| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. взрахажжаанисуд̇д̇ам̣
10. Verahaccānisuttaṃ
133. згам̣ самаяам̣ ааяасмаа уд̣̇ааяий гааман̣д̣ааяам̣ вихарад̇и д̇од̣̇зяяасса б̣раахман̣асса амб̣аванз. ат̇а ко взрахажжааниг̇од̇д̇ааяа б̣раахман̣ияаа анд̇зваасий маан̣аваго язнааяасмаа уд̣̇ааяий д̇знубасан̇гами; убасан̇гамид̇ваа ааяасмад̇аа уд̣̇ааяинаа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко д̇ам̣ маан̣авагам̣ ааяасмаа уд̣̇ааяий д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко со маан̣аваго ааяасмад̇аа уд̣̇ааяинаа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа язна взрахажжааниг̇од̇д̇аа б̣раахман̣ий д̇знубасан̇гами; убасан̇гамид̇ваа взрахажжааниг̇од̇д̇ам̣ б̣раахман̣им̣ зд̇ад̣̇авожа – ‘‘яаг̇гхз, бход̇и, ж̇аанзяяааси 1! саман̣о уд̣̇ааяий д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ , саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇ий’’д̇и.
133. Ekaṃ samayaṃ āyasmā udāyī kāmaṇḍāyaṃ viharati todeyyassa brāhmaṇassa ambavane. Atha kho verahaccānigottāya brāhmaṇiyā antevāsī māṇavako yenāyasmā udāyī tenupasaṅkami; upasaṅkamitvā āyasmatā udāyinā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho taṃ māṇavakaṃ āyasmā udāyī dhammiyā kathāya sandassesi samādapesi samuttejesi sampahaṃsesi. Atha kho so māṇavako āyasmatā udāyinā dhammiyā kathāya sandassito samādapito samuttejito sampahaṃsito uṭṭhāyāsanā yena verahaccānigottā brāhmaṇī tenupasaṅkami; upasaṅkamitvā verahaccānigottaṃ brāhmaṇiṃ etadavoca – ‘‘yagghe, bhoti, jāneyyāsi 2! Samaṇo udāyī dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ , sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsetī’’ti.
‘‘д̇зна хи д̇вам̣, маан̣авага, мама важанзна саман̣ам̣ уд̣̇ааяим̣ ниманд̇зхи сваад̇анааяа бхад̇д̇знаа’’д̇и . ‘‘звам̣ бход̇ий’’д̇и ко со маан̣аваго взрахажжааниг̇од̇д̇ааяа б̣раахман̣ияаа бадиссуд̇ваа язнааяасмаа уд̣̇ааяий д̇знубасан̇гами; убасан̇гамид̇ваа ааяасманд̇ам̣ уд̣̇ааяим̣ зд̇ад̣̇авожа – ‘‘ад̇хиваасзд̇у гира, бхавам̣, уд̣̇ааяи, амхаагам̣ аажарияабхарияааяа взрахажжааниг̇од̇д̇ааяа б̣раахман̣ияаа сваад̇анааяа бхад̇д̇а’’нд̇и. ад̇хиваасзси ко ааяасмаа уд̣̇ааяий д̇ун̣хийбхаавзна. ат̇а ко ааяасмаа уд̣̇ааяий д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна взрахажжааниг̇од̇д̇ааяа б̣раахман̣ияаа нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко взрахажжааниг̇од̇д̇аа б̣раахман̣ий ааяасманд̇ам̣ уд̣̇ааяим̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко взрахажжааниг̇од̇д̇аа б̣раахман̣ий ааяасманд̇ам̣ уд̣̇ааяим̣ бхуд̇д̇аавим̣ онийд̇абад̇д̇абаан̣им̣ баад̣̇угаа аарохид̇ваа ужжз аасанз нисийд̣̇ид̇ваа сийсам̣ ог̇ун̣тид̇ваа ааяасманд̇ам̣ уд̣̇ааяим̣ зд̇ад̣̇авожа – ‘‘бхан̣а, саман̣а, д̇хамма’’нд̇и. ‘‘бхависсад̇и, бхаг̇ини, самаяо’’д̇и вад̇ваа удтааяаасанаа баггами 3.
