| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. взбуллабаб̣б̣ад̇асуд̇д̇ам̣
10. Vepullapabbatasuttaṃ
143. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
143. Ekaṃ samayaṃ bhagavā rājagahe viharati gijjhakūṭe pabbate. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘анамад̇аг̇г̇ояам̣, бхигкавз, сам̣сааро. буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣. бхууд̇абуб̣б̣ам̣, бхигкавз, имасса взбулласса баб̣б̣ад̇асса ‘баажийнавам̣со’д̇взва саман̃н̃аа уд̣̇абаад̣̇и. д̇зна ко бана, бхигкавз , самаязна мануссаанам̣ ‘д̇ивараа’д̇взва саман̃н̃аа уд̣̇абаад̣̇и. д̇ивараанам̣, бхигкавз, мануссаанам̣ жад̇д̇аарийса вассасахассаани ааяуббамаан̣ам̣ ахоси. д̇ивараа, бхигкавз, мануссаа баажийнавам̣сам̣ баб̣б̣ад̇ам̣ жад̇уухзна аароханд̇и, жад̇уухзна ороханд̇и. д̇зна ко бана, бхигкавз , самаязна гагусанд̇хо бхаг̇аваа арахам̣ саммаасамб̣уд̣̇д̇хо логз уббанно ход̇и. гагусанд̇хасса, бхигкавз, бхаг̇авад̇о арахад̇о саммаасамб̣уд̣̇д̇хасса вид̇хурасан̃ж̇ийвам̣ наама саавагаяуг̇ам̣ ахоси аг̇г̇ам̣ бхад̣̇д̣̇аяуг̇ам̣. бассат̇а, бхигкавз, саа жзвимасса баб̣б̣ад̇асса саман̃н̃аа анд̇арахид̇аа, д̇з жа мануссаа гаалан̇гад̇аа, со жа бхаг̇аваа бариниб̣б̣уд̇о. звам̣ анижжаа, бхигкавз, сан̇каараа; звам̣ ад̣̇д̇хуваа, бхигкавз, сан̇каараа; звам̣ анассаасигаа, бхигкавз, сан̇каараа. яааван̃жид̣̇ам̣, бхигкавз, аламзва саб̣б̣асан̇каарзсу ниб̣б̣инд̣̇ид̇ум̣, алам̣ вираж̇ж̇ид̇ум̣, алам̣ вимужжид̇ум̣.
‘‘Anamataggoyaṃ, bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Bhūtapubbaṃ, bhikkhave, imassa vepullassa pabbatassa ‘pācīnavaṃso’tveva samaññā udapādi. Tena kho pana, bhikkhave , samayena manussānaṃ ‘tivarā’tveva samaññā udapādi. Tivarānaṃ, bhikkhave, manussānaṃ cattārīsa vassasahassāni āyuppamāṇaṃ ahosi. Tivarā, bhikkhave, manussā pācīnavaṃsaṃ pabbataṃ catūhena ārohanti, catūhena orohanti. Tena kho pana, bhikkhave , samayena kakusandho bhagavā arahaṃ sammāsambuddho loke uppanno hoti. Kakusandhassa, bhikkhave, bhagavato arahato sammāsambuddhassa vidhurasañjīvaṃ nāma sāvakayugaṃ ahosi aggaṃ bhaddayugaṃ. Passatha, bhikkhave, sā cevimassa pabbatassa samaññā antarahitā, te ca manussā kālaṅkatā, so ca bhagavā parinibbuto. Evaṃ aniccā, bhikkhave, saṅkhārā; evaṃ addhuvā, bhikkhave, saṅkhārā; evaṃ anassāsikā, bhikkhave, saṅkhārā. Yāvañcidaṃ, bhikkhave, alameva sabbasaṅkhāresu nibbindituṃ, alaṃ virajjituṃ, alaṃ vimuccituṃ.
‘‘бхууд̇абуб̣б̣ам̣ , бхигкавз, имасса взбулласса баб̣б̣ад̇асса ‘ван̇гаго’д̇взва саман̃н̃аа уд̣̇абаад̣̇и. д̇зна ко бана, бхигкавз, самаязна мануссаанам̣ ‘рохид̇ассаа’д̇взва саман̃н̃аа уд̣̇абаад̣̇и. рохид̇ассаанам̣, бхигкавз, мануссаанам̣ д̇им̣савассасахассаани ааяуббамаан̣ам̣ ахоси. рохид̇ассаа, бхигкавз, мануссаа ван̇гагам̣ баб̣б̣ад̇ам̣ д̇ийхзна аароханд̇и, д̇ийхзна ороханд̇и. д̇зна ко бана, бхигкавз, самаязна гон̣ааг̇амано бхаг̇аваа арахам̣ саммаасамб̣уд̣̇д̇хо логз уббанно ход̇и. гон̣ааг̇аманасса, бхигкавз, бхаг̇авад̇о арахад̇о саммаасамб̣уд̣̇д̇хасса бхияяосуд̇д̇арам̣ наама саавагаяуг̇ам̣ ахоси аг̇г̇ам̣ бхад̣̇д̣̇аяуг̇ам̣. бассат̇а, бхигкавз, саа жзвимасса баб̣б̣ад̇асса саман̃н̃аа анд̇арахид̇аа, д̇з жа мануссаа гаалан̇гад̇аа, со жа бхаг̇аваа бариниб̣б̣уд̇о. звам̣ анижжаа, бхигкавз, сан̇каараа…бз… алам̣ вимужжид̇ум̣.
