| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
១០. វេបុល្លបព្ពតសុត្តវណ្ណនា
10. Vepullapabbatasuttavaṇṇanā
១៤៣. ឯកំ អបទានំ អាហរិត្វា ទស្សេតិ ‘‘ឯវំ សំវេគំ ជនេត្វា ភិក្ខូ វិសេសំ បាបេស្សាមី’’តិ។ ចតូហេន អារោហន្តិ ចតុយោជនុព្ពេធត្តា។ ទ្វិន្នំ ពុទ្ធានន្តិ កកុសន្ធស្ស កោណាគមនស្ស ចាតិ ឥមេសំ ទ្វិន្នំ ពុទ្ធានំ។ ‘‘តិវរា រោហិតស្សា សុប្បិយា’’តិ មនុស្សានំ តស្មិំ តស្មិំ កាលេ សមញ្ញា តត្ថ ទេសនាមវសេន ជាតាតិ វេទិតព្ពា, យថា ឯតរហិ មាគធាតិ។
143.Ekaṃ apadānaṃ āharitvā dasseti ‘‘evaṃ saṃvegaṃ janetvā bhikkhū visesaṃ pāpessāmī’’ti. Catūhena ārohanti catuyojanubbedhattā. Dvinnaṃ buddhānanti kakusandhassa koṇāgamanassa cāti imesaṃ dvinnaṃ buddhānaṃ. ‘‘Tivarā rohitassā suppiyā’’ti manussānaṃ tasmiṃ tasmiṃ kāle samaññā tattha desanāmavasena jātāti veditabbā, yathā etarahi māgadhāti.
បុន វស្សសតន្តិ បឋមវស្សសតតោ ឧបរិវស្សសតំ ជីវនកោ នាម មនុស្សោ នត្ថិ។ បរិហីនសទិសំ កតំ ទេសនាយ។ វឌ្ឍិត្វាតិ ទសវស្សាយុកភាវតោ បដ្ឋាយ យាវ អសង្ខ្យេយ្យាយុកភាវា វឌ្ឍិត្វា។ ‘‘បរិហីន’’ន្តិ វត្វា តំ បរិហីនភាវំ ទស្សេន្តោ ‘‘កថ’’ន្តិអាទិមាហ។ យំ អាយុប្បមាណេសូតិ យត្តកំ អាយុប្បមាណេសូតិ។
Puna vassasatanti paṭhamavassasatato uparivassasataṃ jīvanako nāma manusso natthi. Parihīnasadisaṃ kataṃ desanāya. Vaḍḍhitvāti dasavassāyukabhāvato paṭṭhāya yāva asaṅkhyeyyāyukabhāvā vaḍḍhitvā. ‘‘Parihīna’’nti vatvā taṃ parihīnabhāvaṃ dassento ‘‘katha’’ntiādimāha. Yaṃ āyuppamāṇesūti yattakaṃ āyuppamāṇesūti.
វេបុល្លបព្ពតសុត្តវណ្ណនា និដ្ឋិតា។
Vepullapabbatasuttavaṇṇanā niṭṭhitā.
ទុតិយវគ្គវណ្ណនា និដ្ឋិតា។
Dutiyavaggavaṇṇanā niṭṭhitā.
សារត្ថប្បកាសិនិយា សំយុត្តនិកាយ-អដ្ឋកថាយ
Sāratthappakāsiniyā saṃyuttanikāya-aṭṭhakathāya
អនមតគ្គសំយុត្តវណ្ណនាយ លីនត្ថប្បកាសនា សមត្តា។
Anamataggasaṃyuttavaṇṇanāya līnatthappakāsanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១០. វេបុល្លបព្ពតសុត្តំ • 10. Vepullapabbatasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១០. វេបុល្លបព្ពតសុត្តវណ្ណនា • 10. Vepullapabbatasuttavaṇṇanā
