| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. взнааг̇абурасуд̇д̇аван̣н̣анаа
3. Venāgapurasuttavaṇṇanā
64. д̇ад̇ияз звам̣наамагз ж̇анабад̣̇зд̇и яад̇т̇а наамаг̇г̇ахан̣зна госаласад̣̇д̣̇асса рул̣хийсад̣̇д̣̇ад̇ам̣ д̣̇ассзд̇и. д̇ат̇аа хи госалаа наама ж̇аанабад̣̇ино рааж̇агумаараа, д̇зсам̣ ниваасо згоби ж̇анабад̣̇о рул̣хийсад̣̇д̣̇зна ‘‘госалаа’’д̇и вужжад̇и. агкаражинд̇агаа хи ийд̣̇исзсу таанзсу яуд̇д̇з вияа салин̇г̇аважанаани (баан̣ини 1.2.51) ижчанд̇и. аяамзд̇т̇а рул̣хий яат̇аа ан̃н̃ад̇т̇ааби ‘‘гуруусу вихарад̇и, ан̇г̇зсу вихарад̇ий’’д̇и жа. д̇аб̣б̣исзсанз бана ж̇анабад̣̇асад̣̇д̣̇з ж̇аад̇исад̣̇д̣̇з згаважанамзва яат̇аа ‘‘госалзсу ж̇анабад̣̇з’’д̇и. жаариганд̇и жаран̣ам̣. жаран̣ам̣ ваа жааро, со зва жааригаа. д̇аяид̣̇ам̣ маг̇г̇аг̇аманам̣ ид̇хаад̇хиббзд̇ам̣, на жун̣н̣игаг̇аманамад̇д̇анд̇и ааха ‘‘ад̣̇д̇хаанаг̇аманам̣ г̇ажчанд̇о’’д̇и. д̇ам̣ вибхааг̇зна д̣̇ассзд̇ум̣ ‘‘жааригаа жа наамзсаа’’д̇иаад̣̇и вуд̇д̇ам̣. д̇ад̇т̇а д̣̇уурзбийд̇и д̣̇уурзби наад̇ид̣̇уурзби. сахасаа г̇амананд̇и сийгхаг̇аманам̣. махаагассабабажжуг̇г̇аманаад̣̇ийсууд̇и аад̣̇и-сад̣̇д̣̇зна аал̣авагаад̣̇ийнам̣ ад̇т̇ааяа г̇аманам̣ сан̇г̇ан̣хаад̇и. бхаг̇аваа хи махаагассабад̇т̇зрам̣ бажжуг̇г̇ажчанд̇о мухуд̇д̇зна д̇иг̇аавуд̇амаг̇г̇амаг̇амааси. аал̣авагассад̇т̇ааяа д̇им̣саяож̇анам̣, д̇ат̇аа ан̇г̇улимааласса, буггусаад̇исса бана бан̃жажад̇д̇аалийсаяож̇анам̣, махаагаббинасса вийсаяож̇анасад̇ам̣, д̇ханияассад̇т̇ааяа сад̇д̇а яож̇анасад̇аани, д̇хаммасзнаабад̇ино сад̣̇д̇хивихааригасса ванаваасисса д̇иссасааман̣зрасса д̇иг̇аавуд̇аад̇хигам̣ вийсаяож̇анасад̇ам̣ аг̇амааси. имам̣ санд̇хааяаад̇и имам̣ ад̇урид̇ажааригам̣ санд̇хааяа.
64. Tatiye evaṃnāmake janapadeti yattha nāmaggahaṇena kosalasaddassa ruḷhīsaddataṃ dasseti. Tathā hi kosalā nāma jānapadino rājakumārā, tesaṃ nivāso ekopi janapado ruḷhīsaddena ‘‘kosalā’’ti vuccati. Akkharacintakā hi īdisesu ṭhānesu yutte viya saliṅgavacanāni (pāṇini 1.2.51) icchanti. Ayamettha ruḷhī yathā aññatthāpi ‘‘kurūsu viharati, aṅgesu viharatī’’ti ca. Tabbisesane pana janapadasadde jātisadde ekavacanameva yathā ‘‘kosalesu janapade’’ti. Cārikanti caraṇaṃ. Caraṇaṃ vā cāro, so eva cārikā. Tayidaṃ maggagamanaṃ idhādhippetaṃ, na cuṇṇikagamanamattanti āha ‘‘addhānagamanaṃ gacchanto’’ti. Taṃ vibhāgena dassetuṃ ‘‘cārikā ca nāmesā’’tiādi vuttaṃ. Tattha dūrepīti dūrepi nātidūrepi. Sahasā gamananti sīghagamanaṃ. Mahākassapapaccuggamanādīsūti ādi-saddena āḷavakādīnaṃ atthāya gamanaṃ saṅgaṇhāti. Bhagavā hi mahākassapattheraṃ paccuggacchanto muhuttena tigāvutamaggamagamāsi. Āḷavakassatthāya tiṃsayojanaṃ, tathā aṅgulimālassa, pukkusātissa pana pañcacattālīsayojanaṃ, mahākappinassa vīsayojanasataṃ, dhaniyassatthāya satta yojanasatāni, dhammasenāpatino saddhivihārikassa vanavāsissa tissasāmaṇerassa tigāvutādhikaṃ vīsayojanasataṃ agamāsi. Imaṃ sandhāyāti imaṃ aturitacārikaṃ sandhāya.
убалабхим̣сууд̇и зд̇т̇а саванавасзна убалабхим̣сууд̇и имамад̇т̇ам̣ д̣̇ассзнд̇о ‘‘сод̇ад̣̇ваара…бз… ж̇ааним̣суу’’д̇и ааха. саб̣б̣амби ваагяам̣ авад̇хааран̣апалад̇д̇аа анд̇ог̇ад̇хаавад̇хааран̣анд̇и ааха ‘‘бад̣̇абууран̣амад̇д̇з ваа нибаад̇о’’д̇и. авад̇хааран̣ад̇т̇знаад̇и бана иминаа идтад̇т̇ад̇овад̇хааран̣ад̇т̇ам̣ ко-сад̣̇д̣̇аг̇г̇ахан̣анд̇и д̣̇ассзд̇и. ассосийд̇и бад̣̇ам̣ ко-сад̣̇д̣̇з г̇ахид̇з д̇зна пуллид̇аман̣д̣ид̇авибхуусид̇ам̣ вияа хонд̇ам̣ буурид̇ам̣ наама ход̇и, д̇зна жа буримабажчимабад̣̇аани сам̣силидтаани наама хонд̇и, на д̇асмим̣ аг̇г̇ахид̇зд̇и ааха ‘‘бад̣̇абууран̣зна б̣яан̃ж̇анасилидтад̇аамад̇д̇амзваа’’д̇и. мад̇д̇асад̣̇д̣̇о висзсанивад̇д̇иад̇т̇о. д̇знасса анад̇т̇анд̇арад̣̇ийбанад̇аа д̣̇ассид̇аа ход̇и, звасад̣̇д̣̇зна бана б̣яан̃ж̇анасилидтад̇ааяа зганд̇игад̇аа.
Upalabhiṃsūti ettha savanavasena upalabhiṃsūti imamatthaṃ dassento ‘‘sotadvāra…pe… jāniṃsū’’ti āha. Sabbampi vākyaṃ avadhāraṇaphalattā antogadhāvadhāraṇanti āha ‘‘padapūraṇamatte vā nipāto’’ti. Avadhāraṇatthenāti pana iminā iṭṭhatthatovadhāraṇatthaṃ kho-saddaggahaṇanti dasseti. Assosīti padaṃ kho-sadde gahite tena phullitamaṇḍitavibhūsitaṃ viya hontaṃ pūritaṃ nāma hoti, tena ca purimapacchimapadāni saṃsiliṭṭhāni nāma honti, na tasmiṃ aggahiteti āha ‘‘padapūraṇena byañjanasiliṭṭhatāmattamevā’’ti. Mattasaddo visesanivattiattho. Tenassa anatthantaradīpanatā dassitā hoti, evasaddena pana byañjanasiliṭṭhatāya ekantikatā.
самид̇абаабад̇д̇аад̇и ажжанд̇ам̣ анавасзсад̇о саваасанам̣ самид̇абаабад̇д̇аа. зван̃хи б̣аахирагавийд̇арааг̇асзгкаасзгкабаабасаманад̇о бхаг̇авад̇о баабасаманам̣ висзсид̇ам̣ ход̇и. д̇знасса яат̇аабхууд̇аг̇ун̣аад̇хиг̇ад̇амзд̇ам̣ наамам̣ яад̣̇ид̣̇ам̣ саман̣од̇и д̣̇ийбзд̇и. анзгад̇т̇ад̇д̇аа нибаад̇аанам̣ ид̇ха ануссавад̇т̇о ад̇хиббзд̇од̇и ааха ‘‘калууд̇и ануссавад̇т̇з нибаад̇о’’д̇и. аалабанамад̇д̇анд̇и бияаалаабаважанамад̇д̇ам̣. бияасамуд̣̇аахаараа хзд̇з ‘‘бхо’’д̇и ваа ‘‘аавусо’’д̇и ваа ‘‘д̣̇зваанам̣ бияаа’’д̇и ваа. г̇од̇д̇авасзнаад̇и зд̇т̇а г̇ам̣ д̇ааяад̇ийд̇и г̇од̇д̇ам̣. г̇од̇амод̇и хи бавад̇д̇амаанам̣ важанам̣ б̣уд̣̇д̇хин̃жа д̇ааяад̇и згам̣сигависаяад̇ааяа рагкад̇ийд̇и г̇од̇д̇ам̣. яат̇аа хи б̣уд̣̇д̇хи аарамман̣абхууд̇зна ад̇т̇зна винаа на вад̇д̇ад̇и, д̇ат̇аа абхид̇хаанам̣ абхид̇хзяяабхууд̇зна, д̇асмаа со г̇од̇д̇асан̇каад̇о ад̇т̇о д̇аани д̇ааяад̇и рагкад̇ийд̇и вужжад̇и. го бана сод̇и? ан̃н̃агулабарамбараасаад̇хааран̣ам̣ д̇асса гуласса аад̣̇ибурисасамуд̣̇ааг̇ад̇ам̣ д̇ам̣гулабарияаабаннасаад̇хааран̣ам̣ сааман̃н̃аруубанд̇и д̣̇адтаб̣б̣ам̣. зд̇т̇а жа саман̣од̇и иминаа баригкагаж̇анзхи бхаг̇авад̇о б̣ахумад̇абхааво д̣̇ассид̇о самид̇абаабад̇аагид̇д̇анад̇о. г̇од̇амод̇и иминаа логияаж̇анзхи ужжаагуласамбхууд̇ад̇аа д̣̇ийбид̇аа д̇зна уд̣̇ид̇од̣̇ид̇авибулакад̇д̇ияагулавибхааванад̇о. саб̣б̣акад̇д̇ияаанан̃хи аад̣̇ибхууд̇амахаасаммад̇амахаарааж̇ад̇о бадтааяа асамбхиннам̣ ул̣аарад̇амам̣ сагяарааж̇агулам̣.
