| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. વੇਪੁਲ੍ਲਪਬ੍ਬਤਸੁਤ੍ਤવਣ੍ਣਨਾ
10. Vepullapabbatasuttavaṇṇanā
੧੪੩. ਦਸਮੇ ਭੂਤਪੁਬ੍ਬਨ੍ਤਿ ਅਤੀਤਕਾਲੇ ਏਕਂ ਅਪਦਾਨਂ ਆਹਰਿਤ੍વਾ ਦਸ੍ਸੇਤਿ। ਸਮਞ੍ਞਾ ਉਦਪਾਦੀਤਿ ਪਞ੍ਞਤ੍ਤਿ ਅਹੋਸਿ। ਚਤੂਹੇਨ ਆਰੋਹਨ੍ਤੀਤਿ ਇਦਂ ਥਾਮਮਜ੍ਝਿਮੇ ਸਨ੍ਧਾਯ વੁਤ੍ਤਂ। ਅਗ੍ਗਨ੍ਤਿ ਉਤ੍ਤਮਂ। ਭਦ੍ਦਯੁਗਨ੍ਤਿ ਸੁਨ੍ਦਰਯੁਗਲਂ। ਤੀਹੇਨ ਆਰੋਹਨ੍ਤੀਤਿ ਏਤ੍ਤਾવਤਾ ਕਿਰ ਦ੍વਿਨ੍ਨਂ ਬੁਦ੍ਧਾਨਂ ਅਨ੍ਤਰੇ ਯੋਜਨਂ ਪਥવੀ ਉਸ੍ਸਨ੍ਨਾ, ਸੋ ਪਬ੍ਬਤੋ ਤਿਯੋਜਨੁਬ੍ਬੇਧੋ ਜਾਤੋ।
143. Dasame bhūtapubbanti atītakāle ekaṃ apadānaṃ āharitvā dasseti. Samaññā udapādīti paññatti ahosi. Catūhena ārohantīti idaṃ thāmamajjhime sandhāya vuttaṃ. Agganti uttamaṃ. Bhaddayuganti sundarayugalaṃ. Tīhena ārohantīti ettāvatā kira dvinnaṃ buddhānaṃ antare yojanaṃ pathavī ussannā, so pabbato tiyojanubbedho jāto.
ਅਪ੍ਪਂ વਾ ਭਿਯ੍ਯੋਤਿ વਸ੍ਸਸਤਤੋ ਉਤ੍ਤਰਿਂ ਅਪ੍ਪਂ ਦਸ વਾ વੀਸਂ વਾ વਸ੍ਸਾਨਿ। ਪੁਨ વਸ੍ਸਸਤਮੇવ ਜੀવਨਕੋ ਨਾਮ ਨਤ੍ਥਿ, ਉਤ੍ਤਮਕੋਟਿਯਾ ਪਨ ਸਟ੍ਠਿ વਾ ਅਸੀਤਿ વਾ વਸ੍ਸਾਨਿ ਜੀવਨ੍ਤਿ। વਸ੍ਸਸਤਂ ਪਨ ਅਪ੍ਪਤ੍વਾ ਪਞ੍ਚવਸ੍ਸਦਸવਸ੍ਸਾਦਿਕਾਲੇ ਮੀਯਮਾਨਾવ ਬਹੁਕਾ। ਏਤ੍ਥ ਚ ਕਕੁਸਨ੍ਧੋ ਭਗવਾ ਚਤ੍ਤਾਲੀਸવਸ੍ਸਸਹਸ੍ਸਾਯੁਕਕਾਲੇ, ਕੋਣਾਗਮਨੋ ਤਿਂਸવਸ੍ਸਸਹਸ੍ਸਾਯੁਕਕਾਲੇ ਨਿਬ੍ਬਤ੍ਤੋਤਿ ਇਦਂ ਅਨੁਪੁਬ੍ਬੇਨ ਪਰਿਹੀਨਸਦਿਸਂ ਕਤਂ, ਨ ਪਨ ਏવਂ ਪਰਿਹੀਨਂ, વਡ੍ਢਿਤ੍વਾ વਡ੍ਢਿਤ੍વਾ ਪਰਿਹੀਨਨ੍ਤਿ વੇਦਿਤਬ੍ਬਂ। ਕਥਂ? ਕਕੁਸਨ੍ਧੋ ਤਾવ ਭਗવਾ ਇਮਸ੍ਮਿਂਯੇવ ਕਪ੍ਪੇ ਚਤ੍ਤਾਲੀਸવਸ੍ਸਸਹਸ੍ਸਾਯੁਕਕਾਲੇ ਨਿਬ੍ਬਤ੍ਤੋ ਆਯੁਪ੍ਪਮਾਣਂ ਪਞ੍ਚ ਕੋਟ੍ਠਾਸੇ ਕਤ੍વਾ ਚਤ੍ਤਾਰੋ ਠਤ੍વਾ ਪਞ੍ਚਮੇ વਿਜ੍ਜਮਾਨੇਯੇવ ਪਰਿਨਿਬ੍ਬੁਤੋ। ਤਂ ਆਯੁ ਪਰਿਹਾਯਮਾਨਂ ਦਸવਸ੍ਸਕਾਲਂ ਪਤ੍વਾ ਪੁਨ વਡ੍ਢਮਾਨਂ ਅਸਙ੍ਖੇਯ੍ਯਂ ਹੁਤ੍વਾ ਤਤੋ ਪਰਿਹਾਯਮਾਨਂ ਤਿਂਸવਸ੍ਸਸਹਸ੍ਸਾਯੁਕਕਾਲੇ ਠਿਤਂ, ਤਦਾ ਕੋਣਾਗਮਨੋ ਨਿਬ੍ਬਤ੍ਤੋ। ਤਸ੍ਮਿਮ੍ਪਿ ਤਥੇવ ਪਰਿਨਿਬ੍ਬੁਤੇ ਤਂ ਆਯੁ ਦਸવਸ੍ਸਕਾਲਂ ਪਤ੍વਾ ਪੁਨ વਡ੍ਢਮਾਨਂ ਅਸਙ੍ਖੇਯ੍ਯਂ ਹੁਤ੍વਾ ਪਰਿਹਾਯਿਤ੍વਾ વੀਸવਸ੍ਸਸਹਸ੍ਸਕਾਲੇ ਠਿਤਂ, ਤਦਾ ਕਸ੍ਸਪੋ ਭਗવਾ ਨਿਬ੍ਬਤ੍ਤੋ। ਤਸ੍ਮਿਮ੍ਪਿ ਤਥੇવ ਪਰਿਨਿਬ੍ਬੁਤੇ ਤਂ ਆਯੁ ਦਸવਸ੍ਸਕਾਲਂ ਪਤ੍વਾ ਪੁਨ વਡ੍ਢਮਾਨਂ ਅਸਙ੍ਖੇਯ੍ਯਂ ਹੁਤ੍વਾ ਪਰਿਹਾਯਿਤ੍વਾ વਸ੍ਸਸਤਕਾਲਂ ਪਤ੍ਤਂ, ਅਥ ਅਮ੍ਹਾਕਂ ਸਮ੍ਮਾਸਮ੍ਬੁਦ੍ਧੋ ਨਿਬ੍ਬਤ੍ਤੋ। ਏવਂ ਅਨੁਪੁਬ੍ਬੇਨ ਪਰਿਹਾਯਿਤ੍વਾ વਡ੍ਢਿਤ੍વਾ વਡ੍ਢਿਤ੍વਾ ਪਰਿਹੀਨਨ੍ਤਿ વੇਦਿਤਬ੍ਬਂ। ਤਤ੍ਥ ਚ ਯਂ ਆਯੁਪਰਿਮਾਣੇਸੁ ਮਨ੍ਦੇਸੁ ਬੁਦ੍ਧਾ ਨਿਬ੍ਬਤ੍ਤਨ੍ਤਿ, ਤੇਸਮ੍ਪਿ ਤਦੇવ ਆਯੁਪਰਿਮਾਣਂ ਹੋਤੀਤਿ। ਦਸਮਂ।