‘‘Tena hi tvaṃ, māṇavaka, mama vacanena samaṇaṃ udāyiṃ nimantehi svātanāya bhattenā’’ti . ‘‘Evaṃ bhotī’’ti kho so māṇavako verahaccānigottāya brāhmaṇiyā paṭissutvā yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘adhivāsetu kira, bhavaṃ, udāyi, amhākaṃ ācariyabhariyāya verahaccānigottāya brāhmaṇiyā svātanāya bhatta’’nti. Adhivāsesi kho āyasmā udāyī tuṇhībhāvena. Atha kho āyasmā udāyī tassā rattiyā accayena pubbaṇhasamayaṃ nivāsetvā pattacīvaramādāya yena verahaccānigottāya brāhmaṇiyā nivesanaṃ tenupasaṅkami; upasaṅkamitvā paññatte āsane nisīdi. Atha kho verahaccānigottā brāhmaṇī āyasmantaṃ udāyiṃ paṇītena khādanīyena bhojanīyena sahatthā santappesi sampavāresi. Atha kho verahaccānigottā brāhmaṇī āyasmantaṃ udāyiṃ bhuttāviṃ onītapattapāṇiṃ pādukā ārohitvā ucce āsane nisīditvā sīsaṃ oguṇṭhitvā āyasmantaṃ udāyiṃ etadavoca – ‘‘bhaṇa, samaṇa, dhamma’’nti. ‘‘Bhavissati, bhagini, samayo’’ti vatvā uṭṭhāyāsanā pakkami 4.
д̣̇уд̇ияамби ко со маан̣аваго язнааяасмаа уд̣̇ааяий д̇знубасан̇гами; убасан̇гамид̇ваа ааяасмад̇аа уд̣̇ааяинаа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко д̇ам̣ маан̣авагам̣ ааяасмаа уд̣̇ааяий д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. д̣̇уд̇ияамби ко со маан̣аваго ааяасмад̇аа уд̣̇ааяинаа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа язна взрахажжааниг̇од̇д̇аа б̣раахман̣ий д̇знубасан̇гами; убасан̇гамид̇ваа взрахажжааниг̇од̇д̇ам̣ б̣раахман̣им̣ зд̇ад̣̇авожа – ‘‘яаг̇гхз, бход̇и, ж̇аанзяяааси! саман̣о уд̣̇ааяий д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ , саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇ий’’д̇и.
Dutiyampi kho so māṇavako yenāyasmā udāyī tenupasaṅkami; upasaṅkamitvā āyasmatā udāyinā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho taṃ māṇavakaṃ āyasmā udāyī dhammiyā kathāya sandassesi samādapesi samuttejesi sampahaṃsesi. Dutiyampi kho so māṇavako āyasmatā udāyinā dhammiyā kathāya sandassito samādapito samuttejito sampahaṃsito uṭṭhāyāsanā yena verahaccānigottā brāhmaṇī tenupasaṅkami; upasaṅkamitvā verahaccānigottaṃ brāhmaṇiṃ etadavoca – ‘‘yagghe, bhoti, jāneyyāsi! Samaṇo udāyī dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ , sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsetī’’ti.