Samitapāpattāti accantaṃ anavasesato savāsanaṃ samitapāpattā. Evañhi bāhirakavītarāgasekkhāsekkhapāpasamanato bhagavato pāpasamanaṃ visesitaṃ hoti. Tenassa yathābhūtaguṇādhigatametaṃ nāmaṃ yadidaṃ samaṇoti dīpeti. Anekatthattā nipātānaṃ idha anussavattho adhippetoti āha ‘‘khalūti anussavatthe nipāto’’ti. Ālapanamattanti piyālāpavacanamattaṃ. Piyasamudāhārā hete ‘‘bho’’ti vā ‘‘āvuso’’ti vā ‘‘devānaṃ piyā’’ti vā. Gottavasenāti ettha gaṃ tāyatīti gottaṃ. Gotamoti hi pavattamānaṃ vacanaṃ buddhiñca tāyati ekaṃsikavisayatāya rakkhatīti gottaṃ. Yathā hi buddhi ārammaṇabhūtena atthena vinā na vattati, tathā abhidhānaṃ abhidheyyabhūtena, tasmā so gottasaṅkhāto attho tāni tāyati rakkhatīti vuccati. Ko pana soti? Aññakulaparamparāsādhāraṇaṃ tassa kulassa ādipurisasamudāgataṃ taṃkulapariyāpannasādhāraṇaṃ sāmaññarūpanti daṭṭhabbaṃ. Ettha ca samaṇoti iminā parikkhakajanehi bhagavato bahumatabhāvo dassito samitapāpatākittanato. Gotamoti iminā lokiyajanehi uccākulasambhūtatā dīpitā tena uditoditavipulakhattiyakulavibhāvanato. Sabbakhattiyānañhi ādibhūtamahāsammatamahārājato paṭṭhāya asambhinnaṃ uḷāratamaṃ sakyarājakulaṃ.
гзнажи баариж̇ун̃н̃знаад̇и н̃аад̇ибаариж̇ун̃н̃абхог̇абаариж̇ун̃н̃аад̣̇инаа гзнажиби баариж̇ун̃н̃зна барихаанияаа анабхибхууд̇о анаж̇жход̇т̇адо. д̇ат̇аа хи д̇асса гуласса на гин̃жи баариж̇ун̃н̃ам̣ логанаат̇асса абхиж̇аад̇ияам̣, ат̇а ко вад̣дхиязва. абхинигкаманз жа д̇ад̇оби самид̣̇д̇хад̇амабхааво логз баагадо бан̃н̃аад̇од̇и. сагяагулаа баб̣б̣аж̇ид̇од̇и ид̣̇ам̣ важанам̣ бхаг̇авад̇о сад̣̇д̇хаабаб̣б̣аж̇ид̇абхаавад̣̇ийбанам̣ вуд̇д̇ам̣ маханд̇ам̣ н̃аад̇ибариваддам̣ маханд̇ан̃жа бхог̇агканд̇хам̣ бахааяа баб̣б̣аж̇ид̇абхаавасид̣̇д̇хид̇о.
Kenaci pārijuññenāti ñātipārijuññabhogapārijuññādinā kenacipi pārijuññena parihāniyā anabhibhūto anajjhotthaṭo. Tathā hi tassa kulassa na kiñci pārijuññaṃ lokanāthassa abhijātiyaṃ, atha kho vaḍḍhiyeva. Abhinikkhamane ca tatopi samiddhatamabhāvo loke pākaṭo paññātoti. Sakyakulā pabbajitoti idaṃ vacanaṃ bhagavato saddhāpabbajitabhāvadīpanaṃ vuttaṃ mahantaṃ ñātiparivaṭṭaṃ mahantañca bhogakkhandhaṃ pahāya pabbajitabhāvasiddhito.
ид̇т̇амбхууд̇аакяаанад̇т̇зд̇и ид̇т̇ам̣ звам̣багааро бхууд̇о ж̇аад̇од̇и звам̣ гат̇анад̇т̇з. убаяог̇аважананд̇и ‘‘аб̣бхуг̇г̇ад̇о’’д̇и зд̇т̇а абхи-сад̣̇д̣̇о ид̇т̇амбхууд̇аакяаанад̇т̇аж̇од̇аго, д̇зна яог̇ад̇о ‘‘д̇ам̣ ко бана бхаванд̇а’’нд̇и ид̣̇ам̣ саамиад̇т̇з убаяог̇аважанам̣. д̇знааха ‘‘д̇асса ко бана бход̇о г̇од̇амассаад̇и ад̇т̇о’’д̇и. галяаан̣аг̇ун̣асаманнааг̇ад̇од̇и галяаан̣зхи г̇ун̣зхи яуд̇д̇о, д̇анниссид̇о д̇аб̣б̣исаяад̇ааяаад̇и ад̇хиббааяо. сздтод̇и зд̇т̇ааби зсзва наяо. гид̇д̇зд̇аб̣б̣ад̇о гид̇д̇и, саа зва сад̣̇д̣̇анийяад̇о сад̣̇д̣̇од̇и ааха ‘‘гид̇д̇исад̣̇д̣̇од̇и гид̇д̇иязваа’’д̇и. абхид̇т̇аванавасзна бавад̇д̇о сад̣̇д̣̇о т̇уд̇игхосо. сад̣̇звагам̣ логам̣ аж̇жход̇т̇арид̇ваа уг̇г̇ад̇од̇и анан̃н̃асаад̇хааран̣з г̇ун̣з аараб̣бха бавад̇д̇ад̇д̇аа сад̣̇звагам̣ логам̣ аж̇жход̇т̇арид̇ваа абхибхавид̇ваа уг̇г̇ад̇о.
Itthambhūtākhyānattheti itthaṃ evaṃpakāro bhūto jātoti evaṃ kathanatthe. Upayogavacananti ‘‘abbhuggato’’ti ettha abhi-saddo itthambhūtākhyānatthajotako, tena yogato ‘‘taṃ kho pana bhavanta’’nti idaṃ sāmiatthe upayogavacanaṃ. Tenāha ‘‘tassa kho pana bhoto gotamassāti attho’’ti. Kalyāṇaguṇasamannāgatoti kalyāṇehi guṇehi yutto, tannissito tabbisayatāyāti adhippāyo. Seṭṭhoti etthāpi eseva nayo. Kittetabbato kitti, sā eva saddanīyato saddoti āha ‘‘kittisaddoti kittiyevā’’ti. Abhitthavanavasena pavatto saddo thutighoso. Sadevakaṃ lokaṃ ajjhottharitvā uggatoti anaññasādhāraṇe guṇe ārabbha pavattattā sadevakaṃ lokaṃ ajjhottharitvā abhibhavitvā uggato.
со бхаг̇аваад̇и яо со самад̇им̣са баарамияо буурзд̇ваа саб̣б̣агилзсз бхан̃ж̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо д̣̇зваанам̣ ад̇ид̣̇зво саггаанам̣ ад̇исагго б̣рахмаанам̣ ад̇иб̣рахмаа логанаат̇о бхааг̇яаванд̇ад̇аад̣̇ийхи гааран̣зхи сад̣̇звагз логз ‘‘бхаг̇аваа’’д̇и бад̇т̇адагид̇д̇исад̣̇д̣̇о, со бхаг̇аваа. ‘‘бхаг̇аваа’’д̇и жа ид̣̇ам̣ сад̇т̇у наамагид̇д̇анам̣. д̇знааха ааяасмаа д̇хаммасзнаабад̇и ‘‘бхаг̇аваад̇и нзд̇ам̣ наамам̣ маад̇араа гад̇а’’нд̇иаад̣̇и (махаани. 84). барад̇о бана бхаг̇аваад̇и г̇ун̣агид̇д̇анам̣. яат̇аа гаммадтаанигзна ‘‘араха’’нд̇иаад̣̇ийсу навасу таанзсу бажжзгам̣ ид̇и-сад̣̇д̣̇ам̣ яож̇зд̇ваа б̣уд̣̇д̇хаг̇ун̣аа ануссарияанд̇и, звам̣ б̣уд̣̇д̇хаг̇ун̣асам̣гид̇д̇анзнабийд̇и д̣̇ассзнд̇о ‘‘ид̇иби арахам̣ ид̇иби саммаасамб̣уд̣̇д̇хо…бз… ид̇иби бхаг̇аваа’’д̇и ааха. ‘‘ид̇ибзд̇ам̣ бхууд̇ам̣ ид̇ибзд̇ам̣ д̇ажча’’нд̇иаад̣̇ийсу (д̣̇ий. ни. 1.6) вияа ид̇ха ид̇исад̣̇д̣̇о аасаннабажжагкагаран̣ад̇т̇о, би-сад̣̇д̣̇о самбин̣д̣анад̇т̇о, д̇зна жа д̇зсам̣ г̇ун̣аанам̣ б̣ахубхааво д̣̇ийбид̇о, д̇аани жа сам̣гид̇д̇знд̇зна вин̃н̃унаа жид̇д̇асса саммукийбхууд̇аанзва гад̇ваа сам̣гид̇д̇зд̇аб̣б̣аанийд̇и д̣̇ассзнд̇о ‘‘иминаа жа иминаа жа гааран̣знаад̇и вуд̇д̇ам̣ ход̇ий’’д̇и ааха. звам̣ нируубзд̇ваа гид̇д̇знд̇о яо гид̇д̇зд̇и, д̇асса бхаг̇авад̇и ад̇ивияа абхиббасаад̣̇о ход̇и.
