsayanānīti ettha atikkantappamāṇaṃ uccāsayanaṃ nāma, āyatavitthataṃ akappiyabhaṇḍaṃ mahāsayanaṃ nāma. Idāni tāni dassento seyyathidaṃ, āsandītiādimāha. Tattha āsandīti atikkantappamāṇaṃ āsanaṃ. Pallaṅkoti pādesu vāḷarūpāni ṭhapetvā kato. Gonakoti dīghalomako mahākojavo. Caturaṅgulādhikāni kira tassa lomāni. Cittakoti vānacittaṃ uṇṇāmayattharaṇaṃ. Paṭikāti uṇṇāmayo setattharako. Paṭalikāti ghanapuppho uṇṇāmayattharako, yo āmalakapaṭṭotipi vuccati. Tūlikāti tiṇṇaṃ tūlānaṃ aññatarapuṇṇā tūlikā. Vikatikāti sīhabyagghādirūpavicitro uṇṇāmayattharako. Uddalomīti ubhatodasaṃ uṇṇāmayattharaṇaṃ. Keci ekato uggatapupphanti vadanti. Ekantalomīti ekatodasaṃ uṇṇāmayattharaṇaṃ. Keci ubhato uggatapupphanti vadanti. Kaṭṭissanti ratanaparisibbitaṃ koseyyakaṭṭissamayaṃ paccattharaṇaṃ. Koseyyanti ratanaparisibbitameva kosiyasuttamayaṃ paccattharaṇaṃ. Kuttakanti soḷasannaṃ nāṭakitthīnaṃ ṭhatvā naccanayoggaṃ uṇṇāmayattharaṇaṃ. Hatthattharādayo hatthipiṭṭhādīsu attharaṇakaattharakā ceva hatthirūpādīni dassetvā kataattharakā ca. Ajinappaveṇīti ajinacammehi mañcappamāṇena sibbitvā katappaveṇī. Sesaṃ heṭṭhā vuttatthameva.
нигаамалаабхийд̇и ад̇игаамалаабхий ижчид̇ижчид̇алаабхий. агижчалаабхийд̇и ад̣̇угкалаабхий. агасиралаабхийд̇и вибулалаабхий маханд̇алаабхий, ул̣аарул̣аараанзва лабхад̇и ман̃н̃зд̇и санд̇хааяа вад̣̇ад̇и. аяам̣ гира б̣раахман̣о саяанаг̇аруго, со бхаг̇авад̇о виббасаннинд̣̇рияаад̣̇ид̇ам̣ д̣̇исваа ‘‘ад̣̇д̇хаа зса зваруубзсу ужжаасаяанамахаасаяанзсу нисийд̣̇ад̇и жзва нибаж̇ж̇ад̇и жа. д̇знасса виббасаннаани инд̣̇рияаани, барисуд̣̇д̇хо чавиван̣н̣о барияод̣̇аад̇о’’д̇и ман̃н̃амаано имам̣ сзнаасанаван̣н̣ам̣ гат̇зси.
Nikāmalābhīti atikāmalābhī icchiticchitalābhī. Akicchalābhīti adukkhalābhī. Akasiralābhīti vipulalābhī mahantalābhī, uḷāruḷārāneva labhati maññeti sandhāya vadati. Ayaṃ kira brāhmaṇo sayanagaruko, so bhagavato vippasannindriyāditaṃ disvā ‘‘addhā esa evarūpesu uccāsayanamahāsayanesu nisīdati ceva nipajjati ca. Tenassa vippasannāni indriyāni, parisuddho chavivaṇṇo pariyodāto’’ti maññamāno imaṃ senāsanavaṇṇaṃ kathesi.
лад̣̇д̇хаа жа бана на габбанд̇ийд̇и зд̇т̇а гин̃жи гин̃жи габбад̇и. суд̣̇д̇хагосзяяан̃хи ман̃жзби ад̇т̇арид̇ум̣ ваддад̇и, г̇онагаад̣̇аяо жа бхуумад̇т̇аран̣абарибхог̇зна, аасанд̣̇ияаа баад̣̇з чинд̣̇ид̇ваа, баллан̇гасса ваал̣з бхинд̣̇ид̇ваа, д̇уулигам̣ виж̇адзд̇ваа ‘‘б̣имб̣оханан̃жа гаад̇у’’нд̇и (жуул̣ава. 297) важанад̇о имааниби згзна вид̇хаанзна габбанд̇и. агаббияам̣ бана убаад̣̇ааяа саб̣б̣аанзва на габбанд̇ийд̇и вуд̇д̇аани.
Laddhāca pana na kappantīti ettha kiñci kiñci kappati. Suddhakoseyyañhi mañcepi attharituṃ vaṭṭati, gonakādayo ca bhūmattharaṇaparibhogena, āsandiyā pāde chinditvā, pallaṅkassa vāḷe bhinditvā, tūlikaṃ vijaṭetvā ‘‘bimbohanañca kātu’’nti (cūḷava. 297) vacanato imānipi ekena vidhānena kappanti. Akappiyaṃ pana upādāya sabbāneva na kappantīti vuttāni.
