| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੯. વੇਰਮ੍ਭਸੁਤ੍ਤਂ
9. Verambhasuttaṃ
੧੬੫. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਦਾਰੁਣੋ, ਭਿਕ੍ਖવੇ, ਲਾਭਸਕ੍ਕਾਰਸਿਲੋਕੋ…ਪੇ॰… ਅਧਿਗਮਾਯ। ਉਪਰਿ, ਭਿਕ੍ਖવੇ, ਆਕਾਸੇ વੇਰਮ੍ਭਾ 1 ਨਾਮ વਾਤਾ વਾਯਨ੍ਤਿ। ਤਤ੍ਥ ਯੋ ਪਕ੍ਖੀ ਗਚ੍ਛਤਿ ਤਮੇਨਂ વੇਰਮ੍ਭਾ વਾਤਾ ਖਿਪਨ੍ਤਿ। ਤਸ੍ਸ વੇਰਮ੍ਭવਾਤਕ੍ਖਿਤ੍ਤਸ੍ਸ ਅਞ੍ਞੇਨੇવ ਪਾਦਾ ਗਚ੍ਛਨ੍ਤਿ, ਅਞ੍ਞੇਨ ਪਕ੍ਖਾ ਗਚ੍ਛਨ੍ਤਿ, ਅਞ੍ਞੇਨ ਸੀਸਂ ਗਚ੍ਛਤਿ, ਅਞ੍ਞੇਨ ਕਾਯੋ ਗਚ੍ਛਤਿ। ਏવਮੇવ ਖੋ, ਭਿਕ੍ਖવੇ, ਇਧੇਕਚ੍ਚੋ ਭਿਕ੍ਖੁ ਲਾਭਸਕ੍ਕਾਰਸਿਲੋਕੇਨ ਅਭਿਭੂਤੋ ਪਰਿਯਾਦਿਣ੍ਣਚਿਤ੍ਤੋ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਗਾਮਂ વਾ ਨਿਗਮਂ વਾ ਪਿਣ੍ਡਾਯ ਪવਿਸਤਿ ਅਰਕ੍ਖਿਤੇਨੇવ ਕਾਯੇਨ ਅਰਕ੍ਖਿਤਾਯ વਾਚਾਯ ਅਰਕ੍ਖਿਤੇਨ ਚਿਤ੍ਤੇਨ, ਅਨੁਪਟ੍ਠਿਤਾਯ ਸਤਿਯਾ, ਅਸਂવੁਤੇਹਿ ਇਨ੍ਦ੍ਰਿਯੇਹਿ। ਸੋ ਤਤ੍ਥ ਪਸ੍ਸਤਿ ਮਾਤੁਗਾਮਂ ਦੁਨ੍ਨਿવਤ੍ਥਂ વਾ ਦੁਪ੍ਪਾਰੁਤਂ વਾ। ਤਸ੍ਸ ਮਾਤੁਗਾਮਂ ਦਿਸ੍વਾ ਦੁਨ੍ਨਿવਤ੍ਥਂ વਾ ਦੁਪ੍ਪਾਰੁਤਂ વਾ ਰਾਗੋ ਚਿਤ੍ਤਂ ਅਨੁਦ੍ਧਂਸੇਤਿ। ਸੋ ਰਾਗਾਨੁਦ੍ਧਂਸਿਤੇਨ ਚਿਤ੍ਤੇਨ ਸਿਕ੍ਖਂ ਪਚ੍ਚਕ੍ਖਾਯ ਹੀਨਾਯਾવਤ੍ਤਤਿ। ਤਸ੍ਸ ਅਞ੍ਞੇ ਚੀવਰਂ ਹਰਨ੍ਤਿ, ਅਞ੍ਞੇ ਪਤ੍ਤਂ ਹਰਨ੍ਤਿ, ਅਞ੍ਞੇ ਨਿਸੀਦਨਂ ਹਰਨ੍ਤਿ, ਅਞ੍ਞੇ ਸੂਚਿਘਰਂ ਹਰਨ੍ਤਿ, વੇਰਮ੍ਭવਾਤਕ੍ਖਿਤ੍ਤਸ੍ਸੇવ ਸਕੁਣਸ੍ਸ। ਏવਂ ਦਾਰੁਣੋ ਖੋ, ਭਿਕ੍ਖવੇ, ਲਾਭਸਕ੍ਕਾਰਸਿਲੋਕੋ…ਪੇ॰… ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਨવਮਂ।
165. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Upari, bhikkhave, ākāse verambhā 2 nāma vātā vāyanti. Tattha yo pakkhī gacchati tamenaṃ verambhā vātā khipanti. Tassa verambhavātakkhittassa aññeneva pādā gacchanti, aññena pakkhā gacchanti, aññena sīsaṃ gacchati, aññena kāyo gacchati. Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati arakkhiteneva kāyena arakkhitāya vācāya arakkhitena cittena, anupaṭṭhitāya satiyā, asaṃvutehi indriyehi. So tattha passati mātugāmaṃ dunnivatthaṃ vā duppārutaṃ vā. Tassa mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti. So rāgānuddhaṃsitena cittena sikkhaṃ paccakkhāya hīnāyāvattati. Tassa aññe cīvaraṃ haranti, aññe pattaṃ haranti, aññe nisīdanaṃ haranti, aññe sūcigharaṃ haranti, verambhavātakkhittasseva sakuṇassa. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. વੇਰਮ੍ਭਸੁਤ੍ਤવਣ੍ਣਨਾ • 9. Verambhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. વੇਰਮ੍ਭਸੁਤ੍ਤવਣ੍ਣਨਾ • 9. Verambhasuttavaṇṇanā