So bhagavāti yo so samatiṃsa pāramiyo pūretvā sabbakilese bhañjitvā anuttaraṃ sammāsambodhiṃ abhisambuddho devānaṃ atidevo sakkānaṃ atisakko brahmānaṃ atibrahmā lokanātho bhāgyavantatādīhi kāraṇehi sadevake loke ‘‘bhagavā’’ti patthaṭakittisaddo, so bhagavā. ‘‘Bhagavā’’ti ca idaṃ satthu nāmakittanaṃ. Tenāha āyasmā dhammasenāpati ‘‘bhagavāti netaṃ nāmaṃ mātarā kata’’ntiādi (mahāni. 84). Parato pana bhagavāti guṇakittanaṃ. Yathā kammaṭṭhānikena ‘‘araha’’ntiādīsu navasu ṭhānesu paccekaṃ iti-saddaṃ yojetvā buddhaguṇā anussariyanti, evaṃ buddhaguṇasaṃkittanenapīti dassento ‘‘itipi arahaṃ itipi sammāsambuddho…pe… itipi bhagavā’’ti āha. ‘‘Itipetaṃ bhūtaṃ itipetaṃ taccha’’ntiādīsu (dī. ni. 1.6) viya idha itisaddo āsannapaccakkhakaraṇattho, pi-saddo sampiṇḍanattho, tena ca tesaṃ guṇānaṃ bahubhāvo dīpito, tāni ca saṃkittentena viññunā cittassa sammukhībhūtāneva katvā saṃkittetabbānīti dassento ‘‘iminā ca iminā ca kāraṇenāti vuttaṃ hotī’’ti āha. Evaṃ nirūpetvā kittento yo kitteti, tassa bhagavati ativiya abhippasādo hoti.
аарагад̇д̇аад̇и сувид̣̇уурад̇д̇аа. арийнанд̇и гилзсаарийнам̣. араананд̇и сам̣сааражаггасса араанам̣. хад̇ад̇д̇аад̇и вид̣̇д̇хам̣сид̇ад̇д̇аа. бажжаяаад̣̇ийнанд̇и жийвараад̣̇ибажжаяаанан̃жзва бууж̇аависзсаанан̃жа. д̇ад̇од̇и висуд̣̇д̇химаг̇г̇ад̇о (висуд̣̇д̇хи. 1.125-127). яат̇аа жа висуд̣̇д̇химаг̇г̇ад̇о, звам̣ д̇ам̣сам̣ван̣н̣анаад̇оби нзсам̣ вид̇т̇ааро г̇ахзд̇аб̣б̣о.
Ārakattāti suvidūrattā. Arīnanti kilesārīnaṃ. Arānanti saṃsāracakkassa arānaṃ. Hatattāti viddhaṃsitattā. Paccayādīnanti cīvarādipaccayānañceva pūjāvisesānañca. Tatoti visuddhimaggato (visuddhi. 1.125-127). Yathā ca visuddhimaggato, evaṃ taṃsaṃvaṇṇanātopi nesaṃ vitthāro gahetabbo.
имам̣ логанд̇и наяид̣̇ам̣ махааж̇анасса саммукамад̇д̇ам̣ санд̇хааяа вуд̇д̇ам̣, ат̇а ко анавасзсам̣ барияаад̣̇ааяаад̇и д̣̇ассзд̇ум̣ ‘‘сад̣̇звага’’нд̇иаад̣̇и вуд̇д̇ам̣. д̇знааха ‘‘ид̣̇аани вад̇д̇аб̣б̣ам̣ нид̣̇ассзд̇ий’’д̇и. баж̇аад̇ад̇д̇аад̇и яат̇аасагам̣ гаммагилзсзхи ниб̣б̣ад̇д̇ад̇д̇аа. бан̃жагаамааважарад̣̇зваг̇г̇ахан̣ам̣ баарисзсанаязна ид̇арзсам̣ бад̣̇анд̇арзна г̇ахид̇ад̇д̇аа. сад̣̇зваганд̇и жа аваяавзна виг̇г̇ахо самуд̣̇ааяо самаасад̇т̇о. чадтагаамааважарад̣̇зваг̇г̇ахан̣ам̣ бажжаасад̇д̇инаязна. д̇ад̇т̇а хи со ж̇аад̇о д̇анниваасий жа. саб̣рахмагаважанзна б̣рахмагааяигаад̣̇иб̣рахмаг̇г̇ахан̣анд̇и зд̇т̇ааби зсзва наяо. бажжад̇т̇игасаман̣аб̣раахман̣аг̇г̇ахан̣анд̇и нид̣̇ассанамад̇д̇амзд̇ам̣ абажжад̇т̇игаанам̣ самид̇аб̣аахид̇абаабаанан̃жа саман̣аб̣раахман̣аанам̣ саман̣аб̣раахман̣аважанзна г̇ахид̇ад̇д̇аа. гаамам̣ ‘‘сад̣̇звага’’нд̇иаад̣̇ивисзсанаанам̣ васзна сад̇д̇ависаяо логасад̣̇д̣̇од̇и вин̃н̃ааяад̇и д̇уляаяог̇ависаяад̇д̇аа д̇зсам̣, ‘‘саломаго сабагкаго’’д̇иаад̣̇ийсу бана ад̇уляаяог̇зби аяам̣ самаасо лаб̣бхад̇ийд̇и б̣яабхижаарад̣̇ассанад̇о баж̇ааг̇ахан̣анд̇и ааха ‘‘баж̇ааважанзна сад̇д̇алогаг̇г̇ахан̣а’’нд̇и.
Imaṃlokanti nayidaṃ mahājanassa sammukhamattaṃ sandhāya vuttaṃ, atha kho anavasesaṃ pariyādāyāti dassetuṃ ‘‘sadevaka’’ntiādi vuttaṃ. Tenāha ‘‘idāni vattabbaṃ nidassetī’’ti. Pajātattāti yathāsakaṃ kammakilesehi nibbattattā. Pañcakāmāvacaradevaggahaṇaṃ pārisesanayena itaresaṃ padantarena gahitattā. Sadevakanti ca avayavena viggaho samudāyo samāsattho. Chaṭṭhakāmāvacaradevaggahaṇaṃ paccāsattinayena. Tattha hi so jāto tannivāsī ca. Sabrahmakavacanena brahmakāyikādibrahmaggahaṇanti etthāpi eseva nayo. Paccatthikasamaṇabrāhmaṇaggahaṇanti nidassanamattametaṃ apaccatthikānaṃ samitabāhitapāpānañca samaṇabrāhmaṇānaṃ samaṇabrāhmaṇavacanena gahitattā. Kāmaṃ ‘‘sadevaka’’ntiādivisesanānaṃ vasena sattavisayo lokasaddoti viññāyati tulyayogavisayattā tesaṃ, ‘‘salomako sapakkhako’’tiādīsu pana atulyayogepi ayaṃ samāso labbhatīti byabhicāradassanato pajāgahaṇanti āha ‘‘pajāvacanena sattalokaggahaṇa’’nti.
аруубино сад̇д̇аа ад̇д̇ано аанзн̃ж̇авихаарзна вихаранд̇аа д̣̇иб̣б̣анд̇ийд̇и д̣̇зваад̇и имам̣ ниб̣б̣ажанам̣ лабханд̇ийд̇и ааха ‘‘сад̣̇звагаг̇г̇ахан̣зна аруубааважаралого г̇ахид̇о’’д̇и. д̇знааха ‘‘аагаасаанан̃жааяад̇ануубаг̇аанам̣ д̣̇зваанам̣ сахаб̣яад̇а’’нд̇и (а. ни. 3.117). самаарагаг̇г̇ахан̣зна чагаамааважарад̣̇звалого г̇ахид̇о д̇асса сависзсам̣ маарасса васз вад̇д̇анад̇о. саб̣рахмагаг̇г̇ахан̣зна руубийб̣рахмалого г̇ахид̇о аруубийб̣рахмалогасса г̇ахид̇ад̇д̇аа. жад̇убарисавасзнаад̇и кад̇д̇ияаад̣̇ижад̇убарисавасзна. ид̇араа бана жад̇ассо барисаа самаарагаад̣̇иг̇г̇ахан̣зна г̇ахид̇аа зваад̇и. авасзсасад̇д̇алого нааг̇аг̇арул̣аад̣̇ибхзд̣̇о. д̇ийхаагаарзхийд̇и д̣̇звамаараб̣рахмасахид̇ад̇аасан̇каад̇зхи д̇ийхи багаарзхи. д̇ийсу бад̣̇зсууд̇и ‘‘сад̣̇звага’’нд̇иаад̣̇ийсу д̇ийсу бад̣̇зсу. д̇зна д̇знаагаарзнаад̇и сад̣̇звагад̇д̇аад̣̇инаа д̇зна д̇зна багаарзна. д̇зд̇хаад̇угамзва барияаад̣̇иннанд̇и бораан̣аа аахууд̇и яож̇анаа.