вананд̇ан̃н̃зва бависаамийд̇и аран̃н̃ам̣язва бависаами. яад̣̇зваад̇и яааниязва. баллан̇гам̣ аабхуж̇ид̇ваад̇и саманд̇ад̇о ууруб̣ад̣̇д̇хаасанам̣ б̣анд̇хид̇ваа. уж̇ум̣ гааяам̣ бан̣ид̇хааяаад̇и адтаараса бидтиган̣дагз годияаа годим̣ бадибаад̣̇знд̇о уж̇ум̣ гааяам̣ табзд̇ваа. баримукам̣ сад̇им̣ убадтабзд̇ваад̇и гаммадтаанаабхимукам̣ сад̇им̣ табзд̇ваа, бариг̇г̇ахид̇анияяаанам̣ ваа гад̇ваад̇и ад̇т̇о. вуд̇д̇ан̃хзд̇ам̣ – ‘‘барийд̇и бариг̇г̇ахадто. муканд̇и нияяаанадто. сад̇ийд̇и убадтаанадто. д̇зна вужжад̇и баримукам̣ сад̇им̣ убадтабзд̇ваа’’д̇и (бади. ма. 1.164). убасамбаж̇ж̇а вихараамийд̇и бадилабхид̇ваа бажжагкам̣ гад̇ваа вихараами. звам̣бхууд̇од̇и звам̣ батамаж̇жхаанаад̣̇ийсу ан̃н̃ад̇арасаман̇г̇ий худ̇ваа. д̣̇иб̣б̣о мз зсо д̇асмим̣ самаяз жан̇гамо ход̇ийд̇и жад̇д̇аари хи руубаж̇жхаанаани самаабаж̇ж̇ид̇ваа жан̇гаманд̇асса жан̇гамо д̣̇иб̣б̣ажан̇гамо наама ход̇и, самаабад̇д̇ид̇о вудтааяа жан̇гаманд̇ассааби жан̇гамо д̣̇иб̣б̣ажан̇гамоязва. таанаад̣̇ийсуби зсзва наяо. д̇ат̇аа ид̇арзсу д̣̇вийсу вихаарзсу.
Vanantaññeva pavisāmīti araññaṃyeva pavisāmi. Yadevāti yāniyeva. Pallaṅkaṃ ābhujitvāti samantato ūrubaddhāsanaṃ bandhitvā. Ujuṃ kāyaṃ paṇidhāyāti aṭṭhārasa piṭṭhikaṇṭake koṭiyā koṭiṃ paṭipādento ujuṃ kāyaṃ ṭhapetvā. Parimukhaṃ satiṃ upaṭṭhapetvāti kammaṭṭhānābhimukhaṃ satiṃ ṭhapetvā, pariggahitaniyyānaṃ vā katvāti attho. Vuttañhetaṃ – ‘‘parīti pariggahaṭṭho. Mukhanti niyyānaṭṭho. Satīti upaṭṭhānaṭṭho. Tena vuccati parimukhaṃ satiṃ upaṭṭhapetvā’’ti (paṭi. ma. 1.164). Upasampajja viharāmīti paṭilabhitvā paccakkhaṃ katvā viharāmi. Evaṃbhūtoti evaṃ paṭhamajjhānādīsu aññatarasamaṅgī hutvā. Dibbo me eso tasmiṃ samaye caṅkamo hotīti cattāri hi rūpajjhānāni samāpajjitvā caṅkamantassa caṅkamo dibbacaṅkamo nāma hoti, samāpattito vuṭṭhāya caṅkamantassāpi caṅkamo dibbacaṅkamoyeva. Ṭhānādīsupi eseva nayo. Tathā itaresu dvīsu vihāresu.
со звам̣ баж̇аанаами ‘‘рааг̇о мз бахийно’’д̇и махааб̣од̇хибаллан̇гз арахад̇д̇амаг̇г̇зна бахийнарааг̇амзва д̣̇ассзнд̇о ‘‘со звам̣ баж̇аанаами рааг̇о мз бахийно’’д̇и ааха. сзсабад̣̇зсуби зсзва наяо. иминаа бана гим̣ гат̇ид̇ам̣ ход̇ийд̇и? бажжавзгкан̣аа гат̇ид̇аа, бажжавзгкан̣ааяа паласамаабад̇д̇и гат̇ид̇аа. паласамаабад̇д̇ин̃хи самаабаннассаби самаабад̇д̇ид̇о вудтид̇ассааби жан̇гамаад̣̇аяо арияажан̇гамаад̣̇аяо хонд̇и. сзсамзд̇т̇а уд̇д̇аанад̇т̇амзваад̇и.
Soevaṃ pajānāmi ‘‘rāgo me pahīno’’ti mahābodhipallaṅke arahattamaggena pahīnarāgameva dassento ‘‘so evaṃ pajānāmi rāgo me pahīno’’ti āha. Sesapadesupi eseva nayo. Iminā pana kiṃ kathitaṃ hotīti? Paccavekkhaṇā kathitā, paccavekkhaṇāya phalasamāpatti kathitā. Phalasamāpattiñhi samāpannassapi samāpattito vuṭṭhitassāpi caṅkamādayo ariyacaṅkamādayo honti. Sesamettha uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. взнааг̇абурасуд̇д̇ам̣ • 3. Venāgapurasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. взнааг̇абурасуд̇д̇аван̣н̣анаа • 3. Venāgapurasuttavaṇṇanā