‘‘звамзвам̣ бана д̇вам̣, маан̣авага, саман̣асса уд̣̇ааяисса ван̣н̣ам̣ бхаасаси. саман̣о бануд̣̇ааяий ‘бхан̣а, саман̣а, д̇хамма’нд̇и вуд̇д̇о самаано ‘бхависсад̇и, бхаг̇ини, самаяо’д̇и вад̇ваа удтааяаасанаа багганд̇о’’д̇и. ‘‘д̇ат̇аа хи бана д̇вам̣, бход̇и, баад̣̇угаа аарохид̇ваа ужжз аасанз нисийд̣̇ид̇ваа сийсам̣ ог̇ун̣тид̇ваа зд̇ад̣̇авожа – ‘бхан̣а, саман̣а, д̇хамма’нд̇и. д̇хаммаг̇аруно хи д̇з бхаванд̇о д̇хаммаг̇аараваа’’д̇и. ‘‘д̇зна хи д̇вам̣, маан̣авага, мама важанзна саман̣ам̣ уд̣̇ааяим̣ ниманд̇зхи сваад̇анааяа бхад̇д̇знаа’’д̇и. ‘‘звам̣, бход̇ий’’д̇и ко со маан̣аваго взрахажжааниг̇од̇д̇ааяа б̣раахман̣ияаа бадиссуд̇ваа язнааяасмаа уд̣̇ааяий д̇знубасан̇гами; убасан̇гамид̇ваа ааяасманд̇ам̣ уд̣̇ааяим̣ зд̇ад̣̇авожа – ‘‘ад̇хиваасзд̇у гира бхавам̣ уд̣̇ааяий амхаагам̣ аажарияабхарияааяа взрахажжааниг̇од̇д̇ааяа б̣раахман̣ияаа сваад̇анааяа бхад̇д̇а’’нд̇и. ад̇хиваасзси ко ааяасмаа уд̣̇ааяий д̇ун̣хийбхаавзна.
‘‘Evamevaṃ pana tvaṃ, māṇavaka, samaṇassa udāyissa vaṇṇaṃ bhāsasi. Samaṇo panudāyī ‘bhaṇa, samaṇa, dhamma’nti vutto samāno ‘bhavissati, bhagini, samayo’ti vatvā uṭṭhāyāsanā pakkanto’’ti. ‘‘Tathā hi pana tvaṃ, bhoti, pādukā ārohitvā ucce āsane nisīditvā sīsaṃ oguṇṭhitvā etadavoca – ‘bhaṇa, samaṇa, dhamma’nti. Dhammagaruno hi te bhavanto dhammagāravā’’ti. ‘‘Tena hi tvaṃ, māṇavaka, mama vacanena samaṇaṃ udāyiṃ nimantehi svātanāya bhattenā’’ti. ‘‘Evaṃ, bhotī’’ti kho so māṇavako verahaccānigottāya brāhmaṇiyā paṭissutvā yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘adhivāsetu kira bhavaṃ udāyī amhākaṃ ācariyabhariyāya verahaccānigottāya brāhmaṇiyā svātanāya bhatta’’nti. Adhivāsesi kho āyasmā udāyī tuṇhībhāvena.
ат̇а ко ааяасмаа уд̣̇ааяий д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна взрахажжааниг̇од̇д̇ааяа б̣раахман̣ияаа нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко взрахажжааниг̇од̇д̇аа б̣раахман̣ий ааяасманд̇ам̣ уд̣̇ааяим̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко взрахажжааниг̇од̇д̇аа б̣раахман̣ий ааяасманд̇ам̣ уд̣̇ааяим̣ бхуд̇д̇аавим̣ онийд̇абад̇д̇абаан̣им̣ баад̣̇угаа орохид̇ваа нийжз аасанз нисийд̣̇ид̇ваа сийсам̣ виварид̇ваа ааяасманд̇ам̣ уд̣̇ааяим̣ зд̇ад̣̇авожа – ‘‘гисмим̣ ну ко, бханд̇з, сад̇и араханд̇о сукад̣̇угкам̣ бан̃н̃абзнд̇и, гисмим̣ асад̇и араханд̇о сукад̣̇угкам̣ на бан̃н̃абзнд̇ий’’д̇и?
Atha kho āyasmā udāyī tassā rattiyā accayena pubbaṇhasamayaṃ nivāsetvā pattacīvaramādāya yena verahaccānigottāya brāhmaṇiyā nivesanaṃ tenupasaṅkami; upasaṅkamitvā paññatte āsane nisīdi. Atha kho verahaccānigottā brāhmaṇī āyasmantaṃ udāyiṃ paṇītena khādanīyena bhojanīyena sahatthā santappesi sampavāresi. Atha kho verahaccānigottā brāhmaṇī āyasmantaṃ udāyiṃ bhuttāviṃ onītapattapāṇiṃ pādukā orohitvā nīce āsane nisīditvā sīsaṃ vivaritvā āyasmantaṃ udāyiṃ etadavoca – ‘‘kismiṃ nu kho, bhante, sati arahanto sukhadukkhaṃ paññapenti, kismiṃ asati arahanto sukhadukkhaṃ na paññapentī’’ti?