Appaṃ vā bhiyyoti vassasatato uttariṃ appaṃ dasa vā vīsaṃ vā vassāni. Puna vassasatameva jīvanako nāma natthi, uttamakoṭiyā pana saṭṭhi vā asīti vā vassāni jīvanti. Vassasataṃ pana appatvā pañcavassadasavassādikāle mīyamānāva bahukā. Ettha ca kakusandho bhagavā cattālīsavassasahassāyukakāle, koṇāgamano tiṃsavassasahassāyukakāle nibbattoti idaṃ anupubbena parihīnasadisaṃ kataṃ, na pana evaṃ parihīnaṃ, vaḍḍhitvā vaḍḍhitvā parihīnanti veditabbaṃ. Kathaṃ? Kakusandho tāva bhagavā imasmiṃyeva kappe cattālīsavassasahassāyukakāle nibbatto āyuppamāṇaṃ pañca koṭṭhāse katvā cattāro ṭhatvā pañcame vijjamāneyeva parinibbuto. Taṃ āyu parihāyamānaṃ dasavassakālaṃ patvā puna vaḍḍhamānaṃ asaṅkheyyaṃ hutvā tato parihāyamānaṃ tiṃsavassasahassāyukakāle ṭhitaṃ, tadā koṇāgamano nibbatto. Tasmimpi tatheva parinibbute taṃ āyu dasavassakālaṃ patvā puna vaḍḍhamānaṃ asaṅkheyyaṃ hutvā parihāyitvā vīsavassasahassakāle ṭhitaṃ, tadā kassapo bhagavā nibbatto. Tasmimpi tatheva parinibbute taṃ āyu dasavassakālaṃ patvā puna vaḍḍhamānaṃ asaṅkheyyaṃ hutvā parihāyitvā vassasatakālaṃ pattaṃ, atha amhākaṃ sammāsambuddho nibbatto. Evaṃ anupubbena parihāyitvā vaḍḍhitvā vaḍḍhitvā parihīnanti veditabbaṃ. Tattha ca yaṃ āyuparimāṇesu mandesu buddhā nibbattanti, tesampi tadeva āyuparimāṇaṃ hotīti. Dasamaṃ.
ਦੁਤਿਯੋ વਗ੍ਗੋ।
Dutiyo vaggo.
ਅਨਮਤਗ੍ਗਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Anamataggasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. વੇਪੁਲ੍ਲਪਬ੍ਬਤਸੁਤ੍ਤਂ • 10. Vepullapabbatasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. વੇਪੁਲ੍ਲਪਬ੍ਬਤਸੁਤ੍ਤવਣ੍ਣਨਾ • 10. Vepullapabbatasuttavaṇṇanā
