| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. взбажид̇д̇исуд̇д̇аван̣н̣анаа
4. Vepacittisuttavaṇṇanā
250. ‘‘махаанубхаавад̇ааяа асураанам̣ жид̇д̇авзбанзна взбажид̇д̇ий’’д̇и вад̣̇анд̇и. исийхи бана абхаяам̣ яаажид̇з ‘‘бхаяамзва д̣̇ад̣̇аамий’’д̇и вад̇ваа д̇зхи ‘‘агкаяам̣ ход̇у д̇з бхаяа’’нд̇и абхисабавасзна вуд̇д̇агаалад̇о бадтааяа взбанажид̇д̇ад̇ааяа ‘‘взбажид̇д̇ий’’д̇и вужжад̇и, яам̣ логияаа ‘‘буломо’’д̇и жа вад̣̇анд̇и. нибаад̇абад̣̇ааниби гаанижи ад̇т̇ависзсаж̇од̇агаани хонд̇ийд̇и ааха ‘‘нибаад̇амад̇д̇а’’нд̇и хзд̇уад̇т̇аад̣̇ийнамзд̇т̇а асамбхавад̇о. д̇анд̇и саггам̣ д̣̇зваанаминд̣̇ам̣. ган̣тз бан̃жамзхийд̇и ган̣таб̣анд̇ханабан̃жамзхи, вибхад̇д̇иалобзна нид̣̇д̣̇зсо. жид̇д̇знзваад̇и ‘‘имам̣ б̣анд̇хаами, аяам̣ б̣аж̇жхад̇уу’’д̇и уббаннажид̇д̇знзва. б̣аж̇жхад̇и б̣ад̣̇д̇хо ход̇и, аяам̣ д̣̇зваанубхааво. мужжад̇ийд̇и зд̇т̇ааби зсзва наяо. д̣̇асахийд̇и ‘‘жоросий’’д̇иаад̣̇инаа ид̇ха вуд̇д̇зхи д̣̇асахи. д̇знааха ‘‘имзхий’’д̇и. ниб̣б̣ад̇д̇ид̇ваа жирагаалад̇ам̣ убаад̣̇ааяа кум̣санавасзна вад̣̇ад̇и ‘‘ж̇арасаггаа’’д̇и. на д̇ам̣ аггосам̣ манаси гарод̇и д̣̇ийгхарад̇д̇ам̣ канд̇исоражжзсу нирул̣хааж̇жхаасаяад̇д̇аа. махаабадиг̇г̇ахан̣анд̇и маханд̇ам̣ убасамаб̣яан̃ж̇анам̣. ассаад̇и взбажид̇д̇асса.
250. ‘‘Mahānubhāvatāya asurānaṃ cittavepanena vepacittī’’ti vadanti. Isīhi pana abhayaṃ yācite ‘‘bhayameva dadāmī’’ti vatvā tehi ‘‘akkhayaṃ hotu te bhaya’’nti abhisapavasena vuttakālato paṭṭhāya vepanacittatāya ‘‘vepacittī’’ti vuccati, yaṃ lokiyā ‘‘pulomo’’ti ca vadanti. Nipātapadānipi kānici atthavisesajotakāni hontīti āha ‘‘nipātamatta’’nti hetuatthādīnamettha asambhavato. Tanti sakkaṃ devānamindaṃ. Kaṇṭhe pañcamehīti kaṇṭhabandhanapañcamehi, vibhattialopena niddeso. Cittenevāti ‘‘imaṃ bandhāmi, ayaṃ bajjhatū’’ti uppannacitteneva. Bajjhati baddho hoti, ayaṃ devānubhāvo. Muccatīti etthāpi eseva nayo. Dasahīti ‘‘corosī’’tiādinā idha vuttehi dasahi. Tenāha ‘‘imehī’’ti. Nibbattitvā cirakālataṃ upādāya khuṃsanavasena vadati ‘‘jarasakkā’’ti. Na taṃ akkosaṃ manasi karoti dīgharattaṃ khantisoraccesu niruḷhaajjhāsayattā. Mahāpaṭiggahaṇanti mahantaṃ upasamabyañjanaṃ. Assāti vepacittassa.
бадисам̣яуж̇зд̇и бадисад̇д̇у худ̇ваа сам̣яуд̣̇д̇хам̣ гарзяяа. д̇знааха ‘‘бадибпарзяяаа’’д̇и. убасамам̣…бз… ман̃н̃з убасамзнзва бажжад̇т̇игасса нааяагабхууд̇асса год̇хасса бадисзд̇ханад̇о. д̇аад̣̇исз хи год̇хо бадигирияам̣ алабханд̇о анубаад̣̇аано вияа ж̇аад̇авзд̣̇о вуубасаммад̇и. яад̣̇аа-сад̣̇д̣̇о хзд̇уад̇т̇о, на гаалад̇т̇од̇и ааха ‘‘яасмаа д̇ам̣ ман̃н̃ад̇ий’’д̇и. д̇аавад̣̇зва д̣̇вз г̇ааво яуж̇жханд̇зд̇и д̇асмим̣язва кан̣з д̣̇вийсу г̇он̣зсу яуж̇жханд̇зсу.
