| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൧൦. വേപുല്ലപബ്ബതസുത്തവണ്ണനാ
10. Vepullapabbatasuttavaṇṇanā
൧൪൩. ഏകം അപദാനം ആഹരിത്വാ ദസ്സേതി ‘‘ഏവം സംവേഗം ജനേത്വാ ഭിക്ഖൂ വിസേസം പാപേസ്സാമീ’’തി. ചതൂഹേന ആരോഹന്തി ചതുയോജനുബ്ബേധത്താ. ദ്വിന്നം ബുദ്ധാനന്തി കകുസന്ധസ്സ കോണാഗമനസ്സ ചാതി ഇമേസം ദ്വിന്നം ബുദ്ധാനം. ‘‘തിവരാ രോഹിതസ്സാ സുപ്പിയാ’’തി മനുസ്സാനം തസ്മിം തസ്മിം കാലേ സമഞ്ഞാ തത്ഥ ദേസനാമവസേന ജാതാതി വേദിതബ്ബാ, യഥാ ഏതരഹി മാഗധാതി.
143.Ekaṃ apadānaṃ āharitvā dasseti ‘‘evaṃ saṃvegaṃ janetvā bhikkhū visesaṃ pāpessāmī’’ti. Catūhena ārohanti catuyojanubbedhattā. Dvinnaṃ buddhānanti kakusandhassa koṇāgamanassa cāti imesaṃ dvinnaṃ buddhānaṃ. ‘‘Tivarā rohitassā suppiyā’’ti manussānaṃ tasmiṃ tasmiṃ kāle samaññā tattha desanāmavasena jātāti veditabbā, yathā etarahi māgadhāti.
പുന വസ്സസതന്തി പഠമവസ്സസതതോ ഉപരിവസ്സസതം ജീവനകോ നാമ മനുസ്സോ നത്ഥി. പരിഹീനസദിസം കതം ദേസനായ. വഡ്ഢിത്വാതി ദസവസ്സായുകഭാവതോ പട്ഠായ യാവ അസങ്ഖ്യേയ്യായുകഭാവാ വഡ്ഢിത്വാ. ‘‘പരിഹീന’’ന്തി വത്വാ തം പരിഹീനഭാവം ദസ്സേന്തോ ‘‘കഥ’’ന്തിആദിമാഹ. യം ആയുപ്പമാണേസൂതി യത്തകം ആയുപ്പമാണേസൂതി.
Puna vassasatanti paṭhamavassasatato uparivassasataṃ jīvanako nāma manusso natthi. Parihīnasadisaṃ kataṃ desanāya. Vaḍḍhitvāti dasavassāyukabhāvato paṭṭhāya yāva asaṅkhyeyyāyukabhāvā vaḍḍhitvā. ‘‘Parihīna’’nti vatvā taṃ parihīnabhāvaṃ dassento ‘‘katha’’ntiādimāha. Yaṃ āyuppamāṇesūti yattakaṃ āyuppamāṇesūti.
വേപുല്ലപബ്ബതസുത്തവണ്ണനാ നിട്ഠിതാ.
Vepullapabbatasuttavaṇṇanā niṭṭhitā.
ദുതിയവഗ്ഗവണ്ണനാ നിട്ഠിതാ.
Dutiyavaggavaṇṇanā niṭṭhitā.
സാരത്ഥപ്പകാസിനിയാ സംയുത്തനികായ-അട്ഠകഥായ
Sāratthappakāsiniyā saṃyuttanikāya-aṭṭhakathāya
അനമതഗ്ഗസംയുത്തവണ്ണനായ ലീനത്ഥപ്പകാസനാ സമത്താ.
Anamataggasaṃyuttavaṇṇanāya līnatthappakāsanā samattā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. വേപുല്ലപബ്ബതസുത്തം • 10. Vepullapabbatasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൦. വേപുല്ലപബ്ബതസുത്തവണ്ണനാ • 10. Vepullapabbatasuttavaṇṇanā