Arūpino sattā attano āneñjavihārena viharantā dibbantīti devāti imaṃ nibbacanaṃ labhantīti āha ‘‘sadevakaggahaṇena arūpāvacaraloko gahito’’ti. Tenāha ‘‘ākāsānañcāyatanūpagānaṃ devānaṃ sahabyata’’nti (a. ni. 3.117). Samārakaggahaṇena chakāmāvacaradevaloko gahito tassa savisesaṃ mārassa vase vattanato. Sabrahmakaggahaṇena rūpībrahmaloko gahito arūpībrahmalokassa gahitattā. Catuparisavasenāti khattiyādicatuparisavasena. Itarā pana catasso parisā samārakādiggahaṇena gahitā evāti. Avasesasattaloko nāgagaruḷādibhedo. Tīhākārehīti devamārabrahmasahitatāsaṅkhātehi tīhi pakārehi. Tīsu padesūti ‘‘sadevaka’’ntiādīsu tīsu padesu. Tena tenākārenāti sadevakattādinā tena tena pakārena. Tedhātukameva pariyādinnanti porāṇā āhūti yojanā.
абхин̃н̃аад̇и яагааралобзнааяам̣ нид̣̇д̣̇зсо, абхиж̇аанид̇ваад̇и аяамзд̇т̇а ад̇т̇од̇и ааха ‘‘абхин̃н̃ааяа ад̇хигзна н̃аан̣зна н̃ад̇ваа’’д̇и. анумаанаад̣̇ибадигкзбод̇и анумаанаад̇т̇аабад̇д̇иаад̣̇иббадигкзбо згаббамаан̣ад̇д̇аа. саб̣б̣ад̇т̇а аббадихад̇ан̃аан̣ажаарад̇ааяа хи саб̣б̣абажжагкаа б̣уд̣̇д̇хаа бхаг̇аванд̇о.
Abhiññāti yakāralopenāyaṃ niddeso, abhijānitvāti ayamettha atthoti āha ‘‘abhiññāya adhikena ñāṇena ñatvā’’ti. Anumānādipaṭikkhepoti anumānaatthāpattiādippaṭikkhepo ekappamāṇattā. Sabbattha appaṭihatañāṇacāratāya hi sabbapaccakkhā buddhā bhagavanto.
ануд̇д̇арам̣ вивзгасуканд̇и паласамаабад̇д̇исукам̣. д̇зна вимиссааби гад̣̇аажи бхаг̇авад̇о д̇хаммад̣̇зсанаа ход̇ийд̇и ‘‘хид̇ваабий’’д̇и би-сад̣̇д̣̇аг̇г̇ахан̣ам̣. бхаг̇аваа хи д̇хаммам̣ д̣̇зсзнд̇о яасмим̣ кан̣з барисаа саад̇хугаарам̣ ваа д̣̇зд̇и, яат̇аасуд̇ам̣ ваа д̇хаммам̣ бажжавзгкад̇и, д̇ам̣ кан̣ам̣ буб̣б̣абхааг̇зна барижчинд̣̇ид̇ваа паласамаабад̇д̇им̣ самаабаж̇ж̇ад̇и, яат̇аабарижчзд̣̇ан̃жа самаабад̇д̇ид̇о вудтааяа тид̇адтаанад̇о бадтааяа д̇хаммам̣ д̣̇зсзд̇и. аббам̣ ваа б̣ахум̣ ваа д̣̇зсзнд̇од̇и уг̇гхадид̇ан̃н̃усса васзна аббам̣ ваа, вибан̃жид̇ан̃н̃усса нзяяасса ваа васзна б̣ахум̣ ваа д̣̇зсзнд̇о. д̇хаммасса галяаан̣ад̇аа жа нияяаанигад̇аа жа саб̣б̣асо анаваж̇ж̇абхаавзнзваад̇и ааха ‘‘анаваж̇ж̇амзва гад̇ваа’’д̇и.
Anuttaraṃ vivekasukhanti phalasamāpattisukhaṃ. Tena vimissāpi kadāci bhagavato dhammadesanā hotīti ‘‘hitvāpī’’ti pi-saddaggahaṇaṃ. Bhagavā hi dhammaṃ desento yasmiṃ khaṇe parisā sādhukāraṃ vā deti, yathāsutaṃ vā dhammaṃ paccavekkhati, taṃ khaṇaṃ pubbabhāgena paricchinditvā phalasamāpattiṃ samāpajjati, yathāparicchedañca samāpattito vuṭṭhāya ṭhitaṭṭhānato paṭṭhāya dhammaṃ deseti. Appaṃ vā bahuṃ vā desentoti ugghaṭitaññussa vasena appaṃ vā, vipañcitaññussa neyyassa vā vasena bahuṃ vā desento. Dhammassa kalyāṇatā ca niyyānikatā ca sabbaso anavajjabhāvenevāti āha ‘‘anavajjameva katvā’’ti.
д̣̇зсагааяад̇д̇зна аан̣аад̣̇ивид̇хинаа ад̇исаж̇ж̇анам̣ баб̣од̇ханам̣ д̣̇зсанаад̇и саа барияад̇д̇ид̇хаммавасзна взд̣̇ид̇аб̣б̣аад̇и ааха ‘‘д̣̇зсанааяа д̇аава жаад̇уббад̣̇игаг̇аат̇ааяабий’’д̇иаад̣̇и. нид̣̇аананиг̇амааниби сад̇т̇у д̣̇зсанааяа анувид̇хаанад̇о д̇ад̣̇анд̇ог̇ад̇хаани зваад̇и ааха ‘‘нид̣̇аанам̣ аад̣̇и, ид̣̇амавожаад̇и барияосаана’’нд̇и.
Desakāyattena āṇādividhinā atisajjanaṃ pabodhanaṃ desanāti sā pariyattidhammavasena veditabbāti āha ‘‘desanāya tāva cātuppadikagāthāyapī’’tiādi. Nidānanigamānipi satthu desanāya anuvidhānato tadantogadhāni evāti āha ‘‘nidānaṃ ādi, idamavocāti pariyosāna’’nti.
саасид̇аб̣б̣абуг̇г̇алаг̇ад̇зна яат̇аабараад̇хаад̣̇исаасид̇аб̣б̣абхаавзна анусаасанам̣ д̇ад̣̇ан̇г̇авинаяаад̣̇ивасзна винаяанам̣ саасананд̇и д̇ам̣ бадибад̇д̇ид̇хаммавасзна взд̣̇ид̇аб̣б̣анд̇и ааха ‘‘сийласамаад̇хивибассанаа’’д̇иаад̣̇и. гусалаананд̇и анаваж̇ж̇ад̇хаммаанам̣ сийласамат̇авибассанаанам̣ сийлад̣̇идтийнан̃жа аад̣̇ибхааво д̇ам̣муулигад̇д̇аа уд̇д̇аримануссад̇хаммаанам̣. арияамаг̇г̇асса анд̇ад̣̇ваяавиг̇амзна маж̇жхимаабадибад̣̇аабхааво вияа саммаабадибад̇д̇ияаа аараб̣бха ниб̣б̣ад̇д̇ийнам̣ взмаж̇жхад̇ааби маж̇жхабхаавод̇и вуд̇д̇ам̣ ‘‘ад̇т̇и, бхигкавз…бз… маж̇жхимам̣ наамаа’’д̇и. палам̣ барияосаанам̣ наама саубаад̣̇исзсад̇аавасзна. ниб̣б̣аанам̣ барияосаанам̣ наама анубаад̣̇исзсад̇аавасзна. ид̣̇аани д̇зсам̣ д̣̇виннамби саасанасса барияосаанад̇ам̣ ааг̇амзна д̣̇ассзд̇ум̣ ‘‘д̇асмаад̇иха д̇ва’’нд̇иаад̣̇и вуд̇д̇ам̣. ‘‘саад̇т̇ам̣ саб̣яан̃ж̇ана’’нд̇иаад̣̇иважанад̇о д̇хаммад̣̇зсанааяа аад̣̇имаж̇жхабарияосаанам̣ ад̇хиббзд̇анд̇и ааха ‘‘ид̇ха…бз… ад̇хиббзд̇а’’нд̇и. д̇асмим̣ д̇асмим̣ ад̇т̇з гат̇аавад̇хисад̣̇д̣̇аббаб̣анд̇хо г̇аат̇аавасзна суд̇д̇авасзна жа вавад̇т̇ид̇о барияад̇д̇ид̇хаммо, со ид̇ха д̣̇зсанаад̇и вуд̇д̇о, д̇асса бана ад̇т̇о висзсад̇о сийлаад̣̇и зваад̇и ааха ‘‘бхаг̇аваа хи д̇хаммам̣ д̣̇зсзнд̇о…бз… д̣̇ассзд̇ий’’д̇и. д̇ад̇т̇а сийлам̣ д̣̇ассзд̇ваад̇и сийлаг̇г̇ахан̣зна сасамбхаарам̣ сийлам̣ г̇ахид̇ам̣, д̇ат̇аа маг̇г̇аг̇г̇ахан̣зна сасамбхааро маг̇г̇од̇и д̇ад̣̇убхаяавасзна анавасзсад̇о барияад̇д̇иад̇т̇ам̣ барияаад̣̇ааяа д̇идтад̇и. д̇знаад̇и сийлаад̣̇ид̣̇ассанзна. ад̇т̇авасзна хи ид̇ха д̣̇зсанааяа аад̣̇игаляаан̣аад̣̇ибхааво ад̇хиббзд̇о. гат̇игасан̣тид̇ийд̇и гат̇игасса сан̣таанам̣ гат̇анавасзна самавадтаанам̣.