‘‘жагкусмим̣ ко, бхаг̇ини, сад̇и араханд̇о сукад̣̇угкам̣ бан̃н̃абзнд̇и, жагкусмим̣ асад̇и араханд̇о сукад̣̇угкам̣ на бан̃н̃абзнд̇и…бз… ж̇ивхааяа сад̇и араханд̇о сукад̣̇угкам̣ бан̃н̃абзнд̇и, ж̇ивхааяа асад̇и араханд̇о сукад̣̇угкам̣ на бан̃н̃абзнд̇и…бз…. манасмим̣ сад̇и араханд̇о сукад̣̇угкам̣ бан̃н̃абзнд̇и, манасмим̣ асад̇и араханд̇о сукад̣̇угкам̣ на бан̃н̃абзнд̇ий’’д̇и.
‘‘Cakkhusmiṃ kho, bhagini, sati arahanto sukhadukkhaṃ paññapenti, cakkhusmiṃ asati arahanto sukhadukkhaṃ na paññapenti…pe… jivhāya sati arahanto sukhadukkhaṃ paññapenti, jivhāya asati arahanto sukhadukkhaṃ na paññapenti…pe…. Manasmiṃ sati arahanto sukhadukkhaṃ paññapenti, manasmiṃ asati arahanto sukhadukkhaṃ na paññapentī’’ti.
звам̣ вуд̇д̇з, взрахажжааниг̇од̇д̇аа б̣раахман̣ий ааяасманд̇ам̣ уд̣̇ааяим̣ зд̇ад̣̇авожа – ‘‘абхигганд̇ам̣, бханд̇з; абхигганд̇ам̣, бханд̇з! сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа , бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа, жагкуманд̇о руубаани д̣̇агканд̇ийд̇и; звамзвам̣ аяязна уд̣̇ааяинаа анзгабарияааязна д̇хаммо багаасид̇о. зсаахам̣, аяяа уд̣̇ааяи, д̇ам̣ бхаг̇аванд̇ам̣ саран̣ам̣ г̇ажчаами, д̇хамман̃жа, бхигкусан̇гхан̃жа. убаасигам̣ мам̣ аяяо уд̣̇ааяий д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. д̣̇асамам̣.
Evaṃ vutte, verahaccānigottā brāhmaṇī āyasmantaṃ udāyiṃ etadavoca – ‘‘abhikkantaṃ, bhante; abhikkantaṃ, bhante! Seyyathāpi, bhante, nikkujjitaṃ vā ukkujjeyya , paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, cakkhumanto rūpāni dakkhantīti; evamevaṃ ayyena udāyinā anekapariyāyena dhammo pakāsito. Esāhaṃ, ayya udāyi, taṃ bhagavantaṃ saraṇaṃ gacchāmi, dhammañca, bhikkhusaṅghañca. Upāsikaṃ maṃ ayyo udāyī dhāretu ajjatagge pāṇupetaṃ saraṇaṃ gata’’nti. Dasamaṃ.
г̇ахабад̇иваг̇г̇о д̇зрасамо.
Gahapativaggo terasamo.
д̇ассуд̣̇д̣̇аанам̣ –
Tassuddānaṃ –
взсаалий важ̇ж̇и наал̣анд̣̇аа, бхаарад̣̇вааж̇а сон̣о жа гхосид̇о;
Vesālī vajji nāḷandā, bhāradvāja soṇo ca ghosito;
хаалид̣̇д̣̇иго нагулабид̇аа, лохижжо взрахажжаанийд̇и.
Hāliddiko nakulapitā, lohicco verahaccānīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. взрахажжаанисуд̇д̇аван̣н̣анаа • 10. Verahaccānisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. взрахажжаанисуд̇д̇аван̣н̣анаа • 10. Verahaccānisuttavaṇṇanā