‘‘Bhūtapubbaṃ , bhikkhave, imassa vepullassa pabbatassa ‘vaṅkako’tveva samaññā udapādi. Tena kho pana, bhikkhave, samayena manussānaṃ ‘rohitassā’tveva samaññā udapādi. Rohitassānaṃ, bhikkhave, manussānaṃ tiṃsavassasahassāni āyuppamāṇaṃ ahosi. Rohitassā, bhikkhave, manussā vaṅkakaṃ pabbataṃ tīhena ārohanti, tīhena orohanti. Tena kho pana, bhikkhave, samayena koṇāgamano bhagavā arahaṃ sammāsambuddho loke uppanno hoti. Koṇāgamanassa, bhikkhave, bhagavato arahato sammāsambuddhassa bhiyyosuttaraṃ nāma sāvakayugaṃ ahosi aggaṃ bhaddayugaṃ. Passatha, bhikkhave, sā cevimassa pabbatassa samaññā antarahitā, te ca manussā kālaṅkatā, so ca bhagavā parinibbuto. Evaṃ aniccā, bhikkhave, saṅkhārā…pe… alaṃ vimuccituṃ.
‘‘бхууд̇абуб̣б̣ам̣, бхигкавз, имасса взбулласса баб̣б̣ад̇асса ‘субассо’д̇взва 1 саман̃н̃аа уд̣̇абаад̣̇и. д̇зна ко бана, бхигкавз, самаязна мануссаанам̣ ‘суббияаа’д̇взва 2 саман̃н̃аа уд̣̇абаад̣̇и. суббияаанам̣, бхигкавз, мануссаанам̣ вийсад̇ивассасахассаани ааяуббамаан̣ам̣ ахоси. суббияаа, бхигкавз, мануссаа субассам̣ баб̣б̣ад̇ам̣ д̣̇вийхзна аароханд̇и, д̣̇вийхзна ороханд̇и. д̇зна ко бана, бхигкавз, самаязна гассабо бхаг̇аваа арахам̣ саммаасамб̣уд̣̇д̇хо логз уббанно ход̇и. гассабасса, бхигкавз, бхаг̇авад̇о арахад̇о саммаасамб̣уд̣̇д̇хасса д̇иссабхаарад̣̇вааж̇ам̣ наама саавагаяуг̇ам̣ ахоси аг̇г̇ам̣ бхад̣̇д̣̇аяуг̇ам̣. бассат̇а, бхигкавз, саа жзвимасса баб̣б̣ад̇асса саман̃н̃аа анд̇арахид̇аа, д̇з жа мануссаа гаалан̇гад̇аа, со жа бхаг̇аваа бариниб̣б̣уд̇о. звам̣ анижжаа , бхигкавз, сан̇каараа; звам̣ ад̣̇д̇хуваа, бхигкавз, сан̇каараа…бз… алам̣ вимужжид̇ум̣.
‘‘Bhūtapubbaṃ, bhikkhave, imassa vepullassa pabbatassa ‘supasso’tveva 3 samaññā udapādi. Tena kho pana, bhikkhave, samayena manussānaṃ ‘suppiyā’tveva 4 samaññā udapādi. Suppiyānaṃ, bhikkhave, manussānaṃ vīsativassasahassāni āyuppamāṇaṃ ahosi. Suppiyā, bhikkhave, manussā supassaṃ pabbataṃ dvīhena ārohanti, dvīhena orohanti. Tena kho pana, bhikkhave, samayena kassapo bhagavā arahaṃ sammāsambuddho loke uppanno hoti. Kassapassa, bhikkhave, bhagavato arahato sammāsambuddhassa tissabhāradvājaṃ nāma sāvakayugaṃ ahosi aggaṃ bhaddayugaṃ. Passatha, bhikkhave, sā cevimassa pabbatassa samaññā antarahitā, te ca manussā kālaṅkatā, so ca bhagavā parinibbuto. Evaṃ aniccā , bhikkhave, saṅkhārā; evaṃ addhuvā, bhikkhave, saṅkhārā…pe… alaṃ vimuccituṃ.