Sāsitabbapuggalagatena yathāparādhādisāsitabbabhāvena anusāsanaṃ tadaṅgavinayādivasena vinayanaṃ sāsananti taṃ paṭipattidhammavasena veditabbanti āha ‘‘sīlasamādhivipassanā’’tiādi. Kusalānanti anavajjadhammānaṃ sīlasamathavipassanānaṃ sīladiṭṭhīnañca ādibhāvo taṃmūlikattā uttarimanussadhammānaṃ. Ariyamaggassa antadvayavigamena majjhimāpaṭipadābhāvo viya sammāpaṭipattiyā ārabbha nibbattīnaṃ vemajjhatāpi majjhabhāvoti vuttaṃ ‘‘atthi, bhikkhave…pe… majjhimaṃ nāmā’’ti. Phalaṃ pariyosānaṃ nāma saupādisesatāvasena. Nibbānaṃ pariyosānaṃ nāma anupādisesatāvasena. Idāni tesaṃ dvinnampi sāsanassa pariyosānataṃ āgamena dassetuṃ ‘‘tasmātiha tva’’ntiādi vuttaṃ. ‘‘Sātthaṃ sabyañjana’’ntiādivacanato dhammadesanāya ādimajjhapariyosānaṃ adhippetanti āha ‘‘idha…pe… adhippeta’’nti. Tasmiṃ tasmiṃ atthe kathāvadhisaddappabandho gāthāvasena suttavasena ca vavatthito pariyattidhammo, so idha desanāti vutto, tassa pana attho visesato sīlādi evāti āha ‘‘bhagavā hi dhammaṃ desento…pe… dassetī’’ti. Tattha sīlaṃ dassetvāti sīlaggahaṇena sasambhāraṃ sīlaṃ gahitaṃ, tathā maggaggahaṇena sasambhāro maggoti tadubhayavasena anavasesato pariyattiatthaṃ pariyādāya tiṭṭhati. Tenāti sīlādidassanena. Atthavasena hi idha desanāya ādikalyāṇādibhāvo adhippeto. Kathikasaṇṭhitīti kathikassa saṇṭhānaṃ kathanavasena samavaṭṭhānaṃ.
на со саад̇т̇ам̣ д̣̇зсзд̇и нияяаанад̇т̇авирахад̇о д̇ассаа д̣̇зсанааяа. згаб̣яан̃ж̇анаад̣̇ияуд̇д̇аа ваад̇и сит̇илаад̣̇ибхзд̣̇зсу б̣яан̃ж̇анзсу згаббагаарзнзва д̣̇виббагаарзнзва ваа б̣яан̃ж̇анзна яуд̇д̇аа д̣̇амил̣абхаасаа вияа. вивадагаран̣ад̇ааяа одтз апусаабзд̇ваа ужжаарзд̇аб̣б̣ад̇о саб̣б̣аниродтаб̣яан̃ж̇анаа ваа гираад̇абхаасаа вияа. саб̣б̣ассзва виссаж̇ж̇анийяаяуд̇д̇ад̇ааяа саб̣б̣ависсадтаб̣яан̃ж̇анаа ваа яаванабхаасаа вияа. саб̣б̣ассзва саанусаарад̇ааяа саб̣б̣аниг̇г̇ахид̇аб̣яан̃ж̇анаа ваа баарасигаад̣̇имилагкабхаасаа вияа. саб̣б̣аабзсаа б̣яан̃ж̇анзгад̣̇зсавасзнзва бавад̇д̇ияаа абарибун̣н̣аб̣яан̃ж̇анаад̇и гад̇ваа ‘‘аб̣яан̃ж̇анаа’’д̇и вуд̇д̇аа.
Na so sātthaṃ deseti niyyānatthavirahato tassā desanāya. Ekabyañjanādiyuttā vāti sithilādibhedesu byañjanesu ekappakāreneva dvippakāreneva vā byañjanena yuttā damiḷabhāsā viya. Vivaṭakaraṇatāya oṭṭhe aphusāpetvā uccāretabbato sabbaniroṭṭhabyañjanā vā kirātabhāsā viya. Sabbasseva vissajjanīyayuttatāya sabbavissaṭṭhabyañjanāvā yavanabhāsā viya. Sabbasseva sānusāratāya sabbaniggahitabyañjanā vā pārasikādimilakkhabhāsā viya. Sabbāpesā byañjanekadesavaseneva pavattiyā aparipuṇṇabyañjanāti katvā ‘‘abyañjanā’’ti vuttā.
таанагаран̣аани сит̇илаани гад̇ваа ужжаарзд̇аб̣б̣ам̣ агкарам̣ бан̃жасу ваг̇г̇зсу батамад̇ад̇ияанд̇и звамаад̣̇и сит̇илам̣. д̇аани асит̇илаани гад̇ваа ужжаарзд̇аб̣б̣ам̣ агкарам̣ ваг̇г̇зсу д̣̇уд̇ияажад̇уд̇т̇анд̇и звамаад̣̇и д̇ханид̇ам̣. д̣̇вимад̇д̇агаалам̣ д̣̇ийгхам̣. згамад̇д̇агаалам̣ рассам̣. д̇ад̣̇зва лахугам̣ лахугамзва. сам̣яог̇абарам̣ д̣̇ийгхан̃жа г̇аругам̣. таанагаран̣аани ниг̇г̇ахзд̇ваа ужжаарзд̇аб̣б̣ам̣ ниг̇г̇ахид̇ам̣. барзна самб̣анд̇хам̣ гад̇ваа ужжаарзд̇аб̣б̣ам̣ самб̣анд̇хам̣. д̇ат̇аа на самб̣анд̇хам̣ вавад̇т̇ид̇ам̣. таанагаран̣аани виссадтаани гад̇ваа ужжаарзд̇аб̣б̣ам̣ вимуд̇д̇ам̣. д̣̇асад̇хаа б̣яан̃ж̇анаб̣уд̣̇д̇хияаа бабхзд̣̇од̇и звам̣ сит̇илаад̣̇ивасзна б̣яан̃ж̇анаб̣уд̣̇д̇хияаа агкаруббаад̣̇агажид̇д̇асса д̣̇асаббагаарзна бабхзд̣̇о. саб̣б̣аани хи агкараани жид̇д̇асамудтаанаани яат̇аад̇хиббзд̇ад̇т̇аб̣яан̃ж̇анад̇о б̣яан̃ж̇анаани жа.
Ṭhānakaraṇāni sithilāni katvā uccāretabbaṃ akkharaṃ pañcasu vaggesu paṭhamatatiyanti evamādi sithilaṃ. Tāni asithilāni katvā uccāretabbaṃ akkharaṃ vaggesu dutiyacatutthanti evamādi dhanitaṃ. Dvimattakālaṃ dīghaṃ. Ekamattakālaṃ rassaṃ. Tadeva lahukaṃ lahukameva. Saṃyogaparaṃ dīghañca garukaṃ. Ṭhānakaraṇāni niggahetvā uccāretabbaṃ niggahitaṃ. Parena sambandhaṃ katvā uccāretabbaṃ sambandhaṃ. Tathā na sambandhaṃ vavatthitaṃ. Ṭhānakaraṇāni vissaṭṭhāni katvā uccāretabbaṃ vimuttaṃ. Dasadhā byañjanabuddhiyā pabhedoti evaṃ sithilādivasena byañjanabuddhiyā akkharuppādakacittassa dasappakārena pabhedo. Sabbāni hi akkharāni cittasamuṭṭhānāni yathādhippetatthabyañjanato byañjanāni ca.
амагкзд̇ваад̇и амилзжчзд̇ваа, авинаасзд̇ваа, ахаабзд̇ваад̇и ад̇т̇о. бхаг̇аваа яамад̇т̇ам̣ н̃аабзд̇ум̣ згаг̇аат̇ам̣ згаваагяамби д̣̇зсзд̇и, д̇амад̇т̇ам̣ д̇ааяа д̣̇зсанааяа бариман̣д̣алабад̣̇аб̣яан̃ж̇анааяа зва д̣̇зсзд̇ийд̇и ааха ‘‘барибун̣н̣аб̣яан̃ж̇анамзва гад̇ваа д̇хаммам̣ д̣̇зсзд̇ий’’д̇и. ид̇ха гзваласад̣̇д̣̇о анавасзсаваажаго, на авомиссад̇аад̣̇иваажагод̇и ааха ‘‘сагалаад̇хиважана’’нд̇и. барибун̣н̣анд̇и саб̣б̣асо бун̣н̣ам̣. д̇ам̣ бана гин̃жи уунам̣ ваа ад̇хигам̣ ваа на ход̇ийд̇и ‘‘ануунаад̇хигаважана’’нд̇и вуд̇д̇ам̣. д̇ад̇т̇а яад̣̇ад̇т̇ам̣ д̣̇зсид̇ам̣, д̇асса саад̇хагад̇д̇аа ануунад̇аа взд̣̇ид̇аб̣б̣аа, д̇аб̣б̣ид̇хурасса бана асаад̇хагад̇д̇аа анад̇хигад̇аа. сагаланд̇и саб̣б̣абхааг̇аванд̇ам̣. барибун̣н̣амзваад̇и саб̣б̣асо барибун̣н̣амзва. д̇знааха ‘‘згад̣̇зсанааби абарибун̣н̣аа над̇т̇ий’’д̇и. абарисуд̣̇д̇хаа д̣̇зсанаа наама ход̇и д̇ан̣хаасам̣гилзсад̇д̇аа. логаамисам̣ жийвараад̣̇аяо бажжаяаа, д̇ад̇т̇а аг̇ад̇хид̇ажид̇д̇ад̇ааяа логаамисанирабзгко. хид̇апаран̣знаад̇и хид̇уубасам̣харан̣зна. мзд̇д̇аабхааванааяа муд̣̇ухад̣̇аяод̇и мзд̇д̇аабхааванааяа гарун̣ааяа ваа муд̣̇ухад̣̇аяо. уллумбанасабхаавасан̣тид̇знаад̇и сагаласам̣гилзсад̇о ваддад̣̇угкад̇о жа уд̣̇д̇харан̣аагаараавадтид̇зна жид̇д̇зна, гарун̣аад̇хиббааязнаад̇и ад̇т̇о. д̇асмаад̇и яасмаа сигкад̇д̇аяасан̇г̇ахам̣ сагалам̣ саасанам̣ ид̇ха б̣рахмажарияанд̇и ад̇хиббзд̇ам̣, д̇асмаа. б̣рахмажарияанд̇и иминаа самаанаад̇хигаран̣аани саб̣б̣абад̣̇аани яож̇зд̇ваа ад̇т̇ам̣ д̣̇ассзнд̇о ‘‘со д̇хаммам̣ д̣̇зсзд̇и…бз… багаасзд̇ийд̇и звамзд̇т̇а ад̇т̇о д̣̇адтаб̣б̣о’’д̇и ааха.
