| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. взрамбхасуд̇д̇ам̣
9. Verambhasuttaṃ
165. саавад̇т̇ияам̣ вихарад̇и…бз… ‘‘д̣̇аарун̣о, бхигкавз, лаабхасаггаарасилого…бз… ад̇хиг̇амааяа. убари, бхигкавз, аагаасз взрамбхаа 1 наама ваад̇аа вааяанд̇и. д̇ад̇т̇а яо багкий г̇ажчад̇и д̇амзнам̣ взрамбхаа ваад̇аа кибанд̇и. д̇асса взрамбхаваад̇агкид̇д̇асса ан̃н̃знзва баад̣̇аа г̇ажчанд̇и, ан̃н̃зна багкаа г̇ажчанд̇и, ан̃н̃зна сийсам̣ г̇ажчад̇и, ан̃н̃зна гааяо г̇ажчад̇и. звамзва ко, бхигкавз, ид̇хзгажжо бхигку лаабхасаггаарасилогзна абхибхууд̇о барияаад̣̇ин̣н̣ажид̇д̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа г̇аамам̣ ваа ниг̇амам̣ ваа бин̣д̣ааяа бависад̇и арагкид̇знзва гааязна арагкид̇ааяа ваажааяа арагкид̇зна жид̇д̇зна, анубадтид̇ааяа сад̇ияаа, асам̣вуд̇зхи инд̣̇риязхи. со д̇ад̇т̇а бассад̇и маад̇уг̇аамам̣ д̣̇уннивад̇т̇ам̣ ваа д̣̇уббааруд̇ам̣ ваа. д̇асса маад̇уг̇аамам̣ д̣̇исваа д̣̇уннивад̇т̇ам̣ ваа д̣̇уббааруд̇ам̣ ваа рааг̇о жид̇д̇ам̣ ануд̣̇д̇хам̣сзд̇и. со рааг̇аануд̣̇д̇хам̣сид̇зна жид̇д̇зна сигкам̣ бажжагкааяа хийнааяаавад̇д̇ад̇и. д̇асса ан̃н̃з жийварам̣ харанд̇и, ан̃н̃з бад̇д̇ам̣ харанд̇и, ан̃н̃з нисийд̣̇анам̣ харанд̇и, ан̃н̃з суужигхарам̣ харанд̇и, взрамбхаваад̇агкид̇д̇ассзва сагун̣асса. звам̣ д̣̇аарун̣о ко, бхигкавз, лаабхасаггаарасилого…бз… зван̃хи во, бхигкавз, сигкид̇аб̣б̣а’’нд̇и. навамам̣.
165. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Upari, bhikkhave, ākāse verambhā 2 nāma vātā vāyanti. Tattha yo pakkhī gacchati tamenaṃ verambhā vātā khipanti. Tassa verambhavātakkhittassa aññeneva pādā gacchanti, aññena pakkhā gacchanti, aññena sīsaṃ gacchati, aññena kāyo gacchati. Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati arakkhiteneva kāyena arakkhitāya vācāya arakkhitena cittena, anupaṭṭhitāya satiyā, asaṃvutehi indriyehi. So tattha passati mātugāmaṃ dunnivatthaṃ vā duppārutaṃ vā. Tassa mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti. So rāgānuddhaṃsitena cittena sikkhaṃ paccakkhāya hīnāyāvattati. Tassa aññe cīvaraṃ haranti, aññe pattaṃ haranti, aññe nisīdanaṃ haranti, aññe sūcigharaṃ haranti, verambhavātakkhittasseva sakuṇassa. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. взрамбхасуд̇д̇аван̣н̣анаа • 9. Verambhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. взрамбхасуд̇д̇аван̣н̣анаа • 9. Verambhasuttavaṇṇanā