‘‘зд̇арахи ко бана, бхигкавз, имасса взбулласса баб̣б̣ад̇асса ‘взбулло’д̇взва саман̃н̃аа уд̣̇абаад̣̇и. зд̇арахи ко бана, бхигкавз, имзсам̣ мануссаанам̣ ‘мааг̇ад̇хагаа’д̇взва саман̃н̃аа уд̣̇абаад̣̇и. мааг̇ад̇хагаанам̣, бхигкавз, мануссаанам̣ аббагам̣ ааяуббамаан̣ам̣ барид̇д̇ам̣ лахугам̣ 5; яо жирам̣ ж̇ийвад̇и со вассасад̇ам̣ аббам̣ ваа бхияяо. мааг̇ад̇хагаа, бхигкавз, мануссаа взбуллам̣ баб̣б̣ад̇ам̣ мухуд̇д̇зна аароханд̇и мухуд̇д̇зна ороханд̇и. зд̇арахи ко банаахам̣, бхигкавз, арахам̣ саммаасамб̣уд̣̇д̇хо логз уббанно. маяхам̣ ко бана, бхигкавз, саарибуд̇д̇амог̇г̇аллаанам̣ наама саавагаяуг̇ам̣ аг̇г̇ам̣ бхад̣̇д̣̇аяуг̇ам̣. бхависсад̇и, бхигкавз, со самаяо яаа аяан̃жзвимасса баб̣б̣ад̇асса саман̃н̃аа анд̇арад̇хааяиссад̇и, имз жа мануссаа гаалам̣ гариссанд̇и, ахан̃жа бариниб̣б̣ааяиссаами. звам̣ анижжаа, бхигкавз, сан̇каараа; звам̣ ад̣̇д̇хуваа, бхигкавз, сан̇каараа; звам̣ анассаасигаа, бхигкавз, сан̇каараа. яааван̃жид̣̇ам̣, бхигкавз, аламзва саб̣б̣асан̇каарзсу ниб̣б̣инд̣̇ид̇ум̣, алам̣ вираж̇ж̇ид̇ум̣, алам̣ вимужжид̇у’’нд̇и.
‘‘Etarahi kho pana, bhikkhave, imassa vepullassa pabbatassa ‘vepullo’tveva samaññā udapādi. Etarahi kho pana, bhikkhave, imesaṃ manussānaṃ ‘māgadhakā’tveva samaññā udapādi. Māgadhakānaṃ, bhikkhave, manussānaṃ appakaṃ āyuppamāṇaṃ parittaṃ lahukaṃ 6; yo ciraṃ jīvati so vassasataṃ appaṃ vā bhiyyo. Māgadhakā, bhikkhave, manussā vepullaṃ pabbataṃ muhuttena ārohanti muhuttena orohanti. Etarahi kho panāhaṃ, bhikkhave, arahaṃ sammāsambuddho loke uppanno. Mayhaṃ kho pana, bhikkhave, sāriputtamoggallānaṃ nāma sāvakayugaṃ aggaṃ bhaddayugaṃ. Bhavissati, bhikkhave, so samayo yā ayañcevimassa pabbatassa samaññā antaradhāyissati, ime ca manussā kālaṃ karissanti, ahañca parinibbāyissāmi. Evaṃ aniccā, bhikkhave, saṅkhārā; evaṃ addhuvā, bhikkhave, saṅkhārā; evaṃ anassāsikā, bhikkhave, saṅkhārā. Yāvañcidaṃ, bhikkhave, alameva sabbasaṅkhāresu nibbindituṃ, alaṃ virajjituṃ, alaṃ vimuccitu’’nti.
ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvāna sugato athāparaṃ etadavoca satthā –
‘‘баажийнавам̣со д̇ивараанам̣, рохид̇ассаана ван̇гаго;
‘‘Pācīnavaṃso tivarānaṃ, rohitassāna vaṅkako;
суббияаанам̣ субассод̇и, мааг̇ад̇хаанан̃жа взбулло.
Suppiyānaṃ supassoti, māgadhānañca vepullo.
‘‘анижжаа вад̇а сан̇каараа, уббаад̣̇аваяад̇хаммино;
‘‘Aniccā vata saṅkhārā, uppādavayadhammino;
уббаж̇ж̇ид̇ваа нируж̇жханд̇и, д̇зсам̣ вуубасамо суко’’д̇и. д̣̇асамам̣;
Uppajjitvā nirujjhanti, tesaṃ vūpasamo sukho’’ti. dasamaṃ;
д̣̇уд̇ияо ваг̇г̇о.
Dutiyo vaggo.
д̇ассуд̣̇д̣̇аанам̣ –
Tassuddānaṃ –
д̣̇уг̇г̇ад̇ам̣ сукид̇ан̃жзва, д̇им̣са маад̇аабид̇зна жа;
Duggataṃ sukhitañceva, tiṃsa mātāpitena ca;
бхаад̇аа бхаг̇иний буд̇д̇о жа, д̇хийд̇аа взбуллабаб̣б̣ад̇ам̣.
Bhātā bhaginī putto ca, dhītā vepullapabbataṃ.
анамад̇аг̇г̇асам̣яуд̇д̇ам̣ самад̇д̇ам̣.
Anamataggasaṃyuttaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. взбуллабаб̣б̣ад̇асуд̇д̇аван̣н̣анаа • 10. Vepullapabbatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. взбуллабаб̣б̣ад̇асуд̇д̇аван̣н̣анаа • 10. Vepullapabbatasuttavaṇṇanā