Amakkhetvāti amilecchetvā, avināsetvā, ahāpetvāti attho. Bhagavā yamatthaṃ ñāpetuṃ ekagāthaṃ ekavākyampi deseti, tamatthaṃ tāya desanāya parimaṇḍalapadabyañjanāya eva desetīti āha ‘‘paripuṇṇabyañjanameva katvā dhammaṃ desetī’’ti. Idha kevalasaddo anavasesavācako, na avomissatādivācakoti āha ‘‘sakalādhivacana’’nti. Paripuṇṇanti sabbaso puṇṇaṃ. Taṃ pana kiñci ūnaṃ vā adhikaṃ vā na hotīti ‘‘anūnādhikavacana’’nti vuttaṃ. Tattha yadatthaṃ desitaṃ, tassa sādhakattā anūnatā veditabbā, tabbidhurassa pana asādhakattā anadhikatā. Sakalanti sabbabhāgavantaṃ. Paripuṇṇamevāti sabbaso paripuṇṇameva. Tenāha ‘‘ekadesanāpi aparipuṇṇā natthī’’ti. Aparisuddhā desanā nāma hoti taṇhāsaṃkilesattā. Lokāmisaṃ cīvarādayo paccayā, tattha agadhitacittatāya lokāmisanirapekkho. Hitapharaṇenāti hitūpasaṃharaṇena. Mettābhāvanāya muduhadayoti mettābhāvanāya karuṇāya vā muduhadayo. Ullumpanasabhāvasaṇṭhitenāti sakalasaṃkilesato vaṭṭadukkhato ca uddharaṇākārāvaṭṭhitena cittena, karuṇādhippāyenāti attho. Tasmāti yasmā sikkhattayasaṅgahaṃ sakalaṃ sāsanaṃ idha brahmacariyanti adhippetaṃ, tasmā. Brahmacariyanti iminā samānādhikaraṇāni sabbapadāni yojetvā atthaṃ dassento ‘‘so dhammaṃ deseti…pe… pakāsetīti evamettha attho daṭṭhabbo’’ti āha.
сунд̣̇аранд̇и бхад̣̇д̣̇агам̣. бхад̣̇д̣̇агад̇аа жа бассанд̇асса хид̇асукаавахабхаавзна взд̣̇ид̇аб̣б̣аад̇и ааха ‘‘ад̇т̇аавахам̣ сукааваха’’нд̇и. д̇ад̇т̇а ад̇т̇ааваханд̇и д̣̇идтад̇хаммигасамбарааяигабарамад̇т̇асам̣хид̇ахид̇аавахам̣. сукааваханд̇и яат̇аавуд̇д̇ад̇ивид̇хасукаавахам̣. д̇ат̇аануруубаананд̇и д̇аад̣̇исаанам̣. яаад̣̇исзхи бана г̇ун̣зхи бхаг̇аваа саманнааг̇ад̇о, д̇зхи жад̇уббамаан̣игасса логасса саб̣б̣ат̇ааби ажжанд̇аббасаад̣̇анийяо д̇зсам̣ яат̇аабхууд̇асабхаавад̇д̇аад̇и д̣̇ассзнд̇о ‘‘яат̇ааруубо’’д̇иаад̣̇имааха. д̇ад̇т̇а яат̇аабхууд̇а…бз… арахад̇анд̇и иминаа д̇хаммаббамаан̣алуукаббамаан̣аанам̣ сад̇д̇аанам̣ бхаг̇авад̇о басаад̣̇аавахад̇аа д̣̇ассид̇аа, ид̇арзна ид̇арзсам̣. д̣̇ассанамад̇д̇амби саад̇ху ход̇ийд̇и зд̇т̇а госияавад̇т̇у гат̇зд̇аб̣б̣ам̣. убхад̇обагкигаад̇и мижчаад̣̇идтисаммаад̣̇идтивасзна убхаяабагкигаа. гзраадигаад̇и сатаа.
Sundaranti bhaddakaṃ. Bhaddakatā ca passantassa hitasukhāvahabhāvena veditabbāti āha ‘‘atthāvahaṃ sukhāvaha’’nti. Tattha atthāvahanti diṭṭhadhammikasamparāyikaparamatthasaṃhitahitāvahaṃ. Sukhāvahanti yathāvuttatividhasukhāvahaṃ. Tathānurūpānanti tādisānaṃ. Yādisehi pana guṇehi bhagavā samannāgato, tehi catuppamāṇikassa lokassa sabbathāpi accantappasādanīyo tesaṃ yathābhūtasabhāvattāti dassento ‘‘yathārūpo’’tiādimāha. Tattha yathābhūta…pe… arahatanti iminā dhammappamāṇalūkhappamāṇānaṃ sattānaṃ bhagavato pasādāvahatā dassitā, itarena itaresaṃ. Dassanamattampi sādhu hotīti ettha kosiyavatthu kathetabbaṃ. Ubhatopakkhikāti micchādiṭṭhisammādiṭṭhivasena ubhayapakkhikā. Kerāṭikāti saṭhā.
анзгад̇т̇ад̇д̇аа нибаад̇аанам̣ яааван̃жид̣̇анд̇и нибаад̇асамуд̣̇ааяо ад̇химад̇д̇аббамаан̣абарижчзд̣̇ам̣ д̣̇ийбзд̇ийд̇и ааха ‘‘ад̇химад̇д̇аббамаан̣абарижчзд̣̇аважанамзд̇а’’нд̇и. ад̇химад̇д̇авиббасаннаанийд̇и ад̇хигаббамаан̣зна виббасаннаани. виббасаннаанийд̇и жа багад̇иаагаарам̣ ад̇иггамид̇ваа виббасаннаанийд̇и ад̇т̇о. нану жа жагкаад̣̇ийнам̣ инд̣̇рияаанам̣ мановин̃н̃зяяад̇д̇аа гат̇ам̣ д̇зна д̇зсам̣ виббасаннад̇аа вин̃н̃ааяад̇ийд̇и ааха ‘‘д̇асса хий’’д̇иаад̣̇и. д̇ассаад̇и б̣раахман̣асса. д̇зсанд̇и жагкаад̣̇ийнам̣ бан̃жаннам̣ инд̣̇рияаанам̣. звамби манинд̣̇риязна бад̇идтид̇огаасасса ад̣̇идтад̇д̇аа гат̇ам̣ манинд̣̇рияасса виббасаннад̇аа д̇зна вин̃н̃ааяад̇ийд̇и ааха ‘‘яасмаа банаа’’д̇иаад̣̇и. наяаг̇г̇аахабан̃н̃аа хзсаа д̇асса б̣раахман̣асса. манз виббасаннзязва ход̇и басаннажид̇д̇асамудтид̇аруубасамбад̣̇аахи зва жагкаад̣̇ийнам̣ бад̇идтид̇огаасасса басаннад̇аасамбхавад̇о.
Anekatthattā nipātānaṃ yāvañcidanti nipātasamudāyo adhimattappamāṇaparicchedaṃ dīpetīti āha ‘‘adhimattappamāṇaparicchedavacanameta’’nti. Adhimattavippasannānīti adhikappamāṇena vippasannāni. Vippasannānīti ca pakatiākāraṃ atikkamitvā vippasannānīti attho. Nanu ca cakkhādīnaṃ indriyānaṃ manoviññeyyattā kathaṃ tena tesaṃ vippasannatā viññāyatīti āha ‘‘tassa hī’’tiādi. Tassāti brāhmaṇassa. Tesanti cakkhādīnaṃ pañcannaṃ indriyānaṃ. Evampi manindriyena patiṭṭhitokāsassa adiṭṭhattā kathaṃ manindriyassa vippasannatā tena viññāyatīti āha ‘‘yasmā panā’’tiādi. Nayaggāhapaññā hesā tassa brāhmaṇassa. Mane vippasanneyeva hoti pasannacittasamuṭṭhitarūpasampadāhi eva cakkhādīnaṃ patiṭṭhitokāsassa pasannatāsambhavato.
ж̇амб̣онад̣̇асуван̣н̣ам̣ рад̇д̇аван̣н̣амзва ход̇ийд̇и ааха ‘‘сурад̇д̇аван̣н̣ассаа’’д̇и. ж̇амб̣онад̣̇асуван̣н̣асса гхадигаад̇и ж̇амб̣онад̣̇асуван̣н̣абин̣д̣ам̣. иминаа нзгканд̇и нзгкаббамаан̣аж̇амб̣онад̣̇асуван̣н̣зна гад̇ам̣ агад̇абхан̣д̣ам̣ вуд̇д̇анд̇и д̣̇ассзд̇и. нзгканд̇и ваа ад̇ирзгабан̃жасуван̣н̣зна гад̇абиланд̇ханам̣ гад̇абхан̣д̣ам̣ вуд̇д̇ам̣. д̇ан̃хи гхадданамаж̇ж̇анагкамам̣ ход̇ийд̇и. суван̣н̣анд̇и жа бан̃жад̇харан̣асса саман̃н̃аа, д̇асмаа бан̃жавийсад̇ид̇харан̣ахиран̃н̃авижид̇ам̣ аабхаран̣ам̣ ид̇ха нзгканд̇и ад̇хиббзд̇ам̣. ж̇амб̣онад̣̇анд̇и махааж̇амб̣усаакааяа бавад̇д̇анад̣̇ияам̣ ниб̣б̣ад̇д̇ам̣. д̇ам̣ гира рад̇анам̣ рад̇д̇ам̣. суван̣н̣аагаарз махааж̇амб̣упаларасз ваа бат̇авияам̣ бавидтз суван̣н̣ан̇гураа удтаханд̇и, д̇зна суван̣н̣зна гад̇абиланд̇хананд̇иби ад̇т̇о. субаригаммагад̇анд̇и судту гад̇абаригаммам̣. самбахадтанд̇и саммаа бахадтам̣ гхадданаад̣̇ивасзна сугад̇абаригаммам̣. д̇знааха ‘‘суван̣н̣агаара…бз… субаримаж̇ж̇ид̇анд̇и ад̇т̇о’’д̇и.