Paṭisaṃyujeti paṭisattu hutvā saṃyuddhaṃ kareyya. Tenāha ‘‘paṭipphareyyā’’ti. Upasamaṃ…pe… maññe upasameneva paccatthikassa nāyakabhūtassa kodhassa paṭisedhanato. Tādise hi kodho paṭikiriyaṃ alabhanto anupādāno viya jātavedo vūpasammati. Yadā-saddo hetuattho, na kālatthoti āha ‘‘yasmā taṃ maññatī’’ti. Tāvadeva dve gāvo yujjhanteti tasmiṃyeva khaṇe dvīsu goṇesu yujjhantesu.
канд̇ид̇о уд̇д̇арид̇аро ан̃н̃о ад̇т̇о на виж̇ж̇ад̇и ананд̇арзва асса вирод̇хам̣ анад̇т̇ам̣ бадиб̣аахид̇ваа д̣̇идтад̇хаммигасса жзва самбарааяигасса жа сам̣вид̇хаанад̇о. д̇ам̣ канд̇им̣ барамам̣ ааху сздтаб̣алам̣ вирод̇хабажжаяам̣ абхибхуяяа бавад̇д̇анад̇о. б̣аалаяог̇ад̇о б̣аало, д̇асса б̣алам̣ б̣аалаб̣алам̣, ан̃н̃аан̣анд̇и ааха ‘‘б̣аалаб̣алам̣ наама ан̃н̃аан̣аб̣ала’’нд̇и. д̇ам̣ яасса б̣аланд̇и д̇ам̣ ан̃н̃аан̣аб̣алам̣ яасса буг̇г̇аласса б̣алам̣, аб̣аламзва д̇ам̣ бан̃н̃ааб̣алзна вид̣̇д̇хам̣сзд̇аб̣б̣ад̇о. бадивад̇д̇аа на виж̇ж̇ад̇ийд̇и д̇хаммадтам̣ бадибпарид̇ваа абхибхавид̇ваа бавад̇д̇аа над̇т̇и. бадиважанамад̇д̇ам̣ бана гожи вад̣̇зяяааби, д̇ам̣ агааран̣анд̇и д̣̇ассзнд̇о ‘‘бадибпарид̇ваа ваа’’д̇иаад̣̇имааха. б̣аалаб̣аланд̇и ‘‘бадибпарид̇ваа’’д̇и важанасса гааран̣аважанам̣. д̇ассзва буг̇г̇аласса бадигуж̇жханагасса. наанад̇д̇аавид̇агганад̇о убхиннам̣ ад̇т̇ам̣. д̇игижчанд̇анд̇и анад̇т̇абадиб̣ааханамукзна бан̣д̣ид̇агижжагаран̣зна бадисзд̇хзнд̇ам̣. ‘‘б̣аало аяа’’нд̇и звам̣ бан̃н̃абзд̇ум̣ хзд̇упалаанам̣ анаваб̣од̇хад̇о жад̇усажжад̇хаммз ачзгаад̇и.
Khantito uttaritaro añño attho na vijjati anantareva assa virodhaṃ anatthaṃ paṭibāhitvā diṭṭhadhammikassa ceva samparāyikassa ca saṃvidhānato. Taṃ khantiṃ paramaṃ āhu seṭṭhabalaṃ virodhapaccayaṃ abhibhuyya pavattanato. Bālayogato bālo, tassa balaṃ bālabalaṃ, aññāṇanti āha ‘‘bālabalaṃ nāma aññāṇabala’’nti. Taṃ yassa balanti taṃ aññāṇabalaṃ yassa puggalassa balaṃ, abalameva taṃ paññābalena viddhaṃsetabbato. Paṭivattā na vijjatīti dhammaṭṭhaṃ paṭippharitvā abhibhavitvā pavattā natthi. Paṭivacanamattaṃ pana koci vadeyyāpi, taṃ akāraṇanti dassento ‘‘paṭippharitvā vā’’tiādimāha. Bālabalanti ‘‘paṭippharitvā’’ti vacanassa kāraṇavacanaṃ. Tasseva puggalassa paṭikujjhanakassa. Nānattāvitakkanato ubhinnaṃ atthaṃ. Tikicchantanti anatthapaṭibāhanamukhena paṇḍitakiccakaraṇena paṭisedhentaṃ. ‘‘Bālo aya’’nti evaṃ paññapetuṃ hetuphalānaṃ anavabodhato catusaccadhamme achekāti.
взбажид̇д̇исуд̇д̇аван̣н̣анаа нидтид̇аа.
Vepacittisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. взбажид̇д̇исуд̇д̇ам̣ • 4. Vepacittisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. взбажид̇д̇исуд̇д̇аван̣н̣анаа • 4. Vepacittisuttavaṇṇanā