Jambonadasuvaṇṇaṃ rattavaṇṇameva hotīti āha ‘‘surattavaṇṇassā’’ti. Jambonadasuvaṇṇassa ghaṭikāti jambonadasuvaṇṇapiṇḍaṃ. Iminā nekkhanti nekkhappamāṇajambonadasuvaṇṇena kataṃ akatabhaṇḍaṃ vuttanti dasseti. Nekkhanti vā atirekapañcasuvaṇṇena katapilandhanaṃ katabhaṇḍaṃ vuttaṃ. Tañhi ghaṭṭanamajjanakkhamaṃ hotīti. Suvaṇṇanti ca pañcadharaṇassa samaññā, tasmā pañcavīsatidharaṇahiraññavicitaṃ ābharaṇaṃ idha nekkhanti adhippetaṃ. Jambonadanti mahājambusākhāya pavattanadiyaṃ nibbattaṃ. Taṃ kira ratanaṃ rattaṃ. Suvaṇṇākāre mahājambuphalarase vā pathaviyaṃ paviṭṭhe suvaṇṇaṅkurā uṭṭhahanti, tena suvaṇṇena katapilandhanantipi attho. Suparikammakatanti suṭṭhu kataparikammaṃ. Sampahaṭṭhanti sammā pahaṭṭhaṃ ghaṭṭanādivasena sukataparikammaṃ. Tenāha ‘‘suvaṇṇakāra…pe… suparimajjitanti attho’’ti.
ваал̣аруубаанийд̇и аахаримаани ваал̣аруубаани. ‘‘агаббияаруубаагуло агаббияаман̃жо баллан̇год̇и саарасамаасз. рад̇анажид̇ранд̇и бхид̇д̇ижчзд̣̇аад̣̇ивасзна рад̇анажид̇рам̣. ругкад̇уулалад̇аад̇уулабодагид̇уулаанам̣ васзна д̇ин̣н̣ам̣ д̇уулаанам̣. уд̣̇д̣̇аломияам̣ гзжийд̇и саарасамаасаажарияаа уд̇д̇аравихаарино жа. д̇ат̇аа зганд̇аломияам̣. госзяяагаддиссамаяанд̇и госзяяагасадамаяам̣. аж̇инажаммзхийд̇и аж̇инамиг̇ажаммзхи. д̇аани гира жаммаани сукумад̇араани. д̇асмаа д̣̇убаддад̇ибаддаани гад̇ваа сиб̣б̣анд̇и. д̇зна вуд̇д̇ам̣ ‘‘аж̇инаббавзн̣ий’’д̇иаад̣̇и.
Vāḷarūpānīti āharimāni vāḷarūpāni. ‘‘Akappiyarūpākulo akappiyamañco pallaṅkoti sārasamāse. Ratanacitranti bhitticchedādivasena ratanacitraṃ. Rukkhatūlalatātūlapoṭakitūlānaṃ vasena tiṇṇaṃ tūlānaṃ. Uddalomiyaṃ kecīti sārasamāsācariyā uttaravihārino ca. Tathā ekantalomiyaṃ. Koseyyakaṭṭissamayanti koseyyakasaṭamayaṃ. Ajinacammehīti ajinamigacammehi. Tāni kira cammāni sukhumatarāni. Tasmā dupaṭṭatipaṭṭāni katvā sibbanti. Tena vuttaṃ ‘‘ajinappaveṇī’’tiādi.
нигаамалаабхийд̇и яат̇ижчид̇алаабхий. д̇знааха ‘‘ижчид̇ижчид̇алаабхий’’д̇и. вибулалаабхийд̇и ул̣ааралаабхий. гасиранд̇и хи барид̇д̇ам̣ вужжад̇и, д̇аббадигкзбзна агасирам̣ ул̣аарам̣. д̇знааха ‘‘маханд̇алаабхий’’д̇иаад̣̇и.
Nikāmalābhīti yathicchitalābhī. Tenāha ‘‘icchiticchitalābhī’’ti. Vipulalābhīti uḷāralābhī. Kasiranti hi parittaṃ vuccati, tappaṭikkhepena akasiraṃ uḷāraṃ. Tenāha ‘‘mahantalābhī’’tiādi.
лад̣̇д̇хаа жа на габбанд̇ийд̇и сааман̃н̃зна бадисид̣̇д̇хад̇д̇аа саб̣б̣ат̇аа на габбад̇ийд̇и гассажи аасан̇гаа сияаа, д̇аннивад̇д̇анад̇т̇ам̣ ‘‘гин̃жи гин̃жи габбад̇ий’’д̇иаад̣̇имааха. д̇ад̇т̇а суд̣̇д̇хагосзяяанд̇и рад̇анабарисиб̣б̣анарахид̇ам̣. зд̇т̇а жа ‘‘суд̣̇д̇хагосзяяам̣ бана ваддад̇ий’’д̇и винаяз (махаава. адта. 254) вуд̇д̇ад̇д̇аа ид̇хааби зд̇д̇агамзва вуд̇д̇ам̣. д̣̇ийгханигааяадтагат̇ааяам̣ (д̣̇ий. ни. адта. 1.15) бана ‘‘табзд̇ваа д̇уулигам̣ саб̣б̣аанзва г̇онагаад̣̇ийни рад̇анабарисиб̣б̣ид̇аани на вадданд̇ий’’д̇и вуд̇д̇ам̣. д̇ад̇т̇а ‘‘табзд̇ваа д̇уулига’’нд̇и зд̇зна рад̇анасиб̣б̣анарахид̇аабий д̇уулигаа на ваддад̇ийд̇и д̣̇ийбзд̇и. важанад̇од̇и зд̇зна винаяз (жуул̣ава. 297) вуд̇д̇абхаавам̣ д̣̇ассзд̇и. згзна вид̇хаанзнаад̇и яат̇аавуд̇д̇амзва вид̇хаанам̣ санд̇хааяа вад̣̇ад̇и. яад̣̇и звам̣ гасмаа бхаг̇авад̇аа ‘‘лад̣̇д̇хаа жа на габбанд̇ий’’д̇и сааман̃н̃зна бадисзд̇хо гад̇од̇и ааха ‘‘агаббияам̣ бана убаад̣̇ааяаа’’д̇иаад̣̇и.
Laddhā ca na kappantīti sāmaññena paṭisiddhattā sabbathā na kappatīti kassaci āsaṅkā siyā, tannivattanatthaṃ ‘‘kiñci kiñci kappatī’’tiādimāha. Tattha suddhakoseyyanti ratanaparisibbanarahitaṃ. Ettha ca ‘‘suddhakoseyyaṃ pana vaṭṭatī’’ti vinaye (mahāva. aṭṭha. 254) vuttattā idhāpi ettakameva vuttaṃ. Dīghanikāyaṭṭhakathāyaṃ (dī. ni. aṭṭha. 1.15) pana ‘‘ṭhapetvā tūlikaṃ sabbāneva gonakādīni ratanaparisibbitāni na vaṭṭantī’’ti vuttaṃ. Tattha ‘‘ṭhapetvā tūlika’’nti etena ratanasibbanarahitāpī tūlikā na vaṭṭatīti dīpeti. Vacanatoti etena vinaye (cūḷava. 297) vuttabhāvaṃ dasseti. Ekena vidhānenāti yathāvuttameva vidhānaṃ sandhāya vadati. Yadi evaṃ kasmā bhagavatā ‘‘laddhā ca na kappantī’’ti sāmaññena paṭisedho katoti āha ‘‘akappiyaṃ pana upādāyā’’tiādi.
баллан̇ганд̇и зд̇т̇а бари-сад̣̇д̣̇о саманд̇ад̇од̇и зд̇асмим̣ ад̇т̇з вад̇д̇ад̇и, д̇асмаа ваамуурум̣ д̣̇агкин̣уурун̃жа самам̣ табзд̇ваа убхо баад̣̇з ан̃н̃аман̃н̃асамб̣анд̇хз гад̇ваа нисаж̇ж̇аа баллан̇ганд̇и ааха ‘‘саманд̇ад̇о ууруб̣ад̣̇д̇хаасана’’нд̇и. ууруунам̣ б̣анд̇ханавасзна нисаж̇ж̇аа. баллан̇гам̣ аабхуж̇ид̇ваад̇и жа яат̇аа баллан̇гавасзна нисаж̇ж̇аа ход̇и, звам̣ убхо баад̣̇з аабхуж̇з самин̃ж̇ид̇з гад̇ваад̇и ад̇т̇о. д̇ам̣ бана убхиннам̣ баад̣̇аанам̣ д̇ат̇аа самб̣анд̇хад̇аагаран̣анд̇и ааха ‘‘б̣анд̇хид̇ваа’’д̇и. уж̇ум̣ гааяам̣ бан̣ид̇хааяаад̇и убаримам̣ сарийрам̣ уж̇угам̣ табзд̇ваа адтаараса бидтиган̣дагз годияаа годим̣ бадибаад̣̇зд̇ваа. зван̃хи нисиннасса жаммамам̣санхаарууни на бан̣аманд̇и. ат̇асса яаа д̇зсам̣ бан̣аманабажжаяаа кан̣з кан̣з взд̣̇анаа уббаж̇ж̇зяяум̣, д̇аа на уббаж̇ж̇анд̇и. д̇аасу ануббаж̇ж̇амаанаасу жид̇д̇ам̣ згаг̇г̇ам̣ ход̇и, гаммадтаанам̣ на барибад̇ад̇и, вуд̣̇д̇хим̣ паад̇им̣ г̇ажчад̇и. д̇знааха ‘‘адтаараса бидтиган̣дагз’’д̇иаад̣̇и. уж̇ум̣ гааяам̣ табзд̇ваад̇и убаримам̣ гааяам̣ уж̇угам̣ табзд̇ваа, аяамзва ваа баато. хздтимагааяасса хи ануж̇угадтабанам̣ нисаж̇ж̇ааважанзнзва б̣од̇хид̇анд̇и. уж̇ум̣ гааяанд̇и зд̇т̇а гааяа-сад̣̇д̣̇о убаримагааяависаяо.
Pallaṅkanti ettha pari-saddo samantatoti etasmiṃ atthe vattati, tasmā vāmūruṃ dakkhiṇūruñca samaṃ ṭhapetvā ubho pāde aññamaññasambandhe katvā nisajjā pallaṅkanti āha ‘‘samantato ūrubaddhāsana’’nti. Ūrūnaṃ bandhanavasena nisajjā. Pallaṅkaṃ ābhujitvāti ca yathā pallaṅkavasena nisajjā hoti, evaṃ ubho pāde ābhuje samiñjite katvāti attho. Taṃ pana ubhinnaṃ pādānaṃ tathā sambandhatākaraṇanti āha ‘‘bandhitvā’’ti. Ujuṃ kāyaṃ paṇidhāyāti uparimaṃ sarīraṃ ujukaṃ ṭhapetvā aṭṭhārasa piṭṭhikaṇṭake koṭiyā koṭiṃ paṭipādetvā. Evañhi nisinnassa cammamaṃsanhārūni na paṇamanti. Athassa yā tesaṃ paṇamanapaccayā khaṇe khaṇe vedanā uppajjeyyuṃ, tā na uppajjanti. Tāsu anuppajjamānāsu cittaṃ ekaggaṃ hoti, kammaṭṭhānaṃ na paripatati, vuddhiṃ phātiṃ gacchati. Tenāha ‘‘aṭṭhārasa piṭṭhikaṇṭake’’tiādi. Ujuṃ kāyaṃ ṭhapetvāti uparimaṃ kāyaṃ ujukaṃ ṭhapetvā, ayameva vā pāṭho. Heṭṭhimakāyassa hi anujukaṭṭhapanaṃ nisajjāvacaneneva bodhitanti. Ujuṃ kāyanti ettha kāya-saddo uparimakāyavisayo.
баримуканд̇и зд̇т̇а бари-сад̣̇д̣̇о абхисад̣̇д̣̇зна самаанад̇т̇од̇и ааха ‘‘гаммадтаанаабхимука’’нд̇и, б̣ахид̣̇д̇хаа бут̇уд̇д̇аарамман̣ад̇о ниваарзд̇ваа гаммадтаанам̣язва бурагкад̇ваад̇и ад̇т̇о. зд̇т̇а яат̇аа ‘‘вананд̇ан̃н̃зва бависаамий’’д̇иаад̣̇инаа бхааванаануруубам̣ сзнаасанам̣ д̣̇ассид̇ам̣, звам̣ ‘‘нисийд̣̇аамий’’д̇и иминаа алийнаануд̣̇д̇хажжабагкияо санд̇о ирияаабат̇о д̣̇ассид̇о, ‘‘баллан̇гам̣ аабхуж̇ид̇ваа’’д̇и иминаа нисаж̇ж̇ааяа д̣̇ал̣хабхааво, ‘‘баримукам̣ сад̇им̣ убадтабзд̇ваа’’д̇и иминаа аарамман̣абариг̇г̇ахуубааяо. бариг̇г̇ахид̇анияяаананд̇и саб̣б̣ат̇аа г̇ахид̇аасаммосам̣ барижжад̇д̇асаммосам̣ сад̇им̣ гад̇ваа, барамасад̇инзбаггам̣ убадтабзд̇ваад̇и ад̇т̇о. барийд̇и бариг̇г̇ахадто ‘‘барин̣ааяигаа’’д̇иаад̣̇ийсу (д̇ха. са. 16.20) вияа. муканд̇и нияяаанадто ‘‘сун̃н̃ад̇авимогка’’нд̇иаад̣̇ийсу (бади. ма. 1.209-210) вияа. бадибагкад̇о ниг̇г̇аманадто хи нияяаанадто.
Parimukhanti ettha pari-saddo abhisaddena samānatthoti āha ‘‘kammaṭṭhānābhimukha’’nti, bahiddhā puthuttārammaṇato nivāretvā kammaṭṭhānaṃyeva purakkhatvāti attho. Ettha yathā ‘‘vanantaññeva pavisāmī’’tiādinā bhāvanānurūpaṃ senāsanaṃ dassitaṃ, evaṃ ‘‘nisīdāmī’’ti iminā alīnānuddhaccapakkhiyo santo iriyāpatho dassito, ‘‘pallaṅkaṃ ābhujitvā’’ti iminā nisajjāya daḷhabhāvo, ‘‘parimukhaṃ satiṃ upaṭṭhapetvā’’ti iminā ārammaṇapariggahūpāyo. Pariggahitaniyyānanti sabbathā gahitāsammosaṃ pariccattasammosaṃ satiṃ katvā, paramasatinepakkaṃ upaṭṭhapetvāti attho. Parīti pariggahaṭṭho ‘‘pariṇāyikā’’tiādīsu (dha. sa. 16.20) viya. Mukhanti niyyānaṭṭho ‘‘suññatavimokkha’’ntiādīsu (paṭi. ma. 1.209-210) viya. Paṭipakkhato niggamanaṭṭho hi niyyānaṭṭho.
жад̇д̇аари руубааважараж̇жхаанаани д̣̇иб̣б̣абхааваавахад̇д̇аа д̣̇иб̣б̣авихаараа наама хонд̇ийд̇и д̇ад̣̇аасаннаббавад̇д̇ажан̇гамоби д̇ад̣̇убажаарад̇о д̣̇иб̣б̣о наама ход̇ийд̇и ааха ‘‘жад̇д̇аари хи руубаж̇жхаанааний’’д̇иаад̣̇и. самаабаж̇ж̇ид̇ваа жан̇гаманд̇ассаад̇и ид̣̇ан̃жа жан̇гаманд̇асса анд̇аранд̇араа самаабад̇д̇им̣ самаабаж̇ж̇ид̇ваа удтааяудтааяа жан̇гаманам̣ санд̇хааяа вуд̇д̇ам̣. на хи самаабад̇д̇им̣ самаабаж̇ж̇ид̇ваа авудтид̇зна саггаа жан̇гамид̇ум̣. самаабад̇д̇ид̇о вудтааяа жан̇гаманд̇ассаби жан̇гамод̇и ид̣̇ам̣ бана самаабад̇д̇ид̇о вудтахид̇ваа анд̇аранд̇араа самаабаж̇ж̇ид̇ваа жан̇гаманд̇асса васзна вуд̇д̇ам̣. д̣̇вийсу вихаарзсууд̇и б̣рахмавихаарз, арияавихаарз жа. мзд̇д̇аажхаанаад̣̇аяо хид̇уубасам̣хаараад̣̇ивасзна бавад̇д̇ияаа б̣рахмабхууд̇аа сздтабхууд̇аа вихаараад̇и б̣рахмавихаараа. анан̃н̃асаад̇хааран̣ад̇д̇аа бана арияаанам̣ вихаараад̇и арияавихаараа, жад̇ассоби паласамаабад̇д̇ияо. ид̇ха бана арахад̇д̇апаласамаабад̇д̇иязва ааг̇ад̇аа.
Cattāri rūpāvacarajjhānāni dibbabhāvāvahattā dibbavihārā nāma hontīti tadāsannappavattacaṅkamopi tadupacārato dibbo nāma hotīti āha ‘‘cattāri hi rūpajjhānānī’’tiādi. Samāpajjitvā caṅkamantassāti idañca caṅkamantassa antarantarā samāpattiṃ samāpajjitvā uṭṭhāyuṭṭhāya caṅkamanaṃ sandhāya vuttaṃ. Na hi samāpattiṃ samāpajjitvā avuṭṭhitena sakkā caṅkamituṃ. Samāpattito vuṭṭhāya caṅkamantassapi caṅkamoti idaṃ pana samāpattito vuṭṭhahitvā antarantarā samāpajjitvā caṅkamantassa vasena vuttaṃ. Dvīsuvihāresūti brahmavihāre, ariyavihāre ca. Mettājhānādayo hitūpasaṃhārādivasena pavattiyā brahmabhūtā seṭṭhabhūtā vihārāti brahmavihārā. Anaññasādhāraṇattā pana ariyānaṃ vihārāti ariyavihārā, catassopi phalasamāpattiyo. Idha pana arahattaphalasamāpattiyeva āgatā.
бажжавзгкан̣ааяа паласамаабад̇д̇и гат̇ид̇аа самаабад̇д̇им̣ самаабаж̇ж̇ид̇ваа вудтид̇асса бажжавзгкан̣аасамбхавад̇о. жан̇гамаад̣̇аяод̇и паласамаабад̇д̇им̣ самаабаннассаби самаабад̇д̇ид̇о вудтид̇ассаби жан̇гамадтаананисаж̇ж̇аад̣̇аяо. арияажан̇гамаад̣̇аяо хонд̇и на бана бажжавзгканд̇ассаад̇и ад̇хиббааяо.
Paccavekkhaṇāya phalasamāpatti kathitā samāpattiṃ samāpajjitvā vuṭṭhitassa paccavekkhaṇāsambhavato. Caṅkamādayoti phalasamāpattiṃ samāpannassapi samāpattito vuṭṭhitassapi caṅkamaṭṭhānanisajjādayo. Ariyacaṅkamādayo honti na pana paccavekkhantassāti adhippāyo.
взнааг̇абурасуд̇д̇аван̣н̣анаа нидтид̇аа.
Venāgapurasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. взнааг̇абурасуд̇д̇ам̣ • 3. Venāgapurasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. взнааг̇абурасуд̇д̇аван̣н̣анаа • 3. Venāgapurasuttavaṇṇanā
